الفصل الرابع والعشرون الاخير
قراءة ممتعه
جبر خواطر
فى الصباح
فى قصر الجارحى
فى جناح عدى الجارحى
بعد مرور شهرين
اكتمله حملها للشهر الخامس رفضت الذهاب للطبيبه للمتابعه
فقترب منها يحاول معاها مره آخرى لكنها عنيده جدا
عدى : ينفع تجهزى نفسك نروح لدكتوره
يمنى : لا مش عايزة اروح
عدى : انتى ليه باقيتى عنيده جدا كدا
يمنى : زيك
عدى بتعب : طيب يا يمنى أنا ماشى سلام
لتمسك يده وتقترب منه
يمنى : عدى حبيبى أنا مش تعبانه لو تعبانه انت أول واحد هتحس فعشان خاطرى سبنى على راحتى ولو حسيت بتعبى خدنى علطول مش هعرضك ابدا
عدى بتنهيده : ماشى أنا مش عايز اجبرك على حاجه وهسيبك على راحتك
يمنى : عارفه أنك مش بتجبرنى على حاجه ودا بيحببنى فيك اوى
ليحتضنها بقوه
عدى : خليكى معايا أنا محتاجك اوى يا يمنى
يمنى : أنا معاك مش هسيبك ابدا عشان لسه معشتش معك حياتى
عدى : بعد الولادة هاخدك مكان هتحبيها
يمنى : باقيت اعشق مفاجأتك جدا
عدى : امممم قولتيلى
يمنى : لا مقولتش ويالا روح على المقر هتتأخر وانا عايزة انام منمتش من امبارح وانت نمت وسبتنى
عدى : ما انتى الى بتتدلعى
يمنى : مش بدلع والله مش عارفه انام خالص
عدى : انتى حملك كله مش عارفه تنامى مش أية الى حاطه التلاجه جنبها والله الواد كريم صعبان عليا اوى
يمنى : ههههههه لا متفكرنيش
عدى : يارب صبرنى متضحكيش قولت
يمنى : طيب شيلنى ونايمنى
عدى : لا انا هحطك على السرير وامشى عندى اجتماعات كتيره انهارده
يمنى بغرور : خلاص هعفى عندك انهارده
عدى بتهكم : لا كتير خيرك جيتى على نفسك اوى
يمنى : اة اوى
ليحملها ويضعها على الفراش ويقبلها ويرحل سريعا للمقر
ظلت تضحك على هروبه الدائم لانه لا يريد ان يتعبها
لتحول النوم
فى عبدالرحمن
عبدالرحمن بعصبيه : انا قولت مفيش حد هيروح قصر الجارحى تانى ومش هفضل اقول كدا كتير انا تعبت
وقفت فى حيره لم تعرف ماذا تفعل وهو لديه الحق فى المحافظه عليهن ولكن هن صغار وبحاجه للعب
لترد بغضب صاحبه ال5 اعوام
مكه : احنا زنبنا ايه انك جيبنا بنات واحنا اصلا بنحافظ على نفسنا كويس وعلى تربيتنا المفروض تكون واثق فينا مش تقول مفيش روحه ايه كمان مش هتودينا المدرسه عشان خايف علينا طيب ازاى تكون ظابط وانت خايف يا خساره قبلتك بالغلط
عبدالرحمن بصدمة : بنت انتى تخرسى خالص ايه الى بتقوليه دا انتوا هتجننونى
لتقترب منه
بيلا : اهدى يا حبيبى مش كدا
عبدالرحمن : انتى كمان تخرسى اتفرجى عايزة تطلعيهم أقوياء البس أنا فى 2 تانى مش كفايا وحده أنا عارف ربنا بيعقبى أنا ماشى وعملوا حسابكم محدش هينزل من هنا لحد ما ارجع
ومن غير سلام
ورحل قبل ان يفتك بهن
هدى : بابا عصبى اوى ودا مش من حقه فين حقوق المرآه فين حقوق الطفل
بيلا بتعب : يارب صبرنى كنت اتريق عليهم هيجيبوا بنات لحد ما شوفتهم
دا انا كنت غلبانه اوى وانا صغيره والله
فى بيت مصطفى
كان ذالك الصغير يشاهد التلفاز على تعليم الكارتيه ويفعل حركات احترافيه رغم صغر سنه ليقترب منه مصطفى بأعجاب
مصطفى بأعجاب : ايه الى بتعمله دا هايل
حمزه : عجبتك يا بابا
مصطفى : أه جدا يا حبيبى بس انت بتعمل ايه
حمزه : هطلع ظابط زيك واقبض على اى حد بيإذى البلد
مصطفى : برافوا عليك لازم تروح نادى عشان تتعلم كويس
حمزه : بجد يا بابا
مصطفى : بجد بس خلى بالك على نفسك
حمزه : طبعا وهبقى قوى زيك كدا ومكه تحبنى
مصطفى بصدمة : ان شاء الله
ليتحدث لنفسه صوت خافت
مصطفى : الحمدلله اهو يشغل نفسه فى حاجه بدل ما يعاكس بنت عبدالرحمن الى شويه وهيقتلنى اهو يتعلم حاجة كويسه
لتقترب منه باستغراب
ملك : انت بتكلم نفسك
مصطفى : لا ابدا تعالى شوفى لعب حمزه
ملك بانبهار : يا ماشاء الله بقى دا الى ليك شهرين بتتعلمه
حمزه : ايوة يا ماما عشان هبقى ظابط
ويوم الجمعه عمو عدى عامل تحدى الى عنده موهبه هيساعده فيها
ملك : الله يفتح عليه ويرزقه الزريه الصالحه يارب ويتمم ليمنى على خير حملها
مصطفى : أمين يارب يالا أنا ماشى عندى شغل سلام
فى قصر العمرى
كريم : انت يا زفت كام مره نادهت عليك
معتز : آسف يا بابا مشغول
كريم : مشغول فى ايه يا سيادتك
معتز : نهيت رسمتى وبشوفها محتاجه حاجة تانيه خايف متعجبش عمو عدى
كريم : حبيبى خلى عندك ثقه فى نفسك أنك هتبقى شخص ناجح بس الاهم أنك متغضبش ربنا أنا عديت الموضوع الى حصل هناك بس ياريت ميتكررش تانى عشان حتى لو معندكش اخت فتحترم اى وحده على انها اختك لحد ما ربنا يبعتلك نصيبك أنا بكلمك على أنك راجل مش عيل صغير وعارف كويس انك هتفهم كلامى ياريت تفهموا كويسه
معتز : أنا فاهم بس انا بجد بحبها وان شاء الله لما أكبر هتكون مراتى وهتشوف
كريم بصدمة : نعم
ليتحدث لنفسه بصوت خافت
كريم : هو الى هنعمله هيطلع فينا ولا ايه
فعلا الدنيا دواره وربنا يستر دى بنت عبدالرحمن المجنون
لتقترب منه بصدمة
أية : انت اتجننت بتكلم نفسك
كريم بغضب : طبعا ما انتى وابنك جننتونى أنا ماشى احسن
أية بأستغراب : مالوا دا
معتز : ابدا قولتله انى هتجوز هدى
أية بصدمة : هدى ربنا يستر
فى مقر شركات الجارحى
عدى : عندى كام اجتماع انهارده
نسمه : 4 وكمان فى كذا شركه باعته العميل بتاعها كمان
عدى : تمام استعنا على الشقى بالله
قبل دخوله للجتماع اخرج هاتفه يطمئن عليها
فى قصر الجارحى
فى جناح عدى
لم تعرف ان تنام فقد جربت كل الاوضاع ولكن كل محاولتها باتت بالفشل
لتقوم بتأفف
يمنى : اوووف مش عارفه انام
لتسمع رنين هاتفها لتجيب
يمنى : مش عارفه انام عايزة منوم
عدى : لا طبعا المنوم هيبقى صعب عليكى
لتنساب دموعها من شده الالم رأسها
يمنى : طيب انا عايزة انام دماغى هتنفرج والله
عدى : طيب انا جاى
وبعد خروجه
عدى : نسمه الغى كل حاجة
كريم باستغراب : فى ايه بتلغى الاجتماعات ليه
عدى : يمنى تعبانه هروح اشوفها
كريم : طيب روح انت وانا هاخد الاجتماعات
