رواية( شمس وسط الظلام) البارت(11)بقلم:- أسماء أبوشادي
_______________________
,شمس تمشي وسط الطرقة تكلم نفسها بصوت خافت لا تنتبه لأي شئ
شمس / برافو عليا ولسه هوريها كلبة البحر دي تعمل كدة في صاحبتي. لااااا وألف لا اما وريتك يا هدير الكلب مابقاش أنا شمس
( تمشي دون أن تنتبه لمن سلبت عقله وقلبه منذ أن وقعت عينيه عليها )
مهاب شاف شمس وهي ماشية بس هي ماشفتهوش
تك دوم تك دوم تك دوم تك دوم تك دوم
أي فتاة هذه الذي جعلت قلبي ينبض بتلك الطريقة
( مهما حاولت اوصفلكم في المشهد ده مش هقدر اوصلكم الصورة
مهاب اتثبت في مكانه وقلبه دقاته زادت أضعاف مضاعفه وهو مش فاهم إيه السبب كل اللي في باله إن البنت دي ملكه وملكت قلبه وعقله
شمس مشيت من جنبه من غير حتى ماتبصله وهو بعد ماكان رايح مكتب العميد عشان ناوي يهد الدنيا ويدمر الجامعة اللي بنت عمه اتهانت فيها
عمل زي المراهق ومشي ورا شمس ونفسه تلف وشها وتبصله ويحط عينه في عنيها نفسه يحفر ملامحها جوة عقله
شمس وصلت الكافترية وراحت عند داليا ورودي وسمعت داليا بتقول
داليا ببكاء / دلوقتي الجامعة كلها هيعملوني موضعهم بقى
شمس بصوت عالي لكي يسمعها الجميع وهي لسه واقفة / انتي لسه بتعيطي يا داليا الكلبة دي ماتستحقش إنك تعيطي بسببها دي حقيرة وبعدين كل الجامعة عارفة انك مستحيل تعملي حاجة زي دي أنتي أكبر بكتير من كدة
( جلست شمس مع صديقتيها وحكت لهم هي قالت إيه لهدير )
داليا / ههههههههههههه ههههههههههههه يعني انتي هزقتيها وبهدلتيها وفي الاخر تقوليلها مش هرد عليكي ههههههههههههه ههههههههههههه لا بجد انتي مسخرة
شمس بحدة مصطنعة / ماتلمي نفسك ابت إيه مسخرة دي. وبعدين يعني كنت اسيبها كدة بعد اللي عملته
رودي / ههههههههههههه لا طبعا وبعدين هي لسه ماشافتش حاجة دا التقيل جاي ورا
داليا / ههههههههههههه هتعملي إيه انتي كمان يا رودي
رودي بأبتسامة خبيثة / مش هعمل حاجة خالص أنا بس ههزر معاها شوية
مهاب واقف بعيد بيراقب الموقف ومستغرب من نفسه جدا
مهاب / إيه اللي انا بعمله دا وازاي البنت دي قدرت تعمل فيا كدة. يمكن علشان جميلة وشكلها يسحر لا لااا ما أنا ياما شوفت بنات كتير جميلة و اجمل منها. لا بس دي مافيش اجمل منها بس للأسف مخبية شعرها. يااااه نفسي اشوفه. ….ّ. مهاب فوق لنفسك وشوف أنت جاي هنا ليه
( ذهب مهاب إلى مكتب العميد وعندما تذكر دموع ابنة عمه تأكل النار في صدره )
دخل مهاب دون أستأذان إلى المكتب
العميد بتوتر / م مو مهاب باشا العدلي
مهاب بصوت جهوري // أيوة مهاب باشا العدلي اللي هيميحك أنت والجامعة دي من على وش الأرض
العميد بخوف / اهدأ بس يا مهاب باشا وأنا هشرح لحضرتك كل اللي حصل
مهاب / ومين قالك انى مش هادي لا دا انا هادي جدا وأنت عارف كويس أنا لو اتعصبت إيه اللي هيحصل
( العميد حكى كل اللي حصل لمهاب وقاله ان البنت دي هتتعاقب )
مهاب بهدوء مرعب / أنا عايز أشوف البت دي دلوقتي حالا
العميد بتوتر وخوف / حضرتك صدقني البنت دي هتت
مهاب يقاطعه بصوت عالي/ حاااالااااااا
