رواية( شمس وسط الظلام) البارت(29)و(30) بقلم :- أسماء أبوشادي
_________________________
رودي بدهشة / ايه دا بصوا كدة
شمس / نبص على ايه
رودي. / مافيش دبلة في ايد دكتور عمر
شمس / اه فعلا. بس عادى ممكن يكون خلعها لأي سبب أو مابيحبش الدبل اصلا
داليا تحاول غلق الحوار / خلاص بقى بطلوا كلام وركزوا شوية
بعد انتهاء المحاضرة. ظل عمر واقف في مكانه يراقب خروج الطلاب. وعندما جاءوا الفتيات الثلاثة للخروج استوقفهم
عمر وهو ينظر لداليا / عاملين ايه يا بنات
رودي لاحظت نظراته لداليا وفهمت ان سبب وقفته معاهم هي داليا
شمس بأبتسامة / الحمد لله يا دكتور كلنا بخير.
عمر / ا ا عملتوا إيه في الاجازة. اكيد يا شمس اتعلمتيلك 3 او 4 لغات زي السنة اللي فاتت
داليا بتوتر / بنات انا هستناكوا برة
عمر بسرعة / مبروك نجاحك يا داليا
( فهمت داليا من كلامه انه بيستهزأ بيها لأنها سقطتت السنة اللي فاتت. ودت لو تقول له انت السبب في ذلك لقد اردت ان اطيل سنين دراستي لكي اتواجد معك في نفس الجامعة )
داليا بحزن تخفيه / الله يبارك في حضرتك. عن اذنك
@@@@@@@@@@@@
مر أسبوع على بدء الدراسة وطوال هذا الاسبوع حاول عمر التقرب من داليا ولكن دون فائدة. وعلمت داليا إنه قد أنهى خطبته بعد حفلة الخطوبة بأسبوع. وبرغم ان هذا الخبر اسعدها كثيرا إلا أنها أخذت قرار بتجاهله والتركيز فقط على دراستها
عمر كان يحب. داليا من وقت طويل ولكنه ظن انها لا تستحق حبه. وأنها فتاة مدللة مستهترة لا يهمها شئ
وبرغم انه كان بيتجاهلها دايما بس كان حاسس ان في مشاعر جواها له ولم يتأكد من ذلك إلا عندما رأى في عينيها نظرة القهر والانكسار يوم خطوبته
وندم لانه قد استمع لنصيحة اهله في الارتباط وكانت تلك الفتاة التي ارتبط بها فيها كل الصفات اللي كان يظن انها موجودة في داليا لذلك فسخ الخطوبة بعد اسبوع من إتمامها وعلم أنه لا يقدر على الارتباط بغير الفتاة الذي أحبها منذ أول يوم رأها فيه
( ثلاث سنوات ) كانت هي تحبه بينها وبين نفسها وهو يبادلها الحب بينه وبين نفسه
ولكن يوجد فارق. فهو يعلم انها تحبه. اما هي فتعلم انها بالنسبة له لا شئ
@@@@@@@@@@@@@
هذا الاسبوع لم يخلوا من مشكلة صغيرة بين مهاب وشمس
فقد حاول هو الاتصال بها. ولكن تليفونها كان مغلق تضايق كثيرا فهو يكره ذلك التصرف
ولكن عند عودته من عمله صعد إلى غرفتها وعلم أن تليفونها معطل ( بايظ )
مهاب بعصبية / وماقولتليش ليه أول ما اتزفت باظ
شمس / أنا اديته لمازن يصلحه وهو هيجيبهولي بكرة
مهاب بعصبية / وتديه لمازن ليه على اساس إني مش موجود ليه ماقولتليش أنا
شمس بجدية / عشان عارفة انك مشغول ومش هتفضى عشان تروح تصلح تليفوني في التوكيل بتاعه
مهاب / أنتي غلطتي يبقى تعترفي بغلطك ولما يكون في إي حاجة تخصك تطلبيها مني أنا. بكرة الصبح قبل ماتروحي الجامعة هيكون عندك تليفون جديد
شمس / بس انا مش عايزة تليفون جديد أنا عايزة تليفوني
مهاب بأستغراب وعصبية / ليه يعني هيفرق معاكي في ايه
شمس / هتفرق كتير التليفون دا عزيز عليا جدا لأنه آخر تليفون مارو جبهولي في عيد ميلادى السنة اللي فاتت
مهاب بعصبية مكبوتة / بكرة هيكون عندك تليفون جديد انتهى الموضوع
شمس بعصبية / هو إيه اللي انتهى الموضوع بقولك انا مش عايزة حاجة لأني مش محتاجاه وتليفوني معايا
مهاب مسكها من زراعها جامد / اوعك تتكلمي معايا بالأسلوب دا تاني واللي أنا اقوله يتسمع مفهووووووم
شمس شدت ايديها منه / أنت بتتكلم معايا بالأسلوب دا فطبيعي إني اتكلم بيه.
لو جبت التليفون أنا مش هستعمله أنا عايزة تليفوني انا . انت كسرته وأن هصلحه واستخدمه
مهاب / شمس أنا بحاول اتحكم في عصبيتي معاكي ومش عايز اعمل أي حاجة أندم عليها بعدين وتخليكي تخافي مني فياريت تسمعي كلامي وماتتحدنيش
شمس / يبقى ماتحاولش تغصبني على حاجة وتحسسني إني ماليش اي رأي وتدخل في كل حاجة حتى تليفوني
مهاب بيحاول يهدي نفسه لانه شايف الموضوع مش مستاهل / يا شمس أنتي مراتي وطبيعي اني اتدخل في كدة وطبيعي انك لما تحتاجي حاجة تطلبيها مني مش من اخويه الصغير
شمس / بس انا لسه مابقتش مراتك ودا كان اتفاقنا من الأول أننا هنتعامل على أننا مخطوبين
مهاب مسكها من أكتافها واتكلم بهدوء لعله يقدر يقنعها / وأنا مليت الوضع دا انتي ماتعرفيش أنا بتعذب أد إيه وأنتي مراتي ومش قادر المسك وحارم نفسي منك
شمس / بس انا قولتلك الكلام دا من الأول وانت وافقت عليه
مهاب سابها وراح بأتجاه الباب / أنا عمري ماهغصبك على حاجة يا شمس وهسيبك براحتك.
خرج مهاب من أوضتها وهو متضايق من نفسه ليه بيضعف قصادها. فين هيبته اللي بتجبر الكل على الصمت والالتزام بأوامره ليه كل دا بيتلاشى منه ادامها
وليه هي مش مقدرة دا ولحد دلوقتي عايشة في الماضي ومش عايزة تنساه
أما شمس برغم كل دا فهي حاسة أنها محظوظة جدا بمهاب وبتحس معاه بالأمان وبرغم أنها بتضايق من تحكماته إنها ماتخرجش لوحدها وأن حتى الجامعة بتروحها مع داليا في العربية بالسواق وممنوع انهم يروحوا أي مكان غير الجامعة
إلا أنها بتنبسط بأهتمامه بيها
@@@@@@@@@@@
___________________________
جميلة اتصلت على رودي وحكتلها على الكلام اللي هي قالته لشمس واكتشفت انها ماكنتش تعرف حاجة لأن شمس ماقلتلهاش
رودي قابلت جميلة تاني يوم الصبح واخدتها معاها جامعتهم علشان تصالحهم على بعض
شمس أول ماشافت جميلة حضنتها بأشتياق كبير ولا كأن حاجة حصلت بينهم قبل كدة
حاولت جميلة إنها تعتذر من شمس لكن شمس أنهت الموضوع وقالتلها إنها مش زعلانة منها أبدا.
