الحلقه 19
الا متابع ما يبخلش برأيه لانه يهمنى 
وعشان خاطركو حلقتين كمان زياده أهووو
أستغفر الله الذى لا إله الا هو الحى القيوم وأتوب إليه
*********************************
مروان : نزل من العربيه قصاد عماره ونزل سما وخدها وطلع الدور ال4 وطلع مفتاح وفتح ودخلها الشقه….
سما : وهى باين على وشها القلق هى دى شقتك انت وشيماء
مروان : ليه السيره دى دلوقتى قولتلك يا سما دى طلعت من حياتى يعنى لا يمكن ها أسيب الشقه الا كانت فيها ولا أجيبك فيها انتى حاجه وهى حاجه انتى فى السما فوق وهى فى سابع أرض…..
أرتسمت البسمه على وش سما وحضنت مروان و
مروان : بادلها الحضن ورفع وشها وبيبص فى عيونها الا بتسحره انتى حبيبتى انتى الطريق الصح الا عايزا أخطى عليه وانا واثق انه مش ها يخذلنى ابدا يا سما عايزك مراتى وحبيببتى وأم عيالى الا بقيت بتمنى أشوفهم ومش عايزهم من واحده غيرك فاهمه وخليكى واثقه فيا
سما : بعدت عنه وبتتهرب من ضعفها قدامه أنت مش ها تفرجنى على الشقه والا ايه…..
مروان؛ تعالى ودخلها كل غرفه فاهم 3 غرف ومساحتهم كبيره
مروان ؛ يا ستى دى اوضة النوم بتاعتى كنت باجى أريح هنا لما عايز ابقى لوحدى سما الله يا مروان جميله قوى أحلى من الا فى الفيلا
مروان : دى بقى سايبها فاضيه لسا مفرشتش فيها حاجه
ودى كلها أجهزه رياضيه عشان دا شئ اساسى فى حياتى
وطبعا شوفتى الصاله والمطبخ فيه نظام أمريكى مفتوح على الصاله زى ما انتى شايفه كدا ……
سما : جميله قوى يا مروان ودمها خفيف
مروان : هههههه والله انتى الا دمك خفيف ورفع الستاره الا فى الصاله بالريموت الخاص بها فا هى تعمل بجهاز الكترونى فا تفاجتئت سما ان الوجهه كلها من الزجاج ومطله على جنينه مليئه بالاشجار الساحره والورود ياله من منظر
سما : الله يا مروان بجد تحفه
مروان : عجبتك
سما : دى تهبل مبروك عليك
مروان : شدها لحضنه تانى مبروك عليكى انتى يا حبيبتى
سما : مبروك على صاحبها انت الا تعبت فى فلوسها وانت الا أشتريتها وانت الا ها تتهنى فيها ان شاء الله
مروان : ها أتهنى معاكى انتى يا سما فيها انا كنت بحبها بس دلوقتى انا بعشقها عشان انتى معايا وانتى اول حد يعرف بالشقه دى ويدخلها مفيش مخلوق يعرف انى عندى شقه غير الا بعتها التانيه فاهمه
سما : بتهرب مش ها تشربنى حاجه
مروان : وهو بيلمس خدها بشافيفه انتى بتتهربى منى ما تخفيش انا أكتر واحد ها يحافظ عليكى وحضنها قوى
مروان : تعالى ودخلو المطبخ عملت لمروان قهوته وهى عملت لها شاى
وقعدو يتكلمو كتير فى كل حاجه ومروان بيدرس فيها أكتر وبيقرب من قلبها أكتر وأكتر خلاص بقو جسدين فى روح واحده سما ومروان
************
مر الوقت سريعا على جميع ابطالنا واقترب زفاف مازن وفاطمه
*********
رجائى ؛ انا كلمتكو كلكو عشان تسافرو معايا اسكندريه انهارده
مروان : يابنى على طول كدا
رجائى : ايوا انا كلمت والد أميره وادانى المعاد انهارده وبلغته انى جاى ومعايا 3 اصحابى بس بالنسبه ليا اخواتى
كريم : معاك يا كبير وعقبلى انا كمان ها اسافر يوم الجمعه اتقدم لسمر رسمى بعد ما بابها وافق ….
معتز : انا لسا ما خدتش إفراج مش ناوى تحن عليا يا وحش ابويا نفسه .. نفسه أتجوز ويفرح بيا يا راجل
جميعهم : هههههههههعه كداب
معتز : والله كل ما بيفتكرنى يقولى يا حبيبى نفسى أشوف عيالك …….
مروان : هانت يا أخويا اتهد شويا
معتز : أمتى طيب
مروان : بعد الامتحانات عشان ما نشغلهاش انت عارف دى أخر سنه لها …..
معتز : يا مسهل طيب أكلم ابوك طيب
مروان : انا قولتلو وقالى بعد الامتحانات اهدى بقى
معتز : قام باس مروان حبيبى يا وحش
رجائى : احنا ان شاء الله ها نسافر الشغل يوم السبت جاهزين والا ايه
كلهم جاهزين ماتقلقش . .
مروان : أسرع واحلى اجازه قضتها فى حياتى
رجائى : وانت ناوى أمتى
مروان : والله أطمن على أخواتى وبعدان انا والبال والمزاج رايق كدا مش وسط الزحمه
معتز : انا بموت فى الزحمه وشغل الطوابير
مروان : هههههه موت بعيد عنى
معتز : بمكر أموت فى هواك انا
مروان : اتلم بدال ما أسد نفسك
معتز : اتلميت يارب صبرنى
وهمو جميعا بالرحيل مع صديقهم بل أخوهم رجائى ليتقدم للفتاه التى شغلت قلبه وتفكيره ووصلو الى منزل أميره الراقى والبيسط فى أن واحد ويحملون الورد وعلبة شيكولاته من نوع فاخر جدا تقدم رجائى من الباب بثقه ورن الجرس ……
لانه تواصل مع والدها وعرف عنه كل شئ لما يخفى عليه حتى مقاطعته لاهله الذين لا يعتبرونه انه موجود بحياتهم بعد موت والديه ولا يعرفون حتى انه ضابط بالجيش المصرى فا هم الجفاء عنوان لهم واصر على التقدم لأميره قبل انتهاء اجازته لانه لا يتمكن من المجئ …… فا هو ليس ملكا لنفسه ابدا …….
يحى : والد أميره اتفضلو يا شباب ودخلو جميعا لتستقبلهم والدة أميره أحلام ….
أحلام : أهلا وسهلا اتفضلو
تقدمو جميعا بكل ثقه
يحى : منورنا والله يا رجاله مبسوط انى أشوف شباب زيكم يفرح ويعتمد عليه
رجائى : ربنا يعزك يا عمى طبعا انا ها ادخل فى الموضوع على طول الا سبق وكلمت حضرتك عليه واديتك فرصه تسئل وتعرف عنى كل حاجه
يحى : والله انا سألت وسمعت كل خير عنك سواء فى بيتك ومنطقتك او شغلك وانا إلا يهمنى هو راحة بنتى الا ها أستئمنها مع راجل يصونها ويعلى من شأنها معاه ويبقو على الحلوه والمره سوا
مروان ..والله احنا فاخورين ان رجائى ربنا كرمه بأب زى حضرتك بيشترى راجل مش باصص لفلوس ولا منصب وكدا يبقى احنا متفقين كلنا بس بعد اذنك رجائى يقعد مع انسه أميره يعرف رأيها بنفسه عشان لو موافقه وحاصل قبول نقرى الفاتحه وفى الاجازه بتاعته الجايه لو تسمح لنا بعد الاتفاق على كل حاجه يبقى شبكه وكتب وكتاب وفرح …..
