رواية غمرتني عشق الحلقة 11

الحلقه ١١
رواية غمرتني عشق الحلقة 11

اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ وَارْحَمْنِي إِنَّك أَنْتَ الْغَفُورُ الرَّحِيمُ.

بسم الله نبدأ

رنا نزلت من اوضتها بتعب، ووشها باين عليه الإرهاق، لكن هي حاولت تبين انها احسن

رنا بتعب: صباح الخير يامامي،،

هدي: صباح النور ياروح مامي، مالك يارنا،، انتي منمتيش ولا ايه يا حبيبتي؟

رنا: لا يا مامي نمت الحمد لله، ليه بتقولي كده؟

هدي: انتي مش شايفه وشك عامل ازاي، لا، لا، انتي مش عجباني اليومين دول خالص، انا لازم اخدك اعملك check up
(فحص شامل) عشان اطمن عليكي

رنا بتعب: يا مامي الموضوع مش مستاهل، انا شويه وهبقى كويسه، المهم (حبت تغير الموضوع) هو بابي وابيه قاسم منزلوش لسه ولا ايه

هدى بفهم: اممممم، بتغيري الموضوع يا رنا، ماشي،،، بابي ياستي مشي من بدري، لأن عنده مقابله مهمه، اما قاسم لسه منزلش، وانا مستغربه بصراحه،، ده عمره معملها،

رنا: طيب يا مامي انا هطلع اصحيه، (ولسه هتقوم)

هدي: لا استنى، اقعدي انتي كملي اكلك، انا طلعت عشق تصحيه، واكيد زمانه نازل،

رنا بخنقه: ماشي يا مامي، وبصت على الاكل وعنيها اتملت بالدموع لما افتكرت كلام حسام، لكن حاولت تداري وجعها جواها

—————- بقلم شيمو الخطيب
عند قاسم

عشق دخلت لقت قاسم نايم على الكنبه
قربت منه براحه وبتصحيه

عشق:قاسم بيه،، قاسم بيه

قاسم………..

عشق قربت بخوف عليه: قاسم بيه رد عليا،،،(وبصوت عالي) قاااااسم بييييه،

قاسم قام مخضوض جدا : ايه، ايه، في ايه، (وبص لعشق) ايه ياعشق،هو في حد بيصحي حد كده

عشق حطت اديها على قلبها وغمضت عنيها : الحمد لله انك بخير ياقاسم بيه، خضتني عليك

قاسم بضيق: وانتي اتخضيتي عليا ليه، واحد ونايم، ايه اللي يخض في كده، انا اللي كان قلبي هيقف من الخضه ياعشق

عشق بضيق: مهو حضرتك مشوفتش نفسك نايم ازاي، وبعدين انا بصحي حضرتك بقالي ساعه، انا قلت يمكن اغمى عليك ولا تعبان، ولا،…..

قاسم :مت، كملي، ولا مت، صح،

عشق بدموع : بعد الشر عليك يا قاسم بيه، ياريت متقولش كده تاني

قاسم وقف قدام عشق وبابتسامه : ياااااه، هو

صفحتنا علي فيس بوك

تحميل تطبيق لافلي Lovely

قصه سرداب الموت (كامله)

رواية الشادر الفصل الثامن

انا غالي عندك قوي كده يا عشق، (وضحك)

عشق بلبخه : ايه، اه، اه طبعا غالي عندي، ده كفايه وقفتك معايا، وشهامتك انت وحسام باشا، وانا عمري مبنسي المواقف الحلوه ابدا يا قاسم بيه

قاسم بمكر: اممممم، ماشي ياعشق، المهم انتي كنتي جايه تصحيني ليه

عشق: الست هانم قالتلي انك اتأخرت على معاد نزولك ودي اول مره تحصل، وطلبت مني اطلع اصحيك

قاسم بص في ساعته وقام بسرعه : يانهار ابيض، ده انا اتأخرت جدا، وجرى على الحمام، لكن خبط في عشق وهو بيجري وعشق كانت هتقع وقاسم لحقها

عشق وقعت في حضن قاسم، وتعلقت عنيهم ببعض وكل واحد سرح في عين التاني

عشق فاقت ونزلت ايد قاسم من عليها : احم، ايه ياقاسم بيه، مش تحاسب،

قاسم تايه في عين عشق، : هاه، انا اسف ، مش قصدي والله، لكن الحمد لله محصلش حاجه

عشق بخنقه: بعد اذنك ياقاسم بيه، ومشيت وسابته، وجسمها كله بيرتعش، ومش قادره تتحكم في اعصابها

