قصتى بدأت من 17 سنه لما قامت النار فى بيتنا فجأه , وكلت البيت كله باللى فيه , كلت أبويا
وأمى وأخواتى األتنين ومسابتش حد عايش فى البيت غيرى , ساعتها كنت لسه رضيع
مكملتش سنه ولقونى تحت أنقاض البيت المحروق وأنا بصرخ , كانت معجزه أتحاكى بيها
نجع” الشرفا ” كله , وعلشان أبويا الحاج “طلب” أمام الجامع و أكتر حد محبوب فى النجع كله
.
كل الناس اللى فى النجع كانت عايزه تتبنانى و يربونى فى بيتهم وسط عيالهم وكانت هتقوم
خناقه كبيره بين الناس وصلت أنهم رفعوا السكاكين والسنج على بعض , لحد ما الحاج
“فكرى العياطى ” واحد من كبار أشراف النجع وكلمته مسموعه قالهم على فكره ممكن
توقف النزاع بين أهالى النجع وتحل المشكله .
طلب منهم يعملوا قرعه بالورق , ويكتبوا أسامى كل الناس اللى فى النجع , ويجيبوا أصغر
عيل فى النجع وهوه اللى يختار , واللى يطلع أسمه فى القرعه يبقى حالل عليه ياخدنى وسط
عياله
وبالفعل عملوا القرعه
تعترض عليه ويطلعوا فيه القطط الفطسانه ويقوله كل عيوبه , فيعملوا القرعه من تانى ,
فيطلع أسم تانى يطلعوا فيه القطط الفطسانه ويعترضوا … وهكذا .
فطلع الحاج فكرى العياطى أبو االفكار بفكره جديده , وهى انى أقعد سنه فى كل بيت فى
النجع لحد ماسنى يبلغ ال18 سنه وأقدر أستقل بنفسى وأعيش فى بيت لوحدى وبكده يبقى كل
أهالى النجع ربونى وسط عيالهم , وافقوا على الفكره مبدأيا بس ظهرت مشكله تانيه .
وهى مين اول واحد هياخدنى عنده اول سنه !!
فأقترح عليهم الحاج فكرى يعملوا قرعه !! وكل آخر سنه يتجمعوا فى المسجد بعد صالة
الجمعه ويعملوا قرعه على مين ياخدنى السنه اللى بعدها وهكذا …
وبالفعل بقيت كل سنه فى بيت شكل, مره فى بيت ناس غنيه أوى فى النجع ومرات تانيه فى
بيت ناس مش القين حتى كسرة العيش على حسب ماتحدد القرعه فى آخر السنه .
فيه اللى كان بيعاملنى كويس ,ويعاملنى كويس دى يعنى يأكلنى ويشربنى ويدينى مكان أنام فيه
,ودول كانوا قليلين أوى فى سنين حياتى وفيه اللى بيعاملنى بالسخره ويشغلنى عنده ببالش من
غير حتى مايأكلنى أكله عدله ودول ما أكترهم فى سنين حياتى !!!
عشت فى بيت” على ” النجار وأتعلمت النجاره غصب عنى , و شغلنى معاه بالسخره مش هو
بس …
“عظمه” الحداد علمنى الحداده وشغلنى عنده هو كمان بالسخره , و”مدبولى” المكوجى
,و”صابر” اللى بيسلك المجارى فى الكفر, و”سطوحى ” البنا وغيرهم وغيرهم طوال ال17
سنه , ده فيه ناس كانت بتتمنى القرعه ترسى عليهم , بس مش علشان يكسبوا ثواب … أل….
علشان يكسبوا عبد يشغلوه بالسخره ببالش لمدة سنه !!!
أتعلمت كل حاجه وكل صنعه ممكن تتخيلها , وأتقنتها علشان أنا دماغى نضيفه وبفهم بسرعه
, وعرفت من قعدتى فى بيوتهم كل أسرارهم وأسرار عيالهم ومراتتهم ,أتأكدت أن نجع
“ألشرفا ” كله ناس واطيه !!!
