قصه الجن العاشق
للكاتب محمود الامين
قصه الجن العاشق
الكره الحقد الانانيه كلها كلمات وصفها امراض نفسيه
بتستخدمها بعض الناس عشان يطلعوا عقدهم علي ناس بريئه ملهاش ذنب………. انا في حيره كبيره مش فاكره انا مين ولا بعمل اي هنا عندي فقدان ذاكره مؤقت يمكن سببه الالم الي في راسي ويمكن الصدمه هي السبب ايوه الصدمه الي انا فيها.. انا قدامي جثه شاب معرفهوش مقتول بطريقه بشعه مدبوح سنانه متكسره بوقه مقطوع علي جبينه نجمه خماسيه… رجعت لورا وخرجت بره الاوضه وانا مرعوبه لكن صوره متعلقه في الصاله خلتني افتكر كل حاجه وشوفت احداث بتجري قدام عينيا زي شريط السينيما….. الصوره دي كانت صوره من فرح الفرح ده فرحي انا والشاب الميت جوه هو العريس….. حسيت بصداع صداع رهيب مسك في دماغي مش قادره استحمل ومن جوه بدأت اسمع صوت زي صوت زمجره كلب…. كنت خايفه ادخل تاني… لكن لقيت قدام الاوضه جثه جوزي وكانت واقفه علي رجليها…. اعوذ بالله من الشيطان الرجيم… اعوذ بالله من الشيطان الرجيم قولت ده وانا ببكي… فضل واقف في ثبات وبعدها عمل اخر حاجه ممكن اتوقعها… بدأ يقطع الجلد الي علي وشه ايديه بتطلع فيها حوافر جسمه بيطول وبيعرض…. منظر بشع بشع…. كائن ليه قرون زي قرون الجدي عينيه مدوره سوده سنانه كبيره جدا ورجليه اشبه برجول الماعز…. انا مقدرتش استحمل المنظر وفقدت الوعي… لما فوقت كنت في المستشفي وحكيت حكايتي… اتحولت من مستشفى عام لمستشفي امراض نفسيه وعصبيه واتهموني بالجنون… لكن انا هفضل احكي للناس كلها جايز حد يصدقني
………قصه الجن العاشق
الجن العاشق (لعنه طيلاوش)
الجزء الاول
انا الدكتور هيثم حسين دكتور نفسي والنهارده هو اول يوم شغل ليا في مستشفى الامراض النفسية بصراحه انا برفض اي حد يقول علي المرضي النفسيين مجانين الي يقول كده هو الي مجنون ومش طبيعي… المهم وصلت المستشفى علي الساعه 9 الصبح عندي شغف اني اخيرا اتعينت في مستشفى حكومي اخيرا هقدر احقق ذاتي…… دخلت علي مدير
المستشفى وعلي وشي ابتسامه وقولتله صباح الخير يا دكتور انا دكتور هيثم الي اتعينت في المستشفى هنا…. قام بتواضع وسلم عليا وهو بيقولي اهلا دكتور هيثم وبدأ يحفزني علي شغل المستشفي واني لازم اكون حذر في التعامل مع الحالات الي بيحصلها نوع من الهياج وهي بتتكلم… شكرته وبعدها قال انت هتمسك حاله لسه واصله المستشفى امبارح….. قولتله ودي قصتها اي.. قلي كل الي اعرفه انها قتلت جوزها… رديت عليه وقولتله يا ساتر هو فيه كده طيب وليه متحكمش عليها…. رد عليا وقال بتقول كلام محدش يصدقه… قولتله كلام اي…. قلي يا سيدي الملف بتاعها اهو اقراه كويس وقابلها واسمع منها احسن…. شكرته وقومت وخرجت من مكتبه وبدأت اتعرف على زميلي في الشغل والي كان منهم واحد اسمه دكتور وليد والي اصبح صديق مقرب ليا فيما بعد…… سألت علي الحاله والي عرفت ان اسمها ساره وطلبت اشوفها……. كانت في عنبر منعزل لوحدها… دخلت العنبر بحذر…. لقيتها قاعدة علي السرير ومسهمه…. قولتلها صباح الخير يا ساره وبدأت اعرفها علي نفسي….. لكن هيا كانت في ملكوت تاني