رواية يكفي ان يحبك قلبها الحلقه 13

يكفي ان يحبك قلبها
بقلم_ولاءيحيي
الحلقه (١٣)

ابراهيم قفل التلفون وكان عمر بيسمع المكلمه من جهاز التنصت اللي حطوا… وفرح لما عرف ان ريم متنازلتش عن البلاغ….. بس خاف عليهم اكتر وعرف ان ابراهيم ناوي علي شر
عمر اتصل بتلفون: خلي بالكم كويس ابرهيم ناوي علي حاجه ريم متغبش عن عينكم ولا حسن ولا اللي في الفيلا مش عاوز دبانه تقرب من حد فيهم سامعين

يقفل عمر التلفون وتدخل السكرتيرة :اتفضل يا فندم…… دي اسامي الشركات اللي حضرتك طلبتها….. واتصلت بيهم كلهم ووافقوا على الاجتماع مع حضرتك الساعه 3

عمر :تمام اتفضلي انتي
دخل شريف : اجتماع ايه اللي الساعه 3 اللي بلغوني بيه دا
عمر بجديه : اجتماع مع الشركات اللي بيتعملوا مع ابرهيم وعليه ديون ليهم
شريف باستغراب : وانت هتجتمع معاهم ليه
عمر : هخليهم يقدمه بلاغات بلشيكات اللي معاهم ويشهروا افلاسه ويسجنه
شريف : تفتكر هيرضو
عمر بابتسامه : اكيد …انا عرفت انهم ساكتين عليه لحد دلوقتي ومبلغوش عنه….. علشان مفهمهم ان انا هتجوز بنته…. وهشاركوا في شركته…… وكل الديون هتتسد …. انا بقي هعرفهم اني مليش علاقه بيه….. وأنه بقي عدوي وهشوف لو حد فيهم ينفع اعمل معاه شغل وهعمله….. والباقي اكيد مش هيسيب فلوسه

شريف بقلق : طيب وماما هي مش شريكه ليه في الشركه ممكن يحصل ليه مشكله
عمر باستهزاء : ماما مش شريكه في الشركه….. ملقيتش اي ورقه تقول ان ماما شريكه او ليها فلوس عنده……كاتب كل حاجه باسمها…… الحاجه الوحيده اللي باسم ماما الفيلا اللي هو عايش فيها…… وبعت للمحامي يعمل الاجراءات المطلوبه عشان نستلم الفيلا

شريف يضحك اوي : دا انت ناوي متخليهوش ياخد نفس

عمر بضيق :انا صبرت عليه كتير اوي كفايه كده

في شقه الهرم ميرنا قعده في اوضتها وعمله تعيط

سمر باستهزاء : هتفضلي تعيطي كده كتير….. ما خلاص وقعنا ولي كان كان
ميرنا بعياط : انتي ازي بتكلمي بسهوله… كده بعد الحصل ليكي…
سمر بجمود : عشان حصل وخلاص مقدرتش امنعهم….. والا انتي قدرتي تمنعي حازم… ( وتبص ليها) واللي حصل هيحصل تاني طول ما احنا هنا في الشقه دي…… يبقي يحصل بمزاجي ….. واختار الشخص اللي استفيد منه

ميرنا بغضب: انا لا يمكن هاعمل كده….
سمر باستهزاء : دا علي اساس ان حد هيسمع كلامك ….هو انتي عرفتي تمنعي اللي حصل ليكي من حازم….. ( وتقرب منها) انتي لازم تعرفي انهم بيتبسطه اكتر لما بياخده اللي هم عاوزينه منا غصب عنا…. دي ناس مريضه وبيستمتعوا بتعذبنا …..وكل ما رفضتي كل ما هيعذبونا اكتر…..( وتبتسم باستهزاء ) وبعدين ماهو خالص احنا مستقبلنا ضاع…..يبقي نستفيد بقي بدل ما هيحصل وهم الياخده الفلوس…… واحنا نفضل نعيط…. لا دا احنا ناخد حقنا بقي ونستفيد….. دول بياخده فلوس قد كده علي الوحده فينا

ميرنا بغضب ونرفزه : لا انا مش هعمل كده ابدا…… انا بكرا هكلم بابي…… هو قالي انه هيحل المشكله….. بكرا هكلموا وهارجع البيت

