الفصل الثامن والعشرون
بسم الله الرحمن الرحيم
اللهم صلي على محمد وعلى اله وصحبه اجمعين
فصل النهارده فيه شويه من حياتنا العمليه
يعني زي درس بسيط جدا نتعلم منه أي حاجه اتمني تفهموا والناس تفكر تاني في مشاعرها اللي بتديها لناس ما تستاهلهاش
مش كل حد شكله حلو يبقا نحبه نشوف الجوهر يا جماعه.
يزول الشكل والمظهر ويبقي القلب كما هو. علشان كدا قبل ما نحب حد نفكر يا تري هو دا أو دي الشخصيه المناسبه لينا ؟؟؟؟؟
زين والقمر بقلمي دودو محمد
الدعم فضلا
_____ زين والقمر بقلمي دودو محمد_____
_____أسر : مين بيخبط كدا وفي وقت زي دا دي الساعه داخله علي واحده بليل
احمد : مين يا ابني
فاطمه : في إيه
شمس في سرها : أكيد المتعوس زين علي ما فاق من صدمته
احمد : طب افتح يا ابني
أسر : حالا يا بابا
فتح أسر الباب. ليجد من يقف وعلامات الشحوب باديه علي وجهه وهناك آثار دموع جفت علي وجنتيه وشعره مشث وثيابه رثه كأنه لم يغيرها منذ زمن
أسر بتهكم : أستاذ زين خير
زين : هي ٠٠٠ احم هي قمر فين
احمد : خير يا ابني في أيه قمر مسافره
زين : مسافره فين يعني
احمد : راحت شغل تبع شركتها. بره مصر يعني بس معرفش انهي دوله
نظر زين لتلك الشمس اللعينه التي تبتسم ابتسامه متهكمه وتعقد يديها أمام صدرها هي وأسر الذي يبتسم أيضا بسخريه هؤلاء اللعناء اكيد هم يعلمون اين كما يعلمون ما فعله هو
أسر : معلش يا زين باشا احنا عايزين ننام والوقت زي ما انت شايف مينفعش اقولك اتفضل وحضرتك واقف تبصلنا
زين بحرج : عن اذنكم بس لو سمحت انا هستناك في كافيه ****** بكره الساعه عشره ضروري
أسر : تمام
في الصباح
يجلس منذ الثامنه صباحا ينتظر ذاك المدعو آسر
شارد الذهن ينظر الي الماره. لم يعلم كم فات من الوقت
هو. فقط ينتظر أي خبر عن معشوقته
أين ذهبت هو غير واثق أنها سافرت الي الخارج بحث عن إسمها في قوائم المسافرين ولم يجدها ذعبع الي الموانئ البحرية ولم يجد أيضا ما يدل علي سفرها. لم ينم طيله الليل يبحث ويبحث اين هي
مضي ساعتان ونصف ولم يشعر حتي جلس أسر
آسر : معلش اتأخرت عليك !!!!
