لجزء الأول من قصتي الجديده (الدجال)
• انتشرت في الفتره الاخيره الأعمال والدجل والشعوذه وتسخير الجن لأعمال غير مشروعه وملعونه
• انا واحد من الناس الي اتعمل فيها العمل دا ولحد دلوقتي مش لاقي مراتي
• انا محمود مهندس معماري في احد المشاريع
• متجوز وعندي طفل وعرفت مراتي من ايام الجامعه
• حبينا بعض وبعد كدا اتجوزنا والحمدلله عايشين حايتنا كويسين
• بس كان في واحد معانا في الجامعه كان بيحبها جدا وكان بيكرهني جدا من غير سبب
• عدت الأمور بتاعت الجامعه بالعافيه من مشاكل وخناق ما بيني وبينه
• وبعد فتره من التخرج اتوظفت وبعدها اتجوزنا انا وهيا
• بس في يوم حصل حاجا غريبه اووي لمراتي
• بقت تقوم مفزوعه من نومها وكأن في حاجا كبيره حصلت معاها
• واول ما اسئلها في ايه تقولي حلمت اني اتخطفت وملقتونيش
• كنت بهديها وبتنام لكن كانت ديما بتكون خايفه
• بعد أيام حصلت مصيبه كبيره اووي
• لقيت مراتي واقفه في المطبخ والزيت محطوط على النار وهيا حاطه ايدها في الزيت والزيت مولع وشايف ايدها بتتحرق في الزيت وهيا واقفه ومش حاسه بحاجا
• قعدت انادي عليها عشان ترد عليا بس مكنش في رد
• جريت عليها وسحبتها من قدام الزيت وأخدتها على المستشفى
• طول الطريق وهيا باصه للسما ومبتغمضش ولا بترمش نهائيا
• انا اتخضيت اوووي عليها ومش عارف في ايه معاها
• اول ما دخلنا المستشفى الدكتور شافها قالي دي مسحوره
• لان اختي كانت كدا وكان بيبان من عيونها ومن تجمد جسمها
• قولتله شوف ايديها عامله ازاي الحقني يا دكتور
• دخلناها لاوضه الجراحه وبدأ يعمل كل اللازم ومفقتش غير بعد ما البنج خلص
• باصتلي وقعدت تعيط وتقول أيدي وجعاني اووي في ايه ايه الي حصل وايه الي جابني هنا
• قولتلها انتي مش حاسه بنفسك انتي حطيتي ايدك في الزيت وهوا مولع وحرقتيها كلها
• قالتلي انا محستش بحاجا انا كل الي فكراه ان في حاجا سوده قربت عليا وانا واقفه وبعد كدا اختفت ومحستش بنفسي غير دلوقتى
• قولتلها طب يالا نروح البيت وخلي بالك بعد كدا
• بس الدكتور بيقول انك مسحوره او عليكي سحر او عمل انا خايف ليكون كلامه صح
• قالتلي مفيش حاجا حصلت من كل دا ممكن اكون كنت بفكر في حاجا ومخدتش بالي لأن انا مفيش فيا حاجا وبلاش الكلام في الحجات دي عشان بخاف
• وروحنا البيت وطبعا احنا بيت عيله وكنت ساكت في شقه من شقق العماره بتاعتنا
• دخلنا الشقه لقيت الحيطه الي قصاد الباب مكتوب فيها البدايه للعذاب بالدم
• مين كتب كدا ودخل هنا ازاي في حاجا بتحصل انا مش فاهمها
• قولتلها انتي شايفه الي مكتوب على الحيطه
• قالت اه ممكن يكون طفل من الاطفال الي هنا كان بيلعب ولا حاجا
• قولتلها طفل ايه الي يكتب حاجا زي كدا دا مش طفل
• دا حد كبير وخبير في الحجات دي انه يكتب حاجا زي كدا بالدم
• في حاجا بتحصل غلط وانا مش مطمن من الي بيحصل
• وبعدين فين ابننا احنا مش كنا سايبينه نايم راح فين