سمر بتريقه : يبقي تسيبي بكرا لبكرا….. والنهارده عيشي زاي ما هم عاوزين وقومي خدي شور ونامي عشان بليل تكوني فايقه
وتخرج وتسيبها وميرنا تفضل تعيط

وفي الفيلا ريم وصلت لقيت ماجده وامل وتقي وهاجر وساندي قاعدين
ريم بابتسامه : سلام عليكم
الكل : عليكم السلام ورحمه الله وبركاته
ماجده بقلق : عملتي ايه يا بنتي
ريم تتنهد : قدمت البلاغ يا عمتو

امل بارتياح : الحمد الله …انا كنت خايفه اوي لتتنازلي

ريم تبصلها بحزن : يعني حضرتك يا طنط…. مش زعلانه مني…عشان قدمت البلاغ في اخوك وبنته
امل بابتسامه : انا ازعل منك انتي يا رريم….. يا حبيبتي انا كنت هازعل لو اتنازلتي عن حقك ( وتكمل بحزن) هو ايوه ابرهيم اخويه….. وماكنتش احب انه يبقي كده…. بس ماحدش بيختار اهله يا بنتي….. وهو اختار طريقه وكل واحد بيتحمل ناتيجه افعالوا
تقي بضيق : بس يارب يقبضه عليهم بقي عشان نرتاح ونطمن ( وتحضن ريم) انا كل ما تخرجي بخاف عليكي اوي …. اوعي تسبينا يا ريم وترجعي بيتكم القديم

ريم ببتسامه : لا حبيبتي متخافيش….. انا هفضل قعده معاكم هنا ومش هخرج
ماجده بفرحه : عين العقل يا بنتي ايوه كده دا بيتك واتحامي في اهلك
ريم بابتسامه : ربنا يخليكم ليا يا عمتو … صحيح هو حسن فين
امل : في التمارين مع شريف…. متقلقيش عليه شريف مش هيسيبه يغيب عن عينه
ريم بابتسامه : ربنا معاهم ويحميهم…. ( وتبصلهم) طيب عن ازنكم هطلع اصلي واجي اقعد معاكم
ساندي: ريم هنلعب سوا
ريم تحضنها : هصلي واجي هنعمل انا وانتي…. حاجه جديده
هاجر : وانا اعمل معكم
ريم بابتسامه : طبعا يا جوحو هو ينفع نعمل حاجه من غيرك
(وتقوم ريم تطلع لشقتها)
ماجده : الحمد الله… اهي رجعت لطبيعتها
امل : ربنا يهديها بس وتسامح عمر
تقي بزعل : بصراحه يا طنط عمر غلط جامد اوي ..وليها حق متسامحوش
ماجده : يابنتي احنا بشر ….وكلنا بنغلط وهو عرف غلطو وندمان عليه…. وبيحاول يصلحوا ….بقي ربنا بيسامح واحنا مش هنسامح
امل بحزن : والله عمر ندمان جدا ….دا مابينمش……. وطول الوقت بيفكر ازاي يحميها…..ويرجع لها حقها …… هي كانت لحظه الشيطان عمت عينه.. من حبه فيها
تقي بابتسامه : ان شاء الله ريم تقدر تسامحوا …. وهو يحاول يعتذر ليها تاني….. هي قلبها طيب وهترضي

في شقه ريم وبعد ما خلصت صلي طلعت تلفونها وطلبت هاله
ريم :سلام عليكم ازيك يا هلول
هاله بفرحه : وعليكم السلام ورحمه الله وبركاته…. حبيبتي يا ريم عمله ايه
ريم : الحمد الله يا حبيبتي انتي عمله ايه وازاي طنط وعمي
هاله : الحمد الله بخير
ريم : بصي بقي يا حبي انا عزمكي النهارده علي العشا انتي والبت ونهي…… عشان عاوزكي في موضوع مهم جدا وضروري
هاله بقلق : خير يا ريم في حاجه حصلت تاني
ريم بهدوء : لا يا حبيبتي متقلقيش…. دا موضوع حلو هيعجبك اوي
هاله باستغراب : طيب ما تقولي شوقتيني

