رواية غمرتني عشق الحلقة الخامسة

صفحتنا علي فيس بوك

تحميل تطبيق لافلي Lovely

قصه سرداب الموت (كامله)

رواية الشادر الفصل الثامن

الحلقه ٥
رواية غمرتني عشق الحلقة الخامسة

اللهم إني أسألك الجنة وما قرب إليها من قول وعمل، وأعوذ بك من النار وما قرب إليها من قول وعمل، اللهم إني اسألك رضاك والجنة وأعوذ بك من سخطك والنار.

بسم الله نبدأ

عشق لفت على جيرانها كلهم ولمت مبلغ كويس وطلعت بيه على الصيدليه واشترت الادويه

ام طارق: طب انتي هتمشي ازاي لوحدك كده يابنتي، كلمي عمك جابر يوصلك، والله لو طارق هنا كنت قلتله يوصلك لكن خرج علي شغله

عشق: ياخالتي ربنا يعين كل واحد على حاله، متقلقيش عليا انا هركب مواصلات وان شاء الله هوصل بسرعه، لكن هقلق عم جابر دلوقتي ليه؟ ، زمانه قرب ينام، عموما تسلمي ياخالتي على تعبك معايا

ام طارق: انتي بنتي ياعشق وربنا يعلم محبتك في قلبي، ربنا يستر طريقك يابنتي ويقومك يافاديه بالف سلامه

عشق : يااارب ياخالتي، سلامو عليكو انا بقه عشان متأخرش

ام طارق :وعليكم السلام ياحبيبتي، ربنا معاكي يارب
ومشيت عشق على المستشفى
وصلت وطلعت بسرعه للدكتور وسلمته الادويه وقعدت تبص على مامتها

الدكتور علق المحاليل وطلع لعشق

عشق: ها يا دكتور،، طمني الله يخليك

الدكتور: الحمد لله الحاله بدأت تستقر، بس طبعا محتاجه متابعه اكتر عشان الأمور متتطورش

عشق بدموع: يعني هي هطول يا دكتور في القعده هنا

الدكتور: والله ده متوقف على استجابتها للعلاج، وأن شاء الله خير

عشق سابته وقعدت على الأرض ودموعها نزلت
الدكتور: يا انسه صدقيني والدتك كويسه، الموضوع كله محتاج شويه اهتمام وهتبقى زي الفل، يعني مش مستاهل كل اللي انتي عاملاه في نفسك ده

عشق بتعيط ومردتش
الدكتور بتفكير : طب بصي انا ممكن اسمحلك تقعدي معاها هنا في المستشفى بس هتقعدي في اوضة الممرضات، وانا هوصيهم عليكي

عشق بابتسامه حزينه : ياريت يا دكتور، انا مش قادره ارجع البيت من غيرها، انا ماليش غيرها في الدنيا

الدكتور: خلاص قومي بس وتعالي معايا

واخدها وراح أوضة الممرضات

الدكتور لكبيره الممرضات: بصي يا بسمه، انا عايزك تاخدي بالك من الانسه دي، ولو حد سألك عليها قولي انها قريبتك،

بسمه : من عنيا يا دكتور، بس هي تخص حضرتك

الدكتور: دي بنت الحاله اللي دخلت العنايه انهارده، وبصراحه صعبت عليا اروحها دلوقتي لوحدها من غير والدتها، فخليها معاكي، وهي شكلها هاديه ومش بتاعة مشاكل

بسمه: تحت امرك يا دكتور محمد، (وبصت لعشق)، تعالي يا انسه، هو انتي اسمك ايه

عشق: اسمي عشق،

بسمه : الله، اسمك حلو قوي ياعشق، تعالي اقعدي هنا، وأن شاء الله والدتك هتقوم بالسلامه

عشق: يارب، ويشفي كل مريض

وفعلا عشق قعدت، واتعرفت على بسمه، واتكلمت مع دكتور محمد وفي الاخر سابهم ومشي،
بسمه سابت عشق وراحت طبعا تشوف شغلها ونبهت عليها متخرجش من مكانها الا بالليل متأخر عشان محدش ياخد باله انها موجوده والا هيخرجوها
وفعلا عشق التزمت بالكلام ومتحركتش

بعد وقت طويل، جت بسمه تعبانه، وكانت نبطشيه ومطبقه ومنامتش،

عشق: مالك يابسمه، شكلك مجهد قوي، ليه كده

بسمه: بقالي يومين منمتش ياعشق والله، والناس مبترحمش، يلا خير، ربنا يشفي كل مريض

عشق :يارب يا حبيبتي ويجعله في ميزان حسناتك
طيب متحاولي تنامي شويه، ولو حصل حاجه هصحيكي

