فيلا سليم بدر الدين ..
ف المكتب الخاص ..
سليم : قاعد ع المكتب . وفاتح الملف وبيراجع شغله ..
فتون : نازله ع السلم . ولابسه بيجامه . وقالت مساء الخير يا داده فاتن ..
فاتن : مساء الورد بست الكل . صلاة النبى احسن . انتى انهردا زى الفل الله اكبر عليكى ..
فتون : ضحكت . تسلمي يارب ..و الحمد لله ياداده . شوية تعب وراح لحاله .. قوليلى سليم فين؟
فاتن : سليم بيه ف المكتب . وطلب مني اعمله القهوه بتاعته ..
فتون : بابتسامه . انا هاعمله القهوه ياداده . اتفضلى انتى ..
فتون : دخلت المطبخ . وبتجهز القهوه ..
فاتن : طيب سؤال بس ياست فتون .. عيد ميلاد ست البنات حياة بكره إن شاءالله . ومحدش طلب منى اعمل ترتيبات ايه انا والشغالين زى كل سنه ..
فتون : ايوه ياداده . لان سليم بيفكر يعمله ف فندق او ف الساحل . لسه هيشوف انهردا . وانا هتكلم معاه . وهقولك ..
فاتن : وماله . وكل سنه وهي بألف خير . ويارب عقبال ١٠٠ سنه .
فتون : ابتسمت وانتى طيبه . الله يكرمك ياداده .
فاتن : سؤال تانى عدم اللامؤخذا يعنى . انتى عارفه انا بحب ست حياة قد ايه ..
فتون : طبعا ياداده . انتى عشرة سنين . وانتى ال مربياها هى و آمان . اتفضلى أسألى ..
فاتن : شاله يجبر بخاطرك يارب . احم لامؤخذا يعنى . العريس ال اتقدملها .. ياترى وافقت . ولا رفضت زى كل مره . اصل انا من امبارح مش عارفه اكلمها . ومتظرظره عليا ع الآخر ..
فتون : ههههههه معلش ياداده انتى عارفه انها عصبيه .. وكمان العريس اترفض انتى عارفه حياة لسه صغيره دى لسه ف تانيه جامعه .
فاتن : رفعت ايديها الاتنين وقالت ربنا يوفقك ياحياة يابنت حوا و آدم . ويرزقك بعريس زى سليم بيه . ويريح بالك ويسعدك انتى وسي آمان قادر ياكريم
فتون : حطت القهوه ف الفنجال. وقالت بحنين . آمين يارب .. وشالت القهوه . وراحت ع المكتب . وخبطت ..
سليم : مركز ف شغله وقال ادخلى ياداده ..
فتون : فتحت . ودخلت بابتسامه . طيب ينفع فتون ؟
سليم : قفل الملف . وابتسم . وشاور ليها تعالى ياروحي . ايه الجمال ده؟. وكمان جايبه القهوه بنفسك ..؟
فتون : قربت منه بضحكه صافيه .. وحطت القهوه ع المكتب . وشهقت ..
سليم : شدها لحضنه وقعدت ع رجله . وباسها من خدها . وقال فاتنتى عامله ايه دلوقتى ياحبيبتى؟
فتون : بضحكه صافيه . وماسكه ياقة قميصه . انا كويسه جدا ياحبيبى .. ومش بس كده . انا كمان عملتلك القهوه بايديا . ويارب تعجبك ..
سليم : داعبها من أنفها بمرح . طبعا هتعجبنى جدا . لكن الأهم من كل ده . اخدتى علاجك ولا نسيتى كالعاده؟..
فتون : ههههه تؤ تؤ مانستش ولا حاجه . واخدت العلاج ف ميعاده . وانا خلاص بقيت احسن بكتير صدقنى ..الحمد لله..
سليم : بابتسامه . الحمد لله ياروحي .
فتون : قولى بقى. حياة و آمان مش موجودين ف البيت؟
سليم : اممم فعلا . حياة راحت عند عمها خالد و آمان معاها ..
فتون : اممم تمام . انت فكرت هتعمل عيد ميلاد حياة فين ؟ ولا نعمله هنا وخلاص ..
سليم : قربها لحضنه . وقال تؤ . حياة بنوتي . جابت تقدير كويس جدا . وتستاهل حفله جميله .. وانا فكرت اعمل ليها عيد ميلاد ع البحر ايه رايك ياروحي ؟
فتون : بانبهار . امم جميل . تقصد ع اليخت بتاعنا ؟
سليم : بغمزه. لأ طبعا . اليخت ده للعشا والعقاب . ومينفعش اى حد يعرف بيه . ولا ايه ؟
فتون : بحرج . احم م..ماشي خلاص .
سليم : بمكر . هو ايه ال خلاص؟
فتون : كشرت عينيها بتعجب . وبعدين معاك .. بطل بقى .
سليم : ضمها لقلبه .. حبيبى انا ياناس ال بيتكسف ..
فتون : ضمته بحب كبير وضحكت. وقالت حبيبى انت ياسيمو .
سليم : بهمس جبتى هديه ل حياة قلب ابوها؟
فتون : طلعت من حضنه . وفتحت عينيها بدهشه . صدق لأ
..ينهار ابيض . انا ازاى نسيت . لأ بص انا منستش .
.بس انت عارف انا تعبانه بدور برد شديد جدا بقالى اسبوع واكتر. ومكنتش مركزه ف اي حاجه .. طيب والحل بقى ؟ دي حياة ممكن تغضب علينا كلنا ..
سليم : مسد ع خدها . طول ما الملاك الحارس موجود معاكي . متفكريش ف اي حاجه .
فتون : باسته من خدو بفرحه . تسلم لقلبى ياحبيبى انا … طول عمرك مريح قلبى .. ها قولى بقى جبتلها ايه؟
سليم : بمكر . ايه رأيك عايز اجبلها عربيه .؟.
فتون : فتحت عينيها بدهشه…نعم؟ عربيه ياسيلم؟
لأ طبعا أنا مش موافقه ..
سليم : بهدوء ليه بس ياتونا ..
فتون : بجديه . علشان حياة لسه صغيره ..وكمان ماينفعش عربيه مره واحده وهي ف السن ده.
. انا معوده بنتى إن الحاجه بتيجى بتعب .. مش علشان نجحت وجابت تقدير تجبلها عربيه مره واحده .. لأ انا رافضه الطريقه دى ..
سليم : بتنهيده .. بس حياة مش صغيره ياتونا . وكمان بتعرف تسوق كويس جدا . وبتسوق عربيتى . مافيهاش حاجه لما تكون ليها عربيه خاصه ليها .
فتون : بتصميم لأ .. بنتك لسه صغيره ياسليم . وانا خايفه عليها . خلينا زى ما احنا . وف سواق خاص ليها . ولما تكبر شويه إن شاء الله . تجبلها عربيه ..لكن السنادى لأ ..ممكن ولا ايه؟
سليم : بتفكير .. بس حياة هتزعل يافتون .. وهي طلبت منى عربيه ..
فتون : بتعجب . انت بتحسسنى انها بتطلب لعبه.؟
. وانا ف سنها كان أكبر احلامى كلها اسدد ديوني ياسليم..
.ارجوك ياسليم سبنى اربي بنتى بطريقتى .. انا مش بقولك ماتجبلهاش. لأ جبلها لكن مش دلوقتي .. وصدقنى ياسليم ال بيجى بسهوله . بيروح بسهوله ..
سليم : مط شفايفه بتفكير واتنهد .ومش عايز يزعل مراته ولا بنته.
فتون : حست بيه . ومسكت وشه بايديها . وقالت صدقنى انا فاهمه انك مش عايز تحرمها من حاجه .
. وانا كمان عايزه ولادى يحققو كل حاجه .. لكن بعد ما يعرفو قيمتها ..
سليم : بتنهيده .. احنا اتفقنا انك هتتصرفي ف ميزانية البيت من ناحية الاكل والشرب لانك شايفه انه تبذير . وانا معاكى ووافقتك ف دي .
. لكن انا اتفقت معاكي . إن طلباتك ولبسك وكل حاجه تخصك وتخص ولادي .. دى ماتتدخليش فيها .
.انا يستى عايز اجيبلكم كل حاجه . وبعدين انا لو عارف إن حياة بنتنا متهوره انا مكنتش هفكر ف هديه زى دي .. لكن حياة فوق ماهي واخده عصبيتى واخده اسلوبك كمان . وبتتصرف بعقل .. فتون سبينى انا اتصرف ..
فتون : ابتسمت . انا عارفه انك بتحب حياة اكتر من اى حد .
.بس عشان خاطرى بلاش ع الاقل السنادى . خليها لما تخلص جامعه اهي هتكون كبرت واشتغلت معاك ف الشركه .. ارجوك وافقنى بقى ..
سليم : اولا يامدام فتون .. صلحى كلامك . انا مبحبش حد ف الكون كله قدك انتى وبس ..
أما ولادى ليهم حب من نوع تانى خالص ..فاهمه ؟
فتون : ههههههه فاهمه ياروحي . هو انا بعشقك من شويه ياملاك قلبى انت ..
سليم : بغمزه . موافق بس شرط …
فتون : صكت ع أسنانها بغيظ مكبت . العقااااب صح ياسليم ؟
سليم : بغمزه صح ياقلب سليم ..
فتون : وشها بقى احمر جدا ……وسكتت .
سليم : ههههه يؤبرني ها الحلو .
فتون : بلعت ريقها بتوتر . احم ا.انت هتحجز امتى ؟ وهتقول ل خالد وحنين ؟
سليم : بيلاعب خصلات شعرها .. مش عايزك تفكري كتير كل حاجه بكره هتكون زي ما انتى عايزه . وهيكون اجمل عيد ميلاد ل حياة سليم بدر الدين ..
فاتن خبطت ع الباب ..
فتون جت تقوم ..
سليم : ضمها لقلبه اكتر . هشش بس . وقال بثقه ادخلى ياداده ..
فتون : بحرج كبير . سليم لأ ماينفعش كدا الله يخليك ..
سليم : هتسكتى ولا اتجاوز اكتر ..
فتون : فتحت عينيها بدهشه وقلبها بيدق بسرعه من الاحراج وهي قاعده ع رجله ..
فاتن : فتحت الباب. وشافت فتون وهي متوتره. وابتسمت بحرج .وبصت ف الارض وقالت . احم سي سليم بيه . خالد بيه وصل ف الجنينه .. ومعاه سي امان وحياة هانم .
سليم : بهدوء .. طيب ياداده . انا خارج ل خالد ..
فتون : شهقت .. يلهووى خالد وانا باللبس ده ؟ داده فاتن . بسرعه الله يكرمك . هاتلى أسدال ولا فستان اى حاجه بسرعه ..
فاتن : حاضر ف ثوانى هكون عندك. وطلعت بسرعه ..
سليم : بمكر . احنا كنا بنقول ايه..؟
فتون : بغيظ . كنا بنقول خالد مجنون وممكن يدخل زي القضا المستعجل .
سليم : ببرود . تؤ . من يوم مانقلنا الفيلا الجديده . وهو مايتجراش يدخل طول ما انتى موجوده ياروحي .
فتون : نفخت بأريحيه . طيب كويس ربنا يهديه ..
سليم : بهمس .. ونفس البرود . كنا بنقول ايه ياتونا ؟
فتون : قلبها دق واتكسفت .. وقالت بحرج . كنا ..كنا بنقول انك هتجهز كل حاجه . احم ..
سليم : بمكر . طيب وقبل كدا ..
فتون : بحرج . وبعدين معاك بقى بتحب توترنى. كدا مش هينفع خالص ع فكره ..
سليم : ضحك بصوته كله هههههههههههه .. قلبى انتى ياتونا ..
فتون : ابتسمت بحب . وقالت أنا عارفه انى وحشاك . بس بطل تحرجني ..
سليم : بغمزه . وحشانى وبس ؟ وحياتك انا من وقت دور البرد ال جالك ده وانا هموت من القلق عليكى .. ومن عشقك كمان .. وحشانى جدا. .
.مهلكتى انتى يافتون …
فتون : وشها بقى احمر جدا . وقالت خلاص ياسليم بقى .احم صاحبك بره . وولادك زمانهم هايهجمو عليك ..وا……………..
حياة : فتحت الباب ودخلت . مسااااااء الخي……….. وشهقت هييييييي انتو بتعملوا ايه؟ ينهار الوان . ده مكان اكل عيش ياناس ..
سليم : ههههههههه تعالى تعالى . متأخره نص ساعه ..هتتحاسبى ع فكره …
حياة : قربت منهم . وباست فتون من خدها . وقالت مامتى حبيبتى . حمدالله ع السلامه ياقمر العيله .
فتون : بضحكه صافيه . الله يسلمك ياحبيبتي ..
حياة : وقفت ورا الكرسي . وحضنت سليم بمرح . ايوه ياسليم باشا . انا فعلا اتأخرت نص ساعه .
. ولكن إذا سمحت ليا المحكمه باتساع صدرها ولتسمع منى .وما قد بدر من اهواج وتفاصيل قد حدثت وغيرت مجري وتفاصيل القضيه .
آمان : دخل بمرح وكمل . سيدى الرئيس . حضرات الساده المتوترين . إن موكلتى حياة سليم بدر الدين . قد تأخرت بالفعل .
. ولها أسبابها الخاصه . وانا هنا معكم اليوم ل ابرهن . واقدم لكم جميع الميداليه والادله التى ليس معي وليس لها اى أساس من الصحه . وهذا كل مالدى من اقوال ودلائل واشكر كل من موجود بقاعة المحكمه . وارجو الرحمه واتخاذ القرار السليم ف براءة بنت الحج سليم . وشكرا …
حياة : بصوت مرح . رفعت الجلسه . وتؤجل القضيه لحين استماع الشهووووود …
أمان : سقف برافووووو يحيا العدل والله .مؤبد ع خير .. هههههه
سليم : مغمض عينيه م الصوت العالى . لكن قلبه بيضحك من عيلته ال تخطف القلب ..
فتون : بتضحك من قلبها .. وقامت وراحت حضنت أمان . حبيبى انت يا امان..
أمان : باس ع أيدها. حمدلله ع سلامة حضرتك ياست الكل .
فتون : الله يسلمك يا حبيبى ..
امان : سلم ع سليم . اذيك يا بابا . وباس ع أيدو ..
سليم : حمدالله ع السلامه ياحبايبى ..
امان وحياة الله يسلمك يا بابي ..
فاتن : جابت الفستان لفتون والحجاب ..
خالد : ف الليفنج بصوت عالى . مش خيييير ولا ايييييييه؟ انت يا استاااااذ نمت جوه ف ام المكتب ؟ اخللللص عايز اروح ..
سليم : خارج ووراه عيلته .. وقال والله انت ال جاى من غير ميعاد..
. يبقى تترزع مكانك لحد ما اخرج . وايه ال جابك اصلا .؟ هو انا مش سايبك من كام ساعه ف المجموعه .
خالد : كبر دماغه من كلام سليم . وقال اهلا ام حياة حمدلله ع السلامه .