وقاسم وقف يهدي اعصابه شويه، وبعدين دخل الحمام

نزلت عشق وبلغت هدى ان قاسم هيلبس و نازل، ودخلت المطبخ تحاول تهدي شويه

قاسم نزل
هدي: ايه ياقاسم ياحبيبي، اتأخرت ليه كده

قاسم:اولا صباح الخير على اجمل دودو في الدنيا، ثانيا، نمت متأخر والله يا ماما ومسمعتش المنبه خالص،

هدي: ياسلاااام على مزاجك لما يبقى رايق، بتبقى بني آدم تاني خالص ياقاسم

قاسم باس ايد هدى، وبص بطرف عينه على رنا اللي سرحانه،
قاسم: مالك يا رنا، مش عوايدك الهدوء ده خالص

رنا ابتسمت بتعب : مفيش يا ابيه انا بس تعبانه شويه،

قاسم : تعبانه ولا مدايقه من حاجه، ولا الاتنين مع بعض، قولي بس مين اللي مزعلك وانا هبهدلهولك

رنا بخنقه : صدقني يا ابيه انا مش زعلانه من حد، انا بس تعبانه شويه، وبفكر اطلع ومروحش الجامعه انهارده

هدي: خلاص يا حبيبتي لو حاسه انك تعبانه بلاش يارنا

رنا وقفت: انا فعلا تعبانه يا مامي، بعد اذنكو هطلع ارتاح فوق، وسابتهم ومشيت

قاسم سرحان في رنا، وواثق ان اكيد حسام ورا تعب رنا، لكن هو حابب ان اي حد فيهم هو اللي يتكلم معاه الأول،

زهره: قاسم بيه، عشق بتقول لحضرتك تعملك القهوه؟

قاسم : لا يا زهره بلاش، انا هشربها في المكتب لاني هتأخر، وبص لهدي
انا همشي انا يا ماما، مش محتاجه مني حاجه

هدي: لا يا حبيبي شكرا، متتاخرش انهارده، لأن بكره ان شاء الله هنسافر العين السخنه

قاسم ببرود: سافروا براحتكو يا ماما، انا عندي شغل

هدي: قاسم، باباك قال انه مظبط كل حاجه مع ايمن، واتفق مع محسن بيه اننا كلنا هنسافر، متحرجناش يا قاسم وعدي الموضوع

قاسم بضيق: انتو دايما اللي بتحرجوا نفسكوا، انا قلت مش مسافر، سلام ياهدي

هدى : قاسم،،،،، انت ياولد استنى،،،
قاسم مشي ومردش

هدي: ياربييي، انا تعبت معاه، طب اعمل ايه بس، اتصرف ازاي مع حازم، (واتنهدت) دبرها يارب من عندك، واهديه
وطلعت تتطمن على رنا

—————بقلم شيمو الخطيب رواية غمرتني عشق الحلقة 11
في شركة العزيزي

قاسم داخل مكتبه
امل: قاسم بيه، أمجد بيه اتصل وبيقول انه عايز يقابل حضرتك الساعه ١٠ ضروري

قاسم: ماشي يا امل، اول ميوصل دخليه فورا، وابعتيلي ايمن ضروري، وياريت توصي عم لطفي على القهوه بتاعتي، وبسرعه

امل: تحت امرك يافندم
وخرجت بسرعه، وبلغت ايمن ان قاسم عايزه

ايمن دخل المكتب: السلام عليكم ياقاسم بيه، انسه امل بلغتني ان حضرتك عايزني

قاسم: وعليكم السلام، تعالي يا ايمن،
ايمن قعد وقاسم كمل
قاسم: بص يا ايمن، دلوقتي احنا عندنا في المخازن، الاجهزه الطبيه الجديده، اللي المفروض انها جايه لامجد بيه صاحب شركة النور ، وانا بصراحه معنديش استعداد اخسره، فأنت وصلت لايه مع أدهم السلاموني بخصوص الاجهزه دي

