عيون عمر على كارما طول الوقت حتى وهو بيتهرب منها ويبعد مش بينكر بينه وبين نفسه ان فى الفتره الاخيره بدء يتشغل بيها لما حس انها بتراقبه فى الطالعه والنازله .. بدء يراقبها هو كمان بس من بعيد لبعيد لحد ما قرر ان القلوب يتفضح امرها والحب يبان على وشوشهم .. وغمز لها وشاف الابتسامه الا سحرته والا كانت بتاكد له اكتر انه جوا قلبها .. فجأه اتشقلب الحال والطوبه جت فى المعطوبه وفى لمح البصر بقت مراته يا ترى دا حلم والا خيال .. والا حقيقه حاسسها من المحال .. رجع تانى بتفكيره
فلاش باااك
ادم : تعالى معايا
عمر : دخل معاه بعد ما خدرو كارما الا مش عايزا تهدى .. افندم فى ايه تانى
ادم : دا مش لعب عيال .. وكلامى لو اخر نفس فيا ها انفذه .. انت وهى ها تكونو مع بعض مراتك ومفيش حجج تمنعها عنك
عمر : انت عارف بتعمل ايه .. البنت واهلها ها يتدمرو .. ها يعملو ايه لما يلاقو بنتهم راجعه متجوزه وكمان حامل .. رد فعلهم ايه .. وافرد بعد الا انت عملته دا ما طلعتش ابنك
ادم : قرب على عمر ومسكه من كتفه .. شده عليه بقوته .. ولأول مره ياخده فى حضنه .. دفس راسه فى كتف عمر يدارى دموعه الا نازله .. وبصوت مكسور .. والله انت ابنى ياعمر .. حتى اسمك ما اتغيرش .. سمتك عمر زى ما انت .. خطفوك وسابونى اموت انا امك وبيضمه قوى وبيملى صدره بريحة ابنه
عمر : اتعدل وقلبه رق وحن .. حس انه حتى لو مش ابنه يشفق عليه لحد ما يتاكد بنفسه .. طيب ممكن تقعد عشان ماتتعبش
ادم : مسح دموعه وعمر بتسرع مد ايده بيمسح معاااه .. وبفرحه ظهرت على وش ادم .. تعالى ياحبيبى انا ها اثبت ليك وجاب شهادة ميلاده الا فعلا تاريخ ميلاده فيها قبل تاريخ ميلاده التانى بأسبوع .
عمر : حس ان قلبه اتقبض وفى شئ من الحقيقه بدء يبان ويظهر قدامه .. معقول كل السنين دى عايش مع ام واب مزيفين .. ناس خطفوه من حضن امه وابوه .. وبصوت مغشلق .. طيب لو فعلا كلامك صح ليه امى عملت كدا
اادم بتأكيد : مش امك .. بس ها اقولك واريحك هى كانت شغاله عندنا هى واخوها . .. وانا كنت فى عز مجدى صحيح مش زى دلوقتى بس اسمى فى سوق السيارات بدء يظهر ويبان وينافس . واحد من منافسينى الكبار قرر يضربنى فى ضهرى واتفق مع المهندس المسؤول عن التصنيع فى المصنع انه يعمل كارثه فى الموديل الا ها اسلمه للمعارض والعملاء .. وفعلا قبض المهندس وقدر يسيطر على كذا حد من ضمنهم اخوها الا كنا بنثق فيه ثقه عمياء .. عشان ربنا بيحبنى الموضوع كله اتكشف .. وكل الاطراف وقعت وكانت امك فى الوقت دا حامل فيك .. واتقبض عليهم كلهم .. نادره حلفت لتنتقم لاخوها مننا بعد ما مات فى السجن وهو مكملش فيه شهر ومحدش عرف سبب موته ايه . وكان التقرير المعتاد هبوط فى الدوره الدمويه .. احنا من كرم اخلاقنا سيبنا نادره الا كانت بتظهر طول الوقت انها معانا وفى صفنا .. وبعد ما امك ولدتك بأسبوع خطفتك هى وجوزها وسابت لنا ورقه وطلع الورقه الا مكتوب فيها .. زى ما حرقتو قلبى على اخويا ها احرق قلبكم على ابنكم .. بس هى دى كل الحكايه
عمر : قعد بإهمال على الكرسى .. بس معقول تعاملنى بالحنيه دى كلها .. عمرى ما حسيت بالراحه غير فى حضنها .. وابويا .. لو طلبت منه حته من السما بيجبها ليا وبرغم ظروفه الصعبه علمنى واحترم رغبتى وحبى للكوره لحد ما بقيت مدرب مشهور ومطلوب
ادم : يمكن حبهم دا تكفير لذنبهم فى حقنا .. وعشان ما بيخلفوش بدليل ان لا ليك اخ ولا اخت
عمر : عمرى ما حسيت انى وحيد فى وجودهم دايما احسهم اخواتى ومالين حياتى كلها .. تعرف انى ها ازعل قوى لو مطلعوش ابويا وامى .. عايز صورتهم تفضل حلوه
ادم : بيحط ايده على وش عمر .. انا ها اعوضك ان الاوان تتنعم فى خير ابوووك حبيبك . واشوف عيالك .. نفسى اشوفلك عيل واشيله على ايدى قبل ما اموت
عمر : حط ايده على ايد ادم .. وبترجى عشان خاطرى سيب كارما تروح .. ونروح نطلبها من ابوها لو طلعت ابنك
ادم : لا والف لا مش ها اضيع ثانيه واحده عشان تكلم دا وتستأذن من دا .. وانا ها احل امرها ما تفكرش لا فى اهلها ولا الا ها يحصل .. اتمتع بحياتك وبس .. واوعى فاهم اوعى تعمل اى حاجه تندم عليها لو عايز البنت دى تبقى مراتك …مش عايزها يبقى انت الا حكمت عليها وعلى حياتها انت مش متخيل حجم الناس الا بتتمنى موتى او يسمعو عنك اى خبر .. وقفل الكلام معاااه ..