. إم سيف بعتانى مخصوص عشان أسأل عليكى .. الف سلامه عليكي ..عامله ايه دلوقتى؟
سليم : قبض ع ايديه بغيره وتوعد ..
فتون : كتمت الضحكه . وقالت الله يسلمك يا استاذ خالد . احم انا هتصل ع حنين اطمنها ..
سليم : من بين أسنانه . خلاص اطمنت . خش تعالى ف المكتب عشان اروقك ..
خالد : فتح عينيه بدهشه وقال بتمثيل .. اتروق ياميمي؟ لأاا انا أسمى ميمي اه بس راجل اوى
كلهم ضحكو ..
سليم : بغيظ . ولااا . انت وصلت ولادي لحد هنا صح ؟.اتكل بقى يلا من هنا …
خالد : قعد ببرود وحط رجل ع رجل ..وقال عاجبك يا استاذه فتون . جوز حضرتك معندوش اى اسلوب حضارى وتحسي انه تربية حواري ..
سليم : فتح عينيه بزهول . وبصووت غضبان . تربييييية ايييييه ياااالا انت؟
خالد : اتحرك بسرعه .. واستخبى ورا آمان . وقال بقولك ايه ؟ كُل حاجه كدا سد بيها جوعك . انت هتتحول عليا ولا ايه؟ ماتهمد بقى اجدع .. عشان اقولك انا جاي ليه ؟
حياة : بهمس بلاش ياعمو خالد . بلاش تقوله ..
خالد : بهمس لازم ياحياة. ويلا بقى هي موته ولا اكتر . بصي انا هقول واجري اشطا خلينى اخلص ؟
حياة : بهمس هتجري ياعمووو؟
خالد : الجري نص الجدعه ايش عرفك انتى ؟
سليم : بغيظ خلصتو وشوشه انتو الاتنين؟ اخلص يا ااازمة حياتى . جااااى ليه ؟ وعندك مصايب ايييه تانيه ؟
خالد : هرش ف قفاه . هي مصيبه واحده بس ..إء ..لايعم مصايب ايه كفاله الشر . احم . انا جاى …. وبلع ريقه بتوتر وبص لحياة و آمان.
حياة و آمان .اتحركو . و وقفو جمب فتون .. وبيعدو .من واحد ل خمسه ومنتظرين رد فعل سليم ..
سليم : نفخ بنفاذ صبر . جاااى ليه ياخالد ياشرقاوي؟
خالد : بيمثل التوتر . وقال. جاااى .. جاااي. احم اصل .. انا. كنت جاااى ..
فتون : كاتمه الضحكه. وفهمت إن خالد عمل حاجه ضد رأي سليم . وهمست شكلك هتتغرق ف البيسين انهردا ياخالد .وهتروح كالعاده مبلول..
سليم : خبط كف ع كف . يا ربنا. ماتنطق يبنى ؟
خالد : اتكلم بسرعه . انا جاى اقولك انى حجزت وظبط كل حاجه لعيد ميلاد بنت اخويا ال هي حياة. ف اكبر مول ف مصر . وأمسك كارت الدعوه بتاعك انت ومراتك اهو ..وحطه ع التربيزه.
فتون : شهقت بصوت مهموس وحطت أيدها ع بوقها . وقالت ينهار ابيض .. استر يارب ..
سليم : مسح وشه بايديه .وقال بغضب مكبت. وبص ل خالد . انت جهزت وحجزت كل حاجه لبنتى انا ؟ وف مول ؟ ومن غير ما تاخد رأيي ؟
خالد : بيمثل الزعل . اله ما هي بنتى كمان ياجدع .. هو لازم اقولك يعنى؟ .. وشهق . وجري ينهار منيل استنى ياسليييييييييم …
سليم : جري وراه بغيظ كبير .. ده انا لازم اربيك بجد ياحيوووووان …
خالد : بيجري بسرعه وخرج ف الجنينه . صعب جدا اتربي … هو بعد ما شاب ياسليييييييم. اهدا بقي مش كل مره اروح مبلوووول ..
حياة : جريت ع اول الباب مع أمان وبيضحكو ..
فتون : بتضحك من قلبها . وقالت ربنا يستر بجد عليك المرادي ياخالد .. وجالك قلب تتصرف كدا؟ ..
آمان : اوبس . ينهار ازرق . الحقو . عمو خالد قطع النفس . ههههههههه ..
فتون ؛ كشرت عينيها . وقالت حياة . انتى ال قولتى ل عمك خالد انك عايزه تعملى عيد الميلاد ف مول مش كدا ؟
حياة : بثبات ايوه يامامي . هي كانت مجرد فكره . وقولتها ..لكن اتفاجئت انهردا زي حضرتك بالظبط . إن عمو خالد جهز كل حاجه ..
فتون : هزت راسها بنفاذ صبر . وقالت . ربنا يستر .
سليم : بيجري بسرعه كبيره .
خالد : بيجري وبينهج . وقال يخربيت كدا ولاااااا اهدا بقى …
سليم : ف حركه سريعه مسك خالد ونطو ف البيسين …
خالد : شهق وكح ومسح وشه بايديه وبينهج . الله يخربيتك يا اخي . مصاحب واحد من غير مخ ..
سليم : مسكه من ياقة قميصه . وقال بغيظ . بقى انت . تتصرف من دماغك .؟. ده انا هشلفطك دلوقتي ..
خالد : ببرود . بقى كدا ياسولي . ينفع تخلينى استاذ شلفوطه قدام عيالك ..
سليم : ضغط ع فك خالد بغيظ اعملللل فييييك اييييييه؟
خالد : رقص حواجبه ببرود طلقنى . مش عاجبك طلقنى . بس قبل ما تقولها. قولى بحبك ياخالد . خلينى بعد الانفصال اعيش ع الكلمه دى ياسولي..
سليم : غمض عينيه . وقال اعمل ف الواد ده ايه؟ كتلة تلج متحركه . وزقه وسابه وخرج م البيسين ..
خالد : بتريقه .سلييييم بغرق ياسلييييم . .. سلييييم هتخلينى اروح مبلول .. حرام عليك . حنين من كتر ما بروحلها مبلول فكرتنى غواص. الحقني .. ياسليييييييم ..
——————بقلمي مريم نصار.
بعد فتره كبيره ف فيلا الشرقاوى.
حنين : هههههههههههه . انا احترت معاك ياخالد . بصراحه الله يكون ف عون سليم منك .
خالد : بياكل . اسكتى بقى انا متغاظ من الواد ده . بقى بعد ما يغرقنى يحلف عليا مانا متعشي عنده .. بقى ده جزاتى عندو . مااااشي يسليم . مااااشي ..
حنين : ههههههههه دى ااقل حاجه سليم يعملها معاك . كفايه انك مطلع عينه ف الشغل . وكمان سايبك برحتك واى مشكله يجري يحليهالك ..
اخ منك ياخالد ..
.بقى ياخالد انت عارف إن سليم حياة وأمان عنده بالدنيا. وديما يحب هو ال ياخد القرار معاهم ومع فتون. تقوم انت تفاجأه كده ؟هههههه فظيع انت.
خالد : بياكل . بقولك ايه هو ال معقد . مايفكها شويه . وايه يعنى عيد ميلاد ف مول ؟ ده واد خنيق ..فكك منه ..
حنين : ههههه افكنى منه ؟ طيب تعرف إن فتون لما اتصلت عليا قالت إن سليم كان عايز يعمل عيد ميلاد حياة ع البحر؟
خالد : بقولك ايه .. حياة عايزه عيد ميلادها ف المول . وانا عملته . سيبك من ابو قرارات ده . هاتى ورك فرخه .
جنى : ههههههه . بابي حضرتك بجد محصلتش ..
خالد : بغمزه بس ايه رايك ياموزتى . ف الآخر عملت ال انا عايزو .. ولا ايه؟
جنى : بفخر . طبعا بابي مش اى حد . ويعمل ال هو عايزه .
خالد : بعتلها بوسه ع الهوا . قلب ابوكي انتى . بتفهمى والله ..
حنين : بتوعد . قصدك ايه يااخااالد ؟
خالد : بلع الاكل . وقال ببلع . ببلع الاكل وكنت لسه هكمل الجمله . واقول بتفهمى زى امك .
حنين : زى ايه ياخالد ؟ امك ؟
خالد : بتريقه . اه نسيت اسف هرتقي اصل القاع مزدحم .. هههههههههه ..
كلهم ضحكو ..
سيف : بياكل . ماما حضرتك جبتي هديه ل حياة ؟
خالد : بمكر . اكيد طبعا ياسيف باشا ..وهي دى حاجه تتنسي .. المهم انت جبت هديه ل…..لحياة؟
سيف : بثقه . وانا اجبلها ليه ؟ كفايه حضرتك ..
خالد : رفع عينيه ل سيف وقال . ولا ياسيفو . انا مش مختوم ع قفايا اشطا ؟ بس خلينى ساكت احسن . ماتجببى ورك فرخه ياحنين .ولا اقوم ..
حنين : هههههههه لا ياحبيبى اتفضل والف هنا ..
خالد : بغمزه . كلى انتى بطاطس وانا الفراخ ..وهمس ف ودنها . لقاءنا فوق اصلك وحشانى ياحته هههههههههههه ..
حنين : اتوترت واتكسفت .. وبصتله بنفاذ صبر .
جنى : بتفكير . طيب يعنى عمو سليم اقتنع يعنى . وهنروح كلنا بكره المول ..
خالد : ايوه يا حبيبتي . وانتى عارفه إن كلام ابوكي ف الآخر هو ال هيمشي .. ولا ايه ياحنوووون؟
حنين : بتنهيدة حب . طبعا ياخالد . كلامك ال بيمشي ف الآخر ..
خالد : ده كدا عظمه اووووى ..
تانى يوم الساعه ٤
فيلا سليم بدر الدين ..
فتون : لابسه فستان باللون الازرق الداكن . وكان خيال عليها. وواقفه قدام التسريحه بتلبس الحجاب ..
سليم : خارج من اوضة اللبس . ولابس بدله جميله جدا .. وشاف فتون . وابتسم بحب وقرب منها وباس كتفها وضمها من الخلف . وقال فاتنة قلبى ال سحرانى بجمالها.
فتون : بضحكه صافيه . سليم ربنا ما يحرمني منك ولا من وجودك ف حياتى . ولفت ليه .. وباسته من خدو وقالت ايه الجمال ده ماشاء الله عليك ..
سليم : مسد ع وشها . الجمال ده وصف بسيط ليكى انتى ياروحي .كفايه جمالك ورقتك ال واخده قلبى ف حته تانيه.
فتون : ابتسمت . وقالت يلا عشان .تلبس الساعه . ولبسته الساعه . ورشتله البرفان .. وقالت قولى بقى . شريف كلمك ؟ اصل نجوان كلمتنى من شويه .
سليم : بيحط الدبوس وقال ايوه ياحبيبتى . وبيسلم عليكى . وقالى كلها اسبوع ويرجعو كلهم من امريكا .ع فيلتهم الجديده ..
فتون : بسعاده . بجد . والله فرحت جدا . نجوان مقالتش ممكن تكون متعرفش ..
سليم : ايوه فعلا متعرفش . لان شريف قالى انت اول واحد تعرف ..
فتون : تعرف بدر وفريده وحشوني اوى. وا……
سليم : حاوطها من وسطها بغيره . وقال سمعينى كدا قولتى ايه؟ مين ده ال وحشك؟
فتون : حاوطت رقبته بايديها وقالت فريده ونجوان ..
سليم : بتحذير اومال بدر ؟ده ايه؟
فتون : بدلع تؤ انا مقولتش بدر . انت ال قولت اهو ..
سليم : خطف بوسه رقيقه وقال بتحذير . ماسمعش منك كلمة حد وحشك غيرى فاهمه يافاتنه ..
فتون : قلبها دق بحب كبير وقالت فاهمه ياحبيبى ..
سليم : لسه بيقرب منها .. وفونه رن وكان خالد .. وصك ع اسنانه بغضب واضح ورد وقال عايز ايه ياعملى الاسود . بتتصل ليه دلوقتي؟
خالد : ليه يعنى فيها لما اتصل دلوقتي انت كنت بتعمل ايه؟ ها. ها قولى .
سليم : اخلص يالا عايز ايه؟
خالد : أنجز ياعم انا ف الطريق للمول اهو ..
سليم : تمام . ساعه ونكون كلنا هناك . إن شاء الله.
——————بقلمي مريم نصار
ف شقة فهد السيوفي.
رينو : داخله ع فهد الاوضه . وشافته ف قمة اناقته. وقالت بغيره . ايه الجمال ده كله يافهد ؟ لأ لأ . استنى انا هجبلك طقم عادي . ورايحه ع الدولاب ..
فهد : ضحك بصمت وجري عليها بسرعه وشالها قبل ما تفتح الدولاب ..
رينو : بغيره وغيظ . نززززلنى . نزللللنى . يافهد ..
فهد : ههههه . انتى حكايتك بقى ؟ كل مالبس بدله أو طقم كلاسيك . تغيرى عليا كدا ؟
رينو : بغيره . ايوووه بغير . عند حضرتك مانع؟ وبعدين انت اللون الاسود عليك يجنن. لابسه ليه بقى ؟
فهد : نزلها ..ومشي خطوه قدامها ..
رينو : بترجع بضهرها . لحد ما خبطت ف الحيطه ..
فهد : رفع ايديه ع الحيطه . وهي بين ايديه . وقال بغمزه . فهد السيوفي يجنن ف اى حاجه .. ولا ايه يانجمة قلب فهد .؟.
رينو : بتتنفس غيظ . وقالت بغيره .. هتلبس طقم عادي . والا مش هيحصل خير ابدا ..
فهد : قرب من شعرها واخد نفس عميق وقال . ياااااه ع ريحة الشياط . يابنتى هتولعي ف البيت مش كدا ..
رينو : رفعت حاجبها . وقالت والله شياط؟ وكملت بمكر . اووووكي . وسع بقى خلينى البس .
فهد : باشتياق ليها .. قال طيب بقولك ايه . انتى وحشانى. وا…..
رينو : بكبرياء . اسفه. احنا اتأخرنا …المفروض نكون ف المول بعد ساعه. اوكي . ونزلت راسها وخرجت من بين ايديه . ورفعت حاجبها وقالت أنا بقى هوريك الحريقه ال بجد . مش الشياط . يبن السيوفي .
فهد : مسح وشه بايديه وحط ايدو ع قلبه . وقال بعشقك يابنت آدم العدوي ..
آرين : بتخبط ع باب فهد . بااااااابي. خلصتو ولا لسه . كدا هنتاخر ..
فهد : بيسرح شعرو . وقال مامي بتلبس ياحبيبتى.
آرين : بتذمر عاااااااا كل ده لسه بتلبسي يامامي. حرام بقى انا عايزه اروح الموووول .
فهد : حاضر يا آريني . شوفى اركان اخوكي خلص ولا لسه ؟
آرين : بغيظ . ايوووه آركان خلص من بدري . وكمان اتصلت ع تالين. قالت هي كمان لبست. و .. و آد …احم وخالو مراد بيلبس ..
