يكفي أن يحبك قلبها
بقلم_ولاءيحيي
الحلقه (١٦)
ريم كانت قعده في شقتها لوحدها…… ومضايقه من تجاهل عمر طول اليوم ليها…… وحسه انها زودتها معاه وهو زعل…. بس مش عارفه تصالح اللي بينهم ازي ….. وهي قاعده تلفونها رن
ريم بابتسامه : اهلا يا عروسه
هاله بضحك: اهلا بيكي…… وايه عروسه دي هو لسه حصل حاجه
ريم : هيحصل يا حبيبتي ان شاء الله….مش انتي كلمتي عمي وطنط
هاله بابتسامه : ايوه و مستنيكم اي وقت تحددوه
ريم بابتسامه : خالص هنزل ابلغهم تحت ….. واعرف المعاد واقولك
هاله لفرحه : تسلميلي يا حبي…. عقبال ما تعقلي بقي وتسامحي عمر دا هيتجنن
ريم تتنهد بضيق : شكلوا زهق يا هاله …. وبعد عني
هاله باستغراب : ليه بتقولي كده
ريم بزعل : طول اليوم مطنشني …. والا بيبص ليا والا بيحاول يتكلم معايا ….
هاله بضحك : مش انتي اللي قولتي ميكلمكيش تاني
ريم بغيظ : مش زعلانه يا هاله وبعدين هو غلط فيا يبقى حقي يصالحني…. يعني اصلحه علي طول كده … مش لازم يعرف غلطه ويتربي شويه عشان يحرم
هاله بضحك : اهو اتربي على الآخر ياختي اتربي لدرجه انه طفش منك
ريم بخضه : طفش ازي يعني ….
هاله بتغيظه : تلقي في واحده كده واللي كده لعبت في عقلوا … وهو قال لنفسه ريم مش هتسامحني اروح ليها
ريم بصدمه : واحده مين … قولي انت اكيد تعرفي حاجه … انتي شوفتيه مع حد يا هاله
هالة تمثل الارتباك : هاااا اصل بصراحه يا ريم … انا شوفته قعد في مطعم مع واحده … بس كان شكلهم عادي … يمكن يكونه بيتكلموا في الشغل
ريم بدموع في عنيه : شغل ايه اللي في مطعم دا …. اكيد دي واحده يعرفها … معقول يا هاله عمر بيخوني
هاله تضحك اوي … بصوت علي
ريم بغيظ : انتي بتضحك علي ايه … بقولك عمر بيخوني وانتي بتضحكي
هاله تتنهد : وانتي عرفتي منين انه بيخونك
ريم بغيظ : هو مش انتي اللي بتقولي انه كان قعد مع واحده في مطعم …. يعني اكيد يعرفها
هاله : اولا انا كنت بهزر معاكي … انا مشفتش عمر قعد مع حد … بس انتي اهو يا ريم … مجرد ما سمعتي بس انه قعد مع واحده … قولتي انه بيخونك … وغيرتي عليه وشكيتي فيه …. زعلانه ليه من عمر انه من غيرته وحبه ليكي … صدق كلام الزفت حازم … وخصوصي بعد الرسايل والصور اللي بعتهم ليه …. هم لعبها عليه صح … وهو غصب عنه صدق
ريم بكسوف من نفسها : عندك حق يا هاله …. بس هو كان لازم يبقي عنده ثقه فيا
هاله بضحك : وانتي ليه ماكنش عندك ثقه لما قولتلك شوفته في مطعم … ما يمكن تكون واحده تبع الشغل
ريم بغيظ : انتي بتلعبي بيا يا هاله … طيب لما اشوفك … والله لخلي عماد يطلعوا عليكي
هاله بحب : عماد … ماظنش انه ممكن يزعلني في يوم ….دا حنين وطيب اوي
ريم بضحك وسعاده : اييييوه بقي يا هلول …. دا انتي وقعتي خلاص ودخلتي القفص ….(وتتنهد بحب )ربنا يسعدكم يا لولو يارب…… يلا اسيبك دلوقتي وهاكلمك كمان شويه ….سلام عليكم
ريم لبست ونزلت عشان تبلغ عماد….. لقيت ماجده وامل وعماد وعمر وشريف في الجنينه
ريم : سلام عليكم
لكل : عليكم السلام ورحمه الله وبركاته
ريم بصت علي عمر …اللي اول ما شافها رح مطلع الفون وبص فيه …..فضايقت اوي واتغاظت
امل بابتسامه وهي شايفه نظرتها لعمر : واقفه ليه يا ريم تعالي قعدي يا حبيبتي
ريم تعقد بغيظ : انا كلمت هاله يا عماد …..وهم مستنينك في اي وقت تحدوا
عماد بفرحه : بجد طب يلا نروح دلوقتي