خالص ساكته وباصه للحيطه…… طلبت منها اني عايز اسمع الحكاية عايز اعرف ده حصل ازاي….. حركت راسها ناحيتي براحه وقالت كلمة واحده طيلاوش كلمه كانت كفيله ان انوار الاوضه تترعش وحسيت زي ما يكون في زلزال في الاوضه….. بسم الله الذي لا يضر مع اسمه شيء في الارض ولا في السماء وهو السميع العليم…… صرخت بصوت لا يمت للبشر بصله…. خرجت من الاوضه وقولت لا لا دي مش بني ادمه دي مش انسيه……. رجعت المكتب وفتحت ملف ساره وبدأت اقرأ…. في يوم 10 فبراير2013 اتت لنا المريضة ساره حسن وكانت مصابه بحاله من الهياج وتم وضعها في عنبر 18 لكنها قامت بالاعتداء بالضرب علي إحدى المرضي وتم نقلها الي عنبر منعزل…… قلبت الصفحه تشخيص الحاله.. قامت النيابه بارسال الحاله لنا وقالت انها تتدعي الجنون وبالفحص اتضح ان ساره تعاني من مرض نفسي بعد ان قتلت زوجها بطريقه وحشيه…… قفلت الملف وخرجت ورحتلها تاني وقعدت قدامها وقولتلها ساره انا عايز اسمع منك الحكاية عشان اعرف اساعدك… المره دي بصتلي وهي بتعيط وقالت كل ده كان ممكن ميحصلش لو كان بابا سمع كلامنا ومعزلناش ومسبناش البيت….. انا اسمي ساره عندي 27 سنه كنت عايشه مع ابويا وامي واخويا سعد حياه سعيده انا خريجه كليه فنون جميله كنت بعرف ارسم كويس جداً….. كنا عايشين في بيت في قريه جميلة جدا في المنصوره…. لكن والدي قرر اننا لازم نعزل عشان شغله واخدلنا شقه في مكان يعتبر مفهوش غير كام بيت بيحيطوا بينا…. من اول ما دخلت البيت ده وانا حاسه انه فيه حاجه مش طبيعية.. ده غير نظرات الجيران لينا كانت كلها شفقه وحزن….. البيت كان من دورين بس كان كأنه مهجور من سنين طويله دخلنا وبدأنا ننضف واخد معانا وقت كبير في التنضيف….. دخلت اخدت دش ومن التعب دخلت السرير ونمت وشوفت كابوس صعب.. شوفت نفسي واقفه في صاله البيت وحواليا عشر رجاله عواجيز طوال جدا ضهرهم محني….. واتكلموا في نفس واحد وقاله اي جابكم هنا دي مملكة الملك طيلاوش بن بني طالش وبدؤا يضربوا فيا…. قومت من الكابوس ده مفزوعه وخايفه…. قومت دخلت الحمام وقفت قدام المرايا بغسل وشي وفي انعكاس المرايا ظهر كائن علي هيئه جدي مرعب مخيف… صرخت بس محدش سمع صوتي حاولت اخرج الباب اتقفل وكأنه مقفول من بره وبدون سابق انذار النور اتقطع وباب الحمام اتفتح واترميت بره الحمام…. جريت حكيت لاهلي لكن قلولي انها تهيؤات…. قررت انا هنزل هقعد في كافيه قريب اخدت ادوات الرسم معايا عشان ارسم بعد شويه اخدت بالي ان فيه شاب مركز معايا.. عملت نفسي مش شايفه لكن هو قام وقلي حضرتك بترسمي صح… رديت عليه بتردد ايوه ليه… طيب ممكن ترسميني… قولتله اكيد اتفضل قعد قدامي وفعلا رسمته اخد الصوره ودفع فلوسها وكان مبسوط جدا…. لميت حاجتي ورجعت البيت… لسه خايفه وقلقانه من البيت الغريب ده…… مكنش فيه حد موجود في البيت.. ابويا وامي واخويا بره… فتحت التليفزيون علي قناة المجد وكانت شغاله علي سوره البقره الايه(102) بسم الله الرحمن الرحيم
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ
صدق الله العظيم
قصه الجن العاشق
