رواية صدفه جعلتني احبك الحلقه 11 و 12 ، الحلقه 11
***************
بقلم : لبنى طارق
**************
كريمه : خلاص خلصت كل حاجه سما انتى متاكده إنك ها تقدرى تمشى معانا
سما : بتصميم اه
مرنا : سما ها توحشينى قوى انا ها أزورك على طول مش ها أسيبك وكل المحاضرات ها أصورها ليكى وأجبها معايا
سما : ربنا ما يحرمنى منك يا أطيب قلب فى الدنيا
مازن : انا كدا ها أعيط وعلى فكره مش ها تمشى دلوقتى عشان بابا كلمنى وقالى انه بيخلص شغل وجاى على طول واكد عليا محدش يمشى .
عبد العزيز : كويس بردو عشان انا عايز اتكلم معاه ضرورى
كريمه ؛ هى لولو فين مش باينه
سمر ؛ أكيد مع مروان انتى عارفه لما بتمسك فى حد ياله السلامه
مرنا : انا حبتها قوى ومروان بيموت فيها ومش بيقدر يرفض لها طلب
**********
مروان : طيب استنى اتصل عل مازن وقاله يقول لوالد سما عشان مش يقلقو عليها
لولو : ياله يا وحش خرجنى بقى عايزين نستغل كل دقيقه
مروان : هههههههه انتى ها تعمليلى فراغ كبير يا لولو
لولو : انا بردو يا وحش
مروان : امال فاكره مين يا رخمه
لولو : انا مش فاكره حاجه أصلا
مروان : أستنى أرد على كريم مش مبطل رن
كريم : ساعه عشان ترد انت فين
مروان : اهدى شويه انا فى مشوار انا ولولو
كريم : بفرحه هى سمر معاها
مروان : برخامه اه ليه
كريم : هو انت فين
مروان : انا خارج انا ولولو وهما كلهم فى المستشفى بيجهزو عشان يمشو
كريم : وسما عامله ايه دلوقتى
مروان : الحمد لله فاقت ومصممه تمشى معاهم
كريم : بجد فاقت حمدالله على سلامتها
مروان : هو انت كنت عايز ايه
كريم : كنت عايز أخرج معاك عشان زهقان
مروان : بمكر طيب ما تياجى عل المستشفى على ما أخلص
كريم : فوريرا
مروان : هههههههه وقفل
*************
معتز : يا بابا دى مش هدومك والله
أحمد : لا هدومى حتى الطقم دا كان له ذكريات معايا جميله أيام ما كنت بقابل بيه سناء حببتى ونروح ناكل حمص الشام ياه كانت أيام
معتز : ايام ايه يا حج أهدى بس كدا دا الطقم دا شاريه بقالو أسبوع ولسا بالتكت
أحمد : أخرس تلاقيك انت الا حاطه عشان تعملى تمويه
معتز : يارب صبرنى ما انا ها أخرج بالطقم يعنى ها أخرج بالطقم
أحمد : انت بلطجى ليه كدا يابنى حاجه مش بتاعتك سبيها مش بالعافيه
معتز : طيب خرجنى بيه وخدو تانى
احمد : لاء ما بحبش البس مكان حد وهات بقى عشان ما أزهقكش عليك
معتز : لا وعلى ايه ماعاش ولا كان الا يزهقك
أحمد : جاتكو الارف ماليتو البلد وسابو ودخل الاوضه ومعاه طقم معتز الجديد
معتز : والله لأسرقه وها أخرج بيه بردو
*****************
محمد : وصل المستشفى
محمد : حمدالله على سلامه الجميل
سما : الله يسلمك يا عمو
محمد : سلم على عبد العزيز وكريمه وسمر وبيقول هى فين لولو
عبد العزيز : أستغلت مروان زى العاده
محمد : لولو تستغل مروان زى ما هى عايز دا عمرها ما حصلت وحبس روك عشان حد وحبسو عشان لولو
مرنا : ههههههههه ايوا يابابا عندك حق والله
عبد العزيز : المهم انا كنت عايزك فى حاجه مهمه
محمد : طيب تعالى نقعد برا انا عايزك انا كمان
وخرجو بعيد عن الاوضه
محمد : ها ياسيدى كل اذان صاغيه
عبد العزيز : انا مش عارف أشكرك ازاى على الا عملته معانا ومع بنتى وزى ما اتفقنا انا ها ادفع نص مصاريف المستشفى وسئلت بس محدش راضى يقولى على حاجه انا جايب معايا 10000 الاف جنيه لحد ما اعرف بس عليا كام وأكمل الباقى
محمد : على فكره انا ريحتك وقولت ها اخد النص عشان توافق تسيبها وما تتمسكش برأيك انما فلوس مش ها أخد فلوس لو عملت ايه انت مش مصدق ان سما زيها زى مرنا عندى براحتك
عبد العزيز : بس انا مش
قاطعه…. محمد …..خلاص الموضوع انتهى وحط فلوسك فى جيبك لانى عايزك فى حاجه أهم….