بسمه : لا،، دي الورقه دي فيها مواعيد ادويه للمرضى بأرقام الأوض،ولازم ابقى صاحيه عشان اديهم ادويتهم

عشق: طب نامي حتى ١٠ دقايق يفوقوكي،
بسمه: خلاص ماشي انا بس هغمض عيني شويه، وانتي يا عشق، اوعي تنسى تصحيني، احسن تضيع فيها ارقاب دي أرواح ناس يا حبيبتي

عشق ابتسمت : لا متقلقيش يا حبيبتي، هصحيكي، هاتي بس الورقه دي سيبيها هنا، وأن شاء الله هصحيكي،

وفعلا بسمه نامت وعشق فضلت قاعده تقرأ في الورقه وتتعرف على الادويه اللي موجوده في الاوضه

——————بقلم شيمو الخطيب رواية غمرتني عشق الحلقة الخامسة
في فيلا العزيزي

رنا واقفه مصدومه من كلام حسام
رنا: انت بتقولي انا الكلام ده يا حسام.
انا رنا العزيزي، ابقى ولا حاجه،

حسام ببرود: ايوه يا رنا ولا حاجه، ايه غريبه دي، ولا عشان محدش قالهالك قبل كده،

رنا : هو فعلا محدش قالهالي، ولا يجرؤ يقولها، وانا هعتبر نفسي مسمعتش منك حاجه ياحسام

حسام قام وقف: لا يا انسه رنا، اعتبري نفسك سمعتي، لان رأيي فيكي مش هيتغير، ولتاني مره بقولك. انك ولا،، حاجه

رنا بدموع وضيق: صدقني يا حسام، انت هتندم ندم عمرك على كلامك ده،

حسام : وانا نفسي اندم، ونفسي الاقي مبرر واحد لتصرفاتك، لكن للأسف مش لاقي، عموما انا ميهمنيش الاقي اي مبرر ليكي، لأنك مش في اهتماماتي اصلا، انتي مجرد اخت اعز صاحب ليا وبس، غير كده لا،

رنا بعياط: انت بجد انسان عديم الذوق، انا بكرهك، بكرهك ياحسام
وسابته ومشيت، وهو قعد على الكرسي مكانه وضربات قلبه سريعه. ومش عارف هو صح ولا غلط

—————
قاسم: هو انتي جايه تقعدي معايا عشان تفضلي ساكته، لو هتفضلي كده، يبقى ارجع لحسام احسن

جيجي بصتله بدموع :هو حسام عندك احسن مني ياقاسم؟

قاسم ببرود: انا حسام عندي احسن من نفسي ياجيجي، فياريت متقارنيش نفسك بيه نهائي، لأنه مينفعش يتحط في مقارنه مع حد

جيجي بصدمه: للدرجادي ياقاسم بتحبه

قاسم بنفاذ صبر: هو انتي جايه تتكلمي عن علاقتي بحسام ولا ايه، متنجزي يا جيجي وهاتي من الاخر

جيجي اتكلمت بخنقه: انا عايزه اعرف انت ليه كده، ليه كل القسوه اللي جواك، ليه معندكش مشاعر، طريقتك دايما جافه، واسلوبك حاد في الكلام، مش بتراعي مشاعر اللي قدامك خالص

قاسم باستغراب: ياااااه، انا كل ده، ده انا طلعت وحِش قوي،(لف وشه ليها) بصي يا جيجي، لو على المشاعر فأنا فعلا معنديش مشاعر، معرفش يعني ايه حب، معرفش اتكلم كلام اضحك بيه على اللي قدامي، لو طريقتي جافه واسلوبي حاد، فده طبع، يعني ربنا خلقني كده، واظن ان اسلوبي مش معاكي انتي بس، انا تقريبا مع الناس كلها كده، فيا هتقبليني على كده، يا اما ننهي الموضوع وكل واحد يمشي حياته زي ما هو عايز

جيجي: بالسهوله دي ياقاسم، (وقربت منه وحطت راسها على صدره وقاسم نفخ بضيق)، بس انا بحبك ياقاسم، انا مقدرش اتخيل حياتي من غيرك، انت ازاي بتتخلي عني بالبساطه دي،

