رواية يكفي ان يحبك قلبها الحلقه الثالثه

رواية يكفي ان يحبك قلبها
الحلقة(٣)

ريم بتلف لقيت عمر واقف قدامها….. هو نفس الشخص اللي قابلت الصبح… اول ما شافته انصدمت…. وهو كمان انصدم وفضل يبص عليها…. وهو ساكت
امل اول ما شافت ميرنا…. اضايقت فابرغم انها بنت اخوها …. بس هي شايفه انها مش مناسبه لعمر….. وعارفه نية اخوها من جوز عمر من بنته

ميرنا بدلع : هاااي

امل بصوة واطي يسمعوها مديحه وفاطمة
امل بغيظ : الصبر من عندك يارب ما كنا قاعدين ومبسوطين

مديحه بهدوء : معلش يا امل قومي سلامي عليها

ميرنا بابتسامه مصطنعة وتروح لعند امل : ازيك يا انطي

امل بغيظ وهي بتبص على لبسها : الحمد الله ازيك انتي يا ميرنا

ميرنا وهي بتبص علي ريم من فوق لتحت : fine

امل بضيق : طيب

عمر كان وقف مكانه زاي ما هو ويبص لريم…. وبيكلم نفسه

عمر لنفسه : ايه الصدفة الغريبة دي…..يعني اشوفها الصبح وتلفت ناظري…. وافضل افكر فيها طول اليوم…. واول ما أبدا انسها القيها قدمي تاني

امل باستغراب : انت واقف كده ليه يا عمر ادخل سلم على مرات عمك عبد الرحمن
انتبه عمر اللي نفسه وابتسم وقرب منهم

امل بابتسامه : دي عمتك فاطمه مرات عمك عبد الرحمن الله يرحمه
عمر يسلم بابتسامه : اهلا يا طنط نورت بيتكم
فاطمه بابتسامه : منور بيكم يا حبيبي

امل بتشاور علي ريم بابتسامه : ودي ريم بنت عمك

عمر يروح ويقف قدم ريم ويبتسم : ازيك يا ريم

ريم بكسوف : الحمد الله بخير
عمر يقرب منها اكتر وهو بصص لعينها : نورتي البيت يا بنت عمي
ريم بخجل من نظراته :منور بيكم.. متشكرا

( يفضل عمر واقف قدامها..سرحان في عنيها مبتسم اولا ملاحظ كسوفها من نظراته….بعد عينه عنها بس لفت نظره ان ساندي وقفه جنبها ومسكه ايدها…. وحطه ايدها التانيه في بؤها…. وسكته)
عمر بيبص لساندي باستغراب : مش هتسلمي علي بابي يا ساندي (ساندي تروح لعندوا…… فشلها وباسها من خدها)

ريم بتبص عليهم وبتكلم نفسها : دا طلع عمر وساندي طلعت بنته (وتنظر إلى ميرنا باستغراب)معقوله دي مراته

ميرنا تاخد بالها من نظارات عمر لريم….وان نظرت اليها نظره اعجاب فاتقرب منه وتمسك يده….. فينتبه ليها ويلفت ويبص عليها وهو شايل ساندي

ميرنا بترسم ابتسامه واهتمام بساندي : ازيك يا ساندي هاتي بوسه

تبعد ساندي عنها بسرعه و تخبي وشها في حضن عمر.. وترفض انها تسلم عليها وتعيط

ريم استغربت تصرف ساندي وانها رفضت ان ميرنا تقرب منها… وحست انها مش معقول تكون مامتها…وبقيت مش فاهمه حاجه

عمر : سلامي علي طنط ….ميرنا يا ساندي

ساندي رفضت تسمع كلام عمر وراحت نازله من على ايد بسرعه وجريت على امل تستخبي وراها

ميرنا بغيظ تحاول تداريه: سيبها على راحتها يا حبيبي هي لسه شويه عليا.. بكره لما نعيش سوا هتاخد عليه و تحبني ومش هتقدر تبعد عني ابدا

يستغرب عمر تصرف ساندي وانها بقالها شهور رفضه تتعامل مع ميرنا او حتى تخليها تقرب منها..وبص على ريم.. واستغرب انهم مرفضت ريم وانه لما دخل لقاها قاعده في حضنها بتضحك وتهزر معاها… ميرنا هات ببنها من نظراته لريم فقربت من ريم واقفت قدامها.. علشان انت من عمر يبص عليها

ميرنا تمد ايديها و بتبص على ريم بتكبر : هاي انا ميرنا… خطيبة عمر و بنت خاله و كلها كام شهر ممكن مراته ودي يبقى بيتي

ريم باستغراب من كلامها : اهلا وسهلا …انا ريم … بنت عم تقي وهاجر

تقعد ميرنا بعدم اهتمام: اممممم…. سمعت عنكم من عمر وانا جيه في الطريق(تقعد وتحط رجل على رجل فتبان رجليها كلها لدرجه ان لبسها اللي تحت الفستان ظهر ..فهي لابسه فستان قصير جدا )

امل تبص ليها بغضب و تبص لعمر : عمر تعال عاوزك جوه ( وتبص لساندي اللي مستخبيه ورها ) روحي يا ساندي العبي مع هاجر

يروح عمر مع امل…. وكل يرجع يقعد مكانه باستغراب… فميرنا قاعده من غير ما تسلم على حد وتجاهلت الكل وطلعت تليفونها و فضلت تتكلم مع حد شات وتبتسم