ايمن: والله ياقاسم بيه، أدهم بيه زعلان جدا، وبيقول انه كلم حازم بيه من فتره كبيره على اجهزه طبيه، لأنه بيجدد العياده لابنه، وحضرتك عارف، أنه عامل عياده كبيره فيها أحدث الاجهزه، لكن حضرتك مصمم ان الاجهزه دي، تروح لشركة النور

قاسم: يا ايمن سلسلة مشروعات النور والأمل كبيره، وانت عارف ان أمجد بيه راجل جد جدا،وكلمته سيف، وبصراحه معاملته ممتازه، ده غير انه بيقيم مستشفى خاصه كبيره، وعلى أعلى مستوى، وفيها قسم للحالات الإنسانيه، وده بصراحه محمسني جدا، اني أجهزها،
واشارك فيها ولو بجزء صغير من الثواب

ايمن: خلاص يافندم، اللي حضرتك شايفه اكيد هيبقى صح،

قاسم: تمام يا ايمن، انا عايزك بقه تتكلم مع أدهم بيه وتفهمه الوضع، وتقنع حازم بيه بكلامي، لاني بصراحه مبعرفش اتعامل معاه

ايمن :ههههههه، بقه مبتعرفش تتعامل مع والدك ياقاسم بيه

قاسم بابتسامه : انت بتضحك!!! ، ليك حق،، ، لكن انا فعلا مبعرفش اتعامل معاه، بصراحه كده رأينا مختلف عن بعضه، كل واحد ليه وجهة نظر مختلفه عن التاني، يمكن والدي شويه بيعمل خواطر للناس، اما انا فلأ، الخواطر دي في البيت مش هنا في الشركه،

ايمن: بس هو ده الصح ياقاسم باشا، زي مبيقولوا كده، صاحبي وصاحبك على القهوه، لكن الشغل شغل، مفيهوش صحاب

قاسم :فعلا، وانا ماشي بالمبدأ ده، عشان كده مكروه شويه من بعض الناس

ايمن: حضرتك ناجح جدا يا مستر قاسم، وانا واحد من الناس اتمنى اوصل لمكانة حضرتك

قاسم : وانا بتمنالك كل خير يا ايمن، المهم انا هقابل دلوقتي أمجد بيه، وانت اعمل اللي قولتلك عليه

ايمن؛ تحت امرك يا مستر قاسم، بعد اذن حضرتك وخرج من المكتب
عم لطفي داخل بالقهوه

قاسم : ايه ياعم لطفي، كل ده بتعمل القهوه

لطفي بتعب: انا اسف يا قاسم بيه، بس تعبان شويه والله

قاسم : ايه مالك ياعم لطفي، حاسس بايه

لطفي: ده شوية تعب في العضم يا قاسم بيه، حكم السن بقه، الحمد لله على كل حال

قاسم بضحك: سن ايه يا راجل يا طيب، انت لسه في عز شبابك، على العموم لو حاسس انك تعبان، انا هكتبلك على اجازه، ومرتبك هيوصلك لحد البيت

لطفي بدموع: إلهي ربنا يعمر بيتك يا قاسم بيه، ويجبر خاطرك يارب، انا بس هرتاح يومين، وهاجي على طول ان شاء الله

قاسم: براحتك ياعم لطفي، ولما ترتاح ارجع على طول، انا بس هتوحشني قهوتك

لطفي: وانا يعز عليا والله ياقاسم بيه، لكن انا مش هتأخر ان شاء الله

قاسم: ربنا يشفيك ياراجل يا طيب، بس متقلقش، في……. وسكت

لطفي باستغراب: في ايه ياقاسم بيه، حضرتك سكت يعني

قاسم : في بنت جديده، بتعمل قهوه حلوه قوي

لطفي باستغراب: اتعينت في الشركه ولا ايه؟

قاسم: لا يا عم لطفي اتعينت في الفيلا عندنا

لطفي:اااه،، خدامه جديده يعني، يا قاسم بيه

قاسم بضيق: اممممم، لا ياعم لطفي مش خدامه، دي بنت بتشتغل عندنا،

لطفي باستغراب: اه، بتشتغل عندكو خدامه

قاسم بضيق : جرا يا عم لطفي، طب انت شغال عندنا، تبقى خدام؟ ، اسمها شغاله عندنا وخلاص، بلاش خدامه دي

لطفي : ماشي ياقاسم بيه، ربنا يجبر بخاطرك يارب

قاسم يارب يا عم لطفي، اتفضل انت واي وقت تحب تمشي بلغني قبلها، وربنا يشفيك ياعم لطفي يارب

