يكفي أن يحبك قلبها
بقلم_ولاءيحيي
الحلقه (١١)
ريم صحيت الصبح….. لقيت نفسها في اوضة مامتها….. وحسن اخوها نايم جمبها وماسك ايدها…… وماجده وامل نايمين علي الكرسي…… حاولت تقوم فحسن حس بيها
حسن بلهفه: ريم حبيبتي حمدالله علي سلامتك…. انتي كويسه
ريم دموعها نزلت علي وشها…… وماقدرتش ترد …. قربت منها ماجده ….وضمتها حطت راسها علي صدرها بحنان ام …..وايدها التانيه مسحت دموعها
ماجده بحزن : كفايه دموع يا حبيبتي……. والحمد الله انك بخير…… غمه وانزحت…… وربنا ما يعيدها…. وينتقم من اللي كانوا السبب….اوعي تزعلي يا ضنايا
ريم بدموع : انا معملتش حاجه والله يا عمتو….. انا مظلومه … انا والله كنت راحه علشان الحق حسن…..( وتعيط بنكسار) والله ما عملت حاجه
امل بحزن : احنا متاكدين يا حبيبتي….و ماحدش شك فيكي ابدا….. ومستحيل نصدق اي حاجه من اللي الحيوانات دول قالوها
ريم بحزن ودموع : بس عمر صدق
ماجده بابتسامه تهديها : لحظة شطان يا حبيبتي….. وندمان عليها والله… دا كل دقيقه بيتصل يطمن عليكي….( ريم تعيط اوي) لا حبيبتي اوعي تعيطي. اهدي انتي دلوقتي وخلي بالك من صحتك ……وكل حاجه هتبقي احسن ….وانسي كل حاجه دلوقتي…
حسن بحزن : انا اسف يا ريم انا السبب
ريم بدموع حطت ايدها علي وشه : لا يا حبيبي ….انت ملكش دعوي….. دا اختبار من ربنا ….عشان يظهر كل واحد علي حقيقته ومين بيحبني وبيثق فيا…. ومين ميستهلش دمعه تنزل من عيني ….( وتبص لحسن وابتسامه) والحمد الله انك بخير يا حبيبي…. انا استحمل ان يجري ليه انا اي حاجه…. بس انت تفضل كويس وبخير
امل بابتسامه : الحمد الله يا حبيبتي….. ان انتم الاتنين بخير ……ويلا شيدي حيلك وقومي…. علشان تفطري ونرجع البيت دول البنات في البيت هيتجننوا عليكي
ريم بحزن ودموع : معلش يا طنط انا اسفه ……بس انا مش هرجع هناك تاني
ماجده بزعل : ليه كده يا ريم….. دا بيتك يا بنتي…. وانتي مغلطتيش عشان تسيبيه….. وتبعدي عننا
امل بغضب : لو في حد هيسيب البيت….. فمش هيكون انتي يا ريم… الغلط هو اللي يسيب البيت…. انتي هترجعي البيت معنا
ريم بعيط شديد: ارجوكم سبيني هنا في بيتنا علشان خاطري…. لو سمحتي يا طنط امل….انا مش عاوزه اسيب بيتنا
ماجده بهدوء : خالص متزعليش …. واللي تعيطي هنعملك اللس انتي عاوزه…. وهتفضلي هنا لحد ما تبقي كويسه ( وتبص لامل)… روحي انتي يا امل علشان هاجر وساندي ….وانا هعقد هنا مع ريم
امل بضيق وحزن : حاضر يا ابله ( وتبص لحسن ) وانت يا حسن مش هتيجي معايا
حسن وهو بيحضن ريم : انا مكاني مع ريم يا طنط….. مكان ما هتكون هي انا هكون…..مش هسيبها ابدا ( ريم تبتسم بحب وضم اخوها ليها)
امل بابتسامه : ربنا ما يفرق بينكم….. واللي يبعدكم عن بعض يا حبيبى
وفي القسم وفي مكتب هشام كان موجود عمر… بيشوف اخبار التحقيق
عمر بغضب : يعني ايه اختفوا …. راقب موبيلاتهم شوف عربيتهم يا هشام
هشام : عملنا كده طبعا يا عمر…. بس الموبيلات مقفوله ….. والعربيات مخرجتش بره القاهره….. بس ملهاش اثر .. واحنا موزعين ارقامها ومواصفتهم علي المرور …. واكيد هيقعوا في ايدنا قريب
عمر ينفخ بضيق: يعني هم لسه هنا في القاهره