ريم بابتسامه : لما تيجو هقولك…. هو انتي علي طول مستعجله كده …. يلا اقفلي ورحي اتفقي مع نهي شوفوا هتتقابلوا فين وانا مستنياكم

وفي الشركه عمر
السكرتيرة : اصحاب الشركات وصله بره يا فندم
عمر يبص علي الورق القدامه : شريف وصل واللي لسه
السكرتيرة : لا يا فندم لسه
عمر : طيب دخلي اصحاب الشركات في اوضه الاجتماعات وقدموا ليه حاجه … علي ما شريف يوصل
السكرتيرة : حاضر يا فندم
عمر يمسك التلفون : انت فين يا شريف الاجتماع هيبدأ
شريف : انا في الطريق اهو……وصلت حسن الفيلا وجي حالا خمس دقائق…. وهكون في الشركه
عمر : هستناك في مكتبي علشان ندخل سوا الاجتماع متتاخرش

وبعد دقائق وصل شريف….. ودخل هو وعمر الاجتماع وهم بكامل هيئتهم…… وسلامو علي الموجودين وقعدوا

عمر بجديه وجمود : طبعا اتنم عاوزين تعرفه انا طلبت الاجتماع بيكم ليه…..( ويرجع ظهرو لورا ويبص ليهم) انا عرفت ان الاستاذ ابرهيم عمل معاكم عقود ومنفذهاش…..وان عليه ديون وشروط جزائيه كتير
واحد منهم : ايوه وفي شروط جزئية متراكمه …بمبالغ كبيره جدا عليه
شريف : وانتم مستنين ايه علشان تطلبوا بفلوسكم مبلغتوش عنه ايه
واحد منهم باستغراب : احنا عملين خاطر ليكم ولاسمكم في السوق …..ومش عاوزين ناخد اي اجراء قانوني عاشانكم

عمر بضيق: واحنا مالنا بيه… تعملوا خاطر لينا ليه….. احنا ملناش اي علاقع بشركته
واحد منهم بغضب : ازاي الكلام دا …..دا خالكم وحضرتك يا عمر بيه خطيب بنته…. وهتجوزه قريب وعارفين انك هتشاركوا في شركته….. بعد الجواز

عمر يبصله ببرود : احنا ملناش اي علاقه بيه…..والا بشغله والا شركته…..و انا اجتمعت بيكم النهارده….. لاني عرفت انه بيقول اني هشاركه …… و الكلام دا مش صحيح….. احنا لا هنشاركه….. ولا انا هتجوز بنته…احنا مافيش اي علاقه تربطني بيه….. بالعكس بينا عداوة كبير جدا دلوقتي….. لانه واخد ميراث امي واستولي عليها……وانا كلمت المحامي بتعنا وبياخد الإجراءات ضده …وهسجنوا

واحد منهم بغضب : يعني ايه احنا انضحك علينا انتم كده بتخربوا بيتنا دي ملايين
شريف بعصبيه : انتم مين…… انت بتجمعنا ليه هو حد فينا اتفق معاكم. …. او حضر اجتماع او اي اتفق بينكم….. او حتي ضمنوا عند حد فيكم…… احنا جيبنكم هنا لما عرفنا الكلام اللي بيتقال ……وحبينا نحذركم ونعرفكم الحقيقه

عمريبصلهم : وعموما انا برده مرضاش ليكم الخساره. اي شركه منكم حابب يشتغل مع شركتي يقدم ليا مشروعها بس انا شركتي غير شركه ابراهيم …. انا مليش في الشغل الملتوي و المضروب ……شغلي كله سليم باورق قانونية…. ( ويرفع صابعه ليهم) بس اي حد هيفضل ليه علاقه هو او شركه بابرهيم…… انا مش هعمل معاه اي شغل….وهيبقي عدو لينا
واحد منهم : معني كلامك… ان لو قدمنا بلاغتنا واشهرنا افلاسه وطلبنا بحقوقنا…. انتم مش هتعترض

شريف : واحنا هنعترض ليه ……احنا شخصيا قدمنا بلاغات وزي ما عمر قال المحامي بتعنا بيقوم بلاجراءت القانونيه

عمر يقوم بيقف هو وشريف : انا حبيت اعرفكم وحط النقط علي الحروف …..والقرار في الاول والاخر ليكم……. و انا شركتي ومكتبي مفتوح لاي حد فيكم حابب يشتغل معانا بس بطريقتنا احنا …. عن ازنكم