زين بحزن : ولا يهمك قولي قمر فين
آسر : معرفش
زين : والله انا ما كنت اقصد اقولها كدا ابدا هي قالتلي جاوب بصراحه انا عارف انها مش زي أي حد
بس قولي هيا فين ٠٠٠٠٠ و. وعد وعد والله مش هأذيها تاني حتي لو بكلمه
آسر : منا قولت معرفش
زين : ليه مش عايز تقولي انا والله بتعذب
آسر : وانا معرفش سلام بقا علشان ورايا شغل ونصيحه من حد اصغر منك بلاش تاخد حد بذنب حد وفكر قبل ما تنطق أي كلمه
زين : حاضر بس علشان خاطري قولي هي فين
آسر : سلام وارتدي نظارته وأخذ متعلقاته وذهب
تاركه رجل محطم ورائه
( اللي هتقول معنديش قلب هي حره دا يستاهل ضرب الجزمه حد يزعل بسكوته زي قمر كدا
حد يزعل بسكوته زي قمر كداوبعدين. دا واحد بيخوض في الشرف يبقا يستاهل الحرق )
)___ زين والقمر بقلمي دودو محمد______
______مالك : ليه مش عايزه تقوليلي قمر فين
شمس : وهي تلعب بأظافرها ببرود تام : علشان هتقول للفلحوس اخوك وعلشان متأكده أنه هو اللي باعتك
مالك : حرااام عليكي يا شمس زين بقاله يومين ما نمش وتعبااان
شمس : بص يا بابا نهايه القصه تسألني. قمر فين هقولك مفيش مشكله خالص بس تنسي شمس نهائي وأنا مش زي قمر مش بسامح اصلا. يعني هقولك وهسيبك وأمشي تيجي تصالحني هديك بالجزمه على دماغك
فكر وقولي عايز تعرف ولا لا يلا. تشااااو
( الله الله شمس بقت بتقول تشاو. للي ميعرفش تشااو يعني إيه فهي يعني سلام بالمصري )
)مالك : يخربيت كدا طب اعمل إيه من جهه شمس مصيبه حياتي وبلوتي السوده ومن جهه تانيه زين
يارب سهل يارب سهل
___ زين والقمر بقلمي دودو محمد_____
_____رقيه الأم : جاهزه يا ملاك
ملاك : أيوه يا ماما جهزت
رقيه : طيب يا حبيبتي الناس وصلت شويه وهبعتلك تيجي ماشي
ملاك بشرود. : ماشي يا ماما
تتذكر عدد مرات اتصالاتها برعد ولم يجب عليها تتذكر الرسائل التي ترسلها إليه وهو يراها ولا يرد
تذكرت كم من مره بكت
علي حبها لذاك الفاسق
اقسم إني سأنزع حبك من قلبي معشوقي الغادر
ملاك : اخر رساله هبعتهالك يا رعد وحياه حبي اللي حبيتهولك مش هكلمك تاني
كتبت له
( رعد. انا بقالي يومين بتصل بيك وببعت رسايل ما بتردش كنت عايزه اقولك إن في حد هيخطبني إن كان الأمر يعنيك )
انتظرت ثواني وجائها الرد هكذا
( ملاك انا سألت علي الشخص دا هو كويس وعارفه بيعشقك اوووي عنده استعداد يموت علشانك وافقي يا ملاك وأرسل لها علامه تدل على حزنه )
)كتب ملاك
( بسهوله كدا بتقولي وافقي خساره بجد خساره حبي اللي حبيتهولك )
رعد
( جايه تعترفي بحبك دلوقتي )
ملاك
( خلاص أنا رايحه أقابل الشخص اللي مستني وأوعدك لو ارتحتله وكان مناسب هتخطب له وهكون مخلصه له. وهرميك إنت وذكرياتك في أقرب مقلب زباله سلام )
)ثواني وأخذت شهيقا طويلا وخرجت
عز : وأدي يا سيدي عروستنا الحلوه
ملاك. وهي لاتنظر إلا للأرض : السلام عليكم
رعد والموجودين : وعليكم السلام
رأفت والد رعد : عز باشا يشرفني طبعا أطلب إيد الأنسه ملاك لابني
زين : الرأي رأي ملاك