• بندور على الولد في البيت كله مش موجود ملوش أثر
. فكرت وقولت ممكن يكون خرج من البيت
. بس ازاي يخرج وانا قافل الباب ورايا كويس ودا ولد صغير مستحيل يعرف يخرج لوحده
• دورت عليه في العماره كلها ملقتهوش ولا حد حتي شافه
• انا صراحه افتكرت انه اتخطف
• بس فكرت انه ممكن يكون طلع فوق على السطح بتاع العماره
• بس صعب جدا يطلع فوق لوحده لازم مساعده
• وكمان السطح مش محمي من اي جانب يعني ممكن يقع بسهوله
• بس انا مشغلتش دماغي بكل الكلام دا وطلعت ادور في السطح
• لقيته قاعد على طرف السطح وبيتكلم مع حد وبيشاور على حاجا
• ناديت عليه راح باصصلي وضحك ورجع تاني يتكلم
• روحت عنده وبقوله انتا قاعد كدا ازاي مش خايف تقع
• وبعدين انتا خرجت من الشقه ازاي من غير ما نفتح ليك
• قالي عمو دا هوا الي طلعني ووصلني لحد هنا
• وكمان كنا بنتكلم عن القبر الي ماما ها تكون فيه
• قولتله عمو مين الي بتقول عليه دا وقبر مين
• قالي دا يا بابا الي قاعد جمبي دا
• قولتله مفيش حد يا حبيبي موجود جمبك
• قالي هوا قالي محدش ها يشوفني غيرك
• وكمان قالي انه حرق ايد ماما عشان كان بيهزر معاها
• وبيقول كمان ها يحرق البيت كله وماما موجوده فيه
. انا اترعبت من كلامه بس كان لازم اهدي الأمور وأشوف حل بس بعيد عن بيتي
• قولتله الحجات دي وحشه يا حبيبي تعالي ننزل تحت
• قالي ها ننزل وعمو معايا قولتله لا محدش نازل غير انا وانتا وبس يالا يا حبيبي
• واخدت الولد ونزلنا ودخلته الشقه وأمه كمان وبعد كدا قفلت الباب وقعدت افكر في إلى بيحصل والي قاله ابني
• وفكرت ابني خرج ازاي من البيت ومين عمو الي بيقول عليه دا
• وايه حكايه القبر والنار الي ها تحصل في البيت
• انا مبقتش فاهم حاجة وشكل في مصيبه كبيره ها تحصل وانا مش مدرك خطورتها
• تاني يوم روحت الشغل طبيعي وكملت اليوم لقيت حد من الموظفين بينادي عليا وبيقولي بيتك
• قولت ماله بيتي
• قالي النار مسكت فيه والمطافي جت متأخره وملحقوش اي حاجا من العفش بتاع البيت
• قولتله طب مراتي وابني حصل معاهم ايه
• قالي لا الحمد لله خرجو بخير
• سيبته وجريت على البيت عشان اطمن عليهم
• لقيت البيت كله مولع عباره عن فحم ومراتى وابني والناس بره الشقه
• قولتلها ايه الي حصل في البيت في ايه
• هيا كانت مصدومه وساكته مبتنطقش
• ولقيت ابني الي اتكلم وقالي عمو يا بابا هوا الي ولع في البيت عشان يقتل ماما
• وسمعتو دلوقتي بيقول لماما وهوا واقف جمبها فقدانك قرب
• انا مبقتش قادر استوعب الي بيحصل وانا شايف مراتي وابني بيضيعو مني
• طلعتهم عند اخويا فوق وروحت لواحد صاحبي اسأله لو يعرف شيخ او دجال او اي هباب يشوف حالتي دي
• قالي في واحد اعرفه دجال محترف في الأعمال وكشف الجن والحجات بتاعتهم دي
• قولتله وديني عنده ابوس ايدك انا حياتي بتدمر قالي ماشي استنى الساعه تيجي 1 وها اوديك
• لان الناس دي مبتشتغلش غير بليل عشان دا جو الجن والأجواء بتاعتهم بتبقى كويسه ليهم