الكل يضحك علي استعجاله
ماجده بابتسامه : الحمد الله عشت وشوفتك يا عماد يابني …. وقع علي بوزك وهتجوز
عماد بضحك : انتي فرحانه فيا…. يا امي واللي ايه
ماجده بحنان : انا فرحانه بيك يا حبيبي …..فرحانه اني هشوفك عريس قبل ما اموت
عماد يقوم يبوس راسها : ربنا يديكي الصحه وطولت العمر …… وتشوفي ولادي وولاد ولادي يارب
امل : ربنا يكملكم علي خير يا عماد …..وعقبال ما تفرحي بساندي يا ابله ماجده
عمر بابتسامه :مبروك يا عمده
عماد بفرحه : الله يبارك فيك عقبالك
ريم تبص لعمر …… تلقيه ابتسم ومردش علي عماد ….والا بص ليها…. فتضايق زياده وتكشر زي الاطفال
شريف بتصنع الزعل : لا انا مليش دعوي …..انا كمان عاوز اتجوز
عماد : بس يا بابا …..لما الكبار يتجوزا الاول …نبقي نشوفك بعدهم
شريف بغيظ : طيب ايه رائيك بقي هتجوز معك….و في نفس الليله
امل بفرحه : انت بتكلم بجد يا شريف عاوز تجوز
شريف بابتسامه : ايوه يا ماما ….. وكنت عاوز ريم تكلم نهي وتحددلي معاد
ريم بضحك : نهي …. لاااا انا كده لازم اخد مرتب منكم علي الشغل الجديد ……انا بقيت خاطبه
عماد بضحك : حد قالك تصاحبي ناس حلوين
امل بفرحه : اتصلي ب نهي يا ريم ….وحددي معاد معها …دا انا ما صدقت انه عقل وقال اتجوز
عماد : لا اتصلي بهاله الاول وقوليلها…..اننا هنروح ليهم بكرا الساع 7
شريف بضحك : وقولي لنهي احنا بكرا الساعه 9
الكل يضحك
ريم بضحك : ماينفعش يا شريف ..طيب هاله قالت لاهلها….. و عندهم خبر …..لكن نهي لسه متعرفش …..مش لازم تعرفهم الاول وتعرف رأي بابها ….. اصبر لما اقولها
شريف بغيظ : اخرك معايا اخر الاسبوع دا …… واللي هخطف حسن
امل بفرحه : ايوه كده يا ولاد ….خلوا الفرح يدخل البيت…عقبال ما تكمل برجوع فاطمه بسلامه ان شاء الله
ريم بابتسامه : يارب يا طنط…. ( وترجع تبص لعمر ونفسها يكلمها ….او حتي يبصلها ….بس يفضل مسك التلفون والكل يلاحظ نظرتها )
امل بابتسامه : وانت يا عمر ناوي علي ايه
عمر باستغراب : ناوي علي ايه ازي ياعني…( ويستعبط ) اااه قصدك الجواز يعني …… اظن كده اصحاب دكتوره ريم خلصوا ….(ويبص لريم برخمه ) والا هو لسه فيه حد
ريم بضيق وغيظ : لو تحب ادورلك
عمر بابتسامه : متشكره يا دكتوره …..مش عاوز اتعبك انا هبقي ادور لنفسي
ريم بغضب وعصبيه : تدور لنفسك …… طيب ربنا معك ( وقامت واقفت وهي متعصبه)…. هو حسن والبنات فين يا طنط
امل وهي كتمه الضحك : جوه في الفيلا بيلعبه بل اكس بوكس
ريم بغيظ : اوكي متشكره اوي ( ومشيت وهي هطق رحت للفيلا….. وهي عمله تضرب برجلها في الارض زي الاطفال …. واول ما دخلت الكل ضحك )
عماد بضحك : والله انا قولت هتضربك بحاجه من النرفره
ماجده بابتسامه : خلاص بقي يا عمر …..متزودهاش البت بتحاول تكلمك…اتصلحوا بقي
عمر بسعاده وحب : عسل وهي متنرفزه كده…. تجنن ….. بس سبوها شويه ….. دي ورتني النجوم في عز الظهر
امل بتهديد : لا بقولك ايه….. والله اقوم اقولها …… اتلم كده ومضايقش البنت
عمر بضحك : هو انتي امي والا امها…. فيه ايه يا امول دا انا عمر حبيبك
امل بضحك : لا انا هبقي امها هي ونهي…. وانتم كفايه عليكم لحد كده
شريف : طيب ليه كده طيب …..تقلبي عليه انا ليه ….هو انا عملت حاجه
امل : انا بعرفك بس ….علشان ماحدش فيكم يفكر يزعلهم (وتبص لعمر ) وانت قوم يلا صالح ريم …وبطل لعب العيال دا