هشام :ايوه لسه في القاهر….اهدي انت كده…. وهم هيظهره قريب….. مش هيفضله مستخبين كتير ….و احنا اقبضنا علي الواد الهكر…… واعترف عليهم التلاته…. و دكتوره هاله جت من شويه وقالت شهادتها ….وكمان جيبنا الممرضه اللي قالت عليها الدكتوره….. واعترفت انها فعلا سرقت التلفون… واديته للاسمها سمر….. وصاحب حسن جيه مع ابوه….. وقال ان سمر اخدت منه التلفون في النادي وقالت هتنزله اغنيه….. وبعدها مشيت والتلفون اختفي وهو فكره ضاع….. وصاحب الفيلا بتعت المزرعه جاب بينته وقالت اقوالها…. وقالت ان ميرنا طلبت منها انها تروح الفيلا ساعتين في اليوم دا…. وانها قالتلها تخلي البواب يبعد…. بس كانت مفهمها انها هي اللي راحه تقابل هناك……. والنيابه طلعت آمر بلقبض علي ميرنا وسمر حازم …. ووزعت صورهم علي كل الاقسام
عمر يبص لهشام ويبتسم : متشكر يا هشام…بس ياريت لو اي جديد… تبلغني علي طول
هشام ببتسامه : اكيد يا عمر….. بس انا عاوزك تهدي… وبلاش تتصرف اي تصرف من غير ما ترجعلي …. وياريت لو الدكتوره ريم بقيت كويسه… تيجي تقول اقوالها
عمر ببتسامه حزينه : ان شاء الله هبلغها….. ولو بقيت كويسه هجيبها ونيجي علي طول…ومتشكر مره تانيه يا هشام
خارج عمر من مكتب هشام….واول ما خرج لقي ابرهيم واقف ومعه المحامي….. اللي جيبه لميرنا
ابرهيم بغضب وزعيق : عاوز تسجن بنتي ياابن محمد …. بضيع مستقبلها ….بتنتقم مني في بنتي
عمر بغضب شديد يقرب منه :انا هوديكم كلكم في داهيه…… عمر الطيب بتاع زمان انسوه……. إنا هسجنك انت وبنتك كمان وخليتهم يشهرو افلاسك …..مبقاش انا عمر ابن محمد
(هشام خرج علي الصوة وسمع كلام عمر )
المحامي : شاهد يا هشام باشا تهديد واضح وصريح…… قدامك انه هو هيسجنهم ياريت..تسجل دا في المحضر…… اثبات انه بيحاول يؤذي موكلتي وعيلتها
هشام بضيق : تمام نسجل( ويبص لعمر)…..ايه رائيك يا عمر قضيه سرقة المخازن وشهاده صاحب الشركه بلاتفاق مع الاستاذ ابراهيم موجودين…. والتحقيق لسه شغال متقفلش تحب تقدم بلغ جديد
ابرهيم بعصبيه : دا انت معاه بقي…. وبتساعده
هشام بغضب : انا مع الحق….. ووره لحد ما يتنفذ….. وانا كنت رفض انه مايقدمش فيك بلاغ…… عشان عارف ان كل مجرم لازم يتعاقب علي جريمته
عمر ببتسامه استهزاء : متقلقش يا هشام….. قريب اوي كل المجرمين كلهم هيكون في السجن…. بس في قضيه تحبسهم العمر كله…. مش سنتين تلاته ويطلعوا
(ويمشي عمر…. ويسيب ابراهيم وهو غضبان…. ويدخل ابراهيم والمحامي و يطلع علي المحضر )
(عمر في عربيته واتصل بتلفون.. بواحد من رجلته)
عمر بضيق : امجد عاوزك …..تحضرلي كام واحد ثقه وترقبلي بيت وشركة ابرهيم….. 24 ساعه يكونه تحت عنيكم… وعاوز حد يرقب ابرهيم وبنته مايا طول الوقت….. ما يغيبوش عن عينيهم ….. و عاوزكم تزرعو اجهزت تنصت جوه الفيلا والشركه وعلي التلفونات الارضي …..عاوز اعرف دبت النمله انت فاهم
ويقفل عمر مع امجد اللي بداء في تنفيذ كل اللي طلبوا عمر
وفي شقة الهرم
ميرنا بضيق : هو احنا هنفضل قاعدين كده انا زهقت
حازم بستهزاء: زهقتي من يوم…… دا احنا لسه قدمنا كتير
سمر بقلق : طيب ما نطلع بره القاهره…… نروح اي مكان….. ان شالله نسافر بره مصر
حازم بضحك عالي واستهزاء : هو انتم هبل….. ولا مش فاهمين حجم المصيبه الانتم فيها …..انتم صوركم وارقام عربيتكم وتلفونتكم كلها مزروعه في كل قسم ومع كل عسكري ماشي في الشارع…… يعني لو فكرتم بس تعتبوا بره باب الشقه دي….. يبقي علي السجن علي طول يا حلوه منك ليها
ميرنا بخوف : طب ما هو كده زمانهم وصله لعربيتنا… وهيعرفو طريقنا
حازم بخبث : ودي حاجه تفوتني برده يا حبي….. انتم اول ما سيبتو عربيتكم ……جي اللي غير نمرها واخدها ومشي….علي الورشه و زمانها بيقطعوا فيها….وهتتباع قطع غيار
سمر بصدمه: هارسوووود….. انت مين سمحلك تعمل كده في عربيتي…. دا انا لسه شريها…. دي فلوسها لسه مبردتش ….