شمس استغلت الفرصة واخدت تليفون داليا واتصلت بمازن اللي هو كمان كان في الجامعة في نفس الكلية لكن كان داخل محاضرته لأنه في آخر سنه له
( مازن مابيحضرش كتير لأنه بيشتغل مع مهاب في شركاتهم بجانب الدراسة ودي طبعا رغبة مهاب )
مازن / ألووووو يا داليا. واخلصي بسرعة عشان داخل المحاضرة
شمس / لاء أنا شمس يا مازن
مازن / عايزة ايه يا رخمة
شمس / أنا رخمة. طب خلاص مش هقولك أنا اتصلت بيك ليه
مازن / خلاص يا شوسي قولي بقى انا غلطان وأنا اللي رخم
شمس / ايوة كدة . جميلة هنا معانا في الكافتريا
مازن / جميلة جميلة. وهنا والكافتريا
سلام سلام
( ذهب مازن إليهم بسرعة ونسى تماما محاضرته. وجلس يمزح معهم ولم تنزل عينه قط من على جميلة
طلبت شمس من جميلة ان تبقى مع مازن بالكافترية بينما هم يدخلون محاضرتهم واخبرتها أن تلك المحاضرة هامه بشكل كبير جدا ولا يمكنهم عدم حضورها
جميلة / طب ما أمشي أنا بقى ونبقى نتقابل وقت تاني
شمس بحزن مصطنع / كدة يا جميلة دا انا ما صدقت شوفتك عايزة تمشي دا أن لو المحاضرة دي ماكنتش مهمه كنت نفضتلها وقعدت معاكي
جميلة / خلاص يا شمس روحوا وأنا هستناكوا هنا
شمس بغمزة لمازن / ماشي وأحنا مش هنتأخر عليكي يا قلبي
( بعد مامشيوا البنات )
جميلة بحرج / حضرتك مش هتروح المحاضرة أنت كمان.
مازن / لا أنا معنديش محاضرات
جميلة / أزاي يعني أومال مش لسه شمس بتقول عندكوا محاضرة مهمة
مازن / لا عندهم هما أنا في سنة رابعة
( ظل مازن يتحدث مع جميلة ساعتين طوال دون ملل وحكى ليها تفاصيل كتير عن نفسه وسألها عن حاجات كتير في مواضيع عامة وخاصة وهي فضلت تتكلم معاه بدون شعور إنها بتتكلم مع حد غريب مع أنها عمرها ما عملت كدة أبدا مع أي شخص )
خرجوا الفتيات من المحاضرة
داليا / أما نشوف لا يكون مازن ضايق جميلة
شمس / لا ماتخافيش مش هيضايقها
رودي / أنا عارفة ايه اللي في دماغك وخلاكي صممتي نحضر المحاضرة ونسيبهم لوحدهم رغم ان المحاضرة لا مهمة ولا حاجة
داليا / انتوا بتتكلموا على ايه انا مش فاهمة حاجة
رودي / يا اختييييييييييييي كل دا ومش فاهمه
شمس / يا بنتي انتي مش ملاحظة اهتمام مازن بجميلة من اول مرة شافها فيها وكمان علطول بيسأل عنها
داليا بأستغراب / بس دا مشفهاش قبل كدة غيرة مرة واحدة تقريبا
شمس / وحتى لو دا مايمنعش إنه مهتم بيها و بعدها فضل يسأل عنها كتير يبقى دا اسمه إيه
رودي بمرح. / اهتمام مع سبق الإصرار والترصد
داليا / طب وأحنا بقى هنعمل ايه دلوقتي
شمس بأبتسامة/ ولا اي حاجة يدوبك بس هنحاول نجمعهم في مكان واحد حتى ولو صدفة
رودي / ازاي وهي في جامعة وأحنا جامعة تانية خالص
شمس / مش لازم الجامعة يعني
داليا بغيظ / على اساس حضرتك أننا بنروح مكان تاني غير الجامعة
شمس بضيق/ البركة في ابيهك مهاب اووووف المهم رودي تتصل بيها لما تكون جيالنا البيت وتقابلها تجيبها معاها واحنا نحاول يكون مازن فذ البيت وقتها
رودي بضحك / ههههههههههههه شغلانة زي الفل وربنا. هنعمل نفسنا كبري عشان هما يتقابلوا ويعجبوا ببعض
شمس بمرح / يا بخت من وفق راسين في الحلال
داليا / ههههههههههههه ههههههههههههه ربنا يسترها لابعد متيحبوا بعض يدعوا علينا أننا جمعناهم
عمر شافهم من بعيد راح عليهم و وقف معاهم ودا طبعا مش من طبيعته انه يعمل كدة
عمر / ازيكوا يا أساتذة أخبار الدراسة معاكوا إيه
رودي بمرح. / والله انا بقول ان حضرتك الوحيد يا دكتور اللي بترفع من معنوياتنا بكلمة أساتذة دي
عمر بأبتسامة / أن شاء الله بكرة تبقوا حاجة كبيرة ومش بعيد تبقوا دكاترة كمان
شمس بأستعباط / دكاترة ازاي هو احنا في كلية طب
عمر / ههههههههههههه لا والله دا بجد هو مافيش دكاترة غير في كلية طب
رودي / لا طبعا حضرتك فيه في كلية صيدلة
عمر بضحكة بصوت م/ ههههههههههههه ههههههههههههه يعني انا على كدة بياع خضار ولا ايه
( داليا واقفة ومش مستحملة إنها تشوف ضحكته كدة وتسمعها وماتبصش عليه وماتعرفش إنه هو ماشالش غنيه من عليها ومستنيها تبصله حتى نظرة واحدة )
شمس / لا يا دكتور ماتقولش كدة دا حضرتك دكتور كبير طبعا
داليا / عن اذنكوا أنا هسبقكوا أنا على الكافترية
عمر بتسرع / آنسة داليا لو سمحتي ممكن تستني شوية عايز اقولك حاجة
شمس مسكت ايد رودي / طب هنسبقك احنا يا داليا على الكافترية
( داليا بصت لشمس بمعنى ماتمشيش لكن شمس تجاهلت نظرتها وسحبت رودي ومشيت )
داليا بتوتر / خير يا دكتور حضرتك عايز تقولي ايه
عمر تحولت ملامح وشه / بتهربي مني ليه يا داليا
السؤال صدمها هي ماكنتش متوقعة إنه هيقولها كدة أبدا
داليا بتوتر ملحوظ / وأنا ههرب من حضرتك ليه يا دكتور. ما انا بحضر المحاضرات بتاعة حضرتك
عمر قرب عليها شوية لكن مش اوى لان في طلبة كتير حواليهم / أنتي فاهمه قصدي كويس يا داليا
داليا / حضرتك انا مش فاهمه حاجة وكمان ما ينفعش تناديني بأسمي كدة ولا تقرب مني وأنت بتتكلم بالشكل دا. وطلاما حضرتك مش عندك حاجة تقولها استأذن انا
تركته داليا في حالة دهشة واستغراب منه على موقفها وكلامها. جعلته يحدث نفسه قائلا / معقول داليا تعمل كدة دي بتموت فيا وانا متأكد. يمكن لسه موضوع خطوبتي مأثر عليها ولا تكون لسه ماعرفتش إني فسخت الخطوبة
