(10)تاني يوم من رجوع ريم من كوريا اتفقت مع “غادة” ع موعد فى المستشفي :
واضح يا “روما” ان “كوريا” غيرتك شويا واضح انك مبسوطة ,,احكيلي ..!
_ اولا هديتك يارب تعجبك ..!
فتحتها : جميله يا “روما” ودا شئ اكيد يعني ,,احكيلي يلا ..!
_ امممم السفرية نفسها كانت كويسة ,,مكان جديد,,وناس جديدة,,وحياه مختلفة,,بصراحة مكنتش اتوقع كده وان انا اطول هناك كل دا ,, “رنا” نوعا ما كانت معايا والوقت المشغولة فيه بكون مع “مريم”
_ مين “مريم” ..؟
حكتلها عن “مريم” وتعاملها معاها فى “كوريا” وحكت عن رجوع السلسلة وعن “لوهان” ولحظت “غادة” ان “ريم” وبتحكي عن “لوهان” كانت سعيدة رغم معرفتها معاه مده قصيره ودا اول مره يحصل مع “ريم” ..
_ واضح انه انسان كويس ؟
_ احساسي بيقولي انه انسان كويس
_ طيب ما كل حاجه تمام اهو ,, حاسه ان فى حاجه ليه ,,مالك؟؟
اتنهدت “ريم”: موقف الكامب والسينما معلقيين معايا ,, كل مره احس انى طبيعيه يحصل حاجه تقول لا انتي مش طبيعية زى اى بنت ,, اللى حواليا اكيد فهموني غلط لان مفيش حد عارف مشوار علاجي غير أهلي بس ,,مش عارفه اعمل ايه علشان اتجنب المواقف دى وانهار ..
مسكت “غادة” ايد “ريم”: الوقت ,, مع الوقت كل حاجه بتمر وتتغيير ..انتي وصلتي لمرحلة كويسة جدا فى علاجك مقارنه بوضعك اول ما قابلتك ,, ب اصرارك وارادتك القية ورغبتك الشديدة انك تخفي خالص ,,متستسلميش وكملي يا “ريم” ,,اى انسان معرض انه ينهار وبيرجع يقف تاني,, مر كتير باقي قليل ..!
_ تفتكري يا “غادة” هقدر اكون انسانة طبيعية ..؟
_”ريم” ,,انتي انسانة طبيعية وبلاش وهم انك فيكي حاجه مختلفة ,, زى ما قولتلك كل انسان معرض يحصله مشاكل وتأثر فيه ,,انتي عيشتي فترة مش سهلة ع اى حد يعيشها وسابت أثر فيكي وكبرت معاكي ودا سبب ان علاجك واخد فتره طويلة وانتي بتساعدي نفسك وهتخرجي من الضلمة ,,عيشي حياتك ومتخافيش من اى حاجه ولا اى حد لان اللى حصل زمان مش هيتكرر لان انتي مش هتسمحي باانه يتكرر ,,!
اتنهدت “ريم”: تمام ..
_ ايه اخبار “امير”..؟
_ عادي زى ما احنا مكالمات وهدايا بوجوده او غير وجوده وفجاءه يكون قدامي دى طبيعته ..
_ فاتحك فى الموضوع تاني ..؟
_بيلمح لكن انه وضحتله منسبقش الاحداث ,,
_تمسكة بيكي دا محركش حاجه جواكي ..؟
_ امير شخص غالي فى حياتي ودا حقيقه متتنكرش ,, صديق واخ لكن حاجه تانيه لا معتقدش لان انا مبفكرش فى الارتباط ,,انا بحاول القي نفسي واعالجها واوقفها ع رجلها ,, ,, عاوزة اوصل لمرحله مخفش اتعرض من اى موقف محرج واعرف اتصرف من غير لفت انتباه اللى حواليا ,,عاوزة اعوض سنين اللى مرت بسنين اللى جايا,, مش عارفه ازاى دا هيحصل لكن اهو بحاول ..
_ اى حاجه بتحصل فى حياتنا بيكون ليها عوامل مساعده ..
