رواية( شمس وسط الظلام) البارت(45)والخاتمة بقلم:- أسماء أبوشادي
___________________________
الدكتور / يا فندم مافيش داعي لنقل قلب اي حد فيكم. الحالة قلبها لسه فيه نبض.
مهاب / أنت متأكد. من كلامك انطق بسرعة
الدكتور / يا مهاب باشا بص بنفسك على جهاز نبضات القلب.
( بالطبع مازال قلبها ينبض لكن للاسف هي تقاوم نبضه هي تريد ان تموت هي تستسلم
تريد الرحيل وبشدة )
وصل الدكتور اللي متابع حالة شمس وتم التجهز للعملية بسرعة وسط حالة من الهرج والمرج. وتم استدعاء أكبر أطباء جراحة القلب لكي يشاركوا في هذه العملية
والكل أثبت أن نجاح العملية لا يتجاوز 25% بسبب هذا التعب
ثم تجهيز شمس و وضعوها على السرير النقال لكي يدخلوها إلى غرفة العمليات.
الممرضون يسحبون السرير وحولهم الأطباء
( هذه ليست الشمس التي تنير حياة من حولها. بل إنها جسد فارقته الروح. أين جمالها الذي يلفت الانتباه ويجذب الأبصار
تلاشى كل شئ
الشفايف الوردية تحولت الى زرقاء
البشرة البيضاء بحمرة جذابه. تحولت إلى اصفرار يميل للازرق وشعرها يخفيه ثياب العمليه البيضاء )
منظر شمس رعب كل اللي حواليها وجعلهم يزدادوا في البكاء
الكل يبكي من أجلها ويدعي الله
مهاب للدكاترة / اعملوا اي حاجة المهم تعيش انتوا فهمين لو حصلها حاجة مش هرحمكوا هدمرلكوا حياتكوا كلكم
أحد الدكاترة / يا فندم ما ينفعش الكلام دا احنا اكيد هنعمل اللي بأيدينا وكل شئ في ايد ربنا. انتوا ادعولها
منى ببكاء / يارب. يارب. نجيها يارب احنا ملناش غيرك يارب
الدكتور اللي كان متابع حالة شمس / هي كانت صحتها كويسة والعملية كانت نسبة ناجحها أكبر من كدة بكتير
لكن حاليا المريضة للأسف مستسلمة استسلام تام رافضة الحياة ودا اللي هيسبب خطورة في العملية
عاصم ببكاء جثى على ركبتيه وحاول تقبيل يد الطبيب ولكن الطبيب سحبها سريعا / ارجوك يا دكتور انقذ بنتي. وحيات عيالك اعمل اي حاجة علشان بنتي تعيش
الدكتور بتأثر / ادعولها وقولوا يارب وأكثروا من الإستغفار. عن اذنكم
أما مهاب بعد ما سمع ان شمس بترفض الحياة. ذهب اليها قبل أن يدخلوا بها إلى العمليات
مهاب بخفوت فوق رأس شمس / اوعي تسبيني. اوعك يا شمس مش هسمحلك قولتلك قبل كدة حتى الموت مش هياخدك مني. ( دموعه سقطت على وجهها )
والله ما هعرف أعيش من غيرك.
ارجوكي ماتسبينيش عيشي علشاني أنا واوعدك اني هحافظ عليكي
أوعدك أن مافيش وجع تاني في حياتك. هنفضل علطول سعادة وفرح هعيش عمري كله ليكي وبيكي
أخدوا شمس ودخلوا غرفة العمليات
خارج غرفة العمليات
مهاب يحاكي نفسه / حبيبتي تريدين أن تتركيني كيف لكي
تسرقي قلبي وعقلي وبالنهاية تريدي الرحيل
لن اسمح لكي بذلك فأنتي روحي أنتي حياتي كيف لي أن اعيش دون حياة.
شمس داخل غرفة العمليات في عالمها الخاص / أريد الرحيل. أريد الفراق
لن اعيش في هذه الدنيا من جديد
لا اريد ان اتألم فلم آخذ من الحياة سوى الوجع. كم تألمت كم توجعت
سأرحل عن العالم ولن أعود له. إلى هنا تنتهي حياتي. بل تنتهي مآساتي
ياااارب لا تتركني هنا ياارب اكتفيت من حياتي فلا تدعني في دنيتك
ربي أشكو إليك حالي وأنت غني عن سؤالي
أسألك الرحمة من الحياة. أسألك الراحة من العذاب والسلام من دنيا لم اجد بها يوما سلام
اللهم اعتقني. اللهم اعتقني
@@@@@@@@@@@
عبدالحميد يربت على ظهر مهاب / اجمد يا ابني وقول يارب وأن شاء الله هتقوم بالسلامة
داليا لعبدالحميد ببكاء / بجد يا عمو شمس هتبقى كويسة يعني مش هتسيبني وتموت
رودي ببكاء وصراخ / بس بس ايه اللي انتي بتقوليه دا. شمس هترجعلنا أحسن من الأول هي وعدتني أنها هتفضل جنبي طول العمر وهي مش هتسيبني لأني ماليش غيرها
عبدالحميد / اهدوا يا بنات. وقولوا يارب
( أحمد اخد رودي في حضنه علشان يهديها وعمر عمل نفس الشئ. مهاب بص عليهم وافتكر لما هي كانت بتبقى فى حضنه
افتكر كل حضن ليهم. وكل مرة اخدها في حضنه. وافتكر لما قالتله أنا مش عايزة اموت في العملية أنا عايزة اموت في حضنك )
مهاب بكى بصوت عالي وجثى على ركبتيه في الأرض
جري عليه مازن وساب جميلة اللي كانت بتعيط في حضنه. وكمان داليا سابا حضن عمر و قعدت جنبه على الارض
عبدالحميد ببكاء / يا ابني خليك اقوي من كدة ربنا موجود
مهاب ببكاء يقطع القلب /
بيقولوا ليل الصيف قصير
طيب ليه دلوقتي طويل أوي
وليه الوقت مابيمشيش
وليه في الدنيا أنا ماليش حظ
يوم ما احب يتاخد مني حبي
ويوم ما قلبي يدق ليها. قلبها هي يدق بوجع
وازاي تكون هي بتتألم وأنا عاجز عن اني احميها من الألم أزاي بحبها وازاي سايبها بتتألم جوه لوحدها.
مازن و داليا أول مرة يشوفوا مهاب بالشكل ده ضعيف وعاجز. ومكسور
حضنوه جامد هما الاتنين.