تبص ريم لتقي باستغراب : انا مش فهمه حاجه

تقي بغيظ وهي بتبص على ميرنا: هفهمك كمان شويه كل حاجه.. بس لما المصيبة دي تمشي من هنا
عند امل وعمر في اوضة
امل بغضب : ممكن اعرف ايه جاب ميرنا دلوقتي…… انت مش عارف ان دا عشا خاص بالعيلة ….
عمر بضيق: ما ميرنا من العيلة يا ماما…. دي بنت اخوكي وكلها شهرين وهتبقي مراتي
امل تغمض عنيه بغيظ وتقفل كف ايدها… وبتحاول تهدي نفسها
امل بغضب بتحاول تدريه: طيب يا عمر …..بس علي الاقل وانت جي بيها…… كنت تخليها تلبس حاجه محترمه…..عشان حتي تعرف تقعد بيها قدم الناس….. لكن ايه المنظر اللي جايه بيه دا….. تقدر تقولي….. هتقعد ازي قدم عمك واخوك…. وكل جسمها باين بشكل دا

عمر بضيق …..هو لسه متخانق مع ميرنا في العربية… بسبب لبسها …..بس هي ماسمعتش كلامه

عمر بضيق : عادي يا ماما… ما عمي وعمر كانوا بيشوف الستات في كندا……وهم بيلبسوا كده واكتر

امل بتريقه: وانت بقي بقيت من كندا خلاص…… وبتسمح لمراتك تلبس… كده عادي ما انت معك الجنسية

عمر بضيق : ماما تحبي اخدها وامشي

امل بصتله بضيق وغضب ….ومشيت وسابته من غير ما ترد عليه …وخرجت من الاوضه و هو خرج ورها…. لقي ميرنا قعده بتلعب في التلفون وتضحك…. وفعلا جسمها كله كان باين….. وخصوصا انها حطه رجل علي رجل…. فرح مقرب منها وبصوة وطي

عمر بغضب: ميرنا قعدي عدل…. ونزله رجلك …..وداري نفسك شويه…. عمي هيجي دلوقتي هو وشريف…….. يشفوكي ازاي كده

ميرنا بغيظ وصوة عالي : اووووف بقي…. مش كفاية جبتيني هنا…….. ومقعدين مع ناس غريبه…… بدل ما تأخذني تفسحني….

عمر بضيق : ميرنا وطي صوتك…. وتكلمي عدل ….وبعدين دول اهلي اللي بتكلمي عليهم……. وانا فهمتك كل حاجه

ميرنا بغضب : وانا مش فهمه…. يعني ايه هيعيشو هنا معكم… هو مش كفاية عمتك وجوزها القاعدين معاكم….. رايحين كمان يجيبوا قريبهم….. هم فاكرين هنا ملجأ واللي ايه
عمر بغضب : قولتلك مليون مره عم عبد الحميد… ليه في البيت دا اكتر مننا …..هو اللي بناه مع بابا بفلوسه وفلوس اخوه …..ودول ولاد اخوه

ميرنا بغيظ : ok …ok خالص حافظت

عمر ينفخ بضيق….. و يرفع عينه ويبص علي ريم……. يلقيها قعده بتلعب مع هاجر وتقي وتضحك بهدوء وبدون صوة …. وساندي قعده علي رجلها وبتلاعب معهم ومبسوطة…..

شريف دخل وينهج : لا بجد ممتاز…. هايل يا حسن تستحق تكون نجم….
عبد الحميد وهو بيضم حسن : طالع لابوك الله يرحمه…. هو كمان كان بيلعب كوره حلو اوي
حسن بفخر : مش قولتلكم….. دا انا لقته سامعه يا ريم
ريم تبتسم ليه بحنان: مبروك يا نجم

عبد الحميد بابتسامه: عمر انت جيت امتي يابني
عمر بابتسامه يقرب عليه : من شويه يا عمي
عبد الحميد وهو بيحط ايده علي كتف حسن : دا حسن ابن اخويه
عمر بتسامه : ازيك يا حسن واضح انك بتلعب حلو ( ويبص علي شريف…. الوقع علي الكنبة… بياخد نفسه ويضحك ) دا انت بهدلة شريف
حسن بضحك : اصله تحداني اجيب 3 اجوان فيه…. فجيبت 6 غير اللي ضاع
وفضله قاعدين يتكلموا كلهم و يضحكه وكان جو جميل ( معاد ميرنا طبعا اللي مسكه تلفونها ومش معبرة حد)
مديحه بابتسامه: العشا جهز اتفضلوا
ويقومه كلهم علي السفرة….. وريم تقعد في النص بين هاجر وتقي
عمر يبص يلقي ساندي وقفه بغضب بعيد وهي زعلانه
عمر : تعال يا ساندي وقفه ليه تعالي يا حبيبتي

ساندي مرديتش تتحرك و مضايقه ……..لان ميرنا قعدت مكانها جمب عمر ….

امل حست بيها : تعالي يا ساندي………. اقعدي جمبي انا عشان أكلك
بس قبل ما ترد كانت ريم و مسكت ايدها

ريم بابتسامه: هي هتعقد معايا انا صح يا زادني

ساندي تضحك اوي عشان ريم …. قالت اسمها زي ما هي بتقوله ….وتروح مع ريم

امل بابتسامه : بس انتي كده مش هتعرفي تأكلي منها يا ريم
ريم بهدوء : لا هعرف اكل يا طنط متقلقيش

فاطمه بابتسامه : ريم اصلها بتحب الاطفال اوي …… دا حسن وهو صغير كانت دايما تقعده زي ساندي كده و هي اللي تأكله…….ودلوقتي كل ولاد الجيران بيحبها جدا … وليله الامتحان الكل بيجري عليها و بتعقد تذاكر ليهم كلهم