عبد العزيز : انت كدا بتشيلنى جمايل كتير مش عارف ها اردها ازاى
محمد : ولا جمايل ولا حاجه المهم انا عايز سما عندى مش ها ينفع تروح معاكم فا أقنعها انت لان الدكتور فهمنى انها مش ها تنفع تسافر لانها ها تتعب جدا وممكن يحصل لها انتكاسه…..
عبد العزيز : بس الدكتور مقالش لنا كدا
محمد : مروان طلب منه ما يتكلمش عشان مامتها وهى وبنتك عمله عمليه وها تفضل فتره مش متزنه وكمان الكليه يبقى كل حاجه قريبه منها أحسن
عبد العزيز : طيب ها أقنعها بإيه انا
محمد : طيب سيب المهمه دى عليا وانت ساعدنى
ودخلو : لسما فى الغرفه
محمد : سما انتى مش ها تسافرى ها تفضلى مع مرنا لحد الامتحانات
سما : لا يا عمو ها اسافر واجاى على الأمتحانات
محمد : بصى يا حببتى انا إحتمال اسافر انا ومازن ومروان يرجع شغله ومرنا وروقيه ها يبقو لوحدهم وانتى لازم تذاكرة كويس وفى محاضرات مهمه لازم تحضريها اليومين دول فا سفر مش ها ينفع خالص
سما : بس
محمد : ما بسش
عبد العزيز : محمد بيه عنده حق يا حببتى خليكى وانا ها اجيلك انا وامك واخواتك نطمن عليكى مش ها نسيبك
مرنا : خلاص بقى يا سمسمه
مازن : انتى خنقه على فكره
سمر : عمو عندو حق انتى لسا تعبانه ومش ها تقدرى تسافرى كل شويه
كريمه …….
سما : الا تشوفه وهى من جواها خايفه من مروان وطريقته وتكبره معاها …..
لولو : مساء الخير
مروان : حمدالله على السلامه يا بابا
محمد : الله يسلمك يا حبيبى
محمد : مروان انزل قرب العربيه من الباب عشان سما ها تياجى معانا
مروان : بفرحه ظاهره على وشه حاضر يابابا وانصرف بسرعه من أمام الجميع وساعدو سما وخرجو جميعا من المشفى ….
