طارق _ بس ابغى افهمها اشياء لازم تعرفها
ابو حاتم _ انا والله اني اتكلم معها ليل نهار بس البنت معنده
حاتم _ تعبانه نفسيتها تعبانه عطوها وقت
طارق ناظر الباب تمنى انه يكسره ويدخل عليها ويفهمها كل شي
ناظر عبدالله الشهال _ ابغاك بكلمه ممكن تدخلني البيت
ابو حاتم _ البيت بيتك يا طارق وزي ما قلتلي مره منت محتاج اذت عشان تدخل
طارق بجمود وجه _ ابغى اذنك عشان ادخل البيت بيتك وانت عارف انه باسم همايل
ابو حاتم _ حياك الله
حاتم عرف انهم ما يبونه معهم ركب السياره وراح وهم دخلوا
وكانت جلسه مصارحه
ابو حاتم ما كان راح يخسر شي لو قال الحقيقه وبالفعل قال الحقيقه
ان ابو طارق كان دوم يهدده وان ما كان بشكل مباشر انه يفضحه
طارق سئله ليه ما طرد ابيه
قاله الانه مع ابو طارق بالفلوس يقدر يخليه يسوي أي شي عشانه
طارق تالم من الصوره الاخيره اللي ارتسمت لابوه
ابو حاتم _ شوف يا طارق بعد ذا الكلام انا ما اقول لك اني ما غلطت الا غلطت والغلط راكبني من راسي لساسي بس والله وهو بعالي سماه اني تبت وان كانت توبتي متاخره انا خلاص اغلب وقتي في المسجد القريب هنا تعبت من ذي الدنيا كل هم الناس الفلوس والتباهي
طارق _ يعني انت مو السبب في موت ابوي
ابو حاتم _ انا السبب في سجن ابوك ما اكذب لكن موته السبب فيها رب العالمين وبعدين انا انقالي ان ابوك كان يشرب الدخان بنهم في السجن وان دكتور السجن انصحه يوقفه لكن ابوك كان يجيبه بطرق مشبوهه
طارق قام وهو منهد حيله ابو حاتم قام بسرعه ومسك يد طارق _ طالبك سامحني طالبك وناخيك
طارق ناظره _ مابه شي اسامحك عليه
ابو حاتم _ لا تخلي همايل عشان ما عاد به شي تنتقم عشانه تراها تحبك يا طارق
طارق _ ما راح اتركها وانا وش له هنا وش له دايم حارس باب بيتكم خلها تكلمني ابغى افهمها ابغى اعلمها اني غبي
ابو حاتم _ همايل مثل ما قال حاتم يبغالها وقت وترا يا طارق انا ما ابغى الا كل الخير لك ولهمايل واذا انت ما تبغاني وما تبغى تشوف وجهي يحقلك ولك مني لارجعت لك همايل ما اطلبها تزورني ابد بس كل اللي ابيه اشوف عيالكم لا جاو
طارق _ الحقد ما حصدت منه الا العنا لا يا عم يحقلك تشوف همايل وتشوف عيالها خلااص ما عاد ذا همي ..همي اللحين همايل بس همايل
هل بدأت اول وصيه للحقد تتجه لطريق الفشل
يبدوا ان اول وصيه كتبت امامكم هي ايضا اول وصيه سيكتب فشلها ايضا مره اخرى امامكم ……(….)……..!@##$%^&&**)))(
………………………………………….. …………
ان نخلق نحن بني آدم بجميع تلك التناقضات الي قد تقرب لعالم الخيال
لهو لشي غريب
ولكن ما الصعب ما الغريب على
خالق الجميع
قيل ان الحياه ادوار نتعاقب في تأديتها
امس
كنت الحاقد
اليوم
المحقود عليه
البطل الاول
توقيعي . ,,,وقعي الدائم في نبضات قلوبكم …
المخلص لكم
طارق
طـــــــــــــارق
الفصل الثامن والاربعون
……..
آنْآدينْيٍ .. اذَا صَآدفتَنْيْ ..
وَآركَضْ وَآجينْيْ ..
آلآقينْيٍ .. عَلىْ بآبَيْ ..
وآحَيينْيٍ .. آحَيينْي !!
وآسَألْ مِنْ زمَنٍ مآشَفتنْيٍ .. وَينْيٍ !!
ومَره مَآآلآقينْيٍ !!
آنْآ بسَمه .. هَوىْ آلدمعَه ..
عَلىْ آلمآَشَي !!