طلب العميد من سكرتيرته أن تأتي بهدير فورا وبالفعل بعد قليل جائت السكرتيرة ومعها هدير ودخلوا إلى المكتب
العميد / هي دي البنت يا فندم
( قام مهاب بكل هدوء ومسك هدير من شعرها وسط صراخها وخوف العميد ومحاولات منه لتهدئة مهاب )
مهاب بصوت مرعب / بصي أنا مش من النوع اللي يضرب بنت بس أقدر اخليكي تندمي على اليوم اللي اتولدتي فيه وعلى اللحظة اللي فكرتي فيها إنك تأذي أختي والمرة دي هكتفي بتحزيرك لكن تأكدي إني من النوع اللي مابيكررش كلامه وخصوصا ان شكلك بنت أهلها مايعرفوش عنها حاجة كبيرهم يرمولك شوية فلوس
( ترك هدير ونظر إلى العميد بشر )
مهاب / البنت دي تعيد السنة وماتدخلش الامتحانات. وفي الامتحان الجاي أنت بنفسك تاخدها وتعتذروا انتوا الاتنين من داليا أدام كل اللي في الامتحان
_________________
خرج مهاب من المكتب وذهب إلى خارج الجامعة حيث حراسته الخاصة
ولكنه توقف قبل أن يركب عربيته
مهاب في نفسه / عايز أشوف البنت اللي شقلبت كياني ومن وقت ماشوفتها وقلبي مش مبطل دق
وبالفعل عاد مرة أخرى إلى الكافترية ولكنه لم يجدها تجلس مع داليا فبحث عنها بعينيه لم يجدها
مهاب / شكلها مشيت
( مهاب ماشي وهو سرحان وبيفكر هو ليه حاسس بحاجات غريبة كدة وليه نفسه يشوفها تاني
مهاب وهو ماشي من غير ماياخد باله خبط في بنت بتتكلم في الفون ولأن ها كانت مدياله ضهرها ماحستش غير وهي كانت هتقع وهو مسكها من هدومها قبل ما تقع
شمس كانت ناوية تشتم وتهزق بس اول ما وقفت على رجليها وبصت في وش اللي اتسبب في انها كانت هتقع سكتت
( اخرصت خالص وركزت في عنيه اللي لونهم اسود أوي وسرحت وقلبها دقاته زادت وحاسة كأن الكون وقف من حواليها
ولم يختلف حال مهاب عنها )
بعد وقت ليس بقليل قطعت حالة الصمت والدهشة دي ( والتسبيل )
شمس بتوهان/ أس آسفة
(شمس استغربت أن هي اتأسفت رغم أنها ماغلطتش وهو اللي غلط )
مهاب بأبتسامة أول مرة تترسم على وشه
مهاب / أنا اللي اسف جدا
شمس ( إيه الموز ده يالهوي / لا ولا يهم
( وهي بتتكلم لمحت تليفونها على الأرض فأفتكرت إنها كانت بتكلم مروان عشان تطمنه على نفسها فجابت الفون من الأرض ووقفت تاني وكان مروان قفل لما فضل يقول ألو وهي ماتردش
شمس لمهاب/ عن اذنك
مهاب عايز يتكلم معاها عايزها تفضل واقفة ادامه كتير / لو الفون حصله حاجة انا ممكن اجيبلك بداله
شمس / لا ماحصلوش حاجة متشكرة
( مشيت شمس من ادامه وبتحاول تتصل بمارو تاني )
ومهاب مشي وراح على عربيته وركب ومشي بس بعد ماساب قلبه مع شمس
( أنه الحب من اول نظرة هل تقتنعون به
أنا لا اقتنع به بل اعتبره مجرد إعجاب )
___________________
عند مروان في الورشة بتاعته
أول ما التليفون وقع من شمس وبعدها سمع صوت شهقة شمس سيطر عليه القلق
فبدون إي تردد ركب المتوسيكل بتاعه ( دراجة نارية ) وقرر أنه يروح لشمس الجامعة
مروان وهو في الطريق وبيسوق بسرعة / يارب أسترها يارب إني استودعتها عندك وأنا اعلم ان ودائعك لا تضيع أبدا يارب احميها واحفظها
