رواية ( شمس وسط الظلام) البارت(31)و(32) بقلم:- أسماء أبوشادي
___________________________
داليا وصلت الجامعة ودخلت تقعد في الكافترية تستنى رودي
رودي وصلت قبل داليا لكن كانت في المكتبة
داليا قاعدة لوحدها على الطربيزة جت هدير اللي كانت صاحبتها
هدير / داليا ممكن اتكلم معاكي شوية
داليا بغضب / لاء وغوري من وشي أنا مابكلمش مع ناس زبالة زيك
هدير بتمثيل / والله يا داليا ماكنت أقصد أنا اتوترت وقتها وماكنتش عارفة اعمل ايه
داليا بسخرية / هه تقومي تلبسهالي أنا صح أنتي عارفة لو ما مشتيش من ادامي دلوقتي هخلي الجامعة كلها تتفرج عليكي
هدير / دلوقتي مش عايزة تتكلمي معايا عشان اتصاحبتي على اشطر بنتين في الجامعة هتحتجيلي في إيه بقى. أنا عارفة انك قربتي منهم عشان حبيب القلب يبصلك بس اطمني عمر مش هيبصلك ولا هيعبرك ماتفتكريش انك عشان من اغنى عائلة في البلد و ابن عمك راجل واصل انه هيبصلك لاء فوقي يا شاطرة الدكتور عمر مش هيعبرك
عمر من خلفها / أنتي أزاي تتكلمي معاها كدة
( داليا اتصدمت إنه سمع كلام هدير )
هدير بتوتر / دك دكتور عمر
عمر / ايوة انا دكتور عمر و مين انتي بقى عشان تدخلي بيني وبين خطيبتي
هدير بصدمة / خطيبتك
عمر جلس على الكرسي المقابل لداليا واتكلم بثقة كبيرة / ايوة خطيبتي. واتفضلي بقى من هنا وياريت ماتدخليش فاللي مالكيش فيه مرة تانية
مشيت هدير بعد ما دمها اتحرق وخطتها إنها ترجع تقرب لداليا فشلت
أما داليا فقاعدة ساكتة متوترة مش عارفة تقول ايه فقررت تهرب
داليا قامت وقفت وبتاخد حاجتها/ عن اذنك
عمر مسك ايديها / داليا خليكي قاعدة أنا عايز اتكلم معاكي
داليا شدت ايديها منه بعنف / اسفة بس ما ينفعش أقعد اتكلم مع حضرتك وأنا لوحدي أنا ماحبش حد يتكلم عني
عمر قام وقف هو كمان / يتكلموا عن ايه أنتي ماسمعتنيش أنا قولت ايه أنتي خطيبتي
داليا / نعم ودا حصل أمتي ان شاء الله انا مش مخطوبة اساسا
عمر / بس انا طلبت ايدك من اهلك وهما قالولي هياخدو رأيك ويحددوا معاد عشان اجي عندكوا البيت
داليا / أنت طلبت وأنا رفضت
عمر بصدمة / نعم رفضتي أزاي يعني
داليا / هو ايه اللي رفضت أزاي عادي رفضت هي دي حاجة غريبة
عمر / ازاي ترفضيني وأنتي بتحبيني
داليا / لاء طبعا هو حضرتك صدقت كلام الكلبة اللي كانت واقفة دي
عمر / لا أنا مابصدقش حد أنا عارف انك بتحبيني وبتموتي فيا من اول يوم دراسة ليكي فاكرة يا داليا أول يوم شوفتك فيه من وقتها وأنا عارف انك بتحبيني
داليا اتصدمت جدا من الكلام واتوترت وماعرفتش ترد
عمر / ماتستغربيش أيوة أنا عارف انك بتحبيني من زمان اوى بس للأسف أنا كنت شايفك مش مناسبة ليا مع اني كنت بحبك أد مابتحبيني ويمكن اكتر. بس كان غصب عني كنت خايف ارتبط بيكي علاقتنا تفشل
لكن لما شوفتك يوم خطوبتي ماقدرتش استحمل. ولا حتيقدرت اكون مع غيرك
داليا بدموع / يعني انت كنت عارف انى بحبك
عمر / أيوة عارف انك بتحبيني زي ما أنا كمان بحبك. وأنا اتقدمت لأهلك عشان تكوني مراتي
داليا مسحت دموعها / أنا استغربت من نفسي لما رفضتك وكنت بفكر أتراجع عن القرار ده بس بعد اللي انت قولته أنا اللي شيفاك مش مناسب ليا
( قالت ذلك ثم حاولت المرور من جواره ولكنه امسكها من رسغها )
داليا / لو سمحت سيب إيدي أنا عندي محاضرة ولازم اروحها
عمر / داليا أنا عايز اتكلم معاكي شوية وبعدين المحاضرة لسه باقي عليها 10 دقايق أنتي ناسية ان انا اللي تكون في الحاضرة
داليا وهي تسحب ايديها / اسفة مابتكلمش مع حد غريب عني
ذهبت داليا إلى المدرج مكان محاضرتها وقعدت فيه تحاول منع دموعها
@@@@@@@@@
في المكتبة كانت رودي بتاخد حاجتها وبتحط اللاب بتاعها في الشنطة
أحمد دخل
أحمد بأبتسامة / إحم إحم حمحمت أهوه عشان ما تتخضيش
رودي بأبتسامة / شكرا يا دكتور
أحمد / ايه أنتي خلاص خلصتي النهاردة
رودي بتنهيدة متعبة / انا يدوبك خلصت جزء من فكرة صغيرة بس مضطرة أمشي عشان عندي محاضرة وصحابي اكيد مستنيني دلوقتي وأنا اتأخرت عليهم
أحمد بأبتسامة/ طيب انا فاضي دلوقتي ممكن تقوليلي الفكرة التانية وأنا اجمعلك عنها شوية معلومات على ماتخلصي محاضرتك.
