لماذا وقعت في حب تلك المجنونة ؟ إذا كانت هذه فقط البداية ماذا سيحدث في المستقبل؟ هل ستجعلني أجن ام ماذا ؟ حسنا سوف تأتي الإجابة قريبا ..
Smile ☺️♥️
لتهمس روان لهم ببعض الكلمات ليوافقوا بحماس
امنية بهمس : بس كده هنروح في داهية
روان : ده لو عملوا الي انا قولته تبقى دي خطة رقم 2 يلا
فهد بشك : بتخططي لي ايه يا روان مش مرتاح لك
روان ببراءة مصطنعة : هنقلد الترند بس علي طرقتنا
مالك بشك : ترند ايه ده الي هتقلدوه
قاموا بخلع الأحذية و رفع الفستان قليل حتي لا يتعثروا
روان بصوت عالي : هنخلع
ليبدأوا بالركض من امامهم بسرعة تحت صدمة الشباب و تصمرهم مكانهم ..
مراد : هم بيهربوا و لا انا بيتهيألي
اياد : المفروض نعمل ايه دلوقتي
يوسف: اللعبة دي عجبتني بس هم رايحين فين
فهد : يلا نشوف ..ليركضوا خلفهم
روان : احيه انتم بتجروا ورانا ليه يلا الخطة 2 بسرعة
ليزيدوا سرعتهم و الشباب كذلك كانت الفتيات تتجه نحو حمام السباحة و عندما اقتربوا ثواني و غيروا الاتجاه ليتوقف الشباب بصعوبة علي الحافة لتباغتهم الفتيات من الخلف و يسقطوهم في الماء ..
مراد : هنتقم يا نور سمعاني هنتقم
نور : معلش مش عارفة اسمعك من كتر الضحك
رانا : احسن تستهلوا علشان تلعبوا معانا تاني
ندي : اعرفوا بقى انتم بتلعبوا مع مين بعد كده
سعاد : كان غيركم اشطر استحملوا بقى
زهرة : المايه عامله ايه عندكم حلوة
ميرنا : عجبكم ردنا و لا عايزين رد تاني
ادم : طيب ما تيجوا تجربوا بقي
يمني: ايه ده انتم طالعين ليه احنا متفقناش على كده
احمد : علي اساس ان احنا كنا اتفقنا من الاول
روان : احيه لبسنا و هنشيل اوبح ..اجروااا
ليركضوا مرة أخري لكن هذه المرة نحو البوابة ..
فهد بصوت قوي : رواااان اقفي عندك محدش يقرب ناحية البوابة
روان بتذمر : الله انت عايز تفرقنا و نقف
نادر : محدش يعدي الجنينة كلامنا مفهوم
لؤي : خلاص مش هنقرب و هنطلع نغير و نيجي بس
اسلام : محدش يجري تاني فاهمين
ليصعدوا تاركين البنات واقفين معالم الصدمة علي وجوههم..
روان و فمها مفتوح : هم بيتكلموا جد مش من شوية كانوا بيجروا ورانا و عايزين ينتقموا
امنية : انا مش فاهمة لهم حاجة طيب ما احنا قبل ما يجروا ورانا كنا هنعدي الجنينة
ميرنا : و نركب العربية و نمشي ايه ده دول جم
رانا : هم عندهم من نفس الطقم كتير ولا ايه
نور : و الله يا اختي معرفش
اتجهوا الشباب نحوهم و اخذ كل معشوقته بعد أن أعطاها حذائهاو اتجه بها نحو السيارة و ينطلقوا بها تحت تذمر الفتيات و حديث الشباب بأنها مفاجأة ..
اما عند روان و فهد كان الوضع غير ذلك..