يحى : ..انت مستعجل قوى يا رجائى كدا
رجائى : معلش بقى ياعمى انا عايش لوحدى زى ما فهمت حضرتك وشقتى جاهزه وأى تعديل فيها انا تحت أمركو والا نفسها فيه الانسه أميره انا رقبتى سداده …
كريم ..: خير البر عاجله وأدام هو جاهز ملوش لازمه خطوبه وتضيع وقت أنت مش عايز تفرح ببنتك وتفرحنا معاك
معتز : والله احنا مسؤولين عنه قدامك رجائى محترم جدا وأول ما شاف بنت حضرتك ما حاولش حتى يكلمها وقال ادخل من الباب وتبقى مراتى وربنا يباركلى فيها مش عايز أكتر من كدا فا ملوش لازمه القلق وتضيع الوقت …..
يحي : والله يا بنى قبل ما أفاتح بنتى أستاخرت ربنا وارتحت له جدا وهى كمان بعد ما عرضت الموضوع ما ردتش عليا غير بعد الاستخاره ها أقول ايه الا فيه الخير يقدمه ربنا ونادى على أميره الا روكبها بتخبط فى بعض ومش مستوعبه سرعة الموضوع كله ومامتها عماله تشجعها تخرج لهم تقدم العصير …..
أميره : خرجت وفى ايدها صنية العصير وقربت منهم جميعا وهى خلاص مش قادره تتلم على أعصابها السلام عليكم
جمعيهم : وعليكم السلام ورحمة الله وبركاته
وتقدمت بالعصير وعطت كل واحد كوباية العصير وجت عند رجائى وكبته عليه اوبس ههههههه
أميره : بخضه والله ما قصدى والدموع على وشك النزول من خجلها من هذا الموقف
يحى : مش تخلى بالك يا بنتى
رجائى : حصل خير يا عمى ولا يهمك يا أنسه أميره
كريم : لتخفيف الجو المتوتر دلق العصير على رجائى خير يا جماعه…..
جمعيهم : هههههههه
معتز : يا ستى ولا تزعلى نفسك عقبال ما يتدلق عليا العصير أنا كمان …….
أميره : انا أسفه
يحيى : اتفضل معايا يا أبنى انضف لك هدومك هاتى فوطه وتعالى يا أميره
أميره : حاضر يا بابا
وبالفعل تم تنظيف ملابس رجائى من العصير ودخل هو وأميره البلكونه عشان يقدرو يتكلمو لوحدهم بدون إحراج
رجائى : عامله ايه يا أميره
أميره : الحمد لله كويسه انا اسفه على الموقف البايخ دا مش قصدى
رجائى : ولا يهمك انا مبسوط بالموقف كله عشان أعرف اد ايه انتى خجوله ….
أميره : ازداد خجلها وخدودها أحمرت أكتر
رجائى ؛ ببتسامه جميله لايقه عليه كفايه خجل بقى انا عايز أعرف رأيك بصراحه احنا ها نتجوز على طول يعنى مفيش فترة خطوبه خطوبتنا بعد الجواز مش قبله وربنا يقدرنى وأقدر أعوضك عن كل حاجه ممكن أقصر فيها دلوقتى زى الخطوبه والفوسح وكدا يعنى انا عارف ان دا شئ مهم لكل بنت قبل الجواز بس احنا ان شاء الله نعمله بعد الجواز ايه رأيك ……
أميره : رغم ان الموضوع بيمشى بسرعه جدا وطبعا أنا خايفه بس الحمد لله حاسه براحه من ناحيت حضرتك وان شاء الله ربنا يقدم الا فيه الخير لينا إحنا الاتنين …..
رجائى : حضرتك ايه بقى بعد الكلام الجميل دا انا ظنى ما خابش فيكى فا كملى جميلك وبلاش حضرتك دى ماشى
أميره : ببتسامه حاضر
رجائى : انا أستأذنت والدك انى اديكى رقم تليفونى واخد رقم تليفونك لو وافقتى ممكن
أميره : حاضر سجل االرقم عندك …..010 ورن عليا وانا ها أسيف الرقم
رجائى : كدا تمام وقام اتفضلى واميره خرجت قدامه وجمعيهم قرأو الفاتحه وتعالت الزغاريط والمباركات لرجائى وأميره .. ..
أحلام : مبروك يأبنى ربنا يجعلها قدم السعد عليك ويجعلك عريس الهنا لها يارب …..
رجائى : حضنها وباسها من مقدمة رأسها فالاول مره يشعر مثل هذا الشعور يارب يأمى لو تسمحيلى أقولك أمى
أحلام : وهى تعانقه بشده طبعا أمك انا بقى عندى أميره ورجائى ربنا ما يحرمنى منكم ويتم عليكم بخير
يحى : يارب وقضو اليوم فى فرح وسعاده لهم الاتنين وحان الوقت للرحيل إلى القاهره بعد أن أنجزو مهمتهم على أكمل وجه بكل حب وصدق
*************
مازن : فاطمه فى حاجه ناقصه تانى فى الشقه
فاطمه : لا كله تمام يا مازن الحمد لله
مازن : الحمد لله هانت يا حبيببتى وها نبقى مع بعض على طول
فاطمه : بفرحه يارب يا مازن
مازن : ما تخليكى معانا للفرح يا فطومتى ها تسافرى ليه
فاطمه : لازم أسافر بقى أشبع من أهلى كلها أسبوعين وتكون مرنا خلصت امتحانات وبعدان نستعد احنا للفرح وانا لازم انزل قبل الفرح بكام يوم عشان نظبط هدومى وهدومك فى الشقه ويبقى كدا مش فاضل حاجه ……
مازن : ها تنورى حياتى كلها ياااه أخيرا يا فاطمه انا مش مصدق نفسى …..
