سما :صباح الخير يا بشريه انا جيت
إياد؛ صباح النور يا برنس اي الدنيا سمعت ان جيلك عريس وبتاع مين ده الي أمه داعيه عليه وهيتجوزك
سما :بشمهندس زين إلى ماسك المشروع بتاعي
إياد :اوبا يعني هيعمله ببلاش
سما :بابا شوف ابنك
محمود؛ ملكش دعوه باختك يا إياد وبعدين انا لسه موافقتش ده عايز يكتب كتابه آخر الأسبوع والفرح آخر الشهر يعني بعد ٢٠ يوم انا مستحيل أوافق على كلامه ده
إياد :اكيد الكلام مرفوض مفيش جواز بسرعه كدا
سما :بس انا موافقه وأظن أن ده قراري وحضرتك علمتنا أن إلى يتخذ قرار بيشيل مسؤوليته لآخر وده قراري وبعدين مش انت دايما بتقول يا إياد امتى هجوزك واخلص منك اي بئا إلى حصل
إياد :انا قايم رايح شغلي بس خطوبه وجواز بالسرعه دي مفيش وانا حر اختي وبقول لا مش هجوزها وبابا مأيد كلامي
سما؛ انت من أمتي بتدخل في حياتي انا حره محدش فينا مسؤول عن التاني مفيش غير بابا وبس إلى كلمته بالنسبالي ممكن تتسمع غيره فلأ؛؛ إياد بصلها بحزن ومشى
محمود :ممكن تسمعي كلمتي عموما براحتك وانا هبلغه موافقتك لأنك فعلا كبيره يا سما وسابها ودخل اوضته؛ سما قعدت مكانها وفضلت تبكي لأنها بس خايفه عليهم ومعندهاش حد غيرهم في الدنيا؛ فقامت لبست هي كمان وخرجت؛؛؛؛؛
العسكري :في واحده مستنيه حضرتك برا يا باشا
إياد:مين
العسكري :مرضيتش تقول اسمها
إياد :دخلها //////////////////////////////////////////////
محمد :ممكن ادخل يا سياده اللواء
محمود قام من مكانه :بتستأذن ده المكتب وصاحب المكتب تحت امرك يا باشا وبعدين معقوله دي محمد بيه الكاشف رجل الأعمال المعروف بيستأذن علشان يدخل مكان
محمد :هههههه حبيبي يا ابو إياد المهم بقى انا كنت جايلك في موضوع وعشمان بئا انك متقوليش لأ
محمود :انت تؤمر مش تطلب
محمد :حبيبي انا جاي يا سيدي طالب ايد الدكتوره بنتك للدكتور مازن ابني ها قولت اي
محمود :واحنا نطول بس الموضوع ده في ايد سما لوحدها انا مقدرش ادخل فيه نهائي دي بنتي الوحيده وانا معنديش أغلى منها هي واخوها والواد سمير دول إلى فاضلين
محمد :ربنا يباركلك فيهم يا سيدي بس انا عارف ان خاطري إلى عندك هيخليك تزق الموضوع شويه وتقنع سما
محمود بغموض ‘:بس يارب تقتنع
