قصة احببت شيطانة كاملة

قصة احببت شيطانة كاملة هيا من نقلني الي الجحيم

تدور القصه عني وعن البنت الي كنت بحبها بنت الشيطان

متتفجأوش دا الي حصل

انا حبيت بنت الشيطان

القصه بدأت في كليتي لما كنت بدرس تجاره وكنت معروف قصاد الناس بتفوقي ونجاحي المبهر

بس مكنتش عارف النجاح دا ها يوصلني لعالم الجن

من كتر ذكائي وشهرتي

كان الدكتور بيطلعني اشرح للطلاب في المدرج

وكنت ببقى مفتخر بكدا اني قصاد الطلاب مميز

كان في يوم البنات اكتر من الولاد

والدكتور طلع بنت من وسط الي كانو قاعدين

تشرح جزء في الكتاب الي كنا بندرسه

وانا ها اطلع بعدها اشرح جزء تاني

البنت كانت بتشرح وبصالي جامد اوووي

هيا كانت بيضه عيونها كانت ديما مغطياها ولابسه نضاره شمس

بس كانت النضاره دي بحس على طول ان تحت العدسات لون أحمر شبه لون الدم او النار مش عارف ليه

بس قولت ممكن يكون عندها مشاكل في العين

ومشغلتش دماغي وكملت انتباه للشرح وخلاص

بس هيا كانت بتبص نحيتي على طول

بعد ما خلصت شرح الدكتور نداني اطلع اشرح

طلعت وشرحت وبعد كدا خلصت الشرح وقعدت مكاني

خلصنا الكليه وكان لينا استراحه خارج الكليه كنا بنحب نقعد فيها كتير

فا كان صحابي يقولولي كنت هايل في الشرح

كنت ممتاز وتفوقت علي الكل

لقيتها هيا جايه عليا وبتقولي بالعكس كنت ضعيف جدا

حتي الوجع الي في قلبك من صغرك لسا مأثر عليك ومبتقدرش تاخد نفسك وانتا بتشرح ضعيف

انا وكل الي كانو قاعدين اتصدمنا جدا من كلامها

مشكله القلب دي محدش يعرفها غير عيلتي وبس

ازاي هيا عرفتها وشرحتها بالتفصيل

وازاي اخدت بالها اني كنت تعبان وانا واقف

مع ان الجميع مخدش باله نهائيا

انا خوفت منها بس حبيت فضولها وغموضها

قولتلها انتي عرفتي ازاي اني مريض بالقلب

محدش يعرف الكلام دا غير اهلي

قالتلي انا بفهم في الكلام دا كويس جدا

لان جدتي علمتني اعرف الناس المرهقه والتعبانه

من طريقه كلامها ووقفتها واقدر اشخص مرضها

وابويا كمان عرفني على حجات كتير في الجسم

قولتلها هوا ابوكي وجدتك دكاتره

قالت لا شياطين

• انا قعدت اضحك جامد جدا فكرتها بتهزر بس مكنتش اعرف ان كلامها صح وان أهلها شياطين

ضحكت ضحكه خفيفه ومشيت

انا فضلت شاغل بالي بيها

وحبيت نظراتها ليا باستمرار

وحبيت غموضها وطريقه كلامها

وبقيت كتير أقرب ليها وللكلام معاها

بس كنت ديما لما بقرب منها بحس بسخونه في جسمها

كأن عندها حمه وانها تعبانه جدا واوقات لما تتكلم بطلع دخان من بوقها كأن في نار جوا بوقها

انا كنت ديما بكبر دماغي واقول انا مالي

بعد فتره انا اتعلقت بيها وحبيتها

بسبب اننا معظم الوقت مع بعض

هيا نفس القسم بتاعي

وبنتعامل مع بعض كل يوم

اتعودت اشوفها واتعودت على طبعها

واتعودت احبها

وحاولت اني اعودها انها تحبني لحد ما نجحت

انا حبيتها وهيا حبتني

والعلاقه بينا اتطورت اكتر وبقينا نتكلم في الفون

واعزمها على أكل

جه في يوم طلبت اني اقعد مع أهلها واعرفهم عليا اكتر

بس هيا كانت بترفض بشده وتقول مش وقته وبعدين

وكان في كل مره اطلب منها كدا لازم تطلع بحجج كتير

بس جيت في يوم وقولتلها انا لازم اشوف اهلك واقعد معاهم يعني ها اقعد معاهم ولا انتي وأهلك كرهني

قالت لا بس هوا اني لسا معرفتهومش عليك

قولتلها خلاص بكره ها اجي اقعد معاهم ويعرفوني براحتهم

وسيبتها ومشيت

رنيت عليها الساعه 8 وقولتلها ايه رايك اجي اقعد معاهم شويه في البيت ساعه كدا وامشي

قالت تمام استنى قدام الكليه وها اجي اخدك

استنيت وهيا جت اخذتني ومشينا لحد البيت

الطريق إلى مشينا فيه كان زي الخرابه بالظبط

عديناه وكملنا على الترب بعد ما عدينا من الترب دخلنا على مكان ضالمه جدا لقيت لمبه صغيره منوره من طريق بعيد اوووي

دا انا حتي قولتلها في هزار هوا انتي ها تخطفيني ولا ايه

فضلنا مكملين لحد ما وصلنا البيت

البيت كان دورين بس كان على وشك يقع عشان كان

قديم جدا

دخلت سلمت على ابوها وامها وكانت ايديهم مولعه زي بنتهم بالظبط

قعدت اتكلم وفتحت جامد معاهم في الكلام وقعدنا نهزر

وبعد كدا بقول لابوها انا بسأل بنتك اول ما عرفتها انتي ابوكي دكتور قالت لا شيطان بنتك بتحب الهزار اووي

