رواية زين و القمر الفصل 25

بسم الله الرحمن الرحيم اللهم صل وسلم على سيدنا محمد وعلى اله وصحبه اجمعين اللهم اني استودعتك نفسي واهلي فلا تصبنا بسوء واصرف عنا البلاء يارب العالمين

زين والقمر بقلمي دودو محمد⁦⁩⁦⁩

___________ زين والقمر ⁦⁩⁦⁩________

نكمل

زين : ؟؟؟؟؟؟؟؟؟؟

قمر : طب بص بقا علشان انا سبحان من مصبرني عليك دلوقتي

انا كنت سامحتك اصلا بس بعد كلامك نجوم السما اقربلك مني فاكرني عاهره انتي مش عارف دا معناه ايه

انا اللي غلطانه اني بتعامل مع الناس بحسن نيه انت صح لما قولت عني ساذجه وعبيطه وبصدق اي كلمه

مش عايزه اعرفك تاني

مشاعر الناس مش لعبه علشان تلعب بيها ذنبي ايه انا علشان تاخدني بذنب غيري. كل الحكايه اني طيبه

هي الطيبه في الزمن بقت غلط وعيب وحرام ما بتصدقوا تلاقوا حد طيب تجرحوا فيه

سلام مش عايزه اشوفك تاني. وخرجت من الحفل بعد أن ودعت صديقتيها وحزنهم أنها ذاهبه فقد كانوا يتابعون ما يحدث

واخبرت شمس أن تعود مع مالك فهي بحاجه للاختلاء بنفسها قليلا تبحث عن الهدوء

أما عند زين

مالك : انت يا ابني جبله قول قول انت جبله صح

يعني جيت تكحلها عميتها من اللي انت حكيتهولي

هي معاها حق الموضوع وصل للشرف يا زين الكلب.

تصدق يلا انت متساهلهاش

زين : عايزني اعمل ايه وهي بتقولي قول انت عملت ايه بصراحه خريت زي الجردل قولت كل حاجه

مالك بسخرية : لا يا راجل قولت كل ما يجيش في صدرك وارتحت كدا. احب اعرفك بس قمر من سابع المستحيلات ترجعلك تاني

مالك : انا ماشي وابقا فكر في كلامك قبل ما تقوله. سلام يا زين ٠٠٠ سلام يا ٠٠٠٠٠٠٠ اخويا

ذهب مالك الي معذبه قلبه التي حتما ستودي به الي الهلاك

هي وفستانها. هذا



مالك بتنهيده قويه : زين بيعكها جامد اوووي واختك مش هتستحمل دا اختك رقيقه

شمس : انا مش عارفه هو بيعمل كدا ليه والله نفسي اروح امسك في زماره رقبته اه يا ناري

مالك : بس سيبك انتي ايه الحلاوه دي كنتي مخبيه دا كله فين

شمس : طول عمري حلوه

مالك بحنق : يا شيخه دا انا كنت افتكرت انك خلاص واحد صاحبي من كتر ما انتي بتلبسي القميص والبنطلون. ولمه شعرك

شمس : هو يعني علشان بلبس قميص وبنطلون يبقي ولد انت غلطان. انا مش بحب الكعب ولا بحب الحاجات القصيره انا بلبس اللي باخد راحتي فيه امشي فيه من غير قيود ميهمنيش رأي حد اهم حاجه راحتي انا

مالك : تصدقي اقنعتيني

( مش بالشكل يا جماعه بالجوهر مش كل اللي لبس كعب وفستان تبقي بنت البسوا اللي ترتاحوا فيه مش اللي الناس عايزاه بس يكون لبس محترم ومحتشم ،⁦⁩)

بعد وقت انتهي الحفل وذهب كل عريس بعروسه

________الحمد لله ____________

عند صبا

صبا : اي دا انت بتعمل ايه نزلني نزلنااااااااي يا مجنون

امجد : هشششششش ايه اسكتي خرمتي ودني

ثم إن انتي اول مره تخشي بيتي يبقا لازم تدخلي متشاله بعيدا عن أن دي التقاليد بس انتي ملكه مش ايوه ملكه قلبي اللي مفيش فيه غيرك وملكه بيتي