( قطع دعائه اتصال من شمس فوقف بسرعة على جنب في الطريق ورد )
مروان بقلق / شمس أنتي كويسة جوالك إيه في حد اذاكي
شمس / بس بس. انا كويسة الحمد لله إيه القلق دا كله أنا بس الفون وقع مني وأنا بكلمك
مروان بتنهيدة / الحمد لله ألف حمد وشكر ليك يارب دا انا كنت هموت من قلقي عليكي لما بقيت أقول ألو وأنتي مابترديش
شمس / ما أنا جيت اكلمك لقيتك قفلت قولت اتصل أنا بيك تاني
مروان / ما أنا قفلت عشان كنت جايلك على الجامعة
شمس / ههههههههههههه طيب كنت اتصل تاني واستفهم الأول
مروان / أنا خوفت اضيع وقت في الاتصال يكون أنتي بعد الشر حصلك حاجة فقولت أطير أنا واجيلك
شمس بأبتسامة/ يااااااه للدرجة دي بتخاف عليا يا مارو
مروان / يا قمر انتي قلب مارو وحياة مارو لو حصلك حاجة انا هروح فيها
شمس / بعد الشر عنك. هو أنت فين دلوقتي رجعت الورشة
مروان / لا دا انا وقفت على الطريق لما اتصلتي عشان أرد عليكي
شمس / طيب خلاص تعالي بقى عشان تاخدني من الجامعة
مروان / ليه هي رودي مش هتوصلك اصل انا بلبس الورشة
شمس / وإيه المشكلة ان شاء الله مارو أنا مستنياك أول ما توصل أدام الجامعة رن عليا وأنا حذرتك قبل كدة من الموضوع ده وقولتلك إنك بلبسك ده احسن من اي حد في الجامعة
( عادت شمس إلى رودي وداليا )
رودي / ايه كل دا بتطمني على الامتحان
داليا بغمزة / يا ستي تلاقيهم كانوا بيقولوا كلمتين سر ولا حاجة ماتكثفيهاش بقى
شمس وقد فهمت مقصدها / لااااااا دا انا كنت بكلم مارو يا بت
داليا بعدم فهم/ مارو مين
رودي / ابن عمها يا اختي وهو اللي مربيها بس تشوفيهم مع بعض عاملين زي الحبيبه
داليا بتذكر / اااه دا مارو اللي أنتي حكتيلي عنه على ماسنجر
شمس بصت في الارض / أيوة. داليا أنا آسفة والله ماكان قصدي اغشك ولا أكذب عليكي ابدا. انا
قاطعتها رودي/ خلاص يا شموستي أنا اتكلمت مع داليا وهي مش زعلانة منك
شمس بفرحة/ بجدددددد
داليا بأبتسامة/ أيوة طبعا يا شوستي هو انتي حد يقدر يزعل منك
( شمس حضنت داليا وأثناء هذا الحضن أتصل مروان )
شمس / طب مش هنمشي بقى عشان مروان جه برة هياخدني يعني انتي أجازة النهاردة يا رودي
رودي / انتي بت رخمة اساسا على العموم وفرتي بنزين
داليا / طب شمس أنا هخرج معاكي نوريني على مارو قريبك دا لحسن بجد من كتر كلامك عنه نفسي اشوفه
شمس بأبتسامة/ طب يلا يا قلبي عشان مايقفش برة كتير
_____________________
أمام الجامعة مروان قاعد على المتوسيكل بتاعه ومستني شمس
وشمس خرجتله ومعاها رودي وداليا
رودي بمرح / ازيك يا اسطى
مروان بأبتسامة / ازيك يا رودي معلش مش هعرف أسلم إيدي متوسخة شحم لأني كنت في الورشة و قمري طلبت مني اجي زي ما أنا بهدومي بشحمي
شمس مسكت ايديه
شمس / الايد دي والشحم دا هما السبب في وجودي هنا وهما عندي بالدنيا كلها
رودي / يا ابني دا أنت اللي زيك انقرضوا ومافيش منك أتنين
داليا بأبتسامة / فعلا معاها حق عشان كدة انا بقى هسلم عليك ( ومدت ايديها )
شمس سابت ايد مروان عشان يسلم على داليا وقالتله م/ دي داليا صاحبتي يا مارو. ودا مارو يا داليا.
