لا إله إلا أنت سبحانك انى كنت من الظالمين
سبحان الله وبحمده وسبحان الله العظيم
لا حول ولا قوة إلا بالله العلى العظيم
ادم : انت كل ما تعوذ تزن تقعد فوق راسى
عمر : بيفرد ايده ما انت بتدايقنى .. قولى بتستفيد ايه تضحك فى وشى وتطعنى فى ضهرى
ادم : ياد عيب عليك .. دا انا ابوك يالا
عمر : ابويا بيلعب بيا ..قولى من الاخر انتو ناوين تلعبو بأعصابى وتشوفو اخرى ايه
ادم : انا راجل كبير وبطلت لعب من زمان .. هو عايز يلعب مليش فيه
عمر : يا باشا ماتزهقنيش .. انا عمر ما حد قدر يستفزنى .. انا ممكن استفز بلد وانا قاعد هادى وراسى
ادم براخه : والله قولته .. الواد هادى وراسى لحد البسكوت .. قولتله دا بسكوتيه حتت بسكوتيه .. والنصيبه السودا .. مؤدب .. ابنى مؤدب .. يرضيك يقولولى يا ابو المؤدب هههههه
عمر : بعصبيه .. هى شتيمه دا فخر
ادم : كفايه فخر بقى ونام .. وبيلف وشه وبيحرك بوئه .. عمر نام فوقه .. وماسك وشه وبيفتح بوئه بالعافيه
عمر : انا لازم اعرف انت بتاكل ايه .. يا انا يا الا فى بوئك انهارده
ادم : بيزوقه جااامد اوعى ياريتنى ما دورت عليك . بوئى .. طب هه وبلع الا فى بوئه .. وبعدين ضحك جااامد لما عمر ماسكه وعمال يشم عند بوئه نفسه يعرف هو بياكل ايه .. بتشم ايه .. يا مصيبتى ابنى بقى شمام
عمر : على ايدك مش عارف ايه الا ها يحصلى تانى ولازم اعرف انت بتاكل انا ورايا حاجه قاعدلك
وعمال يدور تحت المخده .. وبيحسس على جسم ادم عند الجيوب
ادم : ههههههههه بغير يا قليل الادب
عمر : ههههههههههه والله هاتجننى واستسلم ونام فى الاخر
************
كارما : قاعده فى اوضتها على مكتبها الصغنن .. ونور هادى جدا .. وبتكتب زى ما بتحب دايما . واجمل حاجه ممكن تكتبها هى اللقاء ..
نقطه ومن اول السطر
عشت فتاه مرحه تحب الحياه كثيرا .. احب امى .. احب ابى .. احب اخى . واخى بالذات بحبه بزياده اصله سكر زياده بنوته بتحلم وبتتخيل بفارس الاحلام الا ها يخطفها من احلامها هى .. لعالمه الخاص واحلامه هو .. حانت لحظة اللقاء .. ظهر فى حياتى زى الطيف الا بستنى اشوفه او ألمحه .. من نظره ثم نظره ثم نظره لابتسامه .. وغمزه غيرت حياتى وقلبت كيانى ..من أنت .. ولماذا أنت تعلقت روحى بك .. خطفنى ههههه لا مش هو الا خطفنى ابوه الا خطفنا اه والله خطفنا لجنه وخيال ابعد ما يكون عن بالى او باله . وفى لحظه من الزمن خلاص بقيت ملكه وهو ملكى .. كان وهم مش قادره اتقبله وحب مش قادره انكره .. قربت انت بكل مشاعرك وحبك .. وقربت انا بكل احلامى واوهامى .. همساتك تشبع كيانى .. هدوئك حطم غرورى وحبك يغزو قلبى وخيالى . هل ساتنتهى قصه لم تبدء بعد اما ساتبدء وتدخل لحياتى انت .
سابت القلم .. وقامت نامت على السرير والابتسامه على وشها وبتغمض عيونها براحه .. وبتفتكر كل اللحظات الجميله الا كانت بتجمعهم .. واد ايه كان نفسها اللحظات دى تكمل ومفيش حاجه تعكر حياتهم .. وراحت فى النوم ..
