يكفي أن يحبك قلبها
بقلم_ولاءيحيي
الحلقه (١٨)
وفي الوقت اللي ريم وعمر بيتنقروا …..نزلت تقي وهاجر ومايا وجريت هاجر بسرعه …..وفتحت الباب اللي جمب عمر وركبت
هاجر بفرحه اطفال : انا سابقة انا شاطر
عمر وريم يبصوا …..ويلقي هاجر ركبت على الكرسي جمب عمر ….فريم تضحك
ريم بفرحه وتغيظ عمر : يلا يا تقي انتي ومايا هنركب جمب بعض… هاجر اللي كسبت
وتمشي وتسيبه بيجز علي سنانه….. ويركب وتتحرك العربيات لبيت نهي
ويوصله لبيت نهي…..و كان متجمع اهلها من عممها وخالنها واولادهم …..وطبعا عمر اول ما دخل وبيسلم علي ابو نهي وبصوة عالي
عمر بابتسامه :انا عمر سويلم ….اخو شريف وخطيب الدكتوره ريم صاحبه نهي
وطبعا الكل كتم ضحكته…. وريم تكسف واهل نهي باركوا ليها …..وطلبت تدخل لنهي علي طول ويتم الاتفاق وقرأت الفاتحه ….وفرحه الجميع
في الهرم ميرنا بتجهز ومعاها سمر
سمر بضيق : يعني ايه رفض…. مش هيجبهم رفض يخطفهم
ميرنا بتريقها : عملي فيها شريف وصاحب مبادء…..(وتبصلها بثقه )بس متقلقيش هينفذ
سمر بنرفزه : انتي مش بتقولي رفض …. يبقي هينفذ ازاي
ميرنا ببتسامه : هو رافض بس انا عارفه ازاي اخليه يوافق
سمر ببتسامه : تعجبني ثقتك في نفسك …وهو بصراحه شكله حبك
ميرنا بضحك عاليه : حبني بس … انا متأكده انه عشقني …( وتبص للمرايا بضيق ) اصله طلع زايهم . بتعجبوا البنت البرىئه المحترمه … وطبعا هو مايقدرش يتجوز واحده منهم …لانها مش هتقبل بواحد بيشتغل في مافيا … بس لما يلقي واحده في مكان زاي دا … ويعرف انها مظلومه وضعيفه …وهو طوق النجاه ليها … تفتكري هيسبها …والا هيرمي الطوق ويشدها
سمر بتريقه : هيرمي الطوق طبعا … بس افرضي انه رافض وقالك تسيبي هنا وتروحي معاه
ميرنا بغضب : مش هخرج من هنا قبل ما انتقم … ( وترجع تبص للمرايا ) لازم اثبت لكل ان ريم واللي زيها مش احسن مننا … وان اي وحده تيجي مكان زاي دا هيتعمل فيها زي اللي اتعمل فينا …و هتدخل المزاد …وهتبقي زينا ….لازم اثبت لهم انهم مش انظف والا احسن مني…. وهرجع اسمي وسمعتي ….( وتبص لسمر )انا مش هعيش هربانه طول عمري … هرجع ميرنا ابراهيم عليوة
سمر بخبث تقرب منها : ايوه يا ميرنا … لازم تثبتي انهم زينا …اوعي تستسلمي …( وتقف تتنهد بضيق ) بس يارب فايز يجي ..