محمد : تعالى يا عبد العزيز ياله عشان تتغدو معانا
عبد العزيز : لا خليها مره تانيه لازم اسافر عشان ارجع العربيه لصاحبها
محمد : يعنى ها تياجى على الغدا
عبد العزيز : معلش بقى خليها مره تانيه
وانصرفو : جميعا بعد السلامات الحاره
*******
مازن : فى عربيته بيتصل على فاطمه
فطومتى : عامله ايه
فاطمه : الحمد لله
مازن : هو انتى لسا زعلانه
فاطمه : ايوا زعلانه
مازن : للدرجه دى يا فاطمه
فاطمه : كنت منتظره منك تقدرنى يا ابن عمى
مازن : انا مقدرك وما أقدرش على زعلك ابدا
فاطمه : بأماره ما أنت مأجل جوازنا…. عشان صاحبة أختك
مازن : لا مش عشان صاحبة أختى….. وما أنكرش إنى بعز سما…. زى أختى بس انا السبب فى انها تعانى ….. كدا وابسط الامور نطمن عليها يا فاطمه وعمتا يا ستى هى فاقت واحنا ها نتجوز مش كتب كتاب وبس …..لا وكمان الفرح الا بتحلمى بيه عشان تبقى معايا وفى حضنى
فاطمه : بجد يا مازن
مازن : بجد يا عيون مازن ربنا يباركلى فيكى
فاطمه : يارب يا ابن عمى
*********
محمد : رجع الشركه تانى عشان يتابع بعض الاعمال هناك ومروان معاه مرنا وسما ووصلو للفيلا
سما : اسندينى يا مرنا عشان دايخه
مروان : وسعى يا مرنا وبدون مقدمان شال سما
سما : بإحراج اوعى كدا نزلنى
مروان : لاء واسكتى
ودخل : بيها الفيلا وسما مكسوفه جدا قابلتهم روقيه ولما شافت مروان شايل سما فرحت من قلبها واتمنت قلب ابنها يلين
روقيه : حمدالله على السلامه يا سما
سما : بكسوف الله يسلمك يا طنط نزلنى بقى
مروان : وهو باصص فى عينها بهيام لاء ها أطلعك الاوضه
سما : انا ها اطلع لوحدى
مروان : طلع على السلم بيها ودخل على الاوضه بتاعتو
سما : انت مودينى فين
مروان : مش دى الاوضه الا كنتى فيها ومرتاحه
سما : وهى لافه ايديها حوالين رقبته وبعند لاء دى اوضه خنقه وصاحبها رزل ….
مروان : وهو مبسوط قوى انها مساكه كدا يا شيخه قولى كلام غير دا …
سما : ودينى اوضه مرنا لو سمحت
مروان: انتى لازم تبقى براحتك وماحدش يدايقك فى النوم وبطلى غلبه ….. بقى وبينيمها على السرير …..وبيقرب منها قوى …….وبين عنيها قبلها ….. وبنظراته إلا حركت كل مشاعرهم مروان بهيام انا أسف انى زعلتك منى وزودتها معاكى …..
سما : بتلف وشها تهرب من قربه انا مش زعلانه وياريت يبقى فى حدود بينا ومش كل الا يجى على بالك تعمله
مروان : بندم من قربه اسف مره تانيه انا ها أخد هدوم ليا وها أخرج بس قبل ما أخرج بتحبيه
سما : وانت مالك
مروان : جاوبى عليا يا سما
سما : عشان يبعد عنها وما يفكرش فيها اه بحبه وها أفضل احبه
مروان : بعد ما سابك
سما : عمره ما ها يسبنى هو ما يقدرش على بعدى
مروان : قدر يا سما قدر حبيه وأشبعى بيه واتجه نحو الدولاب وخد هدومه والبرفين وبعض الاشياء الا بيستخدمها وراح فى غرفة الضيوف يقعد فيها
سما : والدموع تأبى ان تهجر هذه العيون الحزينه ايه بتشفق عليا يا مروان وإلا دى لعبه جديده عايز تكسرنى بيها
**********
مرنا : روكا عامله أكل ايه بقى