_ زى اه ..؟
_ من لطف ربنا لينا لما بنتعرض لمواقف صعبه منقدرش نستحملها بيظهر فى حياتنا اشخاص مجهوليين ,,منعرفش هما مين لكن نوعا ما بيكونوا طوق نجاه لينا ,,اخ ..صديق..حبيب..زوج اى كانت صفته بيبقي عامل مساعد بيدفعنا ل قدام وماسك ايدينا يطمنا ,,بيبقي هدية من ربنا لينا يساعدنا ,,ودا بيحصل من التعايش يا “ريم” وزى ما فى ناس بتهدم الروح فى ناس تانية بتمد ايديها من غير ما نطلب علشان ترفعنا وتمهد الطريق علشان نكمل ,,ف كلا الحالتين ب اصرارك وارادتك هتوصلي للى انتي عاوزاه ,, يمكن اللى حوالينا بيحبونا بطريقتهم لكن هنقابل اللى يحبنا بطريقتنا ,,!
ابتسمت “ريم”: انتي اول الناس اللى مدت ايديها تساعدني بجد شكرا ..
_ مفيش بين الاصحاب كده .. ويلا بقي امشي انتي رغيتي كتير وعندي مرضي عاوزه امر عليهم ..
بتضحك”ريم”: بتطرديني ,, ما انا مريضتك ..
_ لا انتي صديقتي .. يلا امشي بقي وقبل ما تمشي عاوزه اقولك اعمال اللى يحسسك براحه وسعاده اتفقنا ..
ريم وقفت وبتضحك : اتفقنا ..هكلمك تاني ..
_ وانا دايما فى انتظارك ..
“وهى خارجه متجهه لسياره موابيلها رن وكان “لوهان” ابتسمت :
_ لوهان
_ صباح الخير ..
_ صباح الخير .. انت عندك الساعه 7 بليل ,,
_ وانتي عندك الساعه 10 الصبح يعني صباح الخير ..
_ لو حد سمعك هيقول مجنون ..
_ بتكلم بصوت واطي متقلقيش ..
_ تمام ..
_ انتي بتعملي ايه وفين ..؟
_ كنت بزور صديقه
_ حقيقي بحسدها
_ ليه .؟
_لانها شافتك وانا بسمع صوتك بس
_ انت بتعاكسني ..؟
_ او وحشاني ..
_ ايه .. مش سامعه كويس ..؟
_ بقول انا مسافر اليابان عاوزه حاجه من هناك ..
_شكرا .. ترجع بالسلامة
اغلب الوقت “ريم” و”لوهان” بينهم شات او مكالمات ,, فى الفندق فى اليابان كان “لوهان” بيرسل رسالهوكان مبتسم ولم يلاحظ دخول “جو وون” :
_ هااااي ,, انت مش هنا ..
_ انت جيت امتي ..؟
_ قصدك جيت المره الكام انت من بدري مش موجود ,,
_ كنت بتمشي الصبح ..
_ بجد ..؟
_ ايوه ..
_ انت بقيت غريب اوي ,, انت كنت بتنزل الجيم مره فى الاسبوع دلواقتي يوميا تنزل الصبح تجري
_ هى الرياضة وحشه .. غلط احافظ ع لياقتي ..
_ مين اللى بيتكلم ,, اها انا عرفت السبب ,, من وقت ما عرفت البنت العربية و ..
_ اسمها “ريم”
_ سورري ,, “ريم” ,, نانت اتغيرت بسببها كتير ..
_ علشان اهتميت بالرياضه ..؟
_ لا اكتر ,, بتسرح كتير ,, شات طول الوقت معاها او مكالمات ,, كلامك عنها متغير مختلف عن كلامك عن “يومي” دا لو اساسا افتكرتها ,, هو علاقتكم انت و”ريم” ايه ..!
_ صداقة ..
_ صداقة ..؟
_ اممم ممكن تقول صداقة مميزه بالنسبالي ..!