نظرت له صبا بخجل وثمنت

دخل الي الغرفه وانزلها وعلامات التوتر والقلق ظاهره علي وجهها

امجد : صبا انا هروح اغير في الأوضه التانيه انتي غيري هنا علشان نصلي مع بعض

صبا : حاضر

وبعد وقت انتهي من الصلاة

امجد بجديه : صبا انا عارف انك خايفه بس انتي بتثقي فيا

اومأت صبا برأسها. دليلا علي الموافقه

أمجد : يبقي تخليكي متأكدة اني عمري مهأذيكي

ثم وضع يده علي رأسها وقال

أمجد: اللهم إني أسألك خيرها وخير ما جبلتها عليه

، وأعوذ بك من شرها وشر ما جبلتها علي

واخدها معه يدخلها الي عالم الزوجيه عالم لا يوجد به سواهما

وكفايه بقا كدا عيب دي خصوصيات سيبوهم لوحدهم

_______ الله اكبر _______

لدي قمر تجلس بالقرب من منزلها علي كورنيش النيل

شارده الذهن تنظر إلي السماء

تتردد

البعد..

بفتكر زكرياتي معاه بمجرد ما اسمع أغنيه او حتي يتقال قدامي اسمه

البعد مش بحاجه معينه زي ما حنا مفكرين..

ممكن إنك تفارق شخص لأجله لأن وجودك معاه مش ف مصلحته مع انك بتحبه..

وعارفه اني انا بحبه اوووووي بس قربي منه مسسبليش غير وجع القلب والكسره

كنت مفكراه كدب عليا كدبه يعني كلنا بنكدب ودي حاجه مش عاديه بس احنا بنعديها علشان حياتنا تمشي إنما الموضوع وصل عنده للشرف

ليه كدا دا انا كنت سامحتك ليه يا زين تعمل فيا كدا

انا تقول عني عاهره وكل يوم مع واحد شكل

انهمرت دموعها دون أن تشعر

وجدت. من يمسح بيده علي شعرها بحنان

قمر : انتي مين

المرأه : انا واحده علي باب الله شوفتك حزينه ومهمومه قولت اكلمك يمكن اخفف عنك شويه

قمر بضعف : هتقدري

المرأة : بإذن الله

حكت لها قمر ما حدث وسط بكائها

قمر : وكملت النهارده البيه المحترم جاي يتهمني في شرفي. بيقولي كنت فاكرك زيهم بيقولي بكل بحاجه انتي عاهره

المرأة : انتي صح هو شخص من الاول بيهينك البعد عنه افضل بس بردوا. هقولك انك في ايدك تغيريه

قمر : ازاي

المرأة : يعني لو هو بيحبك بجد مش زي بنات اليومين دول من اقل كلمه تقولك دا بيحبني لا لما تكوني متأكدة من حبك ليه ويدخل. بيتك طالبك في الحلال

وقتها بس تقدري تغيريه تقدري تستخدمي اسلحتك

كيد النساء زي ما بيقولوا.

متزعليش …واطمني كل اللي بيحصل معاكِ دا خير حتي الحاجات اللي بتوجعك أوي دي والكلام اللي بيجرحك والمواقف اللي فضلتي ساكته فيها كل دا ربنا عالم بيه وعالم إيه الحاجات اللي معلمه جواكِ وتعباكِ وقادر سبحانه إنه يبدل وجعك وجرحك دا لفرحه وجبر خاطر بطريقه متتخيلهاش إنتِ بس اصبري وارضي وإضحكي أصل ضحكتك مهمه أوي لناس كتيره بتحبك

– ربك حبيبك قال في كتابه *” لا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً “* وقال بردو *وَلَسَوْفَ يُعْطِيكَ رَبُّكَ فَتَرْضَيٰٓ “

يعني هيديكِ لحد ماترضي ويفرجها عليكِ من حيثُ لا تعلمي *” وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ—- فَسَبِّحْ بِحَمْدِ رَبِّكَ وَكُن مِّنَ السَّاجِدِينَ “*