روان : لا متقولش انت زعلت و لا ايه انا بهزر معاك
فهد: هو انا اتكلمت يا ستي و بعدين اتصرفي براحتك
روان : مش حساك بس فكرة حلوة برده علشان لسه قدمنا وقت طويل لازم نتصرف براحتنا الا قولي
فهد : امممم اقولك ايه
روان : انتم ازاي لحقتم انتم لسه طالبين أيدينا امبارح
فهد : كده كده كل حاجة جاهزة فنستنا ليه و بعدين منعرفش ايه ممكن يحصل
روان : بس تصدق انا لوهلة قولت أن كل الي بيحصل حقيقي انك بتطلبني و بتحبني بجد لا شبو يا باشا انت فظيع
فهد مع نفسه: يا غبية علشان ده كله كان حقيقي بس انا مش عايز اعرفك دلوقتي
روان : هو احنا رايحين فين
فهد : مفاجأة هتعجبك
روان : لا تقولي يا فهد قول يلاااا
فهد: و الله حاسس اني بعامل بنتي من كتر الزن
روان بعبوس: انا زنانة يا فهد تشكر ..قول بقى رايحين فين
فهد بضحك : مش هقولك طيب بصي كل الي اقدر اقوله أن احنا هننجح في الاختبار بتاعك
روان بابتسامة عريضة: بجد طب رايحين فين
فهد و هو يوقف السيارة : يلا انزلي وصلنا و كلهم وقفوا العربيات ورانا
امنية : اوبا احنا هنعدي روان مش عارضة تعدي
مالك : فهد معاها متقلقيش يلا
نور : احنا هنسبها ما نروح نعدي معاها
مراد: نعم لا مؤاخذة هتسيبي ايد جوزك و تروحي لها و جوزها معاها
ميرنا : هنروح كلنا عادي
ادم : بطلوا هزار يلا ده لو عملتوا كده فهد يموتنا
رانا : ليه ان شاء الله صاحبتنا و رايحين نعدي معاها
ندى : أيوة فيها ايه يعني هيقول لا
يوسف: أيوة هيقولك لا و انا هقول لا
نادر : كلنا هنقول لا هي بقت مراته دلوقتي يلا
ليسحبوا كل واحد حبيبته و يقطعوا الطريق..
روان : الخونة دول عدوا و سابوني بجد مش هعدي
فهد : يا بنتي انا معاكي و بعدين عدوا علشان أنا الي هعديكي
روان : لا مش هعدي انت بتهزر انت مش شايف العربيات كتيرة ازاي
فهد : يلا يا اما هشيلك انا بقولك اهو
روان : لا يا اخويا اتكسف عيب طب طب بص براحة متسبنيش
فهد : متخافيش مش هاسيبك يلا
روان و هي تدبدب في الارض : يا ماما حاضر
ليقطعوا الطريق و روان متمسكة بذراعه و مغمضة عينيها و هو يكتم ضحكاته..
روان : ايه ده احنا عدينا خلاص
فهد و هو يضحك: أيوة يا اوزعة
روان بتذمر: انا مش اوزعة اعتبر متوسطة انت الي غوريلا
فهد : غوريلا هااا طب مش هدخلك الملاهي
روان : مين الي غوريلا في حد قال غوريلا يا فهدي يلا بقى دخلني
فهد و قد دق قلبها لتلك الكلمة : دلوقتي فهدك مش كنت من شوية غوريلا
روان : يووه قلبك ابيض يلا بقى بسرعة
الاء : هي الملاهي فاضية كده ليه
سعاد: متقوليش أنها قفلت بعد ماجينا
زهرة : الفقري فقري و المنحوس منحوس
يمني : و لو علقوا على رأسه فانوس
اياد : ليه متقلوش أن محدش هيدخل غيرنا
روان : ايه هنط من علي السور مثلا
فهد : لا ذكية يا بت و ليه متقوليش أن احنا حجزناها كلها
روان : مستحيل يا فهد قول بقى هندخل ازاي
فهد : تعالي هتنقطيني..ليسحب كل واحد منهم حبيبته و يدخلوا و يجدوا هناك سجادة حمراء مفروشة في كل مكان و هناك ورود و بلالين في كل مكان و لا ننسى الحلوى أيضا ..