_ علشان بنت عربيه من الشرق الاوسط ,,
_ لا فى سبب لكن انا مش لقيه ,,من وقت ما شوفتها من اول مره فى لندن فى الجمعيه وفى حاجه غريبه حاسسها كل ما اشوفها او افتكرها ,,حاسس اعرفها من زمان او كنت مستنيها مش عارف بالظبط لكن احساس جميل ,, علشان كده اصريت انها توافق ع صداقتنا عاوز اعرفها اكتر وكل مرة بنتكلم بكون عاوز اعرفها اكتر واكتر ,,
_ بيحصل لما تقابل شخصية مختلفه عنك شكلا وموضوعا ..
_ محصلش قبل كده ,,وانا مبفكرتش وانا معاها لا بجنسية ولا ديانة ,,انا بعامل انسانة وسعيد جداا ان انا اعرفها اللى اقدر اقوله لك ان “ريم” مميزه ليا اى كانت مسمى العلاقة ..!
اتجه “جو وون” ل “لوهان” وحط ايده ع كتفه : احترس يا صديقي لان كلامك بيوحي لطريق لو مشيت فيه مش هتعرف ترجع ,, الصداقة والحب الفرق بينهم خط ضعيف جدا لو عديته مش هتقدر ترجع تاني ,,
_ انت بتقول ايه . بقولك صديقه مميزه ..
_ “يومي” تعرفها.. حكيت عنها ل “يومي “..؟
_ لا ,, والافضل انها متعرفش ,, الاتنين مختلفيين عن بعض جداا ,, و”يومي” مجنونه لما بتعرف ان فى شخص جديد دخل حياتي انت عارف هى بتعمل ايه بتكون خارج السيطره ,, تصرفاتها طفولية ,, انا مش عاوز اى حاجه مهما كانت تضايق “ريم” ,, و”يومي” هبقي اعرفها فى الوقت المناسب ..!
_ انت عارف انها نشرت اشاعات فى الشركة وبين اصدقائنا ان خطوبتكم قريب ,,
ضحكك”لوهان”: مش قولتلك تصرفات طفولية ,,
_ انت مش مهتم انت ديث الساعه اليومين دول ..؟
_ انا من وقت ما رجعت وانا مبهتمش بالاشاعات طول ما مفيش حاجة مؤكدة,, انت عارف هى ايه ,,هى اختى الصغيرة ,, هى علشان كبرت واحنا مع بعض اهلينا كانوا دايما مع بعض فى لندن قبل ما ارجع كوريا فكانوا بيلمحوا ب اننا نرتبط لما تتخرج لكن طبعا دا كلام غير مؤكد ,, متركزش مع اشاعاتها هتاخد وقت وهتختفي ,, (بنظره خبث ) وبعدين انا عارف ان فى انسان يستاهلها بس هو محتاج شجاعه وينطق
اتوتر “جى وون” : يلا كفايه كلام ونركز ع شغلنا
_ تمام ,, بس اعتقد ان كل حاجه مترتبه ,, الالبوم خلص خلاص والترويج كمان بيتظبط جدوله مع الحفلات وتصوير الاغنية فى ميعادة والاعلانات تمام ,, انا مش معطلكم فى حاجه ..!
_ حتى لو تعطل براحتك د انت الوريث الاول والوحيد لمجموعه كوبا
ضحكك”لوهان” : احنا اتفقنا اول ما رجعت كوريا معاكم ومع بابا انا هرجع كوريا بشرط هعيش ع حريتي بدون قيود وليا حرية الاختيار ,,
_ تمام .. صحيح “ريم” هتحضر الحفله ..؟
_ لا ..
_ ليه ..؟
_ لانها متعرفش انا مين اساسا ,,هى عارفه انا موظف وبس ,,
_ معقوله معرفتكش ..؟
_ لا لانها غير مهتمه بالميديا هنا ..
_ اوكيه ..
رغم اختلاف التوقيت فى البلاد اللى بيكون فيها “لوهان” لكن دايما اوقات اتصالاته والشات مع “ريم” بيرتبها يتوافق مع توقيت “ريم” فى لندن ,, وكانت “ريم” بتستغرب اوقات لان بيكون المفروض انه يكون نايم فى اوقات لكن كان بيفضل يتكلم معاها اكتر ,,, “رامي” انهي امتحاناته وكان وعد “ريم” انها تسافر معاه “كوريا” ونفذت “ريم” وعدتها وسافرت هى و”حنان” و”رامي” وانتظرتهم “رنا” و”فريد” وكان فى انتظارها فى المطار “لوهان” لكن مقربش منها واتخفي ,,, وصلت البيت مع “رنا” و”مريم” وكانو سعداء بتكرار “ريم” الزيارة مره تانيه بدون الحاح …!
