رواية قطرات من الحب الفصل 24

الرابع والعشرون
عن اذنكوا لسه هتمشى معاذ قام ومسك دراعها
-‏عايز اتكلم معاكى
رجعت وبصت فى عيونه بكل قوة رغم الدموع اللى ماليه عنيها مفيش كلام بينا وزاحت ايدة وفتحت الباب بس سبقها وزف الباب والكل اتخض من الصوت ومنظره اللى اتحول روح بصت حواليها ورجعت بصتله
-‏انا قلت عايز اتكلم معاكى
-‏عايز اى
-‏ابن مين اللى فى بطنك
-‏اتصدمت من كلمته رفعت ايديها ولسه هتضربه لحقها ابو عذراء وشدها بعيد عيب يا روح
-‏اتكلمت بكل غضب جواها ورعشه اتملكت جسدها : انت مجنووووون انت مش طبيعى مش طبيعى لسه برضوا عند شكك ماشى يا معاذ انت لسه شاكك انا هخليه حقيقى لا مش ابنك يا معاذ وايوة انا خنتك وبدل المرة الف مرة ياريتنى ما شفتك يا ريتنى ما قابلتك
-‏ام عذراء شدتها فى حضنها وبطبط عليها هاتيلها عصير لمون بسرعه يا عذراء
-‏حاضر يا ماما قالتها عذراء بدموع
-‏اتكلم ابو عذراء اهدى يا بنى مش كدا تعال بس ارتاح وتتكلموا بعد ما تهدوا
-‏لا يا عمو انا مفيش كلام هيجمعنى بيه وانت مش عايزة اشوف وشك تانى عن اذنكوا خرجت ورزعت الباب وراها
-‏اروحلها يا بابا
-‏لا يا عذراء روح يا بنى بالراحه عليها واسمع منى كفايه غلط فيها لحد كدا انت مستحملتش عادل يقول كلمه عليها جى انت توجعها وتكسرها عالاقل هو ميعنيش ليها حاجه انما انت كل حاجه ليها وخليك واثق ان محدش لمس مراتك غيرك بس الغضب بيعمى الواحد بس اقعد فكر مع نفسك روح تعمل فيك كدا او مش فيك روح نفسها ممكن تعمل كدا
-‏كملت ام عذراء عارف السكر بيدوب فالميه وانا عاشرتها٥شهور هى عامله زى السكر وانت الميه روح بتعشقك انا زى امك صدقنى روح نضيفه من اول يوم سكنت فيه مفيش واحد فالحى محبهاش كبير وصغير
-‏خد يابنى المفتاح اهو بتاع الشقه وروحلها الشقه اللى جنبنا عالطول
-‏اخد المفتاح ومشى ووقف قدام الباب ومش عارف يعمل اى بس حسم قرارة فتح الباب ودخل كانت واقفه فالبلكونه وبتبكى حست بيه من غير ما تبص عليه
-‏عايز اى
-‏راح لعندها ومسك ايديها تعالى نتكلم جوة عشان الجو برد
-‏مش ابرد من قلبك
-‏اتكلم بسخربه قلبى ياريته كان بارد ياريته
-‏لسه بيتكلم ضرب برق فالسماء والمطرت نزلت زى السيول وهى واقفه ومش راضيه تتدخل ومش راضيه تتحرك وبتبكى حضنها وانهارت جوة حضنه
-‏لى يا معاذ لى تعمل فيا كدا هونت عليك اااااااه ظلت تصرخ غطى صوتها البرق والرعد
-‏وجعت قلبه وحرقت روحه شالها دخلها لجوة بعد ما اتغرقوا واخدها اوضه النوم وطلع لبس ليها ولسه هيخلعها حطت ايدها على ايده واتكلمت بقسوة اخرج برة مبقتش من حقك لف وشه ولسه هيطلع لقى صورة كبيرة ليه عالحيطه وحواليه صور ليه وليها فاق على صوتها
-‏اخرررررج
-‏
خرج وهى غيرت وهى لبست بيجامه كبيرة عشان بطنها وسابت شعرهاعشان ينشف اللى طول جدا زى ما كان قبل ما تقصه وخرجت لقته غرقان هو وقف وتاه فى وشها وشعرها اللى كان بيعشقه