وَآنْآ آلبسَََمه .. وَآنْآ آلدَمعَه ..
وَآنْآ آلمآشَيْ ..
آنْآ كَلْ آتجَآهآتَيْ ..
توَدينْي عَلىْ ذَآتيْ ..
آنَآدينْيْ .. وآلآقينْيٍ معَايْ ..
سَآرحٍ فينْيٍ .. وَمَره مآآلآقينْيْ !!
مرَآيآ كَلهم حٌولي مَرآيَآ ..
آنْآ وَحٌديْ .. وهَـ آلعَآلم وَهَم !!
انْا آلمعَكوسْ فَي كَلْ آلزوايا ..
آناظر فينْيْ وَغيريْ عَدم !!
آنا آلواقفْ عَلى آلمَسرح آغَنينْيٍ ..
وَآنا كَل ْالجَماهير آليْ بالصَاله تحَيينْيٍ !!
وَمَرررَه مآآلآقينْيْ
هيوف
ناظرت سلطان اللي له عشر دقايق بلا صوت
هيوف _ ايش فيه يا سلطان
سلطان _ انا عارفه انك مو مخطوبه
هيوف _ من اللي قالك انا مخطوبه بولد عمي
سلطان بتاكيد غريب _ لا انتي مو مخطوبه العنود قالتلي بعدين انا عارف ان ولد عمك اصغر منك
هيوف سكتت واستغربت اشد الاستغراب من حركه العنود ليه تقول له
سلطان _ هيوف انتي واثقه فيني
هيوف _ جدا ولا ما كان عشت عندكم في البيت
سلطان _ تعرفين ليه انا ما نمت الايام اللي فاتت في البيت
هيوف _ لا ما اعرف ليه صارت مشكله انا السبب فيها ترا عادي بطلع اذا انا كنت المشكله لشي
سلطان سكت ناظرها ونزل نظراته بعدين رجع يناظرها _ انا ما راح اتزوج الجوهره
هيوف وكأن مويه بارده انصبت على راسها _ ها
سلطان _ اليوم راح ارجع واوضح لعمي
هيوف قاطعته _ انت مجنون اكيد فيه سبب يخليك تتهور وتسوي كذا انت انجنيت لو تعرف عمتي بتتعب اقول خل عقلك في راسك وبلا حركات الجنون اللي انت تسويها
سلطان قام وكأنه ناوي يفجر القنبله قدام وجهها مو جنبها
_ انا ابغاك انتي وما اظن امي بتزعل كثير لانها تحبك هيوف انا راح احميك راح اكون لك سند ما راح اتكلم كثير اللحين انا ابغى كل شي يكون رسمي بعد فسخ خطبتي من بنت عمي هيوف اتمنى انك ما ترفضين اتمنى
ناظرها يبغاها ترد بس الدموع اللي اشافها هي اللي ردت
كانت دموع خوف ويأس لكن سلطان شافها دموع فرحه
سلطان بثقه غبيه نوعا ما _ المشاعر مو وقت الكلام عنها اللحين لازم اروح عندي مشاغل لازم اخلصها قبل ما اسافر الليل
مشى بسرعه وكان فيه طاقه تحركه
هيوف تبكي تبغى تخرج كلمه وحده
بس كلمه وحده
لا
تبغى تقول
لا
بس ما قدرت
حاضنها سالم وهي تبكي وكأنها خايف عليها من الانفعال الزايد يهديها ويقرا علي اخته دانه
ام كامل ما تركت الضيف وما خلته يبعد قيد انمله من صدرها
كامل بتعب طفيف _ يمه فديتك ابغى اسلم على دانه
تركته وهي ودها تحضنه اكثر
قرب من اخته اللي تركها سالم
وحضنها بقوه وبكل علامات الاعتذار بكى بكى بكى _ دانه اسف وانا اخوك اسف عارف مالي وجه بس والله متحسف ومنقهر وتعبان دانه لوميني وعاتبني
دانه مسحت دموعها _ لا اللي صار قسمه ومقدر كامل (ورجعت تحضنه ) الحمدلله انك رجعت
سالم _ رجع مطوع
كامل _ الحياه ما فيها الا الهم ما فيها الاحقاد ….ممكن تتركوني مع دانه شوي
طلعوا وجلس يناظرها
دانه _ اذا بتتكلم عنه فلا تقول ولا كلمه بس اطلبه بعد ما اولد انه يحط الولد باسمه وما ابغى غير ذا الشي يكون بيني وبينه
كامل _ دانه انا عندي كلام غير ذا ابغى اقوله
دانه _ بس انا ما ابغى اسمعه …….. ما ابغى اسمع عنه أي شي يا كامل
كامل _ ما راح اتكلم اللحين ممكن انك ما تستوعبينه لكن راح اقوله يعني راح اقوله
دانه _ انا فرحانه انك رجعت
كامل _ ما راح ابقى كثير اسوبوعين وبسافر لمكه خلاص بعيش هناك مالي من البشر عازه
دانه _ وامي
كامل _ راح اشلهم كلهم معي هناك
دانه بغت تسئله من وين لك البيت اللي بتسكنا فيه بس خافت ان الجواب يوصلها له وهي ما تبغى تسمع سسريته
دانه _ المهم انك رجعت المهم انك رجعت
………………………………………….. ….
