الحلقه 3 و4
********************************
مرنا وسما دخلو الفيلا وسما كانت مبهوره بالفيلا وجملاها
سما : ما شاء الله يا بنت محمد دانتو طلعتو مكوشين على البلد
مرنا : يا ساتر يا ساتر إدخلى برجلك اليمين يا شابه
سما : وياختى عليها وياختى عليها ما جت رجليها ما جت رجليها وبترقص على طريقة ريه وسكينه
ومرنا …….فطصانه من الضحك 
وطلعو على فوق الدور الا فيه الغرف مرنا تعالى يا سمسمه ايه رأيك فى أوضة الضيوف دى
سما : لاء يا حببتى انا إلا أختار وبدأت سما تفتح فى الغرف وتتفرج عليها ماعدا الغرفه الكبيره … وعجبتها غرفه جدا ومرنا : تقولها بلاش ؟!!
وسما : تقول والله ما أنا نايمه فى غيرها
ومرنا : إفتكرى إنى قولتلك بلاش
سما : أبدا
سما : دخلت الغرفه منظمه وجميله وذوقها راقى والوانها متجانسه …حطت الشنطه جمب السرير ورمت نفسها عليه الله دا سرير والا ريش نعام لا وريحته تحفه يا سيدى يا سيدى أحلى حاجه إنى ها ارتاح من عربية النقل الا كانت بتنام جمبى …. أميره الجزمه كرهتنى فى نوم البشريه
مرنا :ها يا سمسمه كلو تمام
سما : تمام يا قلب سمسمه
مرنا : مش واخده على الدلع
سما : دا أنا ها أهريكى دلع يا بنت محمد بيه
مرنا : ههههههه انتى فظيعه
سما : مش ها ناكل
مرنا : تعالى ندخل المطبخ ونعمل حاجه ناكلها بس غيرى هدومك وخدى شاور وروشى ياله
سما : فوريره وها تلاقينى فى ديلك هيله هووووب
مرنا : كفايه ها تنقطينى
سما : هوينى بقى خلينى أعيش وأنكش الريش
مرنا : أنكشى ياختى أنكشى ربنا يستر
سما : دخلت الحمام الا فى الغرفه واتوهمت …. وقعدت تكلم نفسها ….أنت حمام يا عم أنت ؟؟؟ دا أنت قصر لوحدك طب يدونى البانيو الحليوه دا وانا أعمله أحلى سرير يا خرشى وعاشت وأستخدمت الشامبوهات والكريمات الا كانت فى الحمام كلها
ولبست برمودا ونزلت تحت لمرنا
مرنا : نعيما يا سمسمه ايه رأيك فى الاوضه
سما : قولى ايه رايك فى الحمام دا أنا أتشقلب فيه يا بنتى والا الكريمات والشامبوهات تهبل عملت كوكتيل على شعرى
مرنا : اه يا مجنونه لو سمعك والا شافك مش بعيد يعدمنى انا وانتى
سما : ولا يهمنى أصلا هو مين يا بت أنطقى
مرنا : ولا تشغلى بالك عيشى حياتك
سما : حبى أنا يا ناس والله سيبك أنتى عارفه لو عايشه فى اوضه أنتى اختى وحببتى والله يا مرونه
مرنا : ربنا يخليكى ليا يا أحلى أخت فى الدنيا
وقضو البنات يومين مع بعض ….. وكل يوم محمد وروقيه يكلمو مرنا وسما ومبسوطين انها مع بنتهم …..ومازن كمان كل يوم يطمن عليها واتعرف عل سما عن طريق التليفون وارتاح لها جدا ….. والبنتين خاربنها هيصه ورقص وأغانى وأخر جنان ومش بينسو المذاكره ابدا بس البريك بيبقى دمار شامل
***************
مروان : كريم أنت ومعتز ورجائى أعملو حسابكو ها نسهر بكرا مع بعض
معتز : اروح بس دا أنا ممكن انام أسبوع
مروان : انت بتقول فيها دا أنا نفسى فى السرير