حازم بغضب : سمح لمين يا روح امك…… انا اعمل اللي انا عاوزه …..ولو مش عجبك غوري من هنا… ووريني شاطرتك وعرفيني هتخرجي منها ازي
ميرنا بخوف : لااا خلاص اعمل الانت عاوزه…. بس هو يعني انت بعتهم…
حازم ببتسامه ونظره جريئه : ايوه يا حلوه ….بعتهم واخدت فلوسهم كاش ماني
سمر بغضب : و فين الفلوس دي …..انا عاوزه فلوس عربيتي
حازم بضحك : هاااااو …..الفلوس اتصدرت خلاص يا حلوه …..اخدتهم مقبل حميتكم ……واللي انتي فاكره اني هحميكم كده….. وتبقي في امان ومتدخليش السجن ببلاش
ميرنا وسمر يسكتوا….. ومش عارفين يعملوا ايه… والا عرفين المصيبه اللي وقعوا نفسهم فيه مع حازم
ابراهيم بغضب : يعني ايه يا متر مافيش مخرج
المحامي : للاسف يا ابرهيم باشا….. انا كان ممكن اشكك في شهاده صاحبه المجني عليها….. لانها سمعت اسم ميرنا بس لكن مشفتهاش….. بس شهاده الهكر اللي اكد انها هي اللي كانت بتدفعلوا الفلوس…. وشهاده انجي صاحبتها ان هي اللي طلبت منها مفتاح الفيلا…. وطلبت انها تبعد للبواب ساعتين عن الفيلا…. اثبتوا انها شريكه في محاولة تشويه السمعه…… وتوفير مكان للمتهم الاول حازم لمحاولات الاغتصاب
ابرهيم بغضب : شوف حل يا متر….. انا بنتي مش هتفضل هربانه…. وانا مش عارف طريقها ….ومش هتتحبس ولا تتسجن ساعه واحده….. انت لازم تتصرف
المحامي : مافيش حل غير انهم يتنازل عن البلاغ و المجني عليها تسحب الشكوي … او تقول اقوال عكس ال قالوه الشهود…. لو حضرتك تقدر تتفهم معهم يكون افضل
(في شقه ريم )
ريم كانت نايمه علي السرير….. ودموعها نزله….. وماجده قعده جمبها وحط ايدها علي راسها. بتقراء قران …..فسمعه الباب خبط ….وحسن رح فتح …..ودخلت نهي وهاله ل ريم و جريه عليها
نهي ببتسامه : حمدالله علي سلامتك يا ريمو…..كده تقلقينا عليكي
هاله بحزن : حمدالله علي سلامتك يا حبيبتي
ريم عدلت نفسها…. وقعدت وهي بصه علي ايدها : الله يسلامكم …( وبعدين افتكرت…. انها شافتهم امبارح قدام الفيلا …فرحت بصه ليهم) .. هو انتم جيتم امبارح ازاي …و مين قالكم مكاني
هاله بحزن : انا سمعت سمر وهي بتكلم في التلفون….و بتقول انها بعتتلك الرساله…… وان حازم مستنيكي في الفيلا دي
ريم بعدم فهم : سمر ! وايه دخل سمر برساله …الرساله كانت جيه من تلفون عادل صاحب حسن ….( وتبصلهم اوي) انا مش فاهمه حاجه فهموني
هاله حكيت لريم وماجده اللي كانت قعدت تسمع….. عن اتفاق التلاته…. وانهم سرقه تلفونها ووصله بهكر….. اللي دخل علي صورها واخدها وفبرك صور و ايميلات وبعتوها لعمر……. وان سمر سرقة تلفون عادل صاحب حسن ….التعرفت عليه في النادي….. وبعتت الرساله منه ….وان ميرنا هي اللي جهزت ليهم الفيلا…. وانها لما سمعتهم اخدت نهي وجريت وان نهي اتصلت بشريف عشان يلحقها
ريم بستهزاء: ياااااااااا…… كل دول اتفقه عليه انا …. وعملوا الخطط دي كلها عشان يسوء سمعتي…. عشان عاوزيني اسيب عمر….( وتضحك بحزن) وفي الاخر عمر صدقهم بكل سهوله..