ولا تكون نسيتني وبطلت تحبني لاء مستحيل أنا متأكد انها لسه بتحبني
__________________________________________
تاني يوم في الجامعة بعد المحاضرات رودي قالت للبنات إنها هتروح المكتبة عشان محتاجة شوية معلومات معينة وفعلا راحت هناك ( المكتبة حيث مكان مهجور من البشر ولكن كانت هذه المكتبة مليئة بكتب قيمة جدا وفيها معلومات وفيرة )
دخلت رودي وظلت تتنقل بين صفوف الكتب تبحث عن ما تريد
رودي بضيق / اوووووووف يعني مش هلاقيك أنا ذهقت من الخنقة دي
………./ بتدوري على ايه وأنا اساعدك
رودي بفزع / سلام قولا من ربً رحيم
أحمد / اهدي اهدي أنا ماقصدتش اخضك كدة
( دكتور احمد ياريت تكونوا فاكرينه اللي كان عايز يتجوز شمس واللي اتخانقوا معاه هما الاتنين لأنه عاكسهم قبل كدة )
أخدت رودي نفس طويل وهديت شوية
لكن احمد انفجر في الضحك / ههههههههههههه ههههههههههههه
رودي / حضرتك بتضحك بعد مارعبتني
أحمد / إحم إحم أنا اسف ماكنتش اقصد والله انا بس حبيت اساعدك
رودي / طب أعمل أي صوت قبل ما تيجي برجلك ولا ايدك ولا اي اشارة انك موجود هنا بدل ما الواحد ماشي مرعوب اساسا في المكتبة المهجورة دي
أحمد / فعلا عندك حق مافيش طلبة بتيجي الكتبة كتير. بس انتي كنتي بتبحثي عن ايه عشان اساعدك
رودي / كنت بدور على كتاب ( ……..) عشان محتاجة منه شوية معلومات. بص أنا دورت هنا دور حضرتك هناك
أحمد / طب اتقلي شوية أنتي ماصدقتي. قولي مش عايزة اتعبك معايا ولا انا هدور
رودي / لاء طبعا طلاما أنا محتاجة فعلا مساعدتك اتنك ليه يعني
أحمد بأستغراب / تتنكي إيه الالفاظ دي اسمها اتكبر
رودي بضيق / المهم حضرتك هتساعدني ولا لاء
( بحث معها أحمد عن الكتاب وأثناء بحثهم كانوا يتحدثون عن ما يوجد بذلك الكتاب واكتشفت رودي ان برغم ان احمد إنسان مرح ومش باين عليه انه دكتور في جامعة إلا أنه إنسان مثقف وقرأ كتب كتير. بعد بحث طويل عثروا على الكتاب وجلست رودي تقرأ فيه قليلا وأمامها أحمد يخبرها بكل التفاصيل التي تريدها
بدأت قصة جديدة داخل قصة شمس لكن احنا مش هنوصفها بكل تفاصيلها لأن عندنا قصة تانية طوييييييلة أوي وهي شمس
________________________
أثناء خروج داليا وشمس من الجامعة لكي يركبوا مع السائق في العربية
استمعت شمس لاحد ينادي عليها
محمد يركب مكنة مارو وينتظرها أمام الجامعة.
ركضت شمس اليه
شمس بلهفة / محمد عامل ايه وحشتني اوى
محمد بزعل / لو كنت وحشتك كنتي جيتي تشوفيني أنما أنتي مشيتي ونستينا كلنا
شمس / لا اوعى تقول كدة انا مانسيتكوش أبدا أنا مشيت غصب عني يا محمد ماكنتش هقدر اعيش في البيت ومارو مش معايا
محمد / طب وأنا وامي وأبويا هونا عليكي يا شمس دا حتى يوم وقفة العيد رفضتي تيجي تفطري معانا قولت يبقى هتيجي في العيد ماجتيش وامي استنيتك وبقت تحضر كل الاكل اللي انتي بتحبيه كانت متأكدة انك هتيجي لكن للأسف أنتي خزلتيها يا شمس تعرفي انها لما استنتك تيجي كتير وماجتيش تعبت واتخانقة مع عبدالرحمن وابوكي وقالت أنهم السبب في انك ما تجيش وأن زي مارو سابنا قلب مارو كمان سابنا
شمس دموعها نزلت / والله العظيم غصب عني أنت ماتعرفش أنا حسيت بأيه لما عبدالرحمن كان بيتخانق معايا ولا لما ابويه كان عايز يضربني لولا مهاب اللي لحقني
محمد بعصبية / ايه عمي كان عايز يضربك
شمس هزت راسها بأه
داليا راحت عليهم لما حست انهم هيقفوا كتير
داليا / ايه يا جماعة هتتكلموا في الشارع مايلا نروح على البيت واتكلموا براحتكوا
شمس مسحت دموعها / محمد لازم تسمعني أرجوك
محمد / طب اركبوا العربية وانا همشي وراكوا
شمس / لاء أنا هركب معاك على المتوسيكل لأنه وحشني أوي حاسة انه جزء من مارو
داليا / طب بلاش دموع عشان خاطري اركبي معاه وانا هركب في العربية. سلام
داليا ركبت العربية وطلبت من السواق يمشي / اتفضل أمشي
السائق / وشمس هانم يا فندم
داليا / هتيجي مع ابن عمها ورانا
السائق قبل مايتحرك اتصل بمهاب وبلغه باللي حصل
شمس ركبت على المتوسيكل ورا محمد. وطلبت منه يقف أمام احد الحدائق الهادئة
وبقت معه نصف ساعة فقط حكت له ما حدث.وأخبرته كم ان مهاب يعاملها بطريقة حسنة ويحبها كثيرا
محمد كان متضايق انه مش عارف يوصل لشمس ولا يشوفها لأنه مايعرفش مكان القصر وحتى أبوه ماقلهوش لأنه مايعرفش مكانه بالظبط وكمان شمس تليفونها كان مقفول لكن شمس قالتله أن تليفونها كان بايظ
محمد أخد شمس و وصلها على القصر ودخلها جوه وطلبت منه يدخل لكنه رفض وهي قالتله إنها هتروح عشان تشوف عمها ومراته وكمان هتكلمه علطول لأن تليفونها اتصلح
دخلت شمس واتفاجأت أن مهاب موجود
ودا مش ميعاد وصوله هو مابيرجعش البيت غير قبل ميعاد العشا
شمس / سلام عليكم
مهاب بجمود / كنتي فين
شمس بمرح/ طب رد السلام الأول
مهاب بعصبية / لما أسألك تردي عليا كنتي فين
شمس / في ايه يا مهاب بتكلمني كدة ليه أنا كنت مع محمد ابن عمي هو جالي أدام الجامعة وكان زعلان مني فأنا ركبت معاه عش
مهاب قاطعها بصوت هادي مرعب / ركبتي معاه ايه
شمس قلقت من طريقة كلامه / ركبت معاه المتوسيكل
مهاب مسكها من زراعها جامد حتى كان ان يعصره بين اصابعه / ركبتي إيه
شمس بوجع / ااااااااه. سبني أنت بتعمل كدة ليه
