” زواج لم يكن في الحسبان” الجزء الرابع
يونس وهو ينهض من على الكرسي كأن لسعه عقرب قال بصوت عال وجنون : أنتي ازاي تسأليني سؤال زي دة ازاااااي مستحيل حد يسكن قلبي بعد مريم ، قلبي أدفن معاها يوم ما جسمها نزل تحت التراب وأخذ يشاور بيده ناحية قلبه ويقول : كل نبض جوايا بأسمها وهيفضل بأسمها طول العمر واتجه ناحيه رغد وأمسك ذراعها بعنف وقال : لو فاكرة انك ممكن تاخدي مكانها جوة قلبي تبقي غلطانه خدتي مكانها كزوجة قدام الناس وشيلتي اسمي بس مستحيل تكوني جزء من حياتي يا رغد وقام بدفشها على الأريكة ورحل من أمامها
رغد بخوف ذهول من هيئته قالت : ده مش حب طبيعي دة جنون وقامت ودخلت الي غرفتها وأغلقت الباب وجلست ع الفراش وسرحت بذاكرتها
فلااااش بااااك
آسر: أنسة رغد
رغد : نعم حضرتك تعرفني ؟
آسر: انا اعرفك من زمان
رغد : نعم حضرتك هتهزر
آسر: رغد انا مراقبك من زمان ومعجب بيكي، وبلغت صاحبتك مي
رغد بقرف: المطلوب ؟
آسر : عايز ارتبط بيكي واتعرف عليكي من قرب
رغد: وانا مش موافقة ، ممكن بعد اذنك امشي وتركته ورحلت
مي صديقة رغد تقول : عايز منك ايه دة ؟ برضو مصمم
رغد بدون اهتمام : قال ايه معجب بيا وعايز يرتبط
مي : وفيها ايه يعني ؟
مي: عادي ي بنتي طالما ارتباط ف حدود الأدب ،
رغد : انتي عبيطة هو أي حد يجي من الشارع يقولي معجب بيكي افتح ليه قلبي يلا يا بنتي ورانا محاضرات بلاش كلام فاضي
بعد يومين تقوم رغد بفتح حسابها الشخصي على الفيس بوك تجد رسالة في other ” طلبات المراسلة” من شخص كان مضمونها اذيك يا رغد انا آسر اللي وقفت معاكي برة الجامعة ممكن تردي عليا ضروري ، انا وصلت للاكونت عن طريق صاحبتك مي
رغد بحيرة : أعمل ايه مع البني آدم دة؟ أرد ولا ايه ؟ بعد دقائق قررت الرد عليه ووقعت رغد في فخة استطاع الشيطان أن يصور لها هذا الأمر بأنه شئ عادي ف لحظة سقطت مبادئ رغد وقامت بإسقاط ثقة أهلها بها الذين سمحوا لها بفعل أي شئ يحلو لها لم تفكر للحظة في عائلتها ولم تحترم غيابهم وبالفعل ردت عليه وهنا كانت بداية العلاقة السرية المحرمة استمر هذا الوضع لمدة شهر كل يوم محادثة وتعمق الاثنين فى الأحاديث ولكن آسر فجأ رغد أنه يريد رقم هاتفها الشخصي ف البداية رفضت ولكن استطاع بأسلوبه إقناعها وبالفعل أخذ رقمها وتواصل معها وكان الاثنين يتحدثان معا لوقت متأخر من الليل وف يوم كانت رغد تتحدث مع آسر بصوت منخفض وفجأه تدخل والدتها فألقت الهاتف من يدها برعب لا تعلم اين وضعته
ثريا : أنتي بتعملي ايه؟
رغد بتوتر : ولا حاجة يا ماما
ثريا : بتكلمي مين كنت سامعة همس ؟
رغد : مش حد يا ماما كنت بكلم نفسي هلبس ايه بكرة للكلية وبراجع المحاضرة اللي ذاكرتها كتذكرة
ثريا : طيب يا حبيبتي تصبحي ع خير
رغد : وانتي من اهلة ، بعد أن خرجت والدتها من الغرفة وضعت يدها على قلبها كاد أن يقتلع من الخوف كأنها أرتكبت جريمة وهي بالفعل جريمة الكذب ، قامت بالتقاط هاتفها وجدت الهاتف دخل ع تطبيق القرآن وتحديدا عند الآيه ” يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَى مِنْكُمْ مِنْ أَحَدٍ أَبَدًا وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ عَلِيمٌ) النور/21،وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنّ [النور:31]. ولكنها لم تهتم لم تعلم أنها كانت رسالة من ربها أن تستغفر تجاهلت الآية واكملت ف تلك العلاقة
باااااك
رغد بندم : سامحني يارب فعلا فوقت متأخر كان فعلا الآية دي أنذار ليا اني ارجع واتوب ولكن فضلت مصممة اكمل الطريق ده للنهاية وكانت نهايته ضباب كله كدب وخداع وخسارة.
عند يونس وهو يجلس أمام قبر زوجتة بحزن قال : بعدك قتلني يا مريم انا تعبت بحاول على قد ما اقدر اكون قوي ومتماسك بس خلاص جبت أخري ، حقك عليا جوازي دة خارج عن إرادتي عملت كدة عشان خاطر أبويا وبس مجرد جواز صوري مش أكتر تأكدي أني هفضل عايش على ذكرياتك لغاية لم نتقابل سوا ف الجنة فقطع حديثة شخص وقال : كنت متأكد اني هلاقيك هنا يا يونس فالتفت يونس لمصدر الصوت وجد……..