ميرنا تقف بثقه :هيجي …… وهيوافق هتشوفي ….. يلا نخرج بره الكل بدأ يجي….. وانا اليله …. مزاجي عالي اوي …. وعاوزه ارقص لصبح
خرجت ميرنا وكانت في قمه جمالها وانوثتها …..كانت لبسه فستان قصير ظاهر رجلها كامله … بحملات رفيعه وظهر كله مكشوف ….واول ما خرجت….بقيت تكلم مع كل الموجودين وتدلع عليهم…..خلت الكل بيحلم انها تكون ملكه الليله وكان موجود في السهره دي …. ثري عربي …ومن اول ما شاف ميرنا ….وهو عينه هتطلع عليها ….وهي عمله تدلع عليه وناني واقفه قلقانه …..وخايفه ان فايز يجي….. لان الكل عاوز ميرنا …وخايفه تحصل مشكله….. مرر الوقت وميرنا كانت جننت الكل…. وبعد فتره ظهر فايز…. ودخل وميرنا كانت مبسوطه لان خطيتها مشيه زي ما هي عاوزه …. دخل فايز و شاف الكل العيون علي ميرنا….. وهي مهتمتش بوجوده والا عبرته ….. فحب يضايقها وقرب من واحده من البنات الموجودين…. وهي فهمت انه عاوز يغيظها …. فضحكة باستهزاء ….ورحت وشوشه حازم…..اللي شغل اغنيه ….وهي بدأت ترقص….. وحازم طفي النور وركز اضاءه عليها هي وبس ……والكل قعد وعينه هتطلع علي جمالها ودلعها….. ورقصها اللي حرك شهوات وطمع كل الموجودين….. وبقي عندهم استعداد يدفعوا فلوسهم كلها….. وتكون ميرنا ليهم في الليله ….وفايز بقي غيران وهيتجنن من تصرفتها ….. وبقي في قمة غضبه وعصبيته ….وحس ان ميرنا بنسبه ليه مش مجرد وحده ….يقضي معه ليله ….. لا ميرنا هو بيعشقها وهي بقيت ملكه وبتاعته ……
وميرنا بترقص قام الثري العربي…. وحدف كم هائل من الفلوس…. اللي خلي ناني وحازم يفتحه عينهم من الصدمه…. وخلي فايز عاوز يقوم يولع فيه …..وبعد انتهاء الرقص…. والكل اتلف حاولين ميرنا والثري العربي حط ايدها علي وسطها…. وهي بصت لفايز اللي وشه احمر من الغضب…..ورح قام بغضب …..و شدها منه …. واخدها من ايده بغضب وعصبيه…. والثري العربي قرب وكان هيضربوا ….. بس وقف ليه البودي جارد اللي بيحمو فايز ….. وفتحوا مسدساتهم عليه ….. فكل واقف مكانه ….. وفايز اخد ميرنا ….. وخرج بيها بره الشقه
ميرنا تشد ايدها منه : انت وخدني فين سيب ايدي
فايز بغضب : هتمشي معايا حالا…. ومش هترجعي هنا تاني….انتي ليه انا وبس
ميرنا بتصميم : وانا قولتلك مش همشي…. غير لما انتقم واخد حقي …وحق اهلي
فايز يقرب منها بغضب و يمسك دقنها بشده يألمها : انا محدش يقولي لا…… انا ممكن اموتك علي اللي عملتيه جوه دلوقتي …… انا قولت انتي بتاعتي ليه وبس…ممنوع حد يلمسك او حتي يبص عليكي
ميرنا بخوف بس بدريه : موتني خليني ارتاح ….. بس انسي اني اكون ليك وامشي معك من هنا بمزاجي…… مش هكون ليك قبل ما انتقم …..واخد حقي من اللي ظلموني
فايز يقرب وشه منها….. ويبص في عنيها اللي دمعت من الم وشدت مسكتها لدقنها …….ورح بايسها بقوه ورغبه وحب وغضب….. وبعد وقت لما غضبه بدأ يهدي…. وشوقه بقي اقوي من غضبه ….. حط راسه علي راسها….بشوق وحب
فايز بلهفه وحب : انسي الفات يا ميرنا ….. وتعالي معايا نتجوز وتبقي مراتي…..ونبعد عن الدنيا الجوه دي
وانا هرجعك سيده مجتمع… وليكي مكانك واسمك… والكل هيبقي تحت امرك…..انا عندي فلوس كتير اوي …وعاوز ابقي فايز تاني …وابدأ انا وانتي من جديد