مهاب شدها ودخلها أوضتها والقاها على السرير بقوة / ازاي تتجرأي تعملي كدة هااا اركبي وراه وتمسكي في ظهره صححح وتتكلمي معاه روحتي معاه فين انطقييي
شمس ببكاء / ماروحتش معاه في حتة احنا بس وقفنا أدام حديقة واحنا جايين واتكلمنا شوية
مهاب قرب عليها / و يا ترى بقى جابلك بلالين وانتوا بتتمشوا ولا لاء
( انتوا عارفين هو ليه قال كدة لأنه شاف مهاب قبل كدة بيتمشا معاها وجايبلها بلالين )
شمس ببكاء وصوت عالي / أنت بتتكلم معايا كدة ليه وازاي تكلمني بالطريقة دي
مهاب مش شايف حتى دموعها غيرته عليها عمياه عن دموعها / الظاهر اني كنت متساهل معاكي اكتر من اللازم
عارفة يا شمس لو اتكررت هخليكي تندمي طول عمرك وهمنعك من الجامعة كمان
مش هخليكي. تشوفي نور الشمس
يا. يا شمس
( مهاب قال كدة بصوت جهوري وسابها وخرج من اوضتها وأغلق الباب بطريقة عنيفة )
داليا سمعت صوتهم وهما بيتخانقوا واستنت لما مهاب خرج من الأوضة وراحت لشمس
شمس بمجرد خروج مهاب قامت وقررت انها هتسيب البيت ومش هترجع تاني أبدا
داليا حاولت تقنعها أو تهديها لكن للاسف شمس بتجهز هدومها وحاجتها عشان تمشي
داليا عارفة ان مهاب مش هيسيب شمس تمشي وممكن يأذيها وللأسف مافيش حد من العيلة موجود في البيت فقررت تتصل على عمها سامح وفعلا اتصلت بيه وقالتله ان مهاب زعق مع شمس ومنعها من الخروج وهي عايزة تمشي
وطبعا سامح عارف ابنه وقت مايتعصب بيبقى عامل ازاي
اتصل على سهى تسيب اللي في ايديها في النادي وترجع القصر هي ونوالرعشان يحاولوا يقنعوا شمس ماتعندش مع مهاب
وصلت سهى البيت ومعاها نوال وطلعوا على اوضة شمس كانت شمس جهزت حاجتها عشان تمشي ورفضت تسمعهم أو تستجيب لكلامهم ونصحيتهم ليها وسهي قالتلها أن مهاب مش هيسمحلها تمشي
شمس نزلت بتجر شنطة وراها وفي شنطة ( هند باج ) على كتفها فيها الكتب بتاعتها
و سهى ونوال معاها بيحاولوا يقنعوها
وداليا في اوضتها لأن نوال طلبت منها ماتطلعش من اوضتها خالص تجنباً لأي مشكلة ممكن تحصل
شمس بتتحرك بأتجاه الباب عشان تخرج
اتفاجأت بمهاب قاعد على كرسي في الصالون وبكل برود سألها / على فين يا مدام مهاب
شمس مالفتش وشها له وكلمته وهي عطياله ظهرها / ماشية من هنا ومش هرجع تاني ابدا
مهاب ببرود / اطلعي على أوضتك يا شمس
شمس اتحركت بأتجاه الباب وتجاهلت كلامه
مهاب في لحظة كان ماسكها من زراعها بقوة
نوال و سهى حاولوا يتدخلوا لكن مهاب شاورلهم بأيديه فوقفوا مكانهم يتفرجوا بدون مايتدخلوا
مهاب بهدوء مرعب / قولتلك اطلعي على أوضتك صح
وقولتلك قبل كدة لما اقولك كلمة تسمعيها فورا
شمس / لا مش هسمع حاجة انا سمعت كلامك كتير
منعتني أروح أزور عمي ومراته كل ما اقولك اروحلهم ترفض. وكمان ممنوع خروج في اي مكان من الجامعة للبيت ومن البيت للجامعة
دا ممنوع ودا ممنوع ودايما تعليمات وأوامر وأنا بسمع من غير ما اعترض لكن دلوقتي خلاص انا مستحيل افضل هنا أبدا دا سجن
مهاب بنفس هدوءه / لآخر مرة بقولك اطلعي أوضتك يا شمس قبل ما افقد اعصابي عليكي
شمس في الوقت دا كان مفروض تمتص غضبه وتطلع من سكات لكن للاسف هي وقفت قصاده واتحدته
شمس بصوت عالي / أنت بتهددني يا مهاب طب انا همشي وأنت هطلقني يا مهاب لأني مستحيل أعيش معاك او اتجوزك
أشعلت النار بجعله يغير اولا ثم ذادتها اشتعالاً عندما تحدته. وجعلته ينفجر غضبا عندما نطقت بكلمة الطلاق
مهاب مسكها من رسغها وجذبها معه
سهى برعب من منظر مهاب / مهاب حبيبي دي مراتك سيبها وهي هتعقل دلوقتي
مهاب بيجر شمس وراه وهي بتحاول تشد زراعها من ايديه إلا انه أحكم قبضته عليها
وعندما وصل الي السلم شالها على زراعه وسط ركلاتها وصراخها
نوال و سهى طلعوا وراه وبيحاولوا يوقفوه واتفاجأوا أن مهاب رايح بشمس على جناحه
مهاب دخل جناحه ولف وشه لامه ومرات عمه / اتفضلوا وياريت ماحدش يتدخل بيني وبين مراتي
داليا خرجت من أوضتها لما سمعت صراخ شمس وراحت بأتجاه جناح مهاب. شافت امها و سهى رجعين
داليا ببكاء / ماما. مهاب هيعمل ايه في شمس ارجوكي يا طنط سهى ألحقيها
نوال حضنت داليا / ماتخافيش يا حبيبة ماما هو مش هيعملها حاجة هي كانت مصممة تمشي فهو شالها وطلعها غصب عنها
داليا / طب ليه اخدها جناحه وماطلعهاش أوضتها. أنا خايفة عليها أوي
سهى / اطمني يا داليا. اللي انا شوفته دلوقتي بيأكدلي أن مهاب مستحيل يأذي شمس. دي وقفت واتحدته وعملت اللي مستحيل حد يعمله لدرجة اني قولت مهاب هيقتلها فورا
لكن الحمد لله معملش كدة لكن هي استفزته أوي
______________________________________
في جناح مهاب
مهاب ساب شمس على سريره
مهاب / كرري بقى الكلام اللي قولتيه تحت عايزة تطلقي. طب مش لما نتجوز الأول ابقى اطلقك
شمس بتوتر / أنت عايز ايه سيبني أخرج
مهاب بصوت عالي / عاملتك بطريقة ما اتعملتش بيها حتى مع امي ولا ابويه وقولتلك مليون مرة تجنبي عصبيتي. لكن انتي مابتسمعيش الكلام وبتتحديني من اللحظة دي انا هعلمك أزاي تسمعي الكلام وماتعليش صوتك وأنتي بتكلميني
___________________________
رواية ( شمس وسط الظلام) البارت(30) بقلم:- أسماء أبوشادي Ana Amera Habeby
___________________________
أميرة السعادة / أنتم اعطيتموني هذا الاسم لأني كثيرا ما اسعدكم.
