سبحان الله وبحمده وسبحان الله العظيم
لا حول ولا قوة إلا بالله العلى العظيم
اعوذ بكلمات الله التامات من شر ما خلق
كارما بعد ما طلعت راحت على البلكونه تراقب الوضع ايه .. ولما لقتهم واقفين مع بعض قلبها كان ها يقف .. عمال تشاور لعمر عشان تقوله يمشى وهو ولا هو هنا .. دخلت جوا جابت كبشة زلط صغير الملون الا بيتحط فى حوض السمك .. وبتحاول ترميه على عمر
عمر : لف وشه لرامى الا بينادى عليه وتقريبا كدا مش فارق معاه اى كلام منه وقرر انه لو اتعامل بقلة ذوق هو كمان ها يتعامل بنفس الطريقه.. نعم
رامى : واقف وضهره للبيت بتاعهم ..هو انت هنا فى الشارع بتعمل ايه
عمر : ايه اتحرم عليا دخول الشارع وانا مش عارف
رامى بأستفزاز : بقى عندك قصر يلمك .. ما تفارقنا بقى بطلعتك البهيه دى
عمر : لو مدايق من طلعتى البهيه لف وشك
رامى : لسا ها يتكلم .. وزلطه من الا بتحدفهم كارما جت فى قفاه .. حط ايه على قفاه بوجع وبيبص وراه كارما نزلت لتحت فى البكلونه بسرعه وظهرت ابتسامه على وش عمر الا شايف كل الا كارما بتعمله .. عدل وشه لعمر تانى .. ولسا بيتكلم .. كارما اتعدلت وبتحدف بغيظ على عمر جت فى راس رامى
عمر : ههههههههههه ولف وشه
رامى : انت بتضحك على ايه .. وبيلف تانى بغيظ عايز يعرف مين الا بيحدف عليه دا وبيحدف ايه اصلا
عمر : انت ها تمسك بوئى من الضحك كمان .. افتكرت حاجه ضحكتنى .. وعمال يضيع وقت ومستمتع باللحظه قوى
رامى : انا مش عايز اشوف وشك فى الشارع ولسا ماكملش كلام .. كذا زلطه جت فى دماغه وودنه .. لف بعصبيه ولمح كارما وهى بتنزل براسها لتحت ساب عمر وطلع على فوق وعمر واقع فى الارض من كتر الضحك ..
كارما فى البلكونه نايمه على بطنها .. وعماله تقول يالهوى .. ليكون شافنى
رامى : دخل اوضة كارما وعلى البلكونه ولقاها نايمه على بطنها ابتسم ومسكها من قفاها بيقومها .. انتى بطلتى تمشى وبتسحفى دلوقتى يا كارما . بتعملى ايه فى الارض يا أختى يا حبيبتى
كارما : بضحكه مصطنعه وبتمطها قوى وماشيه مع اخوها الا دخلها جوا وطلعو على الصاله وعماله تدارى الزلط الا فى ايدها .. ما بعملش انا بحب اسحف ساعات عندك مانع بحن لطفولتى
رامى مسك ايدها : وايه دا يا كارما
كارما : مش عارفه تقول ايه قامت قايلاه ترمس تاخد حبه اصلى بحبه
رامى : ايه دا الله هو الترمس لونوه وماسك واحده بايده وبقى شبه الزلط كمان .. وبيهز فيها جااامد انتى بتحدفى عليا زلط وانا واقف مع سى زفت ليه
كارما : بعصبيه مصطنعه . انا باكل ترمس وبرمى قشره .. انا ايش عرفنى انه ها ينزل عليك
سميره : قامت من النوم لقت رامى ماسك كارما من قفاها وبيهزها جااامد .. ضربته على ايده سيب اختك انت اتجننت يا رامى كل ماتشوفها تضربها