مديحه : بسم الله ما شاء الله….. وهو مين ميحبش ريم دي بتدخل القلب من اول نظره
ريم بكسوف : ربنا يخليكي يا طنط

عبد الحميد بابتسامه: يلا ناكل بقي انا نفسي مفتوحه اوي النهارده ….وانا شايفكم كلكم متجمعين حاوليا زي ما كنت دايما بحلم
فاطمه : ربنا يديك الصحة يا عبد الحميد…. ونتجمع في حسك وخيرك دايما

ويبدأه الاكل… وعمر عنيه علي ريم…. اللي قعده بتكلم ساندي و بتأكل وتضحك مع هاجر وتقي…. وميرنا تاخد بالها من نظراته فتضايق وتتغظ جدا

ميرنا بغيظ وضيق: ريم ياريت تسيبي ساندي تعقد و تأكل لوحدها …. هي المفروض تتعود تعتمد علي نفسها …. طريقتك دي غلط في تربية الاطفال….. وبطريقه دي ساندي هتبقي مدلعه ومعتمده علي اللي حاوليها

ريم باستغراب : غلط ! هو ايه اللي غلط دي طفله ومحتاجه اهتمام وحنان …… وطبيعي انها تعتمد علي اللي حاوليها في سن دا
امل بضيق تبص لميرنا ولعمر : معلش يا ريم اصل ميرنا…. ملهاش في الاهتمام واللي الحنان …. واللي حتي بتعرف في تربيه الاطفال
ميرنا بضيق تبص لأمل : بكرا لما اجي اعيش مع ساندي….. هتعلم يا طنط…….( وتبص لعمر) واللي انت ايه رائيك يا حبيبي
عمر سرحان وبيبص علي ريم …….. ومش مركز في الكلام….. هو كان مستغرب ان ساندي اخدت علي ريم بسرعه وبتأكل من ايدها …..

ميرنا بغضب : عمر انا سرحان في ايه

عمر بانتباه والكل بيبص عليه : هااااا….. لا اصلي مستغرب ان ساندي راضية تعقد وتأكل من ايد ريم…. وهي اول مره تشوفها …..( و يبص لريم ويبتسم ) اصل ساندي مابترحش لحد
امل تبص لريم بابتسامه وترجع تبص لميرنا : اصل الاطفال بيعرفوا يفرقوا بين الحب الحقيقي والاهتمام…… وبين المشاعر الكدابه اللي بتخدع

ميرنا بغيظ تبص للأكل وتسكت وهي غضبانه جدا

وبعد العشا خرجوا الكل الجنينة يشربه الشاي…. وكانت الساعة قربت من 9
ريم وهي بتوقف : مش يلا احنا بقي يا ماما
عبد الحميد بضيق : يلا علي فين يا ريم…. احنا مش قولنا ان انتم هتقعدوا معنا هنا
ريم بكسوف: معلش يا عمي احنا النهارده…. مش عملين حسابنا
مديحه بابتسامه : ما انتي اللي رفضتي تجيبوا لبسكم معكم…. بس ملحقوه و بسيطة وكل حاجه موجوده هنا ( وتبص لفاطمة وتضحك) وانا وفاطمة طول عمرنا بنلبس مع بعض…. هو انا اي نعم تخننت عنها…. بس عندي حاجات لسه متلبستش…. جيبها علي امل اني اخس

عبد الحميد بضحك: احنا عيشين علي الامل دا بقلنا سنين
الكل يضحك
عبدالحميد : خلاص يا ريم اقعدي……. انتم هتباتوا هنا

ريم بابتسامه : معلش يا عمي مش هينفع….. انا اصلي عندي شغل دلوقتي …. ولازم اروح….. و كمان الدوا بتع ماما مش معنا… وهي لازم تأخذه الصبح بدري

حسن : بسيطة انتي روحي الشغل…… و هاتي الدواء من الصيدلية معاكي وانتي راجعه

عمر بضيق :هو ما فيش داعي اصلا تروح الشغل المتأخر دا ….و لو علي الدوا انا هجيبه
( ميرنا تخبط ايد عمر بضيق…. بس هو يبرق ليها فتسكت وهي متغاظه )

عبد الحميد : فعلا عمر عنده حق….. خلاص يا ريم شغل بليل متأخر ملوش لازوم

ريم بابتسامه :حتى لو هسيبه الشغل يا عمي…. لازم اديهم خبر الاول….. عشان يجيبه حد مكاني …. ماينفعش امشي مره واحده كده وسيبهم

عبد الحميد بابتسامه : عندك حق…. خلاص السواق موجود بره ……هو يوصلك لشغل…. و انتي عرفيه ميعاد خروجك منه عشان يبقي يرجع يجيبك….( ويبصلها ويضحك) و برده هتباتو معنا هنا
ريم بكسوف : لا يا عمي ملوش لازوم السواق…. انا هاخد تاكسي

امل : تاكسي بليل كده و لوحدك …. ماينفعش يا حبيتي وبعدين ما العربية وقفه بره اهو

ريم بابتسامه : اصل يا طنط ما ينفعش اروح الشغل…. وانزل قدمهم من عربيه ملاكي…..ممكن يفهوا غلط…… وانا مش هعقد اشرح ليهم

عبد الحميد بابتسامه : عندك حق يا ريم…. ربنا يكملك بعقلك يا بنتي…. ويبعد عنك كلام الناس
شريف : طيب ايه رائيك…..انا هوصلك انا وحسن بعربيتي…. وحسن يبقي ينزل معاكي الصيدلية و يأخذ الدوا……و بعدين هاخدوا اعزمه علي حاجه بمناسبه هزمتي في الكورة…. علي ما تخلصي شغل ونرجع نأخذك