ويمشي عمر هو وشريف…. وكل واحد من الموجودين طلع تلفونه واتصل بلمحامي بتاعه لياخد الإجراءات القانونية

في الفيلا ريم نزلت الجنينه… ولقيت امل قعده لوحدها
امل ببتسامه : تقبل الله يا حبيبتي
ريم : منا ومنكم يا طنط ….هي عمتو والبنات راحو فين

امل : عمتك دخلت ترتاح شويه والبنات راحوا يعملوا ايس كريم …( وتبص ليها وتشور علي المكان جمبها) تعالي يا ريم انا عاوزه اتكلم معاكي شويه

ريم تعقد جمبها : اتفضلي يا طنط
امل تتنهد : ريم انا عارفه ان عمر غلط….و غلطه كبيره اوي وان ليكي حق في كل اللي تعمليه….. بس كمان عارفه عمر بيحبك قد ايه….. وحبه ليكي اللي خاله يغير عليكي ومايقدرش يشوف الحقيقه وقتها…. ( لسه ريم هتكلم) انا عارفه ان دا مش عذر …وانه كان لازم يثقه فيكي ويصبر ويفهم….انا يا حبيبتي عاوزكي تديله فرصه تانيه….. مش من اول غلطه يا كده تسيبوا بعض

ريم بحزن : يا طنط دي مش غلطه عاديه….. دا شك فيا ومفكرش حتي يسمعني….. صدقهم من غير ما يديني فرصه ادفاع حتي عن نفسي…… شافني قدمه متبهدله وخايفه وبدل ما يحميني جرحني
امل بابتسامه: وعرف الحقيقه واعترف بغلطه وندم… وبيحاول يصلح غلطته… واعتذر منك….. حاولي تسامحيه يا ريم و تنسي والله دا ما بينمش …. كل اللي بيفكر فيه انه عاوز يوصلهم وياخدلك حقك …..ويكفر عن غلطه ….. بصي يا ريم انا مش هقولك سامحيه دلوقتي…. انا عارفه انك زعلانه اوي بس متقفليش الباب ما بينكم …..واديله فرصه تانيه…
ريم بابتسامه : هحاول يا طنط عشان خاطرك….. هحاول اسامحه بس مش دلوقتي….. لاني لسه مجروحه منه اوووي

امل بفرح : عارفه يا حبيبتي وكمان عارفه ان قلبك كبير وبيحبه وهيسامحوا …بس بعد ما يعلموا الادب شويه
(ويضحكه هم الاتنين)
ريم بابتسامه : ربنا يقدم اللي فيه الخير يا طنط …. (وتبص لامل) طنط انا عزمة هاله ونهي علي العشا هنا النهارده بعد ازنكم طبعا
امل : ينوره يا حبيبتي…. وبعدين اذن ايه…. دا بيتك اعزمي اللي عاوزه ….وانا هقوم اجهز العشا ليهم بنفسي

ريم بابتسامه : وانا هقوم اساعد حضرتك

امل : لا خليكي…انا هبعتلك ساندي وهاجر …..وكفايه تشغليهم عني ..

وتقوم امل وتسيب ريم قعده بتفكر …اذا كانت هتقدر تسامح عمر…… طيب لو ما سامحتوش وبعدت عنه ….هتقدر تعيش من غيره …..هي بتحبه ومتعلقه بيه

ريم بتنهد بحزن : ياااارب ريح قلبي …..ونور بصرتي بما انت اعلم بيه مني
جت ساندي وهاجر وقعده مع ريم
ساندي بفرحه : هنلعب ايه
ريم ببتسامه : هعمل مسابقه بينكم
هاجر : انا كسبت انا كسبت
ريم بضحك : مش لما نعمل المسابقه الاول يا نصابه
فتضحك هاجر وساندي
ريم : هاااا مستعدين للمسابقه
ساندي : ايه المسابقه
ريم : هحفظكم قران…… واللي هتحافظ وتقولوا كله صح هاخدها الملاهي
ساندي وهاجر فضلوا ينطه من الفرحه …..وريم بدأت تحفظهم قران وهم يقولوا ورها