قمر : شكرا اووووي انا بجد ارتاحت لما اتكلمت معاكي حقيقي بشكرك

المرأة : دا رقمي يا بنتي لو احتاجتيني كلميني. وانا مش هتأخر عنك ومش هيمنعني عنك غير الشديد القوي

قمر : انا اسمي قمر. وانتي هسميكي منقذتي

المرأة : حلو منقذتي ربنا يفرحك يا حبيبتي انا همشي انا بقا

قمر براحه : سلام خلي بالك من نفسك

___________ استغفر الله_________

عند دره

خلصوا صلاه ودره قعدت بتبكي علي الكنبه اللي في الأوضه

صابر بقلق : مالك يا حبيبتي فيكي ايه

دره : كان نفسي يكون عندي أهل اللهم لا اعتراض على حكمك بس احساس اليتم وحش اوووي انك مش لاقي حد تشكيله همك مش لاقي حد تتسند عليه

مش لاقي الحد اللي لما الدنيا تضيق بيك هو اول حد يفتح ليك دراعاته

وحشني حنان امي اووووي وحشتني ووحشني ايام مناقرتنا انا وهيا مين اللي يقعد جمب بابا

عارف كنا نقعد نتخانق تقولي انا امك وامرأته اقولها

وانا بنتك وبنته. ونقعد نتخانق لحد ما بابا يقعد في وسطنا وياخدنا احنا الاتنين في حضنه

كان دائما يقولنا انتوا الاتنين مفيش غني عنكوا

ماما سابتني انا وهو وبعدين هو راحلها. وسابني طب سابني ليه مأخدنيش معاهم بدل ما انا متبهدله في حياتي كدا.

عارف انا بحمد ربنا كل يوم انك بقيت ليا سند وضهر

في الدنيا وبدعي ربنا انك تكون زوجي في الاخره

انت كتير عليا والله انت عارف يا صابر

_انا بحبك اوووي والنهارده لما وقفت قدام فوزيه ودافعت عني حبك زاد في قلبي حسيت

اني اخترت صح

اخترت راجل بيدافع عني

بيحميني من اي حاجه حتي من نفسه

مش لاقيه كلام اقوله.

بس كل اللي اقدر اقولهولك

انك بقيت اناني اللي مقدرش استغني عنه في يوم من الايام

صابر : حبيبيتي احنا الاتنين ملناش غير بعض نسند بعض في الدنيا. دي مفيش حاجه توقع بينا اي مشكله بينا تتحل بالعقل. وبهدوء

ما تسمحيش لحد يهز ثقتك فيا وانا كذالك أي حد يقولك حاجه عني يبقا تردي غيابي وتستنيني لما اجي تساليني الكلام دا صح ولا غلط وانا كذالك

مفيش يوم تبعدي عني علشان ببساطه بحبككككككككككككككك جدا يا درتي وما قدرش استغني عنك ابدا في يوم من الايام مقدرش اتخيل

حياتي من غيرك

عارفه انا الاول مكنتش برجع البيت الا علي النوم بقضيها سهر ولعب

من يوم ما عرفتك وانا بخلص شغلي وبلف وراكي مكنتش بسهر

ومن اسبوعين لما جيتي عيشتي معايا

كنت ما بصدق الشغل يخلص واجي جري علي البيت كنت ببقا خايف عليكي وانا طالع في مأموريه

انتي بقيتي كل حياتي

ثم صمت قليلا وقال بغمزه

صابر : اي بقا احنا هنقضي الليله في ذكريات اللذي مضي ايه

دره : ايه

صابر : تعالي اقولك وهمس لها ببعض الكلمات في أذنها

لم تلبس دره قليلا حتي احمرت وجنتاها بخجل. وشهقت ثم قالت : يا ٠٠٠ يا ٠٠٠ قليل الادب ٠٠ انت قليل الادب ياصابر

صابر : الله اكبر ماحنا بنتكسف اهو

ثم وضع يده علي رأسها وقال : اللهم إني أسألك خيرها وخير ما جبلتها عليه ، وأعوذ بك من شرها وشر ما جبلتها علي