تقي بفرحه: وانا هاجي معاكم. … اكل ايس كريم واشتري حاجه انا كمان من المول
هاجر بفرحه : وانا وانا ررروح عكم
تقي بهدوء : لا ياجوجو خليكي انتي عشان تنامي شويه علي ما نرجع….. وانا هجيبلك ايس كريم وانا جيه وأصحيك تسهر معنا انا وريم
هاجر بفرحه : طب هاتي……. كريم شكولا

فاطمه بابتسامه : خلاص يا ريم متزعليش عمك…. روح شغلك وهم هيتمشوا ويشتروا حاجتهم علي ما تخلصي….. وترجعوا سووا كلكم …. واهو بكرا الجمعة اجازه وحسن ماعندوش مدرسه
ريم تبتسم ليهم وتوافق…. ويخرجه كلهم قدم عمر ….لا حس انه بضايق انها غابت عن عينه

وبعد شويه يطلع عبد الحميد هو وهاجر ينامو ……وعمر يأخذ ساندي عشان يحطها في سريرها بعد ما نمت علي رجل امل

وتفضل امل وفاطمة ومديحه…… قاعدين مع ميرنا لا مسكه التلفون ومش مهتمة بحد …

امل بضيق : ازي عفاف يا ميرنا…. بقالي كتير مشفتهاش
ميرنا ترفع راسهم من التلفون : كويسه يا انطي….. هي مسافره لندن بتعمل شوبنج
امل بستغرب: هي مش لسه رجعه من شهر من باريس……. هي علي طول مسافره كده وسيبكم
ميرنا بعدم اهتمام وتبص لتلفون : مامي سيدة مجتمع يا انطي….. ولازم تاخد بالهم من نفسها ومن شيكاتها…. وعشان كده طول الوقت بتسافر

امل في سرها  سيده مجتمع الله يرحم ابوها )

امل بضيق: وابوكي عمل ايه…. هنا ولا مسافر هو كمان

ميرنا : مش عارفه بس تقريبا هنا…. ماسمعتش انه سافر
امل باستغراب: متعرفيش ابوكي هنا……. واللي مسافر ليه ماتتقابلش
ميرنا تنفخ بضيق من اسالتها: هو بينزل الصبح وانا بكون نايمه …..ويرجع بليل وانا بكون بره

امل تبص لمديحه وفاطمة وهطق من الغيظ

امل بغضب : لا ونعمه التربية…. واختك مايا هنا ولا مع عفاف
ميرنا بغيظ : هنا
امل : ومين بياخد باله منها بقي

ميرنا تضحك اوي وتريقه : يأخذ باله منها ليه هي بيبي….. دي 13 سنه يا انطي….. وتعرف تاخد بالها من نفسها…… وبعدين هي طول الوقت مع اصحابه بره البيت

امل تقوم تقف بغيظ : انا هروح اشوف عمر …. وخليه يجي عشان يوصلك بيتكم (وبصوة واطي مسمعش غير فاطمه ومديحه ) بدل ما مرارتي خالص هتتفقع

ميرنا : لااااااا يا انطي خليه مرتاح….. انجي صحبتي هتفوت عليه هنا كمان شويه….. عشان خارجين نسهر
فاطمه كانت قعده مستغربه اللي بتسمعه من ميرنا وطبيعة حياتهم
مديحه باستغراب: تخرجوا تسهروا دلوقتي

ميرنا : ايوه هو لسه بدري الساعة لسه 12…… بس علي ما نتجمع سووا ونشوف نسهر فين النهارده

امل بنرفزة : بدري ايه الساعة 12في بنت ناس محترمه تخرج لوحدها الساعة 12

ميرنا بضيق وغضب : كل ولاد الناس ما بيخرجوا غير في الوقت دا…. ايامنا غير ايامكم يا انطي….. وخرجنا بيدا من دلوقتي …. واللي انتي عاوزنا ننام زي الفراخ من الساعة 12
فاطمه ومديحه يكتموا ضحكتهم

مديحه لفاطمة بصوة واطي : الفرخ بتنام دلوقتي الساعة 12 …..ايامنا كانت بتنام 5 المغرب…. شوفتي التطور وصل للفراخ

ميرنا تسمع صوة كلاكس عربيه : انجي جيت يلا باي يا انطي
وتقوم تمشي
امل بغيظ : يارب صبرني
مديحه بضحك : معلش يا امل بكرا ربنا يهديه…. ويبطل عيند ويفوق لنفسه
امل تتنهد : يارب يا مديحه يارب….. معلش يا فاطمه انتي مش غريبه…. بس اديكي شوفتي وسمعتي…. الهانم ال ابني عاوز يتجوزها
فاطمه : ربنا يهديها….. بس عمر مش باين عليه انه زيها كده

امل بحزن : ولا زيها واللي يشبها…. بس مفكر انه بيعاند فينا ….وهو بيعاند نفسه
فاطمه بستغرب: ويعاندكم ليه

امل وهي بتقوم : واحكيلها يا مديحه….. علي لما اطلع أشوف بيعمل ايه

وطلعت امل عشان تشوف عمر وهي مضايقه
فاطمه : انا مش فهمه حاجه…… وشكل امل مش موافقه علي جوزات عمر…. من بنت اخوها
مديحه : دي مش طيقها….. ومش هي لوحدها كلنا مش موافقين…… بس مش قادرين نتكلم عشان عمر
فاطمه : ليه بيحبها
مديحه : هو بيعاند فينا…. ولا بيحبها ولا نيله
فاطمه: بيعاند فيكم! طب ليه
مديحه بتنهديه : بسبب محمد اخويه الله يرحمه….. بصي انا هحكيلك من الاول…… وفهمك