الكل بيصبر بعضه والساعات طويلة أوي وماحدش بيخرج ولا يدخل لغرفة العمليات والمستشفى كلها في حالة سكون وهدوء فظيع لا يكسر ذلك الهدوء سوى شهقات رحمة وجميلة و داليا و رودي ومنى و نادية
( الكل يبكي. ولكن مهلا. عاصم مش موجود بينهم. هو فين تعالوا كدة ندور عليه
اه أهوه في مسجد المستشفى. ساجد لربنا بيدعيه بأخلاص وبكاء بيتمنى منه أن بنته ترجع لحضنه بيطلب من ربنا فرصة واحدة علشان يقدر يصلح أي حاجة من الغلط اللي استمر فيه. 21 سنة. نعم فشمس أوشكت على اتمام تلك المرحلة من سنها. )
واقفين بيدعوا من قلوبهم. الساعات طالت وعقولهم شتت من كتر التفكير
سمعوا جميعهم أذان الفجر ليخرجهم من بكائهم وصمتهم
اتجهوا جميعا إلى مسجد المستشفى لكي يصلوا ويدعوا الله أن يشفي تلك التي اسرتهم جميعا بطيبتها وحبها وضحكتها
انتهوا من صلاة الفجر
وعادوا لكي يقفوا امام ذلك الباب الذي يفصل بينهم وبين شمس
مهاب طلع تليفونه واتصل على احد العاملين عنده من مديرين أعماله وطلب منه يخرج صدقة ويرسل أموال كتير للملاجأ والمستشفيات الخيرية.
بعد ماخلص تليفونه استدعى مدير المستشفى اللي كان موجود طول الليل علشان يحرص على إرضاء مهاب العدلي
طلب من مدير المستشفى انه يتبنى الحالات الغير قادرة علي مصاريف العلاج والعمليات
وطبعا المدير وافق
( الساعة 6 الصبح ولسه مافيش اى اخبار عن شمس بقالها 8 ساعات في غرفة العمليات
والدكاترة قالوا إن العملية ممكن توصل لعدد 6 ساعات فقط. يعني هما اتأخروا ساعتين.
لكن الكل صابر وبيدعي. ومهاب ساكت خالص مش فارق معاه يأخروا اد ايه المهم يخرجوا و معاهم شمسه كويسة
لكن القلق بيزيد وقلبه هيقف من الخوف ودموعه بتنزل ببطء على خده
اخيراااااااااا. خرج أحد الأطباء
طبعا الكل جري بسرعة عليه
قبل ما حد يسأل. الدكتور جاوب عليهم بصوت مرهق جدا / الحمد لله العملية نجحت
مهاب سجد على الارض بسرعة وكلهم بقوا يحمدوا ربنا ويعيطوا. وعاصم بقى يكبر ويوحد الله ويبكي بدموع غزيرة وصوت يقطع القلب
مهاب. قام وقف / طيب هي فين انا عايز اشوفها
الدكتور / للأسف ماحدش هيقدر يشوفها دلوقتي هي هتتنقل للعناية المشددة وهتفضل فيها فترة
لأن العملية كانت صعبة جدا وقلبها اجهد كتير أثناء العملية وتوقف عن النبض اكتر من مرة
محمد بخوف / يعني ايه انت مش قولت ان العملية نجحت
الدكتور / ايوة العملية نجحت لكن هي حالتها صعبة جدا ولسه في خطر على حياتها
عاصم بدموع/ دكتور أرجوك صارحني بنتي هتعيش صح
الدكتور بأمل / يا جماعة احنا كنا فين وبقينا فين. خلوا عندكوا أمل في ربنا. وادعولها
ربنا قادر علي كل شئ هو نجاها أمبارح من الموت وهو اللي وفقنا في العملية. يبقى هو اللي بأيده يتم شفائها على خير
مهاب بدموع وضعف / أن شاء الله هتعيش وهتبقى كويسة. ربنا هيعوضها على كل حزن شافته في حياتها
( مهاب طلب منهم يمشوا كلهم لأن الليل كان طويل أوي وهما فضلوا. واقفين كلهم وتعبانين
سمعوا الكلام ومشيوا. لكن عاصم رفض وقال انه هيفضل موجود ومش هيمشي خالص غير لما يشوف بنته كويسة
مهاب ما اعترضش و راحوا هما الاتنين أدام العناية المشددة وشافوا شمس من زجاج الغرفة
منظر فظيع موؤلم جسمها الضعيف متوصل بأسلاك كتير وملامح وشها مش ظاهرة من الخراطيم الموصولة بيها وشعرها داخل بونيه طبي مخفي بأحكام
عاصم اول ما شافها ماقدرش يتماسك و وقع على الارض وانهار جدا وبقى يصرخ
عاصم بصراخ / شمس بتضيع يا قمر
اللي باقي ليا منك خلااااااااص بيروح.
مهاب مسكه من كتافه وبيهزه بقوة / ما تقولش كدة شمس هتبقى كويسة ومش هيحصلها اي حاجة. أنت فاهم
عاصم ببكاء / عمري ما كرهتها دا كان غباء مني دي اغلي حاجة على قلبي هي أنا كنت ببعد عنها علشان كانت بتفكرني بيها وكنت خايف هي كمان تروح زيها. بس اهي برضوه هتسيبني . أنا مش قادر اشوفها كدة خليهم يخرجوها ويحطوني أنا مكانها.
