ساعات كتير بفكر في الحاجات المرعبه لكن عمري ما كنت اتخيل اشوفها او اسمعها خصوصا لما يبقي قدامي شخص قتل مراته بكل وحشيه ومحكوم عليه بالاعدام
انا مين انا الدكتور ايمن سعيد دكتور امراض نفسيه وعصبيه حاولت كتير مع عمر أعرف منه الي حصل معاه عشان يوصل بيه الحال انه يقتل مراته بالطريقه البشعه دي لكنه كان ساكت ومكنش بيقول غير كلمه واحده زاجر زاجر ويسكت ومكنتش فاهم هو يقصد اي للاسف
لكن المشكله في الطريقه الي قتل بيها مراته كان دبحها ونازع عينيها الاتنين وعامل زي علامه مثلث مقلوب علي جبينها بصراحه مش فاهم اي الغرض من ده لحد ما قررت اني لازم ازور بيته وافهم في اي
اكيد هناك هلاقي حاجه تفهمني انا عارف ان ده مش من حقي بس ان من الناس الي الفضول هيقتلهم عشان يعرفوا كل حاجه
او يمكن عشان بكلمه مني عمر ممكن يتشنق وممكن يكمل حياته كلها في مستشفى الامراض النفسيه والعقليه
المهم كان الوقت متأخر دخلت للمدير وطلبت اجازه يومين ووافق
وروحت البيت اتعشيت ودخلت انام وصحيت علي صوت همس وحراره نفس جايه في وشي اتجمدت مش قادر اقوم نفسي اتكتم انا بموت حرفيا استجمعت قوتي وقولت يارب
اعوذ بكلمات الله التامات من شر ما خلق لقيت جسمي اتفك قمت وولعت نور الاوضه لقيت مكتوب علي المرايا بخطوط عنكبوت زاجر
اتوقعت ان ده تحذير عشان ابعد عن الموضوع كله لكن زي ما قولت انا شخص فضولي جدا
الساعه 10 الصبح فطرت وطلعت علي بيت عمر كانت شقه في عماره سكانيه لقيت البواب في وشي بيقولي افندم يا استاذ قولتله انا تبع الطب الشرعي وعاوز ادخل شقه الاستاذ عمر لقيته برق كده وقلي تدخل فين انت عارف ممكن يحصلك اي جوا
قولتله لا مش بخاف وسع من طريقي عشان اشوف شغلي قلي انت حر
ودخلت الشقه مش قادر اوصفلكم كميه الطاقه السلبيه الي جوه ورغم اننا في الشتا لكن كنت حاسس اني في فرن فضلت اقلب في الشقه يمين وشمال لحد ما لقيت مذكرات مكتوب عليها عمر قعدت
علي كرسي كده وفتحت المذكرات وابتديت اقرأ انا اسمي عمر حسن الجعفري اي حد هيقري مزكراتي هيقول عليا شخص مجنون لكن انا باقسم ان الي هقوله ده الي حصل الحكايه بدأت سنه 2000
وقتها كنت في سن الشباب ولسه خارج من الجيش امي الله يرحمها كانت بتحلم باليوم الي تشوفني فيه عريس
وكانت دايما بتزن عليا عشان اتجوز كنت عاوز ارضيها باي شكل
قولتلها خلاص يا امي اتولي انتي الموضوع ده وان شاء الله خير بعد اسبوع كنت نايم جات امي صحتني من النوم وقلتلي لقيتلك بنت الحلال يا عمر اسمها حنان وبنت ناس ومؤدبه جدا وهتعجبك قلتلها ماشي حددتي معاد عشان نروح نخطبها قلتلي بكره هنروح نزورهم وفعلا تاني يوم رحنا بصراحه البنت كانت جميله جدا قدمت لينا مشروب وتمت الخطوبه او يعني قرايه فاتحه ورجعنا البيت كنت مبسوط جدا ومرتاح ورحت انام
حلمت حلم غريب جدا شوفت نفسي واقف قصاد بيت حنان وبدخل البيت وكان مليان ناس وحنان كانت علي السرير بتتشنج وبتتلوي وكانت عينيها سودا تماما وشعرها ابيض وجلدها مكرمش وكانت بتصرخ
صحيت مفزوع كانت الساعه 7 الصبح لقيت علي ايدي خطوط عنكبوت محطتش الحلم في بالي وقومت وفطرت ونزلت شغلي انا شغال عامل في مصنع تغليف