فهد : طيب تمام . شويه وخارج ياروحي. استنينى ف الليفنج اوكي ..
آرين : بس بشرط هتعلمنى السواقه اوكي ؟
فهد : حاضر ياحبيبتى .
آرين : بمرح . يس يس يس باااااابي اجمل دااااااااد ف الدنيا كلها ……
فهد : قدام المرايا . بيلبس الساعه . وبيضحك ع آرين ..وفجاءه تنح . والدم على ف عروقه . وبدل الشياط .. أصبح حريقه فعلا.
رينو : لابسه فستان احمر كات . وعليه بلرو اسود . وماسكه حجاب اسود . وطالعه عشان تلبس الحجاب والنقاب. جمبه ف المرايا . ومسكت صوباع الروج .
فهد : بغيرره … مسك أيدها بسرعه . وقال بجمود ايه ال انتى لابساه ده يا لاريييين ؟
رينو : بكبرياء وبرود . لارين العدوي تجنن ف اي حاجه ياقلب نجمة فهد . وكملت بغمزه . ولا ايه ؟.
فهد : مسح وشه بايديه ونفخ بخنقه كبيره. خشي البسي الفستان الاسود ..
رينو : بدلع . تؤ تؤ . وانت يعنى سمعت كلامى ولبست طقم غير ده ؟ انا هخرج كدا .. وبتحط روج ..
فهد : قبض ع ايديه بغيره. وقال بغضب .. مفيش خروج بالشكل ده وانتى عارفه كدا ..
رينو : بتظبط الروج . وبصت ليه . وقالت ليه يافهودي؟
. وقربت من رقبته وبتقلدو واخدت نفس عميق وقالت .. يااااااه ع ريحة الشياط. . يبنى هتحرق البيت مش كدا ؟.. ورجعت مكانها. وغمزت ل فهد …
فهد : هز راسه اممممم . بقى الحكايه كدا ؟ تمام . تمام . حطى روج ياروحي زي ما انتى عايزه.
رينو : فتحت عينيها بدهشه .واستغربت رد فعله ..
فهد : راح عند الباب وقفل الباب بالمفتاح …
رينو : بلعت ريقها بتوتر . وقالت اء…انت قفلت الباب ليه يافهد ؟
فهد : قلع جاكيت البدله وقال بمكر . مراتى حبيبتى بتتزوق لجوزها حبيبها.
.وبصراحه بقى نجمتى حبيبتى وحشانى اوى . وغمز ولا ايه؟ وخطى كام خطوه قدامها ..
رينو : اتوترت . ورجعت بضهرها . والحجاب والنقاب وقعو منها . لأ يافهد . وخبطت بضهرها ف الحيطه وكملت . خلاص خلاص انا هلبس الفستان الاس……………
فهد : قاطع كلامها بالبوسه المعهوده .وزال اى آثار للميكب..لانه غيران جدا من فكرة انها بتحط ميكب ولابسه اللون الل شدد عليها ماتلبسوش تانى .. فهد همس . بعشقك يارينو .
رينو : تاهت ف عشق الفهد .وهمست بعشقك يافهد.
ڤيلا العدوي …
آدم : ومريم . قاعدين ف تراس الجناح الخاص ..
مريم : والله يا آدم . انى اكون قاعده كدا وانت جمبى ومعايه . دى سعادة الدنيا ومافيها . انا مش عايزه اكتر من كدا ..
آدم : ابتسم . طيب مانتى الدنيا ومافيها يااميرتى .. ومعلش ريحينى وامضي ..
مريم : بتنهيده . اسمع منى بس. انت ربنا يكرمك ويبارك ف عمرك . مش حارمنى من اى حاجه . وكمان كاتب ليا الفيلا دي باسمى . وماشاء الله مدخلنى شريكه معاك ف الشركه الأم . وانا يمكن ماشيلتش ورقه من مكانها لما كنت بروح اقعد معاك ف الشركه .. والعقارات كاتبلى فيها . يبقى ايه لأزمة رصيد ف البنك .
آدم : كلمه زياده . وهحول كل حاجه لاسمك . وده مبلغ انا حطيته ع فلوسك ف البنك . انا بأمنك . ولو انى عارف فلوس الدنيا كلها متجيش نظره من عينك. ولا كلمة حب منك ياقلب آدم . اسمعى كلامى بقى وامضي .
مريم : هزت راسها لله الامر من قبل ومن بعد .وعارفه كلامك ال بيمشي ف الآخر.
آدم : بمكر طيب لما انتى عارفه كدا .. معطلانى ليه كل ده ؟ امضي ياحبيبتى ..
مريم : ههههه حاضر . بسم الله الرحمن الرحيم .. ومضت ع الاوراق .
الباب خبط .
آدم : ادخل ..
مراد : دخل بمرح. سلامووووو عليكووووو. احجووووج . امريوووووم .. انتو فيييين ؟
مريم : بسعاده . احنا هنا تعالى يامرادى ياحبيبى..
آدم : بغيره كبيره . الصبر من عندك يارب ..
مريم : بصتله بدهشه ..وقالت اله احنا هنرجع للغيره من تانى ؟
آدم : بصلها . بتوعد . امممم تمام تمام ..
مراد : دخل وسلم عليهم .. ايه يامريومه الجمال ده؟ عليا النعمه الجمال عدا الكلام . الله اكبر عليكى . عديتى ليلي علوي بمراحل .. اااااه تسلم ايدك ياحج
.
آدم : لسعه ع قفاه . وقال مش هتكبر عليا . وكلمه زياده . هرميك من البلكونه …
مريم : شهقت وحطت ايدها ع قلبها . وقالت ايييه؟ ترميه؟ الف بعد الشر عليه . ليه كدا بس يا آدم . الله يهديك ..
مراد : بمكر ومثل الزعل .. لا عادى . سيبى الحج برحته بامريوم . دا انا اموت فداه وفداكي ياحبيبتي..
مريم : بلهفه . بس يامراد . الله يعطيك العافيه ويمد ف اجلك . وعيونها لمعت بدموع . بالله عليك ماتقول كدا تانى .. حبيبى انت واول فرحتى ..
مراد : رقص حواجبه بمكر . وباس ع أيديها الاتنين وقال حبيبتى يامريوم . احلا ام . واجمل ام . واحلا عيون فيكى .يا……ااه .. احم تسلم ايدك ياحج ..
آدم : بغيظ مكبت . انت مش رايح المول انت وولادك مع فهد . يلا غور من هنا.
مريم : اله ف ايه يا آد……….. ومكملتش من نظرت آدم ليها.
مراد : حط ايدو ع قفاه. ماشي ياحج . مقبوله منك . انا جيت اسلم عليكوو . وغمز ل مريم . هتعوزي منى حاجه ياقمر ..؟
مريم : بلعت ريقها بتوتر وبصت ع آدم وقالت . احم س…سلامتك يا …حبيبى قصدى يامراد ..
مراد : بخبث . يعنى افهم إن مراد ابنك واول فرحتك مبقاش غير ابنك وبس . واتنهد بتمثيل …
مريم : بقلب أم . لأ لأ مين قال كدا . دا انت ابني وحبيي قلبى ونور عيني مرادي . ده انت قلبى من جوه ..
آدم : بصوت عالى ماخلاص انتى وهو . مش هنخلص من صفحة الغزل دي ؟ وانت يازفت انت. غور من هنا…
مراد : اتعدل بسرعه. احم . تمام اوي . احم سلامو عليكو. وجري من قدامه. وقال أنا كدا عملت ال عليا ..
آدم : قفل ملف الاوراق .بغيظ . ورزعه ع التربيزه . وقام دخل جوه .
مريم : اتخضت . وغمضت عينيها وقالت الله يهديك يا آدم.
آدم : من جوه . بصوت جهوري . امين يا ام مرادك ..
مريم : هزت راسها . وقامت دخلت . وقلعت النقاب. ووقفت قدامه . وقالت اله ف ايه بقى يا آدم؟ هو انت حد جه جمبك؟
آدم : بغيره. لأ ابدا . انا بحب اكون عصبى كدا من نفسي . وانتى جايه ورايا ليه ها ؟
مريم : كتمت الضحكه . اله هو انا قولت حاجه يادومي .
آدم : كشر عينيه بغيظ وقال دومي ؟ دا انتى شمتانه بقى . ؟ اتفضلى البسي والحقي اخرجي مع حبيبك . وقلبك . ونور عينك الجبله ابن الكلب مرادك يختى . وزعق اتفضلى .
مريم : اتخضت. بسم الله .. ومسدت ع خدو . اهدا ياحبيبى . اهدا. مش هنعيدو تانى. ده مرادي ..قصدى مراد ابنك وحبيبك ..هو بس بيحب يناغشك ..
آدم : اتغاظ اكتر عشان بتمسد ع خدو . بالطريقه دي .. وقال هو انا عيل بتثبتينى يامريم ؟
مريم : نفخت بنفاذ صبر. وبعدين معاك بقى ؟ انت مش هتهدى غير لما تشوف وشي التاني ؟
آدم : قرب من وشها اوي وقال بفحيح افعي . وانا مستنى بفارغ الصبر وشك التاني يامريم ياجزار ؟
مريم : اتخضت ورجعت لورا بسرعه . وقالت ايه يا آدم. انت محدش يهزر معاك. ف ايه وحد الله مش كدا ؟
آدم : غصب عنه ضحك من طريقتها . وشدها من وسطها لحضنه. وقال سمعينى كدا قولتى ايه للجبله ابن الكلب البارد .
مريم : وبعدين بقى. استغفرك ربي و اتوب اليك. مبدائيا كدا . انا بزعل حقيقي منك لما بتشتم مراد . وغير كدا. هو ابنى . وحبيبى. واول فرحتى. ومرادي . لكن انت المراد نفسه. انت حبيبى وروحي ونور عيني وقلبى . انتى نعيمى يا آدم.
آدم : قلبه بيدق . ورفع دقنها وقال أنا ايه؟
مريم : بصت ف عينيه بعشق كبير وقالت انت نعيم مريم ف الدنيا يا آدم.
——————بقلمي مريم نصار.
خارج المول ..
آدم مراد : نزل من العربيه . ومعاه تالين . وبص ف الساعه . وعايز يشوف ضي آدم بفارغ الصبر ..
مراد : نزل من العربيه . وحط ايد فريحته ف دراعه
. وقال .. اخوكي البارد مجاش لحد دلوقتي ..
فريحه : بزعل . وبعدين يامرادى . اخويا فهد مش بارد ..
مراد : بصلها .بزمتك . ده وقت مرادى؟ يابنت المستخبي انتى . لما اقول بارد يبقى بارد فاهمه يابت ..؟
فريحه : ههههه لا مش فاهمه . وكملت بمكر . ياموراد قلبى انا ..
مراد : كشر عينيه وقال اه يابنت كوم الشكاير . طب عليا الطلبات . لاشتريلك بدله من إياهم . وهتتشقلبيلى فيها .
فريحه : شهقت بصوت مهموس ينهار ابيض بتقول ايه يامراد ؟
مراد : بغمزه . هتبقى ليله عنب .. وبقولك ايه هنطلع ع شقتنا . اشطا ..
فريحه : بلعت ريقها بتوتر .. وقالت هو..لازم البدله دى يامراد؟
مراد : بغمزه .اعتبريها وصلت البيت ياقلب مرادك ..
آدم مراد : قرب عليهم .. ونفخ بخنقه ..
مراد : بتريقه طب لما انت مخنوق اوى كدا . اتصل عليه وشوفه فين ؟
آدم مراد : بمكر . هو مش صاحبك؟ اتصل عليه . انا ولا مخنوق . ولا مستعجل ..
مراد : عيل دمك تقيل زيه . وبوزه زي بوزك كدا بالظبط .. مش عارف انا وحمه سودا ..
آدم مراد : ابتسم وسكت ..
فريحه : اهو . عربية فهد هناك اهي ..
فهد : وصل ونزل . وحاوط كتف آرين . ورينو ف دراعه . واركان سبقهم يسلم عليهم ..
مراد : ايه الل اخرك كدا يافهد؟
فهد : ابتسم بمكر . أسأل اختك ..
رينو : تنحت وفتحت عينيها بزهول . وبصت ل فهد بصدمه ..
فهد : غمزلها بطرف عينه .. وسلم ع آدم وفريحه ..
آرين : بمرح خاااالو مراد .. وسلمت عليه ..
مراد : ضمها لقلبه وقال عارفه يابت يا آرين . انتى بنتى . والواد آدم ده ابن فهد . ولا انتى ايه رايك ..
آرين : بهمس . بلاش انا اجاوب ياخالو ..
مراد : بنفس الهمس . ليه ياقلب خالو ..
آرين : بصوت واطى . اصل آدم المرعب .ممكن ياكلنى ..
مراد : كتم الضحكه . وقال آدم المرعب؟ صدقي يابت يا آرين جبتى الناهيه .. هو مرعب حقيقي ..
آرين : بهمس هو المرعب ده وهو صغير . كان بياكل ايه؟
مراد : اول ما يصحي من النوم .يشرب كوباية دم ع الريق كدا .. وقبل ما ينام . كان بياكل بنى ادمين ..
آرين : شهقت بصوت عالى ياخبر حضرتك بتتكلم بجد . وبصت ل آدم بخوف . ياااامامااااععع . آدم المر……..وبلعت ريقها ومكملتش من نظرة آدم ..
آدم مراد : بجديه . لو خلصتو ياريت ندخل . مش هنفضل واقفين قدام المول كتير ..
رينو : فعلا يلا بينا …
ف المول .. ف الكافيه
خالد : ها ايه رايك ياحياة ياحبيبتي ..
حياة : بانبهار . واااااو بجد تحفه جدا ياعمو خالد .
خالد : بتريقه . وانت ياسليم باشا . ايه رأيك؟
سليم : قعد بخنقه . وقال شغال ..
خالد : بنرفزه . هو ايه ده ال شغال ؟ انا جيت هنا الصبح عشان اشرف ع كل حاجه وطالع عينى. وانت نايم ف بيتك . وتيجى تقولي شغال ؟
سليم : من بين أسنانه .. محدش قالك تعمل حاجه .. انا لو عليا عايز اولع فيك انت والكافيه مع بعض ..
خالد : بتريقه .. امممم النفسنه كما يجب أن تكون ..
طبعا غيران وحاقد علينا . عشان حياة قالت ع ال هي عايزاه . وعمها حبيبها نفذلها رغبتها . ولا ايه ياحياة ياحبيبت عمك ؟
حياة : حطت صوباعها ع بوقها وهزت راسها ومش هتتكلم ..
سليم : بص ل فتون . وقال اقوم اضربه ده ؟
فتون : كاتمه الضحكه . وقالت اهدا ياحبيبى .. وبصت للكل . خلاص ياجماعه حصل خير .. بس بجد الترتيبات جميله جدا ..
حنين : فعلا .. كل سنه وانتي طيبه ياحياة ياحبيبتي ..
حياة : بفرحه .. وحضرتك طيبه ياخالتو .
جنى : كل سنه وانتي طيبه يا حياة . وعقبال مليون سنه .