قاسم بعدها عنه : انتي اللي اسلوبك بيبعدني عنك يا جيجي ، ليه لمجرد ان حصل بينا مشكله جريتي وعرفتي العيله كلها وياريتها مشكله تستدعي اللي عملتيه، بالعكس، دي مشكله صغيره تقدري انتي تحليها وتمتصي غضبي، لكن للأسف انتي محاولتيش تحليها بنفسك، انتي اتعودتي دايما ان كل حاجه تطلبيها تتنفذ،وفورا، وبصراحه انا الاوبشن ده مش عندي، جيجي انتي لازم تتحملي مسؤوليه تصرفاتك ،
( وفجأه ظهرت صورة عشق قدامه وسرح فيها)

جيجي: انا بحبك ياقاسم، ودايما بحب اعمل كل حاجه معاك بس انت مبتدنيش فرصه، ليه مش عارفه،؟ انا بجد بقيت حاسه اني مفروضه عليك

قاسم مسمعهاش خالص لان تفكيره كله في كلام عشق في القسم وجرئتها وتمسكها بحقها برغم كل الضغوط اللي اتعرضت ليها:…………..

جيجي باستغراب: قاسم،،، قاااااسم ، انت سرحان في ايه

قاسم: ها،،،، احم،، لا مفيش حاجه، كنتي بتقولي ايه

جيجي بضيق : لااا، انت مش معايا خالص، (واتنرفزت جامد) مكنتش بقول حاجه ياقاسم، يلا نرجع ليهم، من الواضح انك عايز تقعد مع صاحبك

قاسم قام ومردش عليها وهي اتغاظت منه اكتر، لكن قررت انها لازم توقعه في حبها باي طريقه، ومش هتتخلي عنه ابدا

قاسم وصل وكان حسام قاعد لوحده

قاسم : ايه يا حضرة الظابط، اتاخرت عليك

حسام بضيق : لا يا كبير ولا يهمك،

جيجي: انا داخله جوه، محتاج مني حاجه يا قاسم

قاسم: لا يا جيجي شكرا،،

جيجي سابتهم ودخلت، وقاسم حس ان حسام مدايق ومش على طبيعته

قاسم؛ مالك يا حسام، حصل حاجه دايقتك ولا ايه

حسام : لا ابدا ياقاسم، المهم عملت ايه مع جيجي، اتصالحتوا

قاسم احترم رغبة حسام في عدم الكلام وغير الموضوع عشان يخرجه من ضيقته : هو احنا كنا متخاصمين، دي دماغها فاضيه يابني، قال ايه عايزه مشاعر وأحاسيس، وحب، وانا والله لو اعرف اعمل كده مش هتأخر، بس اخوك معدوم المشاعر بعيد عنك، هههههههه

حسام: هههههههه، انت هتقولي، ده البت تقعد تتدلع عليك سنه، وانت ولا بتتهز، ولا كأن في بنات قدامك، الواحد مننا بينهار، وانت واقف أسد، مبتتهز شعره منك

قاسم: ههههههه، اه فاكر ياض البت اللي كانت في الفندق، انا فجأه لقيتها في اوضتي، ونايمه على السرير، وقال ايه عايزانى اقعد جنبها، ليه هحكيلها حواديت عشان تنام، هههههههه

حسام: هههههههه، يخربيتك، ده انت لميت علينا الفندق، انا فجأه لقيتك شاددها من شعرها ومطلعها بره الاوضه، طب استرها يا راجل حتى، عيب عليك هههههه

قاسم : هي اساسا ضد انها تتستر، يبقى تستاهل الفضيحه، (وبرده صورة عشق ظهرت قدامه فجأه وهي بتحاول تغطي نفسها وسرح فيها)

حسام: ههههه، ده كان حتة يوم، انا بصراحه مبطلتش ضحك، واللي يغيظ ان البنت رجعتلك تاني، بعد كل اللي عملته فيها، بجد بنات منتهي الرخص
(حسام بص لقاسم لقاه مش معاه خالص)
حسام : قاسم،، ياقاسم،، ياعزيزززي ، ايه ياعم رحت فين

قاسم؛ ها،، ايه ياعم براحه، منا معاك اهو

حسام بخبث : لا يا عزيزي انت مش معايا، انت معاها

قاسم بعدم فهم: مع مين يا مجنون، دي بت رخيصه ولا ليها لازمه

حسام : بس انا مش قصدي على دي، انا قصدي على واحده تانيه خالص

قاسم بتمثيل : تقصد مين يا حسام، مش واخد بالي بجد

حسام ضحك : عليا انا يا كبير، اصل بصراحه هي جت في بالي برده، لأنها نموذج متكامل، ههههههه وغمز بعينه