كارما استخبت ورا مامتها : وبتعيط عياط مصطنع .. المفترى بيتبلى عليا وبيقول انى بحدفه بزلط
سميره : هى ها تجيب الزلط منين يا بنى هى اتحركت من الشقه
كارما : قوليله
رامى بعصبيه : شوفى ايه الا فى ايدها
كارما : ماقولتلك ترمس .. و رمته كله فى وش رامى وبتقوله حتى شوفه يا رخم وطارت على اوضتها وقفلت الباب
رامى : بيخبط جااامد على الباب .. افتحى وربنا لاعرفك يا كارما
سميره : ههههههههههه لم الترمس من الارض اختك اتجننت الحمد لله والبركه فيك كان لازم تخبطها كنت سيبها بعقلها .. هههههههه
**************
عدى وقت كبير وعمر راح لادم ونازل زن فوق دماغه لما زهقه …
************
سعيد بيتكلم فى التليفون : عايز ايه يا ادم دوشتنى
ادم : قولتلك هات كارمتى اطمن عليها باى حجه
سعيد : ازاى وانا مش طايقك ولا طايق ابنك اقولها ايه
ادم : قولها عاملين قاعده ونشوف الحق على مين
سعيد : يابنى ارحمنى من افكارك النيره .. واقول لاخوها ايه هو كمان
ادم : الحمقى .. ولا تعبره سيبه على عماه اصله زيك لازم الواحد ياخدك على عماك
سعيد : ياصبر ايوب عليك يا ادم وعلى معرفتك .. وكمان انت باعتلى المبلغ دا كله ليه
ادم : مهر كارما وحقها .. واوعى تاكله على بنتك يتحط بأسمها فى البنك وال50 الف الا كانو معاها .. بعتهم هما كمان
سعيد : ها احط بأسمها مليون جنيه . ولما تسألنى .. روحت قتلت الا فى العزبه وورثت فيهم كلهم
ادم : مش وقته اجلها شويه مش لازم تقول حاجه .. خلص هات كارما وتعالى واقنعها انك جاى عشان تشوف ها تعمل ايه
سعيد : سلام .. وطلع خد كارما ورفض ياخد رامى .. وراحو لادم الا مستنيها على نار هو وعمر واول ما عرف انهم وصلو ما ظهرش خالص وبيراقب الوضع من بعيد لبعيد ..
ادم : بيتصنع الجديه .. وبيشد هو وسعيد قدام كارما
كارما : يعنى انا جايه ليه
ادم : انتى ها تتطلقى من ابنى ولى العهد ونشوف غيرك دا الا عايزه ابوكى قولتله هاتها ونشوف مين الا غلطان وجر رجل التانى فيكو
كارما وشها اتقلب وسعيد نازل خبط فى رجل ادم وبينه وبين نفسه بيقول يخربيت بجاحتك
ادم : احمممم .. قصدى عمر .. وبيعلى فى صوته … النسمه واد كدا بسكوته بونبونيه ملبسايه
سعيد بنفاذ صبر : وبيفرد ايده بعصبيه ما خلاص يا اخويا .. ناقص تقولى بنتى الا جرجت رجله وهو قاعد ياعينى عليه مكسوف
كارما : ضحكت بصوت عالى .. وحاطه ايدها على بوئها من عمايل سعيد وادم مع بعض ناقر ونقير الاتنين .. وعماله تدور بعنها عايزا تشوفه
ادم : ممكن يا كارما تسبينى مع ابوكى لوحدنا شويه
سعيد مسك ايدها : لا بنتى تفضل معايا
ادم : هى ها تتاكل انا لوحدى قدامك ومفيش غير الحرس اهدى وقول هديت .