أعلم ان في بعض الأحداث تسببت انا في بكائكم ونزول دموع كتير أعتذر عن هذا ولكني اخبرتكم قبل أن ابدأ هذه القصة انها تميل إلى الواقع
وأنا أن كنت فعلت ذلك فلاجلكم حتى لا تعيشون بالخيال وتصتدمون بالواقع
أعتذر مقدما عن دموع قد تنزل من عيونكم في الحلقات القادمة وتاكدوا أن دموعي قد نزلت قبل دموعكم. ولكن هذه هي الحقيقة الدنيا لا تعطينا كل شئ
ولكن ” شمس ” عانت الكثير في حياتها مما جعلها ظلاما حالكاً وأصبحت تلك الفتاة التي تشبه الشمس حقا. كالزهرة المقتولة وكالعصفور الجريح وحيدة تواجه مالا يتحمله بشر
اعذروني
______________________
مهاب ألقى شمس على سريره و واقف بيزعقلها على تصرفاتها
مهاب بصوت عالي وهو يعطي شمس ظهره / أنا عايز افهم ليه مابتسمعيش الكلام أنتي عارفة انك عملتي اللي لحد الآن مافيش مخلوق قدر يعمله
ألتفت مهاب إلى شمس اثناء كلامه واتفاجأ بمنظرها
شمس وهو مهاب بيزعق حست ان قلبها هيقف بقى بينبض بسرعة شديدة وقوى أشد وكأنه هيطلع من بين ضلوعها حست بألم شديد. ووشها تحول إلى اللون الاصفر هرب الدم كله من وجهها وشفتاها مال لونهم الى الازرق
مهاب جري عليها وبلهفة شديدة / شمس مالك. مالك يا شمس
مهاب مسك ايديها وكانوا باردين جدا كالثلج
مهاب ضمها بسرعة / بس حبيبتي اوعي تخافي مني أهدي أنا مش قصدي ارعبك كدة حبيبتي أهدي. أنا اسف. اسف أوي
شمس سابت نفسها في حضن مهاب وغمضت عنيها
مهاب بعدها عن حضنه شوية عشان يكلمها واتخض لما شافها غمضت عنيها
مهاب بقلق شديد / شمس أنتي كويسة حبيبتي اطلبلك دكتور
شمس هزت دماغها بالرفض ونطقت بصوت منخفض جدا / أنا عايزة انام
مهاب عدل من وضعها على السرير وسحب عليها الفراش. ونام جنبها وضمها لحضنه جامد عشان يحسسها بالأمان
وفضل ضميره يأنبه إنه السبب في إنها تخاف كدة. واكيد حتى لو كانت بدأت تحبه فهي دلوقتي هتكرهه
شمس سابت نفسها في حضن مهاب لأنها لقيت فيه دفا جميل جدا خصوصا ان هي عمرها ما نامت في حضن حد لا أب ولا أم حتى مارو ماحصلش أبدا انه يحضنها ولا بأي شكل لقيت في حضن مهاب امان. افتقدته طول عمرها
شمس دموعها نزلت ومهاب حس بيها
مهاب رفع وشها وهي في حضنه / ارجوكي ماتبكيش. ما اقدرش اشوفك كدة
شمس ببكاء / انت كنت هتأذيني
مهاب / يا حبيبتي انا مستحيل آأذيكي أبدا دا انتي روحي
شمس / أنت كنت عايز تغتصبني
مهاب / ايه. أنتي متخيلة ان انا ممكن اعمل فيكي حاجة زي دي أنا قولتلك مليون مرة أنا مستحيل اغصبك على أي حاجة أزاي تفكري أن أنا اعمل كدة
شمس ببكاء أشد / أنت اللي قولت كدة من شوية لما اتجوزك ابقى اطلقك وقولت و خوفتني وقولتلي ها
مهاب قاطعها بقبلة على شفايفها رقيقة جدا ولم تكن بطويلة ثم ابتعد عنها / أنا لما قولت كدة ماقصدتش اللي جه في دماغك دا بس انتي يا شمس غلطتي جامد واستفزتيني و وقفتي قصادي. وشيفاني بحاول على اد ما اقدر ما اتعصبش تعرفي اني كان ممكن أمد إيدي عليكي. في وقتها وصدقيني لو كانت حصلت أنا مستحيل كنت اسامح نفسي
( مهاب فضل حاضن شمس حتى وهما بيتكلموا. وقرر انه يعاتبها ويقولها على كل حاجة عملتها تضايقه. ورغم كدة هو كان بيتجاهلها عشان مايزعلهاش
وشمس فعلاً حست أنها غلطت كتير )
شمس / أنا صحيح غلطت اني اتكلمت معاك كدة بس دا من خنقتي. لأنك مانعني أخرج خالص أنا حاسة اني محبوسة ومسجونة كل حاجة ممنوعة
مهاب بحنية / والله غصب عني دا من خوفي عليكي انتي وداليا كمان ما اقدرش اسمح ان حد يأذيكوا مش فاكرة لما خرجتوا مع بعض قبل كدة حصل إيه وكنتوا هتموتوا كلكوا يومها.
شمس / صحيح هما مين دول وليه ضربوا السواق بالنار وجريوا ورانا كدة
مهاب بأبتسامة / ماتشغليش بالك أنتي حبيبتي
شمس بتوتر / يعني هما ممكن يأذونا
مهاب / لا يا قلبي ماحدش يقدر يأذيكوا هما مابقوش موجودين خلاص
شمس بأستغراب / ازاي مابقوش موجودين
مهاب حط ايده على خدها بحنان / قولتلك ماتشغليش بالك
شمسي ممكن ابوسك
شمس وشها أحمر جدا وكالعادة اصبح زي الفرولة وهربت بعنيها بعيد عن عيون مهاب
مهاب فعلا ظل يوزع قبلاته على وجهها ثم إلى شفايفها قبلة طويلة أشعلت نيران رغبته ويديه ظلت تتحرك على جسدها بحرية
وبعد دقائق لم تعد تلك القبلات تكفيه
حاول انه ينزع عنها بلوزتها برقة شديدة
شمس كادت تموت خجلاً ثم تصلب جسدها عندما حاول تجريدها من ملابسها.