ورحل سريعا لها
لم تعرف ماذا تفعل لتقوم وتتوضأ وتركع لله ليشفايها
ليدخل لها مع أول دعاء
يارب فقد اتعبتنى الحياه كثير ليأتى هو ويشفى كل جوارحى بعدك
يارب انت من بعثته لى ليقوينى ويغيرنى للاحسن والافضل والاهم يقربنى منك اصلى لك بحب وخشوع واحترام وليس بخوف ورهبه
يارب لقد ممرنا بالكثير حتى بقينا فى سلام فارجوك اكملها لنهايه على خير
يارب احفظه لى كمان حفظت يونس فى بطن الحوت
وفرحت يعقوب بعوده يوسف له
يارب اكمل حملى على خير أنا فقط أريد أن احقق حلما له واحد بعد ان حقق لى جميع احلامى وامنياتى والاكثر
فقد اعطيتنى عشق يشعر بي قبل ان اشعر به
اعطيتنى امانا وحنانا وطمائنينه وفرحه وسعاده وقوه وراحه فى عدى
اعطيتنى عشق الروح ليكون لى حياة
لتتنهد بعمق بعد ان امسكه يدها
لتفتح عينها ببطئ
يمنى : عدى أنا ربنا بيشفينى فى قربك متبعدش عنى
عدى : مقدرش ابعد عنك ابدا
ليحملها بين يدة ويضعها على الفراش بحنان
وحتضنها بقوه فقد دموعها ألمت روحه بقوة
عدى : اهدى أنا معاكى نامى
يمنى : عدى لو حصلى حاجه بالله عليك خلى بالك على رحمه
عدى بتعب : مش هيحصلك حاجه اهدى ونامى
يمنى : عشانى اوعدنى
عدى : بتتعمدى تستخدمى نقط ضعفى يا يمنى وانا بقف عاجز انى اعاقبك
يمنى : عشان عارفه أنك مش هتوافق غير بالطريقة دى عدى عشان خاطرى اوعدنى
عدى بتنهيده : حاضر يا يمنى الى يريحك أنا هعمله
يمنى : عدى ممكن اطلب منك طلب
عدى : طبعا قولى
يمنى : ادخل معايا وانا بولد
عدى : حاضر
يمنى بنوم : انا بحبك اوى يا عدى
عدى : وانا بحبك يا روح عدى نامى وارتاحى
لتحتضنه بقوة وتتشبث به لتنام سريعا
بقى هو يفكر بها كحال كل يوم
فى مكتب عبدالرحمن
كان الغضب عنده وصل لأقصى مرحله
مصطفى بعد دخوله
مصطفى بأستغراب : مالك
عبدالرحمن : مالى مش عارف يعنى
مصطفى : لا مش عارف وهعرف منين
عبدالرحمن : لم ابنك احسن ليك
مصطفى : اعمل ايه يعنى دا عيل
عبدالرحمن : عيل مش عيل ابعده عن بنتى ومسير العيل دا يكبر والى فيه داء مش بيتغير
مصطفى : ابنى وهمنعوا بس هتقدر تمنع الى بره
بناتك الى هيحافظ عليهم هى تربيتك ليهم والى يتزرع جواهم هو دا الى هيحميهم مش انت الى هتحميهم بقوتك دى
هدأ بعد ان فهم كلامه جيدا
عبدالرحمن : عندك حق فى الى بتقوله ربنا يسترها
بعد مرور اسبوع
فى المساء
فى قصر الجارحى
فى شرفه جناح عدى
كانت تقف تستنشق الهواء الذى إطار شعرها الحريرى
ليقترب منها يحتضنها يستنشق رائحة شعرها بقوة
عدى : وحشتينى اوى
يمنى بابتسامة : وانت وحشتنى كتيييييير جداااااااا
عدى : اممممم الا قوليلى ايه الى مواقفك هنا وبتبصى على ايه
يمنى : مستنياك عايزة انزل المياه
عدى : دلوقتى
يمنى : امممممم
ليخلع الجاكت البدله عنه ويفك رباط عنقه
عدى : ومالو
ليحملها بين يدة وينزل بها الى ان وصل للمسبح
عدى : تخيلى لو سبتك ووقعتى هيحصل ايه
يمنى بثقه : مش هتقدر تعمل كدا اصلا
عدى : لا والله طيب اهو
يمنى بصراخ : لا يا عدى لالالالا يا عدى
عدى : هههههههههههههه لا خلاص اسكتى معملتش حاجه
لتتحدث له وهى مغمضه عيناها
يمنى : يعنى انا مش فى المية
عدى : دا على أساس انى هدومك اتبلت
لتفتح عيناها ببطئ تراقب ما بها لتضربه فى صدره بقبضتها الصغيره
يمنى بغضب : مجنون وقعت قلبى
عدى : سلامة قلبك يا قلب المجنون
يمنى : نزلنى انا زعلانه منك
عدى : مكانك هنا ومينفعش تنزلى انما زعلانه دى فانتى مش بتزعلى منى ابدا
يمنى : واثق اوى يعنى
عدى : جدا
لتعقد زراعيها امام صدرها بغضب
يمنى : طيب انا زعلانه ها بقى
عدى : مش حاسس
لتتطلع له بطرف عيناها
يمنى : لا زعلانه
عدى : طيب بحبك
يمنى : لا
عدى : طيب بعشقك
يمنى : لا
عدى : طيب بموت فيكى
يمنى : لا
عدى : طيب هاخدك الجزيرة
يمنى : لا
عدى : طيب هاخدك المزرعه
يمنى : لا
عدى : طيب هركبك غضب
يمنى : لا
عدى : طيب هاخدك الملاهى تانى
يمنى بفرحه : بجد يا عدى
عدى : لا
يمنى : متبقاش رخم
عدى : تدفعى كام
يمنى : امممم حضن
عدى : لا
يمنى : طيب بوسه
عدى : لا
يمنى : طيب هعملك كيك بتوت
عدى : لا
يمنى : انت مفيش حاجه عجباك وكمان بتقلدنى
عدى : شوفى هتدفعى كام
يمنى : اصلا انت هتاخدنى أنا اعرفه
عدى : لا ومتثقيش كتير
يمنى : اشمعنا يعنى
عدى : الدفع هتدفعى انما اخدك دى فبعد ما تولدى
يمنى : تصدق نسيت
عدى : نسيتى طيب تعالى
لينزل بها للمسبح
ظل يعوم بها وهى على ظهره
عدى : هتفضلى كدا كتير
يمنى : ان كان عاجبك
عدى : عجبنى بس قوليلى امتى هتتعلمى
يمنى : هقولك
عدى : قولى
يمنى : أنا اصلا اتعلمت بس بحب انت تعوم وانا فوقك
عدى : لا والله لينزلها من فوقه
يمنى بصراخ : عدى هغرق الحقنى
عدى : مش بتعرفى تعومى
يمنى : لا والله تعالى يالا
ليحملها بين يده وهى تتنفس بقوه
يمنى : مجنون
عدى : عشان تقولى بعرف
يمنى بخوف : لا خلاص
عدى : الا قوليلى المقلب الى عملته فيا فكراه مين قالك عليه اصلى أنا عارف الشغل دا كويس بتاع مين
يمنى بتوتر : ها لا انا قريته على النت
عدى : على النت قوليلى بالزوق مين بدل ما اسيبك
يمنى : لا خلاص اختك أية
عدى : وانتى بتسمع كلام أية فى المقالب بس ولا فى حاجه تانيه
يمنى : لا والله المقالب بس
عدى : طيب بلاش مقالب عشان أنا عرفت عقابها كويس هيكون ايه
يمنى : حاضر والله
عدى : برافو عليكى
شعرت بالم لتمسك بطنها
يمنى: اة
عدى بخوف : مالك
يمنى : عجبك كدا اهو زعلتها
عدى : نعم زعلتها ازاى
يمنى : مش خوفتنى سيادتك
عدى بتريقه : خوفتك وهى بدافع عنك مثلا
يمنى : سيادتك بتتريق ايوة وهتاخد حقى منك استنى اما اولد
عدى : هههههه اما نشوف هتطلع زى قويه ولا هتطلع زيك حنونه
يمنى : هتطلع زينا احنا الاتنين
عدى : بدام قولتى كدا يبقى هتطلع زينا
لتتطع له بقوة لترفع نفسها له
تضمه لها بقوة
يمنى : بحبك يا عدى
ليضمها هو أيضا بقوه كأنه سيفقده
يمنى : عدى رجلى وجعتنى