رجائى وكريم ….. روسهم فى روس بعض وفى سابع نومه
مروان ومعتز …… بصلهم وقعدو يضحكو
********
معتز : وصل ودخل البيت براحه وبيقفل الباب بشويش عشان ما يصحيش ابوه الا معندوش غيره وبيقفل الباب
ابو معتز : ماسك معتز يالهووووى حرامى إلحقونى يا ناس
معتز : دا انا يا بابا
ابوه : كمان بتقول بابا حررررامى يا ناس
معتز : يابابا الله يهديك أنا إبنك يخربيت الزاهيمر وسنينه
ابوه ؛ انا أبو الشحط دا دانا لسا فى عز شبابى ولسا ما اتجوزتش يا كداب جبتك منين هاااه أنطق يا واد
معتز : وربنا ابنك بقالى 30 سنه ارحمنى ابوس ايدك نفسى أنام وبيمثل انه نايم وهو واقف وبيشخر
ابوه : معتز حبيبى أنت وصلت بالسلامه
معتز : أحمدك يارب وجرى على الاوضه ورمى نفسه على السرير
وأبوه : بيجرى وراه انت يا ولد خد هنا مش تسلم عليا
معتز : ما انت قمت بالواجب يا حج كفايه سلامات بقى الله يخليك أخخخخخخخخخ ونام معتز
*************
رجائى : فتح ودخل على طول ونام هو وحيد ومش معاه حد وكدا كدا البيت فاضى عليه
***********&
كريم : يا أهل الدار أنا وصلت أنتى يا ست إنتى وجوزك انتو فين يا بشر
ابوه وأمه .. واخواته الاتنين.. صحيو ايه يا بنى أنت على طول جاى بزعابيبك كدا
أخته مروه .. نطت فى حضنه كرمله حبيبى حمدالله على السلامه
كريم :الله يسلمك يا قلبى يا الا نصفانى فى البيت كله
كامل : اخوه ما تبطل دوشه يا بنى انتى وتعالى فى حضنى وحضنو بعض
كريم : ايه يا مجدى مش ها تسلم عليا أنت ومراتك
مجدى : احترم نفسك يا واد أنت أسمها ماما وانا أبقى أبوك
كريم : طيب خدونى بالحضن حسسونى إنى ابنكو يا بشر
ابوه وأمه … ياله حمد الله على السلامه وسابوه ودخلو يكملو نوم
****************
مروان دخل الفيلا …. الحرس حاولو يكلموه مش رضى يقف ؟! وطلع على طول دخل الغرفه فتح النور وطلع بنطلون قطن من الدولاب لونه أسود وتيشرت أبيض خفيف …… ودخل خد شاور وطلع طفى النور وراح على السرير ….. ونام وبيتقلب أوبس !!! ايه دا بقى وولع نور الاباجوره وبيكشف الغطا 
مروان : ايه دا انت عندك تهيؤات 
من قلة النوم يا مروان والا ايه … يا نهار أبيض دى هى ؟!!! أنتى يا بت هااااى
سما : فتحت عنيها ولسا ها تصرخ مروان مسكها أكتمى ما أسمعش صوتك فاهمه بدال ما أطلع روحك فى ايدى يا كلب البحر أنتى
سما : بصى لمروان ومش عارفه تنطق
مروان : ايه الا جابك هنا ونايمه فى سريرى كمان وبيقرب منها وشم ريحة شعرها وكمان حطى من حاجتى دا إنتى نهارك مش فايت دا أنا ها أشرب من دمك يا بلوووه إنطقى
وسما : بتشاور على ايده الا قافل بيها فمها
مروان : ها أشيل ايدى لو سمعت صوتك بتسرخى ها أقطم رقبتك وأول ما شال ايده
سما : أعاااااااا الحقونى وزقته وطلعت تجرى ولا بسه شورت وبدى حماله …. ومروان بيجرى وراها وهى عماله تحدفو بأى حاجه قدامها وبتجرى على تحت ….