صرخات ضربه المكان كله كهربا ضربت في جسمي كأني هموت الشبابيك والبابان بقيت تتفتح وتتقفل بعنف… وسمعت صوت بيخترق عقلي سننتقم اشد انتقام………. سكتت ساره وهي بتحكي مره واحده ولقيتها بتبص ورايا ومبرقه…. عايز ابص ورايا لكني قلقان وخايف لكني بصيت
…….قصه الجن العاشق
الجن العاشق (لعنه طيلاوش)
الجزء الثاني
بصيت ورايا وانا خايف وقلقان لكن مشوفتش حاجه لكني حسيت بنفس سخن جدا في وشي… اتفزعت وقومت وسألتها اي الي كان ورايا يا ساره… قلتلي هو كان وراك.. قولتله وانا ببلع ريقي بالعافيه هو مين…. قلتلي طيلاوش.. نور الاوضه اترعش تانى.. رديت عليها وقولتلها انا هخرج شويه وهرجع تانى… قلتلي اقعد متخفش مش هيأذيك…. قولتلها طيب كملي يا ساره…… انا في اللحظة دي محستش بنفسي ووقعت علي الارض وفقدت الوعي… لما فوقت كنت في اوضتي نايمه وبابا وماما واخويا واقفين حواليا… اول ما فتحت عينيا امي قلتلي مالك يبنتي في اي….. قولتلها وانا بترعش البيت ده فيه عفاريت…. ردت عليا وهي بتضحك عفاريت اي بس بطلي الكلام ده….. وبابا اتكلم وقال انتي بس مش متعوده علي المكان مش اكتر…. فضلت اليوم ده كله نايمه في السرير…. وصحيت علي صوت همس بكلام مش مفهوم.. عاوزه اقوم مش قادره عاوز اتكلم لساني اتعقد واتشل….حتي دماغي حسيت انها اتشوشت مش عارفه افكر….. لكن باب اوضتي اتفتح كنت فاكره ان حد من اهلي الي فتح الباب… لكن الي شوفته علي الباب كان حاجه ملهاش وصف غير شيطان وشه اشبه بوش الجدي عنده قرون كبيره وكان بيطلع منه صوت زمجره مرعب….. حاولت اركز عاوزه افتكر اي آيه قرآن وركزت وقولت بس في دماغي…..
بسم الله الرحمن الرحيم
قول اعوذ برب الناس ملك الناس إله الناس من شر الوسواس الخناس الذي يوسوس في صدور الناس من الجنة والناس
صدق الله العظيم
قصه الجن العاشق
صرخ بصوت حسيت ان البيت حصل فيه زلزال….. واختفي وانا بدأ جسمي حركته ترجع طبيعية….وحسيت برغبه ملحه في النوم ونمت وشوفت نفسي واقفه جوه مكان اشبه بقصر كان جميل جدا وفي انتيكات لتماثيل قطط في كل حته….. مشيت ناحية كرسي كبير كان متوسط الصاله قاعد عليه شاب وسيم جدا وقام من مكانه وهو بيقول مولاتي…. رديت عليه وقولتله انا فين.. قلي انتي في مملكتي وظهر وراه ناس كتير اشكالهم غريبه… وقلي دول خدامك وعشيرتي.. قولتله انا مش فاهمه حاجه…. قلي تقبلي تتجوزيني وتكوني زوجتي انا زوجه الملك طيلاوش….. رديت عليه وانا برجع لورا لا لا مش موافقه… ساعتها ملامح الشاب الوسيم بقيت ملامح كلها غضب وبدأ جلد وشه زي ما يكون بيسيح وبيوقع وظهر وش شيطان وصرخ صرخه معاها بدأ القصر يتحول لخرابه وقلي هتوافقي غصب عنك هتوافقي غصب عنك….. قومت من النوم مفزوعه وخايفه وبفكر في الكابوس الي شوفته…. بصيت في الساعه الي كانت 6 بليل…. ازاي انا نمت كل ده… قومت واكلت وقررت اني هنزل اقعد في الكافيه وهرسم بصراحه مكنتش عاوزه اقعد في البيت خايفه من القعدة… القعدة في البيت بقيت مرعبه… ونزلت قعدت في الكافيه لكني لقيت نفس الشاب تاني ومركز معايا عملت نفسي مش واخده بالي… لكنه قام