روقيه : عامله بيتزا وشاورما لحمه وفراخ ….. وعامله لمحمد المسقعه الا بيحبها هو ومروان….. ولحمه والتحابيش بقى
مرنا : يا سلام على روكا لما تبقى رايقه
روقيه : تعالى أسالك على حاجه
مرنا : أسأل يا جميل إحنا فى الخدمه
روقيه : هو مروان وسما فى بينهم حاجه
مرنا : ياااه يا روكا دا أنتى فاتك كتير قوى قوى وقصت عليهت كل ما حدث بغيابها والا كان سبب تعابها
روقيه : بس انا حاسه ان العلاقه مش كره خالص يا مرنا
مرنا : بصراحه يا روكا انا كمان حاسه ان مروان اتغير معاها
قوى وملهوف عليها كدا يمكن طب يا روكا
روقيه : يارب يا مرنا البنت شكلها طيبه وكويسه
مرنا : سمسمه دى أطيب قلب ممكن تقابليه فى حياتك
**********
مروان : كدا يا سما انا غلطان انى فكرت ادى لنفسى فرصه زى ما معتز ما قالى انا ليه أفتح قلبى تانى وليه ممكن أامن لوحده تانى أصلا كلهم زى بعض
فلاش باااك
*********
مروان : حببتى وحشتينى قوى فينك كدا
شيماء : انت الا وحشتنى قوى يا حبيبى انا عند واحده صحبتى أنت فى الشقه
مروان : ايوا ها أستناكى متتأخرش
شيما : هوا وها أكون عندك وبعد ما وصلت لشقة مروان
مروان : حبيبى تعالى فى حضنى
شيماء : بمياصه ودلع انا جايه أهووو
مروان : شالها ودخل أوضة النوم يكملو ليلتهم المميزه
شيماء : مبسوط يا مرمر
مروان : مرمر مين بس ما بحبش الدلع المايص دا
شيماء : هو فى حد بيدلعك بمياصه غيرى وضحكت ضحكه رقيعه
مروان : لا مفيش غيرك يا قلبى بس بلاش بردو
شيماء : احنا ها نفضل متجوزين فى السر كدا كتير يا مرمر
مروان : فى الوقت المناسب يا شيماء ها أفاتح بابا مش دلوقتى
شيماء : وليه بقى كل ما أقول لك تقول مش دلوقتى
مروان : فى إنى لسا ملازم اول ولسا ها أبتدى حياتى وانتى عارفه انا بحب أعتمد عل نفسى
شيماء : بطمع ومالها شريكات ابوك مش أنت ابنه وليك حق فيها ابتدى عنده وخلينا معاهم
مروان : لاء انا حابب الجيش جدا وعندى طموحى الا عايز أحققها
شيماء : مروان انا حامل
$$$$$$$$$$$$$$
بقلم : لبنى طارق
$$$$$$$$$$$$$$
الحلقه 12
*********
كريمه : من ايه كل شويه تقولى خايف خايف
عبد العزيز : حاسس ان مروان دا بيحب بنتك
كريمه : ياريت كفايه انها ناس بتقدر وبتحب بأخلاص
عبد العزيز : انتى مجنونه احنا مش قداهم هما فين واحنا فين بصى على قدك
كريمه : انت عارف انى مش ببص للفلوس انا على راحة بنتك ولوفى حاجه وهى بتحبه زى ما بيحبها ها تعمل ايه
عبد العزيز : ما تقلقنيش ونامى بقى انا مخنوق وعلى أخرى
كريمه : ربنا يريح بالك
*********
يقطع : شرود مروان تليفونه
مروان : ايه يابنى مشوفتش وشك يعنى
كريم : انا مدايق يا مروان
مروان : بجديه مالك يا كريم تعالى انا ها أستناك فى الفيلا
كريم : انا جاى انا بلف فى الشارع من ساعة ما كلمتك
مروان : تعالى قفل معاه و تليفونه رن تانى
مروان : اخيرا سمعت صوتك
معتز : سبنى فى حالى يا مروان انت فين
مروان : فى البيت مالك انت كمان
معتز : ابويا واخد هدومى يامروان ومش راضى يداهالى