رانا : الله المكان حلو اوي
ندى : انتم بتتكلموا جد مش كده
مالك : احنا عارفين انكم حاسين اننا كروتناكم
مراد : بس انتم مكنتوش راضيين تدونا فرصة تانية
لؤي : احنا عارفين أن احنا غلطنا و اوي
اياد : بس خلي قلبكم ابيض بقى
احمد : بس في حاجة مهمة اوي لازم تعرفوها
اسلام : أن احنا حبناكم من اول نظرة
ادم : و هنفضل نحبكم لآخر نفس
فهد : و الملاهي دي اخترناها علشان عارفين انها هتفرحكم
يوسف : و بكده نكون اكتزنا الاختبار تاني
نادر : انا شايف كده بقى ان احنا اتصالحنا صح
كانوا ينظرون لهم و يستمعون لحديثهم و قلوبهم تدق كأنها ستخرج من مكانها و ما هذه اللمعة الغريبة التي ظهرت في أعينهم
مالك : كده السكوت علامة الرضا يلا كل واحد ياخد خطيبته و يخلع
مراد : انا شايف كده برده و اقلعوا الجزم علشان تاخدوا راحتكم
و بالفعل لعبوا و أكلوا و بقوا لوقت طويل يمرحون و يلهون يلعبون حتي انهكوا تماما ليوصلهم الشباب للمنزل ثواني و غطوا في نوم عميق
في صباح اليوم التالي استيقظت روان علي صوت رنين الهاتف
روان بنعاس : الو
حياة بضيق : ايه يا روان انتم لسه نايمين محدش بيرد عليا و بعدين انتم مشوفتيش الصور الي انتشرت ليكوا و لا ايه بصي قوموا يلا و اجهزوا و كده و اطلعوا علي الشركة هم كلهم هناك و هتتغدوا معاهم بعدين تيجوا يلاا سلام
روان : استني بس يووه قفلت السكة
امنية بنعاس : في ايه يا روان علي الصبح
روان : يلا يا اختي هنروح علي الشركة يلا
ادوا فريضتهم و جهزوا و تناولوا الافطار و بعدها اتجهوا الي الشركة فور دخولهم من الباب وجدوا كل الأنظار عليهم
روان : يا ماما هم هيموتونا و لا ايه انا خايفة
نور : مش عارفه يا اختي ايه الناس دي
رانا : متخفيش يا بت يلا بينا
روان : الو يا حياة احنا طلعنا في الاسانسير الاخير زي ما قولتي و هم سابونا نطلع هي صور انتشرت اوي كده
حياة : اطلعي و انتي سكة بقي هتلاقي أن الدور فاضي و في مكتب بتاع الحرباية شاهي
روان : أيوة قربنا لاكن في عازل كده و …
توقفت روان عن الحديث عندما سمعوا ما تقوله شهي هي و صديقتيها و هم يشاهدون الصور
سالي: قال ايه بيحبوهم و كتبوا الكتاب مع الخطوبة كمان
شاهي : قال بيحبوهم قال إنتي بتهزري ده تلاقيهم نصابين و لفوا عليهم ما احنا قدامهم هيسبونا احنا و يروحوا لدول
ماهي : مين عارف مش ممكن يغيروا رأيهم قبل الفرح و ياخدونا احنا
ميرنا : العيال دي عايزة تتربي
زهرة : و بيبوصوا لاجوازتنا كمان
شاهي : فكرة برده قال يسبيب شاهي و يروح ل روان شكلهم عاملين لهم عمل و لا حاجة
حياة : ربي البت دي متسكتيش سامعة
روان بهدوء غريب : احنا هندخل و لا كأننا سمعنا حاجة و اما نشوف هتقابلنا ازاي و ساعتها بقى نبقى نلعب شوية
ندى : ساعتها بقى الفرصة هتكون جاتلك
سعاد : لكن متجيش تقولي طب انا غلط طب مش عارف ايه
امنية : علشان بصراحة يستاهلوا عايزين اجوازتتا عيني عينك
يمني : يلا بينا ندخل
روان : لو سمحتي عايزين ندخل ل فهد
شاهي : فهد كده حاف اسمه استاذ فهد يا بتاعة انتي
سالي بهمس : شاهي انتي مش قد الي انتي بتعمليه ده
روان : هو فعلا استاذ فهد بس للي زيك اما انا فهو فهدي
رانا و هي تربت علي ظهرها بفخر: شاطرة يا بت تربيتي انا فخورة بيكي
شاهي بحقد : فهدك بتاع ايه ان شاء الله
