كهف M الغامض!
يوتيوبر أمريكي اختفى في سنة 2014 بعد ما اكتشف كهف غامض ولحد دلوقتي مظهرش؟!
كيني فيتش يوتيوبر أمريكي، مشهور انه بيعمل مغامرات واستكشاف لأماكن غريبة في الصحرا محدش قبل كده فكر انه يدخلها…
كيني بيلف في الصحرا بالأيام ويصور أماكن مجهولة وغريبة عن الناس، وينزلها على قناته ف اليوتيوب، معرف عنه أنه شجاع ومبيخفش، بيدخل اي مكان ويصوره فيديو، مكانش بيهموا خطورة المكان اللي هيدخله!..
في يوم من الايام ف سنة 2014 كيني كان بيلف ف الصحرا ك عادته، يفضل يصور فيديوهات لأماكن غريبة، لحد ما لقي كهف شكله كان غريب، الكهف ده كان في صحرا نيفادا، وبوابة الكهف ده كان ع شكل حرف ال M, كيني قرر انه يدخل جوه الكهف يستكشفه..
الكهف بوابته كانت صغيره جدا، والباب بتاعه زي ما قلتلكم واخد شكل حرف ال M, كيني وطه بجسمه كله عشان يدخل ل جوه، هي دي كانت الطريقه الوحيده اللي هيقدر يدخل بيها للكهف لأن الباب كان صغير…
كيني اول ما دخل لجوه الكهف اكتشف حاجة غريبة جدا؟ بالرغم ان باب الكهف صغير، يحسسك أن مساحته من الداخل صغيرة مش كبيرة ، بس لما دخل لقي أن الكهف من جوه مساحته كبيرة جدا!
كيني فضل يتلفت ويبص ويستكشف معالم الكهف من الداخل، فضل ع كده يتأمل كل جزئية ف الكهف، لحد ما بدأ يحس ب احساس غريب جدا! جسمه كله بدأ يترعش بشكل مرعب وغريب جدا، ضربات قلبه بدأت تزيد بشكل مرعب، كمان حس ان ف حد بيبلغه انه لازم يخرج من المكان ده حالا! كل الاحاسيس دي خلت كيني يخاف جدا ويخرج بسرعه من الكهف! اللي حصل لكيني كان غريب، هو شخص مغامر متمرث وعنده خبره كبيره في استكشاف الأماكن الغريبة والمرعبة ، ياما دخل أماكن أكثر غرابه من الكهف ده وماحسش بالخوف والرعشه اللي حس بيها جوه الكهف الغريب ده!…
كيني مصورش اي فيديو ولا حتى صوره للكهف ده، هتقولي طب اشمعنى يعني مصورش فيديو زي ما هو متعود يعمل؟ هقولك أن كيني قال انه قبل ما بيصور اي فيديو لأي مكان بيشوف البيئه الأول اللي هو فيها تسمح انه يصور ولا لأ، فهو بقى شاف أن البيئه متسمحش للتصوير ومكانش مجهز نفسه بالشكل الكافي انه يدخل مغامره ويتوغل داخل دهاليز الكهف!…
كيني بعد ما خرج من الكهف ركب عربيته ورجع لبيته، ولما وصل للبيت وبعد ما ارتاح، فتح قناته وعمل لايف وحكى عن كهف M الغامض اللي اكتشفه ف صحرا نيفادا..
كيني قال ف اللايف انه اكتشف كهف غريب جدا ف صحرا نيفادا، وبدأ يوصف لمتابعيه شكل بأي الكهف، و منظره من الداخل، وكمان قال لمتابعيه انه حس بشيء غريب جدا بمجرد دخوله للكهف، احساس اول مره يحس بيه، ووصف انه بدأ يترعش وجسمي كمان يعرق، و ضربات قلبه بدأت تزيد بشكل مخيف كأنه هيصاب بنوبة قلبية!..
الفيديو اللي صوره لنفسه لايف وقال الكلام اللي قلته فوق جاب مشاهدات عالية جدا، مشاهدات اول مره يجيبها ف قناته…
الكومنت اللي جاتله من المتابعين كانت أغلبها سلبيه جدا، كومنتات بتقوله انك كداب، وعايز تعمل مشاهدات من حكاية انت مألفها! كيني اتضايق جدا من الكومنت السلبية وبدأ يقولهم انه مستعد يثبتلهم انه كلامه صح، وأنه هيروح لنفس المكان اللي ل
قي ف الكهف ويكون المره دي مجهز نفسه انه يدخل جوه الكهف ويصور لهم الكهف من الداخل!…
بعد ما كيني قال الكلام ده جاله كومنت غريب من اكونت مجهول لسه معمول من دقائق، كأن اللي عمله، عمله مخصوص عشان يكتب الكومنت الغريب ده؟ الشخص المجهول ده قال لكيني ” بلاش تروح لله ده تاني، لو لقيت الكهف ده ودخلته مش هتخرج منه ابدا”!..
كيني استغرب من كلامه وكتب له كومنت يوضح كلامه اكتر، صاحب الكومنت مردش عليه!..
ف ناس من متابعي كيني بدأوا هما كمان يحذروا كيني ويقولوله بلاش تروح، وانت مش مضطر انك تثبت لحد صدق كلامك، انت متعرفش ايه اللي ممكن تقابله جوه الكهف ده!..