مروان : ههههههههه كلها 
معتز : أضحك ابو تقل دمك ….. يابنى مفيش غير طقم واحد فى الدولاب انا خايف يدخل على قطونيلى
مروان: هههههههه يخربيت كدا طيب البس الطقم وتعالى
معتز : سلام بقى قبل ما يصحى
مروان : كلم رجائى وهاته وتعالى سلام
*************
عبد العزيز قاسم : فتحيه اخويا جاى بكرا هو ومازن وروقيه عشان يحددو الفرح
فتحيه : يا الف انهار ابيض لولولولولوى
عبد العزيز : اهدى شويه يا وليه مش لما نحدد
قاسم : ايه الزغاريط الحلوه دى فرحونا معاكو
زينب : ايوا فرحونا معاكو
فتحيه : عمك جاى بكرا يحدد فرح أختك
زينب : ربنا يتم عليها بخير
قاسم : يارب يا زينب سبونى انا وابويا لوحدنا شويه
عبد العزيز : خير يا قاسم
قاسم : كنت عايز افاتحك فى موضوع محمود
عبد العزيز ماله وموضوع ايه
قاسم : جوازه عايز يتجوز
عبد العزيز : دا يبقى يوم المنى
قاسم : لسا عايز ليلى بنت بدران
عبد العزيز : يا مرارى
قاسم : يا أبا انت ما ترضاش الظلم لحد والبت ملهاش ذنب فى حاجه
عبد العزيز : يابنى أكفى القدره على فومها تطلع البت لأمها
قاسم : لا ظلم البت محترمه ومتعلمه وبتساعد أهل البلد وبتعلم عيالهم ببلاش يبقى احنا مش ها نبقى والا عملته أمها عليها حكم ضميرك أنت وخد ابنك فى حضنك ووافق
عبد العزيز : الا فيه الخير يقدمه ربنا
قاسم : طيب اوعدنى انك ها توافق
عبد العزيز : اوعدك يابنى
محمود : حبيبى يا حج وجرى اترمى فى حضنه
قاسم….. وعبد العزيز…. هههههههه كنت فين يا واد انت
محمود : كنت براقب من بعيد
***********
مروان : تعالى يا كريم نقعد جوا
كريم : لا خلينا هنا
مروان : براحتك مالك يا عم فكها مش واخد عليك كدا
كريم : بحبها يا مروان ومش عايزا تروح عن بالى
مروان : هى مين دى
كريم : سمر أخت سما انا تعبان يا مروان
مروان : طيب ايه الا تعبك
كريم : لسا صغيره وفرق 10 سنين وبحسها مش طايقينى
مروان : ايه يعنى فرق 10 سنين مش كتير يابنى وهى السنه الجايه ها تبقى فى الجامعه يعنى سنتين كمان وتتجوز عادى أما مشاعرها بقى نحيتك انا ما أقدرش احددها ليك بس من تعاملى معاها هى هاديه ومتحفظه فى الكلام والتعامل شويه غير سما و لولو يعنى دى طبيعه شخصيتها
كريم : يعنى أنت شايف كدا
مروان : طبعا فاتحها هى واعرف رأيها ايه ولو موافقه اتقدم رسمى : وادخل البيت من بابه وما تتنطتش وتعيش الدور عليها
كريم : بس هى تقول موافقه وانا ها أجيب مجدى وهبه ونطير على بيت ابوها
مروان : ههههههههههه ايوا كدا فك يا أخويا جاتك نيلا مش لايق عليك الجد
كريم : دا أنا نفسى أقوم أغنى أدحرج واجرى يا رمان واعملها ليله بس هى توافق
مروان : ربنا يسعدك يا صحبى
معتز : يا سيدى يا سيدى
رجائى : تيرارارا
مروان : منورين يا رجاله
معتز ورجائى بوجوك يا وحش
معتز : ما تسعودونا معاكو
كريم : قص عليهم كل ما بداخله
رجائى : الصراحه انا كمان قررت أستقر
معتز : وانا كمان معاكو
مروان : لا دا أنتو حكايتكو حكايه الاستقرار حط عليكو كلكو
نبتدى برجائى ونقول الووووو