عمر بابتسامه : هصالحها يوم عيد ميلادها…… وجيبلها هديه كبيره اوي ….. هتفرحها جدا
ماجده باستغراب : هديه ايه دي
عمر ببتسامه : هقولكم لاني هحتاج مساعدتكم
ريم دخلت الفيلا وهي مضايقه …..لقيت حسن وساندي بيلعبه….. ضد تقي وهاجر….. ومايا قعده ساكته بتتفرج عليهم فرحت قعدت جمبها
ريم بابتسامه : مبتلعبيش معاهم ليه
مايا بكسوف وحزن : هم فريقين…… وانا لوحدي ومابعرفش العب اوي
ريم ببتسامه : انا كمان مابعرفش العب…… ايه رائيك نبقي
انا وانتي فريق ….. و نجرب حظنا يمكن نكسب
مايا تبتسم ليها وتهز راسها بالموافقه
ريم بابتسامه : اعملو حسابكم انا ومايا….. هنلعب ضد الفريق اللي هيفوز
حسن بفرحه : اجهزو دا احنا مقطعنهم ….وهنقطعكم
ريم ببتسامه : هنشوف يا سي حسن من اللي هيقطع مين ( وتقرب من مايا وتحط ايدها علي كتفها وتوشوشها ….ومايا بصت لها باستغراب بس فرحت وابتسمت )بصي انا هشوفي ايه الغلط اللي بتعملوا تقي علشان معملوش ……وانتي ركزي علي طريقة حسن في اللعب….. واتعلمي منه اتفقنا
مايا بفرحه زي الاطفال : اتفقنا
ويفضله يتابعوا وهم بيتكلمه لحد ما صرخ حسن وساندي : كسسسسسسبنا
هاجر بزعل : انتم احشين زعلته جوجو
تقي بغيظ : انتم بتغشم علي فكره…… وخدين الفريق القوي
حسن بضحك : ايوه اتلككو بقي….. انتم الاخترتم الفرق بتعاكم …… وبعدين انتم مش بتلعبوا اي حد …. دا انا ابو علي…..و ماحدش يقدر يكسبني
ريم تمسك ايد مايا : احنا بقي اللي هنكسبك يا ابو علي …..جهزه يا مايا
مايا تقوم تقف بحماس معاها: جهزه
ويفضله يلعبوا ومايا…. اندمجت جدا معاهم …..واول مره صوتها يطلع…… وتضحك زي الاطفال ….. وتبقي مبسوطه…وبقيت تصرخ زيهم……… وريم كانت بتصلها وتبتسم ….. لان لقيت مايا طفله اكتر من ساندي…..وحسيت انها اول مره تلعب زي الاطفال …… وتقي وهاجر فضلوا يشجعها….. وهي فرحانه اوي …… وانتهي المباره وريم ومايا هم اللي كسبو….. ومايا من الفرحه صرخت وفضلت تنط وجريت حضنت هاجر… اللي نتط معاها من الفرحه ….. وريم بصتلها هي وتقي…. وهم مستغربين ان هاجر في حضن مايا مابعدتش ….ودا بسطهم وطمنهم جدا
حسن بضيق : انتم غشتم علي فكره
كل ضحك عليه…… ويفضلوا يغظوه ويرخمه عليه ….وصوت ضحكهم وهزرهم كان واصل بره في الجنينه ….. وامل لما سمعت صوت مايا…. ارتاحت وحمدت ربنا
ريم بفرحه :ايه رائيكم نعمل سهره …… ونجيب فيلم ونعمل فشار ونسهر كلنا بره في الجنينه
كل بحماس : هااااااا موافقين
تقي : انا هروح لعماد وعمر …..وهخليهم يخرجوا الشاشه بره …..ونجهز القعده
حسن : وانا هاخد شريف ……ونروح نجيب افلام جديده ونجي بسرعه
ريم : طيب هات افلام جديده حلوه…. (وتبص لمايا ) بتحبي افلام نوعها ايه يا مايا
مايا تبتسم : اي حاجه اللي يعجبكم
ريم : في فيلم كارتون شكله حلو اوي نزل جديد اسمه……….. هاتو
حسن : وهجيب حاجه رعب كمان
هاجر : لا انا خاف
مايا تقرب منها وتمسك ايدها : متخافيش دا بيقي تمثيل ….مش بجد ….بيبقوا رسمين علي وشهم
ريم بابتسامه : روحي يا هاجر انتي وساندي….. جهزه القعده مع تقي ….. وخرجوا الشلت
ساند وهاجر يجري…. وحسن يخرج يروح لشريف
ريم بابتسامه : وانتي بقي يا ميمو …… تعالي معايا نعمل فشار …..و شكولت كيك
مايا بابتسامه وفرحه : بس انا مبعرفش اعمل حاجه
ريم تشدها من ايدها : هعلمك…… يلا تعالي