عاصم فقد وعيه. وهو بيبكي ومهاب استدعى مساعدة طبية بسرعة
ونقلوه لغرفة في المستشفى
وقالوا ان ضغطه ارتفع وكمان مجهد علشان طول الليل سهران
@@@@@@@@@@@@@@@@@
بعد مرور أسبوع
الحوار بالانجليزي لكن كالعادة نختصر ونترجم
مهاب بصوت عالي / اريد ان افهم. لماذا لم تفق إلى الآن
دكتور اجنبي / سيد مهاب نحن فعلنا ما بوسعنا لكن الحالة لا تستجيب لأي شئ
مهاب بعصبية / إذا لماذا استعدتكم أنا لكي تأتوا إلى هنا. من اجل ان تقولوا لا تستجيب
الدكتور اللي كان متابع حالة شمس اتكلم بنفس اللغة / أخبرتك من قبل. إنها لا يوجد لديها إرادة لكي تعيش والموضوع محسوم واخبرتك أيضا انك اذا احضرت اطباء العالم كلهم لن يستطيع احد مساعدتها طلاما هي ترفض الحياة
مهاب بصراخ / كيف ذلك
كيف لا تستطيعون مساعدتها
أنا لا يهمني اي شئ اريد فقط ان تستيقظ زوجتي. أنت اخبرتني ان العملية نجحت. وأن جسدها يتماثل للشفاء ومنذ أسبوع وأنا اقف هنا ورفضتوا أن أدخل لها ولا حتى مرة واحدة او دقيقة واحدة وأنا طاوعتكم. اخبرتني انكم نزعتوا عنها بعض الاجهزة لانها لم تعد بحاجتها وأنها تحسنت كثيرا وقلبها اصبح طبيعياً إذا لماذا لم تستيقظ إلى الآن
دكتور اجنبي / سيد مهاب أن هذا مانحاول أن نشرحه لك
هذا الحال ينبع من قوة الارادة. والمريضة بيدها فقط ان تستيقظ ولكن في تلك الحالة يؤسفني ان اخبرك. إنها سوف ت
مهاب مسك الدكتور من تلابيب ملابسه / اياك ان تنطق هذه الكلمة. إياااك أتفهم ايها الغبي
أنتم هنا لكي تهتموا بحالة زوجتي وتعاونوها على الشفاء وليس لتخبرني كل تلك الحماقات
( حاولوا الكل ان يبعدوا مهاب عن الطبيب وبالفعل ابتعد عنه ولكنه أصر على الدخول إلى شمس و. وافق الاطباء على مضض وجهزوه باللبس المعقم لكي يدخل إلى شمسه )
شمس راقدة فوق السرير
حالتها قد تحسنت قليلا بحيث ازالوا الخراطيم الطبية منها ولكن تبقى بعض الأسلاك. وايضا المحاليل الموصولة بزراعها
ولكن زال ازرقاق شفايفها واصفرار ملامحها
دخل مهاب غرفة العناية. وجثى على ركبتيه بجانب سريرها لانه لا يوجد كراسي بالغرفة
مهاب بخفوت / شمس. يا شمسي
ينفع انادي عليكي وماترديش عليا مش انا قولتلك اني بتعصب من كدة
ردي عليا يا شمس. بيقولوا انك مش عايزة تعيشي. يعني انتي عايزة تسيبيني أنا مش مصدقهم. أيوة مش مصدقهم عارفة ليه ؟ ؟ ؟
علشان انا واثق انك بتحبيني ومش هتسبيني أبدا وهتفضلي معايا علطول وأنا هعوضك عن كل حاجة وحشة شوفتيها في حياتك. وأنا كمان مش هسمحلك تبعدي عني
أنا تعبان أوي من غيرك يا شمس كفاية بُعد بقى. ارجعيلي ارجوكي يا شمس والله العظيم تعبت
( في دنيا جميلة اوى
سما صافية. وفيها دفا ونور ساطع. وزرع اخضر ومايه زارقة
شمس بتجري وتلعب وسطهم لوحدها. بتلعب في المايه وتجري وسط الزرع
لابسه فستان ابيض طويل. وشعرها مفرود علي ظهرها. وكل ماتجري شعرها بيتمرد على ظهرها ويطير مع نسمات الهوا
تعبت من الجري قعدت فى الأرض على الزرع. وبتنهج وتضحك. سمعت صوت بعيد بيتردد جواها. بينادي عليها بيقولها / شمسي. شمسي ارجعيلي ردي عليا
شمس عرفت ان دا صوت حبيبها. بس قررت ماتردش عليه صحيح حست بالحزن اللي في صوته لكن هي مش عايزة ترجع. وقالت بكرة ينساني
فجأة شمس شافت أجسام اتنين واقفين قصادها. رفعت وشها علشان تشوف مين دول
لقيت شابة جميلة جدا. نفس صورتها كأنها بتبص في مراية و معاها مروان ابن عمها
اندهشت وقلبها رفرف من الفرحة / مارو. أمي. انتوا هنا
قامت وقفت بسرعة و حضنت امها جامد.وبعدين رفعت وشها واتكلمت بذهول / دا بجد. يعني انا معاكوا بجد وأنتي امي اللي بشوفك دايما في الصور. صح
قمر بأبتسامة / ايوة يا حبيبتي انا أمك
شمس بدموع رجعت تاني في حضن مامتها / ماما. يااااااه طول عمري نفسي في الحضن دا. وحشتيني أوي. أنا كنت بزورك دايما واكلمك. سبتيني ليه يا امي في الدنيا لوحدي
قمر ترتبت على ظهر شمس / دا نصيب يا شمس. والأعمار بيد الله. وبعدين انتي مش لوحدك عندك ناس كتير بيحبوكي وحواليكي
شمس تشد من حضن امها / انا مش عايزاهم أنا عايزاكي جنبي. أنا هفضل معاكي أنا ماليش حد هناك
قمر بأبتسامة / لا يا حبيبتي ما ينفعش تفضلي هنا لسه عمرك ماخلصش.
وهناك مستنياكي ناس كتير وحبيبك وابوكي
شمس سابت حضن امها / ماتقوليش ابوكي. هو عمره ماكان ابويا دا بيكرهني
قمر / لا يا حبيبتي مابيكرهكيش صدقيني مافيش حد بيكره ضناه يمكن هو قسي عليكي شوية بس دا غصب عنه أنتي لازم تعذريه وتسامحيه
شمس / اسامحه أزاي بعد 20 سنة عذاب وكره
قمر بأبتسامة/ هتسامحي علشان انتي قلبك ابيض زي أمك وماتعرفيش تزعلي من حد
تعرفي انك واخدة كل حاجة مني ماعادا حاجة واحدة بس ورثتيها من عاصم
شمس بأستغراب / إيه هي الحاجة دي
قمر / قوة الذاكرة. هو مستحيل ينسى اي حاجة ويمكن هو دا السبب اللي خلاه يبعد عنك طول عمرك
وأنتي اكتر واحدة عارفة يعني ايه حد مايقدرش ينسى علشان كدة لازم تسامحي
شمس بصت في الأرض وماردتش. وقمر بتبص عليها وساكتة. قطع السكوت مروان
مروان بأبتسامة/ ايه يا قمري بقالي ساعة واقف وأنتي ماسلمتيش عليا
شمس بخفوت وهي بتبص في الارض / أسلم عليك ازاي بعد ما عرفت اني كنت بأزيك واجرحك
مروان بأبتسامة صافية / اوعي تقولي كدة يا قمري. دا انتي اللي كنتي بتسعديني وتفرحيني أنتي أختي وبنتي
شمس بحزن / وحبيبتك. صح
مروان / طبعا حبيبتي. وكل حاجة ليا كمان.
شمس / انا طلعت وحشة اوي يا مارو
مروان / دا انتي احلي واحدة في الدنيا يا قلب مارو
أنتي ماكنتيش نصيبي وأنا ما اعترضتش وأنتي كمان ارضي بنصيبك واوعي تعترضي
ربنا بيختارلك الاحسن. لو كنتي حبتيني وأنا موت كان ايه مصيرك دلوقتي
قمر / كنتي هتبقي زي عاصم. يمكن كنتي هتعيشي حياتك بس هتفضلي زيه. لأن حبك مات
إنما ربنا اختارلك الاحسن وعوضك براجل يحبك ويعشقك. وبيموت فيكي. ليه بقى عايزة تسيبيه
شمس بحزن / انا مش عايزة اسيبه بس مش هقدر ارجع مش هقدر اعيش. لو عيشت هتألم تاني زي ما انا طول حياتي بتألم
مروان / وفين ثقتك في ربنا
بقى هو دا اللي انا ربيتك عليه. انك تفقدي الأمل وتيأسي من رحمة ربنا
شمس / اللي انا فيه دا مش يأس. بس انا عايزة ارتاح ودا من حقي
قمر / عنيدة برضوه زي ابوكي.