في شقة الهرم
حازم : يلا يا حلوه منك ليها….. اصحوا وفوقه كده عشان تجهزو نفسكم عندكم شغل
ميرنا بغضب : انا مش هشتغل معاكم ….. انا هعقد هنا ومش هخرج
حازم بغضب : تعقدي فين يا حلوه….. مش عاوزه تشتغلي اتفضلي امشي من هنا……. احنا مش فاضين لدلع دا…. وانتي يا ست سمر قومي اجهزي
سمر تقف قدامه : مش نتفق الاول
حازم باستغراب : نتفق علي ايه ياختي
سمر : نصيبي من الشغل دا…. هاخد كام
حازم بضحك :ال ال …..دا القطه عجبتها الشغلانه…. وعاوزه نصيبها من التورته…… حلو ميتخافش عليكي يا سمور….. بتعرفي تمشي امورك … وتتأقلمي مع الجو بسرعه

سمر باستهزاء : امل فاكرين هفضل هبله…..و سيبكم تنهشوا لحمي ….وتقبضوا قد كده من وريا…… وانا افضل اعيط وسيبكم… لا يا خفيف انسي حقي هاخده قبل ما اتحرك من هنا
حازم يبصلها بقرف ويتكلم بتريقه : ابقي اكلمي مع ناني يااااااادكتوره….. وشوفي البنات اللي زيك هنا بياخدوا كام… و ابقي عقلي الحلو اللي جمبك دي… و خليها تعرف مصلحتها زيك
(وخرج وسابهم)
سمر بضيق : قومي اجهزي احسنلك….. كده او كده اللي عاوزينه هيحصل…. فبلاش تعاندي وخليها بمزاجك احسن

ميرنا بغضب : انا مش هعمل كده….. انا همشي من هنا بكرا ….بابي قالي كده
سمر : احنا في النهارده يا ختي……. خلي اليله دي تعدي …..وبكرا ابقي امشي …..متعانديش معاهم …. بدل ما يعملوا عليكي حفله….. حازم دا واطي….. وممكن يعمل اي حاجه….. قومي يا ختي قومي ورنا شغل

وفي الفيلا…. ريم قعده بتحفظ ساندي وهاجر …و دخل عمر ومعه شريف….. عمر اول ما شافه ….واقف بيبص عليها بشوق وحب….. وخايف يقرب منها

شريف ببتسامه : انت هتقف تبص عليها كده من بعيد لبعيد….. ما تتحرك …..روح وحاول كلمها
عمر بحزن : هترفض وهتضايق …وهتطلع شقتها
شريف : ترفض وتضايق وتتخانق…… سيبها تطلع كل غضبها منك فيك…… هي كل ما هتطلع الجوها من غضب.. هتصفي من جوها ليك ……لكن طول ما غضبها هيبقي مكتوم جوها …مش هاتصفا ليك والا هتسامحك ابدا

عمر ابتسم وعجبه الكلام : تفتكر يعني اروح اكلمها .
شريف بضحك : انت هتفضل تسأل….. يابني اتحرك ايه الخيبه دي

عمر يبصله ويضحك يروح لعند ريم
عمر ببتسامه : بتعمله ايه يا حلوين
ساندي تجري عليه : بااااابي… احنا بنحفظ قرآن
وريم تقف بعصبيه ….ولسه هتمشي….فيجري ويقف قدامها

عمر وهو شايل ساندي : علي فين ساندي لسه محافظتش …..ماينفعش تسبيهم في النص التحفيظ كده غلط وهتنسي لازم تخلصو حفظ

ريم بعصبيه وغيظ : حفظهم انت (وتحاول تمشي فيقف قدمها تاني)
عمر ببتسامه : مابعرفش زيك… و هم عاوزينك انتي مش انا ( ويبص لهاجر) صح يا جوجو مش انتي عاوزه ريم

هاجر تقوم وتروح تمسك ايد ريم

هاجر بزعل : ريم عالي احفظ انا عاوز اكسب ( وتاخدها وتقعد تاني …. ويقرب عمر ويقعد وهو شايل ساندي)