دخلت ع غرفتها ترتاح موابيلها رن وكانت رسالة من “لوهان” فتحتها :
_ حمد الله ع السلامة
دخلت “مريم” ل “ريم” غرفتها :
_ “رامي” دا سكرة يا “روما”
_ طبعا مش اخويا ..
_ بس تعرفي انا مبسوطة جداا انك جيتي وهتحضري عيد ميلادي معايا والمفاجأءه
_ مفاجاءه ايه ؟
_ اممم “ادمز” وانا هنعلن خطوبتنا فى عيد ميلادي
رفعت “مريم” ايديها وشافت “ريم” الخاتم :
_ مبروووك بجد مبسوطة علشانك
_ عقباللك
سكتت “ريم”: ايه مش هقرصيني فى ركبتي علشان تحصليني
ضحكت” ريم”: لا شكرا
_ ع فكره مش بمزاجنا بتحصل كده خطف وهتقولي “مريم” قالت ..
_ خلينا فيكي انتي احكيلي يلا كل حاجه …!
لحظت “حنان” و”رنا” ان “ريم” حالتها النفسية اتغيرت للاحسن من وقت وجودها فى “كوريا” وقررت “حنان” تختار وقت مناسب وتفاتح “ريم” فى موضوع ارتباطها ب “أمير ” ,,,!
يوم حفله”مريم” انشغلت “ريم” معاها فى الترتيبات والكل كان سعيد بالحفلة ولحظت “ريم” عدم وجود “لوهان” وارسلها رساله انه مشغول وبيعتذر ,, تاني يوم الصبح نزلت “ريم” و”مريم” و”رامي” يتمشوا الصبح وهى ماشيه وكان “رامي” بيجري مع “مريم” و”ادمز” ,,قرب من “ريم” شخص متخفي وقال لها بالكوري : وحشتيني ..
اتفاجئت “ريم” وكانت هتزعق : لوهان .
لوهان ب ابتسامه : بنفسه .. عامله ايه ؟
_ تمام وانت هنا من امتي ..؟
_ لسه واصل .. الحفله كانت جميله..؟
_ كانت جميله لان “مريم” و”ادمز” كانو سعداء ودا المهم ..
_ صح ..
_انت ع طول بتسافر كده هو مفيش غيرك ..؟
_ ها .. يعني انا المسئول عن السفر ..
قرب “رامي” وعرفته ع “لوهان”,, لحظت “ريم” نظرات “رامي” الحاده اتجاه “لوهان”:
_ “رامي” مالك ..؟
قرب “لوهان”: ازيك “رامي”.. انا لوهان ..
بنبره حاده : عارف .. انت اللى بتتكلم معاها ع طول ع الموبيل وبسببك مبقتش تقعد معايا زى الاول لانها مشغوله ترد عليك
اتفاجئت”ريم” من اسلوب رامي “:
_ رامي ..؟
_ اوكيه .. اوكيه .. انا هسكت لكن ممكن اطلب منك طلب ..؟
_ اتفضل ..
فقرب خطوه : ممكن تسيبهالي ومتاخدهاش مني
“لوهان” اتفاجئ من نبره “رامي” الحاده والجاده فى نفس الوقت :
_ “رامي”.. عمليا “ريم” معاك و الحقيقه المؤكده ان انت اللى واخدها مني ,, اقصد مننا ,,ف انت اللى كسبان مش انا ,,
_ لكن ع طول بتقولي بتكلم مع صديقي “لوهان”
_ اممم معنديش مانع نكون اصحاب انا وانت ايه رأيك ..؟
_ اممم ممكن لان وقتها كلامك مع “ريم” هيقل وهنتكلم احنا
ضحك “لوهان”: خطة ذكية علشان متكلمش مع “ريم”
_ اوكيه وافقت نكون اصدقاء واتأكد انا مش هسيبلك “ريم” ابدا لانها بتاعتي انا ..!