نهي بحزن : غصب عنه يا ريم …. اعذريه يا حبيبتي اللي وصله والشافوا….. ماكنش سهل ….الحب والغيره عمو عيونه
ريم بنرفزه : حب وغيره…… حب ايه دا اللي يخليه يصدق اني اعمل كده …..حب ايه اللي يخليه يدخل ويشوفني وانا متبهدله وشعري منعكش وهدومي مقطعه……. ويرفض يسمعني…..( وتبصلهم بدموع) دا انا كنت مرعوبه وخايفه و لما شوفته قدامي …جريت عليه عشان اتحمي فيه….. رح شتمني ….واتهمني من غيرما يفكر يسمعني ….( ريم كانت بتكلم بدموع شديده….. وهي بتفتكر كل الحصل… وبتفتكر نظرة الاستحقار اللي كانت في عين عمر…. والكلام اللي جرحها بيه)
هاله بدموع : اهدي يا حبيبتي….. معلش ان شاء الله ربنا هيجبلك حقك….. والبوليس بيدور عليهم ..وهيقبضه عليهم ومش هيسيبهم…. وهيتسجنو كلهم
ريم بستغراب وهي بتمسح دموعها : بوليس ايه… هو مين البلغ
ماجده بحزن : عمر اللي بلغ …وادهم تلفونك…. والصور والرسايله اللي بعتهم ليه….. واخدهم للمكان اللي كنتي فيه….. والله يا ريم دا عمر من امبارح وهو بيدور عليهم…… دا حتي الصبح بعتوا ليكي عشان ياخده اقوالك… لما عمر بلغهم بتعبك…. بس انتي كنتي نايمه….. فقالوا لما تشدي حيلك تروحي ليهم
ريم : بيدور عليه….. يعني ماتمسكوش
نهي: للاسف قدره يهربوا…. قبل ما يمسكهم …..بس مسكوا الهكر واعترف عليهم …. وصاحبه الفيلا اعترفت حتي عفاف الممرضه جبها واعترفت انها سرقت تلفونك واديته لسمر ورجعته شنطتك تاني من غير ما تحسي
حسن : وعادل كمان رح وقالهم ان الاسمها سمر هي اللي اخدت منه التليفون قبل ما يتسرق منه …..
ريم بحزن : يعمله كل دا فيه عشان يشوه سمعتي….طيب ليه انا عملت فيهم ايه
ماجده بضيق : نفوس مريضه يا بنتي…… شياطين عاوزين الناس كلها زيهم ….مايقدروش يشوفه حد نظيف ويتقي ربنا …..( وتطبطب عليها) وبعدين… دا اختبار من ربنا ليكي ….. احمدي ربنا انهم لحقوكي وان الحقيقه كله ظهرت…. وان لعبتهم اتقلبت عليهم….. قومي يا ريم صلي ركعتين شكر لله…. انه حماكي وظهر الحقيقه
ريم تتنهد : الحمد الله علي كل حال…. وهو فعلا اختبار من ربنا …..وظهر ليا مين الصديق ومين العدو… ومين اللي بيثقوا فيا مهم شافو… ومين اللي ماعندوش تقه ومشاعره كدابه
ماجده بحزن : يابنتي احنا بشر ……وبنغلط ومدام اعترف بالغلط…. وبيحاول يصلحوا….. يبقي نسامح ونغفر…..و عمر وعرف غلطته وندمان عليه….