مرنا : قامت مفزوعه ونزلت لقت سما بتجرى ومروان بيجرى وراها والحرس برا داخلين على باب الفيلا من جوا
وسما : بتفتح الباب ولسا ها تطلع وايد من حديد مسكتها وقفل الباب فى وش الحرس …. وشال سما على كتفه وبعلو صوته فيها أنتى ازاى ها تخرجى كدا انتى مجنونه
……وهنا سما أستوعبت منظرها وبتصرخ نزلنى يا قليل الأدب نازلنى وانا ها أوريك
ومرنا.. مش قادره تعمل لها أى حاجه ومزهوله من منظر أخوها الا مش بيبشر بخير
مرنا :مروان سبها دى صحبتى سما انت بتعمل فيها كدا ليه
مروان : هى دى قطران دا أنتى وقعتك سودا
سما ؛ نزلنى يا حيوان
مروان : خدها وطلع على الأوضه بتاعتو وقفل الباب ورماها على السرير قومى اتزفتى البسى حاجه
سما : جريت وراحه على الحمام مروان مسك الباب انتى مش ها تعتبى الحمام دا تانى برجلك سامعه
سما : امال ها ألبس فين خرجنى برا الزفته دى حالا جاتك الأرف أنت وأوضتك
مروان : لمى لسانك دا أنا ها أربكى وأعلمك تتكلمى أزاى يا كلب البحر
سما : جريت فى أخر الأوضه ولبست بجامه
ومرنا : عماله تخبط وتترجى مروان يفتح الباب ومروان بيقول لها تروح تنام عشان مش ها يفتح الباب ومرنا أخر ما زهقت أستسلمت ومشيت
سما : انت عايز ايه يا بنى أدام
مروان : أربيكى وأعلمك الأدب ومسكها وكلبش إديها فى الكنبه الا جمب السرير اترزى هنا وما أسمعش صوتك فاهمه
سما : ماسك حرامى وإلا إيه
مروان : أنيل دا أنتى ها تاكلى ضرب
سما : ضربه أما تجيلك يا بعيد
مروان : لمى لسانك واتخمدى
سما : إهه إهه اهه اهه أه يانا ياما
مروان : اتخمدى بقولك وبطلى نووواح انا عايز انام
سما : طب ها تنام على السرير وتسبنى كدا
مروان : ايه عجبك السرير وعايزا تتخمدى عليه طبعا
سما : هو دا سرير جاتك الأرف فى زوقك
مروان : طب نامى بدال ما أنيمك على الارض
سما : لا وعلى ايه مالها الكنبه دى حتى حونينه
مروان : حو ايه ياختى
سما : نينه حونينه
مروان : اللهم طولك يا روح
سما : وتطولها ليها قصرها واتخمد
مروان : دا انتى لمضه كمان بصى بقى أدام مفهاش نوم يبقى تيجى جمبى ونتسلى يا قطه ايه رأيك
سما : أخخخخخخخخخخ
مروان : والابتسامه على وشه من هذه الفتاه الغريبه ايوا كدا اتعدلى أحسنلك
نامت سما على الكنبه ومروان راح فى سابع نومه من التعب وقلة النوم
************
مرنا : ايه دا الصبح طلع وقامت تجرى وافتكرت سما وأخوها وراحت على غرفة مروان ونازله خبط على الباب
سما : أنت يا بنى أدام قوم أفتح
مروان : يا فتاح يا عليم
سما : أنت أطرش ما تقوم
مروان : المره الجايه ها أفرغ مسدسى فى لسانك يا مصيبه هانم
سما : الصبر من عندك يارب
مروان : فتح الباب ومرنا دخلت تجرى لقت سما متكلبشه من اديها فى الكنبه
مرنا : مروان ايه الا أنت عامله دا
مروان : أطلعى منها أنتى انا مش عارف ايه إلا لمك على البيئه دى
سما : أنا بيئه
مرنا : كفايه يا مروان والله ها أزعل منك لو فضلت عامل فيها كدا
مروان : ماشى يا مرنا ها أفكها وما شوفش وشها تانى هنا فاهمه