روان : بتاع اني مراته يا اسمك ايه
شاهي : بقى فهد هيسبني و يبصلك انتي يا بتاعة انتي اطلعوا من هنا بدل ما اجيب الأمن
حياة بغضب : اديني البت دي يا اما و الله هزعل و اخاصمكم
ميرنا : و احنا ميرضيناش زعلك يا ستي ربيها خدي يا بتاعة انتي كلمي
شاهي و هي تلقي بالهاتف أرضا : بقولك امشوا بدل ما اجيب الأمن
روان و هي تحك ذقنها ببرود : امممم انتي رمتي تليفوني و طولتي في الكلام اوي و عايزة تتربي و بعدين انتي عايزة فهد يبص لواحدة زيك علي ايه لا مؤاخذة ده انتي بمكياجك ده شبه البليتشو ده غير قميص النوم الي انتي لابساه ده ده انتي هتولعي في نار جهنم
شاهي: انتي ازاي تكلميني كده
روان و هي تهجم عليها: انا هوريكي يا عديمة الرباية بكلمك ازاي
كانت روان قد قفزت عليها تمسك بشعرها و تضربها بشدة ليسقطا أرضا لتحاول صاديقتيها التدخل
ندي و هي تجذب ماهي من شعرها : انتي مفكرة نفسك رايحة فين
رانا و هي تجذب سالي هي الاخر : كان غيرك اشطر يا معفنة منك ليها
ليهجم عليهم الفتيات و روان مازالت فوق شاهي التي قد خدشت يدها باظافرها لكن هيهات لم تتركها
روان بغضب : بقى انا يا زبالة تعملي معايا كده و تتكلمي علينا كده انا هوريكي ده انتي متربتيش 3 دقايق بربع جنيه يا كلبة انتي
سعاد : اديها يا روان متسكتلهاش
زهرة : احنا فخورين بيكي و الله
امنية : بصراحة و انا كمان العيال دي متربوش
روان : ادينا بنقوم بالواجب و زيادة
كانوا يتحدثون و هم مازالوا يضربوهم
اما في الداخل كانوا جالسين يقولون ان المصمم الفرنسي سيكون المختص بالفساتين و البذلات و يناقشون أمور الزفاف و شهر العسل أيضا ليقاطعهم صوت الشجار بالخارج
مراد : هو فيه ايه ايه الي بيحصل بره
فهد : ده يحصل في الشركة و احنا موجودين كمان دي مهزلة
ليخرجوا جميعا و يتصمروا عندما وجدوا ذلك المنظر ليعافروا حتي يمسكونهم و حملوهم بحيث كان ظهر كل واحدة ملتصق بصدر زوجها العريض ..
يوسف : خلاص يا رانا اهدي يا حبيبتي
نادر : ندى كفاية حرام عليكي كده يا حبيبتي
اخذ كل واحد يهدأ حبيبته حتي هدأت بعض الشئ اما فهد مازال يعافر مع تلك المجنونة
روان بغضب : سيبني يا فهد عليها و الله لا انا مورياكي يا مبقعة انتي يا بت ده انتي شبه الزومبي يا بت ده انتي لو طلعتيلي لوحدي اتسرع يا بت
فهد و هو يكتم ضحكاته و يتصنع الصرامة : اهمدي بقي حرام عليكي تعبتيني معاكي هو في ايه الي بيحصل
روان : فهد اصبر بقى فصلتني علي اساس اني فون يعني ههه ام هند سيبني عليها البت الي عايزة تتربي دي
فهد : يا بنتي اهمدي بقي و قول في ايه
روان : حاضر بس استني أسأل سؤال بس هو المفروض بعد الخربوش الي اتخربشته الي قلب علي تعويرة يعيني عليا استني انتقم استني
الاء : كملي السؤال يا بت الاول
روان : تشكري يا لولو فكرتيني أيوة هل انا هاخد 21 حقنة و لا 24 بس انا بخاف من الحقن يا فهد و مش بحبها هنتقم منك يا حيوانه يا بتاعت ضوافر الحمير انتي
فهد : هاا خلصتي و لا فيه حاجة تانية
روان بتفكير : اممم اظن لكن لو افتكرت حاجة هقولك
فهد : هديتي شوية يعني
روان و هي تنظر لشاهي : أيوة بس حلوة الشيلة دي عجبتني بص نزلني و شوية و كده و شيلني تاني يا فهدي
علم أنها تغيظ شاهي فأكيد حدث شئ ما لكل ذلك..