ميرنا بانفس متقطعه : اخد حقي الاول….. دا مهري وشبكتي ….. لازم اشوفهم هنا في الشقه دي….. و يدخلوا المزاد…لازم اعمل فيهم زاي ما عملوا فيا …..لو بتحبني ساعدني…. وانا هاكون ليك…وملكك لوحدك
فايز يبص لعينها برجاء : انسي…. وانا هعوضك…. هجيبلك كل اللي انتي عاوزه فيلا دهب فلوس…. كل حاجه هتبقي ليكي
ميرنا تحط ايدها الاتنين علي وشه وتمثل الحب : مش عاوزه حاجه من دا كله….. انا عاوزك انت وبس….مش عاوزه فلوس والا املاك انا عاوزه عيش معك و احبك وتحبني …… لكن عشان اقدر اعيش معك وكون سعيده واقدر اسعدك……. لازم انسي الفات …..وانا لسه مجروحه ومش هنسي….. وعيش الحياة…..وارجع ميرنا البريئه الطيبه غير لما انتقم من كل الظلموني انا واهلي …..( وتبصله بدموع مصطنعه ) لو بتحبني بجد ساعدني يا فايز …..ولو مش هتساعدني… سبيني وابعد عني …. خليني انسك وانسي حبي ليك….مش عاوزه حبي ليك يكون نقطة ضعفي وينسني حقي
فايز يبص لعينها و يتنهد بحزن : حاضر يا ميرنا …..هعملك العاوزه……وهجيبهم لعندك هنا
ميرنا تفرح وتحضنه بقوه : بحبك يا فايز بحبك اوي ….( فايز فرح جدا بكلمتها وبص ليها بشوق وباسها بوسه كبيره شعلت نار شوقه ليها وبعد فتره بعدت وبصت ليه )
ميرنا بأنفاس متقطعه :تعال ندخل نقعد في مكانا الخاص…. ونتكلم انا وانت
وتاخدوا وترجع لشقه ناني …..وتدخل الفريندا لترسم …تكمل خطتها الشريره
وفي صباح يوم جديد….. في الفيلا…. ويوم عيد ميلاد ريم وصحيه علي صوت عالي ….. فوق راسها فتحت عنيها لقيت
ساندي وتقي ومايا وهاجر وهاله ونهي….. واقفين فوق راسها وعملين يغني Happy Birthday to you
ريم ببتسامه تقوم و تعقد وهم بيغنوا وبيحضنها
ريم بسعاده : انتم افتكرتم ازاي دا انا كنت ناسيه
هاله بابتسامه : احنا لا يمكن ننسي ابدا …… كل سنه وانتي طيبه يا ريمو ….العمر كله ليكي يارب
ريم بحب : وانتم طيبين وبخير يارب
ساندي تقرب وتبوسها وتطلع وردها وتديها ليه : كل سنه وانتي طيب
ريم بحب تضمها جامد وتفضل تبوس فيها : عسل يا ناس عسل …..وانتي طيبه يا قلبي انتي
تقي بابتسامه : يلا قومي ياريمو…. عشان احنا عندنا حاجات كتيره اوي نعملها
ريم بستغراب :حاجات ايه دي
مايا بفرحه : النهارده عاملين حفله ليكي بمناسبه عيد ميلاك
ريم تقوم تقف وهي شيله ساندي : لاااااااا ….انا مش بحتفل بعيد ميلادي….. انا مش هعمل حفلات …انا مليش في الكلام دا
نهي تاخد منها ساندي : مش بمزاجك….. وبعدين هي مش حفله حفله….. دي بنا احنا كده البنات……مافيش حد تاني ..قومي بقي وبطلي غلاسه
ريم بابتسامه : لو بينا وبين بعض ماشي ….بس هنعمل ايه
تقي : هندلع نفسنا بقي ونتزوق ……انا جيبيه ميكب ارتست هتزوقنا كلنا….. ونلبس احلي فساتين …..وننزل نحتفل سوا
ريم باستغراب : ايه دا كله…ليه يعني ….وبعدين انا مش هحط ماكياج…… انا مش بحط حاجه في وشي
هاله : النهارده استثناء يا ريم…. هنعمل كل اللي مش بنعملوا و نغير وندل نفسنا شويه….. قومي بقي بطلي رخامه …..النهارده سلمى نفسك لينا …من غير اي اعتراض
ريم بضحك : انا اسلم نفسي لشويه مجانين ……لا انسوا
يبصه لبعض كلها و يتفقوا …… و يروحوا نزلين زغزغه فيها …وهي بتصرخ
ريم بضحك : خلاص خلاص سبوني ….هسلم نفسي .اعملوا الانتم عاوزينه بس سبوني