-‏انا هكلم عمو اجيب ليك لبس من عندة عشان ما تبردش
-‏احم لا انا هنزل اجيب لبس من العربيه واجى
-‏لا ازاى هتنزل المطرة جامدة تحت لا خليك هى خايفه من صوت البرق والرعد اللى زاد ومش عايزة تبقى وحدها
-‏لا عادى مش مشكله لسه هيتحرك الرعد عمل صوت طلعت تجرى عليه ومسكت ايده لا خليك
-‏بصلها وافتكر انعا بتخاف من البرق والرعد طب البسى حاجه وننزل سوا وشوفى شمسيه
-‏طلعت تجرى ولبستوعبايه وحطت طرحه على راسها وجابت الشمسيه ونزلوا
-‏اتكلم بسخريه فكرتك خايفه عليا مش خايفه من البرق والرعد
-‏وقفت بغضب لا يا معاذ خفت عليك كان ممكن اسيبك تنزل وانادى عذراء تقعد معايا بس خفت عليك بس عارف فكر زى ما انت عايز اصلا انا اصلا غبيه انى فكرت انك هتفهم ومشت وسابته واخدت الشمسيه وهو لحقها وحاوط وسطها ورفعها من الارض وقربها من وشه واتكلم بهمس لى عملتى كدا يا روح
-‏ظلت تنظر لتلك العيونه تبحث عن حنان ولكن هيهات فقد كانت باردة مثل الثلج ازاحته بجمود فى صدرة ونزلها اتكلمت ببرود احنا فالشارع وفين عربيتك عشان نرجع عشان انا بردانه
-‏اهى
-‏جابوا الشنطه وطلعت وهى طالعه قابلت ام عادل اللى اول ما شافتها اتوترت
-‏روح اتكلمت بشماته ها يا طنط عرفتى انى متجوزة ولا تحبى اجبلك قسيمه الجواز
-‏لا يا بنتى انا اسفه يعنى
-‏معاذ كان واقف جنب روح روح رفعت راسها امال سبع البرومبه فين عرفتى ان جنب جوزى ما يتبعش بشلن يعنى بعقلك هسيب دة وشاورت على معاذ وهبص للى عندك
-‏خلاص يا روح اطلعى قالها معاذ بغيظ
-‏لا استنى بس
-‏رووووووح
-‏سكتت وطلعت ودخلوا الشقه وهو دخل وغير ولبس فلينه بحملات وبنطلون وعضلاته باينه وبينشف شعره روح اول ما شافته اتوترت
-‏لا اله الا الله البنت بتزاولنى جوة وابوها برة اروح فين
-‏بتقولى حاجه
-‏ها لا بقول البس اى حاجه عشان البرد ودخلت المطبخ وعملت سحلب احطله سم وابقى قتلته هههههه والله عليا شويه افكار بتخبطى لى يا بنت المجنونه مش هعمل كدا انا بفضفض مع نفسى متتدخليش انتى وبعدين نازله خبط انهاردة انتى مبسوطه ولا اى
-‏معاذ دخل من غير ما تحس وحضنها بدون شعور منه ودفن وشه فشعرها وايدة على بطنها وحاسس ببنته بتتحرك تحت ايدة وحشتينى با روح وحشتينى زاح شعرها بعيد وبيبوس رقبتها وهى دايبه بين ايدة بس بعدت
-‏وهو فاق واضايق ان هو ضعف وهى حست بدة لما خرج من المطبخ بسرعه لملمت شتات نفسها واخدت السحلب وخرجت وحطت كوبايه جنبه وهى قعدت عالسفرة وفتحت اللاب توب ورنت على واحد فالشغل وفاتحه الاسبيكروهو قاعد بيبص عليها وماسك تبليفونه
-‏ايوة يا مجدى
-‏ايوة يا ام كرش
-‏اتكلمت بطفوله الله يسامحك يا مجدى
-‏طب بكرش ولا مش بكرش
-‏لسه هترد كان معاذ سبقها انت مالك انت بكرش ولا من غير تتكلم معاها تتكلم باحترام
-‏انا انا اسف بس انت مين طيب
-‏انا جوزها يا روح امك
-‏معاذ انت اتجننت اى اللى بتقوله دة مجدى هبعتلك الملف بتاع جيت وشوفه وابعت للموظفين بكرة اجازة عشان المطرة سلام قفلت التليفون وبصت بغضب لمعاذ انت مين دخلك
