التاسع عشر
تحدث عز بضحك على الخوف البادى على وجهها : اى هتعملى عمليه انتحاريه ياحاجه
– بصى انتى طولى بالك ومتتعصبيش واتحملى والله هى طيبه بس شديدة شوى
-هنشوف يا رشا
– خبطت عالباب
– عطت راضيه الاذن :ادخل
– صباح الخير قالتها روح ببسمه
– كانت الصدمه حليفه راضيه: انتى
– احم انا خبزت شويه قرص وعايزاكى تقوليلى رأيك فيهم اتفضلى
– راضيه باصلها باستغراب: حاطلى سم ياك
– اتصدمت روح من الكلمه: لى يا طنط تقولى كدا وعالعموم يا ستى اهو هاكل واحدة
– راضيه اخدت واحدة: واكلتها وعجبتها
– ها حلو مش كدة سألت روح بتوتر
– انتى عاملاه مهصدقش الحكى دة
– اسرعت روح بالحديث: والله يا طنط انا عاملاه واسألى رشا
– كيف عملتيهم طيب
– روح مسكت الفون اتفرجى اهو جبت طريقتها من عالنت ومشيت خطوة خطوة ها حلوين
– ايوة قالتها راضيه
– روح حضنتهاعجبوكى هيييييييي بعدت احم هو من فرط الفرحه بس فضلت واقفه
– راضيه عارفه اللى روح بتعمله عشانها ابتسمت طب كنتى كملتى جميلك وجبتيلى كوبايه شاى معاكى بالمرة
– هوا لسه هتخرج لفت لقت عز داخل بكوبايه الشاى
– عنك انا جبتها
– ايه دة عاملين ربطيه على اياك
– ابتسم عز وانتى حد يقدر عليكى رشا خبطته لا يا مرات ابويا والله احنا بس قلنا عايزين ننول الرضا بما اننا فايام حلوة كدا ورمضان خلاص كام يوم ويهل علينا بنسايمه وتراويحه فعايزين رضاكى والله حياتنا من غيرك مش هتكمل
– ابتسمت راضيه :عارفين اللى مفرحنى ايه انكوا حسستونى انى وجودى فى حياتكم بيفرق وعايزين اكون راضيه عنكوا
– اتكلمت روح ببسمه : انتى جزء مهم فى حياتنا مينفعش تكمل من غيرك وجودك ورضاكى فى حياتنا هيسعدنا
– شايك ماسخ يا عز
– : اول مرة اعمل شاى اعذرينى بقه
– بس القرص حلوة كيف اللى بعملها انى محدش عرف يعمل القرص زى ما انى بعملها غيرك يا مرت ولدى
– روح حضنتها : لا دا انا اعجبك جدا
عز مشى وروح قعدت مع راضيه شوى كانوا بيتحاكوا فى كتير امور
– رشا خبطت عليهم : امى حريم البلد جايين يباركوا للعروس ويباركوا عالعموديه
– ماشى يا بتى دخليهم ومحدش يضايفهم
– رشا باستغراب: ليه يمه
– راضيه بصت لروح: روح هى اللى هتقدم الضيافه
– :انا
– ايوا انتى انتى العروس. البسى عبايه زينه وحطى كحله وحمرة بشفايفك
– نعم انتى عايزة معاذ يطير رقبتى
- ملكيش دخل انتى بس واللى تحاكيكى كلمه تردى د ولا اقلك له خليلى انا المهمه دى روحى بس البسه عبايه زينه وحطى اللى قلتلك عليها
-روح بخوف: حاضر بس يا طنط
-اسمعى الكلام ومتخافيش وبعدين قوليلى يا امى بلاها طنط بتاعتكوا دى
-حاضر
-…………….