رودي / لا الله يخليك مش عايزة اتعب حضرتك معايا يا دكتور
أحمد / مافيش تعب ولا حاجة وبعدين انا كمان هستفيد من المعلومات اللي هجمعهالك
رودي / أوك أنا متشكرة لحضرتك بص الورقة دي فيها الأفكار اللي انا بحاول اشتغل عليها خليها مع حضرتك ولما ارجع هاخدها
@@@@@@@@@@@@@@
داليا في المحاضرة قاعدة في مكان في الخلف لوحدها بتفتكر كل اللحظات اللي حاولت تقرب فيهم لعمر وهو كان بيتجاهلها ويصدها نزلت دموعها على خدها فمسحتها بسرعة وأثناء جلوسها اقترب منها طالب وجلس بجوارها
الطالب بص عليها وهي سرحانه / في حاجة يا آنسة
داليا انتبهت / لا ابدا. مافيش حاجة حضرتك عايز حاجة
الطالب بأبتسامة / لا ابدا أنا بطمن بس على حضرتك خوفت يكون في مشكلة ولا حاجة
داليا / لا مافيش حاجة شكرا ليك
دخل عمر المحاضرة. وهو بيبحث عنها بعينه وشافها وهي بتتكلم مع الشاب ده واشتعلت نيران غيرته
نعم فهو يغار عليها حتى عندما كانت تجلس بالسنين الماضية بجوار مازن ابن عمها
رودي دخلت بسرعة وبصت على عمر اللي لسه يدوبك داخل
رودي / اسفة على التأخير يا دكتور
عمر بغضب وغيظ / اسفك مش مقبول دا استهتار أزاي تتأخري
رودي بضيق من حرجها قصاد الطلبة / يا دكتور الساعة 10 و 58 دقيقة ومحاضرة حضرتك الساعة 11 يعني انا جاية قبل المحاضرة بدقيقتين
( عمر منغاظ منها لأن لو هي ماكنتش اتأخرت ماكنش شاب غريب قعد جنب داليا )
عمر / اتفضلي أدخلي وتاني مرة تكوني موجودة هنا قبل المحاضرة بوقت
رودي مش شايفة داليا ادامها فقررت تقعد في مكان فاضي ادامها وبعد المحاضرة تشوفها )
عمر بحدة / ورا يا آنسة رودي جنب انسه داليا
رودي رفعت حاجبها بأستغراب وقبل ما ترد بصت على ماكان ماهو شاور وشوفت داليا وجنبها الشاب ففهمت إيه سر الموقف اللي عمر عمله معاها
فراحت جنب داليا وقبل ما الشاب يوسع مكان لها هي تعمدت تغيظ عمر زي ما احرجها قصاد الطلبة
رودي / لا يا كابتن خليك خلاص انا هقعد جنبكوا هنا
لو كانت النظرات تقتل لكانت رودي وقعت قتيلة من نظرات عمر
_______________________
في بيت المصري طرق مهاب الباب وهو يمسك ايد شمس.
