“زواج لم يكن في الحسبان”الجزء الرابع عشر
آسر وهو يتجة ناحية رغد ويرفعها من على الأرض قال بخوف : رغد ردي عليااااا
كانت رغد فاقدة وعيها ووجهها ملطخ بالدماء لدرجة أن ملامحها لم تظهر، تجمع الكثير من الناس حولهم
أحد الجيران : حد يتصل بالاسعاف
شخص آخر : حد يكلم جوزها
بعد دقائق وصلت الإسعاف وأخذت رغد وذهب معها آسر
عند يونس يدق هاتفه فيرد وينهض بسرعة ويقول : ايييييييه انا جاي ويترك عملة بدون أستئذان
ف المستشفى
يونس وهو يقف ف الخارج تعود إليه ذكرياته المؤلمة هذة نفس المشفى التي ماتت فيها زوجتة تذكر كل شئ لدرجة أنه لم يستطيع السيطرة على أعصابة وقوة جسدة فجلس على ركبته فرأه أحد المارة اقترب منه قال : أنت كويس يا أبني
يونس بصوت مهزوز: انا كويس ، شكرا ليك
فتركة الرجل ورحل
نهض يونس من على الأرض ودخل المستشفى اتجة إلي الاستقبال قال لو سمحت ف حادثة جت الطوارئ من شوية مدام رغد
الممرضة أيوة حضرتك ، هي في الدور التاني في العمليات ، في حد جابها وتمم كل إجراءات الدخول بس مش عارفة راح فين ؟
ركض يونس إلي هناك بسرعة وعندما وصل إلي هناك تذكر يوم وفاة زوجتة
جلس أمام الغرفة وأخرج هاتفة واتصل على والده قال بصوت متقطع : الحقني يا بابا أنا في المستشفي تعالى بسرعة وأغلق الخط .وأسند رأسه على الحائط
وسرح بذاكرتة
كم هي صعبة لحظة الفراق ، عندما تفقد عزيزاً كان يشاركك روحك وكل شئ خاص بك،مع غيابه تفتقد طعم الحياة تجد أن الحياه توقفت أصبحت مره من بعده،تتساقط دموعك بلاتوقف، كل دمعة تخرج منك تكون مثل النار تحرق قلبك، وتصبح ميتاً على قيد الحياة .
يونس وهو يقتحم غرفة العمليات ويرى الممرضة تغطي وجهه زوجتة
يونس بغضب وهو يدفع الممرضة بعيداً عن مريم قال بصوت عال : انتي بتعملي ايه بتغطي وشها ليبيه أنتي عبيطة أبعدوا عنها هي نايمة وهتفوق مريم وعدتني انها هتفضل معايا مش هتسبني
واتجة اليها ومسك يدها قال : دة مقلب صح ، مريم ردي عليا وأخذ يهز جسدها وهو يقول أفتحي عينيكي اتنفسي يا مريم عشان خاطري، وأكمل بهيستريا لاااااااااا مستحيل تروحي وتبعدي عني يا مريم فوووووقي انا مستعد أعمل أي حاجة عشانك مش عايز اكون أب مش عايز أنا متنازل عن حق الأبوة لكن مستحيل أتنازل عنك يا مريم واخسرك
الطبيب وهو يقترب من يونس قال: مينفعش حضرتك تعمل كدة انت راجل مؤمن بالله شد حيلك
يونس وهو يتجاهلة وينظر لمريم مرة أخرى وقال بإنهيار : ليييييييييييه تكسريني كدة يا مريم حرام عليكي هعيش من بعدك ازاي وليييييه؟ ينفع كده تسيبي حبيبك في نص الطريق ينفع تهديني بغيابك كده ؟
وضمها لصدرة وأخذ يبكي بصوت عال واكمل بوجع وكسرة : اهااااااااااااااااااااااااا يا مرييييييييييم
يقطع شرودة
محمد وهو يهز يونس بخوف ويقول : يووووونس أنت كويس ، رد عليا يا ابني ايه اللي حصل ، وانت بتعمل ايه هنا يوووووونس رد عليا
يونس وهو ينظر لوالده ولا يتكلم
محمد بقلق وهو يتركة ويذهب تجاه الممرضة التي خرجت من غرفة العمليات قال : هو في ايه يا بنتي ابني ماله
الممرضة وهي تنظر ليونس : طبيعي يا حاج حالته دي واحد زي ده مراته داخلة المستشفي سايحة ف دمها روح يا حاج خليك جمب ابنك هو محتاجلك تقويه عن اذنك وتركته ورحلت .