سما : على أساس إنى ميته فى هواك ومش قادره على بعدك
مروان : لاء أنا إلا خلاص حياتى من غيرك جحيم يا بت
مرنا : مروان أنت عايزنى أطرد صحبتى وأختى وحببتى انت ازاى بقيت كدا وقعدت تعيط
مروان : مش دى الا تصحبيها لا هى من مقامك ولا زيك دى فيرس يا بنتى
سما : ايوا انا مش من مقامكم ولازيكو ولا يفرق معايا أصلا كل إلا أنتو فيه واذا كنت دخلت البيت دا فا أنا دخلت محبه فى أوختك ولأنى بعتبرها أختى واتفضل فك الزفت دا خلنى امشى من هنا قبل ما الفيرس ينتشر
مرنا : مروان
مروان : ادينى فكيت الزفت غورى من وشى بقى
سما : خدت شنطتها ونازله جرى ومرنا وراها وعماله تعيط أستنى يا سما عشان خاطرى سما س… ووقعت مرنا أغمى عليها وسما شافتها وقعدت تسرخ
مروان : نزل جرى لقى مرنا مرميه فى الارض وسما ماسكه راسها وعماله تعيط
مروان : شالها وطلع جرى على اوضتها وقعد يفوقها وسما واقفه عند باب الاوضه…… مروان بصوته كله زعق فيها بطلى زن …… وهاتى ميه بسرعه أخلصلى سما جريت جابت ازازة ميه وادتها لمروان
مرنا : فاقت ومروان قعد يحضن فيها ويبوس راسها
سما : اطمنت عليها لما شافتها فى حضنه ونزلت بهدوء
بتاخد شنطتها ……لقت مروان بيقول لها ايه ها تمشى بالبجامه …….تجاهلتو وماشيه نزل على السلم بسرعه ومسكها من ايدها انا مش بكلمك
سما : سبنى فى حالى بقى وملكش دعوه أمشى زى ما انا عايزا
مروان : لاء ليا دعوه يا حلوه غصب عنك واتفضلى على فوق واياكى تدايقى مرنا وخليكى جمبها لحد ما تبقى كويسه وابقى غورى ……..
$$$$$$$$$$
بقلم : لبنى طارق
$$$$$$$$$$$$$$
الحلقه 4
********
سما: بصدمه هو انتى بنى أدم بتحس
مروان : بكل هدوء لا
سما : طب خلاص أنا عايزا أمشى وبتعيط من عجرفته وتكبره عليها ومن وضع صحبتها الا ماكانش نفسها الامور توصل للدرجه دى
مروان : بصى بقى عشان مش بحب أتكلم كتير … ودموع التماسيح دى وفريها لحد يصدقها إنما أنا لاء …. قولت تطلعى تقعدى مع مرنا لحد ما تبقى كويسه …… وبعد كدا مش عايز أشوفك مش هنا لاء فى أى حته ……حتى مع مرنا نفسها فاهمه والا أنتى عايزا قرصة ودن تفوقك
سما : ها تعمل ايه هاه أنا مش بخاف من حد ولا فارق معايا تهديدك
مروان : أبدا يا حلوه مش ها تدخلى أى إمتحان ليكى وها تنطردى من الكليه وسمعتك ها تبقى فى الأرض
سما : فى حالة صدمه من الكلام هو أنت بجد بنى أدام
مروان : وبيقرب من وشها قوى وعينه بعنيها لا ودا أخر كلام
أتفضلى على فوق
وفعلا سمعت الكلام وطلعت وهى تشعر كأنها تعيش بكابوس مش مستوعبه انه ممكن يعمل كدا ويدمر مستقبلها وسمعتها
********
محمد : عبد العزيز ماشاء الله العزبه بقت جنه تسلم أيدك يا محمود أنت وقاسم
محمود : وقاسم ربنا يخليك لينا يا عمى
عبد العزيز : عشان لما أقولك تعالى تياجى وتعيش يومين وسط الطبيعه وأهو تشوف مالك وحالك يا أخوى
محمد : عيب يا أخويا أنا أستئمنك على رقبتى دا أنت الغالى يا عبد العزيز