فاطمه : ولا انا يا مازن والله
مرنا : هو انا كل ما أروح فى حته اتكعبل فيكو ما تتلمو شويه يا بشر كلها أسبوعين وأخلص وأخلصكو معايا
مازن : انتى الا حشريه ليه يا بنتى أرحمينا وسبينا فى حالنا بتطلعى من تحت الارض
فاطمه : ههههههههه انا بدئت أخاف منك يا مرنا
مرنا : خافووو سامعين دا أنا مرنا بنت محمد القاسم
معتز : على اساس احنا يا خفه ولاد الجيران الا جمبكو
مرنا: انا الأصل والباقى تقليد يابنى
مازن : ايوا انتى الا واكله الجووو بقولك ايه بما انك رزله
##$###$$$$$
بقلم : لبنى طارق
****************
أستغفر الله الذى لا إله إلا هو الحى القيوم وأتوب إليه
الحلقه 20
**********
مازن : انتى عارفه مين العريس المنتظر لسيادتك
مرنا : مين يا مزاميزو حبيبى قلبى من جوه قول بسرعه
فاطمه : ههههههههههه دا انتى كل يوم بيجيلك عرسان اد كدا اشمعنا دا
مرنا : دا تبع مروانى يا بنتى يعنى مز العيله والبلاد المجاوره
مازن : طب قومى من هنا بقى
مرنا : دا أنت بدر العيله المنور يا مزاميزو قول بقى وبطل رخامه
مازن : ايوا كدا اتعدلى ها اقولك بس توب سكرت
مرنا : انا سكرت من دلوقتى إشجينى
مازن : معتز صاحب مروان الا معاه فى نفس الكتيبه
مرنا : يالهوى الواد ابو عيوان دوبلى
مازن : دوبلى تصدقى انتو الاتنين مجانين زى بعض
مرنا : أنت غيران يا مزاميزو بقى وبتكرهنى فى معمع
مازن : معمع لو سمع الاسم دا مش ها يطب برجله هنا تانى
فاطمه : ههههههه لا كدا كتير
مرنا : طيب أسيبكو بقى عشان مش فاضيه ورايا أمتحانات
مازن : ايوا المصلحه خلصت خلاص
مرنا ؛ شطوره يا بيضا
مازن : انصرفى بدال ما أقوم أصرفك بطريقتى
مرنا : أنصرفت تيررررررر
************
مروان : بيتصل على سما سابت الفيلا من 4 ايام ورجعت السكن وصممت على كدا
مروان : حبيبى وحشتينى عايز أشوفك
سما : وأنت كمان وحشتينى بس مش ها ينفع أشوفك خالص يا مروان انت عارف اننا بنمتحن عملتو ايه مع اميره
مروان : بزعل كدا يا سما انا مسافر السبت وانت ها تمتحنى الحد
سما : خلاص مسافر
مروان: ايوا ها أجى أخدك نقضى بكرا كله عندى فى الشقه
سما : مروان انا مش بحب نقعد لوحدنا وأنت عارف كدا كويس ممكن نروح أى مكان تانى …….
مروان : انا مش بتعدى حدودى يا سما معاكى ولا سمحت لنفسى حتى أكتر حاجه بعملها ببقى مشتاق ليكى قوى بأخدك فى حضنى وأخطف بوسه بالعافيه ولما لاقيتك بتديقى بأكتفى بقربك منى بس عايز تحرمينى من حضنك يا سما كمان ……
سما : انا بخاف من عقاب ربنا فى قربك منى وانى أسمحلك تعمل كدا وأشجعك على كدا انا ها أتحاسب عليه يا مروان انا عايزا ربنا يبارك فى علاقتنا مع بعض عايزا فعلا أكون مختلفه فى حياتك مش واحده والسلام …..
مروان : انتى عندك شك انك مختلفه يا سما انتى غير اى واحده انا عرفتها قبل كدا كل يوم بحبك أكتر وأتعلق أكتر وانتى بعيده عنى حاسس ان فى حاجه كبيره قوى ناقصانى
عشان خاطرى كفايه بقى وريحينى انا فعلا تعبان فى بعدك اخر كلام ها أعدى عليكى الصبح ونروح نقضى اليوم كله فى الشقه وما تخافيش مش ها أديقك …….
سما : حاضر يا مروان مش ها أقدر أقولك لاء لانك فعلا ها توحشنى قوى …….
مروان ؛ سلام بقى يا قلب وعقل مروان
سما : لا إله إلا الله
مروان : محمد رسول الله
*************
محمد : مؤمن أنت أثبت فعلا انك أنسان نضيف وتستحق تكون مكان الندل الا أسمه حسام
مؤمن ؛ يا محمد بيه انا مش طمعان فى حاجه زياده ولا محتاج حاجه الحمد لله الا باخده منك مكفينى وزياده
ومش ها أقصر وها أفضل عينك فى الشركه بس إعفينى دى مسؤوليه كبيره عليا …..
محمد : أنت قداها ومش ها أقدر أثق فى حد تانى انا الايام الا جايه دى ها أبقى مشغول قوى وانت لازم تقف جمبى وانت عارف مازن كمان ها يبقى عريس فا الحمل كله عليا لوحدى ……
مؤمن : انا تحت أمرك ورقبتى سداده ليك ولمازن
محمد : تسلم ثقتى فيك فى محلها المهم الشحنه التانيه ها نسلمها أمتى
مؤمن : أسبوع واحد ونسلم وكدا يبقى سلمنا قبل المعاد بشهر …..
محمد : تمام قوى كدا هو دا الشغل
**************
سما : مبروك يا أميره الف مبروك يا حبيبتى أخيرا ها نفرح بيكى ها تيجى الكليه أمتى بكرا والا السبت
أميره : الله يبارك فيكى يا سمسمه وعقبالك يارب نفرح بيكى انتى ومروان انا ها انزل بكرا ان شاء الله
سما ؛ ليه يا أميره يا حبيبتى كنت بنام على السرير براحتى
أميره : ههههههه صدمتينى كتك نيله بحسبك ها تعملى فرح
سما : فرح على ايه ياختى دا انا بقوم من جمبك مش عارفه راسى من رجلى الله يكون فى عونك يا رجائى دا أنت ها تاكل ضرب وانت نايم
أميره : ههههههه اه والله صعبان عليا قوووى ها يتصدم انا مش عارفه أقولهلو ازاى هو أحسن حاجه يعمل اوضة النوم بسررين …….
سما : اه وحاجز مائى فى النص تتقابلو فيه أنتو الاتنين عوم
أميره : فكره بردو غورى يا بت قفلتينى من الجواز
سما : ما تتأخريش
أميره ؛ الصبح ها أكون فوق راسك
************
أتى يوم الجمعه على الجميع فى بيت سما جميعهم يستعدون لأستقبال كريم وعائلته ويحضرون كل ما لذا وطاب ….
لولو : عروسه يا عروسه انا العريس والنبى يا عروسه انا العريس…….
سمر : بطلى يا بت بقى انت ما صدقتى
لولو : أخيرا ها نخلص من واحده خلصونى انتى وأختك عايزا أشوف مستقبلى …..
سمر : مستعجله على ايه ياختى انا على قلبك لحد ما أخلص كليه ……
لولو : انا مش عارفه ها يسيبك نعمل بيكى ايه ما يخلص ويشيل …..
