رواية يلا بينا نعرف نبينا الفصل الرابع عشر بقلم اسماء
الحلقه 14
يلا صلوا على النبى
وصف النبي ﷺ (ج2)
نكمل مع بعض شكل النبى صلى الله عليه وسلم ..
يقول جابر بن سمرة : خرجت فى ليلة أضحيات ( ليلة القمر فيها مكتمل يعنى بدر ) .. وجعلت أنظر إلى القمر .. فإذا برسول الله يأتى من بعيد .. فجعلت أنظر إليه وإلي القمر .. ووالله هو أجمل وأحلى من القمر ..
سيدنا يوسف ربنا أعطى له شطر الجمال ، وأعطى سيدنا محمد الجمال كله ..
سيدنا يوسف النسوة قطعن أيديهن لما شافوه ، لكن سيدنا محمد ربنا عصمه من أن حد يُفتَن بيه ..
طيب شكله إيه !!
سيدنا الحسن بن على بن أبى طالب لما كبر بدأت ملامح النبى تروح من دماغه ، لأن لما النبى توفى كان الحسن عنده ٧ سنين .. فراح سيدنا الحسن لواحد أسمه هند بن أبى هاله ( هند ده يبقى أبن السيدة خديجة من زوجها الأولانى ) فقال له : يا خال ، صف لى شيئا من حلية رسول الله أتمسك به ، فوصف له الوصف اللي هقولهولكم ..
( أنا مش حقولكم نص الحديث لأنه فيه كلام صعب شوية )
قال هند : كان النبى فخماً مُفّخماً ، وكان ليس بالطويل البائن ولا بالقصير (يعنى ولا قصير أوى ولا طويل أوى ) لكن كان أقرب إلى الطول ..
نبدأ من أول رأسه إلى قدمه ..
قال : كان وجهه أبيض مُشرب بحمرة ، فاض الجبين ، دقيق الحاجبين أزجّ سوابغ في غير قرن ( حواجبه كانت رقيقة ، كلمة أزجّ يعنى رفيعة ومقوسة .. سوابغ يعنى الحاجب ممتلئ مش فاضى .. فى غير قرن يعنى مفيش شعر فوق ولا تحت حاجبه ) ، واسع العينين شديد سوادهما فى شدة بياضهما ( يعنى السواد أسود أوى والبياض أبيض أوى ) ، أكحل وما هو بأكحل (يعنى كأنه حاطط كحل ) ، أهدب الأشفار ( الأشفار : الرموش، وأهدب يعنى طويل ومن كتر ما رموشه طويلة بقت متنية على فوق ) ..
أنا حسيبكم مع عيونه ﷺ ..
يلا صلوا على النبى ..
وصف النبي ﷺ (ج3)
يللا نكمل باقى وصف حبيبنا صلى الله عليه وسلم ..
ك
ا
ن أسيلُ الخدين ( يعنى خدوده ناعمة لا فيها حبوب .. ولا حتة خشنة ولا فيه شعر لأن لحيته بادئة من تحت ) ،
وكان أقنى العرنين (يعنى الأنف .. وأقنى يعنى مناخيره رفيعة صلى الله عليه وسلم .. زى ما بنسميها أحنا الأنف الأرنبية ) ،
ممتلئ الشفاه ( مش معناه أن شفاه النبى كبيرة لكن شفايفه ممتلئه امتلاء فيه حُسن )
مثلج الأسنان كأنها نظْم لؤلؤ (سنانه بتلمع وكل سنه جنب التانية ) ، وإذا تكلم خرج النور من بين ثناياه ،
وكان كث اللحيه وكانت مش طويله و لا قصيرة أوى و كانت مستويه و مهذبه
، ورقبته صلى الله عليه وسلم كأنها جِيدُ فضة ( يعنى كأنها مصبوبة زى الفضة ) ، أنور متجرد ( يعنى جسمه منور .. السيدة عائشة كانت بتقول إنه مثلا لو عمل أى حركة وحتة من جسمه ظهرت .. كان فيه نور يخرج من تحت العباية ) ، بعيد ما بين المنكبين ، عاري الصدر والذراعين من دونهما ( يعنى معندهوش شعر فى صدره و ذراعه وعنده شعر خفيف جدا من الكوع لحد الكتف وعنده خط خفيف من الشعر من السرة لتحت شوية .. طيب الصحابة عرفوا ده إزاى ؟ يوم الحج لما كان النبى بيفتح الرداء عشان يطلع أيده اليمين .. فالصحابه شافوه ) ، أسيل القدمين ينبو عنهما الماء كأنهما أسطوانة فضة ( يعنى رجله ناعمة جداً
لدرجة إن لما تتصب الميه كانت تجرى عليها ) ..
أسيبكوا تتخيلوه من الوصف ده وبكرة نحكى عن شعره وهيئته وندخل فى مولده عليه الصلاة والسلام ..