وقف وجالي وقال مساء الخير… رديت عليه وقولتله انت اي حكايتك قاعد مركز معايا ليه…. كان رده الحقيقه مفاجئ ليا قال انا معجب بيكي وعاوز اتقدملك…. بصراحه فضلت حرفيا خمس دقايق مسهمه وبعدين قولتله انا اسفه مش بفكر دلوقتي في موضوع الجواز… لقيته مصمم انه يتقدملي ولقيته قعد وبيقولي هاجي اتقدملك وهتوافقي بصتله وقولتله ممكن حضرتك تقوم وتسبني لوحدي قلي ماشي هقوم وقام فعلا ومشي….. عرفت ان اسمه علي وانه عرفني كويس ومتابعني من زمان…… المهم خلصت رسم ورجعت البيت ويمكن الي حصل في الليله دي هو الي خلاني اوافق اول ما دخلت البيت…. ودخلت اوضتي تحديدا الباب اترزع واتقفل وسمعت صوت بيقولي لو جيه يتقدملك ووافقتي هيكون اخر يوم في عمرك…. كنت خايفه حاولت اخرج لكن ضربه على دماغي….. فقدت الوعي…. وسكتت ساره.. قولتلها كملي قلتلي معلش تعبت من الكلام ممكن نكمل بكره… قولتلها تمام ارتاحي دلوقتي…. وخرجت من المستشفى وقولت هروح انا كمان ارتاح ركبت عربيتي ومشيت وانا في الطريق وببص في المرايا…. ضربت فرامل بسرعه لاني شوفته نفس الكائن الي حكت عنه ساره كان قاعد ورا في العربيه واتكلم بصوت اجش وقال ابتعد والا الهلاك ابتعد والا الهلاك…… واختفي مشيت بعربيتي ووصلت البيت ولسه بفكر في كلام ساره والي شوفته من شويه وعدي اليوم عادي…. لكن لما روحت المستشفى تاني يوم لقيت حاله من الهرج والكل بيجري ولما سألت دكتور وليد قلي ساره حاولت تنتحر وعندها حاله هياج مش طبيعيه… دخلت عليها عينيها كلها سوده وبتنزل من بوقها ماده سوده لزجه…. ولقيت والد ووالده ساره واقفين… عرفتهم بنفسي وقولتلهم الي عرفتوا واني عايز اعرف باقي الحكاية… والده ساره اتكلمت وقالت من اليوم ده وحاله ساره بدأت تسوء كانت كل يوم تصحي تصرخ بليل وامتنعت عن الاكل لحد ما في يوم كانت بتستحمي وسمعتها بتصرخ فتحت عليها باب الحمام وكانت دي اكتر حاجه صعبه شوفتها بنتي كان علي جسمها بقع زرقه كتير… جريت عليها غطتها وخرجتها وقررنا اننا لازم نوديها لمعالج ورحنا فعلاً للشيخ صلاح وده راجل طيب وشيخ جامع ويمكن احنا حاسين بالذنب عشان الي حصله…. حكينا كل حاجه للشيخ صلاح وطلب من ساره تغمض عينيها وقال…. بسم الله الذي لا يضر مع اسمه شيء في الأرض ولا في السماء وهو السميع العليم
أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان…. صرخت ساره بصوت اجش وقالت هرجع تانى هرجع تاني ومش هسيبك…. بدأت حاله ساره تتحسن وبقيت محافظه علي الصلاة زي ما طلب مننا الشيخ…. لكن جيه شخص اسمه علي واتقدم لساره كنا فرحانين واقنعنا ساره انها لازم تتجوز ووافقت عليه…. لكن واضح انه مش مكتوب لينا الفرحه… بعد يومين اتصل بينا الشيخ صلاح وطلب انه يشوفنا ضروري وساره تكون معانا وفعلا روحنا.. لكن بمجرد ما وصلنا زحمه ناس كتير حوالين بيت الشيخ صلاح عربيه اسعاف ودخلنا بسرعه عشان نشوف فيه اي… الشيخ صلاح محروق متفحم وعلي الحيطه كلمه واحده طيلاوش…… لكن لقينا ورقه من الشيخ صلاح فتحناها وبدأنا نقري وكانت الصدمه
……قصه الجن العاشق
الجن العاشق (لعنه طيلاوش)