مروان / أول مرة ماتسمعيش كلامي يا قمري
شمس بدموع / غصب عني يا مارو صدقني. الحياة بعدك بقت صعبة اوي انت ماشوفتش جرالي إيه. وكمان وأنت عايش. شوفت كنت بتألم اد ايه
مروان / بس خلاص كل الالم انتهى. عيشي بقى حياتك ربنا عوضك عن كل شئ
ارجعي لحبيبك والناس اللي عايزاكي
مروان لف وشه ومشي وقمر ضمت شمس ومشيت هي كمان.
شمس واقفة مكانها بتنادي عليهم لكن هما مش بيردوا فقررت تمشي وراهم. )
مهاب واقف أدام غرفة العناية المشددة كعادته منذ اسبوع لا يفارق مكانه
الكل يأتي ويذهب الا هو يبقى في مكانه و رفض أن يبقى أحد معه غير عاصم اللي اصر. لكن مهاب طلب من مدير المستشفى غرفة قريبة من شمس علشان يبقى موجود فيها.
داليا جت هي و رودي وجميلة ومازن و واقفين مع مهاب بيسألوه عن حالتها
دكتور دخل عند شمس علشان يشوف حالتها
لأن كل نص ساعة لازم حد يدخل يشوفها ويشوف النبض والأجهزة
الدكتور دخل لقى نبض شمس مش مستقر أبدا. وفجأة الأجهزة بقت بتعمل اصوات غريبة
الدكتور ضغط على زرار بجانب السرير. حضر الأطباء مسرعون.
وبقى في حالة من الزعر لدى الجميع
مهاب بيسالهم في إيه لكن ماحدش بيرد عليه.
راح هو ومازن والبنات و وقفوا أدام زجاج الغرفة. شافوا الدكاترة بيعملوا صعق كهربة لقلب شمس والأجهزة بتصفر ومافيش غير خط فيه بعض التعرجات البطيئة جدا حتى اوشكت على الاختفاء
مهاب قلبه انقبض واترعب بمعنى الكلمة.
دا لسه من شوية كان قاعد جنبها وماكنش في أي حاجة ايه اللي حصلها
دخل بسرعة الغرفة برغم ان الكل حاول منعه
فور دخوله. أعلن الجهاز عن توقف قلب شمس عن النبض والأطباء أعلنوا عن يأسهم في محاولة انقاذها
مهاب جرى على شمس حضنها وبقى يصرخ / شمسسسسس ماتسبنيييييش لااااا
الدكتور بتأثر من حالته / أستاذ مهاب خلاص
مهاب بصراخ / لاااا لاء مافيش حاجه اسمها خلاص. هي مش هتسيبني
مهاب حاضن شمس بس لسه جسمها متوصل بالاسلاك وهو بيصرخ ويضغط على جسمها / ماتسبينيش يا شمسي. أنتي روحي. مش هسيبك تموتي. لاااااااء
فجأة سمعوا دقات بسيطة في جهاز القلب
الدكاترة اندهشوا. لكن بسرعة طلبوا من مهاب يسيب جسم شمس وهو سابه لما شاف ان في أمل. وبدأوا يحاولوا تاني مع قلبها وبالفعل عاد النبض من جديد طبيعي
( شمس وهي ماشية ورا أمها ومروان سمعت صوت مهاب وهو بيصرخ فوقفت مكانها
شايفه أمها بتبعد عنها ومروان معاها. لكن مش قادرة تتحرك. صوت مهاب وقفها مكانها. سمعاه حاسة بحضنه وبدأت تحس بضلوعها اللي بتتعصر بين ايديه )
الدكاترة رجعوا وصلوا الأجهزة كويس بجسم شمس وحاولوا يخرجوا مهاب لكن رفض ومسك ايد شمس اللي متوصلة بالمحاليل وحسس عليها بحنية ومال على ودنها وهمس فيها
مهاب بخفوت ودموع / لو سبتيني هموووت. أيوة هموت. ماتفتكريش اني هعيش بعدك
لاء هحصلك دا انتي روحي هو في انسان بيعيش من غير روح.
شمس أنتي اكتر واحدة عارفة يعني ايه وجع. ارجوكي ارجعيلي. أنا بتوجع اوي. أنا قلبي بيوجعني يا شمس مش قادر اشوفك كدة لو بتحبيني ماتوجعنيش ارجوكي ماتوجعنيش هموت يا شمس تعبت دلوقتي حسيت بيكي وعرفت يعني ايه وجع
( شمس حست بلمسة ايديه وفجأة المكان اللي كانت فيه اختفى وبقى ضلمة مافيهاش اي نور. ولا اي صوت غير صوت مهاب وهو بيكلمها. سامعة حبيبها بيحكيلها ويشكيلها ويترجاها ترجعله. سمعته وهو بيقول أنا موجوع )
مهاب بيبكي ودموعه بتنزل سيول على خده
بس لاحظ أن أحد اصابع شمس اتحركت في ايديه
بي عليها بسرعة وحس انه دا من وحي خياله. لكن اتحركت تاني
شمس بخفوت وهمس / مهاااااب مهااااب
مهاب بلهفة ودموع / روح مهاب عمر مهاب.
( مهاب بصراخ وهو لسه ماسك ايد شمس )
دكتور. دكتور. شمس صحيت حد ييجي بسرعة
الدكاترة دخلوا واندهشوا لأنهم شافوا شمس بترمش بعيونها وبتحاول تفتحها وايديها بتتحرك
شمس فتحت عنيها بعد محاولات فاشلة كتير بسبب الاضاءة الشديدة وشافت ادامها مهاب ولهفته عليها ودموعه اللي بتنزل من عنيه
مهاب بفرحة / حبيبتي اخيرا صحيتي اخيرا رجعتيلي. وحشتيني أوي
شمس بخفوت وصوت بيخرج بالعافية / اس اسفة
الدكتور. / بلاش كلام. بلاش اي إجهاد دلوقتي
مهاب بفرحة / حاضر. حاااااضر بلاش تتكلمي يا حبيبتي
@@@@@@@@@@@@@@@@@
( مر أسبوع على آفاقة شمس لكن كانت لسه تعبانة.مهاب ولا مرة سابها أو بعد عنها. كل ماتفتح عنيها ولو ثانية واحدة بيكون هو جنبها. والكل دخل يزورها لكن مش اكتر من 5 دقايق وبيخرجوا بسرعة. وهي مابتحسش بيهم اصلا.
عاصم دخلها اكتر من مرة. وقعد جنبها لكنه كان بيخرج علطول ودموعه على خده
اخيرا حالتها اتحسنت وفاقت وبدأت تتكلم.