-‏نعم يختى مين دخلنى روح متجننيش
-‏اتكلمت بغضب انت اللى متجننيش انت عايز اى منى
-‏انا مش عايز زفت منك انا قعدت لانى مضطرة مش عشان جمال حضرتك اذا كان عليا مش عايز اشوف وشك
-‏اوجعها فوق وجعها وجع دموعها نزلت وهو سكت لما عرف ان الغضب خلاه يقول كلام وجعها
-‏روح انا اسف مش
-‏سابته ومشت دخلت الاوضه وقفلت على نفسها وبتبكى وفجأه النور قطع
-‏روح صرخت معاااااذ
-‏معاذ اول ما النور قطع فتح كشاف تليفونه وراح عندها لان عارف انها بتخاف من الضلمه ولما نادت عليه كان عالباب
-‏انا هنا يا روح متخفيش راحت لعندة ومسكت دراعه وكلبشت فيه والجرس رن
-‏اخدها وراح فتح الباب كانت عذراء
-‏ماما قالت اكيد معندكيش شمع وعارفه انك بتخافى من الضلمه فخدى الشمعات دول لحد الكهربا ما تيجى
-‏شكرا يا لوزة
-‏العفو باى
-‏هتحطيهم فين
-‏اوضه النوم عشان عايزة انام حاسه انى تعبانه
-‏مالك حط ايدة على راسها
-‏تعبانه نفسيا يا معاذ ياريت التعب يكون تعب جسدى
-‏شدها لحضنه وضغط عليها وهى دموعها بتنزل بصمت ودخل اوضه النوم وولع الشمعات ونامت وغطاها عطتوا ضهرها ودموعها بتنزل اتكلمت ببحه من كتر العياط :مرتاح من غيرى يا معاذ
-‏وكانها سكبت بنزين على تلك النار التى تلتهم قلبه ظنت انه مرتاح بعيدا عنها لاتعلم انه ينام على رائحه شعرها الذى احتفظ به منذ ان قصته ويختفظ بتلك الخصله التى يضعها فى جيبه ليستنشقها دائما ليشعر بها ظل يمسد على شعرها دون النطق بكلمه وحينما شعر بثباتها فالنوم اخذ يقبلها ليشبع رغبته لتشعر به لتبادله اياها تحت ضعف منها ومنه لم يذق النوم عينيه ولم يذيقها هى ايضا فقد كان مشتاقا لها ابتعد عنها بصدمه
-‏انا انا لازم امشى من هنا
-‏صدمات تتوالى لتعلم ان الضعف كما تحكم فيها تحكم فيه تركها ودلف الحمام انتهى وفتح الباب لكنها لم تنظر اليه دلفت هى الاخرى الى الحمام فتحت المياه على جسدها شعرت بشئ ساخن على على قدمها صرخت بعلو صوتها باسمه معاااااذ الحقنى
-‏دخل بسرعه عليها لقى دم بينزل منها وماسكه بطنها واقف مصدوم
-‏هى بانهيار معاذ بنتى بنتى يا معاذ
-‏طلع يجرى عليها وشالها خرجها وجرى على ام عذراء اللى جت جرى
-‏يالهوى يا بنتى اى حصل
-‏يا ماما لازم نروح المستشفى مش وقته الكلام قالتها عذراء بخوف دى بتنزف جامد كل دة وهما بيغيرواوليها ومعاذ مستنى برة هو وابو عذراء
-‏عذراء طلعت عليهم لازم نوديها المستشفى معاذ دخل بسرعه ولقاها منهارة طلع يجرى عليها وهى حضنته انا السبب انا السبب
-‏اهدى يا حبيبتى شالها ونزل بيها تحت ودخلها العربيه
-‏العربيه غارسه فالطين يا معاذ اهدى
-‏الكل اتجمع وبيحاولوا يزيحوا العربيه وروح بتبكى ومنهارة واخيرا قدرت العربيه تتحرك ركب الكل معاهم ومعاذ ماسك ايدها وهى منهارة وبتبكى
-‏بنتى يا معاذ
-‏هتبقى انتى وهى بخير يا روح بس اهدى بس
