رواية ( شمس وسط الظلام) البارت(25)و26بقلم:- أسماء أبوشادي
___________________________
في قصر العدلي
وبالتحديد في غرفة شمس تجلس الثلاث فتيات ( شمس وداليا و رودي )
داليا / يا بنات حفلة العيد باقي عليها 3 أيام وأحنا لسه ما اشترناش فساتين عشان نحضر بيها
رودي / اديكي قولتي باقي 3 أيام يعني لسه في وقت
داليا / 3 أيام دول اساسا مش كفاية أنا باخد وقت على ما اختار اللبس المناسب
رودي / خلاص نروح بكرة نتسوق ونشتري اللي احنا عايزينه
داليا بحزن / بس ابيه مهاب ممكن مايوافقش إني اخرج بسبب الموضوع اللي حصل من يومين
رودي / لا هيوافق لما شمس هي اللي تكلمه
داليا / اه يا شمس فعلا أبيه مهاب مش هيعترض لو انتي اللي طلبتي منه
( هم يتحدثون وكأن شمس معهم
هي حقاً تجلس معهم ولكنهم عندما تحدثوا عن الملابس والعيد ذهبت شمس بكيانها بعيد عنهم جدا
لقد كانت تفكر في من تركها وذهب
في من كان هو لها كل شئ أم وأب وأخ وصديق وعائلة نعم انه مروان. مارو الخاص بها هي فقط
لقد تذكرت كيف كان يأخذها قبل العيد بأيام ليشتري لها ثياب العيد والجامعة أيضا
فلاش بااااااااااااااااااااااااااااااااك
شمس / يا مارو أنا خلاص جبت لبس العيد اهوه دا غير اني اشتريت في عيد الفطر اللي هو لسه مابقالهوش كام شهر. ليه بقى عايزني اشتري لبس تاني كدة كتير اوي
مروان / كتير إيه بس يا قمري الجامعة هتبدأ بعد العيد علطول فنشتري بقى لبس الجامعة بالمرة
شمس / بس انا عندي لبس كتيييير أوي ومش محتاجة هدوم تاني
مروان / لاء اللبس اللي عندك ده مش كله ينفع للجامعة. أنتي داخلة احسن جامعة في مصر. ولازم تكوني انتي احسن بنت في الجامعة. في كل حاجة
شمس / بس مافيش مكان عندي في الدولاب تاني هحط اللبس دا كله فين
مروان بأبتسامة / اللبس اللي عندك وتحسي انك مش هينفع للجامعة ابقي اديه لرحمة أختك تلبسه
شمس / حاضر. بس كفاية كدة احنا اشترينا كتير اووووي
مروان بأبتسامة / لاء لسه ما اشترناش حاجة خلينا نروح محلات تانية عشان نشوف ملابس أفضل
شمس / بس انت كدة هتأخر على الورشة
مروان / لا يا قمري مافيش شغل في الورشة النهاردة. احنا هنقضي اليوم سوى عشان نشتري كل حاجة ممكن تحتاجيها
باااااااااااااااااااااااااااااااااااااااااااااااااااااااااااااك
داليا بصوت عالي / شششششممممسسسس
شمس بفزع / إيه في ايه
رودي / إيه يا شمس مالك سرحتي في إيه
شمس بأبتسامة مصطنعة/ لا ابدا ولا حاجة انا بس كنت بفكر في حاجة كدة
داليا / أيوة بقى لازم تسرحي وتفكري ما انتوا مقضينها نظرات واهتمامات بقى وإيه
رودي / الله يا عبدالله. ربنا يستر داليا بتنأ وتقر عليكي يا شمس ابقى. بخري يا شوسي
داليا بزعل مصطنع / كدة بقى انا اعمل كدة طب انا سحلانة
شمس بأبتسامة / لا يا دودي ماتسحليش دي البت دي بتهزر معاكي
رودي / أيوة نسيب بقى الموضوع المهم ونقعد نهزر ونسحل
داليا / اه صحيح يا شوسي يا حبيبتي كلمي أبيه مهاب واقنعيه يوافق اننا نخرج بكرة نشتري فساتين حفلة العيد لأن أنتي عارفة مانعني أخرج خالص
شمس / خلاص يا قلبي ماتقلقيش أنا هكلمه النهاردة بعد العشا وأن شاء الله هيوافق
داليا / ياااارب يوااافق
( رن تليفون شمس وكان المتصل مهاب )
شمس / دا مهاب
داليا / طب ردي بسرعة عشان بيتضايق لما حد يأخر عليه في الرد
شمس ردت / السلام عليكم
مهاب / وعليكم السلام ورحمة الله وبركاته وحشتيني يا شمسي
شمس باحراج / إحم إحم خير في حاجة
مهاب / بقولك وحشتيني
داليا ورودي بيبصوا على شمس اللي وشها بقى شبه الفرولاية ويضحكوا
مهاب سمع صوت ضحكهم / أنتي لسه قاعدة مع داليا و رودي
شمس بخفوت / آه
مهاب / طب اوكيه استمتعي بوقتك معاهم أنا هقفل دلوقتي ولما تبقي لوحدك كلميني
شمس / اوكيه
أغلقت شمس الخط مع مهاب
رودي / الحب ولع في الدرة
شمس / بت اسكتي خالص
رودي / حاضر هسكت بس قوليلي هو قالك إيه خلاكي احمريتي كدة
شمس / والله هضربك
داليا / يالهوووووي أنا مش مصدقة ان أبيه مهاب بيحب ولا لما بشوفه وهو بيبصلك بحس انه واحد تاني
رودي / هييييييييييييييححححح انه الحب يا صديقتي
شمس / بت انتي وهي اسكتوا خالص وبعدين انتوا إيه مقعدكوا معايا دا انتوا عيال باردة صحيح
رودي / اه ماهو لقى احبابه نسي اصحابه
داليا برجاء / طب شمس عشان خاطري كلميه دلوقتي وقوليله على مشوار بكرة
شمس / يا بنتي مش قولنا بعد مانتعشى