رجائى : ايوا يا أسامه انا عايزا أحكيلك حكياتى
مروان : كلى أذان صاغيه أحكى وإشجينا
رجائى : والله حكايتى صعبه قوى يا اسامه كنت ماشيه واتكعبلت وقعت على جدور رقبتى
كريم : سلامة رقبتك يا شابه
مروان : ومعتز ورجائى ههههههههه
مروان : نتكلم جد مين ياعم الامور أنت كمان
رجائى : أميره صاحبه مرنا أختك وطبعا انت عارف الوحده صعبه وانا عايز أتلم
مروان : وانت يا معتز
معتز : انا لا مش ها ينفع دلوقتى
كريم : ليه ان شاء الله
معتز : موضوعى محرج سبونى فى حالى انا بفكر فى الداخله
مروان : ليه رايح مطش كوره
معتز : أكتر يا وحش
مروان : كدا ربنا معاك
معتز : يارب بس أنت كمان تبقى معايا
مروان : حلوه الالغاز دى براحتك
رجائى : وانت مش ها نفرح بيك
مروان : كبر انا مليش فى اليله دى
**************
عند سما فى الغرفه مرنا وسع وسع ماما عامله أحلى واجب بيتزا وكريب
سما : الله ريحتهم تفتح النفس
مرنا : إمال يا بنتى دى روكا وما ادراكى ما روكا بس قوليلى إشمعنا مروان جابك الأوضه بتاعتو دا ما بيطقش حد يدخلها
بيصالحك والا ايه يا جميل وبتغمز لها 
سما : لا بقولك ايه طلعينى من دماغك لا أخوكى بيطقنى ولا انا
مرنا : طب عينى فى عينك كدا
سما : بحول أهووووو
مرنا : ههههههه هو لو شافك كدا ها يفقد الأمل
سما : أمل ماتت ياختى وسبينى أكل انا جعانه
مرنا : يا ساتر يا ساتر
******
مروان : دخل الفيلا وطلع بصنيه مليانه أكل بيتزا وكريب والاهم المسقعه الا بيحبها جدا
كريم : خشى عليا
رجائى : ايوا كدا
معتز : يا روايحك يا وحش
وهمو بتناول الطعام
وبعد ذلك همو للخروج لأكمال سهرتهم كما يحبون الرجال
بطالتهم الرجوليه الجذابه لكل واحد منه تحركت سياراتهم
وصلو أحد الكافيهات التى يعشقون الجلوس فيها
معتز : مسا مسا يا عم على
على : أحد العمال فى الكافيه
على : مساء الفل والياسمين على البشوات
مروان : ازيك يا راجل يا طيب
على : فى نعمه الحمد لله يا مروان باشا
كريم : خش علينا بالطلبات بقى
على : عنيا اربعه ايس كريم مخصوص وبعدان القهوه 2 مظبوط و2 سكر زياده
رجائى : أحبك انا كدا وانصرف على لجلب الطلبات لهم
مروان : انا كلمت القائد إمبارح وقالى كله تمام الحمد لله بس ابو عويدا الكلب مش ساكت
معتز : ها يعمل ايه يعنى
مروان : اهو حقوق الانسان والبتنجان الا بيطبقوها علينا فى شويه مجرومين وطبعا حابيبو الا برا عايزينه يخرج فا مزودنها شويه
رجائى : ماهو بنقعد نعلف فيهم وقاعدين معززين مكرمين واحنا ورجالتنا شايفين القرف بسببهم غير البلد الا بتتبهدل
كريم : والله المفروض نصفيهم كلهم ومانسبش كلب فيهم
مروان : لما يتصفو كلهم ها نجيب الا وراهم ازاى يا ذكى
كريم : الا وراهم ها يظهر ها يظهر
معتز : حلينى بقى على ما يظهر ونعرف مين دول عاملين زى السلسه الا بتشد حلقه فيها تظهر الا وراها وبتكتشف انها مش بتخلص ربنا المعين يا رجاله احنا وراهم لأخر حلقه ونقطع جدورهم خالص
مروان : ان شاء الله