قلد “لوهان” نبره طفوليه ووقف امام “رامي : لا بتاعتي انا صديقتي
_ لا بتاعتي انا اختي ..
“ريم” لحظت الجدال شد : استوووب ممكن كفايه انتم الاتنين
لوهان ضحك وبص ل “رامي” ورفع صباع الخنصر : اصدقاء
رامي بنظره شر : اصدقاء
“ريم”: اطلع منها انا اوكيه هسيبكم وامشي
جريت “ريم” ووراها جري “رامي” و”لوهان” : روما .. روما ..!
كانت “ريم” و”رامي” دايما مع بعض مع “مريم” واصدقائها ,, فى احدي المرات اتفق “لوهان” مع “رامي” يدخلوا فيلم انيمي وب الحاح واصرار “رامي” طلب من “ريم” تدخل معاهم لكن رفضت وبشده وكان خوفها من الضلمه والاكتر ان “رامي” موجود ومش عاوزه تسبب له اى خوف او زعل منها ,, كان فى وقت لعرض الفيلم قامت “مريم” وادمز مع “رامي” يشتروا ايس كريم و”لوهان” و”ريم” لوحدهم :
_ متاكدة انك مش عاوزة تدخلي معانا ..؟
_ لا مش عاوزة .. ادخلوا انتم وانبسطوا انا اساسا مبحبش السينما زى ما قولتلك ..
_ ولا حتي علشان “رامي” اللى هيفرح بوجودك معاه ..؟
_ رامي بالاخص اكبر سبب رفضي مش عاوزه يتكرر اللى حصل قبل كده قدامه ,, انا اتفقت معاه وهو موافق انه يدخل معاكم وانا هستناه ..!
بنبره وملامح جاده: هتفضلي طول عمرك رافضه تواجهي ,,الهروب مش حل ؟
_ تقصد ايه ..؟
_اقصد خوفك من الضلمه اى كان السبب مينفعش يتغلب عليكي ويقيدك ,, السينما اعتبريها اختبار تواجهي خوفك ,,هى مكان مش ضلمه بنسبه 100 % بيبقي فى اضاءه بسيطه ,, الاعمي بيواجهه عجزه وبيعيش وانتي واجهي خوفك بلاش هروب ..
_ انا عارفه كل كلامك دا لكن صدقني مش هقدر ..انا .. الضلمه بتحسسني انا لوحدي و ..
مد ايده “لوهان” وقاطعها: لما تخافي ممكن تمسكي ايدي ع الاقل تحسي انك مش لوحدك ومعاكي حد ف نفس المكان واللحظة والضلمه ,, كل اللى داخلين معاهم شركاء ,,وانا وانتي اصدقاء ,,والصداقه اهم صفاتها تقديم المساعدة وقت الاحتياج,, ومن غير ما تطلبي مني انا هساعدك ومش هتكوني لوحدك ( قرب ايده اتجاهها ) ايدي اهي وقت ما تحسي بالخوف امسكيها ومتتردديش هي موجوده علشانك فى اى وقت ,,,جربي يا “ريم” جربي
للحظات اثر “لوهان” وانتهز “لوهان” سكوتها :
_ وممكن تصرفك دا يفرح “رامي” لما يشوفك معاه بتتفرجي ع الفيلم ,,تخيلي فرحته ..؟
“ريم”استمر سكوتها وترددها وهى بتبص ل “لوهان” وع ايده وتملكها أحساس أطمئنان اول مره تحسه اتجاه شخص صادق فى مساعدته ليها رغم عدم معرفته باى حاجه تخص حياتها واللى مرت به ,, رغبته والحاحه انه يساعدها طمنها ,,وصل “رامي” : يلا يا “ليو” ..”روما” هتستنينا هنا صح ..؟
استغل “لوهان” سكوت “ريم”: فى مفاجاءه لك يا “رامي” ,,”ريم” قررت تدخل معاك الفيلم ..ايه رأيك ..؟
_ بجد يا “روما” ..؟
“ريم” لحظت فرحه “رامي” تلقائي حركت راسها بالموافقه فحضنها “رامي” وغهو سعيد جداا بقرارها المفاجئ .,, قرب “لوهان” وهمس بنبره واطيه ل “ريم” : قولتلك هيفرح جدااا ,, يلا بينا ( ومد ايده ) واتاكدي ان ايدي موجوده ليكي ..بس بلاش عض اوكيه
ابتسمت “ريم” .. حاولت تهدي ودخلت القاعه وجلست بجوار “لوهان” و”رامي” ولاحظ “لوهان” توترها ..:
_ ريلاكس وقولى لنفسك مفيش داعي للخوف ,, غمضي عينك ,,
_ ها ..
