قصة الساحر الملعون

عالم غريب .. بتحب فيه فتبعد .. وتكره فيه فتبعد بردوا، زي ما يكون كل علاقاتك واحلامك او هواجسك من شخص بيجمعها نقطة الفراق وبس!، وزي ما يكون الكون كله اجتمع لأول مرة برة حدود الجاذبية على الحرمان اللي يموتك عاطفيا” ويموتك من الحلم نفسه بأنك تكون كدة

في عام ١٩٩٩ كان في اكتر من ١٤٥ جثة متفحمة في المزارع في قرية في الصعيد وكان في اكتر من ١٦٨ جثة متفحمة على طريق الصعيد و دي كانت ظاهرة غريبة ف الوقت ده وفي عام ٢٠٠٠ ظهر دكتور حاتم عثمان يكتشف سبب الناس اللي بتموت كل أسبوع تقريباً نبدأ القصة مع الدكتور حاتم،

انا حاتم عثمان سني ٤٢ سنة انا شغال طبيب شرعي، ومعنديش اخوات وامي وابويا ، متوفين وانا عندي 20 سنة كملت حياتي من بعد وفاتهم، الوحدة شيء صعب لكن انا اخذت على كدة وبقت شغال، طبيب شرعي عشان دي المهنة اللي بحبها

و في عام٢٠٠٠ يوم الاحد شهر 2 كنت ف المستشفى، ولقيت حالة متفحمة بطريقة فظيعة وانا اول مره، اشوف حالة زي دي قربت من الحالة لقيت، احتراق شديد جدآ صعب واصف الحالة وبعد ما تفحصت، الحالة كان سبب الوفاة الاحتراق الشديد وكان في بعض، الجروح في جانب الجثة وفضلت الجثة موجودة في المشرحة، اكتر من اسبوع ومفيش حد سأل على الجثة ولا في حد عارف، الجثة دي مين وبعد 10 ايام النيابة اصدرت حكم أن الجثة، تتدفم في مدافن الصدقة الجارية وفعلآ تم دفن الجثة وبعد كده، كل أسبوع تيجي حالة اسوء من اللي قبلها والشرطة ، مش لاقيها اي اثبات أول دليل على اللي بيعمل في الناس كده، ومش عارفين مين اللي وراء كل ده، ومن هنا بدات افكر، هو اللي بيقتل الناس دي و بيحرقهم بيستفاد ايه طب هو ليه بيعمل كده، اكيد في سبب؟

المهم روحت البيت وكانت الساعة تقريبا 11 بالليل، فضلت قاعد قدام التلفزيون شوية وعلى 12:00 نمت وحلمت، بحلم غريب حلمت بالجثة، اللي كانت في المشرحة ولقيت الجثة وقفت قدامي ولقيتها بتتحول لجثث، كتير جدا ولقيت الجثث بتتحرق وفضلت اسمع اصوات، صريخ من كل إتجاه ولقيت الاوضة بتتحرق والنار، في الاوضة كلها جريت بسرعه علي باب الأوضة و اول ما خرجت، من الاوضة لقيت قدامي الجثة وكانت مليانه دود ودم بينزل، منها بطريقة مقرفة جدا واختفت وبصيت ورايا لقيت الاوضة، سليمة ومفيش حاجة وسمعت صوت حد بينادي في، الأوضة دخلت الأوضة ولقيت الصوت جاي من المرايا بصيت ف المرايا لقيت ملامح وشي اتغيرت ولقيت الجثة واقفه، ورايا بصيت ورايا وقولت لها انتي عايزة مني ايه؟