كريمه : ههههه يشيل ايه يا منيله
لولو : بنتك لا دى تقيله ها تقطم ضهره
سمر : فشرتى دا أنا الرشاقه بذات نفسها
لولو : انت ذات نفسها مش الرشاقه خالص يا أمى
كريمه : ضربتها على راسها بطلى غلبه بقى وأمشى من هنا شوفى شغلانه أعمليه
لولو ببكاء مصطنع اهه اهه اه والله لانا قايله لعبدالعزيز يا كريمه وجريت من قدامها
كريمه : يخربيت قلة أدبك انا مش عارفه اتوحمت على ايه فيكى
********
كريم : ياله يا هبه بقى انتى ومجدى
مروه : انا جاهزه
كامل : انا كمان جاهز
هبه : متسربع على ايه اهدى شويه
كريم : يارب ها تطير منى الجوازه
كامل : هههههه ها تطير ازاى يعنى اهدى يابنى ما تعملش فى نفسك كدا
كريم : ابوك وأمك ها ينقطونى يا جدع
مجدى : ما تلم نفسك والا أحلف منا رايح
كريم : انت بتقول ايه يا حج دا أنا ابنك ضينك
مجدى : ايوا كدا اتعدل ياله قدامى
كريم : تمام يا فندم
وانصرفو جميعا لبيت سمر حتى تتم خطبتها على كريم
عبد العزيز : أهلا وسلا منوارونا والله يا جماعه
مجدى وهبه منوره بوجودكم …..
سمر : طالعه تقدم حاجه ساقعه ليهم
هبه : ما شاء تبارك الله ليك حق يا كريم تستعجل
مجدى : الله أكبر بدر منور ربنا يبارك لك فيها يابنى
سمر : بكسوف شكرا اتفضلو
هبه : تعالى جمبى يا عروسه
سمر : راحت جمب هبه وكريم قاعد طاير من الفرحه بس مش مبين
مجدى : طبعا يا حج عبد العزيز احنا يزدنا شرف بنسابكو وبنتك ها تبقى زى بنتنا مروه بالظبط
عبد العزيز : الشرف لينا والله يا حج مجدى كريم ابنك راجل يعتمد عليه وتعابنه معانا لما كانت بنتى تعبانه مش عارف من غير هو و اصحابه كنت عملت ايه ربننا بيسبب الأسباب عشان نعرف بعض وعسى أن تكرهو شئ وهو خيرا لكم واحنا من يوم ما شوفناهم واحنا شوفنا ناس طيبه ولاد أصول بصحيح
كريم ؛ ربنا يخليك يا عمى والله انت ها تكمل سعادتى لو وافقت على ارتباطى من الانسه سمر….
هبه : وأكيد طبعا ها تكمل دراسه وها تاخد شهادتها ما تقلقوش من حاجه زى كدا …..
كريمه : ربنا ما يجيب قلق يا حبيبتى
جميعهم يارب ……
عبد العزيز : يعنى الجواز بعد الجامه
مجدى : لا هى ها تكمل فى بيت جوزها ان شاء الله ها يتخطبو سنتين ولو هو جهز وخلص وانتو كمان نجوزهم ولو لسا شويه أهو احنا مع بعض لحد ما نخلص يعنى مش قبل سنتين ها تكون العروسه فى تانيه جامعه …..
عبد العزيز : على بركة الله واتفقو على كل شئ وقرو الفاتحه وتعالت الزغاريط ……
لولو : فى الاوضه بتكلم سما سامعه كدا أنتى حضرتى القاعده كلها وانتى عندك ….
سما : بفرحه عقبالك يا لولو
لولو : يارب ياختى
مروان : جمب سما بيكتم الضحكه عشان لولو ما تسمعوش
لولو : ياله أقفلى بقى خلصتى الرصيد أشحنيلى بقى
سما : من عنيا
لولو ؛ وابعتيلى 100 جندى عشان عبد العزيز وكريمه هارونى عقاب ورا عقاب ومنشفنها عليا
سما : ماشى يا ستى انت تأمر يا جميل فى البوسطه الصبح ها ابعتلك 200 كدا حلو …..
لولو : أحلى سما دى والا إيه هى دى الأخوه يا بشر
سما …..وموران …… الاقاعد ماسك نفسه بالعافيه ههههههه
سما سلام بقى…..
لولو سلام ياحبى ……
************
سما : انت كنت ها تفضحنا يابنى ودى قرده
مروان : دى مشكله ملهاش حل انا بعشقها
سما : لولو دى حبيبتى حبيبتى حبيبتى خمسه حبيبتى
مروان : وانا مش حبيبك
سما : انت الحب كله يا مروانى على رأى مرنا
مروان : يا سيدى يا سيدى أقوم انا بقى قبل ما أعكها
سما : رايح فين
مروان : ها أجيب أكل وأجى على طول
سما : لا تعالى نعمل أكل انا وأنت
مروان : بتعرفى تعملى مسقعه
سما : بثقه ايوا طبعا
مروان : بلاش الثقه الزياده دى لتطلع مشلفطه
سما : خفه تعالى بقى
مروان : واقف يساعد سما وهى بتعمل الأكل بخفه وشكل منظم عجبه قوى أصلا كل حاجه فيها بتعجبه حتى غلتطاتها
مروان يا سيدى يا سيدى على الناس الجامده سيبلى انا بقى الطالعه دى
سما : يا سلام
مروان : اه وربنا انا الا ها أعملها وخد الصنيه دخلها الفرن شوفتى انا شاطر ازاى…..
سما : جميل أمه يا ناس
مروان : أخرسى يا بت بريل قدامك انا
سما : خلاص يا بيضا ما تزعليش
مروان : انتى الا جبتيه لنفسك وطلع يجرى وراها وهى بتضحك وتجرى
مروان : قفشتك اعاقب بقى
سما : انت وعدتنى يا مروان
مروان : خلاص يا سما تعالى نروق المطبخ بعد الانشكاح الا حصل فى شكل أمه دا
سما : ههههههه ياله
وقضو اليوم مع بعض وكل واحد روح البيت ومرت الايام سريعا على كل أبطالنا
**********&&&&
مروان : تمام يا فندم
القائد : عملت ايه يا مروان اقعد
مروان : كله تمام تم ضبط خمس عربيات نقل بتهرب حشيش وسلاح يا فندم والعيال الا عليها كلها اتمسكو فى 3 ما يعرفوش حاجه و2 الا وراهم كل حاجه بنقرر فيهم
القائد : ال3 فين دلوقتى
مروان : تم الافراج عنهم
القائد : تمام كدا رجائى …..ومعتز ……وكريم…… طالبين الدعم على وجه السرعه يا مروان…… هاتروح لهم فى الدعم
مروان : طبعا يا فندم هما قبضو على كام واحد
القائد : الموضوع كبير مش سهل قبضو على3 وبيقولو ان فى أكتر 100 شخص مشتبكين معاهم واحنا معندناش معلومات كافيه عن كميه الاسلحه الا معاهم……. وفى راهين من البلد نفسها …….ودا الا معجزنا فى التعامل ابو عويدا الكلب طلع قصه كبيره وعنده 7 ولاد……. ماسكين الليله من بعده …….
مروان.: ما تقلقش ان شاء الله ها يخلص الموضوع على خير بأقل خساير محتاج تأمين معايا بجانب رجلتى ….
القائد : شوف التأمين المطلوب واتحرك
مروان : قام وادى التحيه وانصرف
رجائى : فهد ركزمعايا انا شايف 10 مسلحين فى الناحيه الشرقيه من الفيلا
فهد : معاك يا صقر وها يتم السيطره عليهم خلال دقايق سيطر أنت من جهة اليمين يا قناص وانا ها أغطى عليك وصقر يهجم……
###$#######
بقلم : لبنى طارق
**************
تفاعل بقى 
الحلقه 21
*********
قناص : علم وينفذ الدعم جاى فى الطريق بقيادة الوحش .