داليا / هو دلوقتي تلاقيه رايق فلو كلمتيه هيوافق إنما لو استنينا لبليل ممكن حاجة تحصل في الشغل تضايقه ويبقى مزاجه وحش فيرفض
رودي / تصدقي معاكي حق كلميه يا شمس
شمس بخجل / ماشي هكلمه بس بعدين
رودي / ههههههههههههه طب يلا يا دودي نخرج احنا عشان نسيبها شوسي لوحدها شوية ههههههههههههه
شمس / لاء خليكوا
رودي / لا والله من قلبك الكلام ده. وبعدين انا كدة كدة كنت ماشية
داليا وهي بتخرج من اوضة شمس/ كلميه دلوقتي يا شوسي يا قلبي
شمس / اوووكيه
شمس اتصلت بمهاب و رد عليها علطول
مهاب / مشيوا ولا لسه
شمس / مشيوا
مهاب / وووحشتييينيييي
شمس بخجل / لحقت اوحشك
مهاب / أنتي بتوحشيني حتى وأنتي معايا
شمس / أزاي دا بقى
مهاب / يعني ببقى معاكي ووحشاني ولما ابعد بتوحشيني اكتر
شمس بأبتسامة خجولة / يعني ري اغنية تامر حسني معايا ووحشني بعيد بتوحشني
مهاب / ههههههههههههه أيوة بالظبط
شمس / ايه دا أنت بتضحك
مهاب / إيه غريبة دي
شمس / لا مش غريبة بس اول مرة اسمع صوت ضحكتك نفسي اشوفك وأنت بتضحك
مهاب / وأنا نفسي اشوفك دايما أدام عنيا
شمس / بجد
مهاب / أيوة طبعا هو انتي عندك شك في كدة
شمس / امممم اعتقد في شوية شك صغيرين
مهاب / والله يعني أنتي بتشكي في كلامي
شمس / ههههههههههههه بهزر والله
مهاب / طب ما انتي بتهزري أهوه أومال لما ببقى قاعد معاكي مابتتكلميش خالص ليه
شمس / ما علشان أنت رخم وبتوترني
مهاب / أنا رخم
شمس بتوتر / والله ما قصدي دي طلعت كدة من غير ما افكر
مهاب / وأنا عايزك كدة علطول تتكلمي معايا من غير ماتفكري تكوني على طبيعتك
شمس / يعني انت متضايقتش
مهاب / لا ما اتضايقتش. بس الكلام دا لما نكون لوحدنا بس. ( قال بحزم ) مفهووووم
شمس / مفهوم يا عسل والله بتبقى عسل لما تنفش ريشك كدة
مهاب / ههههههههههههه ايه قولتي إيه
شمس بخجل / الله بس بقى مش كل كلمة اقولها تعلق عليها كدة
مهاب / خلاص يا شمسي اتكلمي براحتك بس اعتبر دي معاكسة
شمس / اه إشمعنى انت بتعاكسني علطول
مهاب / أنتي لو ادامي دلوقتي كنت حبيتك تشوفي المعاكسة على أصولها
شمس بخجل / موهاب بس بقى الله
مهاب / طب بلاش تقولي اسمي تاني دلوقتي بدل ماتبصي تلاقيني ادامك
شمس / إحم. حاضر. أنا كنت عايزة اقولك على حاجة كدة
مهاب / قولي اللي أنتي عايزاه
شمس / العيد بعد 3 أيام وطبعا احنا هنروح الحفلة فاكنت عايزة اخرج أنا وداليا و رودي بكرة عشان نشتري فساتين للحفلة
مهاب / اممممم خلاص اوكيه مافيش مانع بس ما تتأخروش
شمس / حاضر مش هنتأخر. سلام بقى عشان اروح اقول لداليا إنك وافقت
مهاب / سلام يا شمسي
( شمس قالت لداليا أن مهاب وافق وهي فرحت جدا . وفضلوا قاعدين مع بعض شوية يتكلموا إلى أن هاجمت زكرايات مروان شمس من جديد فستأذنت من داليا وذهبت لغرفتها )
شمس رجعت أوضتها وفتحت البوم صورها مع مروان اللي كانوا دايما بيتصوروها في العيد وفي أي مناسبة مع بعض
فضلت تتفرج على الصور وتبكي بصمت وهي بتفتكر كل صورة اتصوروها أمتى و وقتها قالوا ايه و راحوا فين بعدها
شمس بتنهيدة / ياااارب أسألك الصبر على هذا الفراق يارب. لقد اعطيتني زاكرتً حديدية تجعلني لا انسى أي شيء سوا كان جيد ام سئ وحرمتني من نعمة النسيان وأنا احمدك واشكرك على نعمتك الكبيرة عليا
ربي إني راضية لما كتبت لي وعليا
ربي لا تتركني كن دائما معي يا سندي فأنت يا الله نعم السند والعون
( بعد وقت طويل من الدعاء إلى الله بأن يصبرها على فراق مروان وأن يجعل مثواه الجنة. تركت الألبوم على سريرها ودخلت إلى الحمام لكي تغسل وجهها من الدموع والبكاء
أثناء وجودها بالحمام قام مهاب بالخبط على الباب وعندما لم ترد عليه فتح الباب ودخل وظن أنها بغرفة داليا. فتقدم نحو السرير ليضع علبة كبيرة مغلفة كالهدايا عليه
وضع العلبة على السرير ولفت انتباهه الألبوم فغلبه فضوله إنه يفتحه ويتفرج عليه لأن الألبوم من برة كان عليه صورة رائعة لشمس عندما كانت صغيرة ترتدي فيها عباءه و حجاب وترفع يدها وكأنها تدعي الله
يا الله أن حبيبتي لم تنسى حبيبها الأول إلى الآن. ما هذا إنها صورهم مع بعض إنها كثيرة منذ ان كانت حبيبتي طفلة صغيرة
مهاب لنفسه / لسه لحد دلوقتي مش عايزة تنسيه يا شمس. طب اعمل ايه عشان اقدر أخد مكانه في قلبك
( شمس خرجت من الحمام كان مهاب ماسك ألبوم الصور .عندما خرجت شمس كانت اثار البكاء لا تزال على وجهها )
شمس بفزع / 
مهاب حرام عليك وقعت قلبي.
مهاب بجمود / أنا خبط على الباب وأنتي ماردتيش
شمس / ماردتش عشان ماسمعتش كنت في الحمام
مهاب لاحظ أثار بكائها / أنتي كنتي بتبكي
شمس بأبتسامة كاذبة / لا ابدا أنا بس حسيت بالحر فقومت اغسل وشي
مهاب عارف انها بتكذب بس حب يبينلها إنه ما اهتمش / أوك.
شمس لاحظت العلبة اللي على السرير /إيه دا
مهاب ببرود / دا فستان أنا جبتهولك عشان تحضري بيه الحفلة معايا
شمس بفرحة / بس ماكنش في داعي تتعب نفسك أنا كنت هشتري بكرة
مهاب / ماتعبتش ولا حاجة وطلاما أنا جبته مالهوش لزوم تتكلمي كتير. الفستان دا تلبسيه يوم الحفلة
( مهاب خرج من الاوضة وساب شمس في حالة استغراب من طريقته وملامح وشه وهو بيكلمها وكمان هو مشي علطول من غير مايقعد معاها ويتكلموا شوية زي كل يوم. بس هي فسره ده ان ممكن تكون حاجة حصلت في الشغل أثرت على مزاجه )
___________________________
مر يومين على ابطالنا
مهاب بيتجاهل شمس ومابيروحش أوضتها يتكلم معاها أبدا ولا حتى بيتصل بيها
ودا طبعا مأثر عليها جدا لأنها كانت محتجاله الفترة دي جدا محتاجه يكون جنبها
البنات اشتروا فساتين الحفلة معادا شمس طبعا بس اشترت اكسسوارات تناسب الفستان وكمان طرحه من الستان التركي بنفس اللون وتاج بسيط جدا. رودي اللي ألحت عليها تشتريه
واتفقوا يروحوا سوى بيوتي سنتر يوم العيد عشان يهتموا ببشرتهم ويجهزوا هناك للحفلة
وطبعا شمس اعترضت ولكن صاحبتها اصروا وقالولها هناك متخصصين في لف طرح الحجاب التركي بشكل افضل
@@@@@@@@@@
الكل كان قاعد بيتعشى على السفرة
ومهاب اتعشا وطلع للجناح بتاعه
بعدها بشوية شمس حصلته وخبطت على الباب وهو اذنلها تدخل
مهاب ببرود / خير
شمس / هو انا عملت حاجة تزعلك مني عشان تتجاهلني كدة
مهاب / ومين قال إني بتجاهلك
شمس / أنت مابقتش بتيجي تتكلم معايا ولا بتتصل بيا ولو شرفتنى صدفة وأنت طالع أو نازل مابتكلمنيش
( مهاب كان قاعد وهو بيتكلم معاها بيخلع الجزمة. وبدأ يفك في ازرار قميصه وطبعا دا أحرج شمس جدا )
مهاب ببرود / دا لأني مشغول ومش فاضي للكلام ده
شمس / اوكيه ربنا يقويك . أنا عايزة استأذن إني هروح بكرة عند عمي اقضي اليوم معاه
مهاب ببرود / لاء
شمس / دا بكرة وقفة العيد الكبير. وعمي اتصل بيا وعايزني أفطر معاه هو ومرات عمي وأنا ماشوفتهمش من يوم ما انت أخذتني من هناك وهما وحشوني جدا
مهاب خلص فك الأزرار كلها وبدأ يخلع القميص وهي بتتكلم / قولت لاء مافيش مرواح هناك
شمس شافته بيخلع القميص وهي واقفة وصلت لقمة خجلها وكمان متضايقة لأنه رفض إنها تروح عند عمها واللي ضايقها اكتر طريقته في الكلام معاها
فلفت وشها بدون ماتتكلم ومشيت مع أنها كان نفسها تعاند معاه وتقوله لاء هروح وماتكلمنيش بالأسلوب دا تاني بس ماجتلهاش الجرأة تعمل كدة وكمان ماحبتش تعصبه زي ماهو قالها قبل كدة تجنبي عصبيتي
بعد ما شمس خرجت هو قعد واتنهد وحس انه زودها شوية بس قال إن كدة أحسن وكمل تغيير هدومه
@@@@@@@@@@
شمس رجعت أوضتها وكانت متضايقة جدا جدا جدا بجانب حزنها على فراق مروان اللي كل لحظة بتفوت عليها بتفتكر فيها هما كانوا بيعملوا ايه في أيام العيد دي
اتصلت شمس بعمها واعتذرت منه بطريقة كويسة وقالتله إنها حابة تفطر يوم الوقفة مع عيلة مهاب وعمها ما اعترضش أبدا
بس اللي زعل محمد ابن عمها وخصوصا انه كان لسه جاي من الجيش وكان نفسه يشوفها عشان يقولها أنه خلاص هيفتح ورشة مروان بعد العيد علطول ولكن هي اعتذرت فقال هيستنى لما تيجي في العيد
@@@@@@@@@@
النهاردة يوم وقفة عرفات كم ان هذا اليوم جميل على الامة الاسلامية بأكملها
ظلت شمس بغرفتها تشاهد على التلفاز توافد الحجاج على جبل عرفات وكم ان هذا المنظر جميل ويخطف الأنفاس
لبيك اللهم لبيك لبيك لا شريك لك لبيك
قبل المغرب نزلت شمس وداليا على السفرة عشان يفطروا
وماكنش موجود على السفرة غير شمس وداليا ومازن وهما مستنين الأذان أما باقي العائلة الأمهات في النادي والآباء في شغلهم مع مهاب
مازن بتعب / يلا بقى تعبت وربنا
شمس / في ايه يا ابني اهدا خلاص باقي كام دقيقة.
مازن / ومالك مستهونة بيهم كدة ليه أنتي عارفة الكام دقيقة دول ممكن يحصل فيهم إيه دا ممكن بلد تحتل بلد في دقيقة واحدة تخيلي بقى الدقايق ممكن يحصل فيهم إيه
داليا / ههههههههههههه ههههههههههههه اسكتي يا شوسي اساسا دا أول مرة يصوم يوم الوقفة دا
شمس بشهقة/ أنت مش عارف اليوم دا قيمته إيه اوعى تضيعه من ايدك
مازن / لا والله بصوم فكك من البت دي. وقولولي هتروحوا بكرة الحفلة امتى
داليا / اكيد من أولها. احنا هنروح من الصبح البيوتي سنتر عشان نستعد هناك وبعدها هنطلع على النادي علطول عشان الحفلة
صحيح يا شمس قولتي لأبيه مهاب على أننا هنروح البيوتي سنتر
شمس بضيق/ لا ماقولتش ابقي قوليله أنتي لما ييجي
داليا / لاء يا شمس بليز أنا لو قولتله هيرفض قوليله انتي عشان يوافق
شمس / داليا ريحي دماغك مش هقول حاجة قوليله أنتي
قبل ما داليا تتكلم شافت مهاب داخل ورايح عليهم باتجاه السفرة فسكتوا خالص
الخدم بدأوا يحطوا الأكل على السفرة لأنه خلاص باقي دقيقتين بس على أذان المغرب
مازن / ابيه هو فين بابا وعمي مش كانوا مع حضرتك
مهاب / هيفطروا في النادي
المغرب أذن وفطروا ومهاب خلص فطار وقام بس قبل مايمشي داليا وقفته
داليا بتوتر / ابيه ممكن استأذن حضرتك أننا هنروح بكرة البيوتي سنتر نستعد هناك للحفلة وهنطلع منه على النادي
مهاب / أوك روحي يا داليا ( اتك أوي على داليا عشان يعرف شمس إنه قال داليا بس )
شمس فهمت قصده وأنه قال كدة عشان تروح هي وراه وتستأذنه
شمس / يعني حضرتك موافق اننا نروح
مهاب ببرود / كلامي واضح انا قولت روحي يا داليا
شمس / اوك كدة فهمت أن حضرتك وافقت ان داليا بس هي اللي تروح أنا لاء
مهاب بصلها أوي / داليا استأذنت وأنا اذنتلها تروح. أنتي مااتكلمتيش
شمس / وهي قالت باستأذنك عشان نروح كلنا مش قالت أروح لوحدي
( مازن وداليا قاعدين بيبصولهم في استغراب )
مهاب ببرود / افهم من كلامك انك بتستأذنيني عشان تروحي ولا انتي مش تروحي معاها
داليا متسرعة في الرد / لا يا ابيه طبعا عايزة تروح معايا انا و رودي
مهاب بس لداليا / هي فيها لسان ترد وأنا بسألها هي مش أنتي
شمس بضيق / صح أنا فيا لسان أرد. وانا مش عايزة أروح معاهم لأني مش هروح الحفلة اساسا ولا هخرج خالص
مهاب ببرود / بس انتي هتروحي الحفلة
شمس / وأنا مش عايزة أروح
مهاب وكأنه لم يسمع ما قالته / بكرة تروحي معاهم البيوتي سنتر وأنا هاجي أخدك من هناك الساعة 6 عشان انتي هتروحي الحفلة معايا
( مهاب خلص كلامه وطلع على الجناح بتاعه من غير ما يسمع إي كلام منها )
شمس / اووووووف وأنا مش هروح
داليا / لاء بليييييز شمس أنتي لو ماروحتيش أنا و رودي كمان مش هنروح. عشان خاطري أنا
شمس / لاء يا داليا روحوا انتوا ومالكوش دعوة بيا أنا مش هخرج خالص
داليا / لا يا شمس احنا اتفقنا نروح سوى بلاش تغيري رأيك دلوقتي
مازن / ماخلاص بقى يا ست شوسي احنا هنتحايل عليكي ولا هو عشان مهاب وافق أنتي ترفضي
شمس / لا مش كدة بس انا مابحبش حد يتحكم فيا كدة. وكمان هو قال هييجي البيوتي سنتر الساعة 6 يعني حضراتكوا يا أستاذة داليا كدة كدة هتروحوا لوحدكم لانكوا هتمشوا 3 او 4
داليا / لاء هنروح برضوه 6 مش مشكلة
مازن / وأنا هروح اخدك من هناك أنتي و رودي الساعة 6.إلا ربع وشمس تيجي مع أبيه مهاب
داليا / أوك
مازن / إلا صحيح ماتعزموا صاحبتكوا جميلة دا انا بقالي فترة طويلة مابشوفهاش معاكووا
شمس افتكرت لما راحت لجميلة إيه اللي حصل وجميلة قالتلها إيه فزعلت جدا
شمس / لا هي مش هينفع تيجي لأن مامتها وأبوها هيرفضوا وكدة
@@@@@@@@@@@@@@@
أشرقت شمس العيد على الجميع لكي يستيقظ
ولكنها لم تيقظ شمس لأنها وببساطة لم تنام طوال الليل
شمس كتبت بوست على الفيس وكتبته بصعوبة جدا لأن شاشة موبايلها مكسورة طبعا
أين العيد
نعم لا يوجد عيد. اكتشفت اليوم انك يا مارو كنت سبب فرحتي بالعيد
اليوم لم انم قط بسبب البكاء
أما العام الماضي فأنا لم انم بسبب فرحتي بالعيد وبالخروف الذي احضرته أنت لكي يُذبح ببيتنا
في هذا الوقت كنا نصلي العيد وسط الزحام في مسجد الحسين
اما الان فأنا امسكُ بهاتفي واكتب هذا البوست اللعين
لقد أصبحت وحيدة يامن كنت لي كل عائلتي
رحمة الله على شخص كان هو سبب فرحتي بالعيد ( ثم وضعت أسفل هذا الكلام صورة لمارو مع الخروف في العيد الماضي )
@@@@@@@@@
على ما جه وقت الفطار كانت شمس نامت ويدوب كانت لسه نايمة
داليا دخلت تصحيها
داليا / يا شمس قومي بقى دا انتي اللي كل يوم بتصحيني يوم العيد تفضلي نايمة دا كله
شمس وهي نايمة/ يا دااليا سبيني أنام أنا لسه نايمة دلوقتي
قبل ما داليا تسألها عن سبب سهرها أو تحاول تصحيها تاني. شافت ألبوم الصور اللي في حضنها ولاحظت أثار البكاء على وشها فقررت انها تسيبها فعلا وتقول لمهاب إنها مرهقة وعايزة تنام
@@@@@@@@@@@
داليا نزلت كان مهاب نزل وقعد على السفرة والكل موجود معادا هي وشمس
نوال ( أم داليا / اخرتي كدة ليه
سهى ( أم مهاب/ وفين شمس
داليا / شمس نايمة
مهاب بضيق / أزاي يعني لسه نايمة لحد دلوقتي
داليا بتوتر / أصلها مرهقة شوية فأنا قولت اسيبها تنام شوية وابقى اصحيها بعدين
سهى / كويس خليها نايمة عشان تبقى فرش في الحفلة ومرتاحة وسط الضيوف مهاب أنت هتيجي الحفلة أمتى
مهاب ببرود / هاجي الساعة 6 ونص أنا ومراتي
نوال / كويس جدا. دا هيبقى مظهر اجتماعي مشرف جدا
سامح / صحيح يا مهاب أنت ناوي تعمل فرحك أنت وشمس امتى. انا بيتهيقلي كدة فات على موت ابن عمها كتير ماتكملوا جوازكوا بقى
مهاب ببرود / احنا اساسا مش هنعمل فرح
رؤوف / طب لما مش هتعمل فرح وهي مراتك ليه موفقين جوازكوا. ماتعيش معاك في الجناح بتاعك وحملوا جوازكوا
مهاب / دا شئ يخصني وأنا هعمله في الوقت اللي انا اشوفه مناسب
الكل سكت وماحدش قدر يتكلم ومش فاهمين هو ليه مهاب لحد دلوقتي ما اتمش جوازه بشمس. معادا. داليا اللي عارفة ان دا كان شرط من شروط شمس
@@@@@@@@@@@
الساعة بقت. 2 الظهر
و رودي اتصلت على شمس ولما ماردتش عليها اتصلت بداليا
وداليا قالتلها أن شمس لسه نايمة وطبعا وصفتلها حالة شمس كانت إيه الصبح
و رودي طلبت من داليا تصحيها عشان ميعاد البيوتي سنتر. والنهاردة العيد هيبقى زحمة
داليا دخلت أوضة شمس تصلحيها
أما مهاب فكان في أوضة المكتب ومعاه مازن ورؤوف بيتكلموا في الشغل
ويقاطعهم صرخة قوية من داليا ترج القصر كله
داليا بخضة /عاااااااااااااا شششششممممممممسسسسسس
صعدوا كلهم إلى غرفة شمس
__________________
رواية شمس وسط الظلام) البارت(26) بقلم :- أسماء أبوشادي
__________________________________
داليا دخلت أوضة شمس عشان تصحيها
داليا / شمس شمس. يا شمس اصحي بقى هنأخر على ميعاد البيوتي سنتر
يا شمس لو رودي جت لقيتك لسه نايمة هتنفخنا ( شمس مابتردش فداليا بقت تضربها ضربات خفيفة على خدها بس شمس برضوه ماردتش. داليا قلقت جدا ومسكت أيد شمس رفعتها وراحت سايباها وقعت )
داليا بخوف شديد / عاااااااااااا شششششششششمممممممسسسسسس
شمس قامت مفزوعة وخضوضة من الصراخ ومش قادرة تاخد نفسها / ايييه فييي ايييه
داليا حضنت شمس وبقت تعيط
شمس بخضة/ مين اللي مات مين جراله إيه بتعيطي ليييييه
مهاب طلع ودخل الأوضة هو ومازن و رؤوف
مهاب بخضة / في ايه مالك يا شمس حصل ايه
داليا لسه حاضنه شمس وشمس بتبصلهم بنظرات مزعورة
رؤوف / في ايه ماتنطقوا
مازن قرب على داليا وشدها وقفها / في ايه يا داليا صرختي ليه مالها شمس
داليا بعياط / أنا دخلت اصحيها ماردتش و وضربتها على خدودها
شمس بقت تمسك خدودها بخوف / خدودي خدودي
داليا بتكمل بعياط وشهقات / ومسكت ايديها
شمس قاطعتها وهي بتتحسس على ايديها / ايديا ايديا ايديا
مهاب بصوت عالي م ماتخلصي يا زفتة قوليلنا صرختي ليه
داليا بعياط / ش شمس ماكنتش بتصحى خالص ولا بترد عليا
رؤوف / يعني أنتي صرختي عشان كده
داليا / أيوة
مهاب / شمس أنتي كويسة
شمس لسه مفزوعة من الصراخ ماردتش وكان في خصلة من شعرها نزلت على وشها رجعتها خلف اذنها
وفي اللحظة دي رؤوف ومازن أخدوا بالهم من شعر شمس ولونه
( شمس كانت لابسه تيشرت كحلي بكوم بس رقبتها كانت باينة وشعرها كانت لماه بمشبك شعر بس سايبه منه خصلات )
رؤوف / بسم الله ماشاء الله زي الملاك يا بنتي وشعرك حرير
أما مازن فبتلقائية بص على شمس وشعرها لما سمع عمه بيتكلم
مهاب بص لعمه بغضب لما قال كدة وكمان لمازن اللي واقف متنح
مهاب بعصبية / ممكن ننزل نكمل شغلنا
وأنتي يا زفتة الموقف دا مايتكررش تاني
___________________
شمس وداليا و رودي راحوا البيوتي سنتر وقاعدين هناك وفي مسكات على وشوشهم
رودي / بوؤي وجعني من الضحك ههههههههههههه ههههههههههههه
داليا / ههههههههههههه لا والله افتكرتها ماتت
شمس / وربنا حرام عليكي دا انا الخضة لسه مأثرة عليا لحد دلوقتي
رودي / طب يا هبلة حطي ايدك على قلبها شوفي النبض ههههههههههههه
داليا / لاء أنا مسكت ايديها زي الأفلام وسيبتها لقيتها وقعت فقولت خلاص شمس ماتت وسابتني
رودي / ههههههههههههه ههههههههههههه ههههههههههههه
داليا / ههههههههههههه لاء وأنا اقول خدودها هي تحط ايديها على وشها وتقول خدودي أقول ايديها تحسس على ايديها وتقول إيدي ههههههههههههه شكلها كان مسخرة
شمس / هو انتي كمان لكي عين تتكلمي
( فضلوا يضحكوا على الموقف وشمس كمان شاركتهم الضحك لكن برضوه مش من قلبها لأنها حاسة بنقص كبييير جدا
الساعة 6 إلا ربع مازن جه وأخد البنات داليا ورودي وكانوا قمرات وقالوا لشمس يفضلوا معاها لحد ما مهاب ييجي لكن هي رفضت وقالتلهم يمشوا )
مازن / اوبااااااا إيه دا يا مزز
داليا كانت لابسة فستان بنفسجي قصير لكن مش اوى لقبل الركبة بشوية بحملات رفيعة وكانت جايبة شعرها على كتفها وميكب بسيط والروج والجزمة من نفس لون الفستان
رودي كانت لابسه فستان بتلت كوم أحمر طويل لبعد الركبة بشوية وميكب بسيط جدا وحرمة حمرة برضوه أما شعرها كان مفرود على ظهرها
مشيوا البنات مع مازن وراحوا على الحفلة
أما شمس فا فضلت في البيوتي سنتر مستنية مهاب نص ساعة
مهاب وصل برة بعربيته والحراسة بتاعته اتصل بشمس وقالها انه برة مستنيها تخرج
خرجت ملكة جمال العالم شمس نعم إنها حقا شمس
ترتدي فستان سواريه ازرق بكم طويل إلى الأرض ضيق من الصدر وبه حزام فضي وينزل الى الارض باتساع وترتدي حجاب من الستان الأزرق وعلى راسها تاج رقيق فضي يشبه لون الحزام وجزمة بكعب عالي جدا لونها فضي
ولم تضع اي ميكب ولكن بعد إصرار عنيف من صحابها حطت كحل أزرق حوالين عنيها
لكم أن تتخيلوا المنظر فهي تسحر دون إي شئ فما بالك بهذا المنظر
مهاب واقف متنح مش قادر يبعد عنيه عنها
شمس بخجل / إحم إحم مش هنمشي
مهاب فاق من شروده واخدها من ايديها وركبوا العربية وأمر السواق بأنه يتحرك
مهاب لأول مرة يحس بإحساس الرغبة بالشكل دا/ إيه اللي انتي عملاه في نفسك دا
شمس / إيه أنا عملت ايه
مهاب بعصبية / إيه الفستان اللي انتي لبساه دا والقرف اللي حطاه في عنيكي وكمان الميكب دا كله
شمس بدموع محبوسة في عنيها / الفستان دا أنت اللي جايبهولي والقرف اللي في عيني كحل وأنا مابحطش ميكب خالص حتى الكحل أنا أول مرة في حياتي احطه
مهاب ندم بس مش لأنه قال الكلام ده لاء ندم إنه اشترى الفستان دا وهو عارف انه هيبقى عليها كدة وكمان ندم إنه غصبها تروح الحفلة مع أنها ماكنتش عايزة تروح
مهاب بعصبية / ما اشوفكيش تحطي كحل تاني خالص مفهوووم
ماتردي. مفهوم
شمس بعصبية / لا مش مفهوم هو أنت عايز تتخانق معايا وخلاص في ايه انت بتستلككلي عشان تنكد عليا
مهاب مسك ايديها جامد / أنتي أزاي تتكلمي معايا كدة أنتي اتجننتي
شمس بوجع / اه اه سيب إيدي وجعتني
مهاب ساب ايديها / الغلط عندي أنا عشان دلعتك زيادة عن اللزوم
شمس سكتت وحابسة دموعها
وآخر حاجة كانت متوقعاها إنه يتخانق معاها النهاردة كانت مستنية منه كلمة حلوة يقولهلها زي الروايات
( يا اختييييييي علي الروايات اللي هتلحس عقولنا )
وبعد الموقف دا اتأكدت أن النهاردة مستحيل يكون عيد أبدا
وصلوا الحفلة
ومهاب دخل وهو ماسك ايد شمس وماشي بهدوء وسط الناس لحد ما قعد على طربيزة عائلته
سهى / وااااو شمس أنتي شكلك سو كيوت أنا مبسوطة أوي ان مرات ابني بالشكل دا
سامح / شمس وهي فعلا شمس
رؤوف / فعلا شمس وقمر كمان
نوال / طب ايه احنا مش هنقوم يا سهى عشان في ضيوف لسه بييجوا
سهى / طبعا يلا. تعالي يا شمس معايا عشان اعرفك على الناس
مهاب ببرود/ لاء خليها قاعدة هنا هي مش هتتعرف على حد
( سهى وسامح ونوال و رؤوف قاموا يرحبوا بالضيوف. أما مهاب فقعد وجنبه شمس داليا و رودي شافوا شمس قاعدة راحوا عليها هما ومازن وقعدوا جنبها وفضلوا قاعدين مبوزين مش حاسين بالحفلة لأنها مملة )
شمس لمحت حد من بعيد فقامت وقفت في مكانها
شمس بفرحة / سمااااا
سما قربت عليها بسرعة وسابت ايد نور وراحت حضنت شمس
سما بفرحة / وحشتيني يا شموسة
نور قرب على مهاب وسلم عليه وهو مستغرب. مين دي / ازيك يا مهاب
مهاب / أهلا يا نور عامل ايه وازي البنوتة الصغيرة
نور بأبتسامة / الحمد لله كويسة اهي مطلعة عنينا
مهاب بدون مايمد أيده فهو يعلم غيرة نور الشديدة / ازيك يا بشمهدسة سما
سما / الحمد لله يا استاذ مهاب . نور. اعرفك بشمس صحبتي
مهاب بأستغراب / هو انتوا تعرفوا بعض
سما بأبتسامة / أيوة احنا يعتبر جيران
نور / جيران أزاي مش فاهم
شمس بأبتسامة / جيران في الاخرة يعني المقابر قبر أبو سما جنب قبر عيلتنا
رودي ميلت على داليا همست في اذنها / اهي دي الجيران اللي هتدوم بصحيح مش هتعزل أبدا
سما / أيوة فعلا. اتعرفت عليها يوم ما اتأخرت هناك فاكر أنا ساعتها قولتلك اني اتأخرت عشان اتعرفت على واحدة هناك
نور بأبتسامة وهو يجذب سما من خصرها إلى حضنه / أيوة فاكر يا حبيبتي
داليا همست في أذن رودي / هيييييييح شايفة الحب ابت ولا الرومانسية اللي بتنط من عنيه وهو بيحضنها
مهاب وهو ماسك أيد شمس/ طب اعرفك أنا بقى يا نور. شمس مراتي
سما بشهقة / هه شمس تبقى مراتك
شمس / إحم. اه يا سما مهاب هو جوزي
رودي تهمس لداليا / شوفتي البنيه اتصدمت أزاي لما عرفت ان دا جوز دي
نور بأبتسامة / أهلا يا مدام شمس
شمس بأبتسامة / يا اهلا بحضرتك وأنا اسمي شمس بس بلاش مدام دي
( داليا لسه هتقرب تهمس لرودي مازن هو اللي قرب عليهم واتكلم بنفس طريقتهم )
مازن / صاحبتكوا هتتنفخ من مهاب دلوقتي
داليا و رودي / احيييييييه
نور / لا طبعا ما اقدرش أنا مش اد مهاب بيه
شمس / لا عادي حضرتك زي اخويا الكبير
مهاب / طب تعالى يا نور نروح احنا نشوف الناس ونسيبهم لوحدهم شوية
( مهاب مشي هو و نور وسما وشمس قعدوا جنب البنات ومازن )
سما / بقى من دون الناس كلها يطلع جوزك مهاب صاحب نور جوزي
شمس / شوفتي بقى صدف
داليا بخفوت/ صدف سودة
مازن بضحك / وطي صوتك لا أبيه مهاب يسمعك
رودي بتحاول تفتكر / أنا حاسة اني شوفتك قبل كدة يا
سما بأبتسامة / سما اسمي سما
رودي افتكرت / ساااسو. أنتي ساسو
داليا / أهدي يا حبيبتي واقعدي مكانك بتقولك سما مش ساسو
رودي / مش حضرتك اللي غنيتي راب مع فرقة …… في حفلة قبل كدة الاغنية بتاعة قررت خلاص النسيان
قررت نسيان الأحزان
سما بأرتباك وهي تعدل وضع حجابها / الله ليه الاحراج دا بس
شمس / أنا مش فاهمه حاجة
سما بأبتسامة/ . دي كانت مصيبة من اللي انا عملتها في نور
شمس / طب احكيلي احكيلي
سما / احكيلك إيه بس
بصي أنا بعد موت بابا مريت بفترة بعمل فيها حاجات غريبة وفي يوم روحت حفلة مع صحابي وكان فيها فرقة راب
راح واحد من الفرقة شدني غنيت معاهم شوية وخلصنا وأنا واقفة معاه. جه الأستاذ نور وشافني وأنا واقفة معاه
داليا / نهار اسوووووح وعمل إيه
سما / إحم إحم مش هقولكوا غير أن تاني يوم نور كتب كتابه عليا
مازن بضحك / شكلك اخدتي علقة سخنة يومها
سما حطت ايديها على وشها / دا انا اخدت كف ما اخدهوش حرامي غسيل
شمس بشهقة / وعملتي إيه ساعتها