( انتهى اللقاء وعاد الكل إلى منزله )
_______________________
نكمل في الفصل الجاي
أنا هحاول انزل النهاردة بالليل حلقة كمان بس هتبقي متأخرة شوية يعني على الساعة 12
ولو قدرت قبل كدة هنزلها. لأني رايحة عند الدكتور بالليل بس انا هحاول علشانكوا
رواية( شمس وسط الظلام) البارت (12) بقلم:- أسماء أبوشادي
_______________________________
في يوم جديد بالجامعة
الكل متوتر من الامتحان
وداليا ورودي وشمس قاعدين مع بعض في الكافترية
داليا / اموت واعرف يا شمس أحنا هنموت من التوتر بسبب الامتحان وأنتي قاعدة ولا أنتي هنا كأنك مش هتمتحني معانا
رودي / دا العادي بتاعها وبعدين يا ماما دي ذاكرتها حديد بسم الله ماشاء الله لو ماذكرتش كفاية عليها شرح المحاضرات والسكشن أنتي لو سألتيها على الكلام اللي الدكتور قاله في اول محاضرة في السنة اللي فاتت هتقولهولك
شمس / الله أكبر في ايه يا بت انتي وهي انتوا نازلين قر وحسد ونق من الصبح ماتخرصوا بقى خلي ربنا يسترها معايا بدل ما أموت وأنا في الامتحان
رودي / أخص عليكي بقى احنا بنقر ونحسد
شمس / وتنقوا كمان
داليا / لا لا ماكنتش اتوقع منك كدة ابدا يا شوستي
شمس / شوستك هو انتي كمان شيلتي الميم من شموستي
رودي / ههههههههههههه ههههههههههههه شوفتي عشان تعرفي أن شوسة أحسن من شموسة
شمس بحنق / يلا اهو كله ماشي طلاما على وزن نموسة
داليا ورودي / ههههههههههههه ههههههههههههه ههههههههههههه ههههههههههه ههههههههههههه ههههههههههههه
مازن وهو جاي من بعيد / دااالياااااااا
رودي / اوباااا مين يا بت المز اللي بينادي عليكي ده
مازن قرب ليهم وبيكلم داليا / إيه يا بنتي دا قلبت الكلية عليكي
داليا / اهدا بس يا عم وأنت ما اتصلتش بيا ليه وانا كنت قولتلك اني في الكافترية
مازن / تليفوني فاصل يا اختي وهو دا اللي خلاني جيتلك
داليا / مصلحنجي بامتياز يا
شمس / احم احم بلاش تفتحي البلاعة دي معاه ادامنا عشان الراجل شكله هيبقى وحش
مازن بنعومة كالفتيات / اه والنبي يا اوختشي قوليلها لحسن دي دايما كثفاني أدام الناس خصوصا صحباتشي
رودي / اوختشي وصحباتشي
لا يا دودي خودي راحتك يا حبيبتي
مازن بصدمة مصطنعة / إيه دا أنتي بتقوي أختي عليا يا مفترية
داليا / بسسسسسسس إيه مش تتعرفوا الأول على بعض وبعدين تألشوا ( تتريقوا ) سوى
مازن / اه صحيح عندك حق اعرفكوا أنا مازن العدلي ابن عم البت دي وللأسف اخوها في الرضاعة وفي المصايب
شمس / لا بجد انت مسخرة هههههههههههه ههههههههههههه ههههههههههههه هههههه
مازن بغنى / ضحكت يعني قلبها مال وخلاص الفرق مابينا اتشال
داليا بتحرك ايديها في الهوا / هشش هششششش مش عارفة الذباب كتر مرة واحدة كدة ليه
رودي / فعلا والله يا بنتي المفروض نمشي ببيرسول ولا اي قاتل زباب بعد كدة
مازن / إيه دا هو أنتوا هتحفلوا عليا ولا ايه