_ اسمعي كلامي يلا .. غمضي عينك وعدي 123 وافتحيهم ببطئ وامسكي ايدى ..
نظرت “ريم” ل “لوهان” طمنها ب ابتسامه صغيره ونظرت امامها وقبل ما تغمض عينيها النور انطفي وابتدا الفيلم والقاعه كانت ضلمه ,, شعر “لوهان” بتنفس “ريم” السريع ,, بهدؤء خبط ع دراعها وفتح ايده وفى ااقل من لحظه مسكت “ريم” ايده ,, وهمس ليها تغمض عينيها وتعد من 123 ,, وابتدت تنفذ كلامه .. ضغط “لوهان” ع ايديها ضغطة بسيطة طمنها عرفها ان مفيش داعي للخوف فتحت عينيها وابتدا توترها يقل ,, فى اللحظه دى “لوهان” اتملكه احساس لما مسكت “ريم” ايده ,, ابتدا قلبه يدق اسرع وسعاده غريبه ,. نظر ل “ريم” وابتسم ,, استمر ينظر ل “ريم” مده عرض الجزء الاول من الفيلم ,, انتهي الجزء الاول وخرجت “ريم” فى الاستراحه بسرعه وخرج بعدها بلحظات “لوهان” لحظها قاعده فى ركن بعيد بتتنفس بصعوبه قرب منها :
_ انتي كويسه ..؟
_ ايوه .. ايوه ..
_ برافو عليكي بجد ..
_ انا مش عارفه مر الوقت دا ازاى ..
“لوهان” بنبره ثقه وهزار : شكرا شكرا دا اقل حاجه عندي ع فكره ,,
“ريم” مضحكتش وملامحها جامده : بليز .. سيبني لوحدي ممكن .. انت متعرفش حاجه سيبني لوحدي
اتفاجئ “لوهان”: لو تعبانه نروح مستشفي ..
“ريم” بعصبيه: لا .. سيبني لوحدي ممكن ..
_ اوكيه .. اوكيه ..!
بعد عنها خطوتين وقعد وابتدا الجزء التاني من الفيلم ومدخلش وفضل يكون معاها رغم عدم كلامه ويراقبها بنظراته .. لاحظ تعبيرات وجهها المضطربه واتملكه احساس انها بتمر بمشكلة كبيرة وقاسية عليها واضايق من نفسه انه ضغط عليها ولكن قرر انه يساعدها مهما هى رفضت .. قبل خروحج “رامي” و”مريم” وادمز” كانت “ريم” هديت ,, افتكرت طريقتها مع “لوهان” وبتبص بجوارها كان قاعد باص عليها ولما تلاقت عيونهم ابتسم ليها وابتسمت وقرب منها :
_ دلواقتي احسن ..؟
حركت راسها : لو تعبانه ممكن نروح المستشفي ..؟
_ لا مفيش داعي بقيت احسن ..
_ تمام .. تحبي تشربي حاجه ولا ناكل ..
_ لا نستناهم ..
_ اوكيه اللى يريحك ..
_ لو عاوزه حاجه انا قاعد هنا جنبك اوكيه ..
_ لوهان ..
_ ايوه ..
_ اسفه ع طريقتي اللى كلمتك بيها و ..
_ لا مفيش حاجه حصلت علشان تعتذري ..
_ ومدخلتش الفيلم معاهم ليه ..؟
_ اممم انا شوفته قبل كده .. بس بجد برافو انك قعدتي نص ساعه متواصله المره اللى فاتت مكملتيش 10 دقائق …
_ دا انجاز بجد ..