تقي بضحك : ايوه كده ناس مش بتيجي غير بزغزغه….. يلا قومي خدي شور وتعالي
وتقوم ريم وهي مستسلمه ليهم….. وهم يجهزه كل حاجه …وتيجي الميكب ارتست
الميكب ارتست بابتسامه : ممكن اشوف فستان …..العروسه
ريم تضحك : عروسه ايه……. دا عيد ميلادي……(وتبص للبنات ) بس هم المجانين عاوزين يحتفلوا بشكل خاص
الميكب بابتسامه : كل سنه وانتي طيبه يا جميله ….. طيب اشوف الفستان اللي هتلبسيه ….. علشان اظبط الالوان اللي هحطها علي وشك …… مع ان انتي ماشاء الله عليكي وشك مش محتاج اي حاجه
ريم بابتسامه : مش عارفه هلبس اي حاجه
وهنا تدخل امل …..ومعها علبه كبيره …مقفوله
امل بسعاده : اتفضل دا الفستان اهو
ريم تقف باستغراب : ايه دا يا طنط
امل تحضنها : دي هديتي ليكي يا حبيبتي …. كل سنه وانتي طيبه
ريم بابتسامه : وحضرتك طيبه…… بس دا كتير اوي يا طنط
امل :مافيش حاجه كتير عليكي يا حبيبتي……( وتبصلها بحب ) يلا اجهزوا….. وانا هنزل اشوف التورته والحاجه اللي تحت
ريم تستسلم وتعمل ميكب….. ويطلع في منتهي الرقه وجمال …… وزاد جملها وكان شكلها مختلف جدا للكل لانهم اول مره يشفوها بميكب…..وكان فستانها جميل ……كان لونه اوف وايت ومعه الطرحه بينك…. وشوز بينك …. وكانت جميله ورقيقه اوي
ريم تبص لنفسها وبتضحك : كل دا لعيد ميلادي امل في فرحي… هعمل ايه
نهي بضحك : اهو تجربه يا ستي….. بس ايه القمر دا…. ماشاء الله عليكي حلوه اوي يا ريم
وتدخل ماجده بفرحه وتبص علي ريم : بسم الله ماشاء الله بدر منور
ريم بكسوف وابتسامه: ربنا يخليكي يا عمتو…..عينكي الحلوه
ماجده تقرب وتحضنها وجوه عنيها دموع مكتومه : ربنا يسعدك يا حبيبتي ويهنيكي( وتبص للبنات) ….. يلا يا بنات كله حاجه جاهز تحت
ريم باستغراب : حاجه ايه اللي جاهزه … انتم ناوين علي ايه
الكل يقرب من ريم بضحك ويربطه عنيها
البنات سوا : مفاجأة
ريم تضحك : طب بتغمي عيني ليه ….هشوف ازاي انا
الكل بصوة واحد وضحك : امشي معانا
ريم تنزل معاهم وهي بتضحك…… ومش عارفه هم بيعمله ايه ……واول ما نزلت وخرجوا بره الجنينه شالو الرباط من علي عينها فبصت لقيت قدامها.. عمر واقف لبس بدله سوده وقميص ابيض…..وكان زاي القمر…. ومسك في ايده ورد اوف وايت …..مربوط بشريط بينك….. نفس الوان فستان وطرحت ريم …… والجنينه كلها متزوقها وتربيزات وبلالين….. وفي ناس كتير موجوده ريم واقفت قدام عمر وهي مصدومه ومش فاهمه حاجه
عمر يقرب منها ببتسامه ونظره حب :انا لو اعرف انك هتبقي جميله اوي كده …. ماكنتش عزمت حد خالص
ريم بكسوف ورقه : ميرسي…. ( وتبص حاوليها بكسوف ) بس ليه دا كله….. ومين الناس دي
عمر يديها الورد ويبتسم : نعمل ايه ما هو الجواز الصحيح ….لازم يكون بلأشهار
ريم بصدمه : جواز مين….. هو مين هيتجوز
عمر بضحك : احنا….. انا وانتي …النهارده كتب كتبنا
ريم بصدمه تبرق : لااااااا طبعا …… ازاي يعني كتب كتبنا ماينفعش
عمر بقلق : هو انتي لسه زعلانه مني …و مش عاوزه تجوزيني
ريم بسرعه : لا عاوزه اتجوزك ( واتكسفت وبصت في الارض) ومش زعلانه منك خلاص ( وترجع تبصله بحب ) بس ماقدرش اتجوز من غير ماما ما تكون معايا…… وكمان عمي هو الولي بتاعي….