لطفي: ربنا يجازيك كل خير يا قاسم بيه يارب
وخرج عم لطفي

قاسم رجع ضهره لورا على الكرسي، وسرح في عشق، وليه هو رافض مجرد كلمه تتقال عنها، ليه دايما بيفكر فيها، ليه سرح في عنيها اول ما وقعت في حضنه وكان نفسه اللحظه دي ما تخلصش، اسئله كتيره هو مش عارف ليها اجابه،

—————-بقلم شيمو الخطيب رواية غمرتني عشق الحلقة 11
عند حسام

قام حسام من نومه، ودخل الحمام، فرش أسنانه وغسل وشه وخرج

دخل المطبخ اكل حاجه خفيفه، وقعد على الكرسي، وافتكر كلامه وجرحه لرنا، لكن هو فعلا مخنوق منها، ومش عارف يتعامل معاها، في حاجز بينه وبينها

فكر كتير وقرر يكلم قاسم

حسام؛ الو ايوه يا قاسم

قاسم باسف : حسام، معلش، انا بس عندي شغل مهم هخلص وهكلمك على طول،

حسام بخنقه: ماشي ياقاسم براحتك، سلام

وقفل وخنقته زادت، وقرر انه يلبس وينزل لرنا الجامعه يمكن يشوفها من بعيد، ويطمن عليها

نزل حسام وفضل واقف كتير قصاد الجامعه، وعينه على الكافتيريا اللي دايما رنا بتقعد فيها، لكن للأسف شاف صحابها وهي مش موجوده معاهم.، واتأكد ان اكيد هي منزلتش الجامعه انهارده، وده ضايقه جدا، وزاد من خنقته اكتر

————- بقلم شيمو الخطيب
عند سحر

خالد : سحر،،، تعالي يا سحر خدي يوميتك، وبزياده كمان

سحر: شكرا يا خالد بيه، بس انا لسه مخلصتش شغلي

خالد بخبث: لا انتي كفايه عليكي كده، انا شايفك تعبانه، وانا ميرضنيش تعبك

سحر لنفسها: إلهي يخنقك تعبان يابعيد

خالد: بتقولي حاجه يا سحر

سحر بتمثيل: لا يا خالد بيه انا بدعيلك إلهي يسترك يارب

خالد؛ يا رب يا سحر، يلا تعالي، خدي

سحر قربت منه، ولقته بيديها فلوس كتير جدا،،، وبصدمه؛ ايه ده كله يا خالد بيه، كل ده ليا

خالد: طبعا ياسحر، انتي جدعه وتستاهلي اكتر من كده

سحر: بس ده كتير قوي،

خالد؛ لا مش كتير عليكي يا سحر، خديهم يلا وروحي انتي واقفه ليه

سحر مش عارفه تعمل ايه، بس لا انا هاخد يوميتي بس يا خالد بيه

خالد: متتعبنيش معاكي يا سحر. ويلا خدي الفلوس وروحي فرحي امك، وهاتيلها حاجه حلوه وانتي مروحه

سحر فعلا مشيت وهي مستغربه هو ليه أداها كل ده، وليه بيعاملها كده

طارق ماشي وشاف سحر ماشيه سرحانه
طارق: سحر، يا سحر ازيك عامله ايه

سحر بصتله؛: الحمد لله يا طارق، انت عامل ايه، وخالتي كويسه؟

طارق؛ كلنا بخير الحمد لله بس مالك. سرحانه في ايه كده، وايه الفلوس دي. كلها، انتي ورثتي ولا ايه يا بت انتي، هههههه

سحر:هههههه ورثت، هورث مين بس يا طارق، ده انا وامي ربنا سترها معانا بالعافيه بس الحمد لله على كل حال

طارق: طب وايه الفلوس دي كلها

سحر :دي خالد بيه ادهالي يوميتي انهارده

طارق بضيق:نعم، يوميه، وكل ده ليه، هو ناوي على ايه يا سحر، وانتي ازاي تقبلي تاخدي كل ده منه

سحر فرحت لضيقة طارق وحبت تستفزه اكتر
وايه المشكله ياطارق، واحد وبيقدرني وبيقدر تعبي، اقوله لأ