شمس / بقولك ايه فكك منهم دي عيال حقودة أنت صوتك مية مية
داليا / نعععععععععم
رودي / احنا هنكدب من اولها
مازن / أنا مش هرد عليكوا وهفكني منكوا زي ما قالت شمس. وهاتي يا داليا تليفونك اتصل على مهاب عشان أعرفه أن تليفوني فصل لحسن يتصل بيا يلاقيه مقفول يشعلقني
رودي / ههههههههههههه هههههههههه دا الكيوت طلع بيخاف أهوه
داليا / اتفضل الفون اهه علي الله يطمر
( دخلوا البنات الامتحان وبعد شوية من انتهاء مدة الإجابة دخل العميد ومعاه هدير واعتذروا من داليا أدام الكل
والبنات استغربوا جدا من اللي حصل بس عدا اليوم عادي )
______________________
عند مهاب وهو في شغله
حاسس انه.نفسه يشوف شمس وحشاه جدا رغم أنه ماشفهاش غير أمبارح بس حاسس انه يعرفها من سنين كتير
مهاب / معقولة تكون دي البنت اللي قلبي بيحلم بيها طول عمري
معقولة اكون حبيتها فعلا من أول نظرة
أنا هموت واشوفها تاني
يااااااه على الإحساس اللي حسيته لما شوفتها خطفت قلبي وعقلي
( قرر مهاب أن يذهب إلى الجامعة ويراها من بعيد وبالفعل راح الجامعة
ووقف بعيد جدا وشافها وهي. ماشية مع رودي وداليا بس هي ركبت مع رودي العربية ومشيوا وهو فضل واقف مكانه تايه في ملامحها وشكلها وبيفتكر صوتها لما كانت بتكلمه )
_____________________
وبعد مرور أسبوع
يفوت على الكل
شمس مانسيتش مهاب وبتفكر فيه كتير ونفسها تشوفه تاني وماتعرفش هي ليه بتفكر فيه ولا عايزة تشوفه ليه.
أما مهاب فأصبح من عاداته الذهاب إلى الجامعة في وقت خروج شمس من الامتحان وبيراقبها من بعيد ومعندوش اي تفسير هو ليه بيعمل كدة
وداليا مركزة جدا في دراستها وبتحاول تغير من نفسها عشان الدكتور عمر وكمان قربت من رودي وشمس جدا وبتحس إنها عرفاهم من سنين
__________________
في شقة عبدالحميد المصري
شمس في أوضتها بتذاكر فسمعت خبط على الباب فعدلت حجابها وسمحت للي بيخبط بالدخول
مروان بأبتسامة/ قمورتي عاملة ايه النهاردة
شمس / الحمد لله يا قلب قمورتك
( شمس لاحظت أن مروان يخبئ شئ خلف ظهره ). ايه اللي ورا ضهرك دا
مروان بأبتسامة وهو يعطيها شنطة بها علبة هدايا مغلفة / كل سنة وانتى طيبة يا قمر تعود عليكي الأيام بألف خير
شمس فتحت العلبة / الله فنوس رمضان دا جميل اوى يا مارو
مروان / انتي اجمل يا قمري. رمضان كريم
شمس / الله أعلى و أكرم
مروان / هو انتي هتمتحني كام يوم في رمضان
شمس بأبتسامة/ أسبوع.بس
مروان / طيب كويس عشان ماتتعبيش والجو بيبقى حر اصلا وضغط الامتحانات والمذاكرة
شمس / قول يارب
مروان / يارب اشوفك أسعد إنسانة في الدنيا وتكوني دايما ناجحة وتوصلي لأعلى مكانه بعلمك وتميزك
__________________________
بعد مرور يومين على هذا الموقف
في الجامعة بعد الامتحان
داليا / الامتحان اللي جاي هيكون واحنا صايمين ربنا يستر