ليحملها بين يده ويطلع للجناح
وساعدها فى تغير ملابسها وحملها مرة أخرى ووضعها على الفراش
عدى : هغير وارجعلك
بعد ان عاد
عدى : هدهنلك الكريم دا هيهدى الألم معاكى
يمنى : خلاص اغسل ايدك وتعالى نام معاك يوم طويل مع العيال بكره
عدى : هدلكها الاول عشان تهدى
ليدلكها لها باحترافيه ليزيل الالم
يمنى : انت بتعرف تعمل كدا ازاى
عدى : زى ما بتعمليلى اما رقبتى توجعنى
يمنى : اممممم
ليفعل لها حركه جعلها تضحك بقوة
يمنى : ههههههههههه مش قاده خلاص أنا بغير هههههههههه عدى خلاص هههههههه عدى
عدى : هههههه خلاص مش هعمل كدا تانى هغسل ايدى وارجعلك
ليضمها له بقوة وتملك وخوف بعد ان عاد فكان لديه شعور قوى انه سيحدث شئ لا يعلم ما هو لكن روحهم ستتاذئ هذه المره حتما
فى الصباح بعد ان اجتمع الجميع وخاصا الاطفال بفرح فى حديقه القصر
عدى : ازيكم يا شباب
الجميع : كويسين يا عمو
عدى : ها حلمتوا هتتطلعوا ايه فى المستقبل
الجميع : ايوة يا عمو
عدى : ها عملت ايه يا معتز
معتز : رسمت بيت
عدى : ورينى كدا واوووو ايه الحلوة دى رسمتك جميله
معتز : أنا رسمت بيت عشان بإذن الله هكون مهندس زى بابا واشتغل فى شركات الجارحى
عدى : ومكانك موجود يا بشمهندس شد حيلك
معتز بفرحه : بجد يا عمو
عدى : بجد يا حبيبى ها وانت يا حمزة
حمزه بثقه : أنا هكون ظابط بإذن الله
عدى : امممم حلوة الثقه وانتى يا هدى
هدى : أنا هطلع محاميه زى ماما واخرج الناس المظلومه من السجن
عدى : يا روحى انتى برافو عليكى وانتى يا مكه
مكه : أنا هطلع ظابط زى بابا وقبض على اى حد يعاكس بنت عشان دا حرام وهجبلها حقها كمان
عدى : برافوا عليكى وبصوت خافت ربنا يستر
هاا يا هيثم
هيثم : هطلع مهندس زى حضرتك اتفضل شوف رسمتى
كان لا يحبه بسبب ما فعله والده ولكن فى النهايه هو طفل لا حول له لا قوة
عدى : ما شاء الله جميله تسلم ايدك وانت بترسم الفرعونى دا منين
هيثم : بشوفه على التلفزيون وكمان هنا فيه تماثيل حلوه وعندينا فى البيت تماثيل ومن النت وماما بتجبلى كتب فيها رسومات زيها
عدى : هايل استمر ومكانك معايا يا حبيبى
هيثم : حاضر يا عمو
عدى : وانت يا هادى
هادى بتلقائيه : دكتور زيها
ليقترب منه
عدى : زى مين
هادى : زى نهى
عدى : اشمعنا نهى
هادى : عشان بحبها وهتجوزها لما أكبر
عدى بصوت خافت : ونعمه التربيه كسفتونا الله يسامحكم
عدى : أولا مينفعش أننا نقول كدا احنا ديننا ميسمحش بكدا يعنى اعتبروهم من محارمكم وحافظوا عليهم لحد ما تبقى مراتك وفى بيتك
ومحارمكم دول الى هما مامتك واختك وخالتك وعمتك وجدتك يعنى تحافظ عليها زى ما بتحافظ على دول هتلاقى ربنا كرمك وبقيت من نصيبك فهمتوا
الجميع : ايوة يا عمو
عند الفتيات
يمنى : ليه يا وفاء مجبتيش مالك معاكى
وفاء : والله سيباه بيذاكر عايز يطلع دكتور
يمنى : ربنا يكرمه ان شاء الله هيبقى جراح كبير
وفاء : لا بدام انتى قولتى أنا عندى ثقه فيكى
يمنى : ههههههه
بيلا : ايوة ونبى شوفيلى بختى
ملك : ومالوا بختك
بيلا : مرار عليا مش عارفه ارضيه ولا ارضى البنات
يمنى : اتعلمى عشانهم وشوفى الى يرضيهم وعمليه حتى لو مش عارفه فحاولى
لتقترب منها صاحبة الفستان الاخضر لونها المفضل مثلا عيناها
ندى : ماما وحشتينى
يمنى بفرحه : ياروح ماما انتى الى وحشتينى اوى
لتضمها لها بحنان
يمنى : تعرفى وحشتينى اوى سامحينى معرفتش اجيلك لما كنتى تعبانه وماما ازهار مرضيتش تجيبك هنا عشان أنا تعبانه كمان
ندى : هتجيب نونو صح
يمنى : هجيب رحمه اختك الصغيره خلى بالك منها وحبيها زى ما أنا بحبك
ندى : خليها تاجى وهحبها اوى أنا
يمنى : ياروحى انتى روحى عند عمو عدى بيلعبوا هناك يالا
أية : بتحبيها اوى كدا يا يمنى
يمنى : بحبها اوى دى امانه عندى
ازهار بغيره : لا يختى دى قالتلك يا ماما قبلى
يمنى : ههههههههه وانتى غيرانه ليه بقى
أنا هقوم اشوف ماما فين عشان كانت تعبانه الصبح
ما ان دخلت القصر حتى شعرت بدوران ليغشى عليها لتقع على سن هذه المنضده
شعر بها وبألمها علم انها بها شئ ليبحث عنها وسط الفتيات
عدى بصوت عالى : يمنننننننى
ليذهب سريعا لها رائها على الأرض وسط دمائها
ليحملها ويذهب بها للمستشفى سريعا بخوف شديد
امام غرفة العمليات
عدى : وفاء ادخلى معاها
لتلبى طلبه سريعا
لتخرج بعد عده ساعات هى وطبيبه
عدى : يمنى كويسه
لم يتلاقى منها اى جواب
لتقول الطبيبه
الطبيبة : قدرنا ننقذ الطفله بس المدام للأسف دخلت فى غيبوبه ادعيلها
ورحلت تكمل عملها
تحطمت روحه وكأنى جبلا وقع عليه ليقول
عدى بتعب : هى فين
وفاء : فى اوضه 444 الدور التانى
ليذهب لها بخطوات تائها
عدى بغضب : ليه بعدتى كدا ليه عملتى فينا كدا بس الحق مش عليكى الحق عليا انا انى سمحتلك تستمرى سمحتلك انك تستخدمى نقط ضعفى سمحتلك بحاجات كتير عشانك بس لا من النهارده لا انا مشى ومش راجع ومستنى نتيجه قرارك الى غرقنا ماشى ومش راجع تانى حتى لو فوقتى مش هرجع أنا عدى الجارحى الى قدرتى عليه رغم قوتى خلتينى اضعف من الضعف صدقينى مش مسامحك ابدا على الى عملتيه فينا
تركها ورحل بقلب متعب وروحا ممزقه ليجنى بمفرده نتيجة قرارها
بعد مرور شهرين ونصف
أصبح قاسى لأبعد حد يهابه الجميع حتى اصدقائه وعائلته
بقى فى عالم اسود كاحل كحال روحه وقلبه من فراقها
فى مقر شركات الجارحى
عدى بعصبيه : ايه الهبل دا أنا مشغل عيال عندى دا تصميم مهندس محترف دا رسم عيل
ليمزقه بكل قوة
انت مرفود بره ليخرج بخوف سريعا
وقفه امام ذالك الشباك الزجاجى يضربه بكل عنف لينفجر من شده قوتة
ليدخل صديقه على صوته الغاضب الذى رجاء جدران المقر
كريم : عدى ميصحش كدا الى بتعمله دا غلط
عدى بغضب : يبقى احسن لو مدخلتش
كريم : لا هدخل انت مكنتش كدا انت بقيت اصعب من الأول كل دا وحده تخليك كدا
عدى بتحذير : كريم متتكلمش معايا فى الموضوع دا نهائيا هتخسرنى