طارق بخنقه: انتي هتستهبلي ياسحر، هو ايه اللي بيقدر، ومن امتى ده بيقدر حد، انتي ناسيه عمل ايه في عشق، ايه عايزه تبقى مكانها

سحر: لا طبعا، عمره ما يفكر يعمل معايا حاجه، وإذا كانت عشق فتحت وشه، فأنا هفتح كرشه ان شاء الله، احنا محليتناش الا الشرف يا طارق، واللي يجي جنبنا يلاقينا رجاله

طارق؛ خلاص يا سحر، شوفي اي حد تاني اشتغلي عنده، بلاش خالد ده

سحر: مينفعش يا طارق، لاني لو مشيت من عنده، هيوصي الناس كلها محدش يشغلني، وانا غلبانه وعايزه اعيش انا وامي في امان

طارق: وانتي معاه هتبقى في امان ياسحر

سحر: لا،، بس ربنا هيسترها معايا. سيبها لله يا طارق وزي مسترها مع عشق هيسترها معايا

طارق؛ ونعم بالله يا سحر، اهم حاجه تخلي بالك من نفسك، ولو احتاجتي اي حاجه. بلغيني على طول

سحر بفرحه : تسلم يا طارق، ربنا يخليك يا رب

طارق: انا همشي، انا، وزي مقولتلك، اي حاجه تحتاجيها انا موجود

سحر؛ ان شاء الله، مع السلامه يا طارق.
ومشيوا الاتنين، وسحر فرحانه برد فعل طارق
اما طارق فمستغرب رد فعله ده، وفسره، على أنه خايف على سحر زي اخته

—————— بقلم شيمو الخطيب رواية غمرتني عشق الحلقة 11

في فيلا العزيزي

حازم رجع من الشركه ودخل الفيلا

زهره قابلته: حمدلله على السلامه يا حازم بيه

حازم : الله يسلمك، هي هدى هانم فين

زهره: هدى هانم فوق، مع الست رنا،

حازم : ماشي يا زهره، وقاسم بيه رجع ولا لسه؟

زهره: لا لسه يا حازم بيه، تحب نحضر الغدا

حازم: اسألي هدى، وبلغيني، انا في المكتب،

زهره :حاضر ياسعاة البيه
وطلعت زهره لفوق
زهره خبطت على رنا وكانت هدى معاها : ست هانم، حازم بيه وصل تحت

هدي: حاضر يا زهره بلغي عشق وزينب يحضروا الغدا، وانا نازله حالا

زهره تحت امرك ياست هانم،، وسابتهم نزلت

هدى؛ ها يا رنا، قومي يا حبيبتي اغسلي وشك وفوقي كده، عشان بابي ميزعلش لما يشوفك كده، ويلغي رحلة بكره

رنا : حاضر يا مامي ، انا هقوم اهو

هدي: انا هنزل انا يا حبيبتي، وحصليني على طول

رنا: حاضر يا مامي ،
ونزلت هدى، ودخلت المكتب

هدي: حمدلله على السلامه يا حبيبي،

حازم؛ الله يسلمك يا حبيبتي، هي رنا مراحتش الجامعه ولا ايه

هدي: اه انا قولتلها ترتاح انهارده، لأن شكلها لسه تعبان

حازم: ومحاولتيش يا هدى تعرفي مالها
ومين مدايقها

هدى؛ كل لما اسألها تقولي مفيش، متقلقش انت بس هي اكيد لما تسافر تغير جو هترتاح وتبقى احسن

حازم :ان شاء الله، وبص في الأوراق اللي في ايده

هدي: جرا ايه ياحازم، انت هترجع من شغل على شغل، المفروض دخلت البيت تنسى الشغل خالص

حازم : انا اسف يا حبيبتي، بس والله في طلبيات كتير بتتسلم وبحاول اني اظبط الدنيا قبل منسافر،

هدي: طيب تعالي غير هدومك واتغدي وبعدين ظبط الشغل براحتك

حازم ابتسم : انتي تؤمري يا جميل هههه

وطلع حازم وهدي، وعشق ظبطت السفره، وقاسم داخل

قاسم : السلام عليكم، ازيك ياعشق

عشق بعدم اهتمام: وعليكم السلام

قاسم بنرفزه؛ انا بقولك ازيك، ايه مبتسمعيش

عشق هزت راسها بضيق : لا سمعت، كويسه الحمد لله

قاسم؛ وده من ايه ان شاء الله، ياريت بعد كده تتكلمي معايا كويس

عشق؛ وهو انا بتكلم عوج، عن اذنك ياقاسم بيه عندي شغل

قاسم واقف مذهول منها ومن تصرفاتها، وردودها عليه،
لكن هو حابب مشاكستها وعنادها معاه طلع غير هدومه، وقررلما يروق يبقى يشوف مالها