-رنيم: ها يادكتورة ولد ولا بنت
-زياد: انا مش عارف انتى مستعجله لى
-رنيم بغيظ: ملكش دعوة ولا خايفه تخسر ها يا دكتورة
-الدكتورة بضحك: طب يا ست رنيم حضرتك حامل فظبوطه
- ولد قالتها رنيم بفرحه
- اه الف مبروك
-ههههه يلا يا بيه انا كسبت الرهان افخم مطعم فيكى يا بلد
-زياد بغيظ: يلا يختى رنى على مرات عمى عشان تتغدى معانا بالمرة
-اوك
-….راحوا المطعم بعد ما اخدوا وفاء
-وفاء قاعدة وبتبص على زياد والاتنين بيبصوا على رنيم اللى طالبه اكل كتير وبتاكل بشراهه
-وفاء بهمس صورها وابعت لروح بسرعه
-على رأيك هصورها فيديو وكام صورة وبعتهم لروح
-رنيم كفايه يا ماما هتفشرى
-اتكلمت والاكل فى بقها: جعانه يا مامى الله
-بس كدا كتير يا حبيبتى هتتعبى
-بغيظ اتكلمت انت هتبصلى فالاكل وبعدين دا لابنك
-: ابنى دا يا عينى تلاقيه بيقول غتونى قالها بسخريه
-: هههههه رنيم يا حبيبتى جسمك هيزيد كتير انتى حرة
-مش واكله اه يا ماما
-ضحكت وفاء وبصت عالترابيزة مش واكله حبيبتى انتى خلصتى الاكل كله
-شكرا يا ماما وبصت على زياد ها يا خبيبى مش هنحلى
-اتصدم من الكلام : لا كدا اوفر مرات عمى خدى بنتك دى انا اخاف على نفسى
-: معاك حق يا حبيبى ههههههه
-: صغطت على اسنانها واتكلمت :زياد روح هاتلى حلو صحيح يا ماما كلمتى روح عملت اى انا مكلمتهاش بقالى يومين
- خلاص هتستقر فالبلد
- بزعل اكملت رنيم طب يا ماما هتستحمل هتكون وحدها
-جوزها معاها يا رنيم وبعدين الواحدة مترتحش غير فالمكان اللى جوزها فيه حتى لو كان بيت باباها
- معاكى حق يا مرات عمى وبعدين روح عمرها ما هتستريح طول ما هى بعيدة عن معاذ فهى هتتعود وروح قدها
- فعلا وكملت بصراخ فين الحلووووو
-زياد: سلام عليكوا
-……………
-الله يبارك فيكى عقبال ولدك ةبتك يا حاجه حفيظه : يشهد ربى فرحت لمعاذ بيه كأنه ولدى
- عارفه يا خيتى كلنا جيران واهل
-نوال بغيظ: وينها العروس جايين لنباركلها ومهملانا اكدة
-كانت تعلم خبث المرأه فتحدثت ببرود عتجيب الضيافه يا روح يا بتى تعالى
-روح دخلت كانت لابسه عبايه استقبال كشمير ومطرزة خرز وحاطه طرحه لونها ابيض وشعرها باين من الطرحه وحاطه كحله برزت جمال عنيها وروج كشمير : انا اهو يا ماما
-راضيه ببسمه واعجاب: تعالى يا بتى تعالى قدمى للضيوف وسلمى عليهم
-قدمت الضيافه وراضيه عرفتها عليهم
-حفيظه بأعجاب: كيف العروسه الباربيه اللى عيقولوا عليها
-نوال بغيظ: يختى دا كله لعب بالمكياج
-ضحكت راضيه: له مرات ولدى كيف القمر وانتى خابرة زين ما انتى شفتيها قبل سابق فى فرح روما
-فاتن : ايوة يا خاله مش هى دى اللى ضربتيها بالقلم برضك
-راضيه سكتت بس روح اتكلمت : ايوة انا بس اى بقه ام وضربت بنتها عادى يا حبيبتى
-فاتن: اخ عليكوا يا بنات مصر عتاكلوا بالعقل حلاوة كيف قدرتى توقعى معاذ بذات نفسيه ويعنى انتى لمؤاخذة كنتى بشعرك يعنى مش من توبنا اللى تبقى بشعرها
-: كان بدها جوزك غيرانه منيكى همست بها راضيه لروح
– يا اخت الا اسمك اى بصحيح
-اسمى فاتن
-فاتن بقلك يا فاتن انتى تعرفى معاذ من امته
-فاتن بفخر: من ونحنا صغار