شمس بخفوت وخجل / مهاب
مهاب رد وهو يقبل رقبتها / عمر مهاب
شمس بخفوت وصوت ضعيف / كفاية
مهاب برومانسية وهو مازال يقبلها / مش قادر مشتقالك أوي. اوووووووي
شمس بخفوت جدا / بس انا خايفة
توقف مهاب عما يفعل وابتعد عنها رغماً عنه وكان ذلك صعب جدا عليه
قام مهاب من جوارها / نامي شوية حبيبتي ومتخافيش أبدا واتأكدي إني مستحيل ألمسك بدون رغبتك أو غصب عنك
شمس ابتلعت ريقها / طب انت رايح فين
مهاب / ماتقلقيش أنا جنبك لو احتاجتي حاجة نادي عليا
شمس بتوتر / طب ما اروح أنام في اوضتي
مهاب قرب عليها وجلس بجوارها على السرير وتكلم بهدوء وحنية / أنتي خايفة مني حبيبتي لدرجة أنك مش عايزة تقعدي معايا في مكان واحد
شمس / لاء طبعا انا بس مش عايزة اضايقك فقولت اسيبك براحتك في أوضتك
مهاب مسك وجهها بكفيه / حبيبتي دي أوضتك زي ما هي اوضتي. وبعدين انتي خلاص هتفضلي معايا هنا مافيش أوض تانية
شمس بتوتر / ا أز أزاي يعني
مهاب بحنان بالغ / شمسي بلاش توتر وبعدين مش أنتي بتثقي فيا
هزت شمس رأسها بمعنى الموافقة
مهاب / خلاص يبقى خليكي معايا هنا وصدقيني أنا هخليكي ماتخافيش مني أبدا ولو خوفتي وقتها ابقي ارجعي أوضتك
شمس بخجل / طيب والعيلة هيقولوا علينا إيه. ما ينفعش كدة
مهاب / أنتي مراتي وماحدش له عندي حاجة و وجودك هنا طبيعي.
( وبعد وقت طويل قدر مهاب يقنع شمس إنها تفضل معاه في اوضته والجناح بتاعه )
مهاب ساب شمس تنام ودخل اخد شاور بارد لعله يطفئ نيران رغبته. ثم دخل غرفة الرياضة الخاصه بيه في جناحه
وظل يمارس التمارين الشاقة فترة طويلة
أما شمس فنامت نوم عميق جدا وبرغم أنها متوترة لكن مبسوطة جدا إنها نايمة على سرير حبيبها أول واحد دخل قلبها واللي خطف قلبها من اول نظرة واللي بتدوب من لمسته وبتحس معاه بالأمان
شمس لنفسها / بس إي اللي حصلي دا لما كان بيزعقلي. معقولة أنا خوفت للدرجة دي
استسلمت شمس للنوم وهي بتتنفس من ريحة المخدة ( أصل عرجه فيها هههههههههه)
@@@@@@@@@@@@@@@@@@
جاء ميعاد العشا
مهاب بيصحي شمس
مهاب بأبتسامة / حبيبتي يلا اصحي بقا عشان تتعشي
شمس يا شمس
شمس مابتردش مهاب قلق جدا وبدأ يضربها ضربات خفيفة على خدها. وهي ولا هي هنا
مهاب جاب أحد زجاجات البرفيوم خاصته لأنه اعتقد انها فقدت الوعي
مهاب وضع بعض القترات على أنفها
شمس بنعاس / وربنا يا داليا لو مابطلتيش رخامة هقوم انفخك
مهاب بدهشة واستغراب / ايه دا دي مش مغم عليها. تنفخيني يا شمس
شمس قامت من نومها / مهاب. إيه
مهاب / لو مابطلتش رخامة هتنفخيني
شمس بكثوف / أنا كنت نايمة على نفسي مش مركزة وبعدين انا قولت داليا
مهاب / ههههههههههههه دلوقتي بس عرفت داليا اتخضت وصرخت ليه يوم العيد وهي بتصحيكي دا انتي نومك تقيل أوي
شمس اتمطعت / لا والله بس لما بكون مرهقة
مهاب بأبتسامة خبيثة / مرهقة ليه هو احنا عملنا حاجة
شمس بخجل / مهاب بس بقى الله
مهاب بنفس الابتسامة / طب ما انا بسيت ماتقلقيش يا شمسي أنا مش هلمسك إلا لما أخليكي تبقي عايزة كدة
شمس قامت / لا بقولك ايه انا راجعة اوضتي
مهاب بجدية / شمس احنا قولنا ايه مش اتفقنا تسمعي الكلام وياريت يا شمس بلاش تناقشيني خالص ادام حد في العيلة لأن تأكدي انك هتخسري النقاش يا اما هينتهي بتهوري عليكي.
شمس / خلاص بقى ممكن مانتكلمش تاني
مهاب / طب يلا عشان ننزل نتعشى
شمس / لاء طبعا انا مش هعرف انزل بعد الموقف دا هحط عيني في عنيهم أزاي وهما عارفين اني قاعدة معاك هنا
مهاب بتنهيدة / والله العظيم أنتي مراتي وأنا وأنتي نعمل اللي احنا عايزينه وماحدش له عندنا حاجة ولا يقدر يتكلم
شمس بدلع / بلييييييييز موهاب أنا مش عايزة انزل دلوقتي ومش عايزة أكل خالص
مهاب / على فكرة من مصلحتك ماتدلعيش خالص ادامي. انتي مراتي وفي اوضتي والشيطان ابن كلب واطي
ويلا بقى إنتي عارفة انى مانع اي حد مايحضرش العشا حتى ابويه نفسه
شمس بخجل / انزل أنت اتعشا وبلاش أنا وحياتي عندك يا مهاب
مهاب / خلاص خليكي يا شمسي وأنا هبقى اخلي الخدم يطلعولك العشا هنا
شمس بأبتسامة / متشكرة أوي يا هوبا
مهاب / ههههههههههههه انتي ضيعتي هيبتي شخصيتي بقت في الارض يقولوا إيه دلوقتي مهاب العدلي بقى هوبا
شمس / صحيح يا مهاب أنت ليه دايما كدة شديد على الكل حتى عيلتك
مهاب بجدية / شخصيتي دي هي اللي خلتني اقوى رجل أعمال في الشرق الأوسط وهي السبب في أن ماحدش يقدر يادي عيلتي. أما إذا كنت شديد عليهم هما كمان فدا لمصلحتهم هما
شمس أنا جدي الله يرحمه هو اللي مربيني على القوة والحزم والشدة لكن كمان أنا مابفتراش على حد اضعف مني لكن كل واحد بيغلط له عقابه
_______________________
مهاب نزل كان الكل على السفرة مستنينه وداليا هي أول واحدة نزلت قاعدة على اعصابها مستنية شمس عشان تطمن عليها لكن اتصدمت لما مهاب نزل لوحده
سامح / أومال فين شمس يا مهاب
مهاب ببرود / مش هتنزل تتعشا
سامح / ومش هتنزل ليه يعني مهاب أنت ما اذيتش مراتك صح
مهاب بص له بمعنى ماتدخلش / اهو حضرتك قولت مراتي. و
قبل ما يكمل كلامه داليا قامت من على السفرة وسابت الأكل بغضب
مهاب بعصبية / خودي هنا إيه اللي انتي عملتيه دا وازاي تقومي كدة