وتركه ورحل
لتأخده قدمه لذلك النيل
لتهوى أول دمعه لعدى الجارحى بعد فراقه عنها بانكسار وهزيمه
عدى بضعف : يارب أنا مش معترض بس انا تعبت بجد ارحمنى ورجعهالى أنا بجد من غيرها انسان صعب جدا أنا كرهت نفسى رجعهالى ارضى عليا فيها ياااااارب
عند يمنى
كانت تزورها كريمه كحال كل يوم بدموعها ودعائها لتعوده لابنها
لتستمع لصوت الاجهزة وتصفيرها المستمر
لتأتى الطبيبه على الفور
بعد ان فحصتها
الطبيبه : جهزوا العمليات بسرعه دى بتولد
شعر بألمها وانينها ليخرج هاتفه يتصل على المستشفى ليعرف بخبر ولادتها ليذهب لها
ما ان وصل
عدى : يمنى فين
كريمه : جوه
لم يتحامل الوقف اكثر من ذالك ليدخل لها
ليقترب منها يرها تأن وتنادى عليه رغم غيبوبتها
ليضع يده على راسها يمسح عليها بحنان
لتقول بصوت متقطع
يمنى : عدى متسبنيش كفايا وجع وبعد
عدى بضعف : أنا آسف سامحينى مش هبعد عندك تانى بس ارجعلى أنا تعبان اوى من غيرك
ليستمع لبكاء تلك الصغيره لتعلن عن وجودها فى الحياة لتكون رحمتا له حتى تعود روحه
بعد ان قبل يدها باشتياق
عدى : اهو رحمه جات ارجعى انتى بقى
الطبيبه : للأسف المدام لسه فى غيبوبه بس الطفله رغم انها اتولدت بدرى الا انى صحتها كويسه جدا مبروك اتفضل
ليحملها بين يده يتأمل ملامحها باشتياق لذالك اليوم يوم ولادتها
ليرى ملامح تلك الصغيره التى اسرة قلبه من أول لقاء نعم فهى تكون شبها وهى صغيره شبه صغيرتة بطه
ليضمه له بقوة
عدى : حمدلله على سلامة يا رحمه الجارحى
ليذهب بها لغرفتها بعد خروجها
يجلس جوارها وهو حاملها
عدى : اوعى تفتكرى انها عوض ليا فيكى لا هى عوض ربنا عشان يهدينى على الى أنا فيه بس عمرها مهتكون عوض ليكى أنا هستناكى زى ما انتظرتك كتير هنتظرك تانى عشان رجعلى الامل أنك راجعه بس ياريت متتأخريش عشان أنا مش قادر اعيش من غيرك ارجعيلى وارجعى لروحى روحى محتجاكى اوى يا عشق الروح
اخذها ورحل بها للقصر
ليلبسها الملابس التى اعدتها لها بحب بلونها الوردى
عدى : ايه القمر دا ما شاء الله انتى جميله وهدومك جميله
ليخرج تلك السلسال ويلبسها
عدى : وكدا بقيتى اجمل انتى شبها اوى أكيد هتطلعى زيها
ليضمها له بقوة يستمد منها قوته ليحاول العيش
بعد مرور شهر
فى قصر عدى الجارحى
عدى : ايوة جاى استنى بعمل الرضه متعيطيش
أهو يالا تعالى
ليحملها له ويطعمها
عدى : يالا يا حبيبتى عشان ننزل لماما
لتمسك يده كأنها اجابه على سؤاله ل
يقبل يدها بحب
عدى بتنهيده : ربنا بعتك ليا عشان يرحمنى من الى أنا فيه والى وصلتله كنتى رحمه ليا كنتى ومازلتى رحمتينى من حاجات كتير وخلتينى اصبر انتى مش بس تستاهلى أنك تكونى رحمة عدى انتى رحمة ربنا ليا
ليشعر بها تنادية بصوت خافت
ليخفق قلبه بقوة
لينزل لها فى الاسفل سريعا
فقد جلبها بعد الولادة لتكون قريبه منهم فى ذالك القصر الذى شاهده على كل شئ بينهم كان بدايه الطريق معاها
اقترب منها بقلبا مرتجف يراها تفتح عيناها ببطئ شديد تتطلع له
يمنى بصوت متقطع : عدى
عدى بفرحه : يمنى رجعتلى الحمدلله يارب
حرام عليكى 3 شهور ونص بعيده عنى اخدتى روحى وبعدتى ليه تعملى فيا كدا
يمنى : أنا اسفه اوعدك انى مش هعمل حاجه تانيه تتعبك او تبعدنى عنك أنا مش عارفه ايه حصل بعد ما دخلت
ليضع إصبعه على فمها ليسكتها
عدى : مش مهم المهم أنك رجعتلى
لتضع يدها على بطنها تمسح عليها
يمنى بخوف : عدى بنتى
عدى : اهدى انتى ولدتى
يمنى بصدمه : ولدت
عدى : ايوة جبتيلى رحمه وهى فعلا رحمه رحمتنى كتير من الى كنت فيه
يمنى بدموع : عايزة اشوفها ارجوك
عدى : حاضر
جلبها لها يضعها بين يدها
يمنى بفرحه : بنتى رحمه
لتضمها لها بقوة واشتياق
يمنى : يا حبيبتى لو تعرفى استنيتك كتير اوى اوى اخيرا جيتى الحمدلله يارب جبرت بخاطرى وفرحتنى وعوضتنى الحمدلله يارب ادتنى الصبر والفرج الحمدلله عوضتنى بعدى ورحمه عوضتنى بدنيا وحب وعشق وزوج واب واخ وصاحب وببنت منه عوضتنى بفرحه تخلينى مبسوطه طول حياتى بيهم عوضتنى براحه وامان طمائنينه لو فضلت اشكرك عليها يارب مش هوفيك حقك
ليضمها له بقوة
يمنى : أنا فرحانه اوى وأخيرا فرحتى كملت لما بقيت عندى عيله ليا أنا لوحدى انا الى كونتها
عدى : وانا كمان فرحان ان ربنا رجعك ليا وبعتلى رحمه عشان ارجع عدى رجعتونى لنفسى ودا زود حبكم جوايا اكتر واكتر
يمنى : أنا بعشقك يا عدى يا عشق روحى
عدى بعشق : وانا بعشقك يا عشق الروح
تمت بحمدالله
انتظروا الجزء الثانى من سلسله عشق وترابط الارواح
( لقاء الروح )
#عاشقان_الروح_ج1
#بقلمى_يمنى_الباسل
الخاتمه
قراءة ممتعة
بعد مرور 10 سنوات
فى القرية السياحية الخاصه بالجارحى
كانت تقرأ احد الكتب الخاصه بالطب لان حلمها أن تصبح طبيبه مشهورها رغم صغر سنها الا ان عقلها كبير وناضخ
ليجذبها الهواء له بعد ان تتطايرة قباعتها لتقف تقترب من شاطئ البحر ليزيد من تطاير شعرها الأسود الحرير بفستانها الوردى لتستنشقه وتغمض عيناها تبتسم ببطئ على ما تحلم به
تطلع اتجاهه بعد ان امسك قباعتها مرت لحظات طالت لدقائق حتى اقتربه منها
مالك : طايرة منك اتفضلى
لتنتبه له وتلتفت
رحمه برقتها المعتاده : شكرا لحضرتك
نعم حضرتك فمن يقف امامها رجل بالفعل وليس شاب فى العمر 22 عاما بجسده الممشوق ولحيته الهادئه ووقفته وهيبته كانت تنظر له كما تنظر لوالدها
رحمه : انت مين
مالك : اسمى مالك
رحمه : اسمك حلو
مالك : ربنا يخليكى
رحمه : وانا ر
ليبتر باقى كلمتها
مالك بتلقائية : رحمه
رحمه : انت تعرفنى
ليكمل بتلقائية واستغراب منه
مالك : لا دى تانى مره اشوفك
رحمه : بس انا مشفتكش قبل كدا دى أول مره ليا
مالك : هى فعلا أول مره ليكى
رحمه : المعنى
مالك : هقولك
رحمه : اتفضل
مالك : أول مره لما طنط يمنى عرفت أنها حامل
وادى المره التانية
مالك : يعنى انت مين
مالك : أنا مالك المهدى والدى الدكتور عبدالله وامى الدكتوره وفاء