وتدخل مايا مع ريم…. ويبدأ …..يعمله كيك وهم بيتكلموا ويضحكوا
مايا بفرحه : انا اول مره ادخل….. اعمل حاجه في المطبخ
ريم بابتسامه : احساس انك تعملي حاجه بايدك ….. حتي لو باظت … بيقي جميل وبتعجبك….. اكتر من اللي بتيجي جهزه لحد عندك…..عارفه وانا في سنك كنت علي طول اقعد اجرب مره تبوظ … ومره تتطلع مظبوطه … لحد ما بقيت اعملها وانا مغمضه
مايا بابتسامه حزينه: انا ماكنتش بقعد في البيت…… من وقت ما داد اللي ربتني ماتت …..بقيت علي طول لوحدي …..فبقيت اقعد في النادي… واروح على النوم
ريم بحزن تقرب منها …..وتحط ايدها علي كتفها : انسي الفات يا مايا …..وعيش الجاي متبصيش وراكي….. عشان ماتتعبيش ….. عيش المستقبل انتي لسه صغيره وبايدك تغيري كل حاجه وتخليها احسن
مايا تبصلها : انتي طيبه اوي يا ريم …..انا اول مره شوفتك لما جيت مع بابي وميرنا …..لفت نظري وانتي بتكلمي مع حسن وتهزري وتلعبي معاه…..( وتبصلها بحزن ) عارفه انا عمري ما قعدت اتكلمت والا لعبت مع ميرنا…. زي ما اتكلمت ولعبت معاكي النهارده….كنت كل ما حاول اكلمها تزعق فيا وتخرجني بره اوضتها ….. عمرها ما كانت اخت ليا
ريم تحط دقيق علي وشها وتبتسم : قولنا ايه انسي الفات
مايا تضحك وتحط علي وشها دقيق هي كمان …..ويفضلوا يضحكوا ويلعبو …… وهم بيعملوا الكيك ….. ويدخل عمر اللي كان واقف علي الباب وسمع كلامهم من غير ما يشفوه …..يفرح ويحب ريم اكتر …. ويدخل المطبخ
عمر بتصنع الاستغراب : ايه اللي انتم عملينه في وشكم دا
مايا بفرحه : بنعمل كيك
عمر بضحك : وهناكله من علي وششكم يعني واللي ايه
ريم تحاول تكلمهوا : اش عرفك انت الكيك بيتعمل ازي……. هو لازم يبقي علي وشنا الاول …..عشان يبقي حلو
عمر يبتسم بس يدريها بسرعه : اااه طيب برحتكم….. انا كنت جي اشرب وخارج
ريم بابتسامه : حاضر ثواني ……هجيبلك
عمر برخمه : لا يا دكتوره ماتتعبيش نفسك …… متشكر انا هجيب لنفسي
ريم بغيظ وضيق : دكتوره
عمر يعمل نفسه مااخدش باله…… وياخد كبايه مياة…..بس وهو خارج خد شويه دقيق و رح رشهم علي مايا……. اللي جريت وراه…… بس هو هرب منها….. ورجعت وهي بتضحك بس لقيت ريم وقفه مضايقه
مايا باستغراب : مالك يا ريم ….زعلتي ليه
ريم تبتسم ليها : لا يا حبيبتي مزعلتش…… يلا اشتغلي
ويبدأ يجهزوا الكيك تاني وهم بيضحكوا
وفي شقه الهرم…..ميرنا فضلت تسال عن فايز…… وعرفت ان كل البنات مستنياه …. وكل واحده مجهزه نفسها ….وعاوزه ليها….. و عرفت ان الكل بيرمي نفسها عليه……ونفسهم يلفتوا نظره…….و عرفت ان فايز مش بيهتم بحد … وقليل لما بيختار واحده….وان اللي بيختارها بتبقي ملكة الليله ……
فقررت انها تتعمل معاه باسلوب مختلف عن باقي البنات بس كانت عاوزه تلفت نظره الاول…….فكانت قعده قريب من الباب …..عشان تشوف كل اللي داخل ….وجيه ناس كتير اوي في اليوم دا …. وكلهم كانوا مراكز كبيره … وكانت بتسمع اساميهم بس وعرفت ان الكل جي النهارده جي علشان يقابل فايز … فبقيت قعده مركزه جدا ….وبتسمع كل اللي بيتقال عنه …..وكانت في اليوم دا ملفته وهي قعده بفستان فاضح…. كاشف جسمها كله….. ولبسها كعب عالي وميكب كامل….. بس بطريقه محترفه….. غير كل البنات الموجودين….. فكانت شكلها وطريقتها غير الكل ….. كانت ظاهر انها مختلفه مش فتاة ليل … فكتير من الموجودين حاولوا يتقربه منها