رعد بعد يكون دام طويلا : طب ممكن اتكلم معاها شويه
عز : طبعا اتفضل يا رأفت باشا. نسيبهم لوحدهم شويه
زين : ما تتأخرش يا خويا خمس دقائق مش أكتر
رعد نظر إلي ملاك الشارده أمامه والتي لا تعي ما يحدث حتي أنها لم تنتبه عندما ذكر إسمه
رعد : ملاك ٠٠٠٠ ملاك. ٠٠ هتفضلي ساكته كتير
ملاك بانتباه : ها. احم ايوه وأكملت باستغراب أبيه رعد بتعمل إيه هنا وفين العريس
رعد بابتسامه زادته وسامه : انا العريس
ملاك : نعم اللي هو ازاي يعني
رعد : قولتلك إنه بيعشقك وأنا بعشقك
ملاك : طب مكنتش بترد عليا اليومين اللي فاتوا دول ليه
رعد : كنت عايز اعملهالك مفاجأة
ملاك : بالبساطه دي إنت عارف اليومين دول عدوا عليا إزاي
دول عدوا كأنهم سنين مش عارفه اعمل ايه وبكلمك مش بترد مكنتش بأكل وتقريبا مكنتش بنام غير قليل ٠٠٠ مكنتش ببطل عياط وحضرتك عادي جدا
عز : ها يا ولاد اتفقتوا
رعد : أيوه يا عمي أتفقنا إن شاء الله الخطوبه الخميس الجاي و الفرح بعد شهرين كويس
ملاك : بعد إذنك يا بابا أنا مش موافقه عن إذنكم شرفت يا عموا رأفت. وأسفه بس مش هقدر
رأفت بحزن : عادي يا بنتي
زين أخد رعد علي جمب : حصل إيه يا سي زفت
سرد رعد كل ما حدث ل زين
زين : رغم إنك صاحبي وهي أختي أنا فاهم وجهه نظرك وعملت زي ما انت قولتلي
وما قولتلهاش العريس مين بس إنت غلطان يا رعد
رعد بحزن : عارف بص قدامك النهارده بكره الصبح تكون جايبلي رد الموافقه منها
وإلا قسما بالله لاخطفهالكم ومش راجع بيها غير وهي مراتي
زين : إيه حيلك حيلك يا عم رعد ملاك أو موافقتش محدش هيغصبها عليك وأنا أول واحد هكون معاها
رعد : إنت حتي تتشطر عليا طب ما تتجوز قمر ولا إنت فالح بس تقعد تشتم وتجرح فيها
لمعه من الحزن والألم والخوف من الفقد ظهروا علي وجه زين : عندك حق بس ياريت الاقيها أنا بس ترجعلي ومش هسيبها غير وهي مراتي عن إذنك
رعد : زين أنا آسف يا زين عارف إني مدب في الكلام
زين : محصلش حاجه انت مقولتش حاجه غلط وتركه مغادرة الڤيلا
رعد : هو اليوم دا ماله كدا استغفر الله العظيم يا ربي
____ زين والقمر بقلمي دودو محمد____
____صبا : أمجاااااااا. سيبني ماما تقول علينا إيه
أمجد : دك سل يسلك يا شيخه صرعتينا وبعدين تعالي هنا أمك هتقول إيه عرسان بيعملوا إيه يعني
صبا : أمجد انت سافل
أمجد : غيره
صبا : حل عني يا أمجد
أمجد : عليا النعمه أنا حد بصلي في الجوازه
يا هي عين زين الزفت انا عارف
صبا : بتقول إيه يا حبيبي
أمجد : مفيش بدعيلك يا حبيبتي بدعيلك
صبا : طب قوم يله علشان نخرج وعايزه اتصل علي ماما
بعد مده
كان أمجد يجلس بجوار صبا يحتضنها جالسين علي البحر وتلعب صبا بالرمله
أمجد : عارفه يا صبا أنا قد إيه حلمت بالقعده دي من أول مره شوفتك أنا اصلا كنت تقريبا طول الوقت متابعك يمكن مكنتش بتكلم بس سكت لما أتأكد من إحساسي إني بحبك مكنتش عايزه ألعب بيكي ٠٠٠٠٠ عارفه ليه ٠٠٠ لأنك الوحيده اللي دخلت قلبي من اول مره شوفتها قلبي دق بطريقه مشوفتش زيها قبل كدا كنت حاسس إن قلبي دا هيخرج من مكانه. كنت ببقا قاعد وخائف ٠٠٠٠ اه خايف حد يسمع دقات قلبي اللي عامله زي الطبول