-همست لنفسها: لا وبتتفشخر علت صوتها بصى يا فتون معتقدش ان معاذ صغير عشان واحدة تاكل بعقله حلاوة زى ما قلتى بس انا حبيته من اول لحظه شفته فيها ومش هخجل ولا اتكسف نو وو بالعكس انا بفتخر بحبى ليه وعلى فكرة من اول يوم شفته قلت لروما انا هتجوزة بس دا من ناحيتى بس هو معرفش بقه حبنى امته بس المهم ان هو حبنى فى خلال شهر واحد من دون اى مجهود منى يعنى معملتش اى حاجه تلفت نظرة بس اى فالاخر حبنى لى لانوقلبه شافنى حبيبه رغم انى مكنتش بشوفه غير وقت المحاضرة اللى يا دوب ساعه اما بقه انتى اهو قدامه من وانتوا صغيرين مشفكيش لى لان قلبه مشافكيش حبيبه
-نوال بغيظ: ايه الكلام اللى عتقوليه دة بنتى مش معيوبه
- لا يا طنط انا مقلتش معيوبه حاشا لله انا بعرفها ان الانسان بيوافق على رغبه قلبه وان قلب معاذ محبهاش وحبنى دا مش معناه انى كلت بعقله حلاوة تمام يا فتون
-حفيظه بضحك: كلامك حلو يا بتى
-رشا : روح دمها زى السكر يا خاله
-ابتسمت روح ميرسى يا روشا اتفضلوا اشربوا العصير
-حفيظه : عايزين نعمل ليله لعروستنا يا ست راضيه
-راضيه: ان شاء الله انا كنت هعملها بس الوقت ما اسعفناش بس خلاص الشهر الكريم داخل علينا ورشا هتتجوز عالعيد هنعملها ليله مع رشا ان شاء الله
-ليله اى دى يا رشا سالت روح
- يعنى ليله الحريم بيعملوها للعروسه زى ليله الحنه عنديكوا بمصر بس هنا على كبير
-: اه اى يا فتون مش بتاكلى بسكوت ليه ولا اقلك خدى اشربى العصير مدت العصير ولسه هتمسكه فلتت ايدها اوب معلش يا حبيبتى
-فاتن بغضب: انت دلقتى الكوبايه بالعامد
-تحدثت ببرائه مصطنعه: انا لى بتقولى كدا
-حفيظه: ليه يا بنتى هتدلقها عليكى بالعند انفلتت غصب عنيها
-روح ببرائه: قوليلها يا طنط
-نوال: يلا يا فاتن خلينا نعاود بيتنا يا بتى مبارك عليكى يا ست الراضيه العروس
-راضيه بصحك؛ الله يبارك فيكى عقبالك يا فاتن
-مشوا وروح بتضحك
-ضحكت راضيه: والله انك مش هينه يا روح
-روح: اى رأيكوا دا انا اعجبكوا والله
- فى اى قالها معاذ اللى وصل
-روح لفت ليه: اى اللى جابك
- نعم
-: اتوترت قصدى كنت بتأخر
-: اى اللى فى وشك دة قالها بغيظ
-روح حطت ايدها على وشها واتكلمت ببرائه:دى دا زبدة كاكاو
-رشا وراضيه كاتمين الضحكه
-عزدخل : فى اى
-معاذ بغضب: اطلع بره يا عز
-عز باستغراب : فى اى ها فى اى وبيرفع نفسه يشوف
-معاذ لف ليه والشرار بيطلع من عنيه
-طب سلاموا عليكوا وطلع يجرى
- ايه يا ولدى قالتلك زبدة كاكاو
- زبدة كاكاو اول مرة اشوف زبدة كاكاو اللون دة كانت على ايامى بيضه
-روح بهزار: على ايامك بقه
-طب دى وهنصدق ونقول زبدة كاكاو و واللى فى عنيكى
-اهو دة بقه كحل فعلا هههههه
-: على فوق
- : بقلك اى امك هى اللى قالتلى انا مليش دعوة وبصت على رشا
- حصل وانا شاهدة قالتها رشا
- ضحكت راضيه وهى بتوضح : ايه يا ولدى انا اللى طلبت منيها اى حصل يعنى وبعدين محدش شافها
- روح انا قلت على فوق قالها بغضب
-روح بتوتر: ماما راضيه عايزانى احميها مش كدا انا هحميها وبعدين ا
-رووووووح
-فى لحظه هربت من قدامه وهو طلع وراها
-معاذ بغضب: انا مش قايل مليون مرة مشفكيش حاطه حاجه فى وشك
-بلعت ريقها برعب:والله انا قلت لمامتك بس هى قالتلى ملكيش دعوة لازم احط عشان الضيوف