-‏اتكلمت ام عذراء يا بنتى انتى كنتى كويسه امبارح اى اللى حصل
-‏روح بصت لمعاذ واتوتروا هما الاتنين
-‏مفيش يا طنط بس الجو امبارح كان بيخوفنى بخاف من الرعد وبعد كدا النور كنت متوترة امبارح
-‏ايوة يا حبيبتى خير باذن الله
-‏راحوا المستشفى ودخلوا الكشف معاذ دخل معاها والدكتورة بتكشف عليها
-‏بنتى كويسه مش كدا
-‏اهدى يا مدام روح ومتتوتريش قوليلى بقه اى اللى حصل خلى الدم ينزل عشان احط فالصورة
-‏روح بصت على معاذ واتوترت : هو يعنى
-‏معاذ اتكلم انا كنت مسافر بقالى ٥شهور ورجعت امبارح ويعنى حصل بينا
-‏اه تمام فهمت مفيش مشكله ولااى قلق يا مدام روح
هو بس كان حصل تتدفق لدم حوالين كيس الجنين ودا اللى سبب النزيف بس امور النونو بخير بصى اهى بتلعب الهانم جوة بطنك
معاذ ببسمه : دى ايديها
-اه ايديها اهى ورجلها وراسها شوف بتتحرك ازاى بتعمل شقلبظات جوة
-‏روح بفرحه ودموع : انا حاسه بيها انا خوفت يعنى هى مفيهاش اى حاجه
-‏لا بس يستحسن تفضلى معانا انهاردة لحد ما نطمن عليكى ونطمن ان النزيف وقف
-‏تمام يا دكتورة مفيش اى مشكله
-‏لسه هتمسى وقفتها روح دكتورة لو سمحتى
-‏نعم ممكن محدش يعرف يعنى
-‏فاهمه متخفيش هقلهم من التوتر وكنتى مصغوطه تمام
-‏تمام حاجه تانى لو سمحتى
-‏اتفضلى
-‏هو انا ينفع اعمل تحليل DNA للنونه وهى فى بطنى وبصت على معاذ
-‏روح اى اللى بتقوليه دة
-‏لو سمحتى ينفع قالتها بجمود
-‏الدكتور وزعت النظرات بين الاتنين واتكلمت ايوة ينفع
-‏تمام عايزة اعمل واحد بعد اذنك
-‏تمام
-‏انتى اتجننتى اى اللى قولتيه دة قالها بغضب
-‏ممكن تخرج برة عايزة ارتاح لو سمحت
-‏سابها وخرج وطمنهم ودخلوا اطمنوا ورفضوا يروحوا وهو قاعد عالكرسى جنبها وفجأه الباب اتفتح وكانت وفاء
ورنيم وروما
-بنتى عامله اى سلامتك يا عمرى فضلت تبوس فيها ودموعها بتنزل
-‏هى بخير ما مرات عمى
-‏اى اللى حصل وعرفت مكانها ازاى
-‏كلمت مهاب واخدت العنوان وروحتلها امبارح
-‏عامله اى يا حبيبتى
-‏بخير يا ماما متعيطيش (لم تستطع ان تجمد قلبها على امها وما زالت دموعها تحرقها )
-‏انا اسفه يا روحى انا اسفه سامحينى وبتبوس ايديها
-‏لم تستطع كبح دموعها ماما لو سمحتى متعمليش كدا رنيم
-‏خلاص ياماما سبيها ترتاح
-‏روما ميلت عليها وباست راسها : عامله اى
-‏بخير يا روما
-‏ام عذراء وابو عذراء واقفين : الدكتورة طمنتنا متقلقوش عليها
-‏وفاء بصت ليهم واستغربت معاذ اتكلم دول ابو وام عذراء جيران روح
-‏اهلا وسهلا وسلمت عليهم بحفاوة
-‏روما راحت عند معاذ كلمت امى قلقانه عليك من امبارح
-‏حاضر يا روما هكلمها تلفونها رن فى نفس اللحظه اهى بترن
-‏ايوة يا امى
-‏احنا عند روح فالمستشفى
-‏لا متخافيش بس تعبت شوى ومعاذ كان عندها والحمدالله هى بخير
-‏حاضر روح امى عايزة تكلمك
-‏اخدت التليفون ايوة يا ماما
-‏انا بخير متقلقيش
-‏لا والله انا بخير متقلقيش
-‏مع السلامه