فتحت الباب منى وأول شافت شمس أخدتها في حضنها وانهارت من البكاء
منى ببكاء / هونت عليكي تبعدي عني كل ده وماتجيش تشوفيني
شمس ببكاء / والله كان غصب عني
( دخلوا إلى الشقة وسلمت شمس على عمها بحرارة ولهفة ومهاب سلم عليهم ثم وقف ومسك أيد شمس وسط استغراب الكل لأنهم افتروهم هيمشوا
مهاب قرب علي عبد الحميد وحط ايد شمس في ايد عمها
مهاب بجدية / مراتي هتقضي اليوم عند حضرتك انا مسلمهالك في إيدك وهرجع اخدها من ايدك. وأتمنى أن ماحدش يزعلها أبدا. لأني مستحيل أقبل بكدة
عبدالحميد / اطمن يا ابني ماحدش يقدر يزعلها شمس دي بنتي
مهاب بص لشمس وابتسملها / هاجي أخدك بالليل اوكيه لو احتجتي اي حاجة كلميني علطول
شمس بأبتسامة/ حاضر
( مشي مهاب وساب شمس عند عمها وبرغم إنه كان متضايق من كدة لكن لما شاف الفرحة في عنيها نسي كل ضيقه )
شمس دخلت اوضة محمد وفي ايديها كوباية مياه باردة واغرقت وجه محمد لكي يستيقظ وبالفعل قام مفزوع من نومه. واتفاجأ بشمس وظل يرقض خلفها
وظلوا ويمرحون سويا وعمها يشاركهم المرح ومرات عمها بتعملها الأكل اللي بتحبه
محمد حكى لشمس على شغل الورشة وأن كل حاجة ماشية تمام
رجعت رحمة اخت شمس من المدرسة هي واخوها عادل وسمعت صوت أختها فدخلت عند عمها وفرحت جدا
وعادل حضن شمس وفضلوا قاعدين معاها وحتى مرات أبوها لما عرفت انها تحت نزلت وسلمت عليها وقعدت معاها
*******************************
في الجامعة
المحاضرة خلصت وخرجوا منها وماشية في الممر
رودي / يعني مهاب وافق أخيرا انها تروح تزورهم دا اخوكي دا رخم وبارد
داليا وملامحها مليانة حزن / الرجالة كلها رخمة وباردين
رودي / داليا أنتي مالك احكيلي فيكي إيه
( قبل ما داليا ترد كان عمر خرج وراهم بسرعة وهي متضايق جدا )
عمر / داليا ممكن اتكلم معاكي شوية
داليا / قولت لحضرتك ما ينفعش
عمر بضيق / أنا هتصل بي باباكي استأذنه إني أقعد اتكلم معاكي
داليا بضيق / ولو بابا وافق أنا مش موافقة ومش عايزة اتكلم مع حد
عمر بغضب ولن صوت هادئ / ممكن افهم أنتي ليه بتعملي كدة.
رودي / داليا مافيهاش حاجة روحي اتكلمي معاه في الكافترية على ما ميعاد المحاضرة التانية ييجي
داليا / رودي أنتي بتقولي إيه
رودي / بقولك روحي ومتتأخريش عشان الدكتور يسمحلنا ندخل المحاضرة
عمر بخجل / أنا اسف يا آنسة رودي
رودي بأبتسامة / ولا يهمك يا دكتور
( داليا مشيت ادامه على الكافترية وهي متضايقة أنها قبلت تقعد معاه
عمر مشي وراها وهو بيحاول يداري غضبه من طريقتها معاه وأنها قعدت جنب شاب غريب عنها )
داليا بأقتضاب / نعم حضرتك عايز تتكلم معايا في إيه
عمر بضيق / ممكن افهم أنتي بتتعاملي معايا كدة ليه ورفضاني ليه مع اني متأكد انك بتحبيني. ومن غير ماتكدبي أنا متأكد إنك لسه بتحبيني
داليا بدموع/ أنت إيه مابتحسش. جاي تقولي عارف انك بتحبيني ورغم ذلك كنت برفض حبك ده وجاي بعد عذاب 3 سنين وبالبساطة دي عايز تخطبني وفاكرني بقى ما هصدق واتجوزك أنا مستحيل أقبل بيك زي ما انت رفضت حبي زمان وتجاهلته أنا هتجاهلك وهدوس على قلبي اللي بيحبك ده بي 60 جزمة. لو فكر يحن ليك
عمر بندم شديد / داليا ارجوكي سامحيني أنا ماكنتش متخيل انك بتحبيني كدة. أنا ما اقصدش اجرح مشاعرك والله العظيم
داليا / أظن انا سيبتك تتكلم وسمعت اللي عندك. ياريت ماتحاولش تتكلم معايا تاني انت مجرد دكتور في الجامعة بيدرسلي وأنا مجرد طالبة. طالبة ودكتور وبس عن اذنك
____________________________________
في بيت المصري