************
الديك بيدن كوكو كوكو .. والصبح طالع وذهب الليل وشجونه .. يا ترى فى جديد فى حياتهم .. تعالووو نشوف
***********
ادم : قاعد بيفطر على السفره وجمبه عمر … انت ها تيجى معايا الشركه
عمر : ليه ؟
ادم : شركتك ها اموت واسيبها ليك مين غيرك .. مش لازم تعرف فيها كل حاجه
عمر : مسد ايده بعد الشر عنك ربنا ما يحرمنى منك .. وباس ايده
ادم : الفرحه ظهرت على وشه .. يا حبيبى دا واقع وحقيقه .. وكمان لازم اعلن انك رجعت خلاص من السفر وها تمسك املاك ابوك
عمر : انا بحب تدريب الكوره ومش ها اعرف ادير انا شريكات والكلام دا
ادم : ها تتعلم .. محدش ها يحافظ على مالك غير انت .. دلوقتى لو غمضت عيونك همسه مليون من يسرقك ومليون مين عايز ينهش فيك .. اتعلم تبقى حوت مش سهل عشان مفيش حد يتملك منك
عمر : الكلام دا صعب عليا قوى
ادم : قولتلك ها تتعلم .. مفيش وقت نضيعه اكتر من كدا
عمر : انت ليه دايما عايز تعمل كل حاجه بسرعه
ادم : كفايه الا ضاع من عمرى بعيد عنك . انت لو فتحت صدرى من جوا ها تلاقيه مقسوم نصين من الالم الا عشته فى بعدك انت وامك .
عمر : بغمزه وبيغير الموضوع .. بس انت شقى عايز تفهمنى انك ملعبتش بديلك ولا اتجوزت بعد امى
ادم : ضحك ضحكته الجميله .. لا عمرى بنات كتير حاولت معايا ..بس حد الله بينى وبين الحرام
عمر : يا شقى اطلع من دول
ادم : انا كنت شقى اه بس مع الا يخصنى .. انما الا مع مايخصنيش دى قلة ادب وقلة تربيه
عمر : جننت امى يعنى
ادم : ظهرت الابتسامه على وشه .. شبعتها عصير .. لحد ما بقت مدمنه هههه يا اهبل
عمر : بيضحك وبيركب ابوه الهوا .. اه يا شقى .. وقامو يرحو على الشركه ..واتفاجئ بضخامة الموضوع ما اتخيلش ابدا خلية النحل الا شايفها دى ابوه ما يبنش عليه انه جد قوى كدا وبعد ما كل الموظفين عرفو برجوع عمر .. ودخلين على المكتب هما الاتنين مع بعض
ادم بأستفاهم : وقفت ليه
عمر بمكر وبيستغل الفرصه : مش قبل ما توعدنى تحل الموضوع مع صاحبك وكارما ترجع لحضنى ساعتها بس ها ادخل معاك المكتب دا
ادم : تعالى بس وبيشده يدخله المكتب .. وعمر وقف اتثبت مكانه
عمر : بيشد نفسه مش داخل
ادم ماسك دراعه وهو عند باب المكتب من جوا وعمر عند الباب من برا : بقولك ادخل ما تفرجش عليا الشركه
عمر : بقولك مش داخل غير لما تقولى انتو بتلعبو عليا وها اتحلها والا لاء
ادم : تبت على دراع عمر وحط رجله على الباب . وبيشد فى عمر لجوا جااامد .. بقولك ادخل وربنا لتدخل
عمر : بيشد نفسه وماسك فى الباب : وربنا منا داخل والموظفين بدئت تتجمع حواليهم ..