ريم بضيق: لو سمحتي يا عمتو…. انا مش عاوزه…. اتكلم عنه والا اسمع اسمه…مره تانيه
ماجده بحزن : ربنا يهدي نفوسكم يابنتي
وفي الفيلا عبد الحميد
امل بغضب : انت ايه اللي جيبك هنا …..عاوز ايه تاني
ابرهيم بغضب: خلي ابنك يتنزل عن البلاغ العمله في بنتي يا امل……. انا بنتي لازم تخرج من المصيبه اللي حطها فيها……. احسن لكم …….بلاش تعدوني عشان هتندموا
امل باستغراب : انت جي تهددني في بيتي ……. جي تدور وتخاف على بنتك دلوقتي كنت فين عنها من زمان…….. سيبتها ليه ماشيه علي كيفها… ما تعرفش عنها حاجه لما بقت ماشيه تؤذي في خلق الله…….. واللي عرفت تربيها واللي تعلمها الصح من الغلط…….اديك بتحصد نتيجه تربيتك الغلط
ابرهيم بعصبيه وغضب : انا مش هسمح ليكم تسجنوا بنتي يوم واحد…….. ولو حصل يا امل وبنتي اتحبست ساعه واحده يبقي اترحمي علي ولادك الاتنين
(عمر داخل في الوقت دا وسمع تهديده لامل)
عمر بغضب : ورينا شطارتك …واعمل كل اللي تقدر عليه…. ( ويقرب منه بكره وغيظ)….. بس لاخر نفس في حياتي مش ههدي ولا ارتاح اللي لما اسجنك انت وبنتك…… واخلص الناس من شركم
ابرهيم بغضب وزعيق : انتي سامعه ابنك يا امل……ابنك بيعاديني انا وبنتي ….وعلشان ايه علشان حتت بت بنت…..
عمر بغضب ويمسكوا من هدومه بغيظ : ايك تجيب سيرتها علي لسانك…….. البنت دي اشرف وانقي منك انت وبنتك ………و اسمها ما ينطقش واحد ……خسيس وندل وميعرفش ربنا……..( ويزقه بقرف وغضب) اطلع بره بدل ما ارتكب فيك جريمه……. ووسخ بيتي بدمك الزفر
ابرهيم بغضب: انتي سمعه ابنك يا امل……بيعمل يقول ايه ابنك بيشتمني وبيمد ايده علي اخوكي الكبير………. شايفه تربيتك يا هانم
امل بغضب: سمعه وشايفه……. ولو عمل غير كده……. ميبقاش ابني ولا تربيتي……… ولو اتنزل عن حق ريم…… لا هيبقي ابني ولا اعرفوا…. ( وتقرب من ابراهيم ووشها في وشه) ألا شرف البنات يا ابرهيم….. ألا شرف البنات…احنا ممكن نسامح علي حرق علي سرقه…….. لكن شرف وسمعة البنات …..عمرنا ما هنتنازل عنهم
ابرهيم بغضب وسخريه: يبقي انتم اللي اختارتم عدوتني وهتندموا…….. وبنتي مش هتتسجن ولا يوم واحد …… وهطلعها من القضيه دي … وهعرف اربيكم كويس وعرفكم مين ابراهيم.
(ويخرج ابرهيم بغضب وتوعد ويسيب الفيلا )
عمر بضيق: ماما انا حطيت امن علي الفيلا هيحوطها 24 ساعه ……..ولو سمحتي خالي بالك من ساندي و هاجر كويس اوي……… انا متوقع منه يعمل اي حاجه
امل تتنهد بخوف : ربنا يسترها….. ويبعد عننا شره
عمر يبص علي شقه ريم بحزن : هي ريم عمله ايه … هي جت معاكي فوق
امل بحزن : لا مجتش……. رفضت تيجي هنا…… وفضلت في بيتهم القديم……. لما رحنا لقينا الجيران معاها وجايبين ليها دكتور ….. لما لقوا حالتها تعبانه…..الدكتور قال عندها انهيار عصبي
عمر بحزن وضيق : انا السبب ….انا اللي مقدرتش احميها….. انا شريك ليهم في جريمتهم……انا كنت السكينه اللي دبحوها بيها ….( ويبص لامل بحزن ودموع مكتومه)….بس والله غصب عني……. انا مش عارف ايه اللي حصلي….. الغيره عميتني…
امل بحزن : صدمتها فيك….. اكبر من صدمتها في الحصل ليها ….(وتتنهد ببتسامه) حاول تعتذر منها ياعمر…… وتفهمها الحصل …..يمكن تسامحك
عمر بقلق : هو حضرتك سيبها مع مين…….. وفين ساندي وتقي وهاجر وعمتي ماجده
امل:ابله ماجده مرجعتش معايا فضلت مع ريم ……وتقي لما رجعت لوحدي من غير ريم……. صممت تروح تطمن عليها …….. وهاجر وساندي شبطوا فيها …. كلهم راحوا عند ريم