رحمه : بجد انت ابنهم كنت فاكره نهى بس
مالك : ايوة أنا أكبر من نهى
رحمه : طيب ليه مكنتش بتاجى
مالك : كنت مشغول فى مذاكرتى لازم احقق حلمى
رحمه بتلقائيه : دكتور
مالك بابتسامه : ايوة دكتور عرفتى منين حد قالك
رحمه : لا هى جات معايا كدا عشان أنا كمان هبقى دكتوره ومش اى دكتوره أكبر جراحه بإذن الله
مالك : حلوة الثقة دى ولو احتاجتى حاجه أنا معاكى وموجود كلمينى فى اى وقت
رحمه : حاضر
فى الشاليه الخاص بعدى الجارحى
كانت تصلى الصبح
بعد أنا انتهت
ذهبت للشرفه قبل أنا تفتك به
ذهب خلفها يحتضنها يكبل حركت يدها حتى تسمعه
عدى : اسمعينى
يمنى : لا ابعد عنى أنا بكرهك
عدى : ما انا عارف اسمعينى بقى
يمنى : طيب قول
عدى : أنا شوفتك تعبانه ومرهقه عشان كدا مصحتكيش
يمنى : لا والله
عدى : امممم
يمنى : بردو بكرهك
وابتعدت عنه بصعوبه
ليذهب خلفها
عدى : وانا كمان بكرهك
يمنى بصدمه : بتكرهنى يا عدى
لتنساب دموعها بقوة
ليقترب منها
عدى : طبعا بكرهك وبكرهك اوى كمان
ليزداد انسياب دموعها
عدى : وحيات دموعك الى بتقتلنى دى أنا عاشقك بجنون
يمنى : يعنى مش بتكرهنى
عدى : بعشقك
لتضمه بقوة لها تخاف فقده حتى بعد مرور كل هذه الاعوام
يمنى : متسبنيش يا عدى
عدى : محدش بيسيب روحه وانتى روحى كلها
ليخرجها من احضانه يجفف لها دمعاتها الثمينه
عدى : مبحبكيش تعيطى وبعدين انا جايبك هنا عشان تنبسطى مش تعيطى وبخبث الى قوليلى الاسدال دا لونه ازرقه فاتح ولا غامق
مع كل كلمه كان يقولها يقترب منها وهى ترجع للخلف
يمنى بتحذير : عدى ابعد رحمه هتاجى دلوقتى
عدى : رحمه مش بترجع قبل الغداء واحنا لسه الساعه 8 يعنى الوقت دا ملكى أنا
يمنى : عدى لا انا متفقه مع البنات هننزل الصبح
عدى : بنات مين اصلا كله نايم مفيش غيرك الى بتصحى بدري
يمنى : عدى بطل الى بتعمله دا
ليحاصرها بينه وبين الحائط
ففقدت آخر قوة لها من الثبات من قربه المهلك
يمنى : عدى
عدى : يا روح عدى
يمنى : ابعد
عدى : حاضر
ليقبلها بشغف قبله دامت لوقت طويل ويحملها بين يده ويأخدها لعالمه الخاصه الملأ بعشقه لها عالم عشق الروح الخاص بها هى فقط
عند رحمه ومالك
بعد ان عادت لمكانها تمسك كتابها تعاود القراءه
مالك : بتقرأ ايه
رحمه : كتاب خاص بالجراحه
مالك : انتى مش شايفه سنك صغير
لترد بتلقائيه
رحمه : وانت كمان كنت بتعمل كدا اصلا فمتقوليش انى صغيره عشان هى بالعقل مش بالسن
واقفه الاثنين مصدومين من كلامهم
مالك بهروب : عن اذنك لازم امشى
تركها ورحل يفكر فيما قاله منذ 10 سنوات وردودها التلقائيه
وقفت هى مصدمه من معرفة ماذا يفعل هو رغم لم يتحدث أحدا امامه عنه ولكن لم تهتم كثيرا لذالك وعادة للقراءه لكنه ظل مستحوز على تفكيرها وذهبت لتتمشى وتستنشق بعض الهواء لعلها تنسى
ظلت تمشى كثير شارده به وبشخصيته
وكانت أن هتقع فى تلك الحفره
لينتشلها قبل وقوعها
لتغمض عيناها بخوف
ليرد بثقته المعتاده فى صدمه
مالك : متخفيش طول ما أنا معاكى
لتفتح عيناها ببطئ شديد تتطلع له بقوة
رحمه بتعب : ممكن تبعد عايزة اروح
مالك : تحبى اوصلك
رحمه : لا هروح لوحدى عن اذنك
مالك : بس انتى تعبانه
رحمه : وانت عرفت ازاى انى تعبانه
لم تتلقى منه اى رد
لتتركه وتذهب
وقف مصدم من حديثهم
واسأل كثيره دارت فى عقله
لما أشعر بها ؟!
ولما هى ؟!
ولماذا هى ؟!
لكنها صغير الا اننى أتحدث معاها كأنها فتاة كبيرا !!!
عند يمنى وعدى
كانت تجفف شعرها باهمال
ليقترب منها باستغراب
عدى : مالك فى ايه
يمنى : مش عارفه حاسه رحمه فيها حاجه عايزة اروحلها
عدى : وانا كمان حاسس بكدا
ليخرج هاتفه يتصل على احمد
عدى : احمد رحمه فين
احمد : راجعين
عدى : دلوقتى ليه فى ايه هى كويسه
احمد : مش عارف بس اتكلمت مع مالك ابن دكتور عبدالله مرتين وشكلها داخت لما كانت هتقع فى الحفره طفل عاملها
عدى بخوف : وهى كويسه جرارلها جاحه
احمد : لا مالك لحقها احنا دقايق ونوصل
واغلق معه باستغراب
يمنى بخوف : عدى بنتى مالها
عدى : اهدى هى كويسه على وصول
يمنى : طيب حصلها ايه
لقص عليها ما قاله احمد
يمنى بس استغراب : مالك
عدى : ايوة
يمنى : فاكر لما عرفنا انى حامل هو أول واحد قالى خلى بالك من رحمه معقوله يكون بيحس بيها
عدى : مش عارف بس لو بيحس بيها فعلا يبقى هى هتحس كمان
يمنى : ايوه فاكر من فتره اخدت فتره متخرجش من جناحها ولما سألتها قالتلى حاسه انى حد قريب منها تعبان وبصدفه وقتها عرفت انه مالك تعبان بس مهتمتش
عدى : واضح كدا انه فى عشق روح تانى فعلا
يمنى : بس بنتى هتتعب اوى يا عدى
عدى : ليه
يمنى : عشان مالك خطب بنت عمه امبارح
عدى بصدمه : ايه
رحمه : هو مين الى خطب دا
يمنى : رحمه حبيبتى انتى راجعتى
رحمه : ايوة مين الى خطب دا يا ماما
يمنى بارتباك : مفيش حد من اصحاب بابا
رحمه : متعرفيش تكدبى يا ماما
يمنى : مش بكدب المهم أنتى ايه الى راجعك بدرى
رحمه : عادى ممكن أنام فى حضنكم شويه
عدى : يااااه رحمه الجارحى بتطلب دا انتى تأمرى امر يا قلبى تعالى
رحمه بغرور : رحمه عدى الجارحى مش الجارحى بس
عدى : هههههههه والله زى امك
ليتلقى ضربه فى صدره بقبضتها الصغيره
عدى : خلاص ماما
رحمه : هههههههه يا بابا المفروض تكون حفظتنى زى ماما
عدى : فكك من ماما وتعالى احكيلى قراتى ايه يا دكتورتى
رحمه : بابا حضرتك مش زعلان منى عشان مش هبقى زيك
عدى : وازعل منك ليه وانتى فى يوم هتبقى دكتوره وهتنقذى الناس وداوى جروحهم اهم حاجة أنك تحافظى على حدود المهنه دى ومتعمليش حاجه تسئ ليها او تسئ ليكى ولازم تحافظى على اسمك واسم عيلتك بردو وطبعا دا يزيدنى شرف انى بنتى هتبقى كتوره
رحمه : حاضر يا بابا اوعدك ودا وعد من رحمه عدى الجارحى
عدى : عارفك يا حبيبتى قد وعدك
رحمه : وكمان هساعدك فى شغلك
عدى : لا كدا كتير رحمه عدى الجارحى بنفسها هتساعدنى
رحمه : عد الجمايل بقى