شمس قاعدة مع اخواتها ومحمد في اوضة مارو بيتكلموا. عادل بيحكي عن الإعدادية وأنها صعبة ورحمة بتحكي عن الثانوية ورخامتها وقرفها. ومحمد بيحكي عن الورشة وأن صحاب مارو بيساعدوه و واقفين جنبه
وشمس بتسمعهم وتضحك معاهم
وبعدين خرجوا اتغدوا كلهم مع بعض
وهما قاعدين بياكلوا.الباب خبط
وكان عاصم / أبو عبده
شمس سمعت الصوت دخلت الأوضة علطول عشان ماتقابلهوش
عادل قام فتح الباب / بابا شمس أختي هنا
( عاصم عرف إنها هنا عشان كدة دخل عندهم عشان يشوفها لأنها وحشاه جدا ونفسه يشوفها وكان دايما بيروح المقابر يزور أمها ويقولها إنها وحشته جدا يمكن بدأ يحس بغلطه معاها لكن للأسف متأخر أوي
متأخر 20 سنة عمر شمس كله )
عبدالحميد / تعالى يا عاصم
عاصم بلهفة/ أومال فين شمس
منى بحدة / وأنت مالك بيها يا عاصم بتسأل عنها ليه
عاصم بحزن بيخفيه / بنتي وعايز اشوفها يا منى إيه مش من حقي
في تلك الجملة خرجت شمس
شمس بضحكة سخرية / ههههههههههههه ايه انت بتقول ايه هو انت لسه فاكر اني بنتك
عاصم بيبصلها ولأول مرة في حياته يحس انه عايز يحضنها / هو في آب بينسى بنته
شمس بأبتسامة مكسورة / لا مافيش أب بينسى بنته بس في آب بيكره بنته
عاصم أخفض رأسه إلى الأرض / اسف أنا كنت فاكر اني يكرهك لكن صدقيني انا مابكرهكيش
شمس / بس انا بقى بكرهك وعمر الكره اللي جوايا ليك ماهيتمحي بكلمة اسف
قبل ما عاصم يتكلم اتكلمت شمس تاني بس مع محمد ابن عمها
شمس بأبتسامة كاذبة / أنت يا رخم انت ما صدقت أنا جيت عشان ماتروحش الورشة النهاردة. يلا يا كسول عشان انا هروح معاك الورشة بنفسي اشوف الأحوال
محمد / يلا يا شمس
عادل بزعل / شمس هو انتي هتمشي تاني
شمس بأبتسامة / لا يا دولا. أنا بس هروح أشوف الورشة بتاعة مارو عشان نفسي اشوفها وارجع تاني يكون الجو فك شوية لأنه بقى خانقة اوي
( خرجت شمس ونزلت دمعة ندم من عيون عاصم أخوه ومراته شافوها حتى شمس ومحمد ورحمة لكن ماحدش فيهم اتأثر بيها أو اشفق عليه لأنهم عارفين كويس ان شمس معاها حق حتى رحمة كانت بتسمع أمها دايما وهي بتكلمه عشان يقرب من شمس ويعاملها كويس لكن هو كان دايما يتخانق معاها لما تفتح الموضوع ده)
راحت شمس الورشة وكل اللي يشوفها يسلم عليها بحرارة كبيرة حتى صحاب مروان لما عرفوا أنها في في الورشة راحوا هناك والمنطقة كلها كانت بتحتفل بوجود شمس وكأن اليوم عيد على الكل
وكان في ست عجوزة عايشة لوحدها جنب الورشة نظرها ضعيف جدا الجيران هما اللي بياخدوا بالهم منها ومروان كان هو اكتر واحد بيهتم بيها ويقضيلها كل طلباتها
وبرغم أن الست دي نظرها ضعيف بس هي الوحيدة اللي كانت بتشوف نظرات مروان لشمس الحقيقية وعارفة أنه بيعشقها. لكن هو بيداري عشقه ليها
الست دي بمجرد ما عرفت ان شمس موجودة في الورشة طلبت من ابن جيرانها يوديها هناك وأول ما شمس شافتها جريت عليها والست حضنتها جامد
الست ببكاء شديد/ وحشتيني يا قلب مروان
شمس اتنهدت بألم الفراق / وأنتي يا أمي وحشتيني أوي
الست / كدة ماشوفكيش من يوم فراق مروان يا بنتي يا قمر
شمس / غصب عني يا امي أنا اتجوزت وروحت بيت جوزي
الست / ما أنا عارفة يا بنتي ربنا يسعد قلبك
شمس مسكت ايد الست وباستها واخدتها رجعتها تاني على بيتها وقعدت معاها شوية
الست / ريحي قلبك يا بنتي ماتسيبهوش تعبان العمر ايامه معدودة والكل مفارق امسكي في السعد والفرح وماتسبيهوش واحمدي ربنا عليهم
شمس بأبتسامة / الحمد لله على كل شئ
رجعت شمس بيت عمها بعد المغرب وقعدت مع عمها ومراته وبتطمنهم عليها وطلبت من محمد يبقى يجيب عادل ورحمة ويروحوا يقضوا معاها يوم في آخر الاسبوع
وأخواتها فرحوا جدا بالاقتراح ده