محمد بصدمة : رغدددددد ، سايحة في دمها ؟
اتجة
اتجه محمد تجاه ابنه مرة أخري الذي ما زال ثابت وجلس أمامة قال : رغد مالها يا يونس عملت فيها ايبييه اتكلم
يونس بصوت مهزوز : معملتش حاجة ،معملتش حاجة
محمد بهدوء: ريحني يا ابني وقولي ايه اللي حصل ورغد وصلت المستشفى ازاي ؟
يونس وجسدة يرتعش قال : حد كلمني وقالي في عربية كبيرة خبطتها و اتصلوا بالاسعاف وجبوها هنا معرفش أي تفاصيل وايه اللي حصل معاها وأخذ يهلوث وهو يقول : هياخدوها تاااااني يا بابا هيخدوها مني هي الناس دي ليبيه بتعمل كدة معايا ليييه بتسرق مني الناس اللي تخصني أنا تعبت
محمد وهو يضم ابنه بقلق وخوف أن تعود له أزمته النفسية مرة أخري قال : أهدي يا يونس محدش هيقدر ياخدها منك رغد هتكون كويسه
ف الإسكندرية
آسر وهو يصفع مي بشدة لدرجة أن فمها خرج منه الدماء قال بغضب : فعلا انتي واحدة مريضة شوفتي نتيجة جنانك وافكارك القذرة رغد ف المستشفى بين الحياة والموت بسببك
مي وهي تبكي : والله مكنش قصدي انا كنت متفقة معاه اعتداء خارجي تخويف مش اكتروالله مكنتش اعرف ان الامور هتوصل لكدة ، وبعدين رغد لم تخاف جامد يغمى عليها عندها (بانتوفوبيا) قولتله اول ما يغمى عليها سيبها و أمشي
آسر وهو يمسكها من شعرها بعنف قال : قسما بالله لو رغد حصل لها حاجة لأبلغ عنك وأقول انك السبب يا مي
مي بخوف وألم : سيب شعري ، لا يا آسر عشان خاطري متعملش معايا كدة ، بلاااش أنا مستعدة أعمل أي حاجة انت عايزاها بس متقولش لحد أن السبب وراء حالة رغد مش عايزة اتسجن مش عايزة مستقبلي يضيع عشان غلطة بسيطة
آسر وهو يتركها : غلطة بسيطة أنتي شايفة كدة؟ وضرب يده في الحائط من شدة غضبه
ونظر ل مي واردف الحل تتعالجي يا مي وتبعدي عن رغد نهائي أنتي فاهمة
مي ببكاء وخوف : حاضر هتعالج يا آسر ، وهبعد عن رغد حاضر والله
ف المشفى
نادية وعلى وهما يتجهان تجاه يونس ووالده
نادية ببكاء : بنتي فييين طمنوني عليها
على وهو يمسك يونس من ياقة قميصة قال : بنتي مالها عملت فيها اببيييه ونظر لمحمد بخذلان وقال : هي دي الأمانة يا صاحبي
محمد وهو يقف ف المنتصف بين على وابنه وحاول تخليص ابنه من يد علي تحدث بهدوء : أهدي يا على انا مقدر وضعك بس صدقني يونس مالوش ذنب انت مش شايف حالته عاملة ازاي
نادية وهي تبكي و تنظر ليونس بكره قالت : أنا أصلا مكنتش موافقة على الجوازة دي كانت جوازة سودة ونظرت لزوجها برجاء قالت عايزة اطمن على بنتي قلبي موجوع يا علي عايزة أشوفها
محمد : رغد ف العمليات يا على ولسه مخرجتش
نادية وهي تلطم على وجهها قالت : عملياااات هي بنتي حالتها خطيرة أوي كدة عملتوا فيها ايه ؟واتجهت ليونس وقالت بصريخ : عملت في بنتي اييييييه اتكلم لو بنتي حصلها حاجة مش هرحمك يا يونس
علي وهو يمسك نادية قال : أهدي يا نادية
ونظر ليونس وجده كالصنم لم يظهر علية أي رد فعل
وجه علي نظره لمحمد قال: عايز اعرف بنتي وصلت المستشفى ازاي وبأي حالة ؟
محمد : والله ما اعرف يا على ، أنا برضة زيكم عايز اعرف ايه اللي وصل رغد هنا وايه السبب ؟
يونس كان في عالم آخر كانت الفكرة المسيطرة عليه ذكريات موت زوجتة ، وكيف وصلت رغد لهنا وما الذي حدث معها ؟
بعد الكثير من المشاحنات والأحاديث بين محمد، علي ، ونادية، يقطع أحاديثهم خروج الطبيب من غرفة العمليات ويقول ………….