من6 سنين انا و محمد اخويه وكلنا نزلنا اجازه….. ورحنا عند ابله ماجده اختي….. فاكرها
فاطمه بضحك :ااااه طبعا هي دي تتنسي….. دا احنا كنا بنترعب منها واحنا صغيرين
مديحه بابتسامه : ولسه بترعب منها وحياتك لحد دلوقتي…….. المهم لما كانا عندها في البلد….. فضلت تقوله لمحمد ان عمر لازم يتجوز فرح بنتها…..(وبحزن) اصل فرح لما تولدت كان عندها مشكله في القلب…… وطبعا كان اي مجهود خطر عليها…… فامكنش حد يتقدملها….. ومكنتش هتجوز خالص….. ففضلت تقول لمحمد….. عمر اولي بيها يتجوزها….. ويأخذ باله منها …..فضلت ورا محمد اخويه لحد لما محمد حلف علي عمر انه يتجوزها….. ووقتها عمر رفض….. بس محمد لا رضي يسمع ل عمر ….. وال ليا انا واللي سمع لأمل ….. مكنش بيسمع غير لابله ماجدة ……… وابله ماجده لما عرفت ان انا وامل رفضين……بهدلتنا وحلفت ان لو وقفنا في طريق جوزات فرحه وعمر …. ما ندخلها بيت… وال تدخل لينا… ف طبعا سكتنا مقدرناش نتكلم واللي نمنع محمد وال نوقف جمب عمر…….. وعمر فضل يرفض ومستني حد فينا يوقف جمبه ويساعدوا بس لكنا كلنا ساكتين….. وهو في الاخر مكنش قادر يعصي ابوه فقال موافق اخطبها و هبقي اتجوزها الإجازة الجايه …. وكان يا حبيبي بيقول كده علي اساس انه بعد الخطوبة. ……. و لما نسافر ونبعد عن ابله ماجدة…… هيكلم محمد ويفسخ الخطوبة
بس علي مين…… ابله ماجده فهمت هو ناوي يعمل ايه ف مرديتش تسافرنا…….. غير لما عمر كتب كتابو ودخل علي فرح في البلد….. وبعدها سافرنا و طبعا فرح كانت معنا
هب فرح الله يرحمها …. كانت طيبه وغلبانة اوي…… بس من كتر خوف ابله ماجده عليه…… مكنتش تعرف حاجه في الدنيا غير انها تعقد وتأكل وتنام….. ولا بتهتم بشكلها ولا لبسها وال تعرف اي حاجه عن الدنيا …… كنتي تحسي انها مسبتش البلد….. كانت بتنام من الساعة 5 المغرب وتصحي من قبل شروق الشمس….. وفضلوا عيشين تلات سنين مع بعض … بس عمر غرق نفسه في الشغل عشان يهرب من البيت ……كان مبيرجعش البيت اللي قليل اوي…… ورغم كده فرح حبته وتعلقت بيه …. اصل عمر رغم انه كان رافض الجوازه بس كانت بتصعب عليه فرح ….. عمر اصله طيب وحنين اوي…….. المهم فضلوا عايشين….. لحد ما في يوم تفاجئنا بفرح ….. بتقول انها حامل …..وطبعا الحامل كان خطر عليها جدا ….. اول ما عرفنا…… كلنا تصدمنا….. وفضلنا نتحايل عليها انها تنزله الجنين وهي في اول الحامل…..لكن هي رفضت وصممت متنزليش…… وقالت الطفل دي هجيبه عشان عمر يحبها …… وفضلت تعبانة طول فترت الحامل واحنا كلنا حاوليها…… بس يوم الولادة جابت ساندي وماتت هي …… وعمر حس بذنب وافتكر انها ضاحة بحياتها عشان تسعدوا

فاطمه بحزن : لا حول ولا قوةً لا بالله ….وابله ماجده عملت ايه اكيد زعلت اوي علي بنتها

مديحه بحزن : زعلت بس…. دي قطعتنا كلنا….. ( وتتنهد بحزن) واحنا نزلين بفرح عشان ندفنها….لقينا ابله ماجده واقفه علي اول البلد ومعها رجاله كتير …. وقفت العربيات واخدت مننا نعش فرح ……ومرضيتش تدخلنا البلد ندفنها…… وقالت ان احنا كلنا موتنا بنتها ومحافظناش عليها….وكنا السبب انها اتحرمت منها …. وان احنا اخدنا بنتها صاحية ورجعنها جثه….. وحرماتنا كلنا عليه…… حتي ساندي مرديتش تشوفها…. واللي حتي تبص عليها…. وقالت ان هي كمان موتت بنتها …….محمد اخويه من وقتها تعب وتقهر…… لان ابله ماجده حملتوا سبب موت فرح ……. وندم انه وافق …يجوزها عمر لفرح
ووقتها عمر كمان اتغير…… وبقي عصبي ومش طايق حد …..و فضل يقول لمحمد انت السبب اني اتجوزها ……وانها ماتت بسببهم هو…….. محمد اخويه فضل فتره تعبان ومات…….