معتز : إلحق يا عم الجذاب البت عماله تسبل لك وانت ولا أنت هنا فا مروان حقا يتميز بجذابيته الشديده ومظهره الملفت للنظر لكل الفتايات
مروان : ما تسبل ولا تتنيل انا مالى
كريم : دى صاروخ أرض جو يابنى حرام تسيبها تدوب فى هواك وانت ولا أنت هنا
رجائى : أنسان الغاب طويل الناب
كلهم هههههههههه
على : مروان باشا الأنسه ريناد باعتالك الورقه دى
مروان : ابعت لها الورقه تانى يا على وسيبك منها
كريم : ليه يا مفترى عم على قول لها فى 3 شباب زى الورد غير المعقد دا
مروان : روح يا عم على اعمل الا قولتلك عليه
مر قليلا من الوقت وتقربت هذه الفتاه بكل جراءه من الوحش تحت نظرات الثلاثى المرح
ريناد : مش حابب تتعرف عليا وبتتكلم بكل مايصه ودلع
مروان : لا مش حابب وردى وصلك لما رجعتلك ورقتك الا انتى باعتاهلى تمام
ريناد : ليه الوش دا شكلك جنتل مان
مروان : هو لازم اتجاوب معاكى عشان ابقى جنتل
كريم : ملطف للجو انا جنتل قوى لو حابه رمقاتهم الفتاه بنظرات مستفزه وهمت بالرحيل من الكافيه بأكمله بعد تصرف الوحش الغير لائق بالنسبه لها
رجائى : انت دمرت ريناد يا عينى
معتز : جبار انت يا وحش حد يقول للصاروخ لاء
مروان : بابتسامه أنا
كريم : دا مفيش منه أمل
************
مرنا : سمسه عندى ليكى خبر حلو
سما : بجد قولى مستنيه ايه
مرنا : بكرا مازن وماما وبابا ها يسافرو لعمو عشان يحددو معاد فرح مازن
سما : بجد يا مرنا طيب فين مازن عشان اباركلو
مرنا : مازن فى الشركه مش بيرجع دلوقتى اول ما يرجع ها أقول له يعدى عليكى بس فى حاجه ومش عارف أقولهالك ازاى
سما : قولى يا مرنا عايزا تروحى معاهم
مرنا : بتسرع والله ماا انا دا عمو أصر انى لازم أبقى معاهم
سما : ولا يهمك يا حببتى روحى وافرحى وانا كدا كدا ها أقعد أذاكر اليوم كله يعنى ما تقلقيش عليا
روقيه : ادخل يا بنات سما اتفضلى يا طنط انتى بتستأذنى فى بيتك
روقيه : حبيبتى يا سما منوارنا والله
سما : والله انتى الا منوارا الدنيا كلها
روقيه : عامله ايه دلوقتى
سما : تمام الحمد لله أحسن
روقيه : مرنا قالتلك اننا مسافرين
سما : ايوا وفرحت قوى لمازن ربنا يتمم له على خير يارب
روقيه : تسلمى يا حببتى المهم مش ها تزعلى عشان ها نسيبك لوحدك
سما : لا خالص والله وكمان أميره أكيد ها تعدى عليا فا مش ها أبقى لوحدى
روقيه : مروان كمان ها يبقى موجود لو احتاجتى أى حاجه قوليلو هو مش ها يتأخر عنك وانا ها أقوله
سما : بتسرع لا يا طنط مش تشغلى باله بيا انا ها أعرف أصرف أمورى
مروان : روكا روكا انتى فين
مرنا : أطلع يا مروان انا وماما مع سما فى الاوضه
مروان : دخل الى غرفته التى بها سما روكا وحشتينى وخدها فى حضنه
روقيه : وهى ما زالت فى حضن مروان يا بكاش
مروان : وهو يقبلها من جبينها بكل حب انا بكاش يا روكا انا أبكش على الدنيا كلها وانتى لا
روقيه : عارفه والله يا حبيبى
سما : تنظر له بغرابه من هذه الشخصيه التى تجمع بكل الأشياء فى أن واحد
مرنا : تيرارارا
$$$$$$$$$$$$$$$
بقلم : لبنى طارق