والنهاردة الدكاترة قرروا أنها تتنقل غرفة عادية ويشيلوا كل الاجهزة من جسمها وكمان تبدأ تأكل
نقلوها الغرفة وهي نايمة
صحيت لقيت نفسها في أوضة فيها سريرين. هي نايمة على واحد والتاني فاضي بصت الجهة التانية شافت مهاب قاعد على كرسي بيلصلها بحب وشوق
شمس بخفوت / حبيبي
مهاب برومانسية / روح حبيبك يا شمسي
شمس بأبتسامة / احنا فين كدة. سبنا المستشفى خلاص
مهاب / لا يا حبيبتي لسه ماسبنهاش لكن اتنقلتي غرفة عادية. لأن صحتك اتحسنت الحمد لله
شمس بأبتسامة/ الحمد لله
مهاب / وحشتني ابتسامتك أوي
شمس / ابتسامتي بس اللي وحشتك
مهاب قرب لها جامد وملس بأيده على شعرها / مافيش اى حاجة فيكي ماوحشتنيش يا روحي
كنتي عايزة تسبيني يا شمسي. هونت عليكي
شمس اختفت ابتسامتها / آسفة سامحني انا
مهاب حط صباعه على شفايفها علشان ماتكملش واتكلم بأبتسامة / بس ماتقوليش حاجة واوعك تخفي ابتسامتك تاني. رجعيها على وشك. لحسن انا ماقدرش أعيش من غيرها
شمس بأبتسامة / حلوة كدة يا حبيبي
مهاب / أنتي حلوة دايما يا روح حبيبك
شمس بتوتر / صحيح فين ب بابا أنا كنت بحس بيه وهو جنبي اوقات وكنت بسمعه بيكلمني
مهاب / عايزة تشوفيه
شمس / هو فين هنا ولا مشي يعني
مهاب بأبتسامة/ لا يا حبيبتي هو من يوم مادخلتي هنا ما مشيش أبدا لحظة واحدة هو واقف برة
( مهاب خرج وطلب من عاصم يدخل علشان شمس عايزاه )
عاصم دخل وعينه في الأرض مش قادر يبص لشمس
مهاب / طيب حبيبتي لو احتاجتي حاجة ا
شمس / انت رايح فين
مهاب بأبتسامة/ حبيبتي انا هقف برة شوية ماتقلقيش
شمس بأبتسامة / لا ماتخرجش اوعى تسيبني أبدا خليك جنبي
مهاب ابتسم وهز راسه بمعنى الموافقة وراح قعد على طرف السرير التاني
أما عاصم فضل واقف مكانه جنب الباب
شمس بأبتسامة / ايه يا بابا هتفضل واقف بعيد عني كدة
عاصم قرب عليها وهي شاورتله على الكرسي جنبها علشان يقعد
عاصم بدموع بتنزل من عنيه وندم / سامحيني يا شمس أنا غلطت كتير اوى معاكي و
قاطعته شمس / خلاص يا بابا ماتكملش أنا بنتك وأنت ابويه وانا مش زعلانة منك
انسى يا بابا. ولا صحيح أنت مابتعرفش تنسى زيي صح
عاصم بصلها بأستغراب
وهي كملت بأبتسامة / ماما قالتلي اني ورثت منك قوة الذاكرة وكمان قالت اني عنيدة زيك
عاصم بدموع / ايه انتى بتقولي ايه أزاي قالتلك
شمس بمرح/ في الحلم يا بابا يعني هتكون قالتلي ازاي يا حج يعني. عفريتها طلعلي
عاصم ضحك ضحكة بسيطة
شمس بضحكة هي كمان / ايوة كدة يا حج اضحك. خلي الدنيا تروق وتحلى
مهاب / ان شاء الله هتحلى وهتبقى احلى
( قطع كلامهم وصول أهل مهاب أبوه وامه وعمه و مراته )
شمس كان شعرها مفرود على المخدة لأنهم شالوا البونية الطبي من على راسها لما خرجت من العناية وكالعادة. كلهم بصوا علي شعرها وتنحوا.
قعدوا شوية ومشيوا ومهاب خرج برة الأوضة اتصل بداليا تجيب هدوم لشمس وحجاب. بسرعة )
داليا جت هي و رودي ودخلوا لشمس و قعدوا. معاها شوية وبعد كدة مشيوا علشان مايتعبوهاش بالكلام كتير
بعد مامشيوا ممرضة دخلت علشان تساعد شمس إنها تدخل تاخد شاور وتغير هدومها. لكن مهاب رفض وطلب منها تمشي
وشال هو شمس ودخل بيها الحمام
شمس بكثوف / مهاب أنت بتعمل ايه ما ينفعش كدة
مهاب بأبتسامة / ريحي دماغك أنا مش هسمح لأي حد يشوف جسمك
شمس بأحراج / بس انا محتاجة مساعدتها
مهاب بغمزة / أنتي مش محتاجة مساعدة حد
أنا جوزك وحبيبك وسندك وأنا اللي هساعدك
( دخلوا الحمام ومهاب ساعد شمس في كل حاجة وهي كانت مكثوفة جدا )
فات اسبوع كمان. وشمس خلاص اتحسنت ورجعت طبيعية جدا واحسن من الأول والدكاترة سمحوا لها أنها تخرج من المستشفى آخر اليوم
طول الاسبوع اللي فات مهاب دايما مع شمس بيناموا في نفس الأوضة. هو اللي بيساعدها في كل حاجة. حتى الأدوية بياخدها من الممرضة ويدهالها هو
ولما بييجي ميعاد الدكتور علشان يدخل بيغطي شعر شمس ويتأكد أن مافيش حاجة من جسمها او شعرها ظاهره
العيلة كلها بتزور شمس ويقعدوا معاها ويضحكوا وفرحانين إنها اتحسنت.
وعاصم مبسوط جدا لأن شمس سامحته وبتهزر معاه وكمان بتحضنه و طلبت منه يرجع البيت.وأصرت وهو مشي علشان يريحها لكن بيروحلها كل يوم ومش بيمشي غير بالليل
شمس صحيت من النوم مالقيتش مهاب موجود في الأوضة. وكمان أبوها ماجاش مع انهم عارفين أنها هتسيب المستشفى النهاردة
الباب خبط. شمس سمحت للي بيخبط إنه يدخل
فدخل. 4 بنات و معاهم حاجات كتير كدة.
شمس بأستغراب / انتوا مين
أحد البنات / اتفضلي حضرتك مهاب بيه طلب مني اديكي الورقة دي
شمس اخدت الورقة وفتحتها
( حبيبتي. استعدي. لأن النهاردة هنبدأ أول يوم في حياتنا الجديدة.
أنا انتظرك يا شمسي. لا تتأخري )
شمس قامت واخدت شاور وخرجت منه لقيت فستان فرح ابيض جميييييل. منفوش جدا بأكمام وبيلمع وفيه فصوص فضة جميلة
شمس انبهرت بيه جدا. لبسته وقعدت على احد الكراسي. وبدأوا البنات يساعدوها تستعد ويعملوا ليها ميكب خفيف عبارة عن رسمة للعيون و روج احمر فاتح هادي جدا
ولفت طرحة بيضة من الستان وفوقها طرحة طويلة مفرودة على ظهرها
وتاج من الفضة في منتصف رأسها. جعلها ملكة
الباب خبط ودخل عاصم. باس راس شمس ومسك ايديها وخرج من الأوضة بيها
اتفاجات شمس ان كل الطرقة مفروشة بالورد الأحمر وهي ماشية جنب ابوها مبهورة بالمنظر
خرجوا أدام المستشفى شافت حبيبها قصادها مستنيها لابس بدلة جميلة جدا انبهرت بشكله وهو كمان انبهر بيها لأنها فعلا زي الشمس.