فاطمه : الله يرحمها……. طيب وساندي….. انا شيفه عمر بيحبها اوي

مديحه : دلوقتي روحوا فيها….. بس بعد موت فرح و في اول كام شهر…….. ما كنش يطيق يسمع صوتها…… ولا يشوفها……. وكانت امل هي اللي وخده بالها منها…… لحد ما بقي عمرها تلات شهور…… تعبت وسخنت اوي….. وامل خرجت تجري عليه ……. وتقول البنت هتموت وديني لدكتور…… خد البنت منها وطلع يجري بيها….. علي المستشفى……… وفضل معها لحد ما الحرارة نزلت وبقيت كويسه……. ومن ساعتها اتعلق بيها وبقيت هي روحه …… وبقي يعملها كل حاجه بنفسه
فاطمه بابتسامه : ربنا يخليها لهو ويبارك فيها……بس برده معرفتش هو خطب ميرنا….. ليه ويعاند في مين بعد موت محمد
مديحه بضيق : كان بيعاند في محمد اخويا هو خطبها قبل ما محمد يموت بسنه وكان المفروض انه يتجوزه بس محمد الله يرحمه مات ف الفرح اتأجل …..
فاطمه : طيب واشمعني ميرنا اللي خطابها

مديحه :ميرنا عكس فرح في كل حاجه….. في لبس والسهر والحياه….. و وبعدين ابراهيم اخو مديحه لعبها عليه وفضل يقرب بنته منه….. ولعب في دماغ عمر لحد ما خطبها…. ولما جينا نعترض قال انتم سكتوا زمان…. فسكتوا دلوقتي كمان

فاطمه : طيب وخالو ليه يعمل كده….. وهو عاوز ايه من عمر

مديحه: طمعان فيه يا ستي……. ابراهيم اخو امل بعد ما اخد ورثها كله ….. وعمل بيها الشركة.. اللي يشتغل فيها دلوقتي وطبعا امل شريكه فيها معه…… فهو عاوز الشركة ليه لوحده…. وياريت عاوزه شركته بس….. كانت امل تنزلت ليه عنها والله….. عشان تبعده عن ابنها……. ال عاوز يدمج شركته مع شركتنا…….. ومحمد كان رافض….. وبعد موت محمد …….. عبد الحميد وشريف وامل رفضوا….. ووقف ليه ومنعه عمر……. ففاكر ان مفتاح دخول الشركة هيبقي بجوز عمر من بنته…..
فاطمة : وانتم رافضين ليه يبقي شريك معكم
مديحه : ابراهيم سمعتها زفت غي السوق وشغلها كله شمال ومش مظبوط ….. وهو مش يهموا الشركة….. هو طمعان في فلوسهم
فاطمه : ياساتر يارب….. طمعان في اخته واولادها…. دي اخته بنت امه وابوه
مديحه :ابراهيم كل اللي يهمه الفلوس وبس….. انتي مش شايفه سايب مراته وعياله ازاي ……وعمر بقي مش شايف غير انها عكس فرح…… و ان دي اله تسعده….. وهي ولا تسعده واللي هيرتاح معها……. بس لما بنتكلم بيقول انتم غصبتني مره….. وسبوني اختار اللي تجوزها فنسكت
فاطمه : ربنا يهدي ليه نفسه….. ويبعد عنه الشر

عند عمر امل لقيت ساندي نايمه….. وهو قعد جمبها وسرحان
امل بحنان : مالك يا عمر قعد لوحدك ليه
عمر بابتسامه : ابدا يا ماما…. ساندي كانت صحيه وانا بنيمها ففضلت قعد معها لما نامت تاني
امل بابتسامه: طيب يا حبيبي….. قوم انت كمان ارتاح ونام شويه
عمر : هنزل اوصل ميرنا… و ابقي ارجع انام
امل بضيق : ميرنا مشيت
عمر استغرب وقام واقف : مشيت ازي لوحدها …..وليه
امل بنرفزة : مشيت مع صاحبتها مش لوحدها….. صاحبتها جت اخدتها من هنا …….وليه ال ورهم سهرها
عمر بضيق : طيب يا ماما انا هروح نام

وقبل ما يخرج يبص ل امل

عمر : هو شريف رجع ….ولا لسه
امل : لا لسه زمانهم راجعين….. ريم قالت بتخلص شغلها الساعة 12
عمر بضيق : وازي كانت بتراجع بيتهم في الوقت المتأخر دا وهي لوحدها……. ما كنتش خايفه علي نفسها….. و اللي من كلام الناس
امل باستغراب وتريقه: كويس انها بتراجع 12…. وهي بتبقي في شغلها ولظروفها الصعبة ال كانت بتمر بيها ……..الدور والباقي علي ال لسه خرجين الساعة 12….. واللي ايه عشان يسهره ويتفسحوا….. دول بقي الناس تقول عليهم ايه

عمر بضيق من تلميح امل : ميرنا متعودة علي كده يا ماما…… وبعدين مش بتكون لوحدها …..بتكون مع اصحابها…. وانا متفق معها لما نتجوز كل دا هيتغير….. هي بس بتخرج عشان بتبقي لوحدها في البيت…. وبتخاف
امل بضيق: هقولك ايه ما الكلام معك مش هيجيب ناتيجه …..ربنا يهديك لنفسك وينور بصرتك يابني

وتخرج وتسيبه….. وترجع تقعد مع مديحه وفاطمة…. اللي قاعدين يفتكروا ايام زمان ويضحكه

عمر راح اوضته ….وغير هدومه بس مقدرش ينام كان قاعد يفكر ……. لحد ما سمع صوة ضحك في الجنينة فقام رح لشباك……وشفهم وهم رجعين ……كان شريف وتقي و حسن عملين يضحكه …..وريم بتبتسم في هدوء

رحو سلموا علي امهاتهم…… وقعدوا معاهم …. وهو فضل وقف في الشباك……. بيبص عليهم لحد ما قاموا….. و كل واحد طلع علي شقته