قاسم باحراج : احم،، تقصد مين، قصدك البنت اللي شفناها في القسم، اه هي فعلا جت في بالي، احم،،،

حسام بيضحك على قاسم : هههههه البنت،،، قال يعني ناسي اسمها،، عموما انا هقولك اسمها،،، اسمهاعشق يا قاسم، عشق، ههههههه

قاسم بضيق :تصدق انت عيل بارد ورخم، قوم يلا امشي من هنا، جتك القرف قفلتني

حسام: هههههههههه، اموت في نفسي وانا فاهمك، ههههههه

قاسم ضحك غصب عنه: ههههههه الله يخربيت جنانك، والله مجنون

خرجت زهره من الباب اللي ورا، في المطبخ

زهره؛ قاسم بيه تحب اعملك حاجه،

حسام بصلها باستغراب : انتي مين يابنتي

قاسم : دي الشغاله الجديده ياسيدي،
بصي يا زهره، عايز فنجان قهوه مظبوط، (وبص لحسام) تحب تشرب ايه ياحسام

حسام : هاتلى قهوه برده، انا حاسس ان دماغي هتنفجر

زهره : من عنيا ياباشا، بس انا مش عارفه، انا بشبه على حضرتك

حسام باستغراب: عليا انا!!! ، وانا هشوفك فين يابت انتي،

زهره: هو حضرتك ظابط؟

حسام : ايوه، انا فعلا ظابط، بس عرفتي منين، اوعي تكوني سوابق يابت

زهره بضحك: ههههه، يوه جتك ايه ياباشا، سوابق ايه بس، ده انا غلبااااانه، انا شوفت حضرتك في البلد عندنا وكنت جاي تقبض على واد جارنا، واد صايع كده

حسام : وانتي منين يا زهره؟

زهره: انا من عزبة النخيل، اللي قريبه من قسم المدينه،

قاسم بصدمه : ايه ده بلد عشق،!!!!

حسام بصله وابتسم، وقاسم تراجع في الكلمه

زهره استغربت جدا وكملت : وهو حضرتك تعرف عشق منين يا باشا

قاسم بلخبطه : لا، لا، دي، دي عشق دي كانت ست كبيره، وخالة واحد صاحبي،(وبيهرش في شعره) بس، بس هو سافر وانا معرفش هي فين و(بص لحسام وسكت)

حسام بيضحك: هههههههه، اه هي فعلا خالة واحد صاحبنا وكان موصينا عليها، انتي متعرفيش عنها حاجه يازهره

زهره: لا والله ياباشا، كل اللي اعرفه، هي البت عشق، بت غلبانه بتشتغل في الأراضي وبتصرف على امها، غير كده معرفش

حسام: وهي عشق دي بنت كويسه

زهره: طبعا ياباشا دي بت سمعتها سبقاها، محدش يقدر يجي عليها، وبصراحه هي جدعه قوي،

قاسم : ماشي يا زهره، روحي بقه اعملي القهوه صدعتينا،

زهره: تحت امرك ياباشا، بعد اذنكوا

حسام: بلاش تبقى خفيف قوي كده يا كبير، اهدي عشان منتفضحش،

قاسم بجديه: حسام، انا بجد عايز أسألك سؤال

حسام: اتفضل، طبعا

قاسم: هو انت فاهم ايه بالنسبه لموضوع عشق؟

حسام فهم قاسم: بص ياقاسم، انا عارف انها لفتت نظرك لأنها مختلفه، زي ملفتت نظري انا كمان، ومش معنى اني بتكلم معاك كده؛، يبقى انا مصدق انك اعجبت بيها ولا حاجه، انا بهزر طبعا، خصوصا اني عارف طبعك كويس قوي، انا بس مستغرب انها معلقه معاك، دي تعتبر اول بنت تسيب علامه في تفكيرك

قاسم اتنهد. رجع ضهره لورا : هي فعلا اول بنت تشغل تفكيري، لكن اكيد هي تستاهل ده، لأنها فعلا مختلفه،

————
جيجي دخلت الفيلا وسألت على رنا، وقالولها طلعت اوضتها

جيجي طلعت وخبطت على الاوضه

رنا، ادخل يالي بتخبط

جيجي فتحت الباب ودخلت : ايه يا روني، قاعده لوحدك ليه، (وقربت منها) يانهار ابيض، كل دي دموع مالك يا حبيبتي