-معاذ بغيظ: ولو برضوا ترفضى ومن امته بتسمعى الكلام
-روح بغيظ: هى مامتك انا لسه مصالحها وماصدقت رضت عنى فسمعت كلامها عشان متزعلش
- وتزعلى جوزك عادى
-روح قربت منه واتكلمت بدلال جوزى اقدر اصالحه بطريقتى
-معاذ بهيام: طب صالحينى بطريقتك بقه
-روح : امممم طيب ومسكت الفون وشغلت اغنيه وربطت وسطها وبدأت ترقص ونسيبهم فى صلحهم بقه
- __________________
-صباح يوم جديد
-روح قامت من النوم كان معاذ فالحمام وموبيله رن برساله مسكت التليفون كان اسم ليلى موجود وتحتيه الرساله مكتوب فيها صباح الجمال وصورة فتحت التليفون وفتحت الرسايل لقت رسايل بينها وبين معاذ كتير صباح وكلام وصور لروح الصغيرة
-معاذ خرج واستغرب انها ماسكه تلفونه قرب منها : حد رن ولا اى
-روح بصتله ومدت ايدها بالموبايل واتكلمت بغيظ اى دا
- اى
-: اى اللى اى بقلك اى دة
-معاذ مسك التليفون وبص عالشات : قصدك الشات دة ماله
-: اى اللى مالوا اى اللى بينك وبينها يخليها تبعتلك كل يوم صورة وصباح الخير وصور بنتها لا وكمان مخنوقه وعايزة تتكلم مع حد
-: بينى وبينها اى يا روح انتى اتجننتى
-: لا متجننتش بس انا عايزة اعرف اى دة وباى صفه تبعتلك وتفضفض معاك يا معاذ
-غضب من تلميحهالايعلم ان ما تشعر به حقيقى: روح وطى صوتك وبعدين انتى الرسايل قدامك اهى انا اصلا مش رادد عليها الا قليل وبصفه اى انها زى روما بالنسبه ليا وصاحبتك
-: اعملها بلوك حالا قالتها بتصميم
– لا انتى اكيد اتجننتى اكيد
-لا متجننتش بس اعملها بلوك حالا يا معاذ اعتقد انك مش محتاج رقمها لان خلاص مبقاش فى شركه فاعملها بلوك
معاذ بعند: لا يا روح مش هعملها بلوك .سابها وخرج وهى مسكت الكوبايه وزفتها فالحيطه وقعدت عالسرير وافتكرت
فلاش باك
روح بزعل: اى يا لولو مش بتسالى لى عليا
-مش فاضيه ورايا حاجات كتير
-جميل النيو لوك اللى عملتيه دة شفته عالوتس ومقلتيش ليا
-عادى انتى مش فاضيه
-انا يا لولو انا افضالك يا جميل انا فرحانه انك تخطيتى موضوع الطلاق
-ههههه طلاق اى يا روح انا تخطيته من زمان جدا من يوم ما اطلقت
-عارفه يا ليلى انا مصدومه فيكى انا مكنتش متوقعه انك تبعدى عن وليد بالسهوله دى
-لانى استاهل اعيش عيشه حلوة
-عيشه حلوة مش هى دى العيشه اللى اتمنتيها من لما عرفتى وليد كنتى بتقولى لو اوضه هبقى مبسوطه معاها
-اه كنت بقول بس من حقى اعيش بصى انتى مش هتحسى بيا
-لا يا ليلى هحس بيكى انتى صحبتى
-لا مش هتحسى يا روح انا طول عمرى عايشه على قدى لحد ما عرفتك شايفاكى عايشه بتصرفى يمين وشمال حتى يوم ما حبيتى حبيتى واحد مستعد يحارب الدنيا عشانك تحت اشارة منك متزعليش منى يا روح معاذ يستاهل واحده احسن منك بكتير
-اى اللى بتقوليه دة يا ليلى قالتها بدموع
-متخديش فبالك انا بقول كدا عشان تحسى بالنعمه اللى فايدك وخافى عليه دا حلم بنات كتير
-قصدك اى مش فاهمه
-مفيش سلام عشان مش فاضيه
-باااااااك
-مستحيل يا ليلى تعملى كدا معقول تكونى عايزة تاخدى جوزى منى معقول مستحيل
- لبست ونزلت صباح الخير
-صباح النور يا بتى
-رشا هو ممكن ننزل نتمشى شوى فالبلد
-اى طبعا
- بعد اذنك يا ماما طبعا