عمر بقلق : ماما ريم لازم ترجع هنا …….وجودها هناك لوحديها خطر عليها…..دول ممكن يخطفها …..علشان شان متقولش اقولها في البلاغ……. ارجوكي يا ماما اقنعيها ترجع هنا الفيلا عشانها هي وحسن…….. انا خايف عليها وعليكم. ( ويسكت بحزن) ولو مش عاوزه ترجع علشان ما تشوفنيش فانا هسيب البيت …..بس هي ترجع وابقي مطمن عليها
امل تقرب منه : روح ليها ياعمر…. روح واتكلم معاها وربنا يهدي النفوس…… وان شاء الله تسمعك و تقدر تسامحك…ريم قلبها كبير وبتحبك
عمر بدموع : خايف متسامحنيش يا ماما …..انا غلطت فيها وظلمتها ……..بس انا مش هقدر اخسرها انا…. مش هعرف اعيش من غيرها….. انا بحبها اوي يا ماما
امل بحزن تطبطب عليه فهي اول مره من زمان تشوف دموعه : عارفه يا حبيبي …..وان شاء الله هتسامحك….. وتفهم انك عملت كده من غيرتك وحبك ليها …..روحلها يا عمر
عمر : ممكن تيجي معايا ياماما…… هي بتحبك وهتسمع منك
امل ببتسامه : حاضر حبيبي هاجي معك
وعند ريم….. كانت وصلت تقي وهاجر وساندي…… اللي قدروا يغيروا مود ريم شويه……. وتبطل عياط …….وخرجت قعدت معاهم بره في الصاله……. بعد ما هاجر فضلت تشد فيها عشان تقوم من علي السرير ……… وهم قاعدين الباب خبط ودخلت امل وورها عمر ….. ريم اول ما شافت عمر قامت وقفت بغضب شديد ….. وكانت دخله اوضتها
امل برجاء : ريم عشان خاطري استني…… لو ليا خاطر عندك اديلوا 5 دقائق اسمعي منه……( ريم تبصلها… وامل تبصلها برجاء وحزن) 5 دقائق بس عشان خاطري يا ريم
(امل اخدت البنات….. ودخلت الاوضه عند ماجده )
عمر بندم وحزن : ريم انا عارف انك مش عاوزه تشوفيني بس….. ارجوكي تسمعيني
ريم بغضب : اسمعك ………ليه هو انت كنت سمعتني…… اديتني فرصه افهمك …….اديت لنفسك فرصه تشوف شكلي والمنظر اللي كنت فيه…….. علشان تعرف تشوف الحقيقه
عمر بندم ودموع مكتومه : انا غلطان…… انا عارف اني غلطان….. بس والله من غيرتي وحبي ليكي..( لسه ريم هتكلم) عارف انه مش عذر……. بس لم شفتي الصور والرسايل…… وبعدها العنوان اللي كنتم فيه ….ورحت وشوفت الحيوان دا وهو ( ويغمض عنيه بغض) كل دا خلاني اتجنن واتصرف زي المجانين …. ومشوفش الحقيقه
ريم بحزن ودموع : انت شوفت الكدب اللي وصلك وصدقته ……..كدبت الحقيقه اللي كانت قدام عينك ……. صدقت شويه صور ورسايل…… وكدبت دموعي و هدومي المقطوعه……. ونظرت الخوف في عيني …… دا انا لما شوفتك جريت عليك علشان اتحما فيك …….بس انت دبحتني زيهم واكتر ( وتبصله بغضب ودموع) انت شريك معاهم ……انتي كمان ظلمتني زيهم واكتر منهم كمان……. لانك المفروض عارفني كويس…..(وتبتسم بحزن) وبتحبني……. بس طلع وهم….كل دا طلع وهم
عمر بدموع : انا عارف ان اي الكلام واي حاجه هقوله مش هتغفر ليا اللي عملته…… بس والله ما هسيبهم ……هجيبلك حقك منهم …… مش علشان انتي ترجعيلي لا علشان انت متستهليش مني غير كده (ويبصلها بألم وحزن)…… انا اسف مع ان الاسف عمره ما هيكفي واللي هيغفر ذنبي في حقك……. بس والله يا ريم ما هنام وارتاح غير لما كلهم يدخلوا السجن ……وحقك هرجعوا ليكي….. انا ليه بس طلب واحد …… لا هو مش طلب هو رجاء …..ارجوكي ارجعي الفيلا ( ريم لسه هتعترض) علشان في خطر عليكي وعلي حسن لازم تبقي معاهم ووسطهم في مكان واحد……عشان اقدر احميكم كلكم……. لانهم هيحاولوا يوصله ليكي …….او لاي حد عشان نتنازلي عن البلاغ……. فلو سمحتي يا ريم علشان خاطر كل اللي جوه في الاوضه دي علشانهم هم ارجعي الفيلا ……وصدقيني مش هتشوفي وشي فيها ….هسيبها وعيشي انتي فيها