-بعد مدة روحى انتى يا رنيم عشان ابنك اللى سيباه مع ستك وطمنيها وانتى كمان يا روما روحى عشان متتعبيش وانا هفضل
-‏لا يا ماما روحى انتى كمان معاهم انا كويسه
-‏انا هفضل معاها وانتو كمان يا جماعه تعبنكوا معانا كتير هخلى زياد يوصلكوا
-‏لا يا بنى انا هبيت معاها
-‏لا يا طنط تبيتى اى انتى عايزة لوزة تيجى تتدبحنى
-‏ههههههه يوة فكرتينى نسيت اكلمها
-‏لا انتى روحى انتى وعمو وكفايه الرعب اللى عملتهولكوا
-‏متقليش كدا يا روح المهم اننا اطمنا عليكى
-‏شكرا يا عمو
-‏طب ابيت انا معاكى
-‏لا يا ماما انا لو لسه تعبانه هقلك بس انا بخير ومعاذ كمان موجود اهو
-‏ماشى يا حبيبتى انا هاجى بكرة اطمن عليكى
-‏______________
-‏عند عز راضيه بتكلم روما
-‏يعنى هما اتصالحوا ولاايه يا بتى
-‏مش عارفه يا امى بس هو من امبارح كان عندها اكيد اتكلموا
-‏رشا اتكلمت : طب اساليها كانوا طبيعين ولا فى حدود
-‏سمعتى خيتك
-‏اه سمعتها لا يا امى كانوا مش بيبصوا لبعض حتى
معاذ قال لخالد ان هو راح يشوفها والدنيا مطرت ومرضيش يمشى من عندها عشان الجو والارض وكدا
-بس كيف دة بيت عنديها اكدة
-‏لا يا امى معاذ ردها لعصمته تانى يوم قال لخالد كدا
-‏بجد يا بتى
-‏ايوة يا امى
-‏طب خير باذن الله هى حامل فاى يا روما
-‏بنوته يا امى
-‏اللهم بارك ربنا عاطينا خير كتير السنه دى الحمدالله
-‏___________________
-‏مر الوقت ومعاذ قاعد جنب روح اللى مش راضيه تبص ليه شايف بطنها بتتحرك يمين وشمال ومبسوط روح بصتله لقته مركز مع بطنها مسكت ايدة وحطتها على بطنها
-‏فضل باصص على روح وحاسس بحركه بنته قام ونام جنبها عالسرير وايدوا على بطنها
-‏تانى يوم الصبح
-‏الكل كان موجود حتى راضيه اللى صممت تيجى تطمن على روح روح وجع قلبها بيزيد وهما حواليها وهتسيبهم وترجع لوحدتها
-‏الدكتورة دخلت
-‏صباح الخير
-‏صباح النور
-‏الدكتورة مدت ايدها بالتحليل لروح اخدته منها وبصت على معاذ اتفضل
-‏الدكتورة استأذنت وخرجت
-‏اى دا يا بتى
-‏هو هيقرا ويقولكوا دلوقتى افتح التقرير
-‏عذراء راحت لروح اللى بتحارب دموعها عشان متنزلش : لى عملتى كدا ياروح
-‏روح ابتسمت ليها ابتسامه مكسورة ومسكت ايدها
-‏معاذ بدأ يترجم التقرير بصوت عالى نتيجه التقرير تطابق تحليل DNAللطفله التى تحملها روح مراد مع السيد معاذ وسكت وبص على روح
-‏روح بجمود بنسبه كام
-‏١٠٠٪١٠٠
-‏تمام مسكت فونها وسمعتهم تسجيل ليلى اللى سجلته ليها منوغير ما تاخد بالها لما كانت بتكلمها
-‏الكل مصدوم ان ليلى السبب فاللى حصل
-‏روح بصت للكل التسجيل دة كان معايا من اليوم اللى حصل فيه الموضوع
-‏مقلتيش لى يا بنتى
-‏اتكلمت بسخريه ووجع اقول انا قلت بس محدش سمعنى يبقى لى اوريكوا التسجيل وانتو مصدقتوش المتهمه وراحت لامها دول عرفوا قصتى من اول يوم شافونى فيه وصدقونى وعلى فكرة اول مرة يسمعوا التسجيل بس صدقونى واعتبرونى بنتهم وكانوا جنبى فكل حاجه