مهاب جه بالليل وقعد معاهم شوية وبعدين اخد شمس ومشيوا
( مهاب كان سايب حرس من بتوعه بيراقبوا شمس من بعيد عشان يكون مطمن عليها فعارف إنها راحت الورشة وكمان قابلت ناس كتير وكلمتهم.وبرغم أن دا ضايقه إلا أنه لما شاف شمس وفرحتها كالعادة نسي اي حاجة )
#@@@@@@@@@@@
في عربية مهاب
مهاب / انبسطي النهاردة يا شمسي
شمس حطت راسها على كتف مهاب وحاوطت رقبته بايديها / شكرا يا احلى راجل في الدنيا
مهاب ضمها جامد / أنتي اللي اجمل شمس في الدنيا يا شمسي
شمس بعدت عنه بخجل بس هو مش عايز يسيبها / مهاب اوعى بقا
مهاب / وحشتيني خليكي في حضني يا عيون مهاب
شمس / بس عشان السواق
مهاب / قولتلك أنتي مراتي وانا مايهمنيش اي حد. وماحدش له عندنا حاجة
شمس بخجل / أنا صحيح مراتك بس لنا بيت مش في العربية أدام السواق
مهاب بدهشة / أنتي قولتى إيه
شمس / بس بقى
مهاب / انتي قولتى مراتك اعنرفتي انك مراتي لأول مرة من يوم ما اتجوزنا
شمس بخجل / على فكرة لو مابطلتش مش هتكلم معاك خالص
مهاب بأبتسامة / لا وعلى ايه خلاص هبطل أهوه ( ثم أمر السائق بصرامة ) زود السرعة شوية يا زفت
شمس لنفسها / معقولة دا بيتغير بين اللحظة والتانية أنا قولت عنده انفصام ماحدش صدقني
@@@@@@@@@@@@@
____________________*_*
أما عمر فقابل رودي في الجامعة قبل ماتمشي وأخد منها رقم داليا بعد ضغط كبير
وطلب من رودي تساعده ان يقدر يخلي داليا تسامحه
وداليا بعد ما خلصت كلام مع عمر. روحت وماكملتش باقي المحاضرات بتاعتها
رودي راحت المكتبة بعد ماهلصت محاضرات كان أحمد هناك. وجهزلها كتب كتير فيها المعلومات اللي هي عايزاها ولاكتر من فكرة
انبهرت جدا من اللي هو عمله تفضلوا قاعدين يتناقشوا في الافكار بتاعتها
أحمد بعد ما رودي خرجت من المكتبة قرر يحصلها ياخد منها رقمها لكن في الوقت دا كان عمر واقف مع رودي بيتكلموا في موضوع داليا وشافها وهي بتكلمه وتضحك وهو بيضة ايديه و بيترجاها وهي مسكت تليفونها كانت في الوقت دا بتديله رقم داليا
أحمد مشي واتضايق جدا من رودي لأنه ماسمعش هما بيتكلموا عن ايه
__________________________
مر يومين على ابطالنا
مهاب وشمس بيقربوا لبعض اكتر. ومهاب بيجهز مفاجأة لشمس عشان عيد ميلادها بكرة
شمس فاكرة ان ماحدش فاكر عيد ميلادها وأن مهاب مايعرفش عيد ميلادها أمتي
مازن بيتصل بجميلة واتكلم معاها واتفق معاها إنها تديله فرصة يثبتلها إنه بيحبها بجد مش بيتسلى. بيها وجميلة حست بأعجاب تجاه مازن لأنه من عيلة غنية ومع ذلك بيشتغل ويدرس مش بس بيصرف في فلوس عيلته
عمر اتصل على داليا وكلمها ولما عرفت انه هو قفلت في وشه بقى يبعتلها رسايل اسف وحب وبيطلب منها نسامحه على غبائه لكن داليا لسه بتتجاهله
أحمد ماراحش المكتبة ولا مرة في اليومين دول عشان مش عايز يشوف رودي وهي استغربت لكن قالت يمكن مشغول ومش فاضي
_______________
شمس و داليا رايحين الجامعة
شمس فكرت تقول لداليا أن عيد ميلادها بكرة لكن سكتت واتراجعت
داليا وشمس دخلين الجامعة واتفاجأوا بحاجات كتيييييير أوي
____________________
رواية ( شمس وسط الظلام) البارت(32) بقلم :- أسماء أبوشادي
_________________________________
داليا وشمس داخلين الجامعة وفي طريقهم للكافترية كل ما تقابلهم طالبة تعطي وردة لداليا. من غير ما تقول اي كلمة هي تديلها وتمشي
داليا / هو في إيه هو النهاردة عيد الورود ولا ايه كل اللي تشوفني تديني وردة حمرة
شمس بتمثيل الحيرة / صحيح حاجة غريبة
داليا / طب اشمعنى بيدوني أنا وأنتي لاء
شمس شدتها من ايديها وراحوا على الكافترية
شمس بلا مبلاة / بقولك ايه فكك