واتفتح الباب ودخل منه راجل طويل وجسمه رياضي …. عنده حولي 40 سنه …… ببشره قمحيه وشعر قصير مموج…… ملامحه وسيمه جدا ….. وماسك سيجار في ايده ولابس بدله وحواليه رجاله كتيرو بودي جاردات….. واول ما دخل الكل جري عليه …..وبقيت البنات ترمي نفسها في حضنه بدلع وهم بيهمسوا في ودانه……. وميرنا قعده بترقب من بعيد…. وبتشوف رد فعلوا . … وسمر كانت شايفها ميرنا ولما حست بتركزها ……وعرفت انها هتنجح في الخطه كانت سمر واقفه مع رجال تاني…… زي فايز بس اقل منه نفوذ وقوه ……. وسمر كانت عجبه جدا ….. وخصوصا لما عرف انها دكتور….. وحس انها اعلي من البنات الموجودين فحب انه يمتلكها لنفسه
فايز دخل والكل قام وقف ليه….. وبيقرب منه ويسلم عليه وبقي في زحمه حاوليه ….. من البنات ….اللي كل واحده عاوزه تكون نجمه الليله…… وميرنا قعده بتفكر ازي تلفت نظره….. فاول ما قرب من مكان ما هي قعده ….. تقوم تقف وتخبط في واحد من البودي جارد اللي دخلوا معاه…… وتوقع العصير اللي في ايدها عليه… ورحت مصرخه بخضه ….فكل يبص عليها ….وتقف قدم فايز وش لوش بس متدلوش اهتمام
ميرنا وهي بتكلم اللي بودي جارد الخبطت فيه من غير ما تبص لفايز
ميرنا : Ooooooo sorry
I did not mean…. please forgive me
الكل يبص عليها…… وفايز يلفت نظره جمالها….. ونطقها المميز للانجليزيه…… البيدل علي انها غير كل الموجودين اللي بيتكلموا كلمات مقطعه بطريقه غلط ومضحكه
ناني شافت نظرت فايز لميرنا
ناني بضيق : كده يا ميرنا…. مش تاخدي بالك
ميرنا بستعباط وتمثل الضيق : سوري… ماكنش قصدي …. عن ازنكم
وتمشي وتسيبهم…. من غير ما تبص لفايز … اللي عينه راحت وراها ….. تروح ميرنا تقف مع سمر وفايز يرفع حاجبه باستغراب …. وبيسال نفسه مين دي اللي متدوش اهتمام….. والا بصت عليه….زي باقي البنات
ناني فهمت وحست ان ميرنا لفتت نظر فايز ….. اللي قليل لما بيحصل وحد يلفت نظره .. وكانت عارفه ان لما حد بتعجبوا بياخد ها وان الليله اللي بيقضيها مع وحده بيدفع قد كل الموجودين في اليله…..فبقيت مبسوطه
ناني بسعاده : اتفضل يا فايز باشا…. واقف ليه ….مكانك جاهز
فايز يدخل وهو بيشرب السيجار….. ويعقد علي كرسي مخصص ليه …..وهو عينه علي ميرنا…… اللي كل شويه حد يقرب منها…..ويحاول يكلمها وهي تطنشوا .. واول ما يمشي ترسم الحزن علي وشها …. فهي شايفه نظرات فايز ليها ….. الكل في اليليه دي كان بيحاول ياخد ميرنا ليه …..وملهوف عليها…… وهي عمله تزود في الدلع… والدلال …… ومش معبره حد…… واشتغلت موسيقي والكل بدأ يرقص بلدي ويتمايل علي فايز…. بس فايز عمل يبعدهم من قدامه ….. ويبص علي ميرنا اللي واقفه ترقص في مكانها…… مع سمر بكل دلع….. حازم شاف نظرت عين فايز…… الهتاكل ميرنا ….. فرح لعندها ……بعد ما شد اشارب من بنات…… ولف بيه وسطها…… ودخلها في النص ترقص وقعد البنات كلهم …….ودي وكانت فرصت ميرنا…. للفت نظر فايز اكتر … فهي خبيره في الرقص…… وبدأت ترقص والكل قعد يتفرج عليها…… وهي قعده تتميل وترقص والا احسن الرقصات ……
فايز يميل علي ناني : مين دي …..انا اول مره اشوفها عندك
ناني بسعاده : دي ميرنا لسه جديده…..بقالها اسبوعين
فايز باعجاب واستغراب : بس شكلها مختلف…. عن بناتك ومش شكلها واحده منهم