عاصم سلم شمس لمهاب وقاله يحافظ عليها ويسعدها مهاب حضن شمس وباس رأسها وركبوا العربية
___________________________
رواية ( شمس وسط الظلام) الخاتمة بقلم أميرة السعادة / اسماء أبوشادي
________________________________
وصلت عربية مزينة بالورد أمام قصر العدلي
مهاب نزل من العربية ومسك أيد شمس ونزلها هي كمان ودخلوا القصر وسط زفة جميلة جدا في منتهى الروعة
شمس ماسكة في أيد مهاب وماشية حاسة أنها ملكة متوجة واتفاجأت بناس كتير اوي موجودة في الفرح
شمس بتهمس لمهاب / ايه ده دا في ناس كتير اوي
مهاب بأبتسامة / طبعا لازم يبقى في ناس كتير. النهاردة فرحنا أول يوم في حياتنا سوا
شمس بخجل / الناس كلها بتبص علينا أنا مكثوفة اوى
مهاب / سيبيهم يبصوا ومتركزيش معاهم. ركزي في أن النهاردة هو بداية حياتنا وفرحنا وليلة عمرنا يا شمسي
ابتسمت شمس من كل قلبها اللي بينبض بالفرحة بدون وجع بدون يأس بدون ضلمة فيه
وصلوا للمكان اللي المفروض هيقعدوا فيه ( الكوشة ) بس مهاب وقف وهو ماسك ايديها وحد جابله ميك وابتدا يغني بصوت رووووووعة واحساس اروع من الروعة أدهش كل الموجودين من رجال أعمال وصحافة وفنانين
دى اللى خدتنى منى ودى اللى بتحسسنى انى ملكت كل الدنيا ديا علشان لقيتها
قابلت كتير وخوفت وقلبى صدقها اما شوفت عنيها قولت ساعتها بس خلاص لقيتها
وببقا هاموت واشوفها وقد ايه بيوحشنى خوفها كسوفها لما بكون واحشها
دى دنيا كنت هاموت واعيشها لقيتها بيها
حلم حلمت بيه كنت هاموت عليه
دى اللى معاها بس بدات احس ان اللى فات دلوقتى ممكن بين ايديها فى لحظة يرجع
تنسي اى حد اهى دى اللى تستاهل بجد انك تعيش ليها الحياة ايه اللى يمنع
وببقا هاموت واشوفها وقد ايه بيوحشنى خوفها كسوفها لما بكون واحشها
دى دنيا كنت هاموت واعيشها لقيتها بيها حلم حلمت بيه كنت هاموت عليه
تعالت الصفافير والتصفيق من حولهم
وشمس في حضن مهاب لأنه من أول كلمتين غناهم هي حضنته وهو كمل الأغنية وهي في حضنه ونسيوا الناس والدنيا كلها
مهاب بيهمس لشمس / تغني
شمس بفرحة في عيونها وابتسامة منورة وشها / هغني أقول إيه. مافيش إي كلام في الكون اقدر اعبر بيه عن اللي جوايا أنا كل اللي اقدر اعمله اني أفضل اشكر ربنا واحمده على أنه رزقني بيك.
مهاب غنى أغنية تانية لشمس كانت أغنية لعمر دياب ( وماله لو ليلة كنا بعيد وسيبنا كل الناس )
خلصت الأغنية وتقريبا كدة هما نسيوا أن في ناس موجودة معاهم وشمس بدأت تغني أغنية ( غمض عينيك
غمض عنيك واحلم معايا
وهات ايديك واحضن هوايا
احضن هواياالابعدحد والمس معايه خدود الورد
لا نجوم وليل ولاسماء ولاارض دحنافى دنيا لوحدنا
دوقنى شوق دوق الغرام
غمض عنيك وف حضنى نام
قول ف الهوا من غير كلام
دحنا اتخلقنا لبعضنا
ليلة غرام نحلم ندوب
من غير كلام تحكى القلوب
ومن الهوا دحنا يادوب ) وطبعا مهاب شاركها في الأغنية دي وخلصوها سوا. وبعد ماخلصوها دخلوا في أغنية ثانية ( أعترف
أنك انت فكل حاجة مختلف
وان حبي لك كبير أكبر انه ينوصف
اعترف
أنك النجمة البعيدة اللي جابتها الصدف
وان حبك نهر عمره ما يجف
ياحنين العاشقين
ياهدايا الياسمين
يالبياض اللي على أحلامي عزف
اللي ماليني ترف
اعترف
انا بحرك
وإنتي الدر الثمين اللي في قلب الصدف
انا عمرك
وانت لي نبض الحياة اللي عمره ما وقف
انا عطرك
وصوت شوقك اللي بغيابك هتف )
خلصوها وبرضوه غنوا اغاني تانية كتير ومتاجهلين الناس كلها والعيون اللي حواليهم وقضوا الليلة كلها غنى ورقص وماقعدوش على الكراسي ابدا والناس كانوا حاسين أنهم في فيلم رومانسي. والفرح استمر ساعات.بدون ملل من إي حد
ومهاب قرر ينهيه بس علشان خاطر شمس وبعد كدة شالها ادام الناس كلها وخرجوا من القصر ركبوا العربية بتاعتهم وطلعوا على المطار
وركبوا طيارتهم الخاصة ودخلت بهم إلى مكان مجهول جزيرة تحوطها المياه من كل جانب لا يوجد بها اي بشر فقط هما الاثنان
مهاب نزل من الطيارة و شال شمس بين ايديه وسمح للطيار اللي وصلهم أنه يمشي ودخلوا فيلا جميلة جدا
شمس بتحاول تنزل لكن مهاب رفض
شمس / ايه عايزة اتفرج على المكان
مهاب بتهكم / نعم تتفرجي على ايه. هو أنا ماوحشتكيش ولا ايه
شمس بدلع / موهاب بس بقى الله ماتكسفنيش
مهاب جري بيها على أوضة النوم / ليه هو انا لسه عملت حاجة يا روح وكيان ( ثم حاول تقليدها لنطق اسمه ) موهااااب هههههههههههههههه
نزلها وهو لسه حاضنها بين ايديه ومش عايز يسيبها ابدا ثم اقترب منها وبكل حنان وهدوء نزع عنها طرحتها وهو يهمس لها من بحور كلمات العشق مايجعلها تذوب بين يديه
وحيث انتهى من تلك الطرحة التي كانت ممتلئة بالدبابيس. أقبل على شفتاها في قُبلة ساحقة. وحملها وذهب بها إلى الفراش
( و ربنا اللي احنا بنعمله دا عيب ينفع كدة الحاجات دي اسرار ما ينفعش كدة
نحن بنات عائلات كيوتات هيهيهيهيهيهيهي )
@M@M@M@M@M@M@@M@M@M@M@M@M