لقيتها بصيت في المرايا وحطت ايديها، على راسي ولقيت في المرايا سحره وتعابين كتير، حوليا ولقيت نفسي جوة بيت مليان حروف ورسومات غريبة، ولقيت البيت اتغير ولقيت نفسي في قبر وشفت، راجل فيه بيحط قرابين من البشر تحت الأموات ويكتب عليها، حروف ويسيب ورقة على القربان ولقيت بعدها أشخاص كتير في، أوضة لابسين اسود وحاطين الجثث على الارض وبيقولوا كلام غريب، والجثث بتتحرك وعيون الجثث تتحول للون الأسود، والدم ينزل منها وبعدها لقيت الدم بيتحول لتعابين، اول ما شفت التعابين طلعت أجرى والتعابين بتجري ورايا ولقيت، قدامي الجثة بتقولي متخفش انا معاك وصحيت، من النوم ولقيت السرير، مليان دم وبصيت علي المرايا وشفت الجثة المتفحمة، شكلها اتغير ورجعت انسانه طبيعية وكان، شكلها جميل وشورت على الحيطة بصيت على الحيطة لقيت، رسمت نجمة مقلوبة وبعدها اختفت وبصيت ف الاوضة ملقتش، حاجة ورجعت كل حاجه زي، ماكانت ولقيت الباب بيخبط، قومت فتحت الباب ولقيت حد ضربني، بحاجة على راسي وفقدت الوعي وفتحت عيني لقيت نفسي جوة عربية، وفي حد قاعد قدامي ولقيت على أيده، رسمت النجمة وبعدها فقدت الوعي تاني ولم فوقت لقيت نفسي، في أوضة ضلمه ومش شايف حاجة غير ظلام وسمعت صوت، حد بيقول أهلا بيك يا دكتور

قولتله انت مين وعايز مني ايه؟

قالي انت الي عايز اي يا دكتور، قولتله انت مين؟

قالي مصمم تعرف أنا مين هقولك أنا مين انا اللي بقتل الناس وانت بتدور عليا وانا جبتك، لحد عندي قولي بقا انت عايز ايه، قولتله أنا عايز اعرف انت بتقتل الناس ليه وليه بتعمل كده ، قالي بص يا دكتور انا كنت زمان بقول زيك، كده ولم كنت اسمع عن حد بيقتل، الناس بدون سبب كنت بستغرب لكن دلوقتي اكتشفت إن ده الصح لازم، الناس تموت دول ناس ملهمش لازمة الناس دي يا دكتور، ضعيفة جدآ والعالم البشري عالم مقرف جدا الناس دي اسوء حاجة على الارض قولتله هما الناس، عملو ايه عشان تعمل فيهم كده ده ربنا ميز البشر عن الشياطين، قال لي ههههههه يا دكتور انت عارف وانا عارف ان الناس بتحب الفلوس، وبتحب الفحشاء مفيش واحد يا دكتور، كان نفسه في حاجة وعملها عارف ليه يادكتور عشان الناس، ضعيفة، ولم يجي الموت تلقى البشر مسكة في الدينا ومش عايزه تسبها هما دول البشر يا دكتور وانا هديك فرصة، تمشي من هنا بس بشرط متفكرش في موضوع الجثث والناس اللي بتموت، وخليك في حالك قولتله انت اكيد مش انسان انت اكيد مجنون،قالي بلاش كلام كتير وقول موافق احسن ما اوريك اسود ايام في حياتك،