حازم يدخل في الكلام : لا يا باشا واحده منهم ايه ……دي ميرنا بنت رجل اعمال كبير اوي ……. بس الحكومه اشهرت افلاسه…… وهي عندها مشاكل بسبب الديونه فهربت ……. بس دي تعليم عالي…. وجامعات اجنبيه …..ميرنا غير الكل البنات دول
فايز بيشرب السيجار ويبص عليها باهتمام: بياين عليها
وتنتهي الرقصه….. والكل يتلفت حوالين ميرنا……. ويسمعها كلمات الغزل والدلع…… ويقوم حازم و ياخدها من ايدها ……ويوقفها قدام فايز
حازم ببتسامه : فايز باشا ….يا ميرنا
فايز يرفع ايده يسلم…… وميرنا تسلم عليه بطرطيف صوابعها…وترسم الكسوف
فايز باعجاب : رقصك حلو اوي
ميرنا ببتسامه وتتصنع الخجل والدلع : ميرسي ليك
ناني بخبث : قعدي يا ميرنا …..جمب فايز باشا
ميرنا ترسم الضيق والحزن وتكلم بدلع : ايم سوري بس الرقص تعبني شويه ….. والدنيا زحمه والجو حر ….. هخرج الفرندا اشم هوا شويه
وتمشي من قدامهم وتسيبهم……. ودا يستفز فايز جدا وياستغرب مين دي اللي ترفض تعقد معاها……. ولسه حازم هيقوم يشدها بالعافيه …… و يقعدها…… بس فايز يشاور بايده و يمنعوا
ميرنا دخلت وقعدت في الفرندا ……وهي بتراهن نفسها ان فايز هيجي وراها …..وفضلت قعده وكل وشويه حد يدخل ليه ….. بس متدوش وش…… فيخرج تاني …..وفايز كان قاعد و متابع وشايفها …..فقام من مكانه وروح لعندها…..
فايز يعقد قدامها : تسمحيلي قعد معاكي
ميرنا وهي بتمثل الحزن : دا علي اساس ان ليه رائي….وممكن اقول اه او لا
فايز يقوم يقف : انا مبعقدش مع حد غصب عنه
…..ويلف علشان يمشي
ميرنا بسرعه بس تدريها : اتفضل قعد ( فيلف ويعقد وهي تبتسم ليه ) انت اول حد يهتم برائي في الشقه دي
فايز ببتسامه : انا غير اي حد هنا …..والكل اللي هنا بيتمني اني اقعد معاهم
ميرنا تبصله جامد بضيق : انا كمان غير اي بنت من الهنا …(بتصنع بحزن) بس الدنيا خليتني بقيت زيهم
فايز باهتمام : انتي ايه الجابك هنا
ميرنا ببتسامه و استهزاء : الزمن ….( وتبصله )بس انتي اللي بيجيبك مكان زي دا…
فايز يحط رجل عل رجل ويبصلها ويبتسم : هنا بعمل شغلي …. كتير من الموجودين جوه ليهم عندي مصالح و هنا بنخلصها
ويفضلوا يتكلموا هم الاتنين …..ويتعرفه علي بعض …..لدرجه انهم نسيوا المكان الهم موجودين فيه…… وعرفت ميرنا اللي كانت رسمه الرقه والكسوف…. مع الانوثه الطاغيه……تكسب اعجاب واهتمام فايز …..فايز عجبوا فيها شخصيه قويه جريئه….. اللي مميز عن ستات كتير عريفهم ويفضلوا اكتر من ساعتين يتكلموا ويضحكون .. …. لحد ما دخلت ناني وحازم
ناني بسعاده : مش يلا يا فايز….. باشا المزاد هيبداء
حازم بزعيق : روحي اقفي مكانك مع البنات يا ميرنا
ميرنا تقوم وهي رسمه علي وشها الحزن …وتمشي علشان تروح…… بس فايز يمسكها من ايدها…… ويقف قدامها….. ويطلع دفتر الشيكات…… ويكتب مبلغ كبير جدا اكتر من اي مبلغ ادفع في ليله واحده قبل كده ….. وناني تفرح وتبص ليه بطمع
فايز بضيق : ميرنا معايا الليله
ناني بسعاده : تمام يا فايز باشا
حازم باستغراب فهو مشفش الشيك :بس احنا لسه معملناش المزاد
فايز يبصله بغضب بس ناني تمسكه من دراعه
ناني تشد حازم : خالص يا حازم…… فايز باشا اختار ميرنا …يلا احنا نشوف شغلنا
ويخرجوا ويسبهم …..ويلف فايز لميرنا …..اللي من جوها كانت مبسوطه جدا لنجاح خطتها …. بس رسمت الحزن علي وشها
ميرنا بحزن مرسوم : انا كنت فكرك غيرهم ….. اتفضل انا تحت امرك