فهد : تمام كدا ابتدو التعامل لحين تدخل الفرقه التانيه اتحركو وبالفعل بدء تنفيذ خطته بإحترف وسيطرو على الجهه الشرقيه الا ها تسمح لهم دخول الفيلا وتحرير الرهاين على الأقل …..
الوحش: فهد ها تسمعنى
فهد ؛ معاك يا وحش تم السيطره على الجهه الشرقيه تماما حول
الوحش : إخلو الطريق يا رجلا لقوات التأمين من الوحش لفهد …..الهجوم ها يتم على الجهة الغربيه الأن أوقف التعامل لحين إصدار الأمر بالدخول
فهد : علم وينفذ ….
وفعلا الوحش تعامل فى الجهه الاخرى وتمت السيطره عليها وادى الامر بالأقتحام من الداخل …..
الوحش : كله يرمى سلاحه مفيش داعى للمقاومه بالفعل الجميع أنصاع لأوامره بعد ما تم تصفيه التأمين الخارجى لهم وتحرير الرهائن من جهة فهد وصقر والقناص …..
مروان : اتحرك أخلص
رماح : ابن ابو عويدا هو انت فاكر اننا ها نسيبك أنت بقيت علامه عندنا
مروان : أعلى ما فى خليكو أركبوه اتحرك
رماح : أخويا مش ها يسب حق أخواته الا اتقتلو ولا ابوه واخوه الا ها يتسجن وانت ها تدفع التمن غالى انت ورجالتك الحلوين دول ……
مروان : وقام بضربه بشده هو انت ليك عين تتكلم وتهدد يا ابن الكلب انا ها أصفيكو وها أجيب الا نتو متغطين بيهم دول انا ورجالتى ها نعرفكو اد ايه راسكو فى الطين وانزل بقى لألحسك الطين كله الا فى الأرض …..
رجائى : خلاص يا وحش سيبك منه دا عره وهو والا معاه خدوه ياله واتحركو وفجرو الفيلا مش عايزين خرم ابره فيها بعد ما تنضفوها من اى حاجه
الرجاله تمام يا فندم
**********
مازن : بابا كلمتهم عشان ينزلو مروان يحضر الفرح
محمد : ايوا يا حبيبى كله تمام ما تقلقش ها يكون معانا هو و كريم ورجائ ومعتز ان شاء الله
مازن : طيب ريحتنى
محمد : فى حاجه ناقصه
مازن : لا الحمد لله كله تمام وفستان فاطمه الا موصى عليه وصل والبدله بتاعتى وبتاعت مروان وحاجتكو انتو كمان
محمد : قام حضن مازن هو وروقيه ربنا يسعدك يابنى
مازن : باس راس روقيه ومحمد ويخليكو ليا يا أحن أم وأب فى الدنيا…..
مرنا : يا سلام وانا بقى روحت فين
مازن : انتى الا فى القلب يا حبيبتى
مرنا : يا حبيبى يا مازن عقبالى وانا عمله فيكو أكتر من كدا
محمد وروقيه ومازن هههههههههه
محمد : مستعجله يعنى عايزا تسيبينا يا مرنا
مرنا : ما تقولش كدا ياباب الا تشوفه بقى بما ان فيها إحراج وكدا
مازن : لا بتتكسفى قوى انتى
مرنا : قوى يا مازن حتى شوف وبتقرص خدودها عشان تحمر
ههههههه
محمد : خدها فى حضنه انتى يا عفريته عايزا تسبينى وتتجوزى دا انا ها اطلع عينه
مرنا : لا يا بابا كله الا عينه طلع اى حاجه تانيه ان شا الله تطلع عفريته
روقيه : بمكر دا أنتى واقعه بقى
مرنا : واقعه فى حبك يا جميل
روقيه : يا باكشه قولى شكلك عرفتى
مرنا : بأستعباط عرفت ايه يا روكا قولى أنتى واعترفى
محمد : احنا ها نخلص معاكى
مرنا : لا
مازن : عارفه نفسها
مرنا ؛ اه
محمد : ايه رأيك فى معتز صاحب مروان اكيد عارفاه
مرنا : الطويل القمحى دا ابوعضلات وعيون دوبلى وضحكه تجنن
محمد : كل دا اه هو
مرنا : لا مش عارفاه
محمد : يبقى على خيرة الله
مرنا : ايه سلق البيض دا مش تسألنى ايه رايك وتتحايل عليا شويه وتقنعنى يا قنعك
روقيه : انتى خليتى فيها سؤال انتى جوابتى على طول
مرنا : بضحك يبقى على بركة الله يوم الاتنين مناسب
كلهم : هههههههه
*********
سما …..ومرنا …..وأميره….. مستنين فاطمه تخلص مكياجها جوا الفندق الا ها يتعمل فيه الفرح
سما : مرنا هو مروان لسا ما وصلش
مرنا : قلقان انت يا جميل
سما : أخلصى يا رخمه
مرنا : لسا بس هو فى الطريق
أميره : ومعاه رجائى
مرنا : معاه رجائى يا قطه وابو عيون دوبلى حيح
سما ….وأميره ….زقو مرنا….. على الحيطه مين يا بت انطقى
مرنا بخوف مصطنع بريق يا بيه والله ما انا داخويا مروان هو الا جابو ……
سما : مين معتز مش فاضل غيره فى الشله
مرنا : ايوا حيح
سما : كملت كدا الشله كلها بقت فى ادينا
والتلاته حطو اديهم عل ايد بعض وحركوها من فوق لتحت على بركة الله هههههههههه
بابا وماما واخواتى واصلو اهووو
أميره : وانا كمان
مرنا : وانا كمان وربنا وانصرفو لتحيتهم جميعا
مازن : بابا هو مروان لسا ما وصلش محمد لسا مش عارف اتاخر كدا ليه ليكون مش جاى …..
مازن : بحزن مش ها يحضر فرح أخوه انا ها أروح انزل فاطمه الفرح ها يبدء ……..
مازن : دخل يجيب عروسته اول ما شافها تنح
فاطمه : وجهها مشرق كالشمس وبكسوف ها تفضل كدا كتير ….
مازن : ما أقدرش انا على كدا
فاطمه : ياله بقى انا مش مستحمله أعصابى بايظه لوحدها
مازن : لا كله الا أعصابك انهارده يا له يا فطومتى
ونزلو القاعه مع زفه أسطوريه وبدأت الحفل بدون شلة المرح ورجال المهام الصاعبه…… وكل واحده منتظره حبيبها …….على أحر من الجمر حتى فقدو الأمل فى وجودهم بحفل الزفاف
هدئت ……الاجواء تماما وأغلقت الانوار وتفاجئو جميعا بموسيقى صاخبه…… ملئت المكان وكذلك الانوار نعم هم الاربعه على المسرح بكل اناقتهم وثقتهم فى نفسهم وتتعالى أصواتهم بأغنيه يهدوها لأخوهم مازن فى ليلة عرسه…. وتحمست الشباب والبنات……. معاهم وكانت الاجواء فى غاية الحماسه والفرح فكانت فقره رائعه منهم جذبت أنظار الجمي
وأنضم إليهم مازن بطلته الجميله أيضا مما أثار غيرة البنات عليهم جميعا …….