أحسن سنتين قضتهم فى حياتى كانت سنه قضتها فى بيت الدكتور “عمر” , وده راجل محترم
وكان عايش لوحده فى فيال كبيره , علمنى القراءه والكتابه وشوية حاجات فى الطب وكنت
بتمنى أكمل سنينى اللى جايه معاه ,وقتها كان عندى 9 سنين
والسنه التانيه كانت فى بيت “عفاف” الحفافه , كنت أحسن واحد يعمل حالوه فى البلد .. ال
…مش اللى فى دماغك خالص , بعمل حالوه يعنى بصنعها !!
نسيت أقولك أنا أسمى ناير , تسألنى وتقولى :
طب وأنت ياناير نفسك تدخل بيت مين ؟!!
أقولك :
بيت رقم 8 فى النجع !! البيت اللى كنت كل سنه بتمنى القرعه تيجى عليها , مش بس كده أنا
كنت ههرب من النجع وأنا عندى 14 سنه بس أستنيت على امل القرعه تنصفنى فى مره
وترمينى فى بيت رقم 8
تقولى :
طيب بيت مين ده ياناير وأشمعنى ؟
أقولك :
بيت دياب الضباعى …. الساحر !!!
النهارده تميت ال 17 سنه ودى أخرقرعه ليا وبعدها أبقى حر ,ممكن أبنى بيت أبويا
المحروق تانى لو عوزت , أو أخرج بره النجع خالص .
الناس أتجمعت فى صالة الجمعه زى كل سنه وعملوا القرعه , مد أصغر عيل فى النجع ايده
وطلع ورقه مطويه فيها أسم آوخر بيت هدخله .
فتح الحاج فكرى الورقه وقال فى ميكرفون الجامع :
دياب الضباعى!!! الساحر !!
فنادى عليه كمان مره , وقال فى ميكرفون الجامع :
أظاهر أنه مش موجود فى النجع دلوقتى , روحله ياناير ي ابنى بيته وأستناه هو بيته رقم 8
كنت عايز أقول للحاج فكرى :
ده انا حافظه صم …
وبالفعل روحت ناحية بيت دياب الساحر وأنا طاير من الفرحه ومش مصدق نفسى , خبطت
فقعدت على صخره كانت قدام بيته وطلعت كوزين ذره مشوي وقعدت اكلهم وأنا مستنى دياب
يرجع من بره وأستينت كتيير أوى!!!!
دياب راجل كبير فى السن حوالى 60 سنه بشوفه على طول البس جالبيه كمها طويل و
وحاطط عمه كبيره فوق راسه .
اللى خالنى نفسى أتعلم السحر حادثه حصلت فى النجع, حضرتها فى الساحه الكبيره وأنا
عندى 13 سنه وعمرى ما هنساها أبدا!!!
وقتها النجع كله كان متجمع فى الساحه علشان يعرفوا مين اللى قتل ” المعلم عطوه” الجزار
وكانوا شاكين فى تالته , مراته وأخوه والخدامه , فجابوا عمى دياب يفتح المندل علشان يقولهم
من اللى قتل عطوه .
وقف دياب فى الساحه وقالهم :
أختاروا حد من النجع بالغ عاقل تكونوا بتثقوا فيه .
فأختاروا الدكتور عمر اللى طلع على المنصه وسلم على دياب بحراره فقعده دياب على
الكرسى فوق المنصه ومسك الميكرفون وقال :
غمض عينك يا دكتور ومد كفين أيدك لقدام ووازى بطن كفوفك االتنين ببعض , كأنك
هتسقف !!!
فنفذ الدكتور اللى طلبه دياب ومد أيده كأنه هيسقف بس من غير مايسقف .