ريم بعصبيه : سيب ساندي وامشي هو انت هتفضل قعدلي

عمر ببتسامه : ااايوه ( ويبصلها بحب) اصل ساندي وحشتني اوي اوي…. اصلها زعلانه مني وحرماني منها و بقالي كتير مشفتهاش فقعد هنا ابص عليها…. من غير صوت خلاص بس تبقى قدامي
ريم بغضب : وانا مش عاوزه اقعد في مكان انتي فيه….. اتفضل لو سمحت سيبنا لوحدنا … وابقي اقعد مع ساندي لما اخلص انا معاهم

عمر يمثل الزعل ويبص لساندي : شوفتي يا ساندي… ريم بتزعل بابي… ومش عاوزه يقعد معاكم … مش انتي عاوزني اقعد معاكي
ساندي تبص لريم بنظره رجاء طفوليه . : سبيه ريم هو شاطر ومش هيعمل صوت….. هيقعد ساكت خالص… صح يا بابي
عمر بابتسامه يبوسها : صح يا عيون بابي
هاجر بضيق : يلا ريم قول…. عاوزه اكسب وروح ملاهي
ريم بضيق وغيظ تبص لعمر… اللي قاعد يبصلها بحب ويبتسم…. و ترجع تحفظهم….. وكل ما تيجي تخلص وتقوم… عمر يشبطهم فيها تاني… وهي تتغظ منه … بس من جوها كانت مبسوطه لأنه وحشها

وبليل علي العشا جت نهي وهاله….. والكل كان متجمعين ….. وعماد كان مبسوط وهو شايف هاله قدامه…. وكان فرح بتغير اللي هي فيه . وكان قعد وعينه عليها وكل شويه يتلكك ويكلمها….. وهي ومكسوفه

وبعد العشا طلعت نهي وهاله …لشقة ريم

هاله بلهفه : هااا يا ست ريم…. قولي ايه هو الموضوع المهم

ريم ببتسامه : الموضوع ياستي….اني هنشلك من الضايع اللي انتي فيه وهجوزك ( وتبصله ببتسامه)جيبلك عريس

نهي بضحك : دا مين اللي عاوزه تنتقمي مناه… وبدبسيه في هابه
هاله تخبطها في كتفها… وتبص لريم مستنيه تنطق الاسم وهي قلبها عمل يدق
ريم حسة بهاله فابتسمت : امممممم شكلك كده يا ست هاله حسه وعارفه هو مين وقلبها بيدق من الفرح

هاله بكسوف : فرحة ايه يا ريم… هو انا فهمه حاجه واللي عارفه انتي بتكلمي عن مين
ريم بضحك : هعمل نفسي مش واخده بالي…. وهصدق انك متعرفيش حاجه….. العريس يبقى عماد …… طلب مني اكلمك واعرف رأيك ….. ولو موافقه تاخدي لينا ميعاد من الحج ابو هاله…. عشان يجي يتقدملك

هاله اتكسفت ووشها احمر….. وريم ونهي فضلوا يغلسوا عليها ويعكسها ويضحكوا….. وهي اتفقت انها هتاخد ميعاد من اهلها وتبلغ ريم بيه….. وهم قاعدين تلفون هاله رن برقم غريب

هاله بضحك وفرحه : الووووووو
هاله تسمع صوة ضحك عالي ….ودوشه كتير …وصوت رجاله وستات بيضحكه
هاله باستغراب : الووووووو
سمر وهي سكرانه : ازيك يا هاله هانم
هاله بشك في الصوت : مين معايا
سمر ضحكت ضحكه عاليه : نسيتي صوتي بسرعه كده……(وتكمل بغيظ وغضب) بس انا بقي هفضل فاكراكم ومش هسيبكم لازم اخد حقي منكم وهفضحكم انتي وست ريم اللي عمله نفسه شريفه …..وزي ما مستقبلي ضاع هضيع مستقبلكم وهتعيشوا اللي انا عيشه فيه دلوقتي….وقريب اوي هخلي كل الكلاب اللي هنا ينهشوا في لحمكم ….