( تعالوا اصف ليكم البيت هو عباره عن جنينه كبيره ….الدور الاول تحت ريسبشن كبير في اتنين صالون وسفره كبيره ومطبخ……و تلات اوضة مقفله…… عملنهم لضيوف وحمامات
ومن بره الفيلا سلم خرجي ……في الجنينة بيطلع لتلات شقق اول دور ل امل وعمر وشريف …. وتاني دور لعبد الحميد…… وتلات دور لريم ومامتها واخوها)

ريم دخلت لقيت شقتهم كامله….. مش ناقصها غير انهم يجيبهم هدومه…… ويعيشه فيها
وفعلا كانت منفصله وعرفت …..انهم يتجمعوا في الدور اول …… فارتاحت شويه وخصوصا انها شافت نفسيه مامتها اتحسنت..ولقيتها سهرانه وبتضحك مع مديحه وامل .ووشها منور…… وافتكرت ان مامتها بتفضل قعده طول اليوم لوحدها في البيت.. فحسن يا في دروس يا بيلعب كوره يا بيذاكر او نايم……. وهي علي طول في شغلها فحست ان مامتها هي اكتر حد محتاج ال لمه دي

دخلت اوضتها بعد ما حسن اختار اوضة ليه…. واديت لمامتها الاوضه الكبيرة…… ودخلت اوضة اللي جمبها بس لقيت ان ما فيش حاجه تلبسها ….مامتها مديحه اديتها عباية جديده من عندها…. وحسن شريف شتري ليه لبس كوره وترنج وبيجامة…… ورغم انها اعترضت ورفضت وكانت مصممه تدفع….. بس شريف مقبلش منها اعتراض….. وقالها ان حسن اخوه الصغير هو كمان ….. مش اخوها لوحدها…….. وانه حر هو و اخوه

هي كانت وقفه بتفكر تلبس ايه …….لقيت الباب بيخبط رحت تشوف مين……. لقيت تقي وهاجر وهم لبسين بيجامات شكل بعض
ريم بضحك : مين الاختين ……الحلوين هناء وشرين
هاجر بطفوله وفرحه : تقي اشترته بيجامة لي وهي زي وانتي زي حلو صح
ريم بستها : جميل بس عليكي انتي احلي من تقي
هاجر ضحكت بطفوله وتقي اتغاظت

تقي بغيظ: يا سلام لا طبعا عليه احلي ….. وهيبقي اجمل منكم انتم الاتنين ( ورحت حطه كيس في ايد ريم) اتفضلي ادخلي غيري عشان نشوف علي مين احلي

ريم ابتسمت فهي فهمت…. ان تقي اشترتها عشان هي مجبتش لبس معها ……واشترت ليهم زيها عشان متحرجهاش …..ريم اخدته منها وهي بتبتسم

ريم بحب : متشكره يا تقي يلا ادخلوا….. اوضتي اللي هناك دي ( وشاورت ليهم) هغير هدومي ونجي ننام سووا زي زمان
ريم دخلت غيرت…. والبيجامة طلعت مقاسها مظبوط وسيبت شعرها وخرجت ليهم

تقي بابتسامه: اااااااه كسبتينا يا ريم البيجامة تحف عليكي …..وشكلك حلو اوي بشعرك ما شاء الله
ريم وهي بتعقد في النص بينهم

ريم بهزار: ها هاو ……طبعا يا بنتي عليه لازم تكون احلي….. و فسحي شويه كده منك ليها
وفضله قاعدين يرغي ويضحكه لحد ما رحو في النوم

والساعة 4 قامت ريم عشا تصلي الفجر…. فتسحبت من جمبهم ورحت اتوضت وصلت وقرات قران….. ورحت عشان تفطر مامتها….. ففتحت الثلاجة لقيت فيها اكل كتير انبسطت فهي كانت قلقانه ومش عارفه تفطر مامتها ايه…… عشان الدواء بس بعد ما حضرت الفطار ملقتيش عيش …… فدخلت لتقي

ريم برحه وصوة هادي : تقي تقي
تقي صحيه : خير يا ريم في حاجه
ريم بابتسامه: معلش يا حبيبتي صحيتك…. بس ماما معاد الدواء بتعها ولازم تفطر وملقيش عيش هنا…

تقي وهي بتنام تاني: انزلي تحت الدور الاول….. وادخلي المطبخ هتلقي العيش
ريم : انا مكسوفه انزل لوحدي تعالي معايا

تقي بنوم : لا مش قادره افتح عيني…… وبعدين مكسوفه من ايه كلهم نايمين …..انزلي متخافيش وسبيني انام

ريم وقفت محتاره بس لقيت ان ما فيش حل تاتي…. فأخدت طرحتها عليها ونزلته…. (ريم كانت لبسه البيجامة عباره عن بنطلون كاروهات نبيتي في ابيض….. وتشريت نبيتي بكم)

عمر في الوقت دا كان صاحي….. لان ساندي عيطت…. فراح قعد معها لحد ما نامت تاني…… ووهو رجع اوضته سمع صوة بره ففتح الباب ماشفش حد…… بس سمع صوت في الفيلا من تحت…… فقلق ونزل

ريم كانت واقفه في المطبخ… وبدور علي العيش والطرحة وقعت علي كتفها….. وتوكه وقعت من شعرها …..فنزل لأخر ظهرها…. فسبته فهي مش متوقعه ان حد يصحي دلوقتي فكل نايم متأخر….. بس وهي فتحه الثلاجة بجيب العيش لقيت حد بيقول