حياة : قلبى يا جنى وانتى طيبه ياروحي ..
سيف : بتجاهل . اله هي التورته هتنزل امتى ؟
حياة : بعند .. والله لسه بدري .
سيف : بمكر .. هو انتى ال متفقه مع مدير الكافيه؟ انا بسأل بابا . يا….حياة هانم ..
حياة : بكبرياء . والله ده عيد ميلادي انا . وانا ال محدده المواعيد . يعنى كل حاجه هتنزل ف الكافيه وقت ما حياة سليم بدر الدين تقول . ياا……سيف. اوكي ؟
سيف : صك ع أسنانه وهز راسه امم اوكي يا حياة اوووكي ..
آمان : ايه ياعمي هنحتفل امتى ؟
خالد : بص ل حياة .. ايه اروح اقول للمدير ينزل بالتورته …؟
حياة : بسعاده . اوووكي ياعمووو .
خالد : وطي ع ودن سليم . ولاا هتيجى معايا ؟
سليم : ببرود . مش فاضي . والحفله انهارده ع شرفك . ياصاحب السمو ..
خالد : خليك قاعد .. انا هتصرف . راجل معقد .. وسابهم وخرج ..
سيف : بص ل حياة بغيره كبيره . وقال هو مفيش فستان عندك غير ده تلبسيه؟
حياة : بتعجب .. ماله بقى فستانى ده لسه جديد؟ وبعدها كشرت عينيها وقالت .. وانت مالك انت ؟ إنسان مستفز بجد ..
سيف : انا مستفز ؟ ولا انتى ال شخصيه بارده ..
حياة : صكت ع أسنانها بغيظ مكبت . وقالت بصوت واطى عشان محدش يسمعها .. انا بارده ياعديم الزوق .. انت انسان همجي وراجعي ومتخلف .
سيف : رفع حاجبه وقال ..انا متخلف ؟ طيب يا حياة. انا هعرفك مين الل راجعي ومتخلف ..
حياة : بعند ..هتعرفنى ازاى بقى إن شاء الله ..
سيف : بهمس بلاش عشان هتزعلى .. اصل انا ال طفشت العريس الاخير ..
حياة : بغيظ متداري . ها ها ها .. وايه يعنى طفشه ..كدا كدا انا رفضاه ..
سيف : بغمزه . طيب وانا ؟ رفضانى كمان ؟
حياة : بكبرياء..انت مرفوض من الطفوله يبنى .. مبقاش ال انت كمان . ههههه ..
بعد شويه ..
رينو : ااه فهد . انا عطشانه بجد . تعالى نقعد ف الاستراحه ال هناك دي ..
فهد : شاور للكل . وقال تعالى ياروحي .. وكلهم قعدو ..
آدم مراد : تشربو ايه؟
آرين : بمرح . آدم آدم انا عايزه بوريو انا وتوتا ..
آدم مراد : طلب لكل واحد ال هو عايزو . وقاعدين بيشربو ..
آرين : بتذمر . يوووه. بابي الحجاب بتاعي . الدبوس شكله كدا اتكسر ..
فهد : ورينى كدا ياحبيبتى ..
آرين : ماسكه الحجاب بايدها ..
فهد : ايوه فعلا . رينو معاكى دبوس زياده ؟
رينو : معايه ياحبيبى ..امسكي يا آرين .
آرين : انا عايزه اروح اظبط الحجاب ف الحمام . تعالى معايا ياتوتا ..
فهد : آركان .. قوم مع اختك . واستناهم قدام الحمام ..
آركان : حاضر يا بابا ..
آدم مراد : عيونه عليها ..
آرين : قامت واخدت تالين . و آركان معاهم .وطلعو السلم المتحرك .
ووصلو . ودخلو الحمام .. آركان واقف قدام الحمام . ومحرج من كمية البنات ال داخله خارجه من الحمام.
عامل ف المول . جه وقال ل آركان . ممنوع حضرتك تقف قدام حمام السيدات . اتفضل ..
آركان : بهمس والله احسن حاجه . واتحرك . ونزل ..
فهد. : كشر عينيه فين آرين وتالين ي آركان؟
آركان : ف الحمام فوق .. والعامل قالى ممنوع اقف قدام حمام السيدات .. وبصراحه شكلى كان وحش جدا .. بس دقيقتين وهطلع ليهم ..
فهد : بحده . قوم اطلع واقف لأختك بعيد .. المول زحمه جدا وممكن تتوه مننا ..
آركان : بتنهيده . حااضر يابابا . وطالع ع السلم ..
آرين وتالين . خرجو . م الحمام . وآرين قالت بحيره . هو آركان راح فين؟
تالين : بصت حواليها . مش عارفه . والمكان زحمه جدا . ممكن يكون نزل ..
آرين : اوووف بقى . طيب تعالى ننزل.
تالين : كشرت عينيها طيب هو انهي سلم ؟ انا مش فاكره ..
آرين : بخنقه . وانا كمان . معرفش إذا كان السلم ده . ولا ده ؟ بقولك ايه تعالى ننزل من السلم ده ..
تالين : بقلق . طيب لو مش هو ؟ هنعمل ايه وقتها . طيب بقولك ايه . فونك معاكي ؟
آرين : هزت راسها للأسف نو . فوني سبته مع مامي .. تعالى . ولو مش هو نطلع وننزل م السلم التانى .
تالين : طيب والله المستعان .. يلا .
عند سليم ..
حياة : نفخت بنفاذ صبر . وبعدين بقى . عمو خالد أتأخر اوى ..
سليم : بص ف الساعه وقال ولا اتاخر ولا حاجه ده يدوبك ١٠ دقايق وانتى شايفه المول زحمه ازاى؟. تستاهلى . انا كنت هعملك عيد ميلاد محصلش . بس اقول ايه بقى ؟
حياة : بمرح . حصل خير بقى يابابي ياقمر انت . بصراحه بقى . انا كنت عايزه عيد ميلادى اعمله ف المول الكبير ده . بجد الديزاين هنا تحفه اوووى ..
سليم : ابتسم اهم حاجه عندى انك مبسوطه اوى ياحبيبتى ..
حياة : مبسووووطه جدا جدا بجد . ميرسي يا اجمل بابي ..
سليم : باس جبينها . وابتسم .. وبص ل فتون. وشبك ايدو ف أيدها . وهمس ف ودنها وقال بمكر . بعد الحفله هتعزمينى ف اليخت ع العشا . اوكي
فتون : ارتبكت . وبصت حواليها . وقالت بحرج . سي….سليم . ارجوك احنا مش ف البيت ..
سليم : بمكر .. امممم يبقى انتى عايزه تتعاقبى ياتونا ..
فتون : هزت راسها لأ لأ والله انا بهزر . خلاص هعزمك و أمري لله ..
حنين : كشرت عينيها انتو بتقولو ايه ؟ متسمعونا .
فتون : بتوتر . ا.ابدا يانونا . احم . هوا…..هو خالد فعلا أتأخر .. ولا ايه ياسليم ؟
سليم : ايوه فعلا . انا هقوم اشوفه راح فين ..مش بعيد يكون سابنا وخرج عارفه مجنون ويعملها ..
ف الاستراحه ..
آركان : نزل يجري . بص عليهم . وقال بقلق . هي آرين وتالين ماجوش هنا ؟
كلهم قامو . وقفو بقلق كبير .
فهد : قام وقف بسرعه . وقال بصدمه . لأ محدش جه .. اختك فين ي آركان؟
مراد : قلبه دق بخوف . هما خرجوا م الحمام؟ رد ي آركان انطق .
آركان : قلبه بيدق بقلق . وقال أنا كل ده واقف قدام الحمام مستنيهم . ولما أتأخرو . قلقت عليهم . وسألت. ومفيش حد جوه .
رينو : بلعت ريقها بصعوبه .. وهمست برعب آرين ؟
فريحه : قلبها بيدق بسرعه من الخوف . وبتلف تقول ل آدم .. لكن آدم مكنش موجود ..
آدم مراد : اول ما سمع آركان جري بسرعه يدور عليهم . وقلبه بيدق بقلق . آرين وتالين . اهم حاجه عنده ..
رينو : مسكت ايد فهد وبتعيط .
فهد : بشعور مبهم وخوف. اهدى يا رينو . واقعدى هنا انتى وفريحه . هندور عليهم ..
فريحه : بتعيط . بنتى يامراد . تالين …
مراد : مسح وشه بايديه ونفخ بخنقه كبيره . فريحه . مش عايز اسمع صوت حد .. اقعدو هنا زى ما فهد قال .. بنتك وآرين اكيد طلعو فوق او راحو لمكان تانى. انتى شايفه إن المول زحمه .
وبص ل فهد . وقال . فهد انت اطلع فوق عند الحمام واسال وشوف الاتجاه ال مشيو منه. وانا هروح اشوف الكاميرات . واتصل عليك واجيلك . يلا ..
فهد : بقلب اب مرعوب ع بنته. ومش اى حد . دى فراشة الحياه بالنسباله ..وطلع يجري ع السلم المتحرك .. وقلبه بيدعي ..
مراد : طلع يجري ع غرفة المراقبه ..
آركان : اتحرك بسرعه وبيدور ف كل مكان زى المجنون ..
آدم مراد : بيدور بطريقه شبيه بالجنون . لان روحه تايهه منه ..
رينو وفريحه . بيعيطو . وخايفين …
ف مكان ف المول ..
تالين : ماشيه مع آرين . وقالت بقلق وبعدين يا آرين . احنا كل ماننزل سلم . نلاقي نفسنا ف مكان تانى ونزلنا وطلعنا اكتر من سلم ..
آرين : بقلق ..وعيطت بطفوليه . عاااااااا احنا شكلنا توهنا يا تاليين . عاااااااا . احنا من نص ساعه بندور والمكان زحمه اووووى . عاااااااا . باااااابي . انا عايزه باااااابي ..
تالين : بحيره .اهدى يا آرين واكيد ف حل إن شاء الله .. تؤ ..طيب ممكن ننزل ونخرج ونقف عند عربية بابا ..؟
آرين : بطفوليه . عاااااااا المول ليه اكتر من باب . واحنا مش عارفين دخلنا من اى باب . احنا توهنا خلاص يا تااالين . عاااااااا . انت فين يا باااابي . ؟
صوت من وراهم . بقى ف عروسه زي القمر تعيط كدا ..؟
آرين وتالين . لفو للصوت . وخايفين .. وآرين همست بصوت خايف .. م..مين حضرتك ..؟
خالد : بهزار .. انا يستى أسمى خالد الشرقاوي . او خالد العالمى . اختاري انتى بقى .. ههههه . وانتو بقى مين ؟ وليه باين عليكو انكو خايفين كدا؟
آرين : حطت ايدها ع بوقها وهزت راسها ورفضه تتكلم ..
تالين : بقلق . احم ميرسي جدا لحضرتك . احنا مش خايفين ولا حاجه ..
خالد : بمكر . اممم لأ باين عليكو انكو مش خايفين خالص .
. لكن كمان واضح انكم قلقانين منى .. بصي انا أسمى خالد الشرقاوي . وعندى بنوته قدك كدا . اسمها جنى . وهي موجوده معايا انا ومامتها تحت ف الكافيه . ومش عايزكم تخافوا . انا مش حرامي ولا شرير . وبعدين واضح ع شكلى ولا ايه؟
آرين وتالين بصو لبعض .. ومحتارين ..
خالد : عشان يطمنهم . طيب والله العظيم انا عايز اساعدكم . انتو ماشاء الله عليكم . واضح انكم من عيله راقيه ومحترمه من طريقة اللبس . وكمان الأخلاق ال واضحه ع وشكم . ف لو تقولو مالكم هقدر اساعدكم ..
آرين : هزت راسها لأ ميرسي جدا . احنا هنوصل ل بابي و…… ولعنت نفسها …
خالد : ضحك بصمت . امم قولتيلى بقى .. يعنى انتو تهتو ف الزحمه دي ..؟
آرين : بطفوليه . عاااااااا ايوه . وبابي ومامي اكيد قلقانين علينا . عاااااااا . باااااابي . مااااامي . عاااااااا.
خالد : بس بس يابنتى ماتعيطيش كدا . انا هساعدكم والله . ومتخافوش منى . بصي امسكى عشان اطمنك ده الكارت بتاعي . انا رجل اعمال يعنى مش حرامي .. انتى حافظه رقم والدك اكيد صح ؟
آرين وتالين بصو لبعض ب أمل جديد وهزو رأسهم . وقالو ف صوت واحد ايوه حافظينه ..
خالد : خبط جبينه . يادى النيله السوده ..فوني مع سيف ابنى . طيب بصو يابنات . انا عشان تطمنو من ناحيتى .انا هاخدكو دلوقتي ونروح عند الأمن . وينادى ع اسم والدك ف المايك ايه رأيكم؟
آرين : بتفكير . هزت راسها اوكي . لكن حضرتك تمشي بعيد شويه قدامنا اوكي ؟
خالد : هههههههه حاضر يستى . يلا بينا . وماشي قدامهم بخطوتين . وقال عارفين يابنات . انا لو بنتى جنى ال تاهت . وحد كلمها كانت عورته ههههه مش عارف طالعه لمين البنت دى …
تالين : بتهمس بالدعاء ..
آرين : بتدعي بخوف . وهمست انت فين ي آدم ؟
خالد : بص ل آرين . وقال انتى شكلك كده دلوعة باباكي . ولا انا غلطان ؟
آرين : بتوتر . لو سمحت انا عايزه بابي وعيونها لمعت بدموع ..
خالد : وقف وزعل عشانها . وقال اطمنى مش هسيبك إلا لما اسلمك لوالدك . وده وعد منى ليكو ..
انتو زى جنى .. عارفين مره وهي صغيره . ضربت عيل ف الفصل.
آرين : ………. تالين ………
خالد : عشان يطمنهم .. اقولكم انا ضربته ليه . وهي شايله الشنطه وخارجه م الفصل وقت الفسحه . الواد ده فتح الشنطه بتاعتها . وسرق اللانش بوكس بتاعها . هههههههه جابو لنفسه ابن التيت . المهم . جنى بنتى اتعفرتت . ومسكت الواد فين يوجعك . ووقعته ع الأرض . وفكت شريط شعرها . وربطت ايديه ف بعض . هههههههه . وكملت فيه ضرب . بنت مفتريه . طالعه ل امها ههههههه .. تعالو يابنات من الطرقه دي ..
آرين : بهمس ل تالين . واضح أنه إنسان كويس . وهيساعدنا ..
تالين : يارب . يارب يا آرين .. ياترى العيله عامله ايه دلوقتى ؟
آرين : عيونها لمعت بدموع . وقالت انا خايفه ماشوفش بابي تانى ..
خالد : تعالو يابنات من الطريق ده .. وقال انتى اسمك ايه؟ وخالد اتصدم …….
آرين : لسه هتتكلم .. ولكن شهقت هي وتالين بصدمه وفرحه ف نفس الوقت …
خالد : فتح عينيه بصدمه .. لأن تلات اسحله متوجهين ع راسه ..من جميع الجهات…!!!! ——
ف المكتب الخاص ..