• قولتله خلاص تمام ها استنى مكالمتك ونطلع عليهم
• استنيت الساعه تيجي واحده ورن عليا وروحتلو ومشينا على الدجال دا
• هوا مكانه كان بعيد شويه عن المحافظه الي كنت فيها بس مش مهم المهم يحل الي بيحصل دا
• دخلنا مكان زي صحره وجمب المكان دا شجر بس خفيف
• وهوا كان قاعد في خيمه كبيره وقصادها ناس
• وكان جوا كمان في ناس وباين بيطلع جن من على بنتهم
• لأنها كانت عماله تصرخ وصوتها كل شويه يتغير لصوت راجل وتتنفض من الأرض
• وكانت بتعمل حجات غريبه وعيونها كانت بتتحول كان الوضع يخوف اوووي
• قولتله ما تيجي نمشي يا عم ونجيلو في وقت تاني أو نجيله في مكان تاني
• قالي لا استنى مش ها نتحرك هوا شويه وها يخلص
• الخيمه كانت كبيره بس مش اوي يعني
• والنور فيها خفيف مش شديد وكان حوالين الخيمه قطط كتير سوده
• ومبتتحركش ابدا من جمب الخيمه مهما عملت فيها كأنها متسخره لكدا
. غير أن الخيمه كان في أركان منها عليها بصمات دم وبقع كتير من الدم
. غير أن كمان ريحتها وحشه جدا وكان المكان من اوله لاخره مريب
• بعد شويه الدجال خلص ودخلنا ليه
• اول ما شافني قالي على طول جاي عشان مراتك المسحوره
• وعاوز تعرف ايه الي بيحصل معاها ومعاك وانك مش فاهم حاجه
• وجاي تعرف مين الي بيكلم ابنك وبيعرفه الاخبار دي
• قولتله انتا ازاي عرفت دا كلو من قبل ما اقول
• قالي الجن الي بيعمل دا كلو انا الي بعته ليك ولمراتك
• وبتوصلي الاخبار بتاعتك كلها اول بأول انتا ومراتك
• وعلى فكره انا الي طلبت منه يحرقلها ايدها
• عشان كنت عاوز اعرف هيا ها تبقى مدركه الي وصلتلو ولا لا
• بس طلعت غبيه ومش مدركه بأي حاجا بتحصل حواليها
• قولتله انتا السبب يا انسان يا زباله انتا شيطان مش بني آدم
. وكنت رايح عليه عشان اخنقه واريح الناس منه
• قالي انا بنفذ الي بينطلب مني ومليش دعوه بأي حد يتأذى
. قولتله مين الي قالك تعمل كدا
. قالي …
الجزء الثاني والأخير من قصتي الجديده (الدجال)
• قولتله يطلب منك
. مين الي بيطلب منك انك تأذيني وتاذي مراتي
• قالي لا طبعا دي أسرار ومستحيل اقولك عليها بس اسئل مراتك وهيا ها تقولك
• قولتله مراتي مالها مراتي مراتي ملهاش دعوه بالي بيحصل
• لقيته بصلي وقعد يضحك جامد اوووي وقالي دي السبب في كل الي بيحصل
• ولقيته قال مره واحده وقتكم خلص وها تجيني بنفسك تتأسف على الكلام الي انتا قولته
• ومشي وسابنا وانا مش عارف قصده ايه ان مراتي تعرف
• واحنا خارجين شوفنا القطط واقفه فوق بعض وكأنه انسان واقف بس طوله ممكن نقول ٢ متر
• كان شكلهم مرعب اوووي وهما واقفين بالمنظر دا سيبناهم وطلعنا جري من المكان وركبنا ومشينا على البيت
• انا روحت البيت وأخدتها من عند اخويا ونزلتها عندنا في الشقه
• وقولتلها ممكن تقوليلي انتي ليه الي عملتيه قبل ما نتجوز يوصلنا للي احنا فيه دا
• قالتلي انا معملتش حاجه ما انتا عارف اننا كنا في كليه واحده ونعرف كل حاجه عن بعض.