عمر بابتسامه :بدوري علي ايه

ريم رفعت راسها لقيت عمر وقف قدمها…… و سند علي الباب المطبخ….. ومربع ايده ومبتسم…. فضلت مخضوضة ثواني و بسرعه اخدت بالها ان شعرها ظاهر…. فستخبت جوه الثلاجة وهي بتخبي شعرها….. وبتعدل الطرحة ورفعت شعرها كعكه ولفت الطرحة عليه
ريم بخضه وضيق : انت اللي بتعمل ايه هنا …… وصاحي ليه دلوقتي
عمر بابتسامه وهو بيقرب : سمعت صوة جي من تحت فقلقت …..تحبي اساعدك في حاجه
ريم طلعت من الثلاجة بعد ما عدلت الطرحة وخبت شعرها

ريم بكسوف وبصه للأرض : انا اسفه بس كنت بدور علي العيش …..عشان افطر ماما….. لان دلوقتي معاد الدواء

عمر حس بكسوفها وانه احرجها : اسفه علي ايه….. دا بيتك.انا اللي اسف اني خضتيك

ريم ولسه وشها في الارض…. اخدت العيش ومشيت بسرعه بس قبل ما تخرج

ريم بكسوف : متشكره تصبح علي خير ( ورحت جريه من قدمه وطلعت علي شقتهم وهي قلبها هيقف)

ريم لنفسها : لا مش هينفع نعقد هنا ابدا……. انا مش هستحمل موقف تاني زي دا…… احنا لازم من بكرا نرجع بيتنا

عمر بعد ما خرجت فضل واقف فتره ساكت….. وبيبص مكان ما مشيت

عمر لنفسه : بجد انسانه جميله جدا…..ومحترمه اوي وبتكسف….. ( ويبتسم) بقالي زمان مشفتش بنت عندها حياء كده و بتكسف كده ….. ورغم جمالها محجبة ولبسها واسع ومحترم بداري بيه كل جسمها …. (ويتنهد بضيق) مش زي ميرنا اللي معرفش شكلها ايه من غير المكب…. وجسمها علي طول مكشوف للناس…… امل لو عندها نص جمال ريم كانت هتعمل ايه …… (ويتنهد) هو ايه انا اللي حصلي….. انا ليه مشدود ليها اوي كده وعاوزها تفضل وقفه قدمي علي طول

اتنهد وهو خارج لمح حاجه وقعه قدم الثلاجة…… نزل يجبها لقها التوكة بتعت ريم…… مسكه وشمها وابتسم واخدها معه وطلع ينام

بعد ما ريم فطرت مامتها واديتها الدواء…. رجعت نامت جمب تقي وهاجر اللي كانوا اخدوا السرير كله…… فنامت علي الحرف جمب هاجر وخليت هاجر هي في النص

وعمر طلع…. ودخل ينام بس فضل فتره يفكر في ريم…. و يشم التوكة ويبتسم….. كل ما يفتكر شكلها وهي مكسوفه منه لحد ما نام.

والساعة 10 امل صحت شريف عشان صلاة الجمعة….. و ساندي صحت عمر وخرجوا بعد ما اتوضي…… وقاعدين يفطروا سووا هم الأربعة…. قبل ما ينزله للصلاة

شريف : انا بعد الصلاة هتاخر شويه يا ماما
امل باستغراب: رايح فين مش النهارده اجازه
شريف بابتسامه : هاخد حسن ونروح النادي الاهلي…..انا كلامة ليه ناس هناك…… الولد فعلا موهوب جدا وانا حبيته اوي…..
امل بابتسامه: ماشي يا حبيبي ربنا يوفقكم
عمر : كلي يا ساندي بطلتي اكل ليه

ساندي : هو ريم نايمه فوق هنا…… وهتفضل عنا
امل بابتسامه : ايوه يا حبيبتي….. وعيب نقول ريم بس قولي طنط
ساندي بزعل : لا فيش انط …. وهي صحبتي هقول ريم زي هاجر
عمر بضحك : لحقيتو تبقوا اصحاب
ساندي بفرحه : امممممممممم
امل بخبث : ريم جميله…. ما شاء الله عليها….. وتدخل القلب علي طول ايه رائيك فيها يا شريف
عمر الاكل وقف في زوره وفضل يكح
شريف وهو بياكل: رائي فيها من ناحيه ايه
امل وهي بصه علي عمر: رائيك فيها عموما
شريف : جميله ومؤدبه ومحترمه اوي….. طول الطريق امبارح ماسمعتش صوتها هاديه جدا
امل بمكر: يعني تنفع عروسه
عمر بضيق : ايه يا ماما الكلام دا….. شريف لسه صغير وبلاش تلفت نظره ليه….هي هتبقي زي اخته……و زيها زي تقي وهاجر ماينفعش يبص ليها غير كده……( ويقوم يقف بغضب) يلا يا شريف قوم عشان نلحق الصلاة…

ويخرج وهو متنرفز وغضبان ……امل تضحك بخبث….. و شريف يقرب منها

شريف : ايه يا امول انتي عاوزه تجوزيني بجد
امل بضحك : اجوزك ايه يا واد….. هو انت بتاع جوز

شريف وهو ويغمزلها : شكلك في حاجه في دماغك ناويه عليها …طيب ما ترثيني علي الدور ….. وانا ساعدك

عمر من بره بضيق وصوة عالي : يلا يااااااااااااا شريف
امل بابتسامه : روح دلوقتي….. ولما ترجع هقولك

وينزل عمر ومعه شريف…. ويحصلهم عبد الحميد ومعه حسن ويروح لصلاة
امل اخدت ساندي ومديحه ……و طلعه لفاطمة و وهم قاعدين سووا يشربوا القهوة ……مره واحده سمعه صوة جامد وبعدها صريخ

تفتكر ه ايه الحصل ومين بيصرخ  وياتري امل بتفكر في ايه قولوا توقعتكم