-راضيه ببسمه: روحى يا بتى بس اقعدى افطرى وبعدين اخرجوا
-بعد الفطار خرجوا ورشا لابسه عبايه سودا وخمار طويل عليها اما روح فلابسه عبايه لونها نبيتى وعليها عبايه بزراير سودا ومش قافلاها وحاطه طرحه على راسها
-هايا روح عايزة تروحى فين
-اممممم عايزة اتفرج عالبلد يا رشا ودينى انتى انا معرفش حاجه هنا
-تمام تعالى نروح الغيط اكيد معاذ هناك
-ماشيين اعترض طريقهم واحد
-ايه الجمر دة مين انتو
-بعد عن الطريق يا رجال انته
-وه عتحكى زيننا من هنا انتو بس البرنسيسه دى شكلها مش من اهنا
-روح : اللهم طولك يا روح بقلك اى يا اخ انت ابعد بدل ما اخليك فرجه لامه لا اله الا الله
-وة احب القطط اللى عتخربش والله
-انت مخبرش نحنا مين بعد بدال ما تحط نفسك بمصيبه منتش قديها
- له انتى عتتحدينى ياك طب منيش متحرك من اهنه وورينى مين هيقدر يقف فى وش صقر الشناوى هاتلى كرسى يا ولا لما نشوف القمرات دول مين
-يلا يا روح نمشى من هنا
-روح اسمك حلو يا روح كيف جمالك اللى يرد الروح
-بدأ يقرب منهم ويتغزل فيهم
-عيسى جه لما لقى التجمع وعرف القصه : عيب يا صقر اللى عتعمله دة مش زين
-صقر: متتدخلش يا ابن المغازى روح شوف مصالحك انت
-نسرين بشماته : ملناش صالح يا خيى تعال نعاود عالبيت
-عيسى: شكلهم مش من اهنه يا نسرين عيب نهمله ليهم انا هخبر العمدة
-نسرين بسرعه: له ملناش دخل احنا مش قديه للصقر همله
-تخدثت رو بغضب: بقلك اى ابعد عن الطريق حالا لاما قسما بالله هسوى وشك بالارض
-صقر مد ايدة ولسه هيلمس وشها رفعت ايدها لفوق وضربته قلم الكل اتصدم من ان حرمه قدرت تمد ايدها على راجل وكمان صقر الشناوى الكل واقف مصدوم وروح عنيها بطلع شرار : ايدك دى هقطعها لو فكرت تلمسنى
-صقر بغضب : انتى جنيتى عالاخير ورفع ايدة ولسه هيضرب روح لقى معاذ فى وشه وماسك ايده ونزل ضرب فيه وكسر ايدة
-الشيخ عرفات بيبعدهم عن بعض : بس يا معاذ يا ولدى همله بزيداه
-روح اول ما معاذ وصل راحت واستخبت جوة حضنه وبتبكى كانت خايفه جدا بس مكنتش عايزة تبين كدا عشان صقر ما يستغلش ضعفها
-معاذ وهو بيضغط عليها: اهدى اهدى
-الكل بيبص عليهم وبدأت الصورة تتضح
-معاذ بغضب: اعتذر ليها حالا
-صقر بالم: جنيت ياك انا اعتذر لحرمه وهى اللى مدت يدها عليا وهى اللى كانت عتتغنج قدامى
-معاذ مسك صقروضربه تانى
-نجد بنهجه: خلاص يا معاذ بيه همله راح يموت بيدك
-معاذ بصوت جهورى: انتى دارى اللى عتحكى عليها دى تكون مين دارى اللى يدك كانت هتلمسها تكون مين دارى اللى رفعت يدك عليها دى تكون مين
-كل دة وهو بيضربه روح خافت جدا من الوضع اللى قدامها ومن معاذ والدم مسكت عز
-عز بقلق: انتى كويسه
-روح بدموع: لا لا يا عز خدنى من هنا
-عز بقلق وصوت عالى : معااااااذ
-معاذ لف لقى روح متبته فى عز وبتبكى وخايفه طلع يجرى عليها وشدها لحضنه وسط الكل وهى بتبكى فى حضنه بص للكل : اسمع يا نجد انا ههمله بس الكل يعرف ان اللى هلمحه حوالين مراتى هنسفه من على وش الارض وانت معيزش اشوف وشك قدامى
-الشيخ عرفات: حقك علينا يا بتى
-يلا يا معاذ خلينا نروح عشان روح خايفه كتير
-نسرين بسخربه: هههههه كانت متل الحنش دلوقيت اى اللى خلاها كيف الكتكوت هلا