ابتسم “لوهان”: معايا هتعيشي الانجازات
ضحكت “ريم” ع طريقه “لوهان” و”لوهان” لفت نظره ابتسامتها وسرح فيها و”ريم” لحظت سكوته :
_ مالك ؟
_ ضحكتك..
_ مالها ..؟
_ زى الشمس لما بتشرق ..
اتفاجئت “ريم” من تشبيه”لوهان” وانتبه “لوهان”: اقصد انك كنتي برق ورعد وعواصف من نص ساعه ودلواقتي الشمس ظهرت ونورت الكون
“ريم” ابتسمت .. :
_ “ريم” انتي قولتيلي انا معرفش حاجه .. انا بقي مش عاوز اعرف حاجه ..لكن اللى عارف وواثق ان انا عاوزه انك تتغلبي ع خوفك واى حاجه صعبه فى حياتك وابتسامتك متختفيش مهما حصل لانها نجاه ..!
“ريم” سكتت ونبره وكلام “لوهان” وصلها احساس براحه وطمأنينه رغم عدم معرفته ب اى شئ ..خرج “رامي” وكان مبسوط .. اتعشوا ورجعوا ع البيت .. “ريم” راجعت كلام “لوهان” واحساسها وهو ماسك ايديها .. و”لوهان” بيسترجع لحظه مسكه الايد …!
تاني يوم اتصل “لوهان” ب “ريم” واتكلم مع “رامي” واتفقوا يخرجو لمدينه الالعاب ,, اتفقوا مع “مريم” وادمز واتقابلوا كلهم هناك …وكان الوحيد المتخفي بالكاب والماسك والنضاره “لوهان” .. ابتدوا يلعبوا الالعاب ورامي كان سعيد جدااا … كانت نظرات” لوهان” موجهه “ل ريم” اغلب الوقت وشعر بدقات قلبه المتزايدة .. قربت “ريم” وشاورت :
_ يلا علشان هنلعب اللعبه دى ..
“لوهان” نظر اتجاه اللعبه وكان القطار السريع : دى .. انتي مش خايفه .؟
_ اطلاقا .. يلا بينا
“لوهان” كان باين عليه الخوف : انا جيت هنا علشان “رامي” مش علشان نموت احنا ..
“ادمز” خبط “لوهان” : يعني بنت موافقه وانت هتهرب يلا ..
زقوا “لوهان” واتحرك القطر كان الجميع بيصرخوا وملامحهم سعيدة لكن “لوهان” كان دايخ ,, نزلوا من اللعبه وفقد “لوهان” اتزانه قربت منه “ريم” مسكت ايده : دخت بجد ..؟
اتفاجئ “لوهان” بمسكه ايد “ريم” : انت كويس
انتبهه : ها .. انا مش هسمع كلامكم تاني
ضحكت “ريم”: بجد مش مصدقه ..
“لوهان شد انتباهه “ريم” وهى بتضحك وانفصل عن الموجودين ودقات قلبه بتزيد حط ايده ع قلبه ونظراته مع “ريم” وهى بتتكلم او بتضحك …مش مستوعب احساسه الغير مفهوم لكن كان سعيد جداا ب احساسه .. لحظت “ريم” وهو حاطط ايدة ع قلبه اتخضت :
_ لوهان انت تعبان ..
_ ها .. لا لا مفيش
_ ليه حاطط ايدك ع قلبك ..؟
_ ها .. لا لا مفيش
ضحكت “ريم”: انت علقت .. يلا بينا
_ اوكيه يلا ..
اغلب الوقت حاول “لوهان” يفهم احساسه والاحساس المسيطر عليه فى وجود “ريم” لكن كان مش لقي اجابه .. وصلوا للعبه القفز من اعلي برج وقفت “ريم”: انا عاوزه العب دى .. مين معايا ؟
الكل اتفاجئ من جرائتها ,,”لوهان” نظر ل اعلي البرج المرتفع : انتي مجنونه ..؟
_ بليز عاوزه اجربها ,,انا شوفت فيديوز كتير وكانت ممتعه
_ الفرجه حاجه والواقع حاجه تانيه مختلفيين .. كفايه الفيديوز ..