راح قاسم ناحية أوضة رنا و خبط ورنا سمحت بالدخول:
قاسم بحب قرب منها: ايه يا جميل، عامله ايه دلوقتي

رنا بتبتسم بوجع : انا كويسه يا ابيه، الحمدلله

قاسم: متأكده يا رنا انك كويسه

رنا بصت لقاسم وعنيها اتملت دموع واترمت في حضنه : لا مش كويسه، تعبانه قوي، ومخنوقه قوي يا ابيه

قاسم بخضه: ضمها ليه اكتر،، مالك يا رنا، احكيلي يا حبيبتي وصدقيني هترتاحي، صارحيني، يارنا

رنا خرجت من حضنه: انا هبقي احسن ، متقلقش انت ، يمكن لما اسافر بكره ارتاح

قاسم اتنهد: برده مش هتتكلمي، على العموم ماشي يارنا، لكن توعديني انك هتصارحيني بكل حاجه

رنا؛ ان شاء الله يا ابيه، ويلا بقه ننزل لان مامي بتنادي

قاسم بصلها وهي فضلت باصه عليه بدموع وخنقه،ونفسها تحكيله لكن للأسف مش قادره تتكلم ولا تقول حاجه،

قاسم بتفهم: ماشي يارنا ، وهستني اسمعك يا حبيبتي، وصدقيني مهما كان الموضوع صعب، انا هستوعبه، فيا ريت يارنا تصارحيني

رنا: ان شاء الله يا ابيه

ونزل قاسم ورنا
والكل قاعد على السفره

حازم: ها ياقاسم، أعمل حسابك، انك هتيجي معانا بكره ان شاء الله

قاسم : انا اسف يا بابا بصراحه عندي شغل، ومش هقدر اجي

حازم ساب المعلقه وبص لقاسم بغضب شديد، : انت بتقول ايه،، انا بقولك لازم تيجي يبقى لازم تيجي،

هدي: اهدي يا حازم، هو ما يقصدش والله

حازم : اهدي ايه، انتي مش شايفه بروده

قاسم ببرود: لا يا أمي أنا قاصد اني اقول اني مش هاجي لاني فعلا مشغول، واظن الشغل اهم من اي حاجه

حازم بصوت عالي وصل لعشق وكل الموجودين في الفيلا: انت هتهزر يا استاذ، ده ايه البجاحه دي، طب ايه رايك يا قاسم هتيجي يعني هتيجي،

قاسم قام وقف وهدي جريت عليه وبصت ليه بترجي

قاسم بخنقه وغيظ مكتوم: ياريت يا حازم بيه، تتكلم بهدوء اكتر من كده، لأنك واثق وعارف، اني مبعرفش اتعامل بالاسلوب ده

حازم؛ وانت بقه اللي هتعلمني اتعامل ازاي، بقولك ايه، اسلوبك ده ميمشيش معايا، والكلمه اللي هقولها هتتنفذ، انت هتيجي معانا الرحله، وهتحل مشاكلك مع جيجي، انت فاهم ولا لأ

قاسم: انا همشي دلوقتي، يا حازم بيه، ولما تهدي نبقى نتكلم وسابه وطالع

حازم بيتكلم وهو في قمة غيظه: سواء هديت او مهدتش، كلامي هيمشي ياقاسم ، انت فاهم، كلامي هيمشي

هدى بتوتر: اهدي بس يا حازم وان شاء الله كل كلامك هيمشي،

حازم بنرفزه : ابنك ده هيموتني يا هدى،، فهميه اني مش هسمح ليه يكسر كلامي ابدا،
وسابها وطلع وهي محتاره تعمل ايه، ورنا مش عارفه تتصرف لأنها عارفه ان قاسم عنيد ومش هيسمع كلام والده