سما : احنا ها نفضل نتفرج عليهم كدا شايفين البنات عنيهم ها تطلع عليهم ازاى
مرنا : اه يا نارى احنا بيتعمل معانا الصح
أميره : لا كدا كتير يعنى هما هايصين واحنا لايصين هى فين أختك الهبله سمر الا سايبه البيه يعمل الا هو عايزو هو كمان
سما : سبينى با إلا أنا فيه ولمعت عين سمر بفكره شيطانيه تثير غيرة الشباب عليهم والانتباه إليهم …..
مرنا : أخلصى قولى
سما : نمره قصاد نمره احنا نتفق مع الD.g قبل ما المطرب يخرج …….على الاغنيه الا بنحب نرقص عليها كلنا ونطلع نشعللها هما مش أحسن مننا …..
أميره : تفتكرى يا بت ها تجيب نتيجه
مرنا : ايوا طبعا استنو اروح أقول له على الاغنيه
وبدئو البنات بعد ما الشباب خلصو يطلعو يرقصو ويشعللوها أكتر وأنضمت ليهم فاطمه …..هى كمان وسمر …..ولولو هايصه
عبد العزيز ؛ ايه الا بنتك بتهببو دا يا كريمه شايفه الشباب بيبصو عليها ازاى هى والتانين…..
كريمه : سيبهم يفرحو ويتبسطو
روقيه : ايه دا بص يا محمد مرنا لا والتلاته بيعملو نفس الحركات مرنا وسما وأميره
محمد : كانت مخبيه دا كلو فين بصى اللقطه دى انتى بقى
رقيه ايه
محمد : بصى على معتز بيطلع دخان ……ههههههه وبصى على مروان…… عيوانه بقت شبه عيون التنين هههههه لا وكريم رايح جاى ها يتجنن ……. ورجائى الصدمه ملاجماه ههههههههه البنات شكلهم اتفقو عليهم
رقيه : هههههه فعلا منظرهم فظيع بس بقولك ايه تفتكر ان مروان ……حب سما وممكن ياخد خطوه زى أصحابه
محمد : ما باين عليه وعليها هى كمان انتى مش شايفه النظرات والا الهمسات
روقيه : يارب يا محمد عايزا أفرح بيه بقى
**********
مروان : احنا ها نفضل نتفرج على المسخره دى
معتز : ايه الحل يعنى مش كنت وافقت أخطبها على الاقل أطلع لها
مروان : أسكت خالص عشان مش طايق نفسى وانت يا رجائى …..ما تطلع تجيب خطيبتك والا ها تفضل متنح كدا كتير ……
رجائى : دا ليلتها مش معديه
مروان : أطلع أنت كمان يا كريم أفندى خلى الاتنين التنين يهدو
كريم : صبرك عليا يا سمر انتى تعملى كدا
معتز : انت ها تعمل ايه
مروان : دا وقعتها سوده سامع الصفافير فرحانين بنفسهم قوى ماشى يا سما اما خليتك تلفى حوالين نفسك
معتز : ايوا وانا بقى يا سى مروان
مروان : لما تبقى تتنيل تخطبها ابقى أعمل الا أنت عايزه
معتز : منك لله يا مروان
وفعلا البنات نزلت وفاطمه ومازن راحو يقعدو بعد ما خربوها رقص مع البنات ……
رجائى : ايه الا انتى عملتيه دا
أميره : بأستهبال عملت ايه والله ما عملت حاجه
رجائى : كل دا وما عملتيش انتى مين قالك ترقصى هااه مين انا سمحتلك …..
أميره : هو انت مش عايزنى ارقص ليه مش فارحنين زيكو
رجائى : اه قولتلى بقى قسما بالله لو اتكررت تانى ها تشوفى وشى التانى فاهمه ….
أميره : فاهمه انا أسفه…..
رجائى : مش قابل أسفك واتفضلى أقعدى على الترابيزه هناك مع والدك ووالدتك
أميره : مشيت وهى زعلانه ما تخيلتش انه ها يزعل قوى كدا ……. وفرحت انه بيغير عليها
************
كريم : يا لهوى يا ناس انتى يا سمر الكسوف والأدب كله
سمر : والله كنت بفرح مع البنات فيها ايه دا فرح هو انا بعمل كدا فى الشارع … .
كريم : ولا شارع ولا غيط يا ماما
سمر : ما أنت كنت مولعها من شويه وإلا هو حلال عليك وحرام عليا ……
كريم : انا شاب يعنى لا حرج عليا انما انتى بنوته جميله وكيوت ازاى تعملى كدا يا سمر ازاى
سمر : لا حرج عليك ازاى يعنى وبالنسبه للبنات الا كانت بتسبل ليك يا محترم وسابته ومشيت …..
كريم : بتغير عليا بتغير عليا بت أنتى بت خدى هنا مش بكلمك
ههههههههه
*********
معتز : يرمق مرنا بنظارات حارقه ومرنا عامله فيها من بنها
معتز : انسه مرنا
مرنا : نعم فى حاجه
معتز : ممكن ما تعمليش كدا تانى
مرنا : أعمل ايه
معتز : رقص المهرجانات الا كننو بترقصو من شويه
مرنا : وانت مالك بقى وكمان برقص فى فرح أخويا عندك أعتراض …….
معتز : ما قدرش يمسك نفسه راقب المكان الا واقفين فيه بنظرات سريعه فا هم بارعون فى ذلك وجذبها بشده من ذراعها ……
معتز : لا ليا دعوه والكلام تسمعيه فاهمه انا ها أبقى جوزك
مرنا : اوعا كدا جوزى ازاى يعنى أنت مجنون
معتز : اه مجنون بس بيكى وبطلى تستفزينى كلها يومين وها أجى اتقدم وساعتها بس الكلام دا ها يبقى قدام الكل
مرنا : ضحكتنى يا أسمك ايه
معتز: انتى عارفه ان أسمى معتز وبعد كدا ها يبقى أسمى جوزك
مرنا : طيب سيب ايدى خلاص فهمنا
معتز : يعنى
مرنا : أبتسمت ومشيت
معتز : دا أعتبره ايه طيب خدى هنا ……. دا أكيد غمزت يا واد يا معتز وها تلعب
**********
مروان : خطف سما من وسط القاعه بدون شعور أى حد بذلك …….
سما : ايه يا مروان الا بتعمله دا ومكتب مين الا دخلتنا فيه
مروان : شد سما عليه وباسها وناره قايده منها بيعاقبها على جرائتها ازاى تعمل كدا كفايه يا مروان مش قادر يبعد عنها أستفزت مشاعره وكيانه كله وبعد عنها تاخد نفسها وبدء يبوس كل حته فى وشها وفى رقبتها ………
سما : مروان كفايه أنت بتعمل كدا ليه عشان خاطرى يا مروان ………
مروان : أنتى الا عملتى مش أنا قولتلك ما تغلطيش يا سما قولتلك ……..