وصلوا الى الكافترية و شافوا عمر واقف وماسك بوكيه ورد شكله روعة
داليا اتثبتت مكانها من المفاجأة
عمر اول ما شاف داليا وقفت راح عندها وقعد على ركبته ورفع ايده بالورد. وقالها بكل رومانسية / بحبك. وبموت فيكي. عارف انى غلطت حقك عليا انا كنت حمار. ارجوكي سامحيني
داليا واقفة مكانها مابتتحركش ولا حتى عنيها بترمش وبؤها مفتوح. لأنها ماكنتش متوقعة ان عمر يعمل كدة أبدا وكمان ادام كل الطلبة والناس
شمس بأبتسامة / داليا. الدكتور ركبته هتورم
عمر برجاء / بليييييز داليا سامحيني والله انا ماحبتش حد غيرك ولا عمري هحب غيرك ارجوكي أنا راضي بأي عقاب تعاقبيني بيه لكن سامحيني
داليا عنيها دمعت واخدت الورد من ايديه وهو قام وقف ومسحلها دموعها
عمر / اسف حبيبتي أن انا السبب في دموعك دي
داليا قالتله من بين دموعها / بحبك وعمري ما هبطل أحبك
عمر شالها ولف بيها أدام الكل واللي حواليهم بيصفقوا لهم
رودي بأبتسامة من خلفهم / كفاية يا دكتور كدة الناس هتقول عليك ايه
عمر ساب داليا/ يقولوا عاشق
شمس / اوبا بقا. يا كبيييييير
رودي / ماكنش باين عليه بس البت داليا عملت معاه السليمة ههههههههههههه
عمر بمرح / مااسمحلكيش تقولي على اميرتي بت
شمس / ههههههههههههه اميرتك لا كدة بقا نشتغل حسد وقر
داليا بخجل / بس بقا ويلا عشان عندنا محاضرة
رودي / محاضرة ايه بقا ماتخليكي في اللي انتي فيه ههههههههههههه
شمس بجدية مصطنعة / لا يا ماما هتحضر المحاضرة طبعا داليا 5 دقايق و تيجي ورانا على المحاضرة لحسن الدكتور دا اسباني ومابيطقش حد اساسا
بعد ما رودي وشمس مشيوا
عمر بحب / سامحتيني يا داليا
داليا / سامحتك عشان بحبك بس تاكد اني هعقبك على العذاب اللي انا شوفته منك طول 3 سنين اللي فاتوا
عمر / والله بحبك و كان غصب عني كنت غبي وأنا هتحمل منك اي عقاب
@@@@@@@@@
عند رودي وشمس
شمس / فكرتك انتي دي بتاعة اللي رايح وجاي يديها وردة صح
رودي / بس ايه رأيك عجبتك صح
شمس / دا انتي دماغ وربنا
رودي / العفو العفو لا داعي للتصفيق
تليفون شمس رن وكان مهاب
شمس / دا مهاب بيتصل كويس انه اتصل قبل ما ادخل المحاضرة ويبقى الفون صامت
شمس / السلام عليكم ورحمة الله وبركاته
مهاب / وعليكم السلام ورحمة الله حبيبتي وحشتيني أوي
شمس / احم احم ما احنا كنا لسه بنفطر سوا في البيت
مهاب / أنتي حتى لو ادام عيني وحشاني يا شمسي يا احلى ما فى حياتي
شمس بأبتسامة/ ربنا مايحرمني منك أبدا يا مهاب
مهاب / الله إيه الكلام الحلو دا انتي بتدعيلي
شمس بخجل / طبعا مش جوزي ولازم ادعيلك دايما
رودي جنب شمس / الله يا عبد الله واحدة في الكافترية والتانية أدام المحاضرة وانا اللي بنت كلب يعني ولا ايه دا ايه الظلم دا
مهاب بضحكة بسيطة /ههههههههههههه دي رودي صاحبتك دي صح
شمس / احم احم اه هو في غيرها
مهاب / طب اومال داليا فين لسه عند الكافترية. المشهد ماخلصش
شمس توتر/ إيه مشهد إيه
مهاب / المشهد الرومانسي اللي الدكتور عمر عاملهولها عشان توافق ترتبط بيه
شمس بأستغراب / انت عرفت منين وازاي
مهاب بأبتسامة / حبيبتي انا مافيش حاجة ما اعرفهاش المهم انا كنت عايز اقولك حاجة
شمس / اتفضل
مهاب / أنا عندي شغل النهاردة ضروري ومش هعرف اجي في ميعاد العشا ابقي اتعشي أنتي اوكيه حبيبتي
شمس بضيق / خلاص ماشي بس ما تتأخرش كتير عشان مش هنام إلا لما تيجي
مهاب / اوكيه هحاول سلام
( خلص اليوم عادي على الكل ورجعوا على البيت )
___________
بالليل في قصر العدلي اتجمعوا على السفرة وبياكلوا بس شمس مش عارفة تاكل ملهاش نفس تاكل أصلا عشان كرسي مهاب فاضي