عبد العزيز : أنت سندى وأخويا الغالى الا دايما داعم لينا وللولاد وثقتك فيا فخر ووسام أتباهى بيه يا أخوى
محمود : عمى كنت عايز أفاتحك فى موضوع وكويس ان قاسم وابويا موجودين
محمد : أتفضل يا حبيبى
محمود : كنا عايزين نعمل فى الناحيه الشرقيه مدرسه ومستشفى لأهل العزبه بدال البهدله ليهم برا ودا ها يخليهم داعم لينا قوى فى أى ظروف
محمد : سبقتنى يا محمود انا فعلا عايز أعمل المشروع دا من زمان وها يبقى خيرى…… وعلى أعلى مستوى وكمان ها نظبط ليهم بعض الطرق عشان تبقى الحياه سهله وبسيطه لهم
عبد العزيز : والله فكره ازاى راحت عن بالى دى يا واد
قاسم : لاء وكمان يا عمى الناحيه القبليه الطرق بتاعتها صاعبه قوى وعايزا تتظبط وتتسفلت لانها بتبقى خطر وقت المطر والرى للاراضى
محمد : أنا ها أجيب مهمندسين على أعلى مستوى يبتدو التنفيذ …… ويعملو كل الا نفسكو فيه ما تقلقوش .. … وانا ها أخلص كل الاجراءات اللازمه بحيث مفيش حاجه تعطلنا وها أخلى عزبة القاسم جنه إن شاء الله
عبد العزيز ؛ ياله ماجعتوش والا ايه كفايه رغى يا واد منك له
محمد ههههههه زى ما أنت ما أتغيرتش لحد الاكل وبتنسى نفسك ياله بينا
***************
معتز : صباح الخير يا بابا
أحمد : صباح النور يا حبيبى هو أنت رجعت أمتى
معتز : أوباااااا
أحمد : رجعت أوباااااا هو بقى فى اوبر وكريم وأوباااااا
معتز : هههههههههه يا بابا أرحمنى
أحمد : من ايه يا حبيبى
معتز : هو أنت شكلك مش بتاخد العلاج أمال فين الواد أسماعيل
أحمد : يا حبيبى تلاقيه بيلعب هنا والا هنا واد ياأسماعيل ياأسماعيل والله لما تطلع لموتك ضرب يا مضروب على قلبك
معتز : لاء كدا كتير
أحمد : لا مش كتير بتاع البنات السافل ها تلاقيه واقف على الناصيه بيعاكس بنت الجيران
معتز : يارب رحمتك
أحمد : أفتح يا حببى الباب تلاقى المضروب رجع
معتز : راح يفتح الباب لقى رجائى
معتز : أخيرا لقيت حد فاكر حاجه
رجائى : أكيد عمى مجننك ههههههههههه
معتز : مجننى دا من أمبارح وانا عايش كل يوم قصه شكل وأهمهم إنى بقيت حرامى
رجائى : هههههههههه
لاء والواد أسماعيل الا بيشتغل هنا تقريبا كدا بقى أخويا الصغير وعلى الناصيه بيعاكس بنت الجيران
رجائى : يخربيتك ههههه كفايه اوعى أخلع لأطلع خالتك
معتز : تخلع مين يا راجل دا أنت قتيل هنا
*************
كريم : صباح الخير يا حج مجدى صباح الخير يا ست الكل
مجدى : صباح الخير يا حببى
هبه : صباح الخير يا قلبى
كريم : هو أنتو عندكو إنفصام فى الشخصيه باليل تبقو حاجه والنهار حاجه
مجدى : لاء أنت الا رزل ولازم تصحى البيت كله وتعمل ازعاج ادخل نام والصباح رباح
كريم : مش كنت مسافر ولازم تاخدونى فى حضنكو
مجدى : أنت لحقت توحشنا دا كل الحكايه شهر امال لو فضلت سنه ها تعمل ها تياجى تصحى الجيران
كريم : ايوا على رأيك كل كل ياحج بطلى ضحك يا حجه وافطرى مع جوزك انا قايم
هبه : خد يا كرمله
كريم : أنتو خلتوها خل مش كرمله
