-يعني ايه حقيقية ؟!!
قالها بسام بصدمة فرديت وانا بمسح دموعي وقولت:
-ايوة يا بسام الصور حقيقية تفتكر اني هأذ*ي وسام اللي بحبها اكتر من حياتي وانا مش متأكد …متعرفش قد ايه قلبي واج*عني دققت في الصور …مرة وعشرة ومية بس حقيقية مفيهاش اي تركيب ولا فوتوشوب ده هي ..وهي كانت بتخ*وني…بعد ده كله تخ*وني …قولي يا بسام أنا عملت ايه …قولي !!!أنا حبيتها اكتر من حياتي كلها كان نفسي ابقي معاها في بيت واحد وكنت مستعد افني حياتي عشان هي تبقي مبسوطة …انت فاكر أنها هي اللي بتعاني. .أنا اللي بعاني..أنا اللي اتخا*نت من اكتر واحدة أنا حبيتها …وقت ما شوفت الصور حسيت راسي بت*غلي حسيت اني بمو*ت بالبطئ وانا شايف ان اكتر واحدة حبتها خا*نتني …
دموعي نزلت تاني وبصيت لبسام اللي كان مصدوم وكملت:
-تعرف اللي قا*هرني يا بسام اني لسه بحبها بعد ده كله بحبها ومبستحملش اشوف دموع في عينيها …بحاول الاقي مبررات ليها …بقول مثلا ممكن يكون ده قبل ما تعرفني …لكن في الصور لابسة السلسلة اللي جيبتهالها من شهرين ….بقول يمكن غلطة واسامح بس مبقدرش بقول يمكن كانت سكر*انة واتصورت بالوضع ده …دماغي هتتش*ل من التفكير …
اتنهد بسام وقال:
-طيب موصلتش للي بعت الصور ابدا
هزيت راسي وقولت:
– لا مقدرتش للاسف بحثت عن الرقم طلع خاص …
-الحكاية فيها حاجة يا رأفت متتسرعش ممكن حد يكون وقعها في مش*كلة ايه رايك تواجهها اصل مين ليه.ايد يبعتلك صور زي دي ليها …وليه في اليوم اللي هتتقدم فيه بالذات …من حقها تعرف انت سبتها ليه عشان في الاخر تبقي مظل*متش حد ….
قصه خبايا الجن
-اقولها ايه ؟!!
قولت بقهر وكملت:
-اروح اقولها ليه خو*نتيني !
هز بسام رأسه وقال :
-تقولها كل حاجة …توريها الصور اللي اتبعتتلك …انت اكتر واحد عارف اخلاق وسام ولازم تواجهها وتسمع منها كل الحقيقة …يعني هتثق في حد بعتلك الصور ومش هتثق فيها …شوف ايه السر في الموضوع …اسمع الكلام …واعرف ان ممكن يكون في سر ورا الموضوع ده …
منكرش أن كلام بسام غير وجهة نظري خالص …واقتنعت فكرت في حاجات مكنتش شايفاها …الصور جاتلي من رقم خاص …واتبعتت قبل ما اروح اتقدم بنص ساعة …ومحدش كان يعرف اصلا من اصحابي الا اخويا بس وأهل وسام …طيب مين اللي هيبعتلي الصور دي والأهم مين اللي كان معاها …هو متصور بطريقة أن وشها بس يكون باين لكن هو ميبانش مش شايف الا قفاه وجسمه …بس انا قررت اني اواجهها فعلا واشوف ايه اللي هيحصل !!
…….
-رايحة فين يا وسام ..
قالها والد وسام لبنته اللي واخدة معاها هدايا وماشية .. بلعت وسام ريقها وقالت:
-رايحة عند ولاء يا بابا …
نفخ بضيق فقربت منه وقالت:
-يا بابا ولاء تبقي بنتك برضه …
اتنهد وقال:
-عارف يا وسام …بس هي مبتحبنيش يا بنتي ولا بتحبك امها قس*يتها عليا عشان طلقتها وبقيت مع أمك وسيبتها بس ده كان بسبب تصرفاتها …
مسكت وسام ايديه وقالت:
-لا ولاء بتحبني وبتحبني كتير كمان وبتحبك بس انت يا بابا اللي بعدت عنها يعني حاولت كام مرة بس كان مفروض تحاول معاها دايما …هي تبان قا*سية بس والله طيبة هي بتعاملني بطيبة وحب وحتي لما قولتلها علي موضوع رأفت زعلت عليا وطلبت تشوفني النهاردة …
ربع والدها أيده وقال:
-تمام روحيلها رغم انك من اسبوعين قعدتي عندها يومين وانا اتضايقت وكنت ناوي مودكيش تاني …بس المرة دي مش هتباتي عندها مفهوم!!!
يتبع
سولييه_نصار