قولتله انا عمري مااوافق على الكلام ده اقتلني احسن، قالي برحتك انا كده هاطر اوريك الوش التاني، وبعد كده سمعت صوت صفارة في ودني وماكنتش مستحمل، الصوت كان شديد جدا وبعد دقيقة لقيت الصوت اختفه، ولقيت جسمي سخن وحساس بحد خنقني، وعيني بتنزل دم وفقدت الوعي ولما فوقت لقيت نفسي قدام، باب الشقة بتعتي والباب مفتوح قومت من على الأرض، ودخلت الشقة وبصيت في المرايا، ولقيت عيني فيها دم وهدومي، عليها دم قلعت هدومي ولقيت، مكتوب على بطني حرف غريب، حاولت امسح الحرف فشلت وفضلت قاعد في البيت عمال، افكر اعمل ايه لازم اشوف حل و عايز اعرف ايه، الحرف ده ومعنى الحرف ده ايه من كتر، التفكير نمت في الصالة وصحيت الساعة 1 الضهر ولقيت مكان الحرف، اللى فى بطني حرارة عالية جدآ ومش مستحمل حاسس، ان روحي بتتسحب مني فضلت اترعش جامد و بعد ساعة، تقريباً من الحرارة العالية والرعشة لقيت في أيدي، كدمات سودة وفي رجلي كدمات زرقة وفضلت، قاعد على الكنبة، مش قادر اتحرك، جسمي كله مكسر وفضلت قاعد لحد، ماالنهار طلع وبعدها قومت ودخلت الحمام، أغسل وشي لقيت في المرايا الجثة وهي بشكلها الطبيعي وكانت حزينة، قولتلها انا مش بإيدي حاجة انا بموت عشانكم، وشكلي هبقا ضحية زايكم، لقيتها طلعت من المرايا وحطت ايديها على راسي، ولقيت نفسي في مكان في قبر وفي ورقة على الجثث، وبعد كده فوقت ولقيت نفسي في الحمام خرجت من الحمام، وعرفت أن الورقة دي فيها حاجة لبست هدومي، وروحت المستشفى وكان باين علي وشي التعب والدكاتره، كانوا بيسالوني مالك فيك ايه قولتلهم انا بس تعبان شوية، من قلة النوم ودخلت المشرحة، ولقيت طفل محروق اول، ماشفت منظر الطفل دموعي، نزلت من عيني زي النار نفسي اقتل الشخص، اللي بيعمل في الناس كده كان دمي محروق جدا، وكنت زعلان جدآ، وقلت لازم اعرف مين اللي ورا كل ده، ولازم أوقف اللى بيحصل، ده ب أي طريقة مشيت، من المستشفى وانا ماشي، على الطريق لقيت مقابر قديمة جدآ وعلى ما اظن المقابر، دي بقلها سنين محدش جه عندها، وكان منظرها مخيف ولقيت، الطفل اللي فى المشرحة واقف قدام قبر، ودخل جوة القبر جريت،بسرعة وراء و دخلت القبر ولقيت، الطفل اختفه بصيت في القبر لقيت جثث كتير، جدا ولقيت دود ف كل مكان وشوفت،الورق على الجثث اخدت الورقة وخرجت، فتحت الورقة لقيت فيها كلام غريب مكتوب وفضلت احاول، أفسر الكلام اللي مكتوب معرفتش قولت لنفسي، دي مش لغة بشر دي اكيد حاجة تانية اخدت الورقة وروحت، لشيخ معروف جدآ اسمه الشيخ طارق روحتله، وقولتله يا شيخ انا معايا ورقة مكتوبه بلغة غريبة وانا عايز اعرف الورقة دي مكتوب فيها أي؟

. قال لي هات الورقة، خد مني الورقة وأول ما بص في الورقة قال لي انت جبت الورقة دي منين، قولتله يا شيخ طارق انا جيلك عشان تقول لي الورقة دي مكتوب فيها أي مش عشان تحقق معايا، قال لي يا ابني الورقة دي اللي فيها مش بيتقال ده بيتعمل وانت لازم تقولي اللى حصل عشان اقدر اساعدك، اطريت احكي الحكاية للشيخ، طارق والشيخ قال لي بص يا حاتم الورقة، دي فيها طلاسم وكل طلسم بيحكم عالم وانت دلوقتي، محكوم عليك بالجنان الراجل ده بيقتل الناس، عشان يقدمها قرابين وهدف الراجل ده انو يبقا أقوى إنسان على الارض، وغير كده هو بيقتل ناس، عشان يكسب شيطان وده يبني انسان، ملعون صعب جدآ أن حد يقرب منه بسبب الأعمال إلى معاه دي أعمال، شياطين سفلية وكل عمل وراه قبيلة من الشياطين، قولتله طب وايه الحل الراجل ده بيقتل، الناس كل يوم جثث الأطفال بيحرقهم لازم نوقف الراجل ده، قالي الحل موجود بس صعب يا ابني،قولتله إيه هو الحل، قالي انت الحل الحرف اللي، فى جسمك ده هو الي يقدر يساعدك تخش العالم بتاع الراجل ده، قولتله انت عايزني اخش عالم الشياطين برجلي، قالي هو ده الحل ولما تخش العالم ده تقدر تقتل، الراجل ده بس خلي بالك لو دخلت العالم ده هتلاقي في خدع كتير، أوعى تصدق اي حاجة تشوفها قولتله، انا موافق دخلني العالم قالي استناني لنص الليل، وفضلت قاعد لحد نص الليل وجه الشيخ طارق ومعاه كتاب وقالي، غمض عينك واوعي تفتح عينيك، وفعلآ قفلت عيني وسمعت كلام غريب الشيخ بيقولوا وبعد ٥ دقايق وانا مغمض عيني حسيت، ان مفيش حاجة حصلت فتحت عيني لقيت الشيخ طارق مقتول، انصدمت من المنظر وطلعت اجري زي المجنون، لحد ما وصلت البيت دخلت البيت وانا خايف، وقولت اكيد دلوقتي الناس شافتني، وانا بجري من عند الشيخ وزمان الشرطه بتدور، عليا انا لازمن اهرب وامشي من البلد دي، وفعلا خت هدومي ولسه هخرج من باب البيت، لقيت حد من ورايا بيقول، انت رايح فين يا حاتم؟