قضوا معاً اجمل ليال بعيدا عن كل البشر فقط هما الاثنان حيث يشاركهم الحب ونعيمه
عادوا إلى أرض الوطن بنفس الطريقة اللي جم بيها
واستقبالهم في القصر عائلة شمس وعائلة مهاب وأيضا رودي وجميلة الكل كان موجود
( البنات كانوا منغاظين أن شمس ماعبرتهمش في الفرح ولا حتى سلمت عليهم قبل ماتمشي على شهر العسل لكن الفرحة اللي كانت في عنيها خليتهم يفرحوا علشانها )
عمر ومازن. قرروا أن فرحهم يكون بعد يومين لأنهم اجلوه كتير علشان شمس وعمليتها وبعدين علشان فرحها هي ومهاب وبعدين علشان شهر العسل
_______________________________
تاني يوم في قصر العدلي
الكل اتجمع على سفرة الفطار وبعدها مهاب راح الشركة مع أبوه وعمه ومازن. لأنه بقاله فترة كبيرة جدا مارحش ومايعرفش أي حاجة عن الشغل
في ميعاد الغدا مازن رجع البيت كانت داليا وشمس قاعدين بيظبطوا شوية حاجات علشان الفرح خلاص باقي عليه يوم واحد
وتقريبا كل حاجة كانت جاهزة بس بيدعوا الناس وبيتمموا على التجهيزات
مازن / هووووووووف اخيرا مش هروح الشغل تاني وهجهز بقى لأم الفرح اللي مش عايز ييجي ده
داليا بسرحان / هييييييييييح أنا مش مصدقة نفسي باقي يوم واحد بس
شمس بمرح / ايه ايه أنتوا هتتجوزوا على نفسكوا وانتوا واقفين احترموا وجودي لاحظوا اني مرات اخوكوا الكبير
مازن بغيظ / اه أخونا الكبير اللي أجل فرحنا وعمل فرحكوا ورحتوا شهر عسل ورفض حتى اننا نعمل فرح معاه في نفس اليوم وقال ايه دا يومي أنا وشمسي لوحدنا
داليا / هههههههههههههههه دا عمر من يومها وهو متغاظ اوي وهيولع ومصدق أن أنتوا رجعتوا من شهر العسل علشان نعمل فرحنا
شمس / يلا بقى معلش يا قلبي ربنا يسعدكوا يارب
داليا / يااااااااارب ويخليكي لينا يا شوسي انتي وأبيه مهاب يارب
المهم احنا عايزين نشوف أغنية حلوة كدة علشان الرقصة السلو بتاعتنا. لأن حضرتك وأبيه مافيش أغنية إلا وغنتوها في فرحكوا ومسبتوش لينا حاجة
مازن / هششششششش المهم الفرح ييجي بقى دا أنا قربت ابيض
شمس بمرح / ولد عيب كدة ما ينفعش الكلام ده
( بصت لداليا ) ايه رأيك ترقصوا على أغنية ” إلعب يلا ”
مازن / طب والله فكرة
( بدأوا يغنوا هما التلاتة وهما قاعدين في الصالون )
شمس / قاعد لوحدك كدة زهقان ييجي الشيطان يفضل يقولك
مازن / إلعب يلا ماتلعب يلا
داليا وهي بتطبل على الطربيزة في وسط الصالون / أرقص يلا هنتجوز يلا
( شمس وهي واقفة لمحت مهاب داخل من الباب الداخلي للقصر راحت بسرعة ورا الكنبة واستخبت بحيث مهاب مايشوفهاش
داليا ومازن كان ظهرهم لمهاب ماشفهوش بس لما شافوا شمس بتميل ورا الكنبة افتكروها بتجيب حاجة وبرضوه بيرقصوا )
مهاب وهو رايح باتجاههم / هشعلكوا يلاااااا
مازن وداليا بخضة / أبيه مهاب
مهاب بغمزة شاور لهم يسكتوا / بقى بترقصوا والعب يلا وهتجوز يلا
( مهاب شاورلهم يمشوا بشويش وراح في اتجاه الكنبة اللي شمس مستخبية وراها وهو لسه بيتكلم. وعامل نفسه بيزعق دلاليا ومازن. وشمس قاعدة خافضة رأسها في الأرض وبتضحك فاكرة مهاب ماشفهاش مهاب سكت ولف قعد جنبها واتكلم بهدوء / بتدوري على حاجة يا شمس
شمس بشهقة / عااااااا مهاب حرام عليك خضتني
مهاب بمرح / خضيتك. وانتي يا روحي كنتي بتعملي ايه كدة في الأرض
شمس بتوتر / ها ولا حاجة ك كن كنت
قاطعها مهاب وهو بيشيلها وطلعوا سوا على جناحهم
شمس بخجل / مهاب انت بتعمل ايه
مهاب بخبث / هلعب يلا
( بلاش إحراج بقى وتطفل حرام كدة
ملناش دحوة يا موحي )
________________________________
بعد مرور 3 سنين
في شركة العدلي الفرع الأساسي تحت إدارة مهاب العدلي
سكرتيرة مهاب بلهفة / استاذة شمس اخيرا حضرتك وصلتي
شمس / اهدي يا بنتي ايه في ايه مالكوا كدة الشركة كلها دبت فيها خواطر الرعب ليه
السكرتيرة بخوف / مهاب باشا قرب يرفد نص الشركة والنص التاني جزا وخصم ومش طايق أي حد. قولت مافيش حل غير انى اتصل بحضرتك تيجي بدري عن الاجتماع بشوية علشان تهديه لأن الاجتماع دا مهم جدا
شمس / طيب اهدي كدة وفهميني ايه اللي حصل خلاه متعصب كدة حد غلط في شغله النهاردة
السكرتيرة / أيوة في موظف اتسبب بخسارة كبيرة للشركة وهو حوله للتحقيق
شمس جاية تتكلم قاطعها صوت جرس تليفون مهاب بيستدعى السكرتيرة
شمس / خليكي انتي أنا هدخل وماتدخليش حد ولا تحوليله مكلمات دلوقتي
داخل مكتب مهاب
مهاب قاعد مش طايق نفسه و ودانه بتطلع شرار
الباب خبط
طق طق طق
مهاب بعصبية / اتزفتي ادخلي
دخلت شمس بأبتسامة جميلة جدا
مهاب نسي الدنيا كلها بمجرد ما شافها وشاف ابتسامتها اللي بتخطف قلبه وعيونها اللي بتوقف أنفاسه
شمس برومانسية وحنية / وماله يا حبيبي اتزفت اتزفت بس المهم اشوفك لأنك وحشتني موووووت
مهاب قام وابتسم واخدها في حضنه / وانتي كمان وحشتيني يا حياتي. أنا عمري ما اقولك كدة بس أصلي لسه كنت مستدعي السكرتيرة ما جاش في بالي أن شمسي هي اللي على الباب.