رنا: مخنوقه قوي يا جيجي، حاسه اني مش قادره اتنفس

جيجي؛ وليه كل ده؟ ، ومن ايه؟

رنا: مش عارفه، لوحدي كده

جيجي : متأكده ان مفيش سبب، يعني ممكن يكون حسام دايقك ولا حاجه

رنا بسرعه: لا طبعا حسام مين ده اللي يدايقني، انا مبطقش اتكلم معاه اساسا،

جيحي: خلاص متزعليش نفسك، قومي اغسلي وشك وتعالي ننزل نقعد معاهم تحت، ونعرض اننا نخرج نسهر كلنا بره، ايه رايك

رنا: ياريت يا جيجي، انا فعلا محتاجه اغير جو،

جيجي: خلاص يا حبيبتي، اجهزي وانا هنزل اظبط الدنيا تحت

وسابتها ونزلت

—————- بقلم شيمو الخطيب رواية غمرتني عشق الحلقة الخامسة
في المستشفى

بسمه قامت بعد ساعتين من النوم،
بصت في الساعه واكتشفت انها نامت ساعتين،

بسمه بانهيار : يانهار اسود، ياخراب بيتك يابسمه، ياليتك السودا يا بسمه، رحتي في داهيه، الله يسامحك يا عشق.. ، لا، الله يخربيتك ياعشق،
وقعدت تدور على ورقه الادويه ملقتهاش، خرجت بسرعه تدور على عشق تسألها

بسمه لمحت عشق واقفه مع دكتور محمد
بسمه قربت منهم : انا اسفه يا دكتور محمد، والله نمت غصب عني، ونبهت على عشق تصحيني، لكن الله يسامحها نسيت، ومش عارفه المرضى عاملين ايه

محمد بجديه: اولا لازم انتي بنفسك تفوقي لشغلك متعتمديش على حد يابسمه، دي أرواح ناس، ثانيا متقلقيش المرضى خدوا علاجهم في معاده بالظبط

بسمه باستغراب: مين اداهم الادويه؟ ، حضرتك!!!!

محمد : لا طبعا، عشق الله يباركلها قامت بالدور ده، وطلعت شاطره جدا في التمريض، خساره بجد انها مكملتش

بسمه بصدمه : عشق!!!! ، طب ازاي

محمد : لا انا اسيبكو تحكو لبعض، واروح انا اشوف شغلي، وسابهم ومشي

بسمه بصت لعشق : لا فهميني انتي هببتي ايه احسنلك

عشق: ههههه، الله يسامحك، مهو فعلا، خيرا تعمل، شرا تلقى، بصي ياستي، انا حاولت اصحيكي بس بصراحه انتي كنتي رايحه في النوم، صعبتي عليا جدا، قعدت اقرا في ورقه الادويه، ودورت في الاوضه ووصلت ليهم كلهم، وخدت الورقه وعديت على المرضى اللي أسمائهم مكتوبه واديتهم الادويه بتاعتهم، بس ياستي هو ده اللي حصل

بسمه : طب ازاي، وفي محاليل بتتركب، وكانيولا ، عرفتي كل ده ازاي،

عشق: حِشريه انتي قوي،، ، هههههه، عموما هقولك، انا ياستي، كنت بقعد مع امي في المستشفيات بالاسابيع، ومع الوقت اتعلمت التمريض وكنت بساعد الممرضات، وده لاني شاطره جدا في الانجليزي، اصلي خرجت من الثانوي، وكنت متفوقه كمان، بس ربنا مأرادش اني اكمل، وطبعا الحمد لله على كل حال،،
المهم طبعا اتعلمت كتير من قعدتي، ومن ضمنها تركيب الكانيولا، وتركيب المحاليل، وكل حاجه تخص التمريض، فاستغليت ده، وسيبتك تنامي، وقومت انا بالمهمه دي، ها، هتدعي عليا برده

بسمه بفرحه: لااا ادعي ايه،،، ده انا هبوسك من بُقك، هههههه

عشق: لا بلاش قلة أدب، كفايه خَدي وبس،
وضحكوا الاتنين، ومشيوا مع بعض،
وهما في ممر المستشفى، سمعوا صوت صريخ وزعيق جامد
عشق قلبها وقع، واتخضت وجريت على مصدر الصوت

دمتم سالمين

بقلم شيمو الخطيب

رواية غمرتني عشق الحلقة الخامسة