بصيت ورايا ولقيت الشيخ طارق قلتله، ازاي انت ليه عايش قالي اه لسه عايش، في أفكارك يا حاتم انت لو هربت تبقا كده حكمت، على نفسك وعلى ناس كتير ب الموت أنقذ الناس يا حاتم :

قلت له انا مش عارف أنقذ نفسي ولا بيدي حاجه اعملها انا لازمن امشي، قالي يا حاتم دي الفرصه الوحيده اللي تقدر تساعد بيها الناس اللي، بتموت كل يوم بسبب واحد ملعون يا حاتم قدامك الاختيار، يإما تسيب البلد وتمشي وتسيب الناس والأطفال تموت، يإما تحارب الملعون ده وتريح الناس من شروا، وبعدها اختفى الشيخ وفضلت افكر امشي بس لو مشيت برضو، هيفضل الساحر الملعون، ده يقتل في الناس وانا لازم اجيب، حق الناس اللي ماتت من غير ذنب وفضلت قاعد، ف البيت افكر ازاي احارب الملعون ده ومن كتر التفكير نمت، وحلمت ب قطه سوده، قاعده على السرير وتحت القطه ورقه، ولقيت القطه قاعده على الورقه وشكل القطه مخيف، حاولت أقرب للقطه لقيت، القطه جرحتني في أيدي قومت من النوم، مفزوع ولقيت فعلا ايدي مجروحه بصيت في المكان، اللي القطه كانت قاعده،فيه لقيت ورقه مرميه تحت السرير ولسه، رايح امسك الورقه لقيت نفسي مرفوع ف الهواء، ولقيت قدامي شكل غريب جدا واحده شكلها، مخيف جدا شعرها اسود وطويل، وجسمها كله خرابيش وجروح عميقه، ولقيت عيونها سوده ولقيتها بتقولي انت محكوم عليك ب الموت، ولقيت الأرض طالع منها تعابين ولقيت، نفسي وقعت على الارض، والتعابين حواليا وقومت بسرعه من على، الأرض وجريت ونزلت من البيت وجريت ف الشارع ومش عارف، انا رايح فين فضلت ف الشارع يومين ماشي، على رجلي ومش عارف، انام من كتر التعب لقيت مزرعه ، روحت نمت في وسط الزرع من كتر التعب اول ما جسمي اتفرد، على الارض نمت نوم عميق وفضلت احلم ب كل، حاجه حصلت ولم فوقت من النوم راجل كبير ف السن، وقالي يا ابني حد برضو يا نام ف الزرع، قولت معلش يا حج انا بس تعبان شويه ومش لاقى مكان انام في، قالي قوم طيب يا ابني تعالى معايه انا بيتي قريب من هنا وانا عايش لوحدي تعالى، اقعد معايه لحد ما تلاقي مكان، قلتله والله يا حج كتر خيرك، قالي تعالى يا ابني انت زي ابني تعالى، وفعلا روحت مع الراجل الكبير البيت