سما : طيب خلاص انا أسفه والله ما ها أعمل كدا تانى
مروان : وهو مش راضى يبعد……
#########
بقلم : لبنى طارق
&&&&&&&&&&
الحلقه 22
********
مروان : انتى بتاعتى انا محدش يبص لك غيرى فاهمه يا سما
سما : فاهمه بس ابعد
مروان : بعد عنها وهو مغلول منها المره الجايه الغلطه بفوره يا سما وها تندمى عليها وسابها ومشى عشان وصل لمرحله مش قادر يتحكم فى مشاعره بيقول ياريت كانت مراته وخابها عن عيوان الناس كلها الا كانت بتاكلها وهو مش قادر يعمل حاجه …….
سما : قعدت على الكرسى فلم تعد قدامها تتحملها يالهوى يا سما ياريتك ماعملتى كدا ها أعمل ايه مع مروان دلوقتى ودا عقابك يا مروان ليه القسوه عليا انا الا غبيه هو محذرنى بس الغيره عمتنى ……
***********
خلص الفرح عل خير وهناك من هو فى قمة سعادته وهناك من هو حزين على زعل حبيبه منه
………..
عبد العزيز : ياله يا بنات عشان نروح البنات ياله يا بابا
كريم : انا جاى أوصلكم يا عمى
عبد العزيز : لا يا حبيبى خليك انا معايا عربيه وانت أكيد تعبان وعايز ترتاح …..
كريم : طيب ممكن سمر فى كلمه
عبد العزيز : روحى يا سمر شوفى خطيبك عايز ايه
سمر : راحت مع كريم نعم عايز ايه
كريم : خلاص بقى يا سموره انا الا زعلان بس ما تعمليش كدا تانى انا مفيش واحده تملى عنيا غيرك….
سمر : بأبتسامه من حبيبها الا بيخاف على زعلها خلاص ماشى مش ها أعمل كدا تانى …..
كريم : أحبك وانت كدا وحشتينى
سمر : وأنت كمان وحشتنى حمدالله على السلامه
كريم : الله يسلمك يا حبيبى خلى بالك على نفسك ماشى
سمر : وانت كمان خلى بالك على نفسك
**********
رجائى : ياله يا عمى عشان تباتو عندى فى الشقه
يحى : ملوش لزوم يابنى احنا ها نسافر على طول
رجائى لا والله ما يحصل انا ها أبات برا وانت خد مفتاح الشقه أهو
يحى : لا طبعا انت قبلنا جوا شقتك ادام مصمم
رجائى : وهو يتعمد توصيل رساله لأميره انتو ها تشوفو الشقه عشان الا محتاجينه فيها نعمله ونكتب الكتاب ونعمل الفرح زى ما أتفقنا والا ايه يا أنسه أميره واتكى على انسه اميره وهو بيقولها ……
أميره : بزعل ان شاء الله
رجائى : ياله بينا بقى
***********
مروان : ركب عربيته ومشى راح على الشقه هو كان نفسه يفرح ويفرحها معاه وزعل انه زعلها قوى كدا وسابها ……بس هو مقدرش ماياخدش موقف معاها هى حبيبتو الا بيخاف عليها من الهوا الطاير هى ومرنا أختو الا جننته بعملتها دى هى كمان …..
وسما : طول الطريق دموعها بتنزل فى صمت ومروان زعله مقطع قلبها….. ونفسها تروح تاخده فى حضنها وتقوله انا أسفه وتشوف الفرحه فى عينه…. من تانى ياااه يا مروان وجعتنى بزعلك …
************
معتز روح وهو فى دنيا تانيه أسمها مرنا حاسس انها بتحبه لا اتأكد انها بتحبه بعد الا حصل ولاحظ نظارتها عليه وهو بيرقص ونظارتها ليه وهى بترقص وكأنها بتوصل له رساله زى ما عملت انا ها أعمل
**********
أما جوز عصافير الكانريا زى ما مرنا مساميهم مازن وفاطمه الان هم فى القفص الذهبى الخاص بيهم فلا متطفل وعيوان مراقبه من بعيد …..
مازن : حبيبى ألف مبروك وماسك اديها وبيبوس صوابعاها فاطمه : بكسوف الله يبارك فيك
مازن : احنا ها نتكسف والا ايه لا فوقى ليا كدا يا بطتى
فاطمه : انا ها ادخل أغير عشان نصلى
مازن : وانا كمان ياله
غيرو وصلو وبدئو حياتهم الجديده مع بعض حياه مبدئها التفاهم والوصال وشرع الله ….
مازن : تعالى فى حضنى بقى
فاطمه : لا
مازن : لا مفينش من لا دى خالص
فاطمه : لا
مازن : انتى علقتى يا فاطمه
فاطمه : بعياط انا خايفه
مازن : قرب منها وحضنها وبيلمس على ضهرها برقه ما تخافيش يا حبيبتى انا مش ها أعمل حاجه غصب عنك
فاطمه …….
مازن : رفع وشها بأيده وبرقه قرب من شفايفها ياه كم تمنينا هذه اللحظه فاغرق الاثنين فى متعتهم الحلال فاهى ملكه ألأن ونسيب العرسان بقى بطلو رخامه مش كفايه مرنا والا كانت عملاه فيهم 
**********
محمد : هو مروان راح فين يا مرنا
مرنا : مش عارفه والله يا بابا انا ماشوفتوش من قبل الفرح ما يخلص بشويه
روقيه : ها يروح فين يعنى تلاقيه سهران مع أصحابه
محمد : وقافل تليفونه ليه يعنى
روقيه : سيبه براحته مرنا تعالى هنا
مرنا : نعم يا ماما
روقيه : الا عملتيه انتى وأصحابك عيب الكلام دا تعملوه مع بعض وانتو لوحدكو من باب التفاريح
مرنا : انا أسفه والله مانعرفش انكو ها تدايقو كدا
رقيه : يا حبيبتى كنتو ملفتين للنظر قوى وانتو بتعملو حركات غريبه وشويه شويه ها تتشقلبو
مرنا : ههههههه خلاص بقى يا روكا أخر مره
محمد : خلاص يا روقيه سماح المره دى
روقيه : يا سلام دلوقتى سماح ضعيف قدمها انت يا محمد
مرنا : حبيبى أنت يا عسل
محمد : عسل طيب قومى بقى أصلك تقلتى قوى
مرنا : طب هات بوسه
روقيه : لا
مرنا : انتى غيوره كدا ليه غلط عليكى كدا
محمد : ايوا غلط عليكى كدا
روقيه : هو انا ها أخلص معاكو أنتو الاتنين
محمد ومرنا لا
**********
سما : دخلت أوضتها وقعدت تعيط بحرقه
وكل ما تتصل بمروان تلاقيه قافل تليفونه
سما: كدا يا مروان ماشى براحتك وكل ما تفتكر تعيط تانى لحد ما نامت من كتر التعب والتفكير …..