بس كيني كان شخص فضولي جدا ومبيقبلش انه يكون جبان بيدخل اي مغامره مهما كانت صعوبتها! وده اللي كان منجح كيني…
كيني بلغ صديقته المقربه ليه انه هيسافر لصحرا نيفادا عشان يدور ع الكهف ويعمل مغامره استكشافيه جواه! صديقة كيني خافت عليه جدا وقالت له بلاش تعمل المغامر دي، بس كيني كان مصر، وطمنها وقالها انه محضر نفسه بشكل كبير، ومعاه أكل وشرب يكفيه 3 ايام، وكمان قال جمله غريبة جدا؟ قال إن ف شيء مجهول بيدفعه انه يرجع للكهف!..
كيني أده لصديقه لوكيشن للمكان اللي هيروحه عشان يعني لو اخر تبلغ الشرطة!!…
كيني اتحرك لخوض مغامرته اللي ميعرفش هيكون ايه مستخبي له ف المغامر دي!
مر اول يوم وكيني منزلش اي فيديو ف قناته!
ومر كمان تاني يوم من غير ما ينزل فيديو!
والتالت كمانمر ومنزلش حاجة على القناة!
هنا متابعين كيني وبدأوا يكتبوا كومنتات أن كيني جبان، كيني كداب، كيني بيخدع متابعيه عشان عدد المشاهدات يزيد!…
بس صديقة كيني بعد ما عدى اربع ايام ع سفر كيني للبحث عن كهف M الغامض! كتبت كومنت ف الفيديو اللي نشره كيني عن الكهف، قالت إن كيني مختفي بقالو اربع ايام، وقالت كمان ان كيني بلغها انه هيروح يبحث عن الكهف! الكومنت ده خلى المتابعين تتأكد أن كيني ف خطر وقالو لصاحبه لازم تبلغ الشرطة! وفعلا بلغت الشرطة وادتهم اللوكيشن اللي أداه ليها كيني قبل ما يختفي!…
الشرطة فضلت تبحث في كل مكان عن كهف بنفس المواصفات اللي وضحها كيني ف الفيديو اللي بثه ف قناته، وملقيوش ليه إثر!…
بس وهو بيبحثوا لقيو الموبايل الخاص لكيني محطوط جنب باب منجم هو دخله قبل كده! الشرطة قالت إن الموبيل محظوظ بشكل يوضح انه موقعش منه، بل هو قاصد يحطه ف المكان ده عشان لو حد جه يدور عليه يلاقيها واخد الموبيل ويشوف الحاجات اللي صورها! الشرطة اخدت الموبيل وفضلت تدور ع كيني بس من غير فايده، ملقتش ل كيني إثر كأنه فص ملح وداب !…
كيني لحد وقتنا هذا مختفي ومحدش يعرف له طريق؟!
يا ترى ايه اللي حصل لكيني؟! هل قُتل؟ ولا في كائنات مجهولة خطفته؟ ولا الكهف اللي دخله عبارة عن بوابة لمكان ما خارج كوكبنا؟!
اللي حصل لكيني خلى ناس كتير بتقدم. محتوى ع اليوتيوب تنزل فيديوهات تقول فيها أنها هتعمل مغامره وتبحث عن الكهف الغامض ده! وفي واحد نزل فيديو وقال انه لقي كهف M الغامض، وكمان صوره فيديو للناس!…
وقال ان الكهف اللي اكتشفه بنفس مواصفات الكهف اللي كيني قال عليه، البوابة بتاعته ع شكل حرف ال M وجوه الكهف كان مجموعة خشب مرصوصه جنب بعض كأن حد هيولعها، وكمان كمان كان فيه كام علبة عصير فاضية جوه، يعني ده يوضح أن كان ف حد جوه الكهف ده؟!
واغرب حاجة كانت موجودة جوه الكهف كلمة مكتوبة ف جدار ف الكهف، كان مكتوب حرف ال h وكلمة تانية مش واضحة اوي بس الناس قالوا إنها هيتش! وطبعا كيني كان اسمه كيني هيتش! يعني كيني كان جوه الكهف ده! وده هو كهف M الغامض! بس يا ترى كيني راح فين؟! محدش عارف لحد دلوقتي هو راح فين….
كمان حاجة أغرب هقولهالكم، الشخص اللي دخل الكهف أو الفيديو اللي ظهر ع اليوتيوب بعد ما كيني اختفى، ظهر ف الفيديو يافطة كانت قديمه مكتوب عليها المنطقة 51! اكيد كلنا عارفين ايه هي المنطقة 51 السرية المكان السري التابع لأمريكا، متخزن فيه معلومات وحاجات غريبة عن سكان جوف الأرض أو اللي بيقولوا عليهم الكائنات الفضائية!…
واخر معلومة هقولهالكم
صديقة كيني كانت فاتحه الاكونت الخاص لقناة كيني ف الموبايل بتاعها، فهي جه ف بالها انها تخش وتشوف كيني كان بيعمل بحث عن ايه ع الإنترنت؟ وهنا اكتشفت ان كيني بحث كتير جدا عن الماس&&&ونية!…
القناة اللي نزلت الفيديو اللي قالت إنها لقيت كهف M الغامض اللي كيني اختفى بسببه، حذفت الفيديو بعد كام يوم، وبدأت تنزل فيديوهات عاديه جدا، كأنها متكلمتش عن الموضوع اصلا!..