مجدى : قعد يضحك خد يا واد أنت تعالى فى حضنى بهزر معاك
كريم : يا حبيبى يا حج يا حببتى يا هبه
مروه : مش ها ينوبنا من الحب جانب
كريم : اترزى وأفطرى وأسكتى إمال فين أخوكى
مروه : أكيد نزل راح شغله
*****************
سما : دخلت عند مرنا وقعدت جمبها على السرير وساكته
مرنا : اتعدلت وحضنت سما وقعدت تعيط وتقول لها انا أسفه والله ماعرفش إن مروان جاى أصلا أنا أسفه
سما : خلاص يا حببتى أهم حاجه انتى تبقى كويسه
مرنا : خلاص يا سمسمه متزعليش
سما : خلاص بقى يا بنت محمد الله وقعدت تهزر معاها عشان تطلعها من الجو دا ومش تحسسها بحاجه هى عارفه ان صحبتها مالهاش ذنب
سما : ما تقومى يا مرنا والا عجبتك النومه ياختى
مرنا : هو انا ما قولتلكيش
سما : لا ما قولتيش
مرنا : انا لما بزعل قوى مش بقدر أقف على رجلى بقعد فى السرير أسبوع زى حاله نفسيه
سما :حضنتها إنتى بتتكلمى بجد قومى وبطلى رخامه عليا
مرنا : والله ما برخم عشان خاطرى ما تسبنيش أنا كنت خفيت منه بقالى كتير بس شكلى زعلت قوى
سما : أنا أسفه أنا السبب وبتعيط
مرنا : بطلى عياط عشان خاطرى
سما : خلاص أهو مش ها أعيط
مروان : خبط ودخل فا سما وقفت جمب السرير وهو قعد جمب أختو ها عامله ايه دلوقتى
مرنا : الحمد لله بس زعلانه منك
مروان بص بطرف عينه لسما ما تزعليش بقى ما هى جمبك ومش مشيت عايزا ايه تانى مش ها تقومى تفطرينى
مرنا : بزعل مروان انا مش قادره أقوم على رجلى
مروان : أنتى بتهزرى يا مرنا صح انتى خفيتى
مرنا : مش عارفه يا مروان مش حاسه بيها
مروان : أتضايق جدا وكان نفسه يقتل سما وماسك نفسه عشان أخته نزل على تحت وقعد متضايق….. وبعدان اتصل على الدكتور…… الا كان متابعها وقالو كل حاجه. .. الدكتور قالو سبها ومحدش يضغط عليها ولا يدايقها ….. وهى ها تلاقيها قامت لوحدها أهم حاجه تبعد عن الضغوط النفسيه
مروان : شكرا يا دكتور وقفل
مرنا : سما انزلى نادى مروان زمانه مدايق قوى
سما : أنتى عايزنى أروح أنادى الخوط
مرنا : دا عسل يا سما
سما : عسل بالستر ياختى
مرنا : عشان خاطرى يا سمسه هو مش بيستحمل عليا حاجه
سما : ماشى أمرى لله ونزلت تحت لقته قاعد وحاطط راسه بين ايده وباصص للارض أحم يا …. مش راضيه تطلع يا …. وبعدان بقى يا خوط أنت يا …….
قبل ما تكمل مروان رفع راسه وبيبرق لها خوط
سما : مش قصدى يعنى أطلع كلم مرنا وطلعت جرى قبل ما يرد عليها
وهو طلع جرى وراها عشان يلحقها بس كانت خلاص دخلت الأوضه
سما : وهى بتنهج وضهرها للباب أنا قولت للخوط وزمانه طالع عايزا حاجه تانى ومرنا باصه للباب وبتضحك ومش قادره
مروان : شاف أخته بتضحك قلبها هزار أهو الخوط جالك أهوووو ووسعى بقى وزقها بعيد عن طريقه ايه يا حببتى عايزا حاجه
مرنا : خليك قاعد معايا
مروان : لاء انا ها انزل أعمل أى حاجه نفطر بيها
مرنا : لا وحياتك ماعنديش أستعداد يجيلى مغص أنت عكاك
سما : هههههههههه
مروان : بص لها مره واحده وهى بتضحك وغمز لها ايه عجبتك
سما ………..