شمس لفت ايديها حوالين رقبته / حبيبي ماله ايه مضايقك
مهاب بأبتسامة مرح / ايه هما لحقوا استنجدوا بيكي
شمس / لاء ابدا ماحدش قالي حاجة بس دا لاحظته من أسلوبك قبل ما ادخل وكمان حالة الموظفين في الشركة
مهاب بنفس الابتسامة / حبيبتي انا ما اتضايقش لما يطلبوكي وأنا متضايق بالعكس دي حاجة تفرحني أن الدنيا كلها عارفة انك علاجي وأن مجرد ما بشوفك بنسى كل شئ وأي شئ
شمس / ربنا مايحرمني منك يا عيون شمس ودفا شمس. قولي بقى مالك مين اللي اتجرأ وضايق حبيبي
مهاب ببساطة ولا كأنه كان هيولع في الشركة من شوية / ابدا يا شمسي غبي. غلط غلطة هتخسرنا ملايين في الصفقة اللي مفروض اجتماعها كمان ساعتين
شمس بجدية / طيب الغلطة دي من وجهة نظرك هو قاصدها ولا بدون قصده
مهاب بتفكير / بصي رأيي الشخصي هو مستحيل يقصدها أولا لأنه مايتجرأش على كدة ثانيا أنه من ملف عمله في شركتنا هنا هو موظف امين جدا وشخص محترم وصادق علشان كدة انا بأتمنه على الصفقات دي
شمس بأبتسامة / طيب خلاص ممكن حبيبي يهدا ويسيب الموضوع دا عليا وأنا هتصرف
مهاب بأستغراب / هتعملي ايه دا مش باقي على الاجتماع غير ساعتين ويمكن أقل
شمس / تؤتؤتؤتؤ حبيبي بيثق فيا صح أنا بقى هحول الخسارة دي لمكسب في خلال الساعتين دول ومش إي مكسب دا مكسب مضاعف كمان
مهاب بأبتسامة/ طبعا انا بثق في شمسي وبموت في كل شئ فيها حتى روح التحدي
واتفضلي انطلقي
@@@@@@@@@@@@@@@@
______________________
لحظة بس كدة من فضلكوا
مازن وجميلة اتجوزوا وفرحهم كان مشترك طبعا مع داليا وعمر وكان اجمل فرح ولكن شمس ومهاب خطفوا منهم الأضواء في الفرح وطبعا دا لأن فرحهم كان أول ظهور لشمس ومهاب بعد الفرح الخيالي بتاعهم اللي الدنيا كلها مستحيل تنساه لحد النهاردة
وبعدها بسنة اتخرجوا البنات وشمس كانت حامل و ولدت تؤم جميل جدا ( مروان وقمر ) الولادة كانت صعبة جدا لكن الحمد لله مرت بخير
داليا وعمر / خلفوا بنوتة زي القمر سموها روضة. وكانت داليا نفسها تسمي شمس لكن للأسف مازن وجميلة سبقوها وسرقوا الاسم لبنتهم اللي اتولدت قبل من روضة بأسبوع واحد بس
رودي ودكتور أحمد اتجوزوا بعد ولادت شمس علطول وتقريبا برضوه اجلوا الفرح بسبب ولادة الأطفال
شمس و رودي تم اختيارهم علشان يكونوا موعيدين في الجامعة
رودي قبلت لكن شمس رفضت ولما مهاب حاول يقنعها ويقولها أنه مبسوط بكدة. قالتله أن هي طموحها أكبر من معيده في جامعة وأنها هتعمل دكتوراه وتحضر ماجستير وتعمل أبحاث.في البيت وكمان هتنزل الشغل معاه بجانب الأطفال. فهي مش هيبقى عندها أي وقت للجامعة
داليا اتخرجت من الجامعة بتقدير امتياز واشتغلت في الشركة مع حماها و رفضت تشتغل مع أخواتها وعمر انبسط من القرار دا جدا
مازن طبعا كان شغال مع مهاب لكن الوضع أختلف في أنه بقى.مسؤول عن فرع من الشركات. ومعاه جميلة مراته
أما ابطالنا العظام شمس ومهاب
مهاب صدق في وعده عمره مازعل شمس ولا يوم. يعني تقدروا تقولوا حياتهم كانت خيااااال متافهمين سوا لأبعد حد وبيكملوا بعض وكل واحد بييجي على نفسه علشان التاني
شمس اشتغلت معاه في الفرع الرئيسي فترة ولما اثبتت كفائتها في وقت قليل بقت يعتمد عليها في كل شئ وكمان في فرع تاني من فروع الشركة كان محتاج لإدارة ومهاب قرر أن هي اللي تديره.
شمس فرحت جدا لأنه وثق فيها وفي شغلها لكن حاولت تفضل معاه في مكان واحد علشان يكونوا دايما مع بعض لكن هو فضل مصلحتها عنه هو
ولمدة الأمور استقرت جدا
وأبو مهاب وعمه اتفرغوا لحياتهم الشخصية
والكل عارف ان إذا مهاب اتعصب أو أتضايق مافيش حل غير وجود شمس علشان تهديه. ودا كان بيسعدهم هما الاتنين جدا.
وبالتعاون والحب أصبحت شركات العدلي هي شركات عالمية وفي الصدارة
@@@@@@@@@@@@@@
عودة للوقت الحالي
شمس اخدت الملفات وقعدت مع الموظف بعد ما أجلت التحقيق معاه لبعد الاجتماع
وبزكائها قدرت تتوصل لحل وعلشان تنفذه استعانت بخبرة مهاب اللي كان فخور بيها جدا وبأفكارها العظيمة اللي دايما بتبهره وتبهر الدنيا كلها
وفعلا تم تحويل الخسارة لمكسب وكله بالزكاء والعقل
الاجتماع كان موجود فيه مازن وجميلة وكمان داليا وعمر ( لأنهم شاركوا مهاب ومازن في الشغل ودا كان قرار ابو عمر قبل ما يموت من سنة ودا كان قرار حكيم منه جدا وادى إلى ترابط العيلة كلها ) وطبعا شمس ومهاب
وعملاء أجانب في الغالب بيكون مهاب هو قائد الاجتماعات دي لكن في الاجتماع ده تقريبا كانت شمس القائدة. وكمان مازن ساعدها في الشرح لأنه كان مبسوط بزكائها أما مهاب اكتفى بس بأنه يكون مشاهد فخور بنصه التاني بل حياته كلها وشمسه
@@@@@@@@@@
_______________________
تمت بحمد الله
أتمنى تكون عجبتكم يارب يا احلى فانز في الدنيا