قالي لا دي حقيقه انا شيطان وهيا وامها شياطين

وها ناخدك معانا في العالم السفلى في ارض الأهواء وأرض الجان والشياطين وراح مطلع رجله من العبايه الي كان لابسها لقيت رجل معزه

وامها كذالك وهيا لقيتها اتحولت قصادي 180 درجه وشكلها بقى مرعب اوووي قلعت النضاره لقيت عيونها كلها دم قالتلي دي عيني الي كنت كل شويه تقولي اشيل النضاره ودي انا بنت الشيطان الي انتا حبيتها

انا خوفت اووووى واترعبت وقولت ابعدو عني وجريت على الباب مفتحش خالص قعدت ازعق باعلا صوت الحقوني يا ناس الحققووووني وهما كلهم بيضحكو وبيقولو محدش ها يسمعك

ومره وحده الاوضه الي كنا فيها اتحولت لنار ودم في كل حته ولقيت الأرض إلى تحت رجلي اتفتحت ونزلت فيها

أعمى عليا وبعد ما فوقت لقيت نفسي في مكان انا لو عيشت حياتي كلها في رعب عمري ما ها اترعب قد الرعب الي شوفته دا

كان شياطين كتير اوووي ولقيت ناس زيي تحت

متكلبشين بسلاسل وبيمشو زي الكلاب

وشوفت بنات كتير اوووي واقفه مزلوله قدام الشياطين وهما بيضحكو على منظرهم

ولقيت قصادي الشيطانه الي حبيتها جايه عليا انا خوفت من مناظرهم جدا وبدأت اعيط واقولهم عاوزين ايه سيبوني في حالي وفضلت اصرخ اصرخ جامد واعيط

لقيتها بتقولي متخفش احنا ها نقدمك قربان لملك الجان

قولتها جان ايه وقربان ايه انتو ها تعملو فيا ايه

لقيتهم كلهم قاعدين يضحكو على كلامي

قالت ها ندبحك ونخلي دمك يسيل على الملك

انا سكت مره وحده ومقدرتش اتكلم ولا كلمه

بعد كدا قالتلي استنى وقتك لحد ما ييجي دورك

انا فضلت قاعد في مكان وبدأت اعيط اكتر واني خلاص ها اموت وفكرت في اهلي وحياتي الي ها تخلص هنا

بصيت لقيت مكان فيه نور كبير قربت عليه لقيت الشياطين عمالين يعزبو في الأنس بس في منظر كان مرعب جدا لقيت تلت أشخاص متعلقين في السقف ومد..بوحين والدم بيسيل على ملك الجن والشيطانه الي كنت بحبها هيا وأهلها وحشد كبير من الجن بيطوفو حواليه وبيقولو طلاسيم غريبه اوووي وهوا جسمه يتنفض كل شويه

• وفجأه حد زقني ووقعني جوا الاوضه دي لقيتني قصاد ملك الجان والشياطين وراح باصص ليا وقالي هوا انتا بقى القربان طاهر الدم

• قولتلو قربان ايه انا مليش دعوه بحاجه سبوني في حالي وابعدو عني قالي مستحيل دا انا مستنيك من زمان

• دم طاهر بدون كذب وتدليس وقطع ارحام وخيانه وزنا انتا الدم الي محتاجه متقلقش انا ها اذبحك زيهم بسرعه ومش ها تحس

• انا قعدت اصرخ بأعلى صوت واعيط وهما عمالين يضحكو وبعدت عنهم وقعدت على جمب وقعدت اعيط

• لقيتهم انشغلو في الطلاسم بتاعتهم وطوافهم على الملك

• روحت خرجت من الاوضه وفضلت اجري اجري لقيت مكان في نور بسيط طلعت اجري عليه روحت واقع في حفرا

• كان فيها مدخل يدوب يعدي انسان بالعافيه

• دخلت فيه وفضلت زاحف على بطني عشان اخرج وكل ما ادخل اكتر فيه يضيق اكتر لحد ما لقيت نفسي في الشارع قصاد البيت الي كنت فيه

• طلعت اجري في الشارع الضلمه وانا مش شايف حاجه

• روحت خابط في شخص ووقعت على الأرض

• قعدت اصرخ ابعدو عني ابعدو عني انا مش قربان انا مش قربان متدبحونيش ارحموني

• لقيته بيقولي اهدا يا ابني انا زي ابوك في ايه مالك

• روحت هادي ومسحت دموعي وحكيتله بالتفصيل الي حصل

• قالي البيت دا يا ابني مهجور بقالو اكتر من عشرين سنه لانه كان فيه جثث بعدد كبير حدا بسبب ان حصلت حرب اهليه في المنطقه دي ومات فيها ناس كتير والحثث كانت في البيت دا

• وكنا بنسمع اصوت غريبه اوووي فيه

• مره كنا بنسمع صوت ضحك جامد

• ومره كنا نسمع صوت صريخ عالي اووي

• ومره كنا نسمع تكسير في البيت وفي الحيطان

• ومحدش كان يقدر يقرب على البيت دا بعد الساعه 7

• احمد ربنا انك لسا عايش

• قولتله انا عاوز اروح

• قالي تعالي معايا اوصلك مكان تقدر منه تروح بيتك

• ووصلني وروحت البيت فضلت اكتر من تلت شهور في حاله نفسيه صعبه جدا وكنت فعليا بموت

• لحد ما خرجت منها على خير ودلوقتي عايش حياتي

• وعمري ما نسيت الشيطانه التي احببتها