” زواج لم يكن في الحسبان ” الجزء السادس عشر
مرت الأربعة وعشرون ساعة كأنهم أعوام وليست ساعات،
الجميع في حالة قلق لم يغادر أحد منهم المستشفى
يونس بقلق وخوف وهو ينظر لساعته : باقي عشر دقائق ورغد المفروض تفوق صح يا بابا ؟
محمد وهو يضع يده على كتفه قال : إن شاء الله تفوق وتبقى بخير وأحسن من الأول
في غرفة العناية بدأت رغد في استعادة وعيها فتحت رغد أعينها وابتلعت ريقها بتعب
الممرضة : حمدالله على سلامتك
رغد بتعب وهي تنظر لها ولا تعقب
تخرج الممرضة من العناية
يونس وهو يركض تجاه الممرضة أردف : فاقت ؟
الممرضة : أيوة ، هننقلها في أوضة عادية وتقدروا تشوفوها
حمد الجميع ربه على عوده رغد لوعيها
وبالفعل تم نقل رغد لغرفة عادية وأجتمع الجميع حولها عدا يونس
نادية بلهفة وهي تحتضنها: حمدالله علي سلامتك يا نور عيني ، واكملت ببكاء : كده يا رغد توجعي قلبي عليكي
رغد بتعب وصوت منخفض: الله يسلمك يا ماما أنا كويسة متقلقيش
علي وهو يقبل جبينها: حمدالله على سلامتك يا حبيبتي
رغد : الله يسلمك يا بابا
محمد: حمدالله على سلامتك يا رغد
رغد : الله يسلمك يا عمي
ونظرت في جميع أرجاء الغرفة بحزن قالت بينها وبين نفسها: لدرجة دي أنا مش فارقة معاك يا يونس هونت عليك تسبني في موقف زي ده كنت متخيلة أول ما افتح عيني أشوفك قدامي
فيقطع أفكارها محمد قال : ايه اللي حصل يا رغد وصلك لهنا ؟
نادية بضيق : أعتقد مش وقته يا أبو يونس نتكلم في الموضوع ده دلوقتي
رغد مدافعه عن محمد : عادي يا ماما أنا كويسة ، هقولكم كل حاجة وبدأت تسترجع الذي حدث معها قالت …………
عند يونس وهو يجلس في مكان منعزل بعيداً عن الناس ويرفع نظره للسماء قال : الحمدلله يارب أن رغد رجعت لي تاااني مش عارف لو كان حصلها حاجة كان حالي هيبقي ازاي؟ أنا مش قد وجع وصدمة تاااني لو كانت رغد دخلت غيبوبة مش عارف كان وضعي هيبقي إزاي ؟
أنا عارف يارب إني قصرت معاك وفي حقك كتيير أنا راضي بقضاءك بس أوقات الشيطان بيضحك عليه سامحني غصب عني أنا بشر مش ملاك.وسجد سجدة شكر لله لعودة رغد ، واكمل الحمدلله أن الكابوس اللي شوفته كانت مجرد سراب
بعد أن أنهى حديثة نهض واتجة إلي رغد للاطمئنان عليها
وصل يونس إلي الغرفة ووقف في الخارج يستجمع أنفاسه وكاد أن يدلف الغرفة ولكنه توقف عندما سمع اسم آسر من رغد
نطق بغضب : آسر ؟
التفت الجميع له ولكنه لم يهتم
دخل يونس بسرعة ناحية رغد وقال : آسر هو السبب؟ عمل ايه معاكي ؟ وازاي عرف عنوان البيت يا رغد ،أنتي اتواصلتي معاه تاااني ؟
نادية بغضب وصوت عال : براحة عليها هو في ايه ، وايه المعاملة دي قدر وضعها ، وهي دي حمدالله على سلامتها يا ابن الأصول
ونظرت لرغد وقالت : عايشة معاه ازاي ده ؟
يونس بسخرية : هو الحب القديم وحشك ولا ايه بتستغفليني يا رغد
رغد بصدمة وحزن وهي تبكي بصمت لا تصدق كيف يونس يتهممها دون أن يسمع الحقيقيه كاملة ، كيف يحكم عليها ويضع افتراضيات ليست موجودة
علي بغضب : حاسب على كلامك يا يونس واتجه نحوه ودفعه للخلف وأكمل بغضب إزاي تتهم بنتي بكده تقديراً لوضع رغد والمكان اللي احنا فيه كانت رده فعلي مش هتعجبك إحنا معندناش الكلام دة أنا بنتي متربية أحسن تربية أستحالة تدمر جوازها وتخرب علاقتها بيك، عشان علاقة قديمة ونظر لمحمد وقال : ما تشوف ابنك يا محمد
نادية وهي تنظر ليونس بقرف قالت: أنا من الأول وانا قولت الجوازة دي غلط مكنتش ينفع تتم ، بس أمر الله بقى
رغد وهي تنظر ليونس تبتلع ريقها خوفاً منه أن يكشف حقيقتها وعلاقتها السابقة بآسر ولكن