عدى : هههههههه هعدها بس ارجع من إيطاليا وهاخدك مكان هتحبيه اوى
رحمه : بجد يا بابا
عدى : بجد يا روح بابا
لتقترب منهم بعد ان استمعت لحديثهم
يمنى : طيب ما تخدنا معاك احسن
عدى : قولت مليون مره لا سفر بره مصر لا انا مش ببقى ضامن نفسى هنا وحد يموت فى ايدى بسببكم عايزين تروحوا بره يبقى الحرب العالميه الثالثه هتقوم
رحمه : واحنا زنبنا ايه يا بابا
عدى بغضب : زنبك أنك حلوة اوى زى مامتك وتشوفوا صرفه بقى هى وحده مش هيبقى اتنين
رحمه بتلقائيه : هو هيحمينى زى ما بتحمى ماما
وقفا الاثنين فى صدمه من حديثها لم يعلموا ماذا يقولوا لها
ليخطر على بالها فكره تنسي ابنتها ما قالته
يمنى : انتى مش قولتيلى نفسك تتعلمى ازاى يتعمل الكب كيك بتوت
رحمه : ايوة
يمنى : طيب تعالى هنعملوا مع بعض ونتغدا وبعدين ننام
رحمه بتفكير : اشطا يا مامتى يالا بس بابا هياجى معانا
عدى : بابا هياجى معاكم بعد ما كان محدش يعرف انى بدخل المطبخ بس البركه فى مامتك
رحمه : الا فاكر السنه الى فاتت يا بابا حصل ايه
عدى : ههههههههههههه لا متفكرنيش
يمنى : ومتفكركش ليه وانت موت من الضحك
عدى : احم وانا اقدر يا روحى بردو
رحمه : نحن هنا على فكره
يمنى : طيب يالا يا لمضه على المطبخ
فى المطبخ
وقفت تعد الكب كيك باندماج
ليقترب عدى من رحمه يهمس لها بكلمات جعلتها تضحك
عدى : هش هتأخد بالها
رحمه : خلاص اهو سكت
عدى : جاهزة
رحمه : ايوة
ليقبض كل منهم فى يده بعض الدقيق
عدى : 123 يالا
لينفخوا عليها ويضحكوا بقوة على مظهرها
وقفت بغضب تتطلع لهم
يمنى : أنا غلطانه انى بعملكم حاجه اصلا أنا ماشيه وزعلانه منكم
ليمسكها قبل رحيلها
عدى : خلاص آخر مره
يمنى : لا زعلانه منكم
رحمه : خلاص يا بطوط متزعلش بنهزر معاكى
يمنى : لا
عدى : طيب هاخدك الملاهى
لتتطلع له بطرف عيناها
عدى : امممم
يمنى : امتى
عدى : اما ارجع
يمنى : يبقى هفضل زعلانه منك لحد ما ترجع اوعه كدا
عدى : خلاص بكره
يمنى : بليل
عدى : لا لازم المكان يتأمن وميكونش فيه حد
رحمه : لا خلينا وسطا الناس والاطفال يا بابا
عدى : لا
يمنى : خلاص يا عدى عشانى انا
عدى بتنهيده : امرى لله
رحمه : هااااااااااى وهنخرج انهارده
يمنى : يالا غيرى هدومك والبسى لبس رياضى عشان تعرفى تلعبى كويس
رحمه : ينفع ندى والبنات يروحوا معانا
يمنى : طبعا هقولهم
عدى : ربنا يستر
يمنى : بقيت بتدعى زى عبد الرحمن
عدى : عرفت معاناته
يمنى : امممم وبعدين عاجبك الى عملتوا فيا دا
عدى : قصدك عاجبك الى انتى عملتيه فيا خلتينى مجنون
يمنى : هههه أنا معملتش حاجه
عدى : بقى معملتيش حاجه
يمنى : لا معملتش
ليقترب منها بخبث
عدى : الا قوليلى باقى قد ايه على الغداء
يمنى : عدى متقربش
عدى : لا هقرب
يمنى : عدى لا
يمنى : عدى خلاص أنا مش عارفه باقيت قليل الادب اووى كدا ليه
عدى : هقولك
ما ان اقترب منها حتى قاطعهم رنين الباب
لتجرى سريعا لغرفتها
عدى بغضب : مين
أية : أنا أية
عدى : مينفعش تتأخرى شويه
أية : هو انا جيت فى وقت مش مناسب ولا ايه
عدى : علطول مواعيدك مش منأسبه
أية : يا سلام الا فين يمنى
عدى : بتأخد شور
أية : امممم شور
عدى : عارفك هتتسلى عليها كانت بتعمل كب كيك وهدومه بقيت مش نضيفه
أية : امممم كب كيك
عدى : هو فى ايه يا بت انتى
أية : ابدا مفيش عايزاها
عدى : ابقى قوليلها بكره عشان بعد الغداء هنروح الملاهى
أية : قول والله
لم تتلاقى منه اى رد
أية : بس انا كدا فهمت همشى احسن
يمنى : مين يا حبيبى
ليلتفت لها بصدمه
عدى : لو فاكره أنك هتروحى بالفستان دا تبقى بتحلمى
يمنى : ايه مالوا والله واسع
عدى : واسع فين دا هياكل منك حته اصلا
لتقترب منه تحاوط عنقه
يمنى بدلع : امممممم مش كنت تقول كدا بهدوء بدل العصبيه دى
عدى : طيب ما احنا نلغيها احسن
يمنى : نوووووو
عدى : يبقى تقلعى الأسود دا
يمنى : حاضر تحب البس لون ايه
عدى : مهو المشكله انه كل ما تلبسى واحد عايز ياكل منك حته عشان كدا بقولك نلغيها
يمنى : انهارده بس عشان رحمه والولاد
عدى : ماشى يالا روحى غيرى
يمنى : تعالى معايا عشان تلبس
عدى : ماشى
ليحملها بين يده ويذهب بها لغرفتهم
اجتمع الجميع على طاولة الغداء
عبدالرحمن : كان لزمته ايه الملاهى دلوقتى
مصطفى : خلوا الاولاد بس تروح احسن
عدى : ونحبس البنات سيادتك انت وهو الى مش عاجبوا ميجيش أنا هخدهم ولا أنتوا عندكم اى اعتراض
عبدالرحمن : لا طبعا وانا اقدر
مصطفى : خد راحتك يا نسر
ليقترب منهم مالك بطلته الخاطفه
مالك : سلام عليكم
ليرد الجميع : وعليكم السلام
ليقترب منه عدى
عدى : ازيك يا مالك
مالك : بخير الحمدلله وحضرتك يابشمهندس عدى
عدى : الحمدلله بس خليها عمى افضل
مالك : حضرتك مش قريب منى عشان اناديك عمى
عدى : حتى معتذرتش
مالك : واعتذر ليه وانا مغلطش دا حقى
عدى : عاجبنى ردودك وثقه بنفسك
مالك : شكرا عن اذنك أنا مبحبش اتكلم كتير
ليلتفت لوالده
مالك : أنا خارج حضرتك عايز منى حاجه
يمنى : مش تستنى تتغدا معانا الأول
كانا سيجبها لكنها قطعت حديثه بطلتها الخاطفه للانفاس
فكانت ترتدى زى رياضى باللون الأسود
رحمه : تعالى اتغدا معانا دى أول مره تبقى معانا ممكن
مالك بتوهان : ممكن
وجلس معاها بتوهان لا يدرى ما بحاله
وفاء : برافو على رحمه قدرت تخليه يقعد من أول ما قالتلوا دا انا ليا ساعتين بتحايل عليه هو بيحب الاطفال اوى عشان كدا ميقدرش يرفض ليهم اى طلب
يمنى بارتباك : اة طبعا
ليقترب عبدالله من عدى
عبدالله : أنا آسف على ردود مالك بس هو
لقطع حديثه
عدى : متعتذرش عشان هو مغلطش وبعدين هو راجل وعارف كويس هو بيقول ايه ربنا يخلهولك وتفرح بيه
عبدالله : يارب يا عدى تسلمى
عدى : يالا الغداء هيبرد
كانت ترقبهم جيدا
عدى : هتلفتى الانتباه على الفاضى
يمنى : يعنى انت مش شايف