صابر : انا لو استنيتك يبقي هخلل جمبك والواد زين هيشمت فيا

استعنا علي الشقا بالله تعالي اقولك بقا

عيب اوووي لحد كدا انتو لسه قاعدين بتعملوا ايه يلا من غير مطرود

ما نزعجهمش

____ زين والقمر بقلمي دودو محمد⁦⁩⁦⁩_____

يقف في شرفه غرفته يحتسي كوبا من النسكافيه الساخن

هو انتوا ليه محدش مصدقني ٠٠ انا والله اتغيرت وعلي أيدها. ٠٠٠٠ عنيها فيها كميه حب واحترام مش طبيعي ٠٠ انا عارف أنه صعب حد زيي يتغير ٠٠٠ بس

انا اتغيرت ٠٠٠٠ عارف اني غلط واني قولت وعملت حاجات ماينفعش اعملها. ٠٠٠ بس ربنا بيتوب علينا ليه مش قادرين تسامحوني انتو كمان ٠٠٠٠ هي عندها حق مين اللي حد يتهمه. في شرفه ويسكت

بس هي سكتت ٠٠٠٠٠٠ سكتت وسكوتها دا بيقتلني

بتحسسني بجريمتي طول الوقت ٠٠٠‎اتنهد وقال..

انا عارف انها كانت بتحبني اوووي٠٠٠٠٠٠ من غير ما تقول

لبس انا كنت واثق أنها موجوده ضاعت مني لأني كنت ضامن وجودها ٠٠٠٠٠٠٠٠٠٠٠٠ انا عارف اني انا غبي واستاهل الحرق

بس اعمل ايه انا نفسي مش بقدر اتحكم في تصرفاتي وهي قدامي اعمل ايه يعني حسيت اني بقيت مراهق بقيت طائش

أتعلمين يا قمري

. لقد تباهت بك الازهار٠٠٠٠ يا سيده الورود وما انتي

الا زهره ٠٠٠٠٠ نعم انتي زهره علي جميع الازهار

______ لا اله الا الله______

زين والقمر بقلمي دودو محمد ⁦⁩⁦⁩⁦⁩⁦⁩⁦⁩⁦⁩

نرجع لقمر تاني

قاعده هي وشمس بيتكلموا وقمر بتقول

*هو كدب.مره طبيعي يكدب الف ، ولو إتعود إن فى كل مرة يكدب و بيبعد فيها هيرجع يلاقيني مش هيبطل كدب ولا بُعد ، ولو أنا مستحمله منه حاجات محدش يستحملها غيري هيشيلني فوق طاقتي بزيادة ، ولو انا حسسته بقيمته وإدتله أكبر من حجمه أول مايحس بنفسه هيشوفها عليا انا و بس.

بمعني اصح هينفش ريشه عليا

اعمل ايه

عارفه ان بابا وماما مش هيرضوا

شمس : بس عليكي وعلي اسر اقنعيه ولو اقنعتيه يبقي الباقي سهل دا حبيب أمه وأبوه

قمر : عندك حق شوفي انتي مذاكرتك وانا. شويه كدا وهروحله

صمتت قمر تقول بداخلها.

أشـتـهـي الـنـوم ألـف سـنـه….

انا لـسـت مـتـعـبه ….

ولـكـن قسما بالله بـقـلبـي وَجَـع قـتـل رغَـبـتـي بالـحـيـاة ..!!‬‏

الوحدة أحياناً مؤلمة، لكنها تغنيك عـن محبه كاذبه

لا يغرق المرء لأنه سقط في النهر، بل لبقائه مغمورا تحت سطح الماء وانا كذالك. لم اغرق حينما احببت ولاكن غرقت حينما. لم اعلم كيف اتخلص من حبك اللذي يؤلمني.