تحدث محمد بصوت عال: عيب يا يونس ايه اللي بتقوله دة أنت واعي لكلامك افهم الحقيقية كلها وبعدين اتكلم
رغد متدخله: اطلع بره يا يونس وجودك مش مرحب بيه هنا بره
نادية وهي تنظر ل علي قالت : مش دة اللي كان قلبك وجعك عليه شوفت تصرفاته ، مستحيل اسيب بنتي معاه دقيقه واحدة رغد هترجع معانا يا علي ونظرت ليونس وأكملت رغد لسه مكانها موجود في بيت أبوها
يونس هو ينظر لنادية ويرد ببرود : خديها، بنتك من النهاردة متلزمنيش
وتركهم ورحل
محمد : أنا آسف يا علي، حقك عليا مش عارف يونس ماله
كلامه ده مالوش أي معنى متاخدش عليه
وخرج خلف ابنه خوفاً من أن يفعل في نفسه شئ ويقوم بتوضيح الأمور له
رغد بحزن وغيظ في آن واحد وهي تمسك زجاجات الأدوية بيدها السليمة وتدفعهم على الأرض اردفت بصوت عال : ولا انا عايزة أبقى معاك أنا بكرهك يا يووووووووونس
ووضعت يدها على رأسها بألم وأخذت تتنفس بسرعة
ناديةبخوف عليها : أهدي يا قلب أمك عشان صحتك هو ميستاهلش أهدي يا بنتي خدي نفسك براحة
علي بقلق وخوف على ابنته: أنا رايح اشوف الدكتور
محمد وهو يمسك ذراع يونس قال : ايه اللي عملته دة غلط يا يونس متبقاش متسرع مينفعش كده
يونس بغضب : لم اسمع مراتي بتقول اسم خطيبها السابق المفروض اعمل ايه ؟ أسمعه اتبسط ولا ايه مش فاهم وبعدين مش آسر ده اللي سبها وهرب رجع تاني ليه وعرف عنوان بيتي منين ؟
محمد: أيوة تسمع الكلام وتفهمه من أوله وبعدين تحكم ، رغد اتعرضت لاعتداء جسدي يا يونس من راجل مجهول وآسر هو اللي أنقذها وهي من خوفها أنه ظهر في حياتها بعد جوازها منك خافت منه وهربت من الشقة وهو كان بيجري وراها وهي من رعبها منه مخدتش بالها من العربيه اللي خبطتها ، عرفت بقا آسر كان ايه دوره في الحكاية
هقولك على نصيحة يا ابني متحكمش على أي شئ الا لم تسمع الموضوع كله الا سوء الظن والحكم الباطل يا يونس
ربنا قال (يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ)
انا جيت عشان خوفت عليك عشان عارف وضعك النفسي ، وعشان اوضحلك انك غلطان تعال معايا واعتذر لرغد وحماك وحماتك
يونس بصدمة وهو يضع يدة على جبينه: ايييييييه إعتداء جسدي في بيتي ومع رغد بس اعتقد رغد مالهاش أعداء أوتعرف ناس يوصل تفكيرهم يأذوها بالشكل ده و مين ده ودخل الشقة ازاي ؟
وأكمل بندم : فعلا شكلي اتسرعت انا مش عارف ازاي قدرت اقول الكلام ده
وأخذ نفسا عميقا وأكمل حاضر ، بس تفتكر هيسامحوني؟ ويقبلوا أعتذاري؟، أنا لم سمعت اسم آسر في حاجات كتير جت في دماغي وحكاية آسر دي فيها غموض ليه ظهر في حياة رغد تاني ؟!
محمد بتشجيع : ربنا بيسامح يا يونس تعال يا ابني الله يهديك مراتك محتاجة ليك مينفعش تتخلى عنها في ظروف زي دي ، لم تخرج من المستشفى نشوف موضوع آسر ده
وأكمل بمكر : انت غيران يا يونس ؟
يونس بتعجب : غيران! ، لا طبعا مفيش الكلام ده، أنت عارف قلبي مع مين وهيفضل معاها للأبد مستحيل حد تاني ياخد مكانها
وغير مجرى الموضوع وقال : يلا يا بابا
وذهب يونس ومحمد لغرفة رغد مره آخرى عندما وصلوا وجدوا الطبيب يتفحص رغد وهي تبكي وتقول : مش حاسة بيهم
محمد : هو في ايه ؟ مالك يا رغد هي ايه اللي مش حاسة بيهم؟
نادية بقلق: خير يا دكتور طمني الله يطمنك
الطبيب : واضح كدة أن المدام عندها شلل في الجزء السفلي الشلل ده مرتبط بالحالة النفسية ، بس اطمنوا دة وضع مؤقت مع العلاج الطبيعي هتتحسن
كان كلام الطبيب صدمة للجميع وخصوصاً على رغد
رغد بصدمة وانهيار ……………