خلصوا عشا وطلعت شمس الجناح عشان تذاكر. الساعة 11 مهاب دخل الجناح
كانت شمس قاعدة بتذاكر وكل شوية تبص في الساعة
مهاب راح عندها وباس دماغها / وحشتيني موووووت يا شمسي
شمس بزعل / وحشتك ماهو باين متأخر ساعتين بحالهم
مهاب بأبتسامة / دا انتي زعلانة بقى
شمس / ايوة زعلانة وزعلانة أوي أوي كمان
مهاب / يا خبر أبيض كل دا زعل طيب تسمحيلي اصالحك
شمس / مش هتعرف عشان انا زعلي كبير
مهاب بأبتسامة / أما نشوف. قومي يلا غيري هدومك عشان هنخرج نتمشى شوية
شمس / هنخرج إيه دلوقتي الساعة 11
مهاب / وإيه المشكلة لسه بدري أنتي محسساني أن الساعة 2. يلا يا حبيبتي ادامك 10 دقايق تكوني خلصتي
( شمس لبست هدوم عادية جدا بنطلون جينس اسود وفيست بكوم طويل لونه زهري وطرحة من اللونين خرجوا ركبت العربية مع مهاب وهو اللي ساق العربية وطلب من السواق يركب في عربية الحراسة مهاب طول الطريق ساكتين وكل ما شمس تسأله رايحين فين مهاب يقولها هنروح نتمشى على النيل )
وقف مهاب بالعربية أدام مطعم كبير جدا على النيل ونزل فتح باب العربية لشمس وطلب منها تنزل كانت الساعة في الوقت دا 11 و 45 دقيقة
شمس / أنت مش قولت هنتمشي على النيل إيه اللي جابنا المطعم ده
مهاب بأبتسامة/ انا جعان ولسه لحد دلوقتي ما اتعشتش واكيد أنتي ما اكلتيش كويس تعالي ناكل وبعدين نتمشى براحتنا
شمس / براحتنا إيه الساعة داخلة على 12 هو احنا هنبات في الشارع
مهاب مسكها من ايديها وشدها برقة شديدة ودخلوا المطعم وهنا كانت المفاجأة
المطعم كله مليان ورد في الارض وبلالين هليوم طايرة والمكان شكله فوق الخيال
شمس بصت لمهاب بحيرة
مهاب شاورلها على احد حيطان المطعم. وكان مكتوب عليها ” كل سنة وانتى معايا يا شمسي ”
شمس انبهرت بالمنظر جدا
شمس / انت عرفت ازاي ان عيد ميلادى بكرة
مهاب بأبتسامة / قولتلك انا مافيش حاجة معرفهاش
شمس حضنت مهاب وهو رفعها من على الارض
مهاب برومانسية / كل سنة وانتى في حضني
شمس وهي في حضنه / انا بحبك اوى بحبك مووووت وبعشقك وبموت فيك
مهاب سابها فجأة وهي كانت هتقع بس مسكت فيه وهو مسكها من خصرها
مهاب / انتي قولتي إيه
شمس بأبتسامة خجل/ بحبك بحبك بحبك ب ح ب ك
مهاب حضنها جامد جدا حتى كادت ضلوعها أن تنكسر بين يديه ويعتصرها بين يداه هو
مهاب بفرحة كبيرة/ انا مش مصدق نفسي أنتي قولتيها معقول أنتي بتحبيني
شمس بأبتسامة/ أنا مش بس بحبك انا بموت فيك أنت بالنسبة ليا كل حاجة في حياتي أنت حبيبي وأبويا واخويا وجوزي وعمري يا عمري
مهاب / بس بس مش قادر استحمل هتقتليني بكلامك ده
شمس بتحاول تتحمل ألم جسمها من الحضن / وأنت هتقتلني بالحضن ده
مهاب ساب شمس من حضنه وحضن وشها بأيديه / أنا اسف ماكنتش اقصد
شمس بأبتسامة هادئه / ولا يهمك حبيبي
مهاب بأبتسامة/ طب يلا يا قلب حبيبك عشان باقي على عيد ميلادك دقيقة واحدة
مهاب مسك ايديها وراحوا على طربيزة في وسط المطعم عليها تورتة كبيرة على شكل قلب نصها مانجا ونصها شوكولاته
شمس بفرحة كبيرة / ااااالله مانجا وشيكولاتة. دا ايه الجمال دا كله ههههههههههههه
مهاب حضنها ونور المطعم كله اختفى معادا الشموع اللي في المكان الساعة جت 12 بالظبط وشمس طفت الشمعة اللي في التورتاية
الاتنين كانوا في غاية السعادة وشمس فرحانة جدا وبدأوا يأكلوا من التورتة وشمس كانت بتاكل مهاب وهو بيأكلها
مهاب / بعشقك وبموت فيكي ياللي سرقتي قلبي من بين ضلوعي
شمس / مهاب أنا قلبي هيقف من كتر السعادة مش مصدقة نفسي ان ربنا رزقني بيك في حياتي