كلهم : فى ايه يا فندم وبيتفرجو وفيهم الا بيضحك
ادم بأبتسامه مصطنعه ولسا بيشد فى عمر : ابنى متكبر شويه ومش عاجبه ديكور المكتب
عمر : بصوت عالى لا انا . وادم جرى عليه حط ايده على بوئه .. ودخله غصب عنه المكتب وقفل عليهم الباب وبيجرى ورا عمر جوا
ادم : انت تفرج عليا الشركه دا انا ها افتح دماغك
عمر : ههههههه ما تريحنى عشان اريحك
ادم : بينهج .. وقعد وبياخد نفسه بالعافيه
عمر قدم عليه بسرعه .. مالك فيك ايه
ادم : فاق مره واحده ومسك عمر تعالى بقى
عمر : هههههههه احنا فينا من الغدر لازم نلعب بشرف وروح رياضيه
ادم : دا انا ها العبك على الشناكل . وفضلو يهزرو شويه .. وبدء عمر يندمج معاه ويفهم عن شغل الشركه اكتر واكتر والاتنين مع بعض كانو اكتى من هالين
****************
سميره : صباح الخير يا كوكو .. وبتحضنها
كارما : بتحضنها واحولت بعنيها .. صباح الخير يا ست الكل
سعيد : صباح الخير يا حبيبتى وبيحضنها هو كمان
كارما : متنحه وبترد صباح النور
رامى : كوكو حبيبة اخوها .. وشدها بعنف عليه وبياخدها فى حضنه .. صباح السعاده يا قمرى
كارما : انا ها اموووت والا ايه .. وحطت ايدها على راسها انا حاسه انى سخنه من امبارح .. ومش مظبوطه والدنيا حلوه فى عنيه اه انا حاسه ..
كلهم : ههههههههه
رامى : اكيد يا كوكو الترمس كبس على نفسك اصلك كلتى كتير قوى . وبيحط ايده على قفاه وراسه
كارما : ايوا انت صح .. انا تقريبا خلصت على كل الترمس الا فى حوض السمك .. وراحت لابوها واترمت فى حضنه وبتعيط عياط مصطنع .. انا ها اموت يابابا . ومش ها تحلق تجوزنى وتفرح بيا
سعيد : بعد الشر يا حبيبتى .. ما تقوليش كدا دا حتى جايلك عريس وانا وافقت حتت واد انما ايه بسكوته
كارما : اتعدلت وبعصبيه انا متجوزه يا بابا ..عريس ايه دا كمان
رامى : ادب واخلاق .. وبيضربها فى كتفها وبنقولك بسكوته
كارما : طلعت على الكنبه ..انتو عايزين تعملو فيا ايه .. سبونى فى حالى بقى
رامى : بيلف ايده حوالين بعض وبيغنى ابعدو عنى بقى
سميره : ههههههههه انزلى يا حبيبتى دا انتى اول ما تشوفيه ها تحبيه دا بسكوته
كارما : حتى انتى كمان ليه كدا انا عايزا عمر .. وبتفرد ايدها وعمرررراه .. أين انت
رامى : انتى خارجه من فلم قريش
سعيد : هههههه انزلى وبعد ما يجى العريس ابقى قولى وقلباااه
كارما : نزلت ودخلت على اوضتها وقفلت على نفسها .. ابقو اتجوزوه انتووو دخلت البلكونه لقت جارتهم واقفه فيها
جارتها : مالك يا كارما يابنتى انت بتدخنى كدا ليه
كارما : عايزين يجوزونى يا أم فهمى
ام فهمى : يالهووى يابنتى هو الجواز وحش
كارما : ايوا وحش
ام فهمى : دا جميل وعسل وسكر .. طيب ابعتى العريس ليا انا عايزا اتجوز
كارما : ايه يا ام فهمى مش كدا .. مش كفايه مطلقه من اتنين
ام فهمى : بتضحك وضحكت كارما نخليهم تلاه وابقى مطلقه بالتلاته ههههههه
كارما : هههههههه .. هو فهمى راح فين مش باين
ام فهمى : سافر برا
كارما : ربنا معاه .. بعد اذنك . ودخلت جوا وسمعتهم وهما بيتكلمو ان فعلا فى عريس جاى لها بكرا يتقدم والكلام طلع بجد
بقلم : لبنى طارق