عدى : شايف بس الى هيشوف هيشوف واحد بيتعامل مع طفله عنها 10 سنين احنا بس الى نعرف انها ذكيه وناضجه وعقلها أكبر من سنه ومحدش يعرف دا عشان كدا أنا هسفرها بره تكمل دراستها
يمنى : هتبعدها عندى
عدى : اهدى هنتكلم لما نرجع القاهره متضيقيش عشان اليوم ميبقاش وحش خليكى مبسوطه وتأكدى انى بعمل الصح عشانها
يمنى : عارفه
فى المساء ذهب الجميع للملاهى
البنات مع بعضهن فى ناحيه بيلعبوا
والاولاد مع بعضهم فى ناحيه بيلعبوا
لتقترب منه
يمنى : عدى عايزة أركب دى
ليتطلع لما تتطلع له
عدى : لا
يمنى : لا ليه
عدى : عشان هدوخى
يمنى : لا ما انت هتركب معايا
عدى : متهزريش
يمنى : لا مش بهزر
عدى : يمنى لا
يمنى : على فكره انت مش بتدى عيلتك حقها خايف على اسمك وبس فاكر المره الى فاتت فضيت الملاهى كله فى القاهره عشان خايف الناس تتكلم
عدى بهدوء : اولا أنا مهما ادى عيلتى فمش هديها حقها
وانا مش بخاف وانتى عارفه كويس انا فضيت الملاهى عشان تاخدى راحتك ومحدش يبص عليكى كله خوف عليك وانتى بردو عارفه كدا
ومش عايزك تركب دى عشان صعبه ومش هتتحمليها
يمنى : عدى أنا مش قصدى
عدى : الى شيفاه انتى صح اعمليه
يمنى : أنا معاك فى اى حاجه عشان انت عارف كويس الصح ومش هركبها بس ينفع تمرجحنى
عدى : ينفع تعالى
كانت تلعب معهم وتركتهم لانها تخاف السرعه والمرتفعات
ظلت تمشى وراء تلك الفراشه بالوانها الزاهيد الى ان اخذتها لمكان شلالات وخضراء مع ضوء القمر فكان مكان ساحر ظلت تتأمله
الى ان اقتربه منها شبان
الشاب الأول : ايه الحلاوة دى
الشاب التانى : بقولك ما تيجى معانا
رحمه : أنتوا مين واجى معاكم فين
الشاب الأول : ايه الرقه دى يالا خدرها بسرعه عشان نخدها
ليقترب منها الشاب الثانى
رحمه بخوف : متقربش منى بابا مش هيرحمك
كادا بأن يلمسها
لتغمض عيناها بقوة تانى عليه
رحمه بخوف : مالــــــــــك
ما ان نادت عليه حتى استجاب لندائها
ليضربهم بكل قوته ليفروا هاربين بخوف
ليقترب منها فكانت ترتجف بقوة وتنادى عليه
رحمه بارتجاف : مالك تعالى
ليقترب منها يضع يده على خدها
مالك : اهدى أنا معاكى
لتفتح عيناها ببطئ شديد تتطلع له
لتختضنه بكل قوتها تقبض على قميص بقبضتها الصغيره بقوة
رحمه بخوف شديد : مالك ابعدهم عنى انا خايفه اوى منهم هيخدونى منك
ليمسح على شعرها وظهرها بحنان
مالك : اهدى متخفيش محدش يقدر ياخدك منى هما مشيوا خلاص
رحمه : مشيوا يعنى
مالك : ايوة تحبى اوديكى لماما
رحمه : لا خلينى معاك أنا مش خايفه بدام معاك
كان يمرجحها حتى خفقه قلبها
يمنى بخوف : عدى رحمه فيها حاجه
ليخرج هاتفه يتصل على احمد
عدى : رحمه فين
احمد : مش عارف بدور عليها ليا ساعه
عدى بغضب جامح : هو أنا مش مأمنك عليه اقلب الملاهى كله فورا
لتنساب دموعها
يمنى : يارتنى ما سمعت كلامها قالتلى هتركب مع البنات
عدى : اهدى وتعالى معايا
ظلوا يبحثوا عنها ولم يجدوها
عدى بغضب : اقلبوا الدنيا عليها
ليرى مالك يأتى بيها بين يده نائمه
ليقترب منه بغضب لتمسك يده
يمنى : اهدى متعملش حاجه
ليذوب غضبه على الفور فإبنته بالنهايه بخير
ليعطيها لها
مالك : اطمنى محدش يقدر يإذيها
يمنى : شكرا
نهى باستغرب : انت جيت امتى
لم يجيبها ورحل
لتضمها لها بكل قوته
يمنى : الحمدلله يارب
ليقترب منهم عدى يمسح علي راسها بحنان
يمنى بتعب : روحنا
عدى : يالا
ليحملها منها وامر الجميع بالعودة
فى غرفتهم
عدى : هاتيها هوديها اوضتها
يمنى : لا خليها معانا
ليختضهم بقوة يخاف فقدانهم
ليسمعوها إنينها
رحمه : مالك متسبنيش
لتتطلع لعدى
عدى : لازم تسافر عشان مترجعش تشوفوا تانى
يمنى : وفكرك كدا هتنسى
عدى : لا بس اهو محاوله هو هيتجوز وهى لسه صغيره خليها تنشغل
يمنى : هتبقى لوحدها
عدى : متخفيش هيبقى معاها حرس كتير هناك
يمنى : أنا مش هبعد عنها انا تعبت فيها اوى مش هقدر يا عدى مش هقدر اسيبها كدا بسهوله
عدى : مجبورينى
لتضمها لها بدموعها ودعائها الى ان نامت وظل هو مستيقظ يفكر فيهما
عند مالك
لم يعد ظل يفكر بها و بأفعاله كثير وشعوره بها
ايعقل انه احب طفله لدرجه انه يشعر بها
لينفض تلك الفكرة من عقله لكن قلبه رفض ذلك ليحسم قراره من الزواج بابنة عمه عند عودته
فى الصباح استيقظت لتراهم نائمين
لتقوم بدون ان تصدر صوت تغير ملابسه وتخرج لكنه شعر بها
ذهبت لذلك المكان رأته يتمشى على الشاطئ
لتقترب منه
رحمه : مالك
شعر بقربها لكنه لم يلتفت الى ان نادت عليه ليلتفت لها
لتذهب ما تبقى من عقله بفستانها الأسود
مالك : نعم
رحمه : شكرا ليك
مالك : أنا معملتش حاجه
رحمه : تعرف انت زى بابا لما ماما بتنادى عليه فى لحظه ياجى ينقذها
مالك : ليه مامتك اتخطفت قبل كدا
رحمه : ايوة
مالك : اممم طيب أنا ماشى سلام
رحمه : مالك
ليلتفت لها قبل رحيله
رحمه : ممكن تفضل معايا يعنى كلمنى عن دراستك
ليلبى طلبها على الفور
ظل يتحدث عن دراساته ساعات الى ان نامت على كتفه وشعرها يتطاير ليتأملها
مالك : يا سبحان الله سبحانك ياربى وحدك من وضعت الجمال والعقل بها
ظل يتأملها لساعات الى ان اقترب منهم احمد
احمد : بقالها فتره نايمه
مالك : ايوة وانت مين
احمد : أنا الحارس بتاعها
وكادا يحملها
مالك بغضب : انت اتجننت ازاى تقرب منها
احمد : أنا آسف بس هرجعها
مالك : لا انا الى هرجعها
ليحملها ويذهب بها للشاليه
فى الداخل
وصل بها لاستقباله والدتها
يمنى : مالك هى نمت من بدرى
مالك : يعنى
يمنى : طيب دخلها اوضتها معلش هى نومها تقيل شوية وبتنام لما تحس بهدوء وراحه وامان
ليضعها على الفراش بحنان ويدثرها جيدا يتطلع لها كأنها ملاك او جنيه من شده السلام الظاهر فى ملامحها
ليلتفت لغرفتها تلك الصوره الموضوعه على المكتب يتطلع لها بصدمه كيف لفتاة صغيره ترسم شخص باحترافيه
لينتبه على صوتها
يمنى : فى حاجه يا مالك
مالك : لا انا بس مستنى حضرتك عشان اخرج
يمنى : طيب اتفضل
عدى : استنى
مالك : افندم
يمنى : عدى فى..