فايز يمسك ايدها ويعقدها ويعقد قدامها ويبتسم : وانا مطلبتش منك حاجه….. انا دفعت المبلغ ليهم عشان يبعدوا … ويسبونا قاعدين زي ما كنا
ميرنا باستغراب : كل المبلغ دا عشان يسبونا قاعدين ….( وتبصله اوي ) انا مش هزعل …..ما انت جي عشان تنبسط
فايز بابتسامه : وانا مبسوط جدا ….وانا قاعد وبتكلم معاكي ……ومش عاوز منك حاجه اكتر من كده ….. لكن لو مضايقه من وجودي ….انا ممكن اقوم امشي ( وقالها وهو بيقف …. ميرنا مسكت ايده بسرعه وقعدته تاني وببتسامه بدلع)
ميرنا :لا متمشيش ….انا مش مضايقه منك خالص … بالعكس
يعقد فايز وهو مبسوط ……ويفضلوا يتكلموا و ويضحكوا ويحكلها وتحكيلوا …. لحد ما مشي مع طلوع النهار و هو مبسوط جدا ……ودي كانت اول مره فايز يمشي متاخر كده من شقة نانا ….. سمر بعد ما زبونها مشي….دخلت لميرنا
سمر بضحك :طلعتي مش سهله يابنت الايه….وعرفتي تاخديه ليكي اليله
ميرنا بسعاده : وارهنك انه هيجي الليله دي كمان
سمر باستغراب : هو قالك انه جي
ميرنا بابتسامه : لا مقالش … بس انا عارفه
سمر بضحك : متعشميش نفسك اوي كده ……. دا بيجي مره كل شهر
ميرنا بثقه : هيجي وهتشوفي
سمر تبصلها بخبث : دا لو حصل يا ميرنا……. يبقي خططتني هتتنفذ واسرع من ما احنا نتصور
وينتهي يومهم…. بفساد وغضب ربنا …..وروح الشر والانتقام بتسيطر عليهم
والصبح في الفيلا والكل مجتمع علي الفطار يجي تلفون لعمر …….فيقوم يبعد ويرد
عمر : سلام عليكم ازيك يا هشام
هشام : وعليكم السلام ورحمه الله وبركاته …..الحمد الله يا عمر
عمر بقلق : خير يا هشام صوتك متغير …حصل حاجه جديده
هشام : انا اسف يا عمر….. بس خالك ابرهيم…… حاول ينتحر في السجن وحالته خطير جدا وهو في المستشفي…… وطلب يقابلك انت وولدتك
عمر انصدم : امتي دا حصل
هشام : امبارح بليل…. دخله يفتشوا لقوه قطع شراين ايده ….. ونزف كتير ……..و اتصلوا بيا ورحت ليه …… فطلب مني اكلمك عشان عاوز يشوفك انت وولدتك …… هو حالته متاخره ياعمر…. انا حبيت ابلغك
عمر بحزن : متشكر يا هشام…… انا هبلغ ولدتي وهنجي نشوفه …….ويقفل معاه ويدخل….. والكل يحس بتغيره ملامح وشه ….
عماد يقرب منه : خير يا عمر في حاجه
عمر يشاور بعينه علي مايا : هقولك بس بعدين
فكل يفهم ان الموضوع يخص مايا …… وبعد الفطار تقي خدت مايا ……ورحو يعمله شاي
شريف بقلق : حصل ايه يا عمر….. في اخبار جديده
عمر يبص لامل : خالي ابرهيم حاوله ينتحر ….وطلب يشوفني انا ماما
الكل انصدم وحزن علي الانسان اللي فضل عايش هو يعصي ربنا …… وهيموت وربنا غاضب عليه
امل بدموع : استغفر الله العظيم…… دا بدل ما يتوب هيموت وهو غاضب ربنا…… وعاوز مني ايه تاني …… عاوز يوجع قلبي وبس
ماجده بحزن : ربنا يغفرله ويرحمه……. روحيله يا امل دا مهم كان اخوكي
عمر : يلا يا ماما انا هاجي معاكي ..احنا نعمل اللي علينا معاه ….وهو وربنا يسامحه
وتقوم امل تجهز …..وهي بداري دموعها من مايا ….. وتخرج مع عمر ويروحه لمستشفي السجن……لتحقيق امنيه ابرهيم الاخير
ووصله المستشفي ودخله لبراهيم…… اللي كان في لحظاته الاخيره
امل بدموع : ابراهيم يا خويه …… ليه عملت كده في نفسك يا خويه
ابرهيم يبص ليها بدموع ندم وصوت متقطع : سامحيني يا امل…… انا غلطت في حقك كتير….. انتي وولادك سامحوني
امل ببكاء شديد : مسامحك يا خويه… وربنا يسامحك ويغفرلك