بااااك
*********
سعيد قاعد بترقب هو رامى منتظرين اى حد يخرج يكلمهم ..
ادم : داخل بشموخه وثقة فى نفسه . السلام عليكم
سعيد قام هو ورامى .. وعليكم السلام ورحمة الله وبركاته .. واول ما الوشوش اتقابلت
ادم : سعيد .. خش عليا يا راجل وبيفرد ايده
سعيد بفرحه : ادم والله وليك وحشه .. يخونك العيش والملح
رامى : طيب عرفونا مين على مين والا مين مع مين
سعيد بفرحه : فاكر صاحبى الا كان معايا فى الجيش وياما حكتلك عنه
رامى : ايوا الا كنت مسلفه 5 الاف جنيه
سعيد وشه جاب الوان وداس على رجل رامى .. وصوت هااامس طول عمرك مدب
ادم : ضحك بصوت عالى .. عادى يا سعيد سيبه .. ايوا انا اسمك ايه
رامى : رامى بس معلش مش وقته احنا جاين عشان اختى .. وبعدين نتكلم فى القديك
ادم بعدم فهم : اختك ملها بتشتغلى عندى
سعيد : لا بس هى اتخطفت مع واحد اسمه عمر مدرب كوره وقالولى ان دا بيت اهله
ادم : مين الا قالولك
سعيد : قص له كل ما حدث
ادم : سعيد .. انا عارف انى ممكن ازعلك قوووى .. بس يا صاحبى … الا له الفضل عليا فى دا كله ربنا ثم انت .. ايوا يا سعيد ب5الاف جنيه الا ادتهملى من اكتر من 40 سنه كانو هما البذره الا طرحت
سعيد : ربنا يباركلك يا ادم بس ايه علاقه بنتى وبخوف اوعى تكون عملت فيها حاجه
ادم : لا بنتك بخير والله .. بس الا ها يزعلك منى انى خدت حقك فيها كأب
رامى بعدم فهم : ازاى يعنى
ادم : انا جوزت بنتك لأبنى عمر
رامى بعصبيه قام : انت بتقول ايه يا راجل انت
سعيد : استنى يا رامى اقعد عشان افهم ايه الا بيحصل .. انت بتقول ايه يا ادم .. مش اخلاقك ولا طبعك تخطف بنات الناس وتعمل كدا .. الاصول اصول وانت ابن اصول
ادم : قبل ما تحكم عليا اسمعنى ( وقص له كل ما حدث ) .. كنت ها اجوزه اى واحده . بس لما لقيت الحب والخوف فى عيون ابنى لكارما بنتك .. نسيت الاصول وكله .. انا بموت يا سعيد ومفيش اى وقت انى اسيبه يحب ويفكر يتجوز ويتقدم وخطوبه .. الا انت عايز تأدبنى بيه ادبنى انا راضى يا صاحبى .. بس بنتك ملهاش اى دخل
رامى : دا جنان .. انت بتكسر عيننا قدام الناس وتقول ادبنى .. يعنى اختى تخرج وترجع معاها عيل
سعيد : انت عارف عملت فيا ايه
ادم : عارف وها اعوضك
سعيد : لو الفلوس بتشترى كل حاجه .. كانت الناس اشترت الاخلاق يا صاحبى . بنتى زى ماخدتها ترجعها ليا سليمه بنت بنوت معززه مكرمه وتدخل البيت من بابه
ادم : بنتك خلاص بقت مراته .. وهما دلوقتى بيقضو شهر العسل
رامى بعصبيه شديده : عسل ايه وزفت ايه .. اختى فين يا راجل انت وبيوجه الكلام لابوه دا الا كنت بتقول فيه شعر ..ولسا ها يتهجم عليه .. سعيد مسكه
سعيد : ايدك لو كانت اتمدت عليه كنت قطعتهالك .. فاهم .. وبيشاور على ادم ..عارف عمك الا من لحمك ودمك . ما يفرقش عنه .. وبيوجه كلامه لادم . انا قولتلك الا عندى يا صاحبى انا ها أمشى وسرك فى بير وانت عارف .. بنتى تجيلى ويتعمل لها احلى فرح وتخرج من بيت ابوها ولو ابنك لمس شعره واحده منها ولو بقت حامل منه ولا هاتشوف بنتى ولا حفيدك .. بالأذن .. ومشى هو رامى
ادم : قعد وحس انه متكتف .. مش قادر يعمل حاجه وفى راسه الف سؤال .. لو كان عمر اتجوز كارما جواز فعلى ها يعمل ايه .. وبيبص قدامه .. نعم .