• ومفيش غيرك انتا وإسلام الي كان بينكم وبين بعض خناق
• بسبب انه كان بيحبني وانتا كنت بتحبني وكنا متفقين لما نخلص ها نتجوز
• وهوا كان عارف الموضوع دا وكان على طول في خناق معاك
• بس انا كنت بعيده عن الحوارات دي ومكنش ليا دعوه بيها
• بس انا افتكرت حاجا نسيت اقولهالك ساعتها
• فاكر لما اتخطبنا وكل صحابنا جم الا هوا مجاش
• قولتلها اه فاكر ايه الي حصل بقى اليوم دا
• قالتلي لما انتا نزلت عشان توصل صاحبك للموقف هوا جالي
• اه تمام وقالك ايه بقى اليوم دا
• قالي ها تندمي ندم عمرك على الي عملتيه فيا وكسرتيني كدا وانتي عارفه اني بحبك
• اوعدك اني ها اندم في كل ساعه ها تعيشي فيها حياتك
• وها أحول حياتك من انها سعيده لأنها جحيم
• وبعد كدا سابني ومشي وانا فكرت ساعتها انه قال كدا عشان متعصب ومكسور من الي حصل وخلاص ونسيت اني اقولك بسبب دوشه الخطوبه
• قولتلها يبقى هوا الي عمل كل الي احنا فيه دا
• انتي تعرفي مكان بيته صح
• قالتلي اه بس انتا عارف انه سافر برا مصر للشغل هناك وساب البيت الي كان قاعد فيه
• قولتلها مش مهم انا ها اروح عنده البيت واحاول اوصله
• وركبت عربيتي وروحت للبيت عنده ملقتش حد نهائيا والبيت شكله متساب من زمن
• سئلت الجيران عليه قالولي دا سافر من زمان عشان الشغل ومرجعش من ساعتها
• انا صراحه كنت خايف ومطمن في نفس الوقت ان ممكن ميكونش هوا الي عمل كدا
• بس لو مش هوا تبقى مصيبه اكبر لأننا َدا ها ندور على الي عملها وممكن منلقيهوش
• رجعت البيت تاني عشان اظبطه من الي حصل فيه ونقعد فيه بدل قعدتنا مع اخويا
• فتحت الشقه لقيت الحيطان كلها دم
• مكتوب على الجدران كلها انتقام انتقام انتقام انتقام
• سيبت الشقه وكانت مراتي وابني فيها ونزلت وركبت عربيتي وروحت على الدجال
• لقيته في الخيمه لوحده دخلت عليه وقولتلو انتا لازم تشوفلي حل دلوقتى حالا وتبعد الجن الي انتا حضرته دا عننا
• قالي دا جن قوي جدا وصعب جدا يبعد عنكم او يسيبكم غير لما يعمل المطلوب منه
• قولتله انتا لو مبعدتوش عننا انا ها أبلغ عنك وعن مكانك والحكومه ها توصلك وها تتحبس
• لقيته غضب جدا وبصلي بصه وحشه جدا وقالي اعمل الي تعمله
• ولو كنت عاوز تعرف مين السبب في كل دا
• هوا صاحبك الي اخدت حبيبته منه واتجوزتها انتا
• والي اخدت منه وظيفته الي كان بيحلم بيها واشتغلتها انتا
• دا انتا حتي اخدت الشقه الي كان حاجزها وفضيت فيها شهر العسل
• وهوا كان لازم ينتقم وجاني وعملت العمل على مراتك
• وكان العمل انها تتعذب شويه وبعد كدا تختفي من العالم نهائيا ومحدش يقدر يعرف مكانها
• وانا عملت الي قاله وحضرت الجن وطلبت منه كل الطلبات ودلوقتي هوا نفزها
• وبعد كدا لقيته اختفى مره واحده من قصادي لفيت المكان كله ادور عليه ملقتهوش
• ركبت تربيني وطلعت على بيتي على طول
• اول ما وصلت العماره سمعت صوت صويت جامد اوووي منتشر في العماره كلها
• قولت يبقي اكيد ماتت مراتي وبيصوتو عليها
• ولقيت ابني واقف في نص الشقه وبيبصلي
• دخلت الشقه لقيت كلام مكتوب على الجدران بالدم بس مفهمتوش
• ولقيت الشقه كلها منتشر فيها كلمه انتقام انتقام انتقام انتقام