مهاب ضمها ورفعها من على الارض ثم ألتهم شفتاها في قبلة طوووووووييييييلة رقيقة خطف فيها انفاسها ثم ابتعد قليل
بحبك. وعاد لكي يقبلها مرة اخرى. ثم ابتعد قليل
بعشقك. وعاد لكي يقبلها مرة اخرى. ثم ابتعد قليل
بموت فيكي وعاد لكي يقبلها مرة اخرى
( حبايبي السناجل أخبارهم إيه )
مهاب ابتعد عنها شوية وبعدين فرقع اصابعه لكي يستدعا أحد العاملين في المطعم
وعندما اتى إليه أعطى العامل ميك لمهاب ثم ذهب العامل وبعد دقيقة سمعوا صوت موسيقى عالية لأغنية رومانسية
مهاب رفع الميك إلى فمه وبدأ في غناء اغنية هو يعلم ان شمس تعشق هذه الأغنية
قابلتك امتى شوفتك فين
وليه نحسبها ونفكر
في مليون حاجة تستاهل نفكر فيها بقى اكتر
نجيب بنوتة تشبهلك واسميها على اسمك
وأنا انسى الدنيا وأعيشلك
حياتي ودنيتي الجاية
خلااااااااص أنتي ملكتيني لآخر عمري وسنيني
ومش هتغيبي عن عيني وعن حضني ولو ثانية
معاااااااااااااااااكييييييي
حيااااااااااااااااتييييييي
بقت يا حبيبتي حاجة تانية
حلمنا كتيييير نكون مع بعض وأدي الحلم حققناااااه
جه اليوم اللي انا وانتي بقالنا كتير بنتمنااااه
نجيب بنوتة تشبهلك واسميها على اسمك وأنا انسى الدنيا وأعيشلك حياتي ودنيتي الجاية
شمس حضنت مهاب جامد وهو بيغني وماسمحتلهوش يكمل الأغنية
مهاب حضنها وضمها جامد وشالها لف بيها
شمس / صوتك جميل اوي. أنا اول مرة اعرف انك بتغني
مهاب بأبتسامة / عشان انا اول مرة اغني. وماحدش يعرف اني بغني غيرك انتي يا شمس حياتي
شمس بأبتسامة / طب عرفت ازاي اني بحب الاغنية دي
مهاب بأبتسامة تسحر / أنتي كل شوية تسألي عرفت منين حبيبتي أنتي كل حياتي ولازم اكون عارف انتي بتحبي ايه وبتكرهي إيه
وبعدين انا علطول بسمعك وأنتي بتغني الأغنية دي وأنتي قاعدة لوحدك
شمس / مهاب نزلني أنا عايزة أغني.
مهاب بأبتسامة / عايزة تغني ايه وأنا اخليهم يعزفولك الموسيقى اللي انتي عايزاها
شمس / لا مش عايزة موسيقى كفاية عليا موسيقة حبك
شمس بدأت تغني
أنا قلبي ليه حاسس اوي بالشكل داااااا
هو الهوا بيعلي احساسنا كداااا
صدقني خلاص صدقت
إن انا حبيت دلوقت
وماكنتش أعرف قلبي هيحبك كدااااااا
مهاب قرب عليها ورفع الميك منها لمستواه هو عشان يغني معاها
وكنت فييييييين أنت وكل الحب دااااااا
شمس / وليييييه سااااايبنييييي لوحدي طول العمر داااااااا
ااااااااه ااااااه ااااااه ااااااه
مهاب بصوت عالي / ااااااه ااااااه ااااااه اااااااااااه
شمس / أنا قلبي شايفك من زمان في الحلم بتدور علياااا بس بس مهما اتخيلك مش زي ما أنا شايفة بعنيااااااا
مهاب / يمكن اناااا بحلم وزمن الحلم طاااااال توهتني بين الحقيقة والخياااااااال
شمس / ألمسني خليني اكون متأكداااااااا
مهاب / أنا قلبي ليه حاسس اوي بالشكل داااااا
شمس / هو الهواااا بيعلي احساسنا كداااااا
مهاب / صدقني خلاااااص صدقت إن انا حبيت دلوقت
شمس بأبتسامة / وماكنتش أعرف قلبي هيحبك كداااااا
مهاب بأبتسامة/ وكنت فين انت وكل الحب دااااا
حضنوا بعض بكل الحب اللي في الدنيا وقعدوا مع بعض كمان شوية لحد ما وصلت الساعة 2 ونص
شمس بأبتسامة / مهاب احنا اتاخرنا يلا نروح
مهاب / يلا يا قلب مهاب
رجعوا البيت وطلعوا الجناح بتاعهم.
شمس طول الطريق كانت بتفكر وقررت ان النهاردة هتبدأ حياتها الجديدة مع مهاب
بس مش عارفة تتكلم معاه تقولوا ايه وفي الآخر أخدت قميص قطني لونه وردي طويل لحد الركبه بحمالات رفيعة مرسوم عليه ورد باللون الاحمر والأصفر ودخلت الحمام لبسته وسابت شعرها مفرود على كتفها وخرجت وهي لسه بتفكر هتقول إيه لمهاب أو تتكلم معاه ازاي
_______________________
نكمل في الفصل الجاي