رودي / أنا في الصيام بحس نفسي ضايعة ومش مركزة
شمس / والله انتوا عيال فافي دا احلى حاجة الامتحانات اللي واحنا صايمين هناخد عليها أجر وربنا هيقوينا ويوفقنا
رودي / ههههههههههههه شمس أنتي قبل ماتدخلي الامتحان لتكوني ضاربة 5 سندوتشات وعصير مانجا وبعد الامتحان 5 وعصير فراولة غير مابتكوني فطرانة في البيت قبل ما تيجي
داليا / ههههههههههههه أومال هي الغمازة في دقنها دي من شوية
شمس / يا رخمين أنا اه بحب الأكل بس الحمد لله بحب الصيام جدا وبعدين انتوا متغاظين عشان انتوا معصعصين ومعضمين وأنا بقى الحمد لله مزة مزة
داليا بغمزة / لا هو أنتي من جهة مزة فأنتي فعلا مزة
رودي / يعني انتي يا دودي بتأكدي كلامها أننا معصعصين؟
داليا / لا طبعا دا احنا جامدين
شمس / بقولكم إيه هقوم اتصل بمارو اطمنه عليا واجي عشان مايقلقش
رودي / قومي يا حبيبتي ربنا مايحرمكوش من بعض أبدا
شمس / يارب
( بعد ما شمس مشيت )
داليا / والله مارو ده ملاك مافيش منه في الدنيا كلها
رودي / فعلا والله. لولا هو كان زمان شمس اتدمرت
داليا / بعد الشر الحمد لله انه موجود في حياتها عشان يعوضها عن امها وعن حنية ابوها القاسي ده
____________
عند شمس قامت تتكلم في التليفون وبعد ما خلصت شافت مهاب واقف بعيد
وحصلها نفس اللي حصل في المرة الأولى
شمس لنفسها / دا هو أيوة هو أنا مستحيل اقدر أنسى شكله
ياااااااه كان نفسي اشوفه بشكل
مهاب لنفسه / إيه دا دي شافتني. ايوة شافتني يااااااااااه وحشتني عنيها أوي
شمس مشيت ورجعت لصحابها وهي بتفكر فيه وتايهه خالص ومش لاقيه أي تفسير لكل اللي هي فيه
___________________________
جه رمضان والامتحانات خلصت
والبنات ودعوا بعض على امل اللقاء ومر أسبوع من الإجازة
ومهاب هيتجنن ونفسه يقابل شمس يشوفها حتى من بعيد زي ماكان بيشوفها
واستغبي نفسه جدا إنه ماحولش يعرف عنها أي حاجة في الفترة اللي فاتت
وفي 15 رمضان اي في منتصف هذا الشهر الكريم ذهبت شمس بصحبة مروان لكي تشتري ثياب العيد لها ولمروان
ودي عادتهم من وهي شمس صغيرة ان مارو هو اللي بيشتريلها لبس العيد وكمان هي اللي بتختارله هدومه على زوقها
وبعد أسبوع كمان اتفقوا البنات أنهم يتقابلوا في كافيه بعد الفطار
وداليا كانت خايفة مهاب يرفض كالعادة بس اتفاجأت لأنها أول ما قالتله هقابل صحابي وافق علطول
بس مهاب وافق عشان كان عنده امل يشوف شمس
وبالليل بعد الفطار اتقابلوا البنات وقعدوا مع بعض وفضلوا يتكلموا واتفقوا أنهم هيقضوا تاني يوم العيد مع بعض
لأن شمس قالتلهم ان أول يوم بتقضيه مع مارو. وبيصلوا العيد سوى ويخرجوا ويتصوروا في استوديوا كمان
وبعد شوية مشيوا البنات ورودي وصلت شمس لأول شارعها بس مهاب كان مراقبهم وبعد ما رودي مشيت بعربيتها قرر ينزل يتكلم مع شمس
لأن مشتاق يسمع صوتها ويشوفها من قريب
_____________________