والراجل قالي انت بقا ايه، حكايتك يبني وايه اللي عمل فيك كده، قلتله يااا دي حكايه كبيره يا حج، قالي قول يا ابني يمكن اقدر اساعدك ، قلتله حاضر وقولت كل حاجه حصلت معايه، وقلتله إيه، رأيك يا حج ف اللي حصل معايه، قالي بص يا ابني انت انسان بتحب الخير، وانا كنت زيك في يوم من الأيام، وحاربت الشر وأخرت الحرب دي ابني ومراتي ماتوا بسببها، بص يا حاتم انت لازمن تبعد، وتسيب الحكايه دي احسن ما تبقى زيي وحيد، وملكش حد، انا يا ابني اول ما شوفتك شفت في عينيك، اَمل لكن ده ميكفيش قدام، العالم ده ابعد يا حاتم وآنسى، الموضوع ده وروح عيش حياتك انت لسه شاب متعملش زي يا ابني،قلتله يااا يعني انت كنت بتحارب نفس الراجل، ده و سبتوا يقتل ابنك ومراتك، قالي مكنش بإيدي اعمل حاجه، انا ضعيف يبني وده معاه مفاتيح ابواب، جهنم والشياطين اسمع مني يا ابني، روح شوف حياتك وإنسي الموضوع ده، قلتله ما في ألف واحد ابنوا هيموت لو ما قتلتش الراجل ده، لازمن يموت، قالي يا حاتم ده ميقدرش عليه، حد غير ربنا سيبوا يا ابني وامشي احسن ما تموت محروق أو مجنون، أو تعيش حزين ووحيد زي قلتله انت، اللي ضعيف وانت الدي خفت، وهربت وسبت حق ابنك ومراتك لكن انا مستحيل ابقا زيك، قالي ما انت كمان هربت وسبت حق الناس، اللي بتموت، قلتله انا هربت عشان اجيب حاجه، احارب بيها الشيخ الملعون ده، ولازمن اعرف إيه هي الحاجه اللي، تخلي الملعون ده يموت، قالي الحاجه اللي تخلي الملعون ده يخاف، انك متخافش منه، ومتصدقش اي كلمه منه لكن ان الملعون، ده يموت فا دي مستحيل ده لو مات هيبقى، في أعمال الشياطين في كل مكان، وهتبقى الشياطين محاوطه الأرض ب الكامل، وهتبقى الأرض فساد وخراب يا ابني انت، متعرفش الملعون ده عمل ايه الملعون ده سايب، أعمال في كل مكان ف الارض ده ملعون يا ابني قلتله متقلقش، انا عارف اول عمل معمول، فين انا عندي عمل ف البيت، ومعمول ف ورقه تحت السرير، وانا حاولت اجيب العمل ده لكن كان، في ست شكلها مخيف ولقيت الاوضه كلها تعابين ف سبت العمل وهربت، قالي يا حاتم دي الفرصه الوحيده اللي تقدر بيها، تخش العالم التاني وتقدر تحرق كل الأعمال اللي، موجوده ولازمن نروح البيت نجيب العمل ده، قلتله هنروح ازاي ده البيت مليان تعابين، قالي متخافش، مفيش حاجه تقدر تلمسك كل اللي، هتشوفو في البيت ده مش حقيقي دول اسمهم خدام العمل، وبمجرد ماتمسك الورقه هيخافوا منك يلا، يا حاتم مفيش وقت، وفعلا روحت البيت انا والراجل الكبير، اول ما دخلت البيت لقيت البيت هادي جدا، دخلت الأوضه بتاعتي، وبصيت على الورقه ملقتش الورقه ازاي؟

الورقه كانت هنا وبصيت ورايا لقيت الراجل الكبير اختفه وفضلت ادور، عليه ف البيت الراجل مش موجود و لقيت النور قطع، وسمعت أصوات همسات جمبي، وحسيت بحاجه مشيه على رجلي وحسيت ان جسمي، بقى سخن والجو بقى حر، جدا وبدأت اتخنق بحاول امشي لكن، مش شايف حاجه غير ظلام والأصوات، حواليا في كل مكان، ولما امشي اسمع صوت حد ماشي ورايا ولم أقف بحس ان في حد قدامي وبحاول مخفش وجيت، اتحرك لقيت جسمي، اتخشب ومش عارف ايه اللي، حصلي مش قادر اتحرك، من مكاني ولقيت قدامي عيون حمره، ولقيت جوه العيون دي ناس، بتتحرق ولقيت جوه العيون، عالم كامل من، الشياطين وسمعت صوت ضخم جدا قال انت معاك ورقه تحميك، من حكم الموت تجيب الورقه دي هشيل عنك حكم الموت وقدامك لي نص الليل، وبعدها لاقيت النور رجع، ولاقيت قدامي الراجل الكبير، وعيونه كانت سوده قلتله مالك فيك ايه، قالي انت سمعت هو قال إيه الورقه اللي، معاك فيها حمايه ليك وتكمله ليهم، حاتم الورقه دي لازمن، ولقيت الراجل الكبير، اترفع ف الهواء و اترمه على الحيطه، ووقع على الارض ولاقيت الراجل بينزل دم من راسه، وانا فضلت واقف حاسس اني مكتف، مش قادر اتحرك عامل زي المشلول، وشايف الراجل قدامي بيتعذب وبعد ما الرجل وقع على،