عمر يقرب منها وهو مبتسم : يبقي هنتجوز
ريم تبصله باستغراب …. فتدخل عربيه متزوقها بشكل جميل وهي عمله تزمر…….. وعمر يشاور ليها عليها وهو مبتسم…… وريم تبص علي العربيه وهي مستغربه ….. وتلقي ابواب العربيه بتفتح…… وينزل شريف لبس ببدلته ومعاه حسن اخوها لبس ببدلته…….. وينزل عمها ومراتها….. وفي الاخر تنزل فاطمه …… وريم دموعها تجمع في عينها….. وتدي الورد لعمر ……وتجري لحضن مامتها
ريم بدموع : ماما حبيبتي ….. انت رجعتي بسلامه …..انتي هنا قدامي….. انتي في حضنكي
فاطمه بفرحه : وحشتيني يا ريم…… وحشتيني اوي يا حبيبتي
مديحه راحت تجري علي تقي وهاجر….( وبصت لقيت ماجده وقفه )فجريت لحضنها
ماجده بدموع : الحمد الله اني شوفتك قبل ما موت سامحيني يا مديحه…… سامحيني ياختي
مديحه بدموع : وحشتيني اوي يا ابله ماجده…… وحشني حضنك
عبد الحميد وهو حضن بناته : وبعدين بقي…… احنا جين علشان نفرح ولا نعيط…..( ويبص لعمر ) فين الماذون يا عمر
عماد بصوة عالي وهو داخل: وووووووصل …الماذون وصل
ويروح عماد يسلام علي عبد الحميد
عماد بابتسامه : حمدالله علي سلامتك يا عمي
عبد الحميد بحب : الله يسلامك يا عماد ……حمدالله علي سلامتك انت يا دكتور
امل بفرحه : يلا يا جماعه ادخلوا … الناس مستنيه
عمر يقرب من ريم : اظن كده نقدر نكتب الكتاب….. ماما فاطمه ووصلت بسلامه هي وعمي عبد الحميد… ملكيش حجه تاني
ريم بكسوف تبص لفاطمه
فاطمه بدموع الفرحه : يلا يا حبيتي….روحي مع عريسك وفرحي قلبي بيكم ….. ربنا يسعدكم ويكملكم علي خير يارب
ريم تبوسها ……و تمشي مع عمر…… وكل يمشي وراهم ….وهم بيزغرد …….وساندي ومايا وهاجر……..بيرموا ورد عليهم…… وتقرب ريم من المكان المخصص لكتب كتابهم ….وتلقي عم صالح ومراته زينب موجودين…..فتروح لعنده
ريم بفرحه : عم صالح انا مبسوطه اوي انك هنا معايا…. فرحتي عمرها ما كانت هتكمل من غيركم
صالح يبصلها بفرحه ودموع جوه عنيه : انا الفرحان اوي .. اني شوفتك عروسه …… وهحضر كتب كتابك… ربنا يسعدكم ويتم ليكم علي خير …( ويبص لعمر ) خل بالك منها
عمر يبص ليها بحب : ريم في عنيه يا عم صالح
ويروح عمر وريم يعقده في المكان المخصص…… لكتب الكتاب ويعقد عبد الحميد وريم جمبه…… وحسن وفاطمه ومديحه والبنات واقفين جمبها……. والناحيه التانيه عمر وجمبه شريف وعماد وامل وماجده
المازون : الف مبروك ……ربنا يكملكم علي خير….. مين وكيل العروسه
عبد الحميد يبص لريم بدموع الاب : انا وكيلها
المازون : والشهود
ريم بسرعه : عم صالح …عم صالح الشاهد بتعنا
صالح يقرب بفرحه ويبتسم ليها : دا يوم المني…..وادي البطاقه بتعتي
المازون: والشاهد التاني
لسه عماد وشريف هيتكلموا بس سمعوا صوت عالي
تفتكرو صوت ايه … وياتري فرحتهم هتكمل نعرف الحلقه الجايه