*******
أشرقت شمس يوم جديد
مازن : صباح الخير على أحلى عروسه
فاطمه : صباح الخير يا حبيبى
مازن : مش ها أستحمل كتير انا فى الرقه دى
مازن : كل الرقه دى فى حضنى يا ناس
فاطمه : هههههههه بطل بقى
مازن : اموت انا فى كسوفك دا تعالى بقى
فاطمه : اوعى كدا بقى يا مازن
مازن : هى فيها اوعى طيب قومى يا حبى عشان ها نسافر
فاطمه : بفرحه فين يا حبيبى
مازن : فرنسا
فاطمه : عشان كدا كنت واخد وراقى وعملتلى باسبور
مازن : ايوا ها ألففك العالم كله وأشوفه بعيونك أنتى
فاطمه : لا كدا تستاهل بوسه
مازن : طب تعالى بقى ونسيبهم مع بعض عرسان ولسا فى الصابحيه
*********
محمد : صباح الخير يا عبد العزيز يا أخويا
عبد العزيز : صباح النور يا محمد
محمد : مازن شويه كدا وجاى
فتحيه : جاى فين يا أبو مازن
محمد : ها يسلمو علينا ويسافرو
عبد العزيز : يسافرو يوم الصباحيه
محمد : ها يقضو شهر العسل فى فرنسا
فتحيه : ياحبيبتى يا بنتى ها توحشينى يا ضنايا
عبد العزيز : هى لحقت سابتك عشان توحشك
روقيه : صباح الخير عليكم جميعا
جميعهم : صباح النور
روقيه : مازن جه هو وفاطمه
محمد ؛ لسا يا ستى مستعجلين ليه براحتهم لسا على سافرهم اربع ساعات
روقيه : ومروان هنا وإلا لا
محمد : لا مش هنا طلعت اوضته لاقتها فاضيه
فتحيه : هو ما بيتش فى البيت
روقيه : لا من امبارح ماجاش وتليفونه مقفول انا قلقانه قوى عليه
فاطمه …ومازن….. صباح الخير وقامو جميعا يباركو ويهنو
مازن : هو مروان…. ومرنا…. لسا نايمين لحد دلوقتى احنا داخلين على الضهر
محمد : مرنا ها تلاقيها هنا دلوقتى أما مروان ما رجعش وقافل تليفونه
مازن : ليه كدا فى حد زعله
مرنا : انا
كلهم أنتبهو لها
مرنا : زعلان عشان الرقصه الا رقصتها انا وأصحابى
مازن : معلش شويه كدا وها يبقى تمام ويجى لوحده
مرنا : ماكنش قصدنا نزعلكو كلكو وبتعيط محمد خدها فى حضنه بس يا حبيبتى من حقك تفرحى بأخوكى…
مازن : لا دموعك غاليه علينا ماأنا رقصت معاكو ها تعدى انتى عارفه مروان بيحب يحبكها …..
عبد العزيز : اتعلمى من غلطك وما تزعليش حد منك تانى
مرنا : حاضر يا عمو
فتحيه : خلاص يا حبيبتى تعالى رخمى على فاطمه قبل ما تسافر ….
فاطمه : تعالى يا مرنا وخدتها فى حضنها ها توحشينى والله وها يوحشنى خفة دمك
مازن : أهو سى مروان جه أهو يا ستى
مروان : السلام عليكم
جميعهم وعليكم السلام ورحمة الله وبركاته
محمد : كنت فين وقافل التليفون ليه
مروان : كنت بريح دماغى برا شويه وتليفونى فاصل شحن هو انا صغير قالقانين عليا كدا …..
محمد : انت بتحاسبنا على قلقنا عليك يا مروان
مروان : يا بابا لا أبدا بس أنت عارفنى يعنى
روقيه : حمد الله على السلامه يا حبيبى
مروان : الله يسلمك يا ماما هى العرسان مشرفا عندنا ليه شهر العسل خلص بسرعه كدا ….
مازن ؛ ايوا يا خفيف انا وفاطمه مسافرين فرنسا
مروان : حضن مازن مبروك يا حبيبى
مازن : عقبالك يا وحش
مروان : مبروك يا فاطمه
فاطمه : الله يبارك فيك وعقبالك
مروان : بتهرب منهم انا أسف ها أستأذن انا عشان نفسى انام
جميعهم اتفضل
مروان : طلع على فوق ومرنا وراه مروان انا أسفه
مروان : انزلى تحت يا مرنا وسبينى دلوقتى
مرنا : طيب ها تفضل سايب سما زعلانه كدا
مروان : مالكيش دعوه وانتى قصرى معايا اتفضلى وسابها ودخل الاوضه وقفل على نفسه فتح تليفونه لقى سما اتصلت عليه اكتر من 20 مره وباعته رسلتين
فتح اول واحده عقابك قاسى قوى عليا انت بتكسرنى
فتح التانيه ماعرفش انى مليش خاطر عندك قوى كدا براحتك يا مروان مش ها تشوف وشى تانى
مروان اتجننت دى والا ايه ورمى التليفون جمبه على السرير ومدد رجله عليه …..
***********
سما صحيت واول ما صحيت مسكت التليون ما لقتش رنه واحده حتى منه لقت رسايل بتقول انه تليفونه أتفتح
سما للدرجه يبقى براحتك انا مش ها ارمى نفسى عليك
**********
رجائى : ايه رايكو فى الشقه ومش بيوجه أى كلام لأميره
أحلام ويحى : جميله قوى يابنى ونضيفه مش محتاجه حاجه والا ايه يا أميره
أميره : بتحدى لررجائى لا يا بابا مش عجبانى عايزا أغير العفش وديكور الشقه كله
رجائى : بس كدا قدمنا مش أقل من 6 شهور عشان نتجوز
أميره : مش مشكله المهم الحاجه تبقى كويسه
احلام : بس الشقه مش محتاجه حاجه يا أميره
رجائى : نتجوز وغيرى الا انتى عايزاه
أميره : بعند لا
رجائى : براحتك
يحى : أستهدو بالله كدا أحلام قومى نحضر فطار على ما هما يتافهمو
رجائى : انتى عايزا توصلى لايه
أميره : ولا حاجه انا قولت رأى
رجائى : ما تتحدنيش عشان ما تزعليش انا عندى أستعداد أتجوزك أنهارده وورينى ها تعطلى الجواز ازى
أميره : هو أنت بتعاملنى كدا ليه
رجائى : بصى الموضوع اتقفل ما تفتحيهوش تانى وياريت تلغى فكرة التجديد الشامل دى لو عايزا تغيرى العفش كله ماعنديش مانع
أميره: أنا عجبانى كل حاجه فى الشقه بس بصراحه انت مخوفنى منك ……
رجائى ؛ ليه حد قالك إنى بأكل عيال
أميره : انا بتكلم بجد ليه واخد منى موقف قوى كدا انا اعتذرت ليك خلاص بقى
رجائى : وعد مش ها تتكرر تانى
أميره : وعد
رجائى ؛ خلاص انسى بقى وخلى القاعده لطيفه
**********
سمر : سما كريم جاي لينا بكره كلمنى وقالى انه جاى يقعد معانا شويه
سما ؛ ينور يا حبيبتى انتى بتقوليلى ليه
سمر : بلاش يا سما أقولك حاجه يعنى
$$$$$$$$$$$$$$
بقلم : لبنى طارق
$$$$$$$$$$$$$$$