ليبتر باقى حديثه
عدى : ادخلى
لتلبى امره
عدى : أنا هتكلم معاك كأب عشان لو اتكلمت معاك كعدى الجارحى هتندم كتير ياريت تبعد عن بنتى
مالك : أولا أنا مش بخاف غير من الى خلقنى وعارف حدودى كويس
ثانيا هتكلمنى بتهديد فدا ميهمنيش
أنا معملتش حاجه غلط ودى طفلة زيها زى اى طفلة بتعامل معاها أنا اصلا راجع انهارده
وكدا الرحيل ليعوده له
مالك : وحضرتك معزوم على فرحى الخميس الجاى الى هو بعد 4 ايام ياريت تشرفنا والكتكوته كمان عن اذنك
ليتطلع له حتى اختفه
ليضع يده داخل سرواله بتفكير
عدى : والله فعلا طلع زى
ياترى هيحصل ايه انسى بنتى ازاى
ليشعر بقربها
عدى : مش عارف أعمل ايه
لتضع رأسها على كتفه
يمنى : سبها على الله
بعد مرور 4 ايام
فى المساء
فى فيلا المهدى
حديثه زفاف مالك
كان يرقص معاها ولكنه بعالم آخر كان يفكر بها منذ رحيله
نهى : والله كنت هزعل منك لو مجتيش
رحمه : جيت عشانك بس أنا مش بحب اصلا الافراح والزحمه
نهى : طيب تعالى شوفى مالك ومراته
رحمه بصدمه : هو مالك العريس
نهى : أه شوفى كدا
لتتطلع له بصدمة لتنساب دموعها بعزاره بتلقائيه
شعر بها لينظر لها كادا الرحيل لها لكن زوجته منعته
رأى العتاب فى عيناها فقد فهم كل نظراتها
لتنسحب بهدوء
تذهب للسيارة
رحمه : اطلع على القصر
احمد : طيب بس ابلغ عدى بيه
رحمه بصراخ : قولت اطلع على القصر
ليلبى امرها على الفور
وذهب بها الى القصر
لتقترب منه
يمنى : عدى مشفتش رحمه
عدى : لا كانت مع نهى نهى تعالى
نهى : نعم يا عمو
عدى : حبيبتى فين رحمه
نهى : معرفش كانت معايا وشفتها بتركب العربيه
ليتلقى رساله من احمد عارف انها بالقصر
عدى : هى فى القصر
يمنى : ايه روحت لوحدها حصل ايه خدنى ليها
ليذهبوا لها على الفور
فى قصر الجارحى
يمنى : خليك وانا هدخلها
عدى : طيب
فى جناح رحمه
رأتها تبكى بحرقه أول مره ترأها هكذا لتقترب منها
يمنى : مالك يا حبيبتى مين زعلك
لتجيبها بدموع تمزق القلوب
رحمه بارتجاف : اتجوز يا ماما بعد ما كل ليله بحلم بيه
يمنى : حبيبتى انتى لسه صغيره مش معنى انه كان بيتعامل معاكى بحنان تبقى تتجوزيه هو شخص كبيره وانتى صغيره ولما تكبر ربنا هيبعتلك شخص يناسبك قادر انه يعمل اى حاجه عشانك عشان بس تكون مبسوطه
رحمه : بس انا عايزة مالك
أول واحد انادى عليه لما كنت هتخطف هو
هو انقذنى اول ما غمضت عينى وناديته جه علطول زى ما انت ناديتى على بابا وجه انقذك
يمنى : رحمه يا حبيبتى انتى صغيره مينفعش تفكرى غير فى دراستك وبس وبعد ما تكبرى تفكرى في أنك تدعى ربنا يبعتلك شخص كويس وبس انما الحب دا يبقى للشخص الى هيبقى جوزك غير كدا مينفعش تربيتك ولا دنينك هيسمحولك تفكر فى واحد متجوز
رحمه : يعنى أعمل ايه
يمنى : تبقى قوية زى ما ربيتك وتهتمى بدراستك بجانب واجبك الدينى
رحمه : حاضر يا ماما
يمنى : جهزى نفسك عشان هتسافرى تكملى دراستك بره
رحمه بفرحه : بجد بابا وافق
يمنى : ايوة يا حبيبتى يالا قومى غير هدومك وهبعتلك الداده بالعشاء تكلى وتنامى علطول عندك مشوار طويل ولازم تنجحى فيه وعد الإصبع
رحمه : وعد الإصبع
لحتضن امها بقوه
رحمه : ربنا يخليكى ليا يا امى
يمنى بتنهيده : ويخليكى ليا يارب وميحرمنش منك ابدا ولا من وجودك معايا يارب
رحمه : خليكى دايما راضيه عنى
يمنى : معنديش غيرك ارضى عليه فرضايا كل ليكى
خرجت تبحث عنه فى القصر فعلمت انه بالجناح
ذهبت له بحث عنه وجدته فى الاسفل لتذهب له
يمنى : حبيبى
لم يلتفت لها لأول مرة يكون عاجز عن حماية روح ابنتة
عدى : اممم
يمنى : رحمه كويسه اهدى
عدى : مش هتنسى
يمنى : هتنسى لما تنشغل فى دراستها بره
عدى : انتى موافقه
يمنى : مفيش غير الحل دا
عدى : هكلمهم
يمنى : احميها كويس
عدى : حاضر
ليحاول اخراجها هى أيضا
عدى : الا قوليلى هتفضلى لابسه الفستان والحجاب كدا كتير
يمنى : انت فى ايه ولا فى ايه
عدى : أنا فى كله
ليقترب منها يقبلها بشغف
ويحملها ويرحل بها للجناح
يمنى : استنى رايح فين
عدى : طالع الجناح
يمنى : لا انا عايزة أركب غضب
عدى : بكره
يمنى : لا دلوقتى عشانى عشانى عشانى
عدى : خلاص امرى لله
لينزلها وذهبوا للاسطبل وجلب غضب واركبها عليه وركب هو خلفها
عدى : مبسوطه كدا
يمنى بفرحه : جداااااا
عدى : يارب دايما
يمنى : حبيبى فاكر أول مره لما كنت هتخبطنى بالعربيه
عدى : طبعا وقتها أول مره اشوف ملاك على الارض
لتبتسم على إثر جديثه
يمنى : ليه احمد قالك وقتها امشى وانا هتصرف معاها
عدى : بلاش نقلب فى القديم احسن لينا
يمنى : اممممم فهمت
طيب عرفت ازاى انى سرحانه
عدى : مش عارف حسيت بكدا وقولتها بتلقائيه وخوف عليكى بس تعرفى حبيت الصدفه دى جدا وكل صدفه معاكى بعديها عشقتها
يمنى بسعاده : وانا عشقتك انت
رحمه : الله الله سيبينى عشان انام وانتوا تركبوا غضب بقى بتضحكوا عليا خدونى معاكم
يمنى : عدى هاتها
عدى : لا
رحمه : عشانى يا بابا
تعلم نقطه ضعفه هذه الكلمه بالتحديد
ليحملها ويركبها امامها لتحتضنها بسعاده
رحمه : أنا مبسوطه بقالى كتير مركبتش غضب
ليجيبها بصهيلا عالى
لتضحك بكل قوتها
رحمه : ههههههههههههه انا بحبك وبحب ماما وبابا اووووووى
يمنى : وانا بحبك يا حبيبتى
عدى : وانا بحبك يا روحى
لتميل عليه بصوتها الخافت
يمنى : بعشقك يا عدى بعشقك يا عشق روحى
عدى : وانا بعشقك يا عشق الروح
تمت بحمدلله
#عاشقان_الروح_ج1
#بقلمى_يمنى_الباسل