سليم : قاعد ع المكتب . وفاتح الملف وبيراجع شغله ..
فتون : نازله ع السلم . ولابسه بيجامه . وقالت مساء الخير يا داده فاتن ..
فاتن : مساء الورد بست الكل . صلاة النبى احسن . انتى انهردا زى الفل الله اكبر عليكى ..
فتون : ضحكت . تسلمي يارب ..و الحمد لله ياداده . شوية تعب وراح لحاله .. قوليلى سليم فين؟
فاتن : سليم بيه ف المكتب . وطلب مني اعمله القهوه بتاعته ..
فتون : بابتسامه . انا هاعمله القهوه ياداده . اتفضلى انتى ..
فتون : دخلت المطبخ . وبتجهز القهوه ..
فاتن : طيب سؤال بس ياست فتون .. عيد ميلاد ست البنات حياة بكره إن شاءالله . ومحدش طلب منى اعمل ترتيبات ايه انا والشغالين زى كل سنه ..
فتون : ايوه ياداده . لان سليم بيفكر يعمله ف فندق او ف الساحل . لسه هيشوف انهردا . وانا هتكلم معاه . وهقولك ..
فاتن : وماله . وكل سنه وهي بألف خير . ويارب عقبال ١٠٠ سنه .
فتون : ابتسمت وانتى طيبه . الله يكرمك ياداده .
فاتن : سؤال تانى عدم اللامؤخذا يعنى . انتى عارفه انا بحب ست حياة قد ايه ..
فتون : طبعا ياداده . انتى عشرة سنين . وانتى ال مربياها هى و آمان . اتفضلى أسألى ..
فاتن : شاله يجبر بخاطرك يارب . احم لامؤخذا يعنى . العريس ال اتقدملها .. ياترى وافقت . ولا رفضت زى كل مره . اصل انا من امبارح مش عارفه اكلمها . ومتظرظره عليا ع الآخر ..
فتون : ههههههه معلش ياداده انتى عارفه انها عصبيه .. وكمان العريس اترفض انتى عارفه حياة لسه صغيره دى لسه ف تانيه جامعه .
فاتن : رفعت ايديها الاتنين وقالت ربنا يوفقك ياحياة يابنت حوا و آدم . ويرزقك بعريس زى سليم بيه . ويريح بالك ويسعدك انتى وسي آمان قادر ياكريم
فتون : حطت القهوه ف الفنجال. وقالت بحنين . آمين يارب .. وشالت القهوه . وراحت ع المكتب . وخبطت ..
سليم : مركز ف شغله وقال ادخلى ياداده ..
فتون : فتحت . ودخلت بابتسامه . طيب ينفع فتون ؟
سليم : قفل الملف . وابتسم . وشاور ليها تعالى ياروحي . ايه الجمال ده؟. وكمان جايبه القهوه بنفسك ..؟
فتون : قربت منه بضحكه صافيه .. وحطت القهوه ع المكتب . وشهقت ..
سليم : شدها لحضنه وقعدت ع رجله . وباسها من خدها . وقال فاتنتى عامله ايه دلوقتى ياحبيبتى؟
فتون : بضحكه صافيه . وماسكه ياقة قميصه . انا كويسه جدا ياحبيبى .. ومش بس كده . انا كمان عملتلك القهوه بايديا . ويارب تعجبك ..
سليم : داعبها من أنفها بمرح . طبعا هتعجبنى جدا . لكن الأهم من كل ده . اخدتى علاجك ولا نسيتى كالعاده؟..
فتون : ههههه تؤ تؤ مانستش ولا حاجه . واخدت العلاج ف ميعاده . وانا خلاص بقيت احسن بكتير صدقنى ..الحمد لله..
سليم : بابتسامه . الحمد لله ياروحي .
فتون : قولى بقى. حياة و آمان مش موجودين ف البيت؟
سليم : اممم فعلا . حياة راحت عند عمها خالد و آمان معاها ..
فتون : اممم تمام . انت فكرت هتعمل عيد ميلاد حياة فين ؟ ولا نعمله هنا وخلاص ..
سليم : قربها لحضنه . وقال تؤ . حياة بنوتي . جابت تقدير كويس جدا . وتستاهل حفله جميله .. وانا فكرت اعمل ليها عيد ميلاد ع البحر ايه رايك ياروحي ؟
فتون : بانبهار . امم جميل . تقصد ع اليخت بتاعنا ؟
سليم : بغمزه. لأ طبعا . اليخت ده للعشا والعقاب . ومينفعش اى حد يعرف بيه . ولا ايه ؟
فتون : بحرج . احم م..ماشي خلاص .
سليم : بمكر . هو ايه ال خلاص؟
فتون : كشرت عينيها بتعجب . وبعدين معاك .. بطل بقى .
سليم : ضمها لقلبه .. حبيبى انا ياناس ال بيتكسف ..
فتون : ضمته بحب كبير وضحكت. وقالت حبيبى انت ياسيمو .
سليم : بهمس جبتى هديه ل حياة قلب ابوها؟
فتون : طلعت من حضنه . وفتحت عينيها بدهشه . صدق لأ
..ينهار ابيض 
. انا ازاى نسيت . لأ بص انا منستش
..بس انت عارف انا تعبانه بدور برد شديد جدا بقالى اسبوع واكتر
. ومكنتش مركزه ف اي حاجه .. طيب والحل بقى ؟ دي حياة ممكن تغضب علينا كلنا ..سليم : مسد ع خدها . طول ما الملاك الحارس موجود معاكي . متفكريش ف اي حاجه .
فتون : باسته من خدو بفرحه . تسلم لقلبى ياحبيبى انا … طول عمرك مريح قلبى .. ها قولى بقى جبتلها ايه؟
سليم : بمكر . ايه رأيك عايز اجبلها عربيه .؟.
فتون : فتحت عينيها بدهشه…نعم؟ عربيه ياسيلم؟
لأ طبعا أنا مش موافقه ..
سليم : بهدوء ليه بس ياتونا ..
فتون : بجديه . علشان حياة لسه صغيره ..وكمان ماينفعش عربيه مره واحده وهي ف السن ده.
. انا معوده بنتى إن الحاجه بتيجى بتعب .. مش علشان نجحت وجابت تقدير تجبلها عربيه مره واحده .. لأ انا رافضه الطريقه دى ..
سليم : بتنهيده .. بس حياة مش صغيره ياتونا . وكمان بتعرف تسوق كويس جدا . وبتسوق عربيتى . مافيهاش حاجه لما تكون ليها عربيه خاصه ليها .
فتون : بتصميم لأ .. بنتك لسه صغيره ياسليم . وانا خايفه عليها . خلينا زى ما احنا . وف سواق خاص ليها . ولما تكبر شويه إن شاء الله . تجبلها عربيه ..لكن السنادى لأ ..ممكن ولا ايه؟
سليم : بتفكير .. بس حياة هتزعل يافتون .. وهي طلبت منى عربيه ..
فتون : بتعجب . انت بتحسسنى انها بتطلب لعبه.؟
. وانا ف سنها كان أكبر احلامى كلها اسدد ديوني ياسليم..
.ارجوك ياسليم سبنى اربي بنتى بطريقتى .. انا مش بقولك ماتجبلهاش. لأ جبلها لكن مش دلوقتي .. وصدقنى ياسليم ال بيجى بسهوله . بيروح بسهوله ..
سليم : مط شفايفه بتفكير واتنهد .ومش عايز يزعل مراته ولا بنته.
فتون : حست بيه . ومسكت وشه بايديها . وقالت صدقنى انا فاهمه انك مش عايز تحرمها من حاجه .
. وانا كمان عايزه ولادى يحققو كل حاجه .. لكن بعد ما يعرفو قيمتها ..
سليم : بتنهيده .. احنا اتفقنا انك هتتصرفي ف ميزانية البيت من ناحية الاكل والشرب لانك شايفه انه تبذير . وانا معاكى ووافقتك ف دي .
. لكن انا اتفقت معاكي . إن طلباتك ولبسك وكل حاجه تخصك وتخص ولادي .. دى ماتتدخليش فيها .
.انا يستى عايز اجيبلكم كل حاجه . وبعدين انا لو عارف إن حياة بنتنا متهوره انا مكنتش هفكر ف هديه زى دي .. لكن حياة فوق ماهي واخده عصبيتى واخده اسلوبك كمان . وبتتصرف بعقل .. فتون سبينى انا اتصرف ..
فتون : ابتسمت . انا عارفه انك بتحب حياة اكتر من اى حد .
.بس عشان خاطرى بلاش ع الاقل السنادى . خليها لما تخلص جامعه اهي هتكون كبرت واشتغلت معاك ف الشركه .. ارجوك وافقنى بقى ..
سليم : اولا يامدام فتون .. صلحى كلامك . انا مبحبش حد ف الكون كله قدك انتى وبس ..
أما ولادى ليهم حب من نوع تانى خالص ..فاهمه ؟
فتون : ههههههه فاهمه ياروحي . هو انا بعشقك من شويه ياملاك قلبى انت ..
سليم : بغمزه . موافق بس شرط …
فتون : صكت ع أسنانها بغيظ مكبت . العقااااب صح ياسليم ؟
سليم : بغمزه صح ياقلب سليم ..
فتون : وشها بقى احمر جدا ……وسكتت .
سليم : ههههه يؤبرني ها الحلو .
فتون : بلعت ريقها بتوتر . احم ا.انت هتحجز امتى ؟ وهتقول ل خالد وحنين ؟
سليم : بيلاعب خصلات شعرها .. مش عايزك تفكري كتير كل حاجه بكره هتكون زي ما انتى عايزه . وهيكون اجمل عيد ميلاد ل حياة سليم بدر الدين ..
فاتن خبطت ع الباب ..
فتون جت تقوم ..
سليم : ضمها لقلبه اكتر . هشش بس . وقال بثقه ادخلى ياداده ..
فتون : بحرج كبير . سليم لأ ماينفعش كدا الله يخليك ..
سليم : هتسكتى ولا اتجاوز اكتر ..
فتون : فتحت عينيها بدهشه وقلبها بيدق بسرعه من الاحراج وهي قاعده ع رجله ..
فاتن : فتحت الباب. وشافت فتون وهي متوتره. وابتسمت بحرج .وبصت ف الارض وقالت . احم سي سليم بيه . خالد بيه وصل ف الجنينه .. ومعاه سي امان وحياة هانم .
سليم : بهدوء .. طيب ياداده . انا خارج ل خالد ..
فتون : شهقت .. يلهووى خالد وانا باللبس ده ؟ داده فاتن . بسرعه الله يكرمك . هاتلى أسدال ولا فستان اى حاجه بسرعه ..
فاتن : حاضر ف ثوانى هكون عندك. وطلعت بسرعه ..
سليم : بمكر . احنا كنا بنقول ايه..؟
فتون : بغيظ . كنا بنقول خالد مجنون وممكن يدخل زي القضا المستعجل .
سليم : ببرود . تؤ . من يوم مانقلنا الفيلا الجديده . وهو مايتجراش يدخل طول ما انتى موجوده ياروحي .
فتون : نفخت بأريحيه . طيب كويس ربنا يهديه ..
سليم : بهمس .. ونفس البرود . كنا بنقول ايه ياتونا ؟
فتون : قلبها دق واتكسفت .. وقالت بحرج . كنا ..كنا بنقول انك هتجهز كل حاجه . احم ..
سليم : بمكر . طيب وقبل كدا ..
فتون : بحرج . وبعدين معاك بقى بتحب توترنى. كدا مش هينفع خالص ع فكره ..
سليم : ضحك بصوته كله هههههههههههه .. قلبى انتى ياتونا ..
فتون : ابتسمت بحب . وقالت أنا عارفه انى وحشاك . بس بطل تحرجني ..
سليم : بغمزه . وحشانى وبس ؟ وحياتك انا من وقت دور البرد ال جالك ده وانا هموت من القلق عليكى .. ومن عشقك كمان .. وحشانى جدا. .
.مهلكتى انتى يافتون …
فتون : وشها بقى احمر جدا . وقالت خلاص ياسليم بقى .احم صاحبك بره . وولادك زمانهم هايهجمو عليك ..وا……………..
حياة : فتحت الباب ودخلت . مسااااااء الخي……….. وشهقت هييييييي انتو بتعملوا ايه؟ ينهار الوان . ده مكان اكل عيش ياناس ..
سليم : ههههههههه تعالى تعالى . متأخره نص ساعه ..هتتحاسبى ع فكره …
حياة : قربت منهم . وباست فتون من خدها . وقالت مامتى حبيبتى . حمدالله ع السلامه ياقمر العيله .
فتون : بضحكه صافيه . الله يسلمك ياحبيبتي ..
حياة : وقفت ورا الكرسي . وحضنت سليم بمرح . ايوه ياسليم باشا . انا فعلا اتأخرت نص ساعه .
. ولكن إذا سمحت ليا المحكمه باتساع صدرها ولتسمع منى .وما قد بدر من اهواج وتفاصيل قد حدثت وغيرت مجري وتفاصيل القضيه .
آمان : دخل بمرح وكمل . سيدى الرئيس . حضرات الساده المتوترين . إن موكلتى حياة سليم بدر الدين . قد تأخرت بالفعل .
. ولها أسبابها الخاصه . وانا هنا معكم اليوم ل ابرهن . واقدم لكم جميع الميداليه والادله التى ليس معي وليس لها اى أساس من الصحه . وهذا كل مالدى من اقوال ودلائل واشكر كل من موجود بقاعة المحكمه . وارجو الرحمه واتخاذ القرار السليم ف براءة بنت الحج سليم . وشكرا …
حياة : بصوت مرح . رفعت الجلسه . وتؤجل القضيه لحين استماع الشهووووود …
أمان : سقف برافووووو يحيا العدل والله .مؤبد ع خير .. هههههه
سليم : مغمض عينيه م الصوت العالى . لكن قلبه بيضحك من عيلته ال تخطف القلب ..
فتون : بتضحك من قلبها .. وقامت وراحت حضنت أمان . حبيبى انت يا امان..
أمان : باس ع أيدها. حمدلله ع سلامة حضرتك ياست الكل .
فتون : الله يسلمك يا حبيبى ..
امان : سلم ع سليم . اذيك يا بابا . وباس ع أيدو ..
سليم : حمدالله ع السلامه ياحبايبى ..
امان وحياة الله يسلمك يا بابي ..
فاتن : جابت الفستان لفتون والحجاب ..
خالد : ف الليفنج بصوت عالى . مش خيييير ولا ايييييييه؟ انت يا استاااااذ نمت جوه ف ام المكتب ؟ اخللللص عايز اروح ..
سليم : خارج ووراه عيلته .. وقال والله انت ال جاى من غير ميعاد..
. يبقى تترزع مكانك لحد ما اخرج . وايه ال جابك اصلا .؟ هو انا مش سايبك من كام ساعه ف المجموعه .
خالد : كبر دماغه من كلام سليم . وقال اهلا ام حياة حمدلله ع السلامه .