هدى بصت لعشق: عشق، اعملي قهوه وهاتيها اطلعها لحازم بيه بسرعه

رواية غمرتني عشق الحلقة 11

عشق: تحت امرك يا ست هانم
ودخلت عملت فنجانين
هدي خدت واحد وطلعت لحازم
وعشق طلعت التاني لقاسم
عشق خبطت وقاسم سمح بالدخول

عشق: السلام عليكم ياقاسم بيه

قاسم :وعليكم السلام تعالي ياعشق،(وبص على اللي في اديها) ايه ده!؟ قهوه؛!!! ، بس انا مطلبتش قهوه

عشق: بس حضرتك متعود بعد الغدا بتشربها فأنا عملتهالك، يمكن تظبط دماغك وتخليك متزعلش حازم بيه

قاسم بصلها وسكت خالص

عشق كملت بترجي: يا قاسم بيه، الموضوع مش صعب قوي كده، حضرتك هتروح تغير جو وتقعد مع جيجي هانم تحل مشاكلكو، عشان الحياه تمشي ، دي مفيهاش غلط خالص

قاسم بضيق: بس انا مش عايز، ليه اعمل حاجه وانا مجبر، ليييه،، وعشان ايه اروح غصب عني

عشق: عشان تبني حياتك الجايه صح، عشان تقدر تتكلم معاها بهدوء وتحل سوء التفاهم اللي بينكو، حاول تفتح قلبك ليها يا قاسم بيه، حاول تفهمها طبيعتك، يمكن حبها ليك يخليها تتغير

قاسم انتبه لكلامها وسأل : وهو انتي يا عشق لو حبيتي حد ممكن تتغيري عشانه؟ ، يعني ممكن تغيري طباعك عشانه؟

عشق احتارت تقول ايه وقالت: اكيد هحاول، ولو طبع وحش فعلا اكيد لازم اتخلص منه وده ان شاء الله جيجي هانم هتعمله

قاسم : طب هي هتتغير عشان بتحبني، انا بقه اتغير ليه؟ ، ليه عايزيني اغير طبعي؟ ، ليه عايزيني اراضيها وانا مش مرضي؟

رواية غمرتني عشق الحلقة 11

عشق: لأنك اكيد بتحبها

قاسم بسرعه :لا انا مبحبهاش، ولا عمري حبيتها، جيجي زيها زي اي حد عندي، بس هما فرضينها عليا لدرجة اني مش عارف ادي نفسي فرصه عشان احبها

عشق قلبها فرح اول ما قال انه مبيحبش جيجي لكن مبينتش، : خلاص يا قاسم بيه، حاول تدي نفسك الفرصه دي، وتقرب منها، يمكن تحبها

حازم دخل على قاسم الاوضه ووراه هدي

حازم بزعيق: أعمل حسابك ياقاسم، اول منرجع من الرحله، هعلن خطوبتك على جيجي وده اخر كلام عندي، وسابه ومشي

قاسم وقف مصدوم، وعشق قلبها اتوجع ودموعها هددت بالنزول وحاولت تداري دموعها باي طريقه

قاسم ضحك بوجع : ههههههه، شوفتي، محدش قادر يفهمني، كل واحد يهمه مصلحته وبس، يعني حازم بيه، كل اللي خايف عليه هو شريكه، لكن ابنه لا، في داهيه، وكمل بوجع،،، لكن دي مش جديده عليه، هو كده على طول

عشق: متزعلش نفسك يا قاسم بيه، هو شويه هيهدي وهيرجع في كلامه

قاسم؛ مبقتش تفرق يا عشق، انا متعود منه على كده،

هدى دخلت بسرعه لقاسم : عشان خاطري ياقاسم عدي الموضوع، حازم متنرفز جدا وانا خايفه عليه ، عشان خاطري متعندتش ياقاسم

قاسم :……………

هدى بصتله وسكتت و خرجت بزعل ومحتاره تعمل ايه،

عشق : قاسم بيه، عشان خاطري تسافر، وسيب اللي بعد كده على ربنا، لكن عدي الموضوع ده عشان خاطري

قاسم بصلها وحس انه نفسه يضمها لحضنه ودموعها اللي باينه في عنيها، مدايقاه ومش عارف هو ليه حاسس كده ناحيتها

قاسم : انا هوافق ياعشق، بس بشرط

عشق بلهفه : ايه هو الشرط يا قاسم بيه

قاسم: تيجي معايا الرحله،،،،،،،،،

دمتم سالمين

بقلم شيمو الخطيب