المهم ونا شغال في المصنع اتصلت بيا امي وقلتلي في واحد يبني
عاوزك في البيت تعالي بسرعه استأذمت وخرجت ورحت علي البيت لقيت واحد شكله مبهدل عينيه تحتها هالات سوده قولتله اهلا وسهلا اومر قلي ابعد عن حنان والا مش هسيبك تعيش متهني لحظه طبعا مستنتش وطردته من البيت
وبعد يومين كلمت حنان وحددنا معاد الفرح وابتديت ادعي الصحاب وقرايبي وكنا مبسوطين جدا لكن……
بعد ما ابتديت ادعي كل الاهل والصحاب وكلنا كانا مبسوطين الا حماتي كانت زعلانه ومدايقه ونطرتها ليا كان فيها حزن بس قولت اكيد ده عشان بنتها هتبعد عنها
قعدنا اليوم كله ندعي ونتكلم وكان فيه عزومه عشا كده عند أهل حنان وبعد ما خلصت رجعت البيت هلكان
وبعد فرحه من امي بيا وشويه توصيات نمت وياريتني ما نمت صحيت في نص الليل على صوت حد بيتألم قومت براحه الصوت كان جاي من الحمام اتسحبت براحه وفتحت الباب شوفت واحده مدياني ضهرها وواقفه قدام المرايا شعرها ابيض واتلفتت وبصتلي جلدها مشقق عينيها سوده تماما
وبدأت تقرب منب ببطئ وقلتلي ابعد عن حنان هتموت عاوز اتحرك مش قادر عاوز اقرا قرأن لساني اتعقد
قبضت على رقبتي وقلتلي بصوت اجش ابعد عنها ولو مش مصدق انك هتموت اسأل عن هاني وهتفهم كل حاجه حلوه واختفت كانت مبلم وواقف مش فاهم حاجه مفوقنيش الا صرخه امي جريت على اوضتها لقيتها صحيت وبتقولي ابعد عنها يبني ابعد عنها
دي تحت رحمه زاجر
امي كانت بتتكلم وتقريبا مكنتش في وعيها فضلت افوق فيها فاقت وانهارت من العياط وقلتلي الجوازه دي مش هتم بصراحه انا مكنتش فاهم حاجه
تاني يوم اخدت عربيتي ورحت على المنطقه إلى ساكنه فيها حنان وفضلت الف واسأل عن هاني والمشكله كل ما اسأل عليه كانت الناس بتبصلي بخوف وفي إلى بقرف كده المهم في واحد واضح انه مش عارف حاجه قلي على بيت هاني ووصلتله
خبطت على الباب فتحلي راجل كبير في السن شويه مرسوم على وشه الحزن وقلي افندم قلتله ممكن اقابل هاني
بص في الأرض وكأنه هيبكي وقالي الله يرحمه بقا مات
قولتله امتى ده كان عندي من يومين لقيت الراجل برق كده وقلي نعم! كان معاك امتى
هاني ابني ميت من سنتين اتصدمت وحسيت الدنيا لفت بيا
الراجل قلي مالك يا استاذ في أي
رديت وانا مذهول ابنك مات ازاي يا حج احكيلي
قلي مقدرش يبني لو حكيت هموت هيقتلني قلتله هو مين يا حج قلي وهو خايف زاجر
قولتله لا ما انت لازم تحكيلي والا انا هقول انك قتلت ابنك وهفضحك
قلي من غير تهديد يا استاذ انا هحكيلك اهو خليني ارتاح
ابني هاني كان شغال مهندس وكان شاب كويس جدا لحد اليوم إلى شاف فيه حنان وخطبها ابني اتقلب حاله بقى يصحى من النوم يصرخ ومبقاش ينام وفي يوم قلي انه نازل يشوف شقته واتأخر فضلت مستنيه مجاش قررت اروحله هناك وصلت الشقه إلى كانت منوره فتحت الباب ودخلت واتصرعت ابني مشنوق في شقف الشقه انا كنت هموت
….
وقبل ما اكمل مذكرات عمر لقيت عم عمر داخل البيت واتفاجئ لما شافني
قلي اي جايبك هنا قولتله حاسس ان عمر برئ وعاوز اساعده
قلي انا عارف كل حاجه وهحكيلك بس لازم تعرف ان عمر قتل مراته وانا شوفته وهو بيقتلها بس لازم تعرف الحقيقه كامله
عشان ممكن تنقذه قولتله اتكلم قلي….