. إم سيف بعتانى مخصوص عشان أسأل عليكى .. الف سلامه عليكي ..عامله ايه دلوقتى؟
سليم : قبض ع ايديه بغيره وتوعد ..
فتون : كتمت الضحكه . وقالت الله يسلمك يا استاذ خالد . احم انا هتصل ع حنين اطمنها ..
سليم : من بين أسنانه . خلاص اطمنت . خش تعالى ف المكتب عشان اروقك ..
خالد : فتح عينيه بدهشه وقال بتمثيل .. اتروق ياميمي؟ لأاا انا أسمى ميمي اه بس راجل اوى
كلهم ضحكو ..
سليم : بغيظ . ولااا . انت وصلت ولادي لحد هنا صح ؟.اتكل بقى يلا من هنا …
خالد : قعد ببرود وحط رجل ع رجل ..وقال عاجبك يا استاذه فتون . جوز حضرتك معندوش اى اسلوب حضارى وتحسي انه تربية حواري ..
سليم : فتح عينيه بزهول . وبصووت غضبان . تربييييية ايييييه ياااالا انت؟
خالد : اتحرك بسرعه .. واستخبى ورا آمان . وقال بقولك ايه ؟ كُل حاجه كدا سد بيها جوعك . انت هتتحول عليا ولا ايه؟ ماتهمد بقى اجدع .. عشان اقولك انا جاي ليه ؟
حياة : بهمس بلاش ياعمو خالد . بلاش تقوله ..
خالد : بهمس لازم ياحياة. ويلا بقى هي موته ولا اكتر . بصي انا هقول واجري اشطا خلينى اخلص ؟
حياة : بهمس هتجري ياعمووو؟
خالد : الجري نص الجدعه ايش عرفك انتى ؟
سليم : بغيظ خلصتو وشوشه انتو الاتنين؟ اخلص يا ااازمة حياتى . جااااى ليه ؟ وعندك مصايب ايييه تانيه ؟
خالد : هرش ف قفاه . هي مصيبه واحده بس ..إء ..لايعم مصايب ايه كفاله الشر . احم . انا جاى …. وبلع ريقه بتوتر وبص لحياة و آمان.
حياة و آمان .اتحركو . و وقفو جمب فتون .. وبيعدو .من واحد ل خمسه ومنتظرين رد فعل سليم ..
سليم : نفخ بنفاذ صبر . جاااى ليه ياخالد ياشرقاوي؟
خالد : بيمثل التوتر . وقال. جاااى .. جاااي. احم اصل .. انا. كنت جاااى ..
فتون : كاتمه الضحكه. وفهمت إن خالد عمل حاجه ضد رأي سليم . وهمست شكلك هتتغرق ف البيسين انهردا ياخالد .وهتروح كالعاده مبلول..
سليم : خبط كف ع كف . يا ربنا. ماتنطق يبنى ؟
خالد : اتكلم بسرعه . انا جاى اقولك انى حجزت وظبط كل حاجه لعيد ميلاد بنت اخويا ال هي حياة. ف اكبر مول ف مصر . وأمسك كارت الدعوه بتاعك انت ومراتك اهو ..وحطه ع التربيزه.
فتون : شهقت بصوت مهموس وحطت أيدها ع بوقها . وقالت ينهار ابيض .. استر يارب ..
سليم : مسح وشه بايديه .وقال بغضب مكبت. وبص ل خالد . انت جهزت وحجزت كل حاجه لبنتى انا ؟ وف مول ؟ ومن غير ما تاخد رأيي ؟
خالد : بيمثل الزعل . اله ما هي بنتى كمان ياجدع .. هو لازم اقولك يعنى؟ .. وشهق . وجري ينهار منيل استنى ياسليييييييييم …
سليم : جري وراه بغيظ كبير .. ده انا لازم اربيك بجد ياحيوووووان …
خالد : بيجري بسرعه وخرج ف الجنينه . صعب جدا اتربي … هو بعد ما شاب ياسليييييييم. اهدا بقي مش كل مره اروح مبلوووول
..حياة : جريت ع اول الباب مع أمان وبيضحكو ..
فتون : بتضحك من قلبها . وقالت ربنا يستر بجد عليك المرادي ياخالد .. وجالك قلب تتصرف كدا؟ ..
آمان : اوبس . ينهار ازرق . الحقو . عمو خالد قطع النفس . ههههههههه ..
فتون ؛ كشرت عينيها . وقالت حياة . انتى ال قولتى ل عمك خالد انك عايزه تعملى عيد الميلاد ف مول مش كدا ؟
حياة : بثبات ايوه يامامي . هي كانت مجرد فكره . وقولتها ..لكن اتفاجئت انهردا زي حضرتك بالظبط . إن عمو خالد جهز كل حاجه ..
فتون : هزت راسها بنفاذ صبر . وقالت . ربنا يستر .
سليم : بيجري بسرعه كبيره .
خالد : بيجري وبينهج . وقال يخربيت كدا ولاااااا اهدا بقى …
سليم : ف حركه سريعه مسك خالد ونطو ف البيسين …
خالد : شهق وكح ومسح وشه بايديه وبينهج . الله يخربيتك يا اخي . مصاحب واحد من غير مخ ..
سليم : مسكه من ياقة قميصه . وقال بغيظ . بقى انت . تتصرف من دماغك .؟. ده انا هشلفطك دلوقتي ..
خالد : ببرود . بقى كدا ياسولي . ينفع تخلينى استاذ شلفوطه قدام عيالك ..
سليم : ضغط ع فك خالد بغيظ اعملللل فييييك اييييييه؟
خالد : رقص حواجبه ببرود طلقنى . مش عاجبك طلقنى . بس قبل ما تقولها. قولى بحبك ياخالد . خلينى بعد الانفصال اعيش ع الكلمه دى ياسولي..
سليم : غمض عينيه . وقال اعمل ف الواد ده ايه؟ كتلة تلج متحركه . وزقه وسابه وخرج م البيسين ..
خالد : بتريقه .سلييييم بغرق ياسلييييم . .. سلييييم هتخلينى اروح مبلول .. حرام عليك . حنين من كتر ما بروحلها مبلول فكرتنى غواص. الحقني .. ياسليييييييم ..
——————بقلمي مريم نصار.
بعد فتره كبيره ف فيلا الشرقاوى.
حنين : هههههههههههه . انا احترت معاك ياخالد . بصراحه الله يكون ف عون سليم منك .
خالد : بياكل . اسكتى بقى انا متغاظ من الواد ده . بقى بعد ما يغرقنى يحلف عليا مانا متعشي عنده .. بقى ده جزاتى عندو . مااااشي يسليم . مااااشي ..
حنين : ههههههههه دى ااقل حاجه سليم يعملها معاك . كفايه انك مطلع عينه ف الشغل . وكمان سايبك برحتك واى مشكله يجري يحليهالك ..
اخ منك ياخالد ..
.بقى ياخالد انت عارف إن سليم حياة وأمان عنده بالدنيا. وديما يحب هو ال ياخد القرار معاهم ومع فتون. تقوم انت تفاجأه كده ؟هههههه فظيع انت.
خالد : بياكل . بقولك ايه هو ال معقد . مايفكها شويه . وايه يعنى عيد ميلاد ف مول ؟ ده واد خنيق ..فكك منه ..
حنين : ههههه افكنى منه ؟ طيب تعرف إن فتون لما اتصلت عليا قالت إن سليم كان عايز يعمل عيد ميلاد حياة ع البحر؟
خالد : بقولك ايه .. حياة عايزه عيد ميلادها ف المول . وانا عملته . سيبك من ابو قرارات ده . هاتى ورك فرخه .
جنى : ههههههه . بابي حضرتك بجد محصلتش ..
خالد : بغمزه بس ايه رايك ياموزتى . ف الآخر عملت ال انا عايزو .. ولا ايه؟
جنى : بفخر . طبعا بابي مش اى حد . ويعمل ال هو عايزه .
خالد : بعتلها بوسه ع الهوا . قلب ابوكي انتى . بتفهمى والله ..
حنين : بتوعد . قصدك ايه يااخااالد ؟
خالد : بلع الاكل . وقال ببلع . ببلع الاكل وكنت لسه هكمل الجمله . واقول بتفهمى زى امك .
حنين : زى ايه ياخالد ؟ امك ؟
خالد : بتريقه . اه نسيت اسف هرتقي اصل القاع مزدحم .. هههههههههه ..
كلهم ضحكو ..
سيف : بياكل . ماما حضرتك جبتي هديه ل حياة ؟
خالد : بمكر . اكيد طبعا ياسيف باشا ..وهي دى حاجه تتنسي .. المهم انت جبت هديه ل…..لحياة؟
سيف : بثقه . وانا اجبلها ليه ؟ كفايه حضرتك ..
خالد : رفع عينيه ل سيف وقال . ولا ياسيفو . انا مش مختوم ع قفايا اشطا ؟ بس خلينى ساكت احسن . ماتجببى ورك فرخه ياحنين .ولا اقوم ..
حنين : هههههههه لا ياحبيبى اتفضل والف هنا ..
خالد : بغمزه . كلى انتى بطاطس وانا الفراخ ..وهمس ف ودنها . لقاءنا فوق اصلك وحشانى ياحته هههههههههههه ..
حنين : اتوترت واتكسفت .. وبصتله بنفاذ صبر .
جنى : بتفكير . طيب يعنى عمو سليم اقتنع يعنى . وهنروح كلنا بكره المول ..
خالد : ايوه يا حبيبتي . وانتى عارفه إن كلام ابوكي ف الآخر هو ال هيمشي .. ولا ايه ياحنوووون؟
حنين : بتنهيدة حب . طبعا ياخالد . كلامك ال بيمشي ف الآخر ..
خالد : ده كدا عظمه اووووى ..
تانى يوم الساعه ٤
فيلا سليم بدر الدين ..
فتون : لابسه فستان باللون الازرق الداكن . وكان خيال عليها. وواقفه قدام التسريحه بتلبس الحجاب ..
سليم : خارج من اوضة اللبس . ولابس بدله جميله جدا .. وشاف فتون . وابتسم بحب وقرب منها وباس كتفها وضمها من الخلف . وقال فاتنة قلبى ال سحرانى بجمالها.
فتون : بضحكه صافيه . سليم ربنا ما يحرمني منك ولا من وجودك ف حياتى . ولفت ليه .. وباسته من خدو وقالت ايه الجمال ده ماشاء الله عليك ..
سليم : مسد ع وشها . الجمال ده وصف بسيط ليكى انتى ياروحي .كفايه جمالك ورقتك ال واخده قلبى ف حته تانيه.
فتون : ابتسمت . وقالت يلا عشان .تلبس الساعه . ولبسته الساعه . ورشتله البرفان .. وقالت قولى بقى . شريف كلمك ؟ اصل نجوان كلمتنى من شويه .
سليم : بيحط الدبوس وقال ايوه ياحبيبتى . وبيسلم عليكى . وقالى كلها اسبوع ويرجعو كلهم من امريكا .ع فيلتهم الجديده ..
فتون : بسعاده . بجد . والله فرحت جدا . نجوان مقالتش ممكن تكون متعرفش ..
سليم : ايوه فعلا متعرفش . لان شريف قالى انت اول واحد تعرف ..
فتون : تعرف بدر وفريده وحشوني اوى. وا……
سليم : حاوطها من وسطها بغيره . وقال سمعينى كدا قولتى ايه؟ مين ده ال وحشك؟
فتون : حاوطت رقبته بايديها وقالت فريده ونجوان ..
سليم : بتحذير اومال بدر ؟ده ايه؟
فتون : بدلع تؤ انا مقولتش بدر . انت ال قولت اهو ..
سليم : خطف بوسه رقيقه وقال بتحذير . ماسمعش منك كلمة حد وحشك غيرى فاهمه يافاتنه ..
فتون : قلبها دق بحب كبير وقالت فاهمه ياحبيبى ..
سليم : لسه بيقرب منها .. وفونه رن وكان خالد .. وصك ع اسنانه بغضب واضح ورد وقال عايز ايه ياعملى الاسود . بتتصل ليه دلوقتي؟
خالد : ليه يعنى فيها لما اتصل دلوقتي انت كنت بتعمل ايه؟ ها. ها قولى .
سليم : اخلص يالا عايز ايه؟
خالد : أنجز ياعم انا ف الطريق للمول اهو ..
سليم : تمام . ساعه ونكون كلنا هناك . إن شاء الله.
——————بقلمي مريم نصار
ف شقة فهد السيوفي.
رينو : داخله ع فهد الاوضه . وشافته ف قمة اناقته. وقالت بغيره . ايه الجمال ده كله يافهد ؟ لأ لأ . استنى انا هجبلك طقم عادي . ورايحه ع الدولاب ..
فهد : ضحك بصمت وجري عليها بسرعه وشالها قبل ما تفتح الدولاب ..
رينو : بغيره وغيظ . نززززلنى . نزللللنى . يافهد ..
فهد : ههههه . انتى حكايتك بقى ؟ كل مالبس بدله أو طقم كلاسيك . تغيرى عليا كدا ؟
رينو : بغيره . ايوووه بغير . عند حضرتك مانع؟ وبعدين انت اللون الاسود عليك يجنن. لابسه ليه بقى ؟
فهد : نزلها ..ومشي خطوه قدامها ..
رينو : بترجع بضهرها . لحد ما خبطت ف الحيطه ..
فهد : رفع ايديه ع الحيطه . وهي بين ايديه . وقال بغمزه . فهد السيوفي يجنن ف اى حاجه .. ولا ايه يانجمة قلب فهد .؟.
رينو : بتتنفس غيظ . وقالت بغيره .. هتلبس طقم عادي . والا مش هيحصل خير ابدا ..
فهد : قرب من شعرها واخد نفس عميق وقال . ياااااه ع ريحة الشياط . يابنتى هتولعي ف البيت مش كدا ..
رينو : رفعت حاجبها . وقالت والله شياط؟ وكملت بمكر . اووووكي . وسع بقى خلينى البس .
فهد : باشتياق ليها .. قال طيب بقولك ايه . انتى وحشانى. وا…..
رينو : بكبرياء . اسفه. احنا اتأخرنا …المفروض نكون ف المول بعد ساعه. اوكي . ونزلت راسها وخرجت من بين ايديه . ورفعت حاجبها وقالت أنا بقى هوريك الحريقه ال بجد . مش الشياط . يبن السيوفي .
فهد : مسح وشه بايديه وحط ايدو ع قلبه . وقال بعشقك يابنت آدم العدوي ..
آرين : بتخبط ع باب فهد . بااااااابي. خلصتو ولا لسه . كدا هنتاخر ..
فهد : بيسرح شعرو . وقال مامي بتلبس ياحبيبتى.
آرين : بتذمر عاااااااا كل ده لسه بتلبسي يامامي. حرام بقى انا عايزه اروح الموووول .
فهد : حاضر يا آريني . شوفى اركان اخوكي خلص ولا لسه ؟
آرين : بغيظ . ايوووه آركان خلص من بدري . وكمان اتصلت ع تالين. قالت هي كمان لبست. و .. و آد …احم وخالو مراد بيلبس ..