داليا ببكاء / هطلع أشوف حضرتك يا ابيه عملت ايه في شمس
حرام عليك يا ابيه هي ماعملتش حاجة. دا ابن عمها وزى اخوها وزعلان منها عشان مش بتسأل عنهم وحتى مرات عمها اللي مربياها تعبانة بسبب انها مابتروحش هناك وهي تليفونها كان بايظ بس هما افتكروها غيرت رقمها عشان مايكلموهاش
مافيش حاجه تستاهل ان حضرتك تضربها عشانها
مهاب استغرب لأن داليا اول مرة تتكلم معاه كدة بل هي أول مرة تتكلم معاه في حاجة اصلا
الكل كان خايف من رد فعل مهاب ونوال حست ان مهاب هيضرب بنتها لكن اتفاجأوا باللي حصل
مهاب قرب على داليا ومسحلها دموعها بأيديه ودوليا خافت وحركت وشها بتحسبه هيضربها لكن اتصدمت إنه بيمسحلها دموعها
مهاب بهدوء / أنا ماضربتهاش واتفضلي اطلعي شوفيها
واوعك تكرري التصرف دا تاني لأي سبب مفهوم
@@@@@@@@@@@@@
داليا طلعت جري على جناح مهاب وهي تقريبا بقالها سنين مادخلتهوش بل هي مادخلتهوش طول حياتها غير كام مرة بس
فتحت الباب ودخلت جري على جوه ودخلت على أوضة النوم. بس مالقيتش شمس
داليا بتدور عليها / شمس يا شوسي
شمس بصوت مرتفع / تعالي يا داليا أنا هنا
داليا خرجت من اوضة النوم ودخلت أوضة الرياضة حيث كانت شمس
داليا / حبيبتي خضتيني عليكي قلبي كان هيقف
( فضلوا يتكلموا شوية وهما بيبصوا على الجنينة لأن اوضة الرياضة شبه مفتوحة كلها ومليانه بكل انواع الأجهزة
داليا حكت لشمس على اللي حصل. وكانت مبسوطة جدا
شمس قالت لداليا إنها هتعيش مع مهاب في الجناح بتاعه. بس ماحكيتلهاش حاجة عن اللي حصل بينهم
داليا رخمت شوية علها بقا والحقد انتوا عارفين الحاجات دي وبعد شوية
داليا / إلا صحيح انتي ايه دخلك اوضة الرياضة بتعملي ايه فيها
شمس بأبتسامة / بتفرج عليها بقولك ايه ما تيجي نجرب نلعب كدة
داليا / لا يا ست في اوضة رياضة تحت في الجنينة هبقى اخليكي تجربي بلاش نقرب من حاجات أبيه لا يقتلنا
شمس / عيب عليكي يا بت دا انتي معاكي وحش مفترس وكمان انا مراته يعني شريكته في كل حاجة في الجناح وبأعتراف منه هو
داليا وشمس بدأوا يجربوا الأجهزة
شمس راحت عند جهاز أحمال الحديد وبتحاول ترفعه. ومش قادرة خالص
شمس / اااااا يااقوووووووي
داليا / يا بنتي ربحي دماغك مش هتقدري
شمس بتنهج/ اه اه اه فعلا إيه دا انا نفسي اتقطع من المحاولة بس
هما قاعدين وبيهزروا دخل مهاب عليهم وكان سامع صوتهم من برة
مهاب / انتوا بتعملوا إيه هنا
داليا بتوتر / ا أنا كنت بطمن على شمس وهي كويسة استأذن انا بقى
( خلعت داليا. نعم انه الصديق وقت الضيق)
مهاب قعد مع شمس في اوضة الرياضة يعلمها شوية على بعض الأجهزة
وطلعوا الخدم بالعشا وبشنط شمس اللي كانت مجهزاها تمشي بيها وحطوا الحاجات مكانها كويس. وشمس كانت مستغربة الحاجة دي هتتحط فين والدولاب مليان بس اكتشفت ان في أوضة صغيرة تاني في أوضة النوم شبه الدولاب وفيها برضوه حاجات كتير لمهاب
جه وقت النوم وشمس اصرت إنها تنام على الكنبة رغم محاولات كتير من مهاب لكن دماغها حجر صممت ونفذت وهو سابها تنام
بس لما أتأكد أنها راحت في النوم شالها من على الكنبة ونيمها في حضنه
ودي بالنسباله كانت أجمل ليلة
وحب حياته نايمة بين ايديه
@@@@@@@@@@@@
___________________________
مر كام يوم على الوضع دا
مهاب وشمس أسعد اتنين في الدنيا وعايشين احلى قصة حب فيها شقاوة مهاب وخجل شمس رخامة شمس وحنية مهاب
عمر بيحاول يقرب من داليا لكن هي اساسا مش بتديله فرصة يتكلم معاها
وهو مش عارف يكلمها لانها دايما مع شمس و رودي.
أحمد تقريبا بيقابل رودي يوميا في المكتبة ويتكلم معاها في الموضوع اللي هي بتدرس عنه لأنها قررت أنها بعد الدراسة هيكون دا موضوع الدكتوراه بتاعها ولأنه مهم جدا هياخد وقت أطول وهي هتبدا دراسة فيه من دلوقتي
أما جميلة
فهي قاعدة في البيت دلوقتي سرحانة وبتفتكر موقف حصل معاها أدام الجامعة
فلاش بااااااااااااااااااااااااااااااااك
جميلة في جامعتها رايحة بأتجاه باب الخروج سمعت حد بينادي عليها وكان مازن
مازن / ازيك يا جميلة عاملة ايه
جميلة / الحمد لله. ازي حضرتك
مازن بأبتسامة / كويس بس مش احنا اتفقنا بلاش حضرتك دي
جميلة بحرج / آسفة بس ماينفعش دي حدود ما ينفعش اتخطاها.
مازن / خلاص اللي يريحك هو انتي ماشية ولا ايه
جميلة / ايوة خلصت محاضراتي
مازن / طب انا كنت بشوف واحد صاحبي وخلاص ماشي أنا كمان تعالي اوصلك في طريقي
جميلة / متشكرة بلاش اتعب حضرتك انا هاخد تاكسي
مازن / يا ستي اعتبريني تاكسي وتركيب معايا
جميلة / انا اسفة بس ما ينفعش اركب معاك عربيتك. عن اذنك عشان لازم أمشي
جميلة خرجت وسابت مازن واقف مكانه مندهش من ردها عليه
وبعد شوية خرج وراها وركب عربيته. شافها واقفة مستنية تاكسي. فضل قاعد في عربيته مستنيها تركب وتمشي
بس شوية لمح شاب وقف جنبها بيعاكسها
نزل وراح بدون إي كلام ضرب الشاب بالبوكس وقعه في مكانه وشد جميلة من ايديها وركبها معاه العربية وسط اعتراضها
جميلة / ممكن اعرف أنت ازاي تعمل كدة وكمان تركبني معاك غصب عني
مازن بعصبية / يعني عايزاني أشوف واحد بيعاكسك واتفرج عليكي.وما اتدخلش
جميلة / انت بتتكلم معايا بالطريقة دي ليه وتدخل بتاع إيه اصلا
مازن / لأنك تخصيني يا جميلة.