مرنا: طيب انا عازمك على الفطار
مروان : أحبك انا كدا
مرنا : شلنى يا وحش
مروان : انتى تأمرى وانا أنفذ يا أمرتى
مرنا : تعالى يا سما نحضر الفطار سوا
مروان : ليه كدا يا مرنا لتبخ سمها فيه
سما : بصوت واطى سم أما يلهفك يا بعيد
مروان : شايل مرنا بين ايده زى الفراشه وسما واقفه بتتفرج وهو معدى من جمبها سمعتك على فكره
ونزلو تحت
مروان : قعد مرنا فى السفرا الا فى المطبخ هاه يا ستى أعمل ايه تانى ساعد سما فى الفطار بقى وبتضحك
مروان : انتى مش قولتى عازمنى يبقى هى تعملو لوحدها
سما : يبقى أفضل بردو
مروان : طب ياله خفى نفسك زى الشاطره عشان جعان
سما : بصوت واطى يا ساتر يارب ها ياكلنا
وهو مبتسم على منظرها
ووقفت سما حضرت الفطار بكل خفه…. وحطتو على السفرا فى أقل من ربع ساعه وهو مستمتع جدا …..
وقعدو يفطرو مع بعض …. ومروان مستمتع بطعم الأكل بس مش مبين …..
مروان : مرنا عايز قهوه يا حبى
مرنا : سما
سما : لاء دا أنتى داخلا على طمع أنتى وأخوكى
مرنا : عشان خاطرى وانا نسكافه وانتى قهوه طبعا زى السكره الا قاعد جمبى دا
سما : دا سكره ما علينا قهوتك ايه يا سكره
مروان : أختى بس الا تقولى يا سكره وقهوتى مظبوطه
سما : لوت شفتياها وقامت تعمل القهوه والنسكافه
مروان : انا عايز القهوه فى مج
سما : بتلقائيه مج ايه يا بنى غلط عليك كدا
مروان : ابنك مين يا حجه
سما : اه انا بقدم النصيحه لمين دا انا ها أعملك القهوه فى شفشق
مروان : خفه
مرنا
وعملت القهوه والنسكافه ومروان شال مرنا وطلعو برا فى الجنينه وقعدو
سما : قاعده بتشرب القهوه ومستمتعه بيها قوى ومندمجه مع نفسها
مروان : باصص عليها وعمال يقول بينه وبين نفسه شكلها مجنونه وبيشرب القهوه …. لاء بس القهوه جامده وبيكمل شرب
مرنا : ايه يا مروان رأيك فى القهوه بقى
مروان : عاديه يعنى ولا فيها أى حاجه شكلها مش بتعرف تعمل حاجه
سما : متنحه هى مين دى انا
مروان : لاء الا جمبك
سما : اه بحسب أنا
مرنا : هههههههههه
مروان : إنتى رخمه
سما : بضحكه صفرا عارفه
******************
مازن : بيتصل على فاطمه واول ما سمع صوتها وحشتينى يا فطومتى
فاطمه: بكسوف وانت كمان ها ترجع أمتى
مازن : خليها مفاجأه
فاطمه : ها تبقى أحلى مفاجأه
مازن : بجد يا فطومتى
فاطمه: ايوا بجد
وقعدو يتكلمو وفاطمه حكت له على المشاريع الخيريه الا ها يعملوها فى العزبه وفرح انها فرحانه وقفل معاها واتصل على مرنا
مروان : حبيب قلبى
مازن : بفرحه رجعت أمتى يا وحش
مروان : امبارح طمنى عليك
مازن : الحمد لله مش باركت ليا يعنى
مروان : على ايه خطبت والا إيه
مازن : هى مرنا مش قالتلك وقص له كل ماحدث
مروان : بفرحه لأخوه الف مبروك يا حبيبى فاطمه تستاهل كل خير وطيبه وبتحبك من زمان
مازن : عارف والله وعشان كدا مش أترددت وأخدت القرار على طول عقبالك يا وحش انت ومرنا
مروان : انا أنسى مرنا ماشى
مازن : لما تحب غصب عنك ها تتجوز وتتمنى قربها
$$$$$$$$$$$$$$$
بقلم : لبنى طارق
