رواية جنة صقر الحلقه 11

يوسف : ايوا بردوا عرفت منين

صقر بضحك وسخرية: هقولك ي يوسف فاكر احمد مختار اللي كان معايا في الكليه صديقي

يوسف : اه االي انت وهو كنتوا بتتخانقوا كتير بسبب كرهكوا لبعض

صقر : الكل مفكر كدا بس اللي محدش يعرفه غير انا وهو عمر ما كان فيه خلاف مع بعض

يوسف بصدمه : ازاي

صقر : لما بدأت أبني الشركة مراد حاول يشوف اقرب صديق ليا ساعتها كان أحمد دا صديقي لف من ورايا مراد وراح لأحمد وعرض عليه مبلغ كبير جدا انه في أي فرصة يبعني وعشان احمد صديق وفي قال ليا اللي حصل وانا احترمته اكتر وبقي عندي ثقة ليه كبيرة جدا ساعتها قولتله يقبل بالمبلغ وانه يبقي راجل من رجالة مراد بس اسما وينقل ليا كل اللي بيحصل معاه وبقي احمد دراع اليمين لمراد عشان كدا احمد لما بيحصل حاجة بيعرفني ومراد ميعرفش انه موجود وسطهم عشاني هو مراد مفكر أن احمد من ساعة لما باعني ليه بقي فرد من رجالة مراد بس هو زرع دراع ليا وسطهم

يوسف : يخربيت دماغك انت شيطان

صقر: انا عمري مأذي حد غير لما يكون أذاني

يوسف: هو اللي عرفك ان هنا بتساعده

صقر : ايوا واللي متعرفوش كمان انه كان معرفني ان هي اللي سبب خسارة الصفقة الاولي وتعمدت اني مكنش عارف عشان تلعب الدور التاني للصفقة التانية وتكون لسه مفكرة اني مش عارف وعشان تفكر اني لسه واثق فيها

يوسف : طب إزاي وجنة مراتك عرفت انها هتسرق الورق وقالت ليك وانت كنت عارف

صقر : جنة كانت حاسة بكدا وانا حبيبت اديها مساحة علي الاقل ترد كرامتها شوية من هنا

يوسف : يعني انت كنت مرتب ليها بقي وعارف اي اللي هيحصل

صقر : ايوا بالظبط

يوسف : طيب انت كنت عارف كدا ومع ذلك كنت بتنام معاها

صقر بوقاحة : عادي دا تسليه

يوسف : ومراتك ي صقر

صقر : مالها

يوسف: انت جرحتها بعملتك دي

صقر باستهزاء: علي اساس واخدين بعضنا علي حب

يوسف : سيب فرصة لقلبك ي صقر يمكن دي اللي تغيرك وتغير حالك وحياتك

صقر بتنهيده طويلة : يلا علي شغلك

يوسف: ماشي بس دي نصيحة سيب قلبك ليها مرة دي كويسة وعمرها ما هتوقعك دي شكلها بتخاف عليك ي صحبي حاول متخسرهاش

صقر : سبها لله ويلا عشان نخلص بدري ونروح

يوسف: ماشي لو عوزت حاجة عرفني سلام

وخرج وذهب الي مكتبه وظل صقر يفكر بكلام صديقه يوسف