خافت انها تدخل البيت
خافت تشوفه
بس الغلط مو علي الغلط على العنود
ليه تقوله ؟
لازم اواجهها
دخلت ودقت باب العنود
فتحته لقت العنود على النت
هيوف _ ممكن اكلمك
العنود قفلت الاب _ ايوه
هيوف _ ليه تقولين لسلطان اني مو مخطوبه
العنود_ ها
هيوف _ انتي قلتي لسلطان اني مو مخطوبه
العنود _ بصراحه ايوه بس من غير قصد هو قعد يلعب معي بالكلام وخرج مني المعلومه غصب
هيوف _ تعرفين وش هو ييبغى اخوك
ام سلطان من ورا _ هيوف جيتي تعالي ابغاك
هيوف بخوف ناظرت وجه ام سلطان اللي شكلها معصبه مره
هيوف _ طيب
ناظرت العنود اللي كان الخوف باين عليها
>>>>>>>>>>>>>………………………………. …..
السر …….. السر ………
دخلتها لغرفتها
هيوف اول مره تشوف غرفه النوم لام سلطان
كانت غرفه فسيحه
فخمه
وفيها زاويه صغيره فيها كنبتين
ومرايه طويله
جنبها
ام سلطان طلبت من هيوف تجلس
هيوف جلست على مضض
ام سلطان _ جاني سلطان وقال كلام عن انه خطبك
هيوف سكتت ما ردت
ام سطان _ وش رديتي عليه
هيوف مره ثانيه التزمت الصمت خافت تقول اني رفضت تعصب عليها عمتها وخايفه تقول وافقت وحتى لو كان مستحيل وتعصب عليها بعد
ام سلطان _ انتي موافقه !!!
هيوف تنهدت _ ما اعرف وش اقول
ام سلطان بنهر _ قولي لا تفهمين قولي لا انا ما جبتك هنا عشان عشان
هيوف جلست تناظرها والصدمه شالتها
قامت وهي تبغى تطلع
ام سلطان _ وقفي يا هيوف فيه شي لازم تعرفينه
هيوف ناظرتها بغضب _ وش فيه بعد خليني اطلع
ام سلطان _ هيوف لازم تفهمين
هيوف _ افهم ايش ؟ افهم اني مفروض ما اوافق على سلطان عشاني ماني من مقامكم ايش ذا الكلام الفاضي
ام سلطان _ خليك واقفه ثواني
مشت بسرعه وخذت من على الطاوله صوره لسلطان وعطتها هيوف
هيوف مسكت الصوره وما ناظرتها _ ايش تقصدين اخذها للذكرى مثلا
ام سلطان _ هيوف اصلا كيف وصلنا لذي المرحله انا ظنيت سري بينصان مع الزمن لكن الزمن غدربي
هيوف جلست تناظر صوره سلطان وكان فيه تفسير لكلام امه الغير مفهوم
هيوف بخوف _ وش تتقصدين
ام سلطان _ هيوف ناظري المرايه ناظريها
هيوف ناظرت المرايه بسرعه وكان فيها الحل
بس ما شافت الا نفسها
ام سطان _ ناظري صوره سلطان بعد يا هيوف
هيوف ناظرت ام سلطان بسرعه ولقت دموعها تلمع
هيوف هزت راسها وقالت بصوت مخنوق _ لا ما راح اناظر انتي وش تبين لا لا (وبدى صوتها يرتفع ) لا ما راح اناظر فهمتي تبين تذبحيني