فهد : طيب تمام . شويه وخارج ياروحي. استنينى ف الليفنج اوكي ..
آرين : بس بشرط هتعلمنى السواقه اوكي ؟
فهد : حاضر ياحبيبتى .
آرين : بمرح . يس يس يس باااااابي اجمل دااااااااد ف الدنيا كلها ……
فهد : قدام المرايا . بيلبس الساعه . وبيضحك ع آرين ..وفجاءه تنح . والدم على ف عروقه . وبدل الشياط .. أصبح حريقه فعلا.
رينو : لابسه فستان احمر كات . وعليه بلرو اسود . وماسكه حجاب اسود . وطالعه عشان تلبس الحجاب والنقاب. جمبه ف المرايا . ومسكت صوباع الروج .
فهد : بغيرره … مسك أيدها بسرعه . وقال بجمود ايه ال انتى لابساه ده يا لاريييين ؟
رينو : بكبرياء وبرود . لارين العدوي تجنن ف اي حاجه ياقلب نجمة فهد . وكملت بغمزه . ولا ايه ؟.
فهد : مسح وشه بايديه ونفخ بخنقه كبيره. خشي البسي الفستان الاسود ..
رينو : بدلع . تؤ تؤ . وانت يعنى سمعت كلامى ولبست طقم غير ده ؟ انا هخرج كدا .. وبتحط روج ..
فهد : قبض ع ايديه بغيره. وقال بغضب .. مفيش خروج بالشكل ده وانتى عارفه كدا ..
رينو : بتظبط الروج . وبصت ليه . وقالت ليه يافهودي؟
. وقربت من رقبته وبتقلدو واخدت نفس عميق وقالت .. يااااااه ع ريحة الشياط. . يبنى هتحرق البيت مش كدا ؟.. ورجعت مكانها. وغمزت ل فهد …
فهد : هز راسه اممممم . بقى الحكايه كدا ؟ تمام . تمام . حطى روج ياروحي زي ما انتى عايزه.
رينو : فتحت عينيها بدهشه .واستغربت رد فعله ..
فهد : راح عند الباب وقفل الباب بالمفتاح …
رينو : بلعت ريقها بتوتر . وقالت اء…انت قفلت الباب ليه يافهد ؟
فهد : قلع جاكيت البدله وقال بمكر . مراتى حبيبتى بتتزوق لجوزها حبيبها.
.وبصراحه بقى نجمتى حبيبتى وحشانى اوى . وغمز ولا ايه؟ وخطى كام خطوه قدامها ..
رينو : اتوترت . ورجعت بضهرها . والحجاب والنقاب وقعو منها . لأ يافهد . وخبطت بضهرها ف الحيطه وكملت . خلاص خلاص انا هلبس الفستان الاس……………
فهد : قاطع كلامها بالبوسه المعهوده .وزال اى آثار للميكب..لانه غيران جدا من فكرة انها بتحط ميكب ولابسه اللون الل شدد عليها ماتلبسوش تانى .. فهد همس . بعشقك يارينو .
رينو : تاهت ف عشق الفهد .وهمست بعشقك يافهد.
ڤيلا العدوي …
آدم : ومريم . قاعدين ف تراس الجناح الخاص ..
مريم : والله يا آدم . انى اكون قاعده كدا وانت جمبى ومعايه . دى سعادة الدنيا ومافيها . انا مش عايزه اكتر من كدا ..
آدم : ابتسم . طيب مانتى الدنيا ومافيها يااميرتى .. ومعلش ريحينى وامضي ..
مريم : بتنهيده . اسمع منى بس. انت ربنا يكرمك ويبارك ف عمرك . مش حارمنى من اى حاجه . وكمان كاتب ليا الفيلا دي باسمى . وماشاء الله مدخلنى شريكه معاك ف الشركه الأم . وانا يمكن ماشيلتش ورقه من مكانها لما كنت بروح اقعد معاك ف الشركه .. والعقارات كاتبلى فيها . يبقى ايه لأزمة رصيد ف البنك .
آدم : كلمه زياده . وهحول كل حاجه لاسمك . وده مبلغ انا حطيته ع فلوسك ف البنك . انا بأمنك . ولو انى عارف فلوس الدنيا كلها متجيش نظره من عينك. ولا كلمة حب منك ياقلب آدم . اسمعى كلامى بقى وامضي .
مريم : هزت راسها لله الامر من قبل ومن بعد .وعارفه كلامك ال بيمشي ف الآخر.
آدم : بمكر طيب لما انتى عارفه كدا .. معطلانى ليه كل ده ؟ امضي ياحبيبتى ..
مريم : ههههه حاضر . بسم الله الرحمن الرحيم .. ومضت ع الاوراق .
الباب خبط .
آدم : ادخل ..
مراد : دخل بمرح. سلامووووو عليكووووو. احجووووج . امريوووووم .. انتو فيييين ؟
مريم : بسعاده . احنا هنا تعالى يامرادى ياحبيبى..
آدم : بغيره كبيره . الصبر من عندك يارب ..
مريم : بصتله بدهشه ..وقالت اله احنا هنرجع للغيره من تانى ؟
آدم : بصلها . بتوعد . امممم تمام تمام ..
مراد : دخل وسلم عليهم .. ايه يامريومه الجمال ده؟ عليا النعمه الجمال عدا الكلام . الله اكبر عليكى . عديتى ليلي علوي بمراحل .. اااااه تسلم ايدك ياحج
.
آدم : لسعه ع قفاه . وقال مش هتكبر عليا . وكلمه زياده . هرميك من البلكونه …
مريم : شهقت وحطت ايدها ع قلبها . وقالت ايييه؟ ترميه؟ الف بعد الشر عليه . ليه كدا بس يا آدم . الله يهديك ..
مراد : بمكر ومثل الزعل .. لا عادى . سيبى الحج برحته بامريوم . دا انا اموت فداه وفداكي ياحبيبتي..
مريم : بلهفه . بس يامراد . الله يعطيك العافيه ويمد ف اجلك . وعيونها لمعت بدموع . بالله عليك ماتقول كدا تانى .. حبيبى انت واول فرحتى ..
مراد : رقص حواجبه بمكر . وباس ع أيديها الاتنين وقال حبيبتى يامريوم . احلا ام . واجمل ام . واحلا عيون فيكى .يا……ااه .. احم تسلم ايدك ياحج ..
آدم : بغيظ مكبت . انت مش رايح المول انت وولادك مع فهد . يلا غور من هنا.
مريم : اله ف ايه يا آد……….. ومكملتش من نظرت آدم ليها.
مراد : حط ايدو ع قفاه. ماشي ياحج . مقبوله منك . انا جيت اسلم عليكوو . وغمز ل مريم . هتعوزي منى حاجه ياقمر ..؟
مريم : بلعت ريقها بتوتر وبصت ع آدم وقالت . احم س…سلامتك يا …حبيبى قصدى يامراد ..
مراد : بخبث . يعنى افهم إن مراد ابنك واول فرحتك مبقاش غير ابنك وبس . واتنهد بتمثيل …
مريم : بقلب أم . لأ لأ مين قال كدا . دا انت ابني وحبيي قلبى ونور عيني مرادي . ده انت قلبى من جوه ..
آدم : بصوت عالى ماخلاص انتى وهو . مش هنخلص من صفحة الغزل دي ؟ وانت يازفت انت. غور من هنا…
مراد : اتعدل بسرعه. احم . تمام اوي . احم سلامو عليكو. وجري من قدامه. وقال أنا كدا عملت ال عليا ..
آدم : قفل ملف الاوراق .بغيظ . ورزعه ع التربيزه . وقام دخل جوه .
مريم : اتخضت . وغمضت عينيها وقالت الله يهديك يا آدم.
آدم : من جوه . بصوت جهوري . امين يا ام مرادك ..
مريم : هزت راسها . وقامت دخلت . وقلعت النقاب. ووقفت قدامه . وقالت اله ف ايه بقى يا آدم؟ هو انت حد جه جمبك؟
آدم : بغيره. لأ ابدا . انا بحب اكون عصبى كدا من نفسي . وانتى جايه ورايا ليه ها ؟
مريم : كتمت الضحكه . اله هو انا قولت حاجه يادومي .
آدم : كشر عينيه بغيظ وقال دومي ؟ دا انتى شمتانه بقى . ؟ اتفضلى البسي والحقي اخرجي مع حبيبك . وقلبك . ونور عينك الجبله ابن الكلب مرادك يختى . وزعق اتفضلى .
مريم : اتخضت. بسم الله .. ومسدت ع خدو . اهدا ياحبيبى . اهدا. مش هنعيدو تانى. ده مرادي ..قصدى مراد ابنك وحبيبك ..هو بس بيحب يناغشك ..
آدم : اتغاظ اكتر عشان بتمسد ع خدو . بالطريقه دي .. وقال هو انا عيل بتثبتينى يامريم ؟
مريم : نفخت بنفاذ صبر. وبعدين معاك بقى ؟ انت مش هتهدى غير لما تشوف وشي التاني ؟
آدم : قرب من وشها اوي وقال بفحيح افعي . وانا مستنى بفارغ الصبر وشك التاني يامريم ياجزار ؟
مريم : اتخضت ورجعت لورا بسرعه . وقالت ايه يا آدم. انت محدش يهزر معاك. ف ايه وحد الله مش كدا ؟
آدم : غصب عنه ضحك من طريقتها . وشدها من وسطها لحضنه. وقال سمعينى كدا قولتى ايه للجبله ابن الكلب البارد .
مريم : وبعدين بقى. استغفرك ربي و اتوب اليك. مبدائيا كدا . انا بزعل حقيقي منك لما بتشتم مراد . وغير كدا. هو ابنى . وحبيبى. واول فرحتى. ومرادي . لكن انت المراد نفسه. انت حبيبى وروحي ونور عيني وقلبى . انتى نعيمى يا آدم.
آدم : قلبه بيدق . ورفع دقنها وقال أنا ايه؟
مريم : بصت ف عينيه بعشق كبير وقالت انت نعيم مريم ف الدنيا يا آدم.
——————بقلمي مريم نصار.
خارج المول ..
آدم مراد : نزل من العربيه . ومعاه تالين . وبص ف الساعه . وعايز يشوف ضي آدم بفارغ الصبر ..
مراد : نزل من العربيه . وحط ايد فريحته ف دراعه
. وقال .. اخوكي البارد مجاش لحد دلوقتي ..
فريحه : بزعل . وبعدين يامرادى . اخويا فهد مش بارد ..
مراد : بصلها .بزمتك . ده وقت مرادى؟ يابنت المستخبي انتى . لما اقول بارد يبقى بارد فاهمه يابت ..؟
فريحه : ههههه لا مش فاهمه . وكملت بمكر . ياموراد قلبى انا ..
مراد : كشر عينيه وقال اه يابنت كوم الشكاير . طب عليا الطلبات . لاشتريلك بدله من إياهم . وهتتشقلبيلى فيها .
فريحه : شهقت بصوت مهموس ينهار ابيض بتقول ايه يامراد ؟
مراد : بغمزه . هتبقى ليله عنب .. وبقولك ايه هنطلع ع شقتنا . اشطا ..
فريحه : بلعت ريقها بتوتر .. وقالت هو..لازم البدله دى يامراد؟
مراد : بغمزه .اعتبريها وصلت البيت ياقلب مرادك ..
آدم مراد : قرب عليهم .. ونفخ بخنقه ..
مراد : بتريقه طب لما انت مخنوق اوى كدا . اتصل عليه وشوفه فين ؟
آدم مراد : بمكر . هو مش صاحبك؟ اتصل عليه . انا ولا مخنوق . ولا مستعجل ..
مراد : عيل دمك تقيل زيه . وبوزه زي بوزك كدا بالظبط .. مش عارف انا وحمه سودا ..
آدم مراد : ابتسم وسكت ..
فريحه : اهو . عربية فهد هناك اهي ..
فهد : وصل ونزل . وحاوط كتف آرين . ورينو ف دراعه . واركان سبقهم يسلم عليهم ..
مراد : ايه الل اخرك كدا يافهد؟
فهد : ابتسم بمكر . أسأل اختك ..
رينو : تنحت وفتحت عينيها بزهول . وبصت ل فهد بصدمه ..
فهد : غمزلها بطرف عينه .. وسلم ع آدم وفريحه ..
آرين : بمرح خاااالو مراد .. وسلمت عليه ..
مراد : ضمها لقلبه وقال عارفه يابت يا آرين . انتى بنتى . والواد آدم ده ابن فهد . ولا انتى ايه رايك ..
آرين : بهمس . بلاش انا اجاوب ياخالو ..
مراد : بنفس الهمس . ليه ياقلب خالو ..
آرين : بصوت واطى . اصل آدم المرعب .ممكن ياكلنى ..
مراد : كتم الضحكه . وقال آدم المرعب؟ صدقي يابت يا آرين جبتى الناهيه .. هو مرعب حقيقي ..
آرين : بهمس هو المرعب ده وهو صغير . كان بياكل ايه؟
مراد : اول ما يصحي من النوم .يشرب كوباية دم ع الريق كدا .. وقبل ما ينام . كان بياكل بنى ادمين ..
آرين : شهقت بصوت عالى ياخبر حضرتك بتتكلم بجد . وبصت ل آدم بخوف . ياااامامااااععع . آدم المر……..وبلعت ريقها ومكملتش من نظرة آدم ..
آدم مراد : بجديه . لو خلصتو ياريت ندخل . مش هنفضل واقفين قدام المول كتير ..
رينو : فعلا يلا بينا …
ف المول .. ف الكافيه
خالد : ها ايه رايك ياحياة ياحبيبتي ..
حياة : بانبهار . واااااو بجد تحفه جدا ياعمو خالد .
خالد : بتريقه . وانت ياسليم باشا . ايه رأيك؟
سليم : قعد بخنقه . وقال شغال ..
خالد : بنرفزه . هو ايه ده ال شغال ؟ انا جيت هنا الصبح عشان اشرف ع كل حاجه وطالع عينى. وانت نايم ف بيتك . وتيجى تقولي شغال ؟
سليم : من بين أسنانه .. محدش قالك تعمل حاجه .. انا لو عليا عايز اولع فيك انت والكافيه مع بعض ..
خالد : بتريقه .. امممم النفسنه كما يجب أن تكون ..
طبعا غيران وحاقد علينا . عشان حياة قالت ع ال هي عايزاه . وعمها حبيبها نفذلها رغبتها . ولا ايه ياحياة ياحبيبت عمك ؟
حياة : حطت صوباعها ع بوقها وهزت راسها ومش هتتكلم ..
سليم : بص ل فتون . وقال اقوم اضربه ده ؟
فتون : كاتمه الضحكه . وقالت اهدا ياحبيبى .. وبصت للكل . خلاص ياجماعه حصل خير .. بس بجد الترتيبات جميله جدا ..
حنين : فعلا .. كل سنه وانتي طيبه ياحياة ياحبيبتي ..
حياة : بفرحه .. وحضرتك طيبه ياخالتو .
جنى : كل سنه وانتي طيبه يا حياة . وعقبال مليون سنه .