• سئلت ابني عن امه فين لقيته قالي كلام صدمني
• قالي صاحبي جه واخدها يا بابا وقالي انك مش ها تشوفها تاني
• وان ماما ها تنزل عندهم وها تعيش وسطهم
• افتكرت الشيخ الي في البلد الي جنبنا دا سره باتع وعارف الدين كويس هوا دا الي ممكن يساعدني
• روحت عليه بسرعه وطلبت منه الخدمه وقولتله على كل حاجه
• قالي تعالي نشوف الي حصل ايه ونقدر نرجعها ولا لا
• لقيته دخل الشقه وراح مصدوم وطلع تاني
• قالي الشقه دي ملعونه من الجان والشياطين
• لازم تسيبها نهائيا ومتدخلهاش ابدا
• قولتله طب ومراتى المختفيه دي ها الاقيها ازاي
• قالي لا خلاص انتا جيتلي متأخر صعب جدا ارجعلك مراتك
• لو كانت قصاد عنينا وشايفها كنت قدرت اعالجهالك بس للاسف دلوقتي صعب جدا لأنها مش موجوده في الأرض هيا موجوده عندهم تحت
• ومش ها يسيبو مراتك الأ لما تخدمهم وتقضي كل حاجا ليهم وبعد كدا ها تكون عابده للجن والشياطين
• انا سمعت كلامه واتجنيت على الي قاله دا ازاي يعني
• قالي يا ابني انتا جيت متأخر كان من اول ما حسيت بحاجا غريبه بتتعمل في البيت كنت قولتلي عليها
• مراتك خلاص مش ها ترجع تاني خلاص كدا اقرا عليها الفاتحه
• وسابني ومشي ومعمليش اي حاجا انا اترميت على الأرض وفضلت اعيط على حظي والي حصلي بسبب دجال معندوش رحمه ولا دين
• نزلت على القسم وعملت محضر ان مراتي اتخطفت من الدجال ومن صديقنا القديم واخدنا البوكس ونزلنا على مكان الدجال ملقناش أثر ليه
• الدجال اتبخر هوا وخيمته وكل حاجا تدل عليه
• لفيت مصر كلها مستشفيات واقسام واماكن حتي غريبه وقديمه ومخيفه وملقتش أثر لمراتي
• بعد كدا روحت البيت لقيت مكتوب على الجدران انتهت انتهت انتهت
• ومكتوب على الأرض الانتقام تم الانتقام تم
• وكانت مكتوبه تحت بواقي السجاد الي كان موجود في الشقه بعد الحريق
• انا كدا مبقتش فاهم حاجا خلاص كدا مراتي ضاعت مني
• فضلت قاعد على الأرض ومقدرتش افكر في اي حاجا
• بس افتكرت المشروع الي كان ها يعملو صديقي دا بس قال لما يسافر ويرجع ها يعملوا
• وسيبت كل حاجا وطلعت عليه ادور عليه في المكان كله ملقتهوش
• بس لقيت غفير للمشروع هناك قاعد وباين عليه بقالو فتره في المكان
• سئلته على اسلام وقولتله مشوفتش المهندس اسلام هنا
• قالي بقاله اسبوع بييجي هنا هوا وواحد شكله شيخ او دجال وبيقعدو بالساعات وبعد كدا بيمشو ليه في حاجا
• قولتله طيب بييجي امتى اسلام
• قالي الساعه ١١ بليل بالعربيه بتاعته ومعاه الدجال
• روحت مديله فلوس وقولتله اوعي تقول لأي حد اني جيت او سألت على اسلام ولا تعرف اسلام حاجا
• قالي عيب يا باشا محدش ها يعرف حاجا
• قولتله تمام ودا رقمي عشان اول ما ييجي ترن عليا
• وسيبته ومشيت
• وانا في الطريق للبيت قعدت افكر طب هوا لو بلغت الحكومه ها يقدرو يرجعو مراتي ولا لا
• طب لو لاء هوا اسلام والدجال يقدروا يرجعوها
• طب لو روحت لوحدي المكان دا ها اخرج منه عايش ولا ميت
• كل الأسئلة دي جت في دماغي وانا عقلي ها يفك مني والاقي اجوبه ليها
• روحت وفضلت مستني مكالمه الغفير بفارغ الصبر
• لحد ما الساعه ١١ جت ورن عليا وقالي يا باشا اسلام والدجل جم
• روحت قافل معاه وركبت العربيه وروحت للمكان على طول