فملس دياب على رأس الدكتور وهو بيقول كالم مش مفهموم وبسرعه , وأخرهم جملة
الطاعه هلل …
وقال فى الميكرفون :
دكتور عمر لو سامعنى حاول تسقف بأيدك .
الدكتور عمر قاله وهو مندهش وخايف :
انا مش عارف أحرك أيدى !!! ومش قادر اتحكم فيها !!!
فطمنه دياب وطبطب على كتفه , ومسك الميكرفون وقال :
هقول أسامى اللى شاكين فيهم ولو حد فيهم هوه اللى قتل عطوه , الدكتور ايده هتسقف لوحدها
بصوت عالى .
فقال :
لو كان قاتل عطوه أبن زينات , أخوه فأفتح هذاين الكفين وأخبطهما ببعض …. الطاعه هلل
…الطاعه هلل
فمحصلش حاجه !!
فكمل وقال : لو كان قاتله صفيه خادمته فأخبطهما ببعض .. الطاعه هلل .. الطاعه هلل
فمحصلش حاجه برده !!
فى المره التالته وهو بيقول أسم مرات عطوه , الدكتور أيده فضلت تسقف كتيير ورا بعض !!!
فالناس هللت ……هللا أكبر .. هللا أكبر .. ظهرالحق..
أنا كان كل تركيزى على دياب اللى راح للدكتور وملس على راسه تانى ,فرجع الدكتور يتحكم
فى أيده ,وسلم على الدكتور و خد نفسه ومشى ..
دياب مابيخدش فلوس على اللى بيعمله مادام خير يعنى يالقى عيل تايه , يكشف عن سرقه
بيستخدم السحر فى الخير وده اللى عاجبنى فيه !!
فجأه وانا قاعد على الصخره ,لقيت دياب طالع من بيته!!!!
جريت وراه وقلته أزيك ياعم دياب انا ناير أكيد عارفنى , القرعه أختار…
مكملتش كالمى ولقيته أختفى , قعدت أبص ورايا وقدامى زى األهبل وانا بقول لنفسى:
هللا أمال أنا كنت بتكلم مع مين !!!
رجعت تانى وقعدت على الصخره وكدبت عقلى وقلت يمكن من كتر رغبتى فى أنى اقابله
وأقوله ان القرعه أختارته فتوهمت انى شوفته!!!
قعدت مستنى قدام باب البيت اللى مقفول وعدى حبه حلوين لدرجه أن الصبح طلع !!!
لقيت دياب جاى من بعيد وداخل على البيت
قمت من على الصخره وجريت ناحيته لحد ماقربت منه , قلتله وانا بنهج من الجرى :
عمى دياب ,,, القرعه أختارا….
ببص لقيته أختفى برده !! , كده عم دياب بيشتغلنى !!! رجعت وقعدت على الصخره اللى قدام
باب بيته تانى .. وببص على الباب أتفاجأت بمشهد خالنى فاتح بوقى من الدهشه ..
بيت دياب مالوش باب أصال … دياب قدامى قاعد مقرفص فى وسط بيته ومولع منقد نار ,
بيبصلى بعينه اللى لونها أحمر زى الجمر !!!!!
أى حد مكانى كان حقته ياخد ديله فى سنانه ويجرى , بس أنا غير أى حد , قربت من بيت
دياب اللى مالوش باب !! ودخلت لجوه ,ببص قدامى لقيت دياب أختفى تانى من قدامى .
وحسيت بهوا سخن اوى فى قفايا , فببص ورايا لقيت عم دياب طويـــــــــــــــــل أوى لدرجه
أن راسه واصله سقف بيته , ووشه ممسوح !! فاضى مالوش مالمح !!!
قعدت أسقف وأنا بقوله :
حلوه أوى الحركه ياعم دياب ,عملتها أزاى والنبى !! , بص أنا كمان بعرف أعمل حاجات
سحر .