ريم بحزن : انا هنا في امان…… الناس اللي في البيت القديم و الصغير دي هم اللي حموني واحتويني وانا صغيره ……ووفره ليه الامان وانا كبير ……انا وسطيهم في امان ……انا مابقتش في خطر غير لما سبتهم ورحت بيتكم….. ( وتبصله بحزن)…….. احمي انت الناس اللي في الفيلا وخلي بالك منهم ……..ومتشغل بالك بحد تاني غيرهم…… عن ازنك
وسيبته ودخلت اوضتها……… وهو فضل واقف مكانه عاجز…. مش قادر يعمل حاجه ……..فهو اللي وصل الحال بينهم لطريق مسدود…….امل وماجده خرجوا لعمر ….. بعد لما ريم دخلت الاوضه وهي بتعيط
امل بقلق : عملت ايه يا عمر
عمر بحزن : خسرتها يا ماما …….انا ماكنتش استاهلها علشان كده ربنا حرمني منها …..هي رفضه ترجع الفيلا…. انا بس خايف عليها وهم مش هيسبها في حالها
ماجده : ربنا معاها ومعانا يا بني …..هي لما تهدي اكيد هتسامح وهتقدر المواقف …… بس انت اصبر… واديها وقتها ….هي لسه جرحها منك مفتوح…… اصبر لما الجرح يدبل
عمر يتنهد بحزن : ان شاء الله…. ياريت تبلغو ها ان شريف هيجي بكرا يوصلها النيابه…….. عشان ياخدوا اقولها وانا هبعت حد يراقب البيت هنا ويحميها ……وياريت لو تقدروا تقنعوها ترجع الفيلا معاكم …….حاولي يا ماما وانتي يا عمتو….. هنا خطر عليها
ماجده : ان شاء الله هنكلمها تاني …….ولو مرضيتش انا هفضل هنا معاها ……و مش هسيبها…….امل هتاخد البنات وترجع الفيلا …..وانت خلي بالك منهم
امل : واتصل بعمك عبد الحميد واطمن عليهم …… وقولوا الحصل بس متخلهوش يحكي لفاطمه….. علشان صحتها
عمر بحزن : حاضر ….. انا همشي سلام عليكم ( عمر وهو ماشي….. يبص علي باب الاوضته اللي دخلتها ريم …..وهو حزين وندمان…… ويفتح الباب الشقه ويمشي)
وفضلت ماجده وامل يحاوله يقنعوا ريم …..اللي رفضت نهائي انها ترجع معاهم الفيلا…. وصممت تفضل في بيتهم ففضل معاها حسن ماجده…… اللي رفضت هي كمان تسمع كلام ريم وترجع الفيلا ……ومشيت امل ومعاها البنات
وفي شقت الهرم وهم قاعدين بالليل …….لقي الباب بيخبط قامت سمر وميرنا وهم مخضوضين …ومسكه بعض
حازم بتريقه : ايه مالكم متخافوش يا قطه منك ليها ….دي صاحبه الشقه
قام حازثفتح الباب ……ودخلت واحده لبسه لابس لا يغطي شيء من جسمها ……وحطه ميكب اوفر وكان معاها بنات كتير ورجاله…….. كتير شايلين صناديق دخل بيها علي المطبخ
حازم يضم ست من وسطها …..ويقرب من ميرنا وسمر اللي مش فاهمين حاجه ….واللي عارفين مين دول وجي هنا ليه
حازم ببتسامه : اعرفكم ناني صاحبة الشقه …..ودول اصحابها عندهم سهره هنا النهارده…. ( ويبص لناني وهو بيشاور ليهم)….. دي بقي سمر والموزه اللي جمبها ميرنا
ناني بخبث: طول عمرك زؤق في الجون يا حزوم ……اهلا يا حلوين …..بس انتم ليه لبسين كده مش تلبسوا ……حاجه تنفع لسهره وتحطه مكيب…وتدلعوا
سمر بضيق وزعيق : سهرة ايه….. احنا مالنا ومال السهر بتاعكم انا دخله اوضتي وهقفل عليا
ميرنا بخوف : استني يا سمر…. خديني معاكي
ناني بغضب وزعيق : اوضة ايه يا حلوه منك ليها….(وتبص لحازم بغضب) جرا ايه يا حازم احنا ورنا شغل….واكل عيش يا حبيبي….. و متفقناش علي كده ….فهمهم احسن انا خلقي ضيق