الجزء الثالث والاخير
فتحنا الجواب وبدأنا نقري… لو بتقروا الجواب ده يبقي انا اكيد دلوقتي ميت…. لما جبتولي ساره عرفت انها بتعاني من جن عاشق…. اسمه طيلاوش الجن ده غالبا بيكون مسلط من حد يعني بنتكوا حد عملها عمل… وبعد الجلسة الي عملتها طيلاوش خرج متحرقش وقال انه هيرجع وهينتقم…… حاولت اتواصل معاكم عشان كان لازم يتعمل لساره تحصين من الجن ده لكن محدش فيكم كان بيرد….. بحذركم ان طيلاوش راجع وهينتقم مني ومن ساره…. قفلنا الجواب وفي دماغنا مليون سؤال واهم سؤال من الي اذي ساره مين الي عملها العمل…. رجعنا البيت… وبدأنا نفكر مين الي ممكن يكون اذي ساره… كل الشكوك كانت في واحده كانت مع ساره في الكليه لان امها كانت بتاعت سحر واعمال ودايما البنت دي كانت في خلافات مع ساره وكان اسمها ملك…… روحنا فعلاً عندهم يا دكتور كانت ام البنت دي كان اسمها الست حسنيه…. بمجرد ما دخلنا عندهم اتكلمت وقالت جايين ونيتكم مش خير.. بنتي معملتش حاجه لبنتكم ومحدش عمل حاجه لبنتكم…. رديت عليها وقولتلها يعني اي السبب هو البيت الي انتوا عايشين فيه البيت مهجور من زمن بس كانت بتحصل فيه حاجه هي السبب في الشر الي جواه دلوقتي….. عايش في البيت واحد ملك من ملوك الجن اسمه طيلاوش الجن ده اتحول لجن عاشق لما شاف بنتكم عشقها وقرر انه مش هيسبها…. والي صعب الموضوع اكتر انكم روحتوا للشيخ صلاح ده خلي طيلاوش غضب وانتقم من الشيخ صلاح وانتقامه منك قريب قريب اوي…. سألتها انتي عرفتي كل ده ازاي… قلتلي وهي بتضحك وبسخريه انا عارفه كل حاجه خدامي بيبلغوني.. قولتلها طيب عندك حل للمشكله دي…. قالت انا هساعدكم بس علي 3 جلسات….. ودي كانت اكبر غلطه يادكتور اكبر غلطه غلطناها في حق ساره… الست حسنيه حطت ايدها علي راس ساره وقالت غمضي عينيكي… واتكلمت اقسمت عليكم يا ملوك الجن السفليه ان تحضروا الان وان تخلصوها الان في التو وفي اللحظه بحق النار والنيران واذا لم يخرج احضروه مكبلا خاضعا …. فضلت تعيد وتزيد في نفس الطلسم ده كتير…. ساره بدأت تصرخ وتقول كفااااايه كفاااايه… وصوتها اتحول لصوت اجش عينيها بقت اشبه بعيون الحصان سوده اسكتي مش عاوز أذيها…. ردت عليه حسنيه وقالت اخرج يا ملعون اخرج…. رد الشئ الي على ساره ده قالها لو هخرج هيكون بروحها مش هسيبها…… وفجأه وقعت ساره وفقدت الوعي ورجعناها البيت…… كنا مخبيين علي خطيبها علي انها عليها جن كنا خايفين من الي ممكن يحصل وانه ممكن يسبها….. وفي يوم وكان يوم جمعه نزل والد ساره يصلي في الجامع لكنه اتأخر… ولما رجع رجع ومعاه واحد وعرفت ان اسمه الشيخ عوض………….. قطع كلام والده ساره دكتور وليد وهو بيقول الحق يا دكتور جرينا علي اوضه ساره….. الي شوفته كان منظر مش بشوفه غير في افلام الخيال العلمي ساره مرفوعه عن السرير وبيطلع من بوقها دخان اسود كثيف… رجعنا لورا واحنا بنقول سترك يارب… اعوذ بالله من الشيطان الرجيم اترزعت ساره علي السرير جرينا عليها وفوقناها وفضلت تبكي وتقول انا تعبت تعبت….. خرجنا بره الاوضه وبدأت والده ساره تكمل الشيخ عوