رواية ( شمس وسط الظلام) البارت(27)و(28) بقلم :- أسماء أبوشادي
شمس خلصت الأغنية
والناس اعجبوا بصوتها جدا وبقوا يصفقوا لها تصفيق حااااار
( شمس راحت على صحابها اللي واقفين هما كمان بيصقفولها ووشها بقى زي الفرولاية وكمان سهى ونوال واقفين كانوا متصايقين إنها غنت بس بعد ما شافوا الناس وهما بيسألوا مين دي ومبهورين أوي بيها وبصوتها بقوا مبسوطين وراحوا على الطربيزة بتاعتهم عند شمس )
أما مهاب فبمجرد ما الأغنية خلصت كان رايح على شمس وعينه بتطلع شرار وودانه خارج منها نار
لكن الحمد لله نور مسكه من زراعه واخدوا معاه بعيد عن الحفلة شوية
نور / ممكن تهدا بقى ما ينفعش العصبية اللي انت فيها دي
مهاب بعصبية / اهدا عايزني اهدا أزاي يعني انت ماسمعتش
نور / عادي يا مهاب احنا في حفلة عيد وهي حبت تغني اغنية. ووقفت غنيتها بأحترام وحرافيه مافيهاش حاجة خلاص هي مارقصتش أدام الناس يعني
وبعدين انت لما تروحوا اتكلم معاها بهدوء واطلب منها ان دا مايتكررش تاني وخلاص
مهاب / أنت مش فاهم حاجة مش فاهم حاجة خالص
نور / طب ماتفهمني يا صاحبي اللي انا مش فاهمه
مهاب بحزن / سمعت هي غنت ايه . الأغنية دي غنيتها عشانه هو. بتقول لسه عايشة على زكراه ومش هتنساه ولا هتنسى اي حاجة كانت بينهم يعني انا بالنسبة لها ولا اي حاجة مش فارق معاها لا حبي ليها ولا انا شخصيا
نور / مين قالك كدة دي مجرد اغنية عادي جدا مش لازم تكون بتغنيها له هو
مهاب بعصبية / اومال بتغنيها لمين
نور / مش لازم تكون بتغنيها لحد اغنية عجبتها وغنيتها
مهاب / واشمعني الأغنية دي بالذات
نور / قولتلك اغنية عجبتها وحبت تغنيها يا مهاب اسمع مني أنا بلاش تتصرف بطريقة تخليك تندم طول حياتك
وبعدين انت اساسا اتسرعت لما اتجوزتها علطول بعد موت قريبها دا كان مفروض تصبر شوية. لأنك بتقول متربيين سوا
@@@@@@@@@@
عند البنات
سما / بجد بجد الأغنية جميلة جدا يا شمس
شمس / يعني الأغنية بس اللي جميلة وصوتي أنا وحش
سما / لا طبعا انا قصدي الأغنية جميلة من صوتك انتي بجد روعة
سهى / فعلا يا شمس صوتك حلو جدا زيك
( راجل أعمال كبير قرب عليهم )
الرجل / هاي بعد اذنك يا انسة ممكن اتكلم معاكي شوية
شمس بأستغراب / اتفضل
الرجل / طب ممكن على انفراد
شمس بأحراج/ آسفة بس حضرتك لو عايز تقول حاجة قولها عادي
الرجل / طب بصي أنا منتج وعايزك تيجي الأستوديو ده ( طلع كارت ) عشان نشوف صوتك واتبنى موهبتك وتبقي أكبر مغنية في الشرق الأوسط
شمس بصت للكارت لكن ما اخدتهوش وفي اللحظة دي مهاب كان مقرب عليهم
شمس / أنا اسفة بس حضرتك انا مش مغنية ولا عايزة اكون مغنية. الغنا بالنسبة ليا هواية مش اكتر. يعني اغنية عجبتني بغنيها لكن أنا عمر الغنا ماكان حلم من أحلامي سوري
قبل ما الراجل يتكلم تاني كان مهاب هو اللي رد لأنه كان ورا شمس علطول
مهاب يخفي عصبيته / حضرتك سمعتها و أظن كلامها واضح
الرجل باحراج / طب عن اذنك اسف لازعاجكوا
رودي / شوفتي اختياري للأغنية خلاكي كنتي هتبقي أشهر مغنية أهوه ادعيلي بقى انا اللي قولتلك ان الاغنية هتمشي مع صوتك
( نور بص لمهاب كأنه بيقوله مش قولتلك )
داليا / لا بجد صوتك جميل اوى يا شوسي وكمان أنتي ماسمعتيش الأغنية غير مرة واحدة بس
شمس بتمثل التكبر / عيب عليكي يا ماما أنا الحمد لله من اصحاب الذاكرة الحديدية
مازن / ايوة عشان كدة دايما الأولى على الجامعة والدنيا معاكي إيه بمبي بمبي
رودي / كوبة في عينك اهو انت واللي زيك اللي جايبين البت الأرض
مازن / انتي بتخمسي في وشي يا رودي بقى شمس ماعملتهاش
شمس / ميزو اعسل أنا و هي واحد
داليا وسما / ههههههههههههه , كثفة
نور / سما مش نمشي احنا بقى عشان نورالسماء
شمس / لا استنوا شوية انتوا لسه ماقعدتوش
سما / معلش يا شوسي بس عشان سايبين النونة بتاعتنا مع الدادة. بس ان شاء الله هكلمك ونتقابل تاني سلام
( بعد رحيل نور وسما )
مهاب / يلا يا شمس عشان نمشي
سهى / بس يا مهاب أنت لسه جاي ما ينفعش تمشي دلوقتي
مهاب / أنا مش فاضي للحفلات والحاجات دي ( بص لشمس ) مش قولتلك يلا
شمس / حاضر.( بصت لصحابها بأسف) داليا رودي خليكوا كملوا الحفلة
رودي بصوت منخفض / أنا خايفة يزعلها عشان غنت في الحفلة
مازن / لا ماتقلقيش لو كان عايز يزعلها كان شدها من على الاستيدج قبل الأغنية ما تخلص أو كان زعقلها ادامنا هنا
داليا / فعلا أبيه مهاب مابيهموش حد بيعمل اللي هو عايزة في أي وقت واي مكان
رودي / ربنا يستر
@@@@@@@@@
مهاب أخد شمس وراحوا على البيت وطول الطريق صمت ماحدش فيهم أتكلم
لحد ما وصلوا ودخلوا جوه
شمس / هو انا ممكن اتكلم معاك شوية
مهاب ببرود / عايزة تقولي إيه
شمس اتضايقت من اسلوبه وأنه حتى مابصلهاش وهي بتتكلم يعني نفس أسلوب المرة اللي فاتت تجاهل
شمس / مش عايزة أقول حاجة عن اذنك
شمس مااستنيتش رده ولفت وشها عشان تطلع لكن هو مسكها من معصمها
مهاب / أنا اذنتلك تمشي
شمس / أه ممكن تسيب إيدي
مهاب لسه ماسك ايديها / إيه اللي انتي عملتيه في الحفلة دا
شمس وهي بتتالم / أنا معملتش حاجة
مهاب / لا والله أنتي عايزة تعملي إيه اكتر من اللي عملتيه كنتي ترقصي بالمرة
شمس / سيب إيدي بقى ( شدت ايديها جامد رغم أنها وجعتها اكتر ) أنا معملتش حاجة غلط اغنية عجبتني وغنيتها
مهاب / وأنتي عايزة غلط أكبر من كدة مرات مهاب العدلي تقف ادام الناس وتغني
شمس دموعها نزلت / أنا دلوقتي اتأكدت أن قراري من الأول كان غلط
مهاب بص لدموعها وقلبه وجعه جدا وكل العصبية تلاشت / شمس ماتعيطيش قولتلك قبل كدة مابحبش أشوف دموعك
شمس سابته وجريت على أوضتها وهي بتبكي وهو طلع وراها
شمس رمت نفسها على السرير ودفنت وجهها في المخدة وبدأت تبكي بحرقة وتخرج كل دموعها
مهاب شدها بالقوة من على السرير وحضنها وظل يربت على ظهرها
مهاب / ششششششش خلاص انا اسف
( هذه هي المرة الأولى في حياته يعتذر )
خلاص بطلي عياط بقى
شمس بتحاول تبعد عنه / أبعد عني مالكش دعوة بيا أنا أساسا همشي من هنا
مهاب ضمها اكتر رغم اعتراضها / خلاص حبيبتي قولتلك أنا آسف ماتعيطيش بقى
شمس / أنت تزعلني وتنكد عليا وتقولي ماتعيطيش دا إيه دا
مهاب / غصب عني صدقيني والله غصب عني
شمس / ماليش فيه أنا عايزة أروح بيتنا
مهاب. / يا حبيبتي ما هو دا بيتنا
شمس / لاء عايزة أروح بيتي أنا
مهاب / طب ما دا بيتك أنتي يا شمسي
شمس بطريقة طفوليه/ لاء مش بيتي
مهاب بيحاول يتمالك أعصابه ويقنعها بهدوء
مهاب / يا حبيبتي أنتي مراتي. وأنا اتعصبت عليكي غصب عني لأن عندي ضغط شغل كبير جدا. ومفروض انك تستحمليني
شمس مسحت دموعها بيديها كالأطفال فأبعدها هو عن صدره بهدوء
شمس / طب ما أنا حاولت أتكلم معاك قبل كدة وسألتك وأنت مارضيتش تتكلم معايا وتجاهلتني
مهاب / لا يا شمس أنا سمعتك بس كنت متضايق شوية وماحبتش اتعصب عليكي لأني عارف انك مش هتستحمليني وانا متعصب وهتعيطي زي دلوقتي
شمس / لاء هستحملك. بس انت ماتبقاش علطول كدة لأني مش بحبك وأنت متعصب
مهاب اندهش وسألها بدون ما يفكر / يعني وأنا مش متعصب بتحبيني
شمس اتكثفت ووشها أحمر وبصت في الأرض
مهاب رفع وشها / خلاص ماتجوبيش دلوقتي بس خلاص بقى ماتبقيش زعلانة
شمس / على شرط
مهاب بأستغراب/ شرط إيه
شمس بأبتسامة/ عايزة اخرج و اتفسح
مهاب بدهشة من الشرط / نعمممم
شمس / عايزاك توديني الملاهي بكرة
مهاب / شمس أنتي عارفة بتقولي إيه
أنتي عايزة مهاب العدلي يروح ملاهي
شمس بعدم فهم/ إيه هو دا غلط يعني
مهاب / حبيبتي اطلبي اي حاجة تانية إنما إني آخدك الملاهي دي ما ينفعش نهائي
شمس بأبتسامة باهته / خلاص مش مهم نروح الملاهي. ممكن نخرج نفطر في الحسين أنا نفسي في الفول والطعمية
مهاب / شمس أنتي بتطلبي حاجات غريبة جدا
شمس بأقتضاب/ خلاص مش عايزة حاجة
مهاب بأبتسامة على طفولتها / خلاص بلاش بس منظرك ده هفطرك بكرة فول وطعمية
شمس بأبتسامة / في الحسين
مهاب قرص احد خديها / اه في الحسين أنتي تؤمري شمسي
شمس / طب يلا اخرج بقى عشان أغير هدومي وأنام
مهاب / تنامي دلوقتي
شمس قامت وقفت ووضعت يديها في وسط خصرها / أيوة وأنت كمان روح نام عشان هنخرج بكرة الساعة 7 الصبح
مهاب تأمل منظرها وجسدها بذلك الفستان الأزرق كم تبدو مثيرة جذبها بشدة لتجلس على قدمه بين احضانه
مهاب بصوت رجولي عذب / تعرفي انك جميلة اوى والفستان مخليكي زي الأميرة
( ابوس ايديكوا حد يقولي مين ده )
شمس / مش دا ماكنش عاجبك وبتقول عليا قرف
مهاب وهو يتأمل عيونها/أنا ماقولتش عليكي أنا قولت على الكحل اللي حطتيه حوالين عينيكي عشان تسحريني بيهم اكتر
شمس بتوهان / مو موهاب ( ما أن نطقت اسمه حتى التهم شفتيها بقُبلة لم تكن بهينة أبدا لم يترك شتاها إلى لكي تتنفس واستند بجبهته على جبهتها
مهاب / عيون وعمر مهاب
شمس وهي مغمضة عنيها وبصوت خافت / انت لازم تروح تكشف على نفسك
ابتعد مهاب عنها قليلا متسائلا بأستغراب / ليه بتقولي كدة
شمس قامت من على قدميه / عشان انت عندك انفصام في الشخصيه
اوقات تبقى كويس وطيب وأوقات تانية احس انك شرير و وحش واحس انك بتكرهني وممكن تقتلني
مهاب / ههههههههههههه ههههههههههههه تعالي يا شمس
شمس بتوتر / على فكرة انا بهزر
مهاب قام وقف قصادها / ههههههههههههه حبيبتي اوعي تقولي كدة تاني
انا عمري ما أكرهك أبدا أنا الحب اللي جوايا ليكي مستحيل يتوصف أبدا
اما بقى مسألة الانفصام دي
أنا يا حبيبتي معاكي أنتي ببقى واحد تاني شخص أنا نفسي معرفهوش. شخص غير مهاب اللي مستحيل يرحم اي حد يضايقه أو يزعجه واللي الناس كلها بتخاف تقرب حتى منه او من حد يخصه
شمس بلعت ريقها واتوترت بشكل ملحوظ
مهاب قرب عليها وباسها من جبينها وضمها لصدره ( لأن هي رأسها مش محصلة كتفه)
مهاب / اوعي تخافي مني أبدا أنتي روحي ودنيتي اللي بدور عليها طول عمري أنا ممكن أآذى اي حد في العالم كله إلا أنتي
بحبك يا شمسي
( وكالعادة تدخل البلهاء داليا )
داليا / شوسيييييييييييييي
( علقت على يييييي لما شافت مهاب )
شمس بخجل مرح/ ههههههههههههه انتي هنجتي ولا ايه يا داليا
مهاب بعصبية ( أصله كان ناوي يبوس حبيبته والبت الباردة قاطعته / تاني يا داليا تاني
داليا بخوف / والله يا ابيه ما اعرف ان حضرتك هنا و
مهاب / مش لازم تكوني عارفة انا موجود ولا لاء عشان تخبطي قبل ماتدخلي اي مكان
شمس / خلاص بقى يا ابيه احنا متعودين ندخل أوض بعض كدة
مهاب بأستغراب/ خلاص يا إيه
شمس بمرح من أجل أن ينسى توبيخه دلاليا / خلاص يا ابيه بقى
مهاب بضيق وهو يخرج من الغرفة / عجبك اهي بقت بتقولي يا ابيه
بعد خروج مهاب
داليا / طب أنتي بتقولي ابيه أنا مالي دلوقتي
شمس / بت أمشي روحي على أوضتك عشان انا عايزة انام
داليا / هتنامي دلوقتي دا انتي صاحية العصر
شمس بأبتسامة / اسوة لانى ورايا مشوار الصبح يلا اخلعي بقى
داليا / مشوار إيه دا
شمس / بكرة هبقى أقولك أمشي بقى
________________________
الصبح بدري شمس صحيت بنشاط كبير واخدت شور وصلت فرضها ولبست بنطلون جينس أزرق وتيشرت بكوم طويل لونه فيروزي و حجاب أزرق رقيق
حاولت ترن على مهاب لكن تليفونها باظ مش عايز يشتغل
فخرجت من اوضتها الساعة 7 وراحت على جناح مهاب خبطت وهو اذنلها ودخلت
شمس / صباح الخير
مهاب بحب/ اجمل صباح على عيونك حبيبتي يا اجمل عيون في الدنيا
شمس / إيه دا أنت لبست بدلة ليه
مهاب بأستغراب/ أومال ألبس إيه يعني
شمس راحت بأتجاه الدولاب وفضلت تقلب في اللبس لحد ما طلعت بنطلون جينس وتيشرت ابيض بنص كوم
/ اتفضل ألبس دول
مهاب / ألبس إيه ما ينفعش طبعا
شمس بدلع / موهاب بليييييييييز أنت مش رايح الشركة أنت خارج معايا وبعدين انت علطول بتلبس بدله وجرفته والحاجات المكلكعة دي أنا بقى عايزاك تخرج معايا بلبس كجول عشان خاطري يا ابيه
مهاب راحلها ورفعها من على الأرض عشان رأسها تكون مقابل راسه / أبيه تاني. أنتي ايه حكايتك ليه بتقولي الكلمة دي
شمس بخجل / مش قصدي والله بهزر نزلني بقى يا مهاب
مهاب / لاء مافيش نزول
شمس / يلا بقى هنتأخر عل
( لم تستطع أن تكمل حديثها لأنه قد ابتلع باقي الكلام في قبلة رقيقة دامت لدقائق عديدة )
مهاب سابها / عشان تبقي تقولي أبيه تاني قال ابيه قال
@@@@@@@@@@@@@@
مهاب اخد شمس وخرجوا وطبعا هي طلبت منه يروحوا لوحدهم وكان شكلهم جميل جدا ومهاب نفسه ماكنش عارف نفسه لأن اللبس دا هو مالبسهوش من ايام الجامعة ودايما بيقيد نفسه بالبدل
واللي يشوفه دلوقتي مايعرفهوش
راحوا على الحسين وفطروا في مطعم كبير هناك ومهاب اكل كمان فول وطعمية وشربوا شاي كمان هناك
بعدها مهاب اخدها وراحوا الملاهي وشمس فرحت جدا باليوم دا
وطول النهار مابطلوش ضحك سوا ومهاب اكتشف إن شمس طفلة وحس إنها مش بس حبيبته لاء بنته كمان واليوم دا بالنسبة له هو احسن ايام حياته وعمره ما قضى يوم زي ده او ضحك كدة
اتغدوا مع بعض سندوتشات شاورما ( طبعا دا اختيار شمس ) وبعدها كملوا في الملاهي مافيش لعبة إلا وركبوها سوا شمس قلبها كان هيقف وهي بتركب كذا لعبة لكن وجود مهاب طمنها جدا لدرجة انها كانت عايزة تجربها تاني
خرجوا من الملاهي قبل المغرب وراحوا حديقة الفنون ( جنينة كبيرة على النيل مباشرة ) ودي كانت أول مرة لشمس تدخلها أما مهاب فراح مع صحابه أيام الجامعة. شمس انبهرت بيها جدا. أو هي كانت مبهورة باليوم كله اساسا
قعدوا وشربوا عصير مانجا ومهاب عرف أن شمس مدمنة مانجا
مهاب / ماكنتش اعرف انك بتحبي المانجا أوي كدة
شمس / هييييييييييييح المانجا دي عشقي هي والشكولاته حاجة كدة ماتتوصفش أنا بمووووووت فيهم
مهاب بأبتسامة / وأنا بموت فيكي أنتي يا مانجيتي
شمس بخجل / بس بقى يا مهاب الله
مهاب بضحكة بسيطة / طب بس ماتقلبيش على فراولة دلوقتي أحسن اتهور وأحنا في مكان عام
شمس ضحكت بس بصت بعيد شوية وكانت شايفة بنت وولد ماشيين مع بعض والبنت ماسكة ورداية حمرة في ايديها
مهاب لف وشه عشان يشوف شمس بتبص على ايه وعرف فعلا
مهاب / شمس خليكي هنا دقيقة واحدة أنا هجيب حاجة وجاي
شمس / أنت هتروح فين
مهاب / مش هتأخر بس انتي ماتتحركيش من مكانك
( مهاب رجع بعد كام دقيقة وماسك في ايديه بوكيه ورد كبير أحمر وفيه وردة واحدة لونها بنبة و وردة لونها ابيض وركع أدام شمس على ركبته )
مهاب برومانسية كبيرة وطلع الوردة البيضة الاول / شمسي تقبلي تكوني بنتي
شمس أخدت الوردة وهزت رأسها بالموافقة
مهاب طلع الوردة البنبة / شمسي تقبلي تكوني صاحبتي
أعادت شمس ما فعلته في المرة الأولى
مهاب ادم لها البوكيه الأحمر كله / تقبلي يا شمس حياتي تكوني حبيبتي وشريكة عمري وكل دنيتي وزوجتي وامي وفرحي
شمس سابت الورد في الأرض وحضنت مهاب وهو قام وقف وهو شايلها بزراع واحد من خصرها ولف بيها والناس اللي حواليهم بقوا يصقفولهم ويدعولهم بالسعادة ومنهم اللي اتمنى يكون مكانهم
اليوم خلص معاهم بسرعة للأسف. ورجعوا على البيت
والمشهد كان كالآتي
العيلة كلها قاعدين في الصالون بأنتظار تجهيز العشا وداليا قاعدة حسة بملل وزهق من غير شمس وبتلعب في تليفونها وبتفكر هتعاقب شمس أزاي إنها خرجت يوم كامل من غيرها ومن غير ماتقولها حاجة وكمان موبايلها موجود هنا بايظ
أما مازن فقاعد مستغرب ان مهاب مش ظاهر من الصبح مع انه قاله امبارح انهم هيناقشوا الصفقة بتاعتهم النهاردة
وبقيت العيلة بيتكلموا عن حفلة امبارح وسهي بتقول ان في واحدة صاحبتها افتكرت شمس اخت مهاب وطلبت ايديها لابنها
مهاب دخل وهو ماسك ايد شمس وفي ايده التانية كيس في عروسة اشتراها لشمس وزيها كمان لداليا ( وطبعا انتوا عارفين هو لابس ايه ) أما شمس ماسكة في ايد مهاب والايد التانية ماسكة بيها الورد
الكل قام وقف وداليا التليفون وقع من ايديها وبقوا يبصوا بدهشة كبيرة واستغراب وافواههم مفتوحة أمتار وامتار
مهاب تجاهلهم لأنه في موقف صعب طبعا اول مرة يعمل كدة وعارف ان دي حاجة هما هيستغربوها
طلعوا سوا بعد ما قالوا السلام وماحدش رد عليهم من منظرهم دا
مهاب عند أوضة شمس / أدخلي غيري هدومك عشان ننزل نتعشى اوكيه حبيبتي
شمس بخجل / ما بلاش أنا مكثوفة أوي ومش عايزة انزل
مهاب بجدية / مكثوفة من ايه أنتي مراتي وأنا وأنتي أحرار نعمل اللي احنا عايزينه
نزلوا واتعشوا ولسه ماحدش فاق من الصدمة خالص الكل ساكت بياكلوا في صمت
وبعد العشا شمس طلعت اوضتها وطبعا داليا وراها علطول
داليا / انتي تحكيلي كل حاجة بدل ما اقتلك دلوقتي أهوه
شمس / هيييييييييح أقولك إيه ولا ايه
داليا / هي فيها هييييح بت انطقي انتوا كنتوا فين وعملتي إيه في ابيه أنا اول مرة اشوفه كدة
مازن دخل هو كمان بسرعة لأن الباب كان مفتوح
مازن / انا عايز افهم دلوقتي أهوه إيه اللي انا شوفته دا وهل دا بجد ولا من وحيي خيالي أنا
شمس برومانسية / لا بجد هييييييييييح
مازن وداليا / نعم هيييييح احكي اخلصي
شمس / احلى يوم في حياتي
أكلنا فول وطعمية سوا
مازن وداليا بصدمة / فول وطعميه
شمس / وروحنا الملاهي
داليا ومازن بصدمة أكبر / روحتوا الملاهي
شمس / وروحنا جنينة على النيل ومهاب جابلي ورد وعروسة شكلها كيوت
داليا بدهشة / جنينة
مازن بدهشة / جابلك ورد
داليا / وعروسة
مازن / كيوت
شمس بحب/ هيييييييييييييييححح
داليا / أبيه مهاب عمل كدة
شمس / ايوة
مازن / مستحييييييل
شمس / بقولكوا اخلعوا من ادامي بقى انا عايزة اقعد لوحدي شوية
مازن / طبعا عندك حق تبعينا في لحظة
داليا / كدة يا شوسي اهون عليكي بتطرديني وكمان خرجتي اتفسحتي من غيري
شمس بأبتسامة / لا يا قلبي ماتهونيش عليا وبعدين احنا اشترنالك عروسة معانا
داليا بفرحة م/ بجد
مازن / احيييييييييييييه أبيه مهاب قد فقد عقله
شمس / بس ياض ماتقولش كدة على جوزي
مازن / جوزك. اه يا انا ياما. اه يا انا ياما
( فضلوا يهزروا شوية مع بعض وبعد كدة مازن قام وقف وبقى يعمل حركات وهو بيغني )
مازن بيغني وداليا وشمس بيقولوا لاء لاء بس وهما قاعدين على طرف السرير
لاء البنات
لاء لاء
عمل حكايات
لاء لاء
دايسة في اشتغلات
لاء لاء
جاية معاها حوارات
لاء لاء
كل البنات اشقية
لاء لاء
شطرة أوي في الملاغية
لاء لاء
واللي عنيها عسلية
لاء لاء
تلبس جلبية
لاء لاء
طب ينفع كدة طب يرضيكوا كدة
لاء لاء
تبقى معدية
لاء لاء
ماتسلمش عليا
لاء لاء
وعنيها في عنيا
لاء
مهاب وعنيه بتطلع شرار وبصوت جهوري / إيه اللي انتوا بتعملوه دا
__________________________
رواية( شمس وسط الظلام ) البارت (28) بقلم:- أسماء أبوشادي
_________________________________
شمس بصوت عالي / أنت أزاي تعمل كدة يا قليل الادب جاي ترقص في اوضتي لااااا الأوضة دي طاهرة وهتفضل طاهرة طول ما انا قاعدة فيها
وأنتي يا داليا يا خسارة تربيتي فيكي قاعدة بتصقفيله وتشجيعه بدل ماتنصحيه يبطل قلة أدب ويتوب إلى الله
مازن وداليا بدهشةوافواه مفتوحة/ ها
شمس بغضب مصطنع / برة اطلعوا برة مش عايزة اشوف وشكوا خالص برررررررة
( اصابت الدهشه الجميع بما فيهم مهاب فشمس من كانت تصقف وتغني معهم انقلبت للشيخة شمس إنها أصيلة يا سادة )
داليا ومازن خرجوا وهما مصدومين من شمس واللي عملته
مهاب أول ماخرجوا انفجر/ ههههههههههههه ههههههههههههه . ههههههههههههه
شمس / ههههههههههههه ايون كدة اضحك خلي الشمس تنور
مهاب / إحم إحم ممكن افهم إيه اللي كان بيحصل ده
شمس / أبدا دا العيال دول انحرفوا شوية كنت بربيهم واعلمهم الأدب
مهاب بأبتسامة/ والله على أساس انك ما انحرفتيش معاهم
شمس / عيب عليك اباشا دا انا الأستاذة شمس عارف يعني ايه شمس المصري
مهاب قرب عليها أوي / تؤ تؤ شمس العدلي
شمس بأستغراب / ليه يعني انا اسمي شمس المصري
مهاب بأبتسامة / كنتي شمس المصري وبقيتي شمس العدلي حرم مهاب العدلي
شمس بأبتسامة متوترة/ هو أنت صحيح كنت جاي ليه
مهاب قعد على طرف السرير / عادي أوضة مراتي. وادخلها وقت ما انا عايز ولا دا يضايقك يا شمسي
شمس بأبتسامة خجل / مهاب بس بقى الله
مهاب / ماشي أنا كنت جاي عشان اقولك تصبحي على خير
شمس ( يعني قطع علينا الأغنية عشان يقول تصبحي على خير / وأنت من أهله
مهاب بأبتسامة/ مالك بتقوليها كدة ليه
شمس / يعني اقولها أزاي
مهاب شاور على خده / عايز ختم من شفايفك هنا وبعدها تقوليها
شمس / نعععععععععم. هي مين دي اللي هتعمل كدة يا حج عمر
مهاب بذهول / إيه قولتي إيه. ومين الحاج عمر ده
شمس بتوتر من فعلتها البلهاء / دا. ددددد دا اسم اعتراضي
مهاب بعدم فهم / يعني ايه اسم اعتراضي
شمس تصطنع بجدية / يعني اسم بيستخدموه في الردح
مهاب بصدمة / يعني انتي كنتي بتردخيلي
هزت شمس رأسها بمعنى اه
مهاب / بتردحيلي عشان بقولك تصبحي على خير وطلبت منك بوسة بريئة
شمس بتوتر / ما ما ماهو
( لم تنطق شمس بعدها فقد عاقبها مهاب بقبلة طويلة من شفايفها )
________________________
الصبح في أوضة داليا
شمس / خلاص بقى يا دودي قلبك ابيض يا حبيبتي
داليا / لاء أنا قلبي اسود. بقى بتطرديني من اوضتك وتهزقيني وتخلعي أنتي منها
شمس / إحم إحم الجري نص الجدعنة
داليا / طب يلا غوري من هنا بدل ما اوريكي الجدعنة اللي على حق
شمس بأصطناع الحزن / كدة يا دودي دا انا شوسي حبيبتك أهون عليكي
داليا / طب ما انا هونت عليكي أمبارح
شمس / بس احنا ولاد النهاردة.
( وبعد محاولات مستميتة قبلت داليا تعفوا عن شمس ( وربنا لو صاحبتي لانفخها ))
@@@@@@@@@@@@@@
وطبعا نزلوا سوا قبل الفطار وشمس صالحت مازن كمان بعد مسرحية مضحكة من مازن شوية. وللأسف مهاب نزل وهما بيضحكوا مع بعض وشمس بتجري ورا مازن عشان تضربه
واتضايق جدا لكنه ما اظهرش ضيقه أبدا واكتفا بنظرة قاتلة لشمس جعلتها تجلس مكانها على السفرة رغم انها لم تفهم ماذا يقصد بهذه النظرة ولكن اعتقدت أنه تضايق من عدم جلوسهم على السفرة
_______________
تمر الأيام. بين مهاب وشمس. في قرب من بعضهم وحب وأحيانا ضيق مهاب من هزار شمس وقربها من مازن اكتر من قربها منه هو
اليوم هو أول يوم دراسة بالجامعة
رودي /* متحمسة جدا ومستنية بفارغ الصبر عشان تبدأ دراسة لأنها بتعشق دراستها ونفسها تكون حاجة كبيرة
داليا /* متحمسة إنها تبدأ دراسة واخدت قرار انها هتفتح صفحة جديدة في حياتها وهتحاول على أد ما تقدر إنها تتجاهله وتنسى الحب خالص
جميلة / * ( مانعرفش حاجة عنها من فترة لكن هي عرفت أن شمس سابت بيتها لأنها ندمت على الكلام اللي قالتهولها وراحت عشان تعتذرلها ولكن كانت شمس مشيت )
جميلة أيقنت ان حبها لمروان كان بس من كلام شمس عنه ومن اللي بيعمله معاها حبت فيه الأخ اللي مش عندها مش كحل حقيقي
شمس /* اليوم هو أسوء أيام حياتها فهي تعودت على أن أول يوم دراسة لا تذهب للجامعة دون مروان. ياالله كم تشتاق إليه برغم من وجود مهاب جنبها إلا أنها تحتاج إلى أبيها واخوها وسندها وعونها وأمها نعم لقد كان مارو كل هؤلاء بالنسبة لها
قررت شمس عدم الذهاب الى الجامعة أول يوم.
@@@@@@@@@@
على السفرة
يجلس الجميع
داليا / طب أستأذن أنا عشان اروح جامعتي
مازن بمرح / ربنا معاكوا انتوا ناس مجتهدة بتروح من أول يوم
داليا بحزن / لا ما أنا رايحة لوحدي شمس مش هتروح النهاردة
مهاب بص لشمس اللي قاعدة سرحانة وتايهه وبيان عليها الحزن
مهاب بجدية / مش هتروحي الجامعة النهاردة ليه يا شمس
شمس بلا مبالاه / مش عايزة أروح النهاردة ان شاء الله ابقى أروح من بكرة
مهاب / وليه مش من النهاردة
شمس ترقرقت الدموع في عينيها الجميلتين وهتفت بهدوء قبل أن تترك الفطار / كدة انا مش عايزة أروح
مهاب أتضايق جدا لأنها اتكلمت معاه كدة أدام العيلة وكمان سابته ومشيت وهو بيكلمها فقام وراها بكل غضب وطلع على اوضتها وهو ينوي تعنيفها على سوء تصرفها
ولكن بمجرد دخوله أوضتها شافها ترقد على سريرها تخبئ وجهها في الوسادة وتبكي بحرقة و وجع كبير.
مهاب رفعها على سريرها شاف وشها فسيطر عليه القلق / شمس أنتي بتبكي ليه
شمس ببكاء / مش عايزة أروح الجامعة النهاردة.
مهاب بهدوء / خلاص ماتروحيش لكن فهميني إيه السبب وليه البكى دا كله
شمس / أنا متعودة ان أول يوم دراسة من كل سنة وكل ترم مابروحش لوحدي ( أكملت وهي تنتحب) مارو كان هو اللي بيوصلني
وقعت هذه الكلمات على مهاب كالجمر حرق قلبه وأشعل نيران غيرته ولكن دموع شمس اجبرته على اخفاء ذلك
مهاب بهدوء / طب لو معندكيش مانع ينفع أنا اوصلك النهاردة ولا انا مانفعش
شمس مسحت دموعها وحضنت مهاب من رقبته / بجد هتسيب شغلك وتوصلني
مهاب / قولتلك قبل كدة أنتي أهم عندي من الدنيا كلها. وبعدين انا هوصلك واروح علطول
اوصل مهاب شمس إلى جامعتها
ونزل معها وهو يمسك يديها إلى أن تركها أمام الكافترية لتقابل داليا و رودي
وكانت مبسوطة جدا وصحابها كمان انبسطوا بحضورها
داليا بأبتسامة حزينة / كنتي عايزة تسبيني لوحدي النهاردة يا شمس
شمس بأسف / سامحيني يا داليا غصب عني وصدقيني لما مهاب قالي إنه هيوصلني أنا قبلت بدون مناقشة ودا علشان اكون جنبك واشوف صاحبتي القوية اللي هتتغلب على أي حاجة
رودي / طبعا احنا مش لازم تفوت يوم زي ده وبعدين احنا هنفضل طول العمر مع بعض
دخلوا المحاضرة ولسوء الحظ تكون أول محاضرة فيها دكتور عمر
هما قاعدين جنب بعض ودخل دكتور عمر. داليا مسكت جامد في ايد شمس أول ما شافته وكأنها بتستمد منها القوة
لم ترفع داليا عينها لترى عمر
ولكن هو لم ينزل عينه من عليها
رودي بدهشة / إيه دا. بصوا كدة