سما / ولا اي حاجة انا اصلا مافووقتش غير تاني يوم الصبح قبل كتب الكتاب بساعة
رودي / وسكتي على كدة
سما / مين دي اللي تسكت دا انا خليته يمشي يكلم نفسه
مازن / اتعلمي منها والنبي يا شمس خلي مهاب يتهد شوية
رودي / دي خايبة دي فكك منها. بقولكوا أنا زهقت من الحفلة دي
الكل في وقت واحد / وأنا كمان
الكل / ههههههههههههه ههههههههههههه
مازن بشهقة / الحقوا
داليا / إيه في ايه يا ابني سرعتنا
مازن / البت اللي حكيتلكوا عنها قبل كدة جاية علينا اهي
رودي / بت مين
مازن / بت قبلتها في الشركة عندنا قبل كدة
شمس بضحك / البت المتسلسلة ههههههههه
سما رافعة أحد حواجبها / مين دي ولابسه كدة ليه
البت قربت وبتتكلم بدلع/ ازيك يا ميزووو
( البنت كانت لابسه بنطلون جينس مقطع واسمه البنطلون المبلول ( لو تعرفوه يعني )
مازن / أهلا انا كويس
رودي حطت ايديها على بوؤها وشهقت بصوت عالي / إيه دا انتي عملتيها على نفسك
( كلهم بيحاولوا يكتموا ضحكهم د)
رودي وكأنها بتتكلم جد / طب يا حبيبتي روحي غيري هدومك قبل ما الناس تاخد بالها انك يعني
البنت بضيق / عملت ايه دي موضة أنتي ماتعرفيش أن دا اسمه البنطلون المبلول
شمس بأستغراب / يعني دي الموضة
البت / أيوة دي الموضة عن اذنكم عشان رايحة لصحابي
سما رافعة أحد حاجبيها / على وضعك يا أم ش…..
انفجروا كلهم في الضحك وفضلوا قاعدين يهزروا وينموا على كل اللي في الحفلة
بعد شوية فضلوا يتكلموا عن الاغاني اللي نزلت جديد ومن ضمنهم ألبوم أصالة
رودي / دا فيه حتة أغنية بنت أبلسه جميلة جدا جدا جدا
داليا / اه سمعتها وأنا ونزلتها على الفون بتاعي
شمس / طب هاتي اسمعها
( شمس سمعت الأغنية وسما كمان أول مرة تسمعها واتأثروا. بيها جدا )
رودي / تعرفي يا شمس نفسي اسمع الأغنية دي بصوتك أنتي
شمس / وأنا كمان نفسي اغنيها أوي
سما / أنتي بتعرفي تغني
شمس جتلها فكرة / هتعرفي دلوقتي
مازن تعرف تروح تظبط مع الفرقة اللي صدعتنا دي يشغلولنا لحن الأغنية دي
مازن / أنتي هتعملي إيه
شمس بجدية / هغني الأغنية
داليا بخوف / بلاش يا شمس
شمس / خلاص انا قررت هغني يعني هغني
سما / يا بنتي أهدي كدة وبعدين أنتي لسه سامعة الأغنية هتغنيها أزاي
شمس شدت مازن من ايديه وراحت على الاستيدج اللي عليه الفرقة اللي بتعرف / هتعرفي هغنيها أزاي
بعد دقيقة واحدة صدع في كل أنحاء الحفلة صوت سحر الجميع. والكل انتبه لذلك الصوت واكتفوا من الكلام عن الصفقات والأعمال والمال. حتى مهاب نفسه دق قلبه بشدة من أجل هذا الصوت دون أن يعلم من هي صاحبة الصوت
ألتفت كل الموجودين في الحفلة إلى الاستيدج لكي يروا من هي صاحبة الصوت
دبلت في قلبي اي لحظة فرح من يوم الرحييييييل
بقى مستحيييييييل
أنام في لييييل مافيهوووووش عيونك يا حبيبيييييي
بصحا وبفوق على شوق وذكرى وعذاااااب و ويل وجرااااح وهمممممممم
بقى مش مهممممممممم أدوق ألم ملهوووووش نهااااية يا حبيبيييييييي
لكن الاكيد اني انا لو عيشت مية ملييييون سنة عمري ما هنسى أن الهنا عرفت طعمه معااااااااااك نفسي في لحظة تضمنا تجمعنا من تاني سواااا يلي. هوااااك ليا دواااا و روحي مستنياااااااااك روحي حبيبييييي قلبي معااااااااك مستنيااااااك
بحلم حبيبي يرجع هوااااااااك
مستنياااااك مستنياااااك مستنياااااك
دايما بخبي أي جرح وحزن عن الناااااااس
وقلبي خلاااااااص
ملهوووووش خلاص غير حضنك أنت يا حبيبييييييييي
ما بتنطفيش ناااري ولهفة قلبي ليك ما بتنتهييييييييش
ااااااه صحييييح بعيييييييش
لكن مافيييي في حياااااتي معنى يااااااااااااااااا حبيبيييييييي
أنت بعيد وأنا هنااا بعييييش في ذكرى حبنااا
من قلبي بدعي ربناااااا يقرب لؤااااااك
يلي مالييييش عنك غنى ارجع وفرح قلبي اناااااا ثانية بثانية يعيشها أنا بعدك هلاااااااااااااك مستنياااااك روحي حبيبي قلبي معااااااك مستنياااااك بحلم حبيبي يرجع هواااااااك مستنياااااك مستنياااااك
____________________