-عيسى: بس يا نسرين يلا خلينا نعاود
-نسرين وقفت عند معاذ واتكلمت بسخربه: والله بت عشيه جابت اجلك يا واد خالى وخلت متستحيش تحضنها قدام الكل بلا خشا
-معاذ بغضب: عيسى خد خيتك من وشى
-عيسى: اعذرها يا معاذ يلا يا مضروبه يلااااا
-معاذ: نجد عرف اخوك ان حسابى معاه مخلصش وعرفه ان فتح صفحه عداوة جديدة بس المرة دى غير يلا يا عز
-_________________
--يا روما وفيها اى نجرب
-لا يا خالد الدكتورة قالت مفيش فايدة حتى لو عملنا حقن مش هينفع
-اتكلم بغضب: يعنى هى ادخلت فالغيب استغفر الله انا بقلك نجرب حصل حصل محصلش خلاص
-بدأت تبكى : خالد انا مقدرش اعيش من غيرك اوعى تبعد عنى
-اخدها فى حضنه: عبيطه انتى يا روما انا لو هتخلى عن روحى مش هتخلى عنك
-بس مرات عمى اكيد هتخليك تتجوز
-وانا صغير يعنى وبعدين اى رأيك هنعمل العمليه وهتجبيلنا نونو اهم حاجه يبقى شبهك كدا
-بس انا خايفه
-هنفضل خايفين لحد ما نجرب وبعدين هنخسر اى مش هنخسر اى حاجه الفلوس الحمدالله موجودة
-ماشى يا خالد
-طب يلا بقه نخرج اياد عازمنا نسهر عندهم انهاردة بيقول خايف يقعد مع رنيم لوحدهم
-هههههه عارف مسيرها تموته
-____________________
- ممكن افهم اى اللى خرجكوا من البيت
-راضيه: فيه ايه يا ولدى عتصرخ ليه اكدة
-معاذ كان ماسك دراع روح وضاغط عليه وهى بتبكى : مين سمحلك تخرجى من البيت
-روح بوجع: هو انا قلت اخرج
-راضيه بغضب: اترك دراع مرتك ايه اللى عتعمله دة ايه صار لغضبك دة
- ايه صار هقلك اى صار الهانم ماشيه تتعنج وتتدلع وخلت اللى ميسواش يبصولها ومين صقر الشناوى يا امى صقر كان بتتعارك مع صقر فوسط الناس
-راضيه: ايه اللى عتحكيه دة
- اللى حصل
-معاذ هو انا كنت مخنوقه وقلت اخرج اتمشى شوى
- قصدك تخرجى تتمايصى قدام الناس
-روح اتصدمت من اللى قاله معاذ
-راضيه: عيب يا ولدى ايه اللى عتقوله دة
-روح مسحت دموعها ومشت وهو خرج
-عز بغيظ: وانتى يا هانم مش شايفه انك تستأذنى منى ولا ملوش لازمه
-رشا : لا والله انا رنيت عليك كتير بس مردتش
-عز: يبقى مردتش يبقى متخرجيش لحد ما ارد ولا عاجبك اللى حصل
-رشا بحزن: هو والله احنا كنا ماشيين بحالنا وهو اللى اعترض الطريق وصار يقول حكى ماسخ زييه بس كنا هنمشى ووقف قدام روح وكان راح يحط يدة على وشها بس هى ضربته بالقلم وصار اللى صار
- جدعه يا روح قويه بنت البندر
-: جدعه اى يا امه لولا مجى معاذ فالوقت المناسب كنا فخبر كان
-عز: احنا كنا بالغيط وواحد جه لمعاذ وقاله ان صقر بيتعرض لبنتين بالطريق ومعاذ اتحرك تقليش كان حاسس واتفجأنا بيكوا
-راضيه: جت سليمه الحمدالله خير كله خير باذن الله طالعينى لروح يا رشا هطيب خاطرها بكلمتين
-رشا: حاضر
-————–
-روح قاعدة بتبكى راضيه دخلت عليها ورشا سابتهم ونزلت
- عتبكى ليه عاد
- مشمعتيهوش يا ماما بيقول اى انا خارجه اتمايص انا
-ضحكت راضيه: غيران عليكى يا بتى
-انتى بتضحكى يا ماما
-ايوة بضحك بس انا فخورة بيكى قوى
-فخورة
-ايوا علمتى عالصقر
-بس يا ماما انا كان هاين عليا اموته
-يستاهل
-بس معاذ قام بالواجب وكسرله ايدة بس الناس كلها كانت فرحانهفيه شكله شرير
-هههههه شرير لك دا شيطان