اهي لعنه واصابتني

ام هو حب صادق لك وبالمقابل خداع لي

لم اعد اعلم ما يجول في خاطري من هواجس تمنع عني النوم

تنهدت ثم توجهت الي اسر أخاها الذي طالما كان سندا لها

هي تعلم أنه يحب شمس ولاكن قمر يحبها أكثر

دائما ما كانت تشعر. أنه يحبها عن شمس

لم تراه يوما يتحدث عن نفسه ومشاكله مع شمس مثلما يتحدث معها

هي دائما الأقرب الي قلبه

طرقت الباب وطلت برأسها للداخل

قمر : فاضي يابرنس اتكلم معاك شويه

اسر : ولو مش فاضي افضالك

قمر : بس شكلك مشغول

آسر : عادي كنت بدرس حاله عندي كدا معقده. سيبك مني في ايه

قمر : هي حاجه خاصه بيا انا

اسر : قولي يا حبيبتي سامعك

قمر : عايزاك الاول ما تزعلش مني انا مقدرش علي زعلك

آسر : دا الموضوع شكله كبير بقا قلقتيني

قمر : اوعدني الاول

آسر بنفاذ صبر : اوعدك اخلصي بقا

قمر وهي تغمض عينيها : اسمعني للأخر وما تقاطعنيش.

انا روحت شركه الحديدي وانا معرفش حد هناك صاحبت دره وملاك وصبا وربنا يعلم انا حبيتهم قد ايه ٠٠٠٠٠٠٠٠٠٠٠٠٠٠ شويه شويه طلعلي حد اسمه زياد أو كان اسمه زياد قالي أنه فقير مش فقير بمعني اصح مستواه المادي متوسط ٠٠٠٠ كويس يعني قالي أنه يتيم

هو اصلا شغال في الشركه هو اللي ساعدني في حفله الملكه نجحت بفضله هو ٠٠٠٠٠٠٠٠٠٠٠شويه شويه حبيته. ما تستغربش ايوه حبيته وبقينا نتكلم عادي بس ما قولتلوش اني بحبه ٠٠٠٠٠

ملاك تعبت في يوم ومجتش الشركه كان واجب عليا اني اروح ازورها ٠٠ روحت ويارتني مارحت ٠٠ الامن

قالي أنها في جنينه الڤيله روحت هناك

وهناك سمعت وشوفت وعرفت اكتر حاجه ممكن تقهرني ٠٠٠٠٠٠ زياد اللي حبيته طلع زين اخو ملاك اللي كان باشتراك معاها بيضحكوا عليا سمعت كلامهم عني وقد ايه انا طيبه وهبله وعبيطه وبصدق اي كلمه. زياد بقي زين مكنتش متوقعه ابدا

روحت 12 يوم لوفد جاي للشركه علشان اعرف اصفي أفكاري

لقيته هناك ما شوفتوش بس كان علي طول بيبعتلي رسائل ودا برده بتخطيط من ملاك

انا عارفه أن ملاك مش وحشه وبتحاول تصلح بينا

وكنت جايه اصلا وانا ناويه اسامحه وارجعله

بس قالي في الفرح أنه كان مفكرني ٠٠٠٠٠٠ صمتت قليلا وتحدثت بقهر يشوبه الدموع ٠٠٠٠٠ مفكرني

فتاه ليل أو عاهره كل يوم مع واحد شكل خدني بذنب التجربه اللي مرت بحياته انا قررت اقطع علاقتي بيه اصلا وعايزه ابعد شويه

آسر بحزن : كل دا ومفكرتيش انك تقوليلي امال انا اخوكي ليه مش علشان ترمي عليا همك

قمر : معلش يا أسر

اسر : زين ابن الكلب دا والله لأوريه ومش هيعدي من تحت ايدي ازاي يقول عنك كدا. هو ايه حمار ما فيكرش

قمر : خلاص يا آسر المهم انا جايلي فرصه عمل بره مصر لكده ثلاث شهور هقدر التعافي فيهم نفسيا أن شاء الله

وافق علشان خاطري ولو سمحت أقنع بابا وماما

آسر : ٠٠٠٠٠٠٠٠٠٠٠٠٠

وكدا يكون الفصل خلص اتمني يكون عجبكم

نكمل الفصل الجاي اشوفكوا علي خير