هاله وشها اتغير وخافت… وبصت لريم ونهي…. اللي حسوا بخوفها
ريم بقلق : خير يا هاله مين بيكلم
هاله فضلت مسكه التلفون….وهي مصدومه وخايفه ومش عارفه…. تكلم وساكته
نهي بخوف : مالك يا بنتي مين الكان بيتكلم
هاله بصدمه : دي سمر
نهي وريم انصدموا : سممممممر

ريم بغضب : و دي عاوزه ايه تاني ….وبتكلمك ليه ومنين
هاله بخوف : مش عارفه….جمبها اصوات غريبه….. ستات ورجاله وضحك ….وبتقولي هفضحكم زي ما فضحتوني وهاخد حقي…وبعدين صوتها فضل يقطع

نهي بخوف : هي لسه ليها عين تهدد…. هي مش مكفيها اللي عملته…عاوزه منكم ايه تاني….هم مش هيسبنا في حالنا بقي

ريم حست بخوف هاله ونهي فبصت ليهم بضيق: متخافوش ان شاء الله هيمسكهم قريب ….وينتهي الكابوس دا ..

هاله بدموع مكتومه : انا خايفه اوي يا ريم… صوتها كله كره
ريم وقفت : متخافيش… قوموا تعالوا معايا…. ما احنا مش هنفضل مستسلمين …و مستخبين وخايفين منهم… احنا لازم نوقفهم عند حدهم بقي ……
ريم قامت واقفت واخدت شنطتها واخدت نهي وهاله…. ونزلت الجنينه… لقيت الكل قاعد فوقفت بعيد

ريم بصوة عالي شويه: دكتور عماد لو سمحت ( هاله قرصتها وقالت بصوة واطي بلاش عماد )

ريم بصتلها بابتسامه : هو دا وقت كسوفك انتي كمان
( وعماد قرب وهو شايف القلق علي وشهم )
عماد: خير يا ريم حصل حاجه
ريم بصوة واطي عشان ماحدش يسمع…. بس شريف وعمر كانو واخدين بالهم من وشهم وقلقهم

ريم : ممكن لو سمحت تتصل بظابط هشام…. وتشوف هو فين احنا لازم نروح ليه دلوقتي …
عماد بقلق : ترحوا ليه….هو حصل حاجه تاني

ريم تبص لهاله : اصلهم اتصلوا علي هاله دلوقتي وهددوها

…. وشريف وعمر كانوا قربه منهم
عماد بغضب وخوف بص لهاله : مين اللي هددك…. وقالك ايه
عمر سمع كلام عماد فبص لريم بقلق : مين اللي هددك وهددك ازي ايه الحصل
ريم تبص له بضيق : وانت مالك انت… لو سمحت متكلمش معايا.. خليك في حالك ( وتدور وشها بضيق…. وهو يجز علي سنانه بضيق)
عمر بغيظ : ماشي ياريم… ماشي

ريم بغيظ وغضب : ايه ماشي دي….. هتعمل ايه يعني…( وتبصله برخمه) وبعدين اسم الدكتوره ريم..لو سمحت متشلش الالقاب بنا
عمر يبصلها بغيظ : هو انتي مش هتعقلي بقي… ما انا اعتذرت ليك… وقولتلك اني غلطان … متزودهاش بقي يا ريم…
ريم بغضب : قولتلك متقولش ريم
عماد يبصلهم بغيظ : هو دا وقته انتي وهي.. احنا في ايه والا في ايه … ما حد يفهمنا مين الهددكم

نهي بخوف ودموع مكتومه : سمر…سمر اتصلت علي هاله وهدديتها انها هتاخد حقها منها هي وريم …. وهتفضحهم

شريف حس بخوف نهي …وان اعصابه متستحملش الضغط
فيقرب منها بهدوء يبص لعيونها ويمسك ايدها

شريف : متخافيش يا نهي…. ماحدش يقدر يعملكم حاجه…. احنا مش هنسمح لحد يؤذي واحده فيكم… انتم مسؤولين مننا

نهي اتكسف وشدت ايدها وحطت وشها في الارض…. فهو أول حد يمسك ايدها واول مره ينادي اسمها من غير دكتوره….. و بيبص لعينها وحسسها انها مسؤله منه

( طبعا اوقات غريبه عشان شغل السهوكه دا  بس نقول ايه ما الحب ملوش ميعاد)

وهم واقفين يلقي ضرب نار عليهم من سور الفيلا

ونكمل الحلقه الجايه ان شاء الله ونعرف ايه الحصل…. وعرفه ان انا هضرب بنار منكم… بس لازم شويه تشويق