وروحت مطلع كوره حمرا من شنطتى وحطيتها على كف أيدى ونفخت فيها فأختفت , شويه
وطلعتها تانى من بوقى
فلقيته رجع لحجمه الطبيعى ووشه رجعت ليه المالمح وقالى :
أنت عبيط يله , المفروض تخاف وتجرى !!!
قولتله :
أنا غير أى حد أنا نفسى أتعلم السحر وكنت بتمنى القرعه ترمينى فى بيتك سنه , علشان
تعلمنى كل الحاجات الحلوه اللى بتعملها دى
فقالى بعصبيه :
غور يله من هنا مابعلمش حاجه !!
سيبته كأنى مسمعتش حاجه ودخلت قعدت على الكنبه اللى فى نص البيت وحطيت شنطتى
جمبى وفتحتها وطلعت هدومى وحاجتى وقولتله :
هتنيمنى فين ؟!! ,أقولك أنا هنام هنا على الكنبه أرتحتلها كده !!
لقيته جه ولم هدومى وحاجتى جوه شنطتى وأديهالى وهو بيزقنى وبيقولى :
يله ياااد من هنا ,, أمشى !!!
قولتله :
مينفعش أنت عارف القرعه وطول مانا فى ذمتك السنه دى ,محدش هيرضى يدخلنى بيته
,وأنت مايرضكش أنام فى الشارع برده ياعم دياب !!!
سكت شويه وقاللى :
بس أنا مش قاعد لوحدى
وبص حواليه فى الهوا !!
قولتله :
معاك جن وكده .. طيب كويس عرفنى عليهم .
فملى صدره بالهوا وطلعه بعصبيه وهوه بيقول :
بس قسما بربى لو فتحت باب األوضه دى …
وشاور على أوضته .
مش هيحصلك طيب , هسخطك قرد !! فاهم !!
فقولتله:
أيه ده هو أنت بتعرف تسخط بنى أدمين ياعم دياب !!!
خبط دراعه فى جناب فخاده وشد جلبيته وهو بيجز على سنانه , وكان هيقول حاجه بس خد
نفسه ودخل أوضته ورزع الباب بتاعه
مددت راسى على الكنبه وبصيت فى السقف وقعدت اتخيلنى وانا ساحر زى دياب .
صحيت تانى يوم الصبح على صوت باب أوضته وهو بيتفتح , ولقيته خارج وفى أيده سطل
ميه رايح يماله من البير .
قولتله وهو طالع :
صباح الخير ياعم دياب
ماردش عليا !!
نطيت من على الكنبه وجريت ووراه وأنا بقوله :
عنك ياعم دياب السطل أماله أنا .
مردش عليا برده , فضلت ماشى وراه وماسيبتوش ,وقولتله :
هتعلمنى السحر أمتى ياعم دياب ؟!!!
بصلى بقرف وماردش عليا برده , مسبتوش برده وفضلت ماشى وراه , وعلى كده كل يوم
أفضل أزن عليه .
هتعلمنى السحر أمتى ياعم دياب .. عمى دياب ..علمنى السحر … عمى دياب ..علمنى السحر
.
فضلت أزن على ودانه , وأنت عارف أن الزن على الودان أمر من السحر !!!
وفى يوم وهوه خارج يملى السطل زى كل يوم , عملت نفسى نايم ومطلعتش وراه , بصيت
بنص عينى لحد ماأتأكدت أنه مش من البيت , ونطيت من على الكنبه وروحت ناحية أوضته
ومسكت مقبض اآلوضه الحديد وفتحتها ,
االوضه من جوه مليانه كتب مترصصه على اآلرفف و فيه منها مرصوص على اآلرض ,
لفيت بعينى فى األوضه فلقيت صندوق خشب شكله غريب وشدنى كده فروحت ناحيته ,
فتحت الصندوق وأتسمرت مكانى من اللى شوفته جوه الصندوق !!!
الصندوق جواه سبحه كبيره وحجر أزرق غامق فى حجم الزلطه, وصورتين هما دول اللى
خلونى أتسمرت مكانى .