حازم يقرب ويبوسها : اهدي يا ناني ….كل اللي عاوزه هيتنفذ يا قمري….. ( ويبص لسمر وميرنا بغضب)…… قدامي منك ليها عاوزكم في كلمتين (ودخله لاوضه وقفل عليهم)
سمر بغضب : الناس دي جايه هنا ليه……. هو مش احنا مأجرين الشقه ……ازي يجي هنا….وسهرت ايه اللي عاملينها
حازم بغضب : ايجار ايه يا ام ايجار…….. انتي فاكره الكام ملطوش ال دفعتيهم دول فلوس….. دا حق نومتك وقعدتك بنهار هنا بس…… لكن بليل لا الشقه دي بجيب في فوق500 الف جنيه
ميرنا بستغراب :500 الف جنيه ليه بيعملوا ايه فيها
حازم بغضب: شغل يا حلوه …..الشقه دي بيجيها ناس تقيله اوي و مش اي ناس في البلد…. بيجو عشان ينبسطه ويروقه علي نفسهم…….. ومش عاوزين الاشكال البوظهم قدمها 10 متر ….واللي عاوزين يشفوكم بلمنظر الانتم فيه دي
سمر بغضب : ويشفونا ليه …….احنا مالنا ومالهم….. انا هقعد في الاوضه مش هخرج
حازم بغضب : اوضة ايه اللي هتقعيدي فيها….. كل شبر في الشقه هنا مفتوح لضيوف ……بيعملوا فيه الهم عاوزينه …..( ويبصلهم بقرف)…. وبعدين مالك انتي وهي….. محسسني انكم اول مره تسهروا سهرات زاي دي….. ما طول عمركم بتسهره ….واللي الشرف حط عليكم دلوقتي
ميرنا بخوف : انت عاوز مننا ايه …..انت ليه بتعمل فينا كده
حازم يقرب منها بنظرة جريئة : بعمل ايه يا حلوه….دا انا بحميكم (ميرنا زقت ايده اللي لماسها بيها) و لو مش عجبكم باب الشقه مفتوح……. بس قبل ما تخرجه بره العماره هيكون مقبوض عليكم….. وساعتها وروني هتعيشو في السجن وعلي البرش ……مع المجرمين والشواذ ازي
(ويلف عشان يخرج ….ويرجع يبص ليهم) قدامكم حل من اتنين…. يا تلبسه لبس من الكنتم بتلبسه في سهراتكم….. وتعدلوا شكلكم ….وتخرج تسهروا معانا ….. يا تخرجوا وبره الشقه …..وانا بنفسي…. هبعت اللي يوصلكم للقسم
(ويخرج ويسبهم في الاوضه)
ميرنا بدموع :انا مش ممكن اقعد مع الناس دي….انا همشي من هنا
سمر بغيظ وغضب : لو مشينا هيبلغ عنا ……دا زباله وبتاع مصلحته….. احنا نخرج نقعد معاهم النهارده وتعدي اليله دي علي خير….. وبكرا الصبح تتصل بابوكي بشوفلنا حل او مكان تاني ……اقومي البسي دلوقتي …خلي اليله دي تعدي
ميرنا قامت هي وسمر وهم فاكرين ان معندهمش حل تاني لبسوا فساتين سهره وحطه ميكب.. . وخرج لناس اللي عاجبهم الوجه الجديده في حفلات……و ناني بدأت تعمل عليهم مزاد
وفي نفس الوقت اللي.كان قرب الفجر… وسمر وميرنا بيتعمل عليهم مزاد..ريم كانت في شقتها قعده تقراء قران ومستنيه الفجر يأذن….. بس وهي قعده سمعت حد بيحاول يتفتح باب الشقه …… فخافت وقامت بشويش…. وهي بتدعي ربنا يحميهم……. وقبل ما توصل لباب الشقه كان الباب اتفتح…… و دخل منه رجلين طول وعرض…. ولسه ريم هتجري وتصرخ….راحو مسكنها وكتمين صوتها …ولسه بيشلها علشان ياخدها…..لقوا حد بينخبط الشخص اللي كاتم صوت ريم علي راسه ….فصرخ وسبها وبعد عنها وهو بيطوح ……رحت ريم مصرخه بصوة عالي…… بس مع صريخ ريم …كانت انطلق رصاصه من مسدس الرجل التاني…… واخد صاحبه وهربو بسرعه….. قبل ما يتجمعوا الناس في شقه ريم
ريم تجري علي اللي انضرب برصاص….. وغارق في دمه
ريم بصريخ ودموع : عم صااااااااالح عم صالح ………. الحقوووووني حد يتصل الإسعاف ……
تفتكره عم صالح هيموت….. وريم هتخاف وتتنازل عن البلاغ وسمر وميرنا هيقدرو يخرجوا من شقة الهرم نعرف في الحلقه الجايه….(ولاء يحيي)