• ركنت العربيه بعيد شويه عشان ميحسوش بيا ودخلت اتسحب عليهم
• هما كانوا قعدين في اوضه في المشروع دا وكانوا بيتكلمو في حاجا بس انا مش سامعها لاني كنت بعيد عنهم انا يا دوب شايفهم
• روحت مقرب اكتر شويه عشان اسمع وسمعت كل حاجا
• لقيته الدجال بيقول مراته اختفت من الوجود ولا ها يقدر يرجعها ولا ها يقدر يعيش حياه سعيده تاني
• وكمان ابنه بقى قريب جدا من الجن الي انا سخرته لاذيتهم وقريب جدا ها يحصل امه
• وهوا بعد دا كلو اكيد ها يفوت عقله ويبقى خلصنا منهم كلهم واخدتلك حقك
• قالوا تمام بس انا كنت عاوزها هيا تكون ملكي والباقي مش مهم لا جوزها ولا ابنها انا كنت بحبها هيا وكنت عاوزها ليا انا لوحدي
• بس مش مهم لا ليا ولا ليه ولا لأي حد
• بس انا حياتي اتدمرت الي كنت عايش عشانها اختفت نهائيا مش عارف ها اعيش لمين دلوقتي
• لقيت الدجال بيقولوا بس انتا انتقمت منه خلاص ومن عيلته مش مهم بقى اي حاجا تاني
• انا دخلت عليهم في الوقت دا وكان معايا المسدس بتاعي ورفعته عليه
• قولتله يعني انتا السبب في كل دا والعذاب الي انا شوفته دا
• هوا انا اذيتك في ايه عشان حبيت وبنيت اسره
• قالي انتا اخدت حبيبتي مني واتجوزتها
• بصيتله بغل وكره وعاوز اقتله بصيت للدجال
• الدجال بيقولي انا معملتش غير الي انطلب مني مليش دعوه بحاجه
• حلو مشاكلكم دي لنفسكم وانا امشي
• قولتله لاء دا انتا المسبب الأصلي لكل دا وحقك تموت
• وضربته بالنار ووقع على الأرض ميت
• لقيت اسلام بيبصلي ويضحك وقالي هوا انتا فاكر اني خايف منك أو من الي عملته لاء طبعا ولا يفرق معايا
• واحنا بنتكلم الغفير لما سمع ضرب النار اتصل بالحكومه وانا بتكلم معاه الحكومه لقيتها حاوطت المكان ودخلو علينا وقالولي ارمي السلاح
• وطبعا الظابط عارف كل حاجه وقصتي فا قالي سيبه متعمليش فيه حاجه احنا ها نقرره على مكان مراتك بمعرفتنا بس كفايه دم لحد كدا
• نزلت السلاح لقيت اسلام طلع مسدس ووجه عليا وقالي حياتي اتدمرت بسببك والي كنت عايش ليها اختفت بسببك خلاص انا اتدمرت واعرف مكانها بس مش ها اريح قلبك وراح ضارب نفسه بالنار ومات في ساعتها
• انا اترميت على الأرض وقعدت ابكي على الي حصل والي شوفته وسمعته دا وان مراتي مش ها اشوفها تاني
• لقيت الظابط قرب عليا وقومني وقالي قاتلك للدجال كان المفروض عقوبه كبيره جدا بس احنا كنا بندور عليه وكاان كدا كدا ها ينعدم فا انا ها اقول في مداهمتي ليه ضرب علينا نار فا ضربنا عليه نار ومات
• وكدا كدا هوا ملوش لازمه وبالنسبه لاإسلام هوا الي قتل نفسه تعالي اوصلك بيتك وبكره تيجي نقفل المحضر
• واخدتي وروحت البيت واخدت ابني في حضني وقعدت اعيط على حظي وحظه انه اتحرم من أمه وهوا لسا طفل كدا وها يعيش حياته من غير ام بسبب انانيه انسان والكره الي في قلبه الي عمل كدا
• تاني يوم روحت القسم وقفلت المحضر وروحت لبيتي اخدت اجازه من الشغل شهر عشان اريح نفسي واعصابي من الي حصل وبعد كدا افكر في إلى جاي عشان ابني
• وبعد اسبوع غيرت الشقه وقعدت في شقه تانيه وقفلت الشقه بتاعتي لأنها بتفكرني بمراتي
• ولحد دلوقتي بدور عليها وملقتهاش
تمت بحمد الله