جميلة / نعم إيه اخصك دي
مازن وقف بالعربية في نص الطريق وبصلها وقالها / بحبك
جميلة اتصدمت من الكلمة دي وفي أقل من ثانية واحدة أنت نزلت من العربية بسرعة وشوفت تاكسي ادامها شاورتله يقف
مازن نزل يلحقها. بس للأسف هي ركبت التاكسي ومشيت بسرعة
بااااااااااااااااااااااااااااااااك
جميلة ابتسمت ورجعت تذاكر
__________________
في قصر العدلي
مازن قاعد مع شمس و داليا بيحكلهم اللي حصل ( شمس هي اللي عرفت مازن ميعاد خروج جميلة من الجامعة وكمان بتحكيله تفاصيل كتير عنها )
داليا وشمس اتفقوا انهم هيساعدوه على اد ما يقدروا
أثناء جلوسهم جه مهاب وهما كانوا قاعدين بيضحكوا جامد جدا
مهاب قعد معاهم شوية وبعد كدة طلع يغير هدومه عشان ينزل يتعشا
@@@@@@@@@@@@
متجمعين كلهم على السفرة. وبياكلوا
ومازن و داليا وشمس بيتكلموا عن الدراسة لكن في جو من المرح. بين أفراد العائلة
مهاب قام وقف / داليا. لما تخلصي اكل تعالي على المكتب
داليا بتوتر / ليه يا ابيه هو انا عملت حاجة
مهاب / هو انا قولتلك دلوقتي عملتي حاجة بقولك تعالي أوضة المكتب عايزك
مهاب دخل المكتب وشوية و داليا حصلته
داليا بتوتر/ خير يا أبيه
مهاب / خير بأذن الله. في عريس طلب ايدك مني أنا و عمي النهاردة
داليا / عريس
مهاب / ايوة عريس. يبقى دكتور عندكوا في الجامعة اسمه عمر
داليا اتفاجأت جدا بس بدون ما تاخد فرصة تفكر وتستوعب رفضت / لا يا ابيه أنا مش موافقة
مهاب استغرب ردها السريع دا / ليه مش موافقة أنتي في حد فحياتك
داليا / لاء يا ابيه والله أبدا
مهاب / طيب ليه رفضتي
داليا / عشان انا مش عايزة ارتبط دلوقتي لازم اخلص دراستي وبعدين ابقى افكر في الارتباط
مهاب / أنا هسيبك تفكري لآخر الأسبوع. وفكري كويس لأنه إنسان محترم جدا وناجح وأنا شايف انه مناسب لكن الرأي في الموضوع دا ليكي أنتي لأن دا قرارك واختيارك
@@@@@@@@@@@@@@@@@
داليا خرجت من مكتب مهاب طلعت على اوضتها علطول
وشمس طلعت وراها
شمس / داليا في ايه. مهاب كان عايزك ليه. إيه دا انتي بتعيطي
داليا ببكاء / عمر عايز يتجوزني يا شمس
شمس / اوعي تقولي ان مهاب رفض
داليا / لاء أبيه مهاب موافق وكمان بابا موافق وشيفينه مناسب
شمس بفرحة / الحمد لله ألف ألف مليون مبروك يا حبيبتى
داليا ببكاء / بس انا مش موافقة
شمس بأستغراب / نععععععم ودا ليه ان شاء الله
داليا / شمس أنا خلاص مش عايزاه ولا عايزة اتجوزه أنا بطلت أحبه
شمس / كدابة. و60 كدابة أنتي لسه بتحبيه وبتحبيه اكتر من الأول كمان
داليا / أيوة دي حقيقة بس انا بقى هبطل أحبه وبرضوه مش هتجوزه
شمس / يا بنتي دا من يوم ما الدراسة بدأت وهو بيحاول يقرب منك وأنتي بتبعدي. واهو دلوقتي اتقدملك وطلب ايدك ليه الرفض بقى
ولا هو نظام عند
داليا / شمس ريحي دماغك أنا مش هوافق وقراري مش هرجع فيه
@@@@@@@@@@@@
شمس رجعت على جناح مهاب وهي متضايقة من داليا
شمس أخدت هدومها ودخلت الحمام تاخد شور
( مش هعمل زي كل القصص وأقول نسيت هدومها برة لأنها أصلا مابتنساش أو من ذوات الذاكرة الحديدية )
شمس خرجت من الحمام وهي لابسه بجامة عبارة عن بنطلون طويل وبلوزة البجامة بكوم
( هي متعودة أنها دايما بتلبس كدة لما تيجي تنام )
شمس سايبه شعرها مفرود عشان ينشف وقاعدة بتقرأ في كتاب عن الاقتصاد
مهاب طلع جناحه بدري عشان يقعد مع شمس شوية وشافها وهي قاعدة وخصلات شعرها مفرودة على ظهرها وكتفها طويلة جدا
مهاب / اوبا. أنا مستحيل أقدر على الجمال دا كله
شمس بأبتسامة خجولة / أنت بتعاكسني يا استاذ مهاب
مهاب بأبتسامة / أيوة يا حرم أستاذ مهاب عند حضرتك اعتراض
شمس / لا مش معترضة طبعا هو في حد لاقي وبعدين انت اساسا اليومين دول مشغول عني خالص
مهاب قعد جنبها وبيملس على شعرها / أنا عمري ما انشغل عنك ابدا
شمس بزعل مصطنع / طب اومال ليه مش بتقعد معايا انت يدوبك تطلع وأنا بنام والصبح بتصحى قبلي تاخد شور وتدخل اوضة الرياضة ماتخرجش منها إلا لما انا بكون نازلة. دا أنا لما كنت قاعدة غي الأوضة التانية كنت بتقعد معايا اكتر من كدة
مهاب / حبيبتي لازم اعمل كدة. عشان اقدر اتحكم في نفسي
شمس بأستغراب / تتحكم في نفسك أزاي يعني
مهاب / اتحكم في نفسي اني استحمل تبقى حبيبتي ومراتي معايا في نفس المكان وفي نفس الوقت بعيدة عني
تنام في حضني بس ما اقدرش اكون معاها طبيعي و
شمس قاطعته بخجل / مهاب بليييييز خلاص بقى لو كدة ارجع اوضتي
مهاب مسك ايديها باسها / حبيبة مهاب أنا كفاية عليا انك بتنامي في حضني مش عايز اكتر من كدة
بقولك أنتي عندك محاضرات مهمه بكرة
شمس / عادي محاضرات عادية بس بتسأل ليه
مهاب / عشان يا حبيبة قلبي هاخدك بكرة الصبح اوديكي تشوفي عمك ومراته وتقعدي معاهم طول اليوم
شمس بفرحة / بجد هيييييييه ( رزعته بوسة في خده ) و وقفت تتنطط
مهاب قام شالها / إيه دا انتي اد اللي عملتيه دا
شمس بخجل / موهاب نزلني بقى خلاص مش هعمل كدة تاني
مهاب / كدة طب خلاص مش هنزلك
( هنسيبهم يلعبوا مع بعض شوية ومش هكمل عشان خاطر السناجل دمهم مايتحرقش )
_____________________”___
الصبح شمس قالت لداليا إنها مش هتروح الجامعة عشان تروح عند عمها
وبعد الفطار داليا راحت الجامعة. وشمس مشيت مع مهاب
_______________
نكمل في الفصل الجاي
توقعاتكوا إيه هيحصل في الجامعة مع داليا وفي بيت المصري مع شمس