احد الخدم : الظرف دا وصل لسعتك من نص ساعه
ادم : خد الظرف . روح انت .. وفتحه بالهفه وابتسامه عريضه ظهرت على وشه
*******************
كارما : واقفه قدام البحر على مكان عالى شويه عن الميه .. وعمر واقف وراها بيبص عليها من قزاز الباب ومركز قوى فى حركتها وشايفها بتعمل حاجه غريبه .. تنزل ايديها فى الميه وترفعها وتنطرها .. وتنزلها تانى وترفعها وتنطرها ..
عمر : هههههه هى الميه سخنه والا ايه .. والا فى عصير تانى شربته .. وركز اكتر لدرجه انه احول بعيونه .. نزلت ايديها ونطرتها جامد وصرخت .. وهو بيضحك وبيقول اتلسعت من الميه .. لا دى الحاله ما يتسكتش عليها هى نامت على بطنها ونازله براسها للميه ليه وبيفكر .. تكونش ها تشرب من مية البحر .. توء توء .. اكيد ها تنتحر وفجأه لقائها وقعت .. بيطلع بسرعه يلحقها دخل براسه فى القزاز جااامد وماسك راسه بيدعكها .. اه . وفتح وطلع نط فى الميه وراها ومسكها طلعها .. وبيدوس على صدرها جااامد نطرت الميه فى وشه وكحت وبتاخد نفسها بصوت عالى
عمر : امال كنتى ها تعومى للبر التانى ازاى .. ها تفطى فى الميه وتستنى الا يلحقك
كارما : بهزار .. وبتضحك شوفتنى وانا بعمل تششش
عمر : بيعدلها بين ايديه . شوفتك بس انتى كنتى بتعملى ايه انتى بتخافى من الميه
كارما : لايمكن ازاى اخاف منها دا انا بعشقها
عمر : واضح عليكى الصراحه .. انا لو كنت سيبتك دقيقه كمان كنتى شربتى البحر كله .. هاه كنتى بتعملى ايه بقى
كارما : مبتسمه قوووى .. كان فى سمكه وولادها
عمر : بصوت عالى وولادها وعرفتيهم
كارما : اه والله شبهه .. هى ماشيه
عمر : ايه دا هو السمك بيمشى
كارما بأندماج : اه والله .. وولادها ماشين وراها
عمر : عفريت السمك دا محدش يتوقعه
كارما بحماس اكبر وبتضم ايدها على بعض . اه والله .. وكل ما امد ايدى عشان امسك وحده مامتهم تعضنى
عمر : ضحك بصوت عالى .. لا دى فكراكى وليمه عايزا تاكل هى وولادها
كارما : بتميل راسها بجد
عمر : بيضحك اه والله
كارما : يعنى هما جعانين يا حرام .. وانا الا كنت عايزا اصتادهم وأكلهم كلهم لوحدى
عمر : اصيله يا أم احمد ..كلى السمك قبل ما يأكلك ياكوكو
كارما : بهيام .. بجد
عمر بهمس : اه والله .. وفجأه استوعب انها قاعده على رجله وفى حضنه .. قرب بحذر من وشها .. وحط ايده على رقبتها يقربها له .. وبهمس بين شافيفها . عايزا تاكلى سمك
كارما : بتوهان .. هااه
عمر : قرب اكتر وعيونه مركزه على شفايفها وبهمس تانى بحبك يا كارما .. وغرق فى حب حبيبته او ملاكه .. ماقدرش يسيطر على الموقف وايده بتفتح زاير بجامتها وبيضمها بشوق فظيع ..
كارما فاقت من لماساته الجريئه .. وزقته جااامد وصرخت ابعد عنى
عمر : بينهج وعيونه عليها .. خلاص عايزها .. وعايز تبقى ملكه .. كارما لعمر وعمر لكارما .. قرب تانى شدها لحضنه .. وبحنيه بحبك يا كوكو وبيبوس كل حته فى وشها ورقبتها وهى مش قادره تقاوم حاسه احساس غريب كل ما يقرب منها .. مافقتش من احساسها دا غير لما شافت اهلها قدام عنيها . زقته بقوه وهربت منه لجوا طلعت الاوضه وقفلت على نفسها .. وعمر طلع وراها .. وبيخبط على الباب
بقلم : لبنى طارق