ام سلطان _ هيوف افهمي تكفين
هيوف وكان جسمها ما عاد يتحمل روحها طاحت وبدت تناظر صوره سلطان
بدت تصارخ بصوت واطي مقهور كله الم _ امممممممممممممممم
وكان السكين تعصر قلبها كانت تون
ام سلطان _ هيوف خليه سر تكفين
هيوف قامت وبدت تهز ام سلطان _ انتي كذابه انتي كذابه
ام سطان حاولت تحضنها لكن هيوف بعدت منها _ بعدي مني يعني يعني سلطان…………. اخوي كيف انتي ما تحسين كيف ما قلتي كيف خليتيني على عماي انتي السبب في كل اللي صار لي انتي مو عارفه ايش صار لو عارفه ان عندي اخ كان حماني كان دافع عني الله لا يسامحك الله لا يسامحك
ام سلطان كانت مفجوعه من هيوف _ هيوف انا مجبوره والله مجبوره
جلست هيوف تسمع كلام ام سلطان
القصه ………… القصه
لو مليون قصه بتنحكى ما يخفي ان عندها اخ
وانه قريب منها
وانه لو كان موجود هذاك الوقت اللي كل شي فيه راح
كانت شي ثاني
كانت انثى كامله
سمعت اعتذارات تنقال على لسان ام سلطان لكن هيوف طلعت من الغرفه زي التمثال
وطلعت من البيت
ما راح ترجع لهذاك البيت
وما خذت شي منه
لكن هذاك البيت اخذ منها كل شي
اخذ منها ما بقى فيها من …………………ما تعرف ايش
لكن الزمن زودها
الحزن
زودها بعد
كل شي …….. زاد عن حده
………………………………………….. ……
لم تفشل وصيه حقدي لم تفشل
بل اصبحت اقوى
لقد تألمت
وما زلت أتالم
ولا يبدوا ان هناك شي يريد التخفيف علي
البطله ….. الحقوده
توقيعي … مشاعركم المتناقضه الموجه لي
مخلصه لي …فأنا لا اعرفكم
هيوف
هيوف
………………………………………….. …………
وصيه الحقد(ذكريات مسروقه 2)###
الفصل التاسع والاربعون
فصل
التوضيحات
لم يكن لهذا الفصل اسم
ولكن لقد وعدتكم واخذت هذا الوعد قسم
لما بطلتنا اخت ذاك ..وكيف انه ليس معروف
ولما تلك اخفت السر اهو اتفاق ام هو الخوف
هناك في ازقه الزمن الماضي حدث جرى
تقصه سطور لندخل في معانيها ونرى
………………………………………….. …………
_ ابتعد عني لا اريد الاستماع الى موسيقاك الغبيه
لكنه ما زال يعزف بالهارمونيك التي يملكها معزوفه مضحكه قليلا
طفل صغير يركض لها ويعطيها ورده حمراء يتميه
طويله الغصن جميله الالتفاف
>>>>>>>>>>>
الطفل الصغير نفسه
قعد يرقص رقص غبي
هي تعرف ان مثل هذولا الاطفال منتشرين في هاذي المناطق الترفيهيه بس ليه جاها
وش قاعد يسوي قدامي
نط قدامها فخافت
بس بدون شعور ضحكت
ضحكت
وما وقفت ضحك
رغم ان الضحك يمتزج بدموع الم
لكن وش اللي صاير …..