الارض جريت عليه لاقيته مات، ولاقيت باب الشقه اتفتح ولاقيت، الشرطه قدامي خدوني وفضلت احكي اللي حصل معايه محدش، صدقني وقالوا عليا مجنون وودوني المصلحه، العقليه وفضلت كل يوم اصرخ من الأحلام اللي، بشوفها وفضلت في المستشفى ٦ شهور لحد ما في يوم هربت، من المستشفى، وروحت البيت ودخلت الأوضه بتاعتي ولقيت، الورقه وخدتها ولسه هحرق الورقه لقيت، قدامي الملعون اللي عمل فيا، كل ده قلتله يااااه بقالي زمن ما شوفتكش قالي، ما انت اللي خلتني اعمل فيك كده لو كنت سمعت كلامي، كان زمانك عايش ملك قلتله قصدك كان زماني، كافر وعبد عندك انت، واللي زيك لازمن تموته، قال لي ههههههه هو انت فاكر، اني هموت اقولك على حاجه لو عايز تحرق الورقه، احرقها وانا متخفش عليا هحرقق وراها على طول انت لحد، دلوقتي ماشوفتش الوش التاني خلينا حبايب، وروح حط الورقه في القبر زي ماكانت، قلتله قبر ايه انا مخدتش حاجه، الورقه دي كانت تحت السرير، قال لي لا يا حاتم انت شكلك كده المستشفى تعبتك ونستك انك خدت الورقه، من على الجثه من القبر وروحت لواحد، وافتكرت أن الدجال ده، هيساعدك اهو الدجال مات والورقه معاك من آخر مره افتكرت، ول لسه قلتله فاكر بس انت شكلك نسيت، حاجه ان ربنا أقوى منك ومن شياطينك، وحرقت الورقه ولقيت أصوات صريخ من كل ناحيه ولقيت، نفسي طاير ف الهواء ولقيت البيت بيتهز والنار، طلعت من كل اتجاه، ووقعت على الارض وقومت جريت على باب الشقه لقيت، حد مسكني ورماني على الحيطه، بصيت قدامي لقيت، كائن مخيف رأس ثور والجسم عباره عن عضم، ولقيت النار يتقرب مني، وهو واقف يتفرج عليا وقبل ما النار، تحرقني جريت على البلكونه، ولقيت باب البلكونه اتقفل بصيت ورايا، لقيت الكائن وبصيت ورا الكائن لقيت جثث كتير جدا بتتحرق ولقيت، علي رجلي تعبان وطالع على جسمي، وبصيت للكائن اللي قدامي، قلتله انا مش خايف منك، ولقيت أصوات صعبه، جدا طلعه منه، لاقيت نفسي مرفوع في الهواء، ومخنوق من رقبتي مقدرتش استحمل الخنقه وفقدت الوعي، ولما فوقت لقيت نفسي على الارض، ولقيت مكتوب في ورقه انا راجع تاني، رميت الورقه وقولت لنفسي، هو العمل مش في الورقه وبس العمل في الجثث، لازمن الجثث تتحرق وفعلا، روحت القبر اللي فيه الجثث ولقيت في القبر جثث، وتعابين عرفت ان الأعمال في الجثث نفسها وطول، ما الجثث موجوده طول ما الأعمال مربوطه حرقت الجثث، والتعابين وكل حاجه في القبر حرقتها و بعدها عرفت، إن الملعون الشياطين حرقتوا ومات والأعمال كمان اتحرقت، والبيت بتاعوا اتحرق وبعدها هربت باره البلد وعشت آخر أيام في حياتي على ذكريات كلها غموض على قد ما انا كنت مستريح بعد ما الملعون مات على قد ما انا كل يوم بحلم ب اللي حصل، وصوت الصراخ دايما مبيفارقنيش، وكل يوم بشوف نفسي الكائن ف زاوية الأوضة.

تمت