ابرهيم ببطي وبيتنفس بالعافيه : انا عرفت ان مايا عندك في البيت ……خالي بالك منها يا امل…… هي ملهاش ذنب ( وبدموع ندم ) اوعي تسبيها…… انا عارف ان قلبك ابيض طيب…… ومش هتاخديها بذنبي…….. كفايه اني ضيعت اختها ……..مايا لسه صغيره وهتتغير معاكي هي طيبه اوي زيك …..هي غير ميرنا مش زيها ……. خالي بالك منها يا امل ….واعتبريها بنتك
امل بدموع : مايا في عنيه يا ابراهيم ….. لحد ما امها تيجي ….وبعد ما امه تيجي…… مش هسيبهم وهفضل اطمن عليها …وسال عنها
ابرهيم بدموع والم وحسره : امها مش هترجع….. طلبت الطلاق …..ومش هترجع مصر تاني…… بعد كل العملتوا علشانها…… اول ما وقعت سبيتني….. ورمت عيالها وعاوزه تتطلق عشان تجوز واحد تاني
امل بدموع : حسب الله ونعمه الوكيله …..متخافش علي مايا ….. هتفضل في بيتي وتحت عنيه هتبقي بنتي
ابرهيم ببتسامه وتعب : الحمد الله…… يارب سامحني ويطلع …
اخر نفس ويقابل ابرهيم ربه….. وهو ندمان وبيطلب الرحمه من الرحمان…
امل بدموع : ابرهيم ابرهيم ( وتبكي بشده…. ويحضنها عمر ال دموعه نزلت)
عمر بحزن : ان لله وإن اليه الراجعون….. ربنا يرحمه ويغفرله ذنبه ……وياخد وامل ويمشي وهي بتدعي ربنا يرحمه اخوها
وفي الفيلا بعد ما عمر وامل مشيه….. ريم اخدت بالها ان مايا مش موجوده في الجنينه ……. فرحت تشوفها لقيتها جوه الفيلا وبتعيط
ريم وهي بتقرب منها بقلق : مالك يا مايا بتعيطي ليه حد زعلك
مايا بدموع : انا ماحدش بيحبني….. الكل مش عاوزني سبوني كلهم وماحدش فكر فيه
ريم تقرب وتحت ايدها علي كتفها : ليه بتقولي كده يا حبيبتي …… كلنا هنا بنحبك هو فيه حد زعلك
مايا ببكاء شديد : بكلم مامي….. قالتلي انها مش هترجع تاني…… بقالها اجيلك انا……. زعقت فيه وقالتي خليك عند عمتك…… انا مش عاوزه اشوف حد فيكم…… ومتكلمنيش تاني ( وتبص لريم بدموع وخزن) هم ليه مش بيحبوني …… ليه كلهم سابوني ومحدش عاوزني …والت سأل عني
ريم تحضنها بحنان وحزن : احنا عاوزينك…… وبنحبك اوي ومش هنسيبك…… وطنط امل وطنط ماجده وطنط مديحه وماما هيبقي امهاتك…… وانا وتقي وهاجر وساندي اخواتك البنات …….. وعمر وشريف وعماد وحسن اخوتك الصبيان….. وعمي عبد الحميد ابونا كلنا ……. شوفتي بقي كرم ربنا عوضك بكام ام وكام اخ واخت……. قولي الحمد الله …….دا ربنا كريم اوي يا مايا…….. ومتزعليش ابدا طول ما احنا موجودين معاكي …….. مش هنسيبك والا هتبعدي عنا …وهتفضلي وسطينا وفي حضننا
مايا تحضنها جامد ……وتفضل تعيط …..ريم ترفع وشها
ريم بدموع وابتسامه : خالص بقي مافيش دموع تاني ……اضحكي وانسي اي حاجه تزعلك……و طول ما احنا معاكي ما تشليش هم اي حاجه
مايا تمسح دموعها وتبتسم : انا بحبك اوي يا ريم
ريم تحضنها : وانا كمان بحبك يا حبيبتي
وتوصل امل البيت…… وعمر خلص اجرأت الدفن…… وياخد شريف وعماد وهشام ويروحوا يدفنوه …….ويقرره مايقولش لمايا عن وفاتها ابرهيم في الوقت الحالي…….بعد ما ريم حكيت ليهم عن صدمتها من كلام مامتها…… وتحاول امل تداري حزنها…….. وتعوض مايا عن اليتم اللي عاشت فيه . واهلها عايشين
وبليل وفي شقة الهرم ……والكل بيجهز لسهرها….. وميرنا منتظره تعرف ازي فايز هيجي…… والا هتدخل المزاد
تفتكره فايز هيجي زي ما ميرنا متوقعه…… وياتري هينفذ ال هتطلبه منه……. ونكمل بكرا ان شاء الله ونعرف ونشوف ايه هي مفاجأه عمر لريم في عيد ميلادها