كنت لازم أتأكد من إحساسي الأول ٠٠٠ وفي نفس الوقت كنت خايف أجي ترفضيني
صبا : وأنا والله بحبك أوووووووي
أنت الراجل الوحيد بعد بابا الله يرحمه اللي بحس معاه بالأمان
الحب مش كل حاجه ٠٠٠٠٠٠أنا كمان كنت مستنيه اعرفك قبل ما ناخد خطوه الجواز دي ٠٠٠ علشان كدا كنت مترددة لما كنا بنحدد الفرح
بعترف إني بحس معاك بالأمان والمسؤوليه بحس إني مسؤوله منك لقيت فيك الشخص اللي هيتحملني في فرحي وحزني ٠٠٠٠٠٠٠ وقت قرفي برده علشان عارفه أنك صبور جدا. ومش متهور. لو حصل حاجه بتسمع مني الأول ٠٠٠٠٠٠وبعدين تصدر حكمك عكس كتير من الناس اللي بتصدر حكمها الاول ٠٠٠٠٠ التهور في العلاقات بيخسرنا بعض
لقيت فيك الشخص الحكيم اللي بيسمع مشاكلي التافهه برحابه صدر ٠٠٠٠٠٠٠ اللي لو مش فاضي يفضي نفسه علشاني لو محتاجه حاجه
لقيت فيك الشخص اللي اعرف اتجنن معاه بدون أي قيود ٠٠٠٠٠٠٠بحب أناقرك اووووي أنا من النوع اللي مبيحبش الهدوء في العلاقات ٠٠٠ لازم نضيف ليها المرح والفرح والحزن برده في أوقاته لأني مؤمنه. إن العلاقات دي بعد فتره بيبقا فيها ملل وطرف الاتنين هيسيب التاني طبيعي لأنه زهق وبعد دا كله تيجي مرحله الحب٠٠٠٠٠٠٠٠٠٠٠٠٠٠٠٠ مش أحب الاول وبعدين أكتشف انك الشخص الغير مناسب
أمجد : ربنا يديمك لقلبي اللي بيحبك. دا
صبا : طب قوم يا حيلتها من هنا بقا عايزه امشي
دار أمجد بعيونه للمكان حوله ولاحظ ما جعلها تود الذهاب
صبا : أمجااااااااد إنت عارف ليه
أمجد : أها البت اللي هناك دي شكلها بتعاكسني
صبا : أيوه ومتبصش البت الصفراء قوم لحسن اخلعلك عينك دي يله. وعلى الله شوف على الله الاقيها جايه. ايامك هتبقي أسود من قرن الخروب
قدامي يله
امجد بضحك : الله وانا مالي يا لمبي منا قاعد ساكت اهو
صبا : قدامي يا أمجد قدامي يا تاعب قلبي
امجد
__ زين والقمر بقلمي دودو محمد______
______علي طاوله العشاء يجلس هو ودره يتحدثون
رن الهاتف كان سيفصل الهاتف ولاكن رأي ما ادهشه
دره : في إيه يا صابر وشك قلب مره واحده
صابر أشار لها بأن تصمت حتي ينهي المكالمه
صابر : ألو السلام عليكم
٠٠٠٠٠/: كيفك ياولد
صابر : انا بخير الحمد لله
٠٠٠٠٠٠ سمعت انك اتجوزت صحيح
سمعت انك اتجوزت صحيحصابر : أيوه إيه اللي فكركوا بيا بعد العمر دا كله مش عملتوا واخدتوا اللي عايزينه مستكترين عليا اني اتهني في حياتي
٠٠٠٠٠/ : اسمع ياولد مرتك تطلجها مش عتتجوز من البندر كيف بوك
صابر : اعلي ما في خيلكوا اركبوا
٠٠٠٠/: زين وبقيت تتحدت كيف المصراويه
صابر : المصراويه اللي لموني من الشارع بعد ما اتطردت من بيتي هي كلمها امرأتي اللي يقربلها هاكله بسناني مفهوم
٠٠٠٠٠٠٠/: لا مش مفهوم هتطلج الحربايه اللي عندك دي وتتجوز سنيه بت عمك
وكدا يكون الفصل خلص اتمني يكون عجبكم