“ريم” بصت ل اصحابها: مفيش حد عاوز يلعبها معايا ؟
الكل سكت وبعدوا .. “ريم” قربت ل “لوهان”:
“لوهان” : لالالا انسي مستحيل
_ انت بتخاف من الاماكن المرتفعه ازاى وطلعت جبل ..؟
_ اطلع ايوه .. انط لا
_ والشجاعه واوجهه خوفي ومستسلمش .. مينفعش تقول كلام انت مش بتطبقه فين المصدقيه ,, انا هصدقك ازاى بعد كده ..
_ انتي بتستفزيني صح ..؟
مدت “ريم” ايديها : زى ما مديت ايدك ليا وساعدتني فى السينما انا هساعدك هنا وتتغلب ع خوفك وتنط ..
ابتسمت “ريم” .. ابتسامه “ريم” كان منوم مغناطيسي وافق “لوهان” واتجهوا للعبه ولمح الارتفاع :
_ ريم
_ متتوترش .. غمض عينك وعد من 123 وبهدؤء افتح عينك وامسك ايدي وكل حاجه هتكون بخير اوكيه ..
_ اوكيه ..
نفذ “لوهان” كلام “ريم” ومسك ايد “ريم” ونطوا ..
ريم بتضحك من الفرحه : ممتعه ..؟
_ جدا جداااا
قضوا اليوم وكل واحد رجع بيته وقبل ما تنام “ريم” “لوهان” ارسل رساله :
_ كان يوم جميل,, الوقت معاكي بيكون مميز وبيمر بسرعه
ابتسمت “ريم” وردت : تصبح ع خير
فتح الشباك “لوهان” وبص للسما وابتسم فى نفس اللحظه خرجت “ريم” للبلكونه وبصت للسما وابتسمت …!رجعت “ريم” لندن ولاحظ الكل مدي تحس حالتها للافضل ,, بعد رجوعها ب اسبوعين اتصل “لوهان” :
_ انتي فاضيه بكره صح ..؟
_ ايوه لكن ليه ..
_ انا هنزل ترانزيت لندن سساعتين وعاوز اشوفك ممكن وارجوكي متقوليش لا
_ مسافر فين ؟
_ كندا .. كندا انا هكون موجود الساعه 9 الصبح بتوقيت لندن
_ اوكيه وانا هكون فى انتظارك نفطر مع بعض ..
انهت المكالمه مع “لوهان” ورن موابيلها وكان “امير”:
_ الو ..
_ وحشتيني
_ عامل ايه يا “امير” ؟
_ مفتقدك جدا .. لما كنتي مسافره البيت كان فاضي ولما رجعتوا كنت انا سافرت فى شغل .. عاوزه حاجه من فرنسا دا غير الهدية المعتاده ..
_ لا مش عاوزه وبلاش هدايا يا “امير” بجد ..
_ لا مينفعش طبعا هو انا عندي كام “ريم”
سكتت “ريم”..: “ريم” ممكن طلب ..؟
_ اتفضل ..
_ فى ورق مهم فى درج المكتب فى اوضتي ممكن تجيبهولي المطار بكره الصبح ..؟
_ انا ..؟
_ مش هأمن لحد عليه غيرك .. ممكن ؟
_ اوكيه ..
_ انا هوصل مطار الساعه 9 الصبح وطيارتي التانيه 9 ونص ومش هلحق ارجع البيت ..
اتفاجئت “ريم”: 9 الصبح
_ هستناكي اوكيه
_ ها .. اوكيه
قفلت مع “امير” واتصلت ب “لوهان” علشان تعتذر او تأجل المقابله كان الموبيل مغلق ,,,ارسلتله رساله يشوفها ,, تاني يوم بصت تتاكد ع استلام الرساله لكن موصلتش ,, كانت فى حيره هتتصرف ازاى .. مسكت ورقتين كتبت اسماء “لوهان” و”امير” واختارت ورقه بحرص وفتحتها واتفاجئت وكان اسم “امير” ..!