الطفل جلس يضحكها وهي دون مانع لديها اخذت بالضحك الهستيري واضحه معالم الحزن داخله
تركها الطفل بعد ما عطاها حلاوه من جيبه شكلها مضحك
العازف تركها بعد ما عطاها منديل ابيض قال لها ان السبب في هديته انها تشبهه لكنها تلوث نقاء روحا بالنظر لهذا العالم
جلست تناظر المكان الهادي
فيه بحيره جميله هنا
ما فيها دموع خلاص تحس نفسها ما تبغى تبكي
ناظرت حولها
ليه ناظرت حولها ؟
لان قلبها دق
لانها حست احد يناظرها
ونظراته غير
او ممكن استقبالها لنظراته غير
جلست تناظره تعلقت نظراتها به
ما قدرت تبعدها عنها
جلس جنبها بهدوء
ما زالت تناظره ودها تشكيله
ما تعرف ليه ذا الشعور جاها بس حست انها اذا بتشكي لاحد بتشكي له هو
عاصي ::: ممكن تركزين معي شوي
هيوف _ ها
عاصي _ انا مستعد اعطي سلطان ورثه
هيوف انتظرت تبغى تستوعب _ وش علاقتك بورث سلطان
عاصي _ انا اللي موكليتي عمامي اني احاول القى ثغرات في البيع والشرا ولقيتها بس مستعد اقول اني ما لقيت شي واعطي سلطان ورثه بدون مشاكل
هيوف باستغراب _ كويس
عاصي بدون مشاعر _ كل هذا بيصير اذا وافقتي على شرطي
هيوف _ وش هو
عاصي _ تزوجيني
ناظرته وبدون ما اقول الصدمه كانت راسمه لها عالم وكون في وجهها
هيوف _ ايش قاعد تقول
عاصي _ عارف ان طلبين للزواج في يوم واحد شي اكبر من انك تستوعبينه
هيوف _ وش عرفك بالاول
عاصي بثقه _ عارف اشياء اكثر من كذا
هيوف _ وش اللي مخليك متاكد اني راح اوافق على عرضك واترك العرض الاول
عاصي ناظرها وفي وجهه ابتسامه …..تنبض بالفطنه
هيوف _ ما راح اوافق اذا عشان سلطان ومصلحته فاختصرها على نفسي واوفق عليه
عاصي ضحك ضحكه قصيره ممتعه للسمع _ اممم طيب انا عندي سبب ثاني يخليك توافقين علي وتعرفين السبب اللي عشانه ما تقدرين توافقين على عرض سلطان
هيوف ناظرته بسرعه
عاصي ناظرها بجديه _ السر بيبقى سر اذا وافقتي
هيوف بخوف وبصوت واطي _ أي سر
عاصي و كأنه يكلم نفسه _ من المطار وانا عارف ان السالفه مو معقوله بس تكون تشابهه كبير في الملامح بس مع ذلك كل اللي سويته اني سويت بحث بسيط في تاريخ العايله وفي تاريخ عمتي حصه بالذات
هيوف _ وش قاعد تقول
عاصي _ هيوف انا قاعد اقولك انه راح يبقى سر اذا وافقتي
هيوف_ ليه تبغى تتزوجني
عاصي _ امور خاصه فيني
هيوف _ تنتقم من سلطان صح !!
عاصي ما رد
بس بعد دقايق _ لا ترجعين لبيتهم راح نسافر بكره عشان اطلبك من عمك بشكل رسمي وزواجنا راح يكون قبل زواجهم
هيوف _ كيف يعني ما بقى شي على زواجهم هلك ما عرفوا انت وش قاعد تقول
عاصي _ هلي عارفين بالموضوع وكل شي جاهز باقي العروس وانتي راح يساعدونك خواتي لما نوصل لدبي بعد ما نملك في الرياض
هيوف _ انت مرتب كل شي ؟؟ من متى وانت ناوي تسوي كذا
عاصي _ هاذي معلومات يا هيوف ما اظن وقت البوح بها هذا وقته
هيوف _ بس انا ما ابغى اتزوج يا عاصي
ناظرها _ ليه ؟
هيوف بخوف كيف تجيب عذر مقنع _ ما احبك
جلس يناظرها _ الزواج اللي بينا المشاعر فيه غير مطلوبه ..والزواج الناجح ما يعتمد على حبي لك او حبك لي او حتى كرهنا لبعض
هيوف والغضب يستبد بها _ راح تندم
عاصي _ ما اندم على شي مخطط له كويس
هيوف _ لازم يكون فيه فجوه وسط خطتك
عاصي قام _ تأكدي ما راح تكونين انتي السبب في اكتشافي لها
طلع مفتاح من جيبه _ روحي للعنوان المكتوب على علاقه المفتاح نامي هناك راح اخذك بكره الساعه تسعه الصباح لا تخافين فيه خدامتين في نفس البيت
هيوف _ كيف اثق فيك
عاصي _ ما اظنك راح ترجعين لبيت عمتي شفت حالتك لما خرجتي ما اعرف وش صار ولاول مره ما يكون عندي فضول اعرف لكن بيت زوجك افضل لك صح !!