-‏انا اسفه يا روح
-‏لا يا ماما انا مش زعلانه منك عمرى ما ازعل منك انتى امى انا مسمحاكى يا ماما بس هيغضل جوايا انك اتخليتى عنى فاكتر وقت محتجاكى فيه ولفت لمعاذ حكمت ونفذت الاعدام من غير ما تسمعنى وبعدت وبعد ما بعدت جى تقولى حامل من مين يا جبروتك انا يا معاذ معقول مكنتش تعرفنى لدرجه انك تشك فيا انا روح اللى كانت روحها فاكر لما اياد شك فى رنيم قلتلك اى وقلتلى اى
-‏روح انا
-‏انت اى اعتقد رد سؤالك اللى كنت مستنيه وصلك مش عايزة اشوف وشك تانى يا معاذ عمو ممكن تشفلى تاكسى
-‏انا هوصلك تحدث معاذ بسرعه
-‏لا قالتها بجمود
-‏انا كدا كدا هجيب لبسى فهوصلكوا واخد حاجتى وامشى
-‏روح تعالى معايا يا بنتى
-‏هرجع يا ماما ان شاء الله بس لما جدو يصحى ويجبلى حقى رنيم ابقى قولى لجدو انى بريئه انا عارفه ان هو مستحيل يصدق
-‏الكل كان واقف بيبكى ومعاذ يا حسره عليه الكل روح بيته ومعاذ مع روح فى شقتهم
-‏كانت قاعدة عالكرسى راح ركع عالارض قدامها ومسك ايديها وباسها روح ادينى فرصه تانى انا الغضب اتحكم فيا
انا كنت بلعن نفسى مليون مرة انا كنت بموت فاليوم ميت مرة كنت بتقولى كيف قدرت قدرت ازاى وانا شعرك باخده فى حضنى غشان انام على ريحته وطلع خصله من جيبه دى مفارقتنيش لحظه كنت بحس انك جنبى انا عارف انك مش قادرة تسامحينى بس غيرتى عمت عيونى ولغت عقلى ولما شفته اتجننت يا روح فكرة ان حد بيبصلك بعيونه غيرى فكرة ان حد يلمسك غيرى فكرة انك بتلمسى حد غيرى كل دة اللى كان فى دماغى لحظتها
-انت معطنيش فرصه اتكلم دموعها نزلت
-‏عارف ان عذر اقبح من ذنب بس انتى مشيتى بعدتى عنى بعدك عنى خلانى اتجنن تغيير رقمك وانك تقطعى علاقتك بالكل اتجننت ازاى قدرتى تبعدى عن الكل بالطريقه دى دماغى مليون فكرة وكلهم اوحش من بعض
-‏اتكلمت بسخريه بعدت وازاى هقلك ازاى يا معاذ مسكت ايدة ودخلت اوضه النوم اول حاجه عملتها وحطت ايدها عالصورة اللى بطول الحيطه عشان لما افتح عيونى القيك قدامى كل يوم بصبح عليك واتخيل انك معايا ارجع اقعد احكى معاك انا كنت قربت اتجنن يا معاذ كل لحظه بتخيلك معايا بس الوجع مش انى بعدت الوجع انك عرفتنى انا اى انتى محبتنيش يا معاذ
-‏لا يا روح متقليش كدا انا بعشقك انا بموت من غيرك
-‏لا يا معاذ لو كنت حبتنى كنت وثقت فيا
-‏ صدقينى بحبك والله بعشقك بس الغضب اتحكم فيا ارجوكى يا روح ادينى فرصه كمان
-‏لا يا معاذ اللى بينا انتهى وانت نهيته من لما نطقتها
-‏سابته وخرجت وهو خرج وراها طيب يا روح لمى هدومك عشان هنسافر سوا
-‏نعم انت مجنون بقلك لا
-‏اتكلم ببرود حاولت كتير معاكى وانتى مش موافقه يبقى جبرا هتوافقى
-‏اتوترت قصدك اى هتخطفنى يعنى
-‏تقدرى تقولى كدا
-‏لا انت اكيد مخك فوت
-‏لا مفوتش متنسيش انك مراتى يعنى ممكن ابعتلك انذار بالطاعه واطلبك فى بيت الطاعه
-‏

صفحتنا علي فيس بوك

تحميل تطبيق لافلي Lovely

قصة المنزل المسكون