رانا و هي تصقف و هم مازالوا علي وضعهم : ايه الحلاوة دي يا بت فخورة بيكي و الله
فهد بخبث و هي يستغل الفرصة : ليه يا حبيبتي خليكي كده علي طول ليه انزلك ما حلو كده
روان بهمس و قد احمر وجهها: فهد نزلني متستهبلش قولنا بعدين نزلني يا فهد
ندي : ايه الحلاوة دي ياريت الحرباية بنت المبقعة تفهم و لو مش فاهمة
سعاد : نفهمها احنا مش مشكلة احنا فاضيين
ميرنا : ياريت يكونوا اتربوا و عرفوا كانوا بيكلموا مين
شاهي بالم مصطنع: شوفت يا فهد بيه عملت فيا ايه انا مكنتش اعرف انها المدام
امنية : شوف يا اختي البت الكدابة و الله البت دي لسه متربتش نزلني يا مالك
نور : مكنتيش ايه يا عنيا مكنتيش ايه سمعيني كده تاني يا روح امك نزلني نزلني
زهرة : البت دي متمرش فيها التربية روان انتي معلمتيهاش الادب ولا ايه
يمني : طب ايه رايك بقى ان احنا سمعنا كلامك كله و انتم بتتفرجوا علي الصور يا حلوة منك ليها
رانا : قال ايه احنا نصابين و لفينا عليهم يا …
ندى : و قال ايه كمان يختي عملنا أعمال ليهم ليه يا ….
سعاد : و مين عارف ممكن يبقوا يغيروا رأيهم و ياخدوا واحدة مننا قبل الفرح
ميرنا : ده غير طبعا هيسبونا و يبصوا لدول و قال ايه يسيب شاهي و يروح ل روان
امنية : و ده غير التليفون بتاع روان الي رمايه علي الارض و انتي سامعة انك كنتي هتكلمي حياة
نور : و كله كوم بقى و انك كنتي هتطلبنا الأمن يجي يكرشنا نزلني بقولك يا مراد اربيها
شاهي بخوف : محصلش يا باشا ده هما جم و احنا قاعدين و كلمونا بطريقة وحشة و احنا منعرفهمش و مينفعش ندخلهم فضربونا
افرج الشباب من حصار الفتيات اخيرا لينزلوهم أرضا بحنان كأنهم ماسات ييخافوا يخدشوها ..
روان : البت دي متربتش لسه يا بجاحتك يا شيخة بتكدبي عيني عينك كده يا مبقعة يا بنت المبقعة سيبوني عليها
فهد : اممم يعني ده هو الي حصل و بعد كده ضربوكم و عملوا فيكم كده
روان بصدمة : نعم
فهد و هو ينظر ل روان: انتي مين علشان تعملي كده اعتذري حالا ..
نظرت روان له بدموع و الم لكن أبت الدموع أن تسقط من قهوتاها حينها شعر فهد بالالم لتلك الدموع و فهم ما فعله لينظر لشاهي ليجدها تنظر لمحبوبته بسخرية و تشفي ليقوم باحتضان روان سريعا فقد فهم أنها تظن أنه يكلمها هي
فهد بصوت قوي هز أرجاء المكان : سمعتي انا قلت ايه و لا لا بقولك اعتذري للهانم حالا انتي مين علشان تتكلمي كده مع حرم الفهد لا و تتكلموا كده علي مراتات احفاد الكيلاني و جايين دلوقتي تكدبوا عليا كمان
شاهى : احنا اسفين يا باشا اسفين يا هوانم سامحونا
ماهي: مش هتتكرر تاني مترفدوناش احنا محتاجين الشغل ده
مالك : و مفكرتوش ليه قبل ما تعملوا كده جايين دلوقتي تتأسفوا
شاهي : آخر مرة و الله مش هتتكرر تاني احنا غلطنا لكن لو حصل حاجة تانية مننا ارفدونا انا اسفة يا هوانم
فهد : امممم ايه رايك يا حبيبتي نرفدوهم و لا نديهم قرصة ودن علشان يتعلموا ما يلعبوش معانا
روان : خلاص يا فهدي قرصة ودن كفاية
فهد : يبقي مخصوملكم 3 شهور غلطة تانية و لو كلمة هتبقوا برا
شاهي : شكرا اسفين مرة تانية
روان : نصيحة بس تبقي تستري نفسك و انتي جاية عيب اما لو انتم بتحبوا قلة الأدب ف مش مشكلة لكن مش في الشغل احنا مش فاتحين كباريه
شاهي بحقد دافين : حاضر يا هانم
مراد : يلا بقي علشان نتغدى و نطلع علي حياة
روان : و اشوف ايدي دي و الفون تلاقيه محصلوش حاجة
استووووووب…
فماذا سيحدث يا تري ؟!
و هل ستفعل شاهي شئ ما ؟!