زوجك الكلمه لها وقع جميل
والزوج نفسه يثير في نفسها احساس جميل
لكن كل شي عداهما يثيران الحزن كالعاده
هيوف _ بس ابغى اروح لها ابغى افهم القصه فيها نقطات غير واضحه ابغى افهم (دمعت عينها )
جلس قربها
عاصي _ لا تروحين انا عارف اشياء ممكن تفيدك
هيوف بسخريه مره _ كيف عرفت ابغى افهم مو كل هذا من بحثك الصغير
عاصي بتعاطف لاول مره يطلع من صوته _ انا واجهت عمتي من قبل
هيوف ناظرته وبصوت باكي _ كيف قدرت هاذي الانسانه تسوي فيني كذا تخليني اعيش قرب اخوي وما تقولي
عاصي _ هي ظنت انها تكفر عن ذنوبها تصدقين انها هي اللي سهلت عليك بعثتك
هيوف _ تكذب عم صديقتي هو اللي سوالي كل شي
عاصي _ ما اعرف لكن في هذا الظرف فكري في كل شي
هيوف _ طيب كيف عرفت اصلا اني ابغى اسافر
عاصي_ شغلت امك وخالتك عندها عشان هذا السبب عشان تعرف اخباركم كلها اول باول
هيوف _ الحقيره مخليه امي خدامه عندها مو كافيها ان امي عاشت مغفله طول عمرها
عاصي _ عموما اظن خالتك هي اللي قالت لها وهي دبرت امر المطار والسفره وامر لقائك مع سلطان في المطار وكل شي
هيوف _ اكرهها ابغى اموتها
عاصي _ لا تعطينها اكبر من حجمها انتي الحين في موقف قوه السر بيدك
عاصي رجع يقوم _ والموقف بيدك انتي بعد خلي اتفاقنا يمشي
هيوف _ ابغى ابعد عن عايله العاصي تكفى لا تقربني منهم
عاصي قعد يناظرها بعدين جاوب بصوره طبيعيه _ ما راح اغير موقفي اللي عندي قلته
مشى
قالت بصوت عالي عشان يسمعه _ اكرهك
عاصي _ تكرهين الكل يا هيوف ولا تكرهين نفسك
وكمل باقي خطواته بثقه
راح عاصي
ورجعت بذكراها لكلام ام سلطان
ابوي كان يشتغل عند ابوها
حبته صدق ان الحب ما يجيب الا المشاكل
ابو حصه رفض
البنت عنيده هربت مع ابو هيوف غصب و حملت
لقوها ابو هيوف انضرب وتمرمط
وحصه تزووجت بحمد العاصي ولد عمها الارمل والد العنود
سلطان ولد غير شرعي
ابو هيوف عرف
لكن قرر السكوت لان ولده راح يعيش حياه سعيده
هيوف السبب في تسميتها
هي نفسها حصه
عرفت هيوف ليه اسمها نادر في بيئتها
عشانه اسم مختار من قبل شيخه
وموزه كذلك
سخريه للقدر
مسكينه امها كيف عاشت مع واحد حتى اسماء بناتها ما عطاها الحق في تسميتهم
ممكن يكون هذا سبب في اللي صار لها
تبغى تكون سبب لمعاناه نساء اخريات
لكن والاهم
ان عندي اخ
والاهم اني
اني عارفه اني ما راح اكون سبب في تدمير حياته
واقوله انك من عايله متواضعه
ومن عايله وضيعه وان عمك اغتصب اختك وان مرت ابوك كانت كل يوم في حضن واحد
وان وان وان
والشرح يطول عن العايله
الغير كريمه
اخوي هناك باسم الغير
افضل من انه يكون هنا وهو باسم بدون هويه
ركبت التاكسي
وناظرت للمرايه
ولقت سياره عاصي تتحرك يعني كان ينتظرها تروح
خايف على زوجته ……..مثلا
………………………………………….. …………………
رماها
ناظر حوله
ناظر البيت القريب منهم
وتذكر ذيك الايام
وذكرها بالخير رغم انه ما توالف معها
دخل سيارته
ولقى اتصال من عمار
فارس وهو يسوق السياره عشان يطلع من الحاره
::: الو
عمار ::: الو فارس وينك
فارس _ في الشارع
عمار _ أي شارع
فارس _ وش سالفتك انت وش فيك
عمار _ مافيني شي بس بغيت اشوفك قلت مع ذي الاجواء الزينه ليه ما نطلع بر
فارس _ ما عندي مانع
عمار _ فارس وينك انت
فارس _ لا حول ولا قوه انا في شارع المطاعم خلاص ارتحت
عمار بحزن غريب _ ايوه فهمت يله مع السلامه
قفل جواله وجلس يناظر سياره فارس اللي تطلع من الحاره
وش كنت تسوي هنا يا فارس
والورقه وش كتبت فيها
وليه ما قلتلي الحقيقه
وليه انا بنفسي هنا
ركب سيارته المركونه في مكان بعيد ومشى بسرعه
يحتاج انه يهرب بها من اللي هو فيه
يتبع ,,,,