حياة : قلبى يا جنى وانتى طيبه ياروحي ..
سيف : بتجاهل . اله هي التورته هتنزل امتى ؟
حياة : بعند .. والله لسه بدري .
سيف : بمكر .. هو انتى ال متفقه مع مدير الكافيه؟ انا بسأل بابا . يا….حياة هانم ..
حياة : بكبرياء . والله ده عيد ميلادي انا . وانا ال محدده المواعيد . يعنى كل حاجه هتنزل ف الكافيه وقت ما حياة سليم بدر الدين تقول . ياا……سيف. اوكي ؟
سيف : صك ع أسنانه وهز راسه امم اوكي يا حياة اوووكي ..
آمان : ايه ياعمي هنحتفل امتى ؟
خالد : بص ل حياة .. ايه اروح اقول للمدير ينزل بالتورته …؟
حياة : بسعاده . اوووكي ياعمووو .
خالد : وطي ع ودن سليم . ولاا هتيجى معايا ؟
سليم : ببرود . مش فاضي . والحفله انهارده ع شرفك . ياصاحب السمو ..
خالد : خليك قاعد .. انا هتصرف . راجل معقد .. وسابهم وخرج ..
سيف : بص ل حياة بغيره كبيره . وقال هو مفيش فستان عندك غير ده تلبسيه؟
حياة : بتعجب .. ماله بقى فستانى ده لسه جديد؟ وبعدها كشرت عينيها وقالت .. وانت مالك انت ؟ إنسان مستفز بجد ..
سيف : انا مستفز ؟ ولا انتى ال شخصيه بارده ..
حياة : صكت ع أسنانها بغيظ مكبت . وقالت بصوت واطى عشان محدش يسمعها .. انا بارده ياعديم الزوق .. انت انسان همجي وراجعي ومتخلف .
سيف : رفع حاجبه وقال ..انا متخلف ؟ طيب يا حياة. انا هعرفك مين الل راجعي ومتخلف ..
حياة : بعند ..هتعرفنى ازاى بقى إن شاء الله ..
سيف : بهمس بلاش عشان هتزعلى .. اصل انا ال طفشت العريس الاخير ..
حياة : بغيظ متداري . ها ها ها .. وايه يعنى طفشه ..كدا كدا انا رفضاه ..
سيف : بغمزه . طيب وانا ؟ رفضانى كمان ؟
حياة : بكبرياء..انت مرفوض من الطفوله يبنى .. مبقاش ال انت كمان . ههههه ..
بعد شويه ..
رينو : ااه فهد . انا عطشانه بجد . تعالى نقعد ف الاستراحه ال هناك دي ..
فهد : شاور للكل . وقال تعالى ياروحي .. وكلهم قعدو ..
آدم مراد : تشربو ايه؟
آرين : بمرح . آدم آدم انا عايزه بوريو انا وتوتا ..
آدم مراد : طلب لكل واحد ال هو عايزو . وقاعدين بيشربو ..
آرين : بتذمر . يوووه. بابي الحجاب بتاعي . الدبوس شكله كدا اتكسر ..
فهد : ورينى كدا ياحبيبتى ..
آرين : ماسكه الحجاب بايدها ..
فهد : ايوه فعلا . رينو معاكى دبوس زياده ؟
رينو : معايه ياحبيبى ..امسكي يا آرين .
آرين : انا عايزه اروح اظبط الحجاب ف الحمام . تعالى معايا ياتوتا ..
فهد : آركان .. قوم مع اختك . واستناهم قدام الحمام ..
آركان : حاضر يا بابا ..
آدم مراد : عيونه عليها ..
آرين : قامت واخدت تالين . و آركان معاهم .وطلعو السلم المتحرك .
ووصلو . ودخلو الحمام .. آركان واقف قدام الحمام . ومحرج من كمية البنات ال داخله خارجه من الحمام.
عامل ف المول . جه وقال ل آركان . ممنوع حضرتك تقف قدام حمام السيدات . اتفضل ..
آركان : بهمس والله احسن حاجه . واتحرك . ونزل ..
فهد. : كشر عينيه فين آرين وتالين ي آركان؟
آركان : ف الحمام فوق .. والعامل قالى ممنوع اقف قدام حمام السيدات .. وبصراحه شكلى كان وحش جدا .. بس دقيقتين وهطلع ليهم ..
فهد : بحده . قوم اطلع واقف لأختك بعيد .. المول زحمه جدا وممكن تتوه مننا ..
آركان : بتنهيده . حااضر يابابا . وطالع ع السلم ..
آرين وتالين . خرجو . م الحمام . وآرين قالت بحيره . هو آركان راح فين؟
تالين : بصت حواليها . مش عارفه . والمكان زحمه جدا . ممكن يكون نزل ..
آرين : اوووف بقى . طيب تعالى ننزل.
تالين : كشرت عينيها طيب هو انهي سلم ؟ انا مش فاكره ..
آرين : بخنقه . وانا كمان . معرفش إذا كان السلم ده . ولا ده ؟ بقولك ايه تعالى ننزل من السلم ده ..
تالين : بقلق . طيب لو مش هو ؟ هنعمل ايه وقتها . طيب بقولك ايه . فونك معاكي ؟
آرين : هزت راسها للأسف نو . فوني سبته مع مامي .. تعالى . ولو مش هو نطلع وننزل م السلم التانى .
تالين : طيب والله المستعان .. يلا .
عند سليم ..
حياة : نفخت بنفاذ صبر . وبعدين بقى . عمو خالد أتأخر اوى ..
سليم : بص ف الساعه وقال ولا اتاخر ولا حاجه ده يدوبك ١٠ دقايق وانتى شايفه المول زحمه ازاى؟. تستاهلى . انا كنت هعملك عيد ميلاد محصلش . بس اقول ايه بقى ؟
حياة : بمرح . حصل خير بقى يابابي ياقمر انت . بصراحه بقى . انا كنت عايزه عيد ميلادى اعمله ف المول الكبير ده . بجد الديزاين هنا تحفه اوووى ..
سليم : ابتسم اهم حاجه عندى انك مبسوطه اوى ياحبيبتى ..
حياة : مبسووووطه جدا جدا بجد . ميرسي يا اجمل بابي ..
سليم : باس جبينها . وابتسم .. وبص ل فتون. وشبك ايدو ف أيدها . وهمس ف ودنها وقال بمكر . بعد الحفله هتعزمينى ف اليخت ع العشا . اوكي
فتون : ارتبكت . وبصت حواليها . وقالت بحرج . سي….سليم . ارجوك احنا مش ف البيت ..
سليم : بمكر .. امممم يبقى انتى عايزه تتعاقبى ياتونا ..
فتون : هزت راسها لأ لأ والله انا بهزر . خلاص هعزمك و أمري لله ..
حنين : كشرت عينيها انتو بتقولو ايه ؟ متسمعونا .
فتون : بتوتر . ا.ابدا يانونا . احم . هوا…..هو خالد فعلا أتأخر .. ولا ايه ياسليم ؟
سليم : ايوه فعلا . انا هقوم اشوفه راح فين ..مش بعيد يكون سابنا وخرج عارفه مجنون ويعملها ..
ف الاستراحه ..
آركان : نزل يجري . بص عليهم . وقال بقلق . هي آرين وتالين ماجوش هنا ؟
كلهم قامو . وقفو بقلق كبير .
فهد : قام وقف بسرعه . وقال بصدمه . لأ محدش جه .. اختك فين ي آركان؟
مراد : قلبه دق بخوف . هما خرجوا م الحمام؟ رد ي آركان انطق .
آركان : قلبه بيدق بقلق . وقال أنا كل ده واقف قدام الحمام مستنيهم . ولما أتأخرو . قلقت عليهم . وسألت. ومفيش حد جوه .
رينو : بلعت ريقها بصعوبه .. وهمست برعب آرين ؟
فريحه : قلبها بيدق بسرعه من الخوف . وبتلف تقول ل آدم .. لكن آدم مكنش موجود ..
آدم مراد : اول ما سمع آركان جري بسرعه يدور عليهم . وقلبه بيدق بقلق . آرين وتالين . اهم حاجه عنده ..
رينو : مسكت ايد فهد وبتعيط .
فهد : بشعور مبهم وخوف. اهدى يا رينو . واقعدى هنا انتى وفريحه . هندور عليهم ..
فريحه : بتعيط . بنتى يامراد . تالين …
مراد : مسح وشه بايديه ونفخ بخنقه كبيره . فريحه . مش عايز اسمع صوت حد .. اقعدو هنا زى ما فهد قال .. بنتك وآرين اكيد طلعو فوق او راحو لمكان تانى. انتى شايفه إن المول زحمه .
وبص ل فهد . وقال . فهد انت اطلع فوق عند الحمام واسال وشوف الاتجاه ال مشيو منه. وانا هروح اشوف الكاميرات . واتصل عليك واجيلك . يلا ..
فهد : بقلب اب مرعوب ع بنته. ومش اى حد . دى فراشة الحياه بالنسباله ..وطلع يجري ع السلم المتحرك .. وقلبه بيدعي ..
مراد : طلع يجري ع غرفة المراقبه ..
آركان : اتحرك بسرعه وبيدور ف كل مكان زى المجنون ..
آدم مراد : بيدور بطريقه شبيه بالجنون . لان روحه تايهه منه ..
رينو وفريحه . بيعيطو . وخايفين …
ف مكان ف المول ..
تالين : ماشيه مع آرين . وقالت بقلق وبعدين يا آرين . احنا كل ماننزل سلم . نلاقي نفسنا ف مكان تانى ونزلنا وطلعنا اكتر من سلم ..
آرين : بقلق ..وعيطت بطفوليه . عاااااااا احنا شكلنا توهنا يا تاليين . عاااااااا . احنا من نص ساعه بندور والمكان زحمه اووووى . عاااااااا . باااااابي . انا عايزه باااااابي ..
تالين : بحيره .اهدى يا آرين واكيد ف حل إن شاء الله .. تؤ ..طيب ممكن ننزل ونخرج ونقف عند عربية بابا ..؟
آرين : بطفوليه . عاااااااا المول ليه اكتر من باب . واحنا مش عارفين دخلنا من اى باب . احنا توهنا خلاص يا تااالين . عاااااااا . انت فين يا باااابي . ؟
صوت من وراهم . بقى ف عروسه زي القمر تعيط كدا ..؟
آرين وتالين . لفو للصوت . وخايفين .. وآرين همست بصوت خايف .. م..مين حضرتك ..؟
خالد : بهزار .. انا يستى أسمى خالد الشرقاوي . او خالد العالمى . اختاري انتى بقى .. ههههه . وانتو بقى مين ؟ وليه باين عليكو انكو خايفين كدا؟
آرين : حطت ايدها ع بوقها وهزت راسها ورفضه تتكلم ..
تالين : بقلق . احم ميرسي جدا لحضرتك . احنا مش خايفين ولا حاجه ..
خالد : بمكر . اممم لأ باين عليكو انكو مش خايفين خالص .
. لكن كمان واضح انكم قلقانين منى .. بصي انا أسمى خالد الشرقاوي . وعندى بنوته قدك كدا . اسمها جنى . وهي موجوده معايا انا ومامتها تحت ف الكافيه . ومش عايزكم تخافوا . انا مش حرامي ولا شرير . وبعدين واضح ع شكلى ولا ايه؟
آرين وتالين بصو لبعض .. ومحتارين ..
خالد : عشان يطمنهم . طيب والله العظيم انا عايز اساعدكم . انتو ماشاء الله عليكم . واضح انكم من عيله راقيه ومحترمه من طريقة اللبس . وكمان الأخلاق ال واضحه ع وشكم . ف لو تقولو مالكم هقدر اساعدكم ..
آرين : هزت راسها لأ ميرسي جدا . احنا هنوصل ل بابي و…… ولعنت نفسها …
خالد : ضحك بصمت . امم قولتيلى بقى .. يعنى انتو تهتو ف الزحمه دي ..؟
آرين : بطفوليه . عاااااااا ايوه . وبابي ومامي اكيد قلقانين علينا . عاااااااا . باااااابي . مااااامي . عاااااااا.
خالد : بس بس يابنتى ماتعيطيش كدا . انا هساعدكم والله . ومتخافوش منى . بصي امسكى عشان اطمنك ده الكارت بتاعي . انا رجل اعمال يعنى مش حرامي .. انتى حافظه رقم والدك اكيد صح ؟
آرين وتالين بصو لبعض ب أمل جديد وهزو رأسهم . وقالو ف صوت واحد ايوه حافظينه ..
خالد : خبط جبينه . يادى النيله السوده ..فوني مع سيف ابنى . طيب بصو يابنات . انا عشان تطمنو من ناحيتى .انا هاخدكو دلوقتي ونروح عند الأمن . وينادى ع اسم والدك ف المايك ايه رأيكم؟
آرين : بتفكير . هزت راسها اوكي . لكن حضرتك تمشي بعيد شويه قدامنا اوكي ؟
خالد : هههههههه حاضر يستى . يلا بينا . وماشي قدامهم بخطوتين . وقال عارفين يابنات . انا لو بنتى جنى ال تاهت . وحد كلمها كانت عورته ههههه مش عارف طالعه لمين البنت دى …
تالين : بتهمس بالدعاء ..
آرين : بتدعي بخوف . وهمست انت فين ي آدم ؟
خالد : بص ل آرين . وقال انتى شكلك كده دلوعة باباكي . ولا انا غلطان ؟
آرين : بتوتر . لو سمحت انا عايزه بابي وعيونها لمعت بدموع ..
خالد : وقف وزعل عشانها . وقال اطمنى مش هسيبك إلا لما اسلمك لوالدك . وده وعد منى ليكو ..
انتو زى جنى .. عارفين مره وهي صغيره . ضربت عيل ف الفصل.
آرين : ………. تالين ………
خالد : عشان يطمنهم .. اقولكم انا ضربته ليه . وهي شايله الشنطه وخارجه م الفصل وقت الفسحه . الواد ده فتح الشنطه بتاعتها . وسرق اللانش بوكس بتاعها . هههههههه جابو لنفسه ابن التيت . المهم . جنى بنتى اتعفرتت . ومسكت الواد فين يوجعك . ووقعته ع الأرض . وفكت شريط شعرها . وربطت ايديه ف بعض . هههههههه . وكملت فيه ضرب . بنت مفتريه . طالعه ل امها ههههههه .. تعالو يابنات من الطرقه دي ..
آرين : بهمس ل تالين . واضح أنه إنسان كويس . وهيساعدنا ..
تالين : يارب . يارب يا آرين .. ياترى العيله عامله ايه دلوقتى ؟
آرين : عيونها لمعت بدموع . وقالت انا خايفه ماشوفش بابي تانى ..
خالد : تعالو يابنات من الطريق ده .. وقال انتى اسمك ايه؟ وخالد اتصدم …….
آرين : لسه هتتكلم .. ولكن شهقت هي وتالين بصدمه وفرحه ف نفس الوقت …
خالد : فتح عينيه بصدمه .. لأن تلات اسحله متوجهين ع راسه ..من جميع الجهات…!!!! ——
يتبع