سعيد بطرف عينه وبيتخن صوته : هديت
كارما : عماله تضحك عليهم بهستريا عمرها ما شافت ابوها عصبى كدا ولا حد بيقدر يسيطر عليه كدا … طالعه من الباب رجعت تانى ومدخله راسها من الباب بس .. عمو .. عمو
ادم : نعم
كارما : انا ليا عندك 50 الف وشنطه لسا شاريها 125 جنيه من محل افريكانو الا جنبنا وفى روج لونه فسدقى
ادم : متنح فسدقى
كارما : او فوحلقى اصلى عندى عما الوان .. ومحفظه بتاعتى فيها 70 جنيه وربع جنيه فى الجيبه
ادم : ههههههه ربع جنيه والله شكلك ها تطلعى زى ابوكى .. حاضر ها اجبلك الشنطه
كارما طلعت ورجعت براسها تانى : عمو .. عمو
ادم بنفاذ صبر : نعم .. نعم
كارما : هو انت خدت ال50 الف
ادم : اه
كارما : ها تدينى الفلوس امتى
سعيد : ما خلاص يا كارما روحى خلينا نخلص من ام الليله دى …
كارما خرجت وقفلت الباب .. وهى بتكتم الضحكه ولسا ها ترجع ترخم عليهم .. لقت الا بيشدها وبيكتم صوتها .. بمجرد ما شمت ريحته ابتسمت .. خدها فى اوضه وقفل الباب ..وضهرها للحيطه وهو حاطت ايده على الحيطه
عمر : وحشتينى
كارما : بابتسامه دلع وانت كمان وحشتنى
عمر : انا ها اتجنن من بعدك ياكوكو .. ماتقولى حاجه لابوكى
كارما : ها اعمل ايه زهقت بابا واخويا قافلين دماغهم قوى
عمر : وبعدين لازم نتصرف دا عايزنى اطلقك
كارما : اوعى يا عمر .. واترمت فى حضنه انا ما اقدرش استغنى عنك ياحبيبى
عمر : بيضمها أكتر .. ودفس راسه فى راقبتها وبشوق واضح فى كلامه .. بحبك ووحشتينى ومش ها اقدر استغنى عنك ياقلبى
كارما : دموعها نزلت .. ها اموت من غيرك انا مراتك وعايزاك وبحبك واوعى تفرط فيا
عمر : اتعدل وماسك وشها بين ايديه .. ابدا مش انا الراجل الا يفرط فى حته منه .. زى ما قدرت على نفسى وحافظت عليكى . مش ها اسيبك وها تكونى ليا وبلهفه التهم شافيفها .. وبيبوس فى وشها بجنون واضح عليه ..
كارما : بصوت ضعيف .. عمر خلاص .. سبنى اخرج
عمر : خليكى معايا شويه كفايه انك بعيده ..
كارما : ارجوك يا عمر ابعد كفايه بقى
عمر : بعد عنها ومحاوط وسطها بايده .. خلى بالك على نفسك .. وخرجت بسرعه من الاوضه لقت ابوها فى وشها
سعيد : انتى طالعه تجرى كدا ليه ووشك احمر من ايه
كارما : ها
ادم : ها يكون من ايه وبيمسح وشها .. روج يا اخويا روج .. بنتك بتحب الروج فسدوقى وفوحلقى
كارما بتاكيد : ايوا يا بابا .. روج وخدها ومشى بسرعه … وحان وقت النوم للجميع
ادم : نايم على السرير وبيشاكس فى عمر . انت ها تنام جمبى بردو انهارده
عمر : السرير اد شقه لوحده .. انت زعلان ليه .. وبعدين بقى انا لازم اعرف انت بتاكل ايه
ادم : قولتلك بونبون .. بونبون .. ها اكون باكل ايه يعنى تاخد بونبون يمكن ترتاح
عمر : لا انا بحب الشيكوبون معاك شيكوبون
ادم : لا المره الجايه ها اجبلك نام يا حبيبى
عمر : لا انا مش مرتحالك .. وبينكشه ابوه زى عادته .. انا طول الليل حاسس بحاجه بتمشى على جسمى
ادم : برقيك ياغبى .. ها اكون بعمل ايه . وتعالى هنا .. انت عملت ايه فى البت مش ها تلم نفسك .. لما بعدت حليت فى عينك
عمر : ههههههه انت فاهمنى غلط .. وسبنى انام بقى
ادم : طيب براحتك .. عمتا اتفقت انا وابوها تطلقها الاسبوع الجاى . تصبح على خير
عمر : اتعدل وقعد على المخده فوق راس ادم
بقلم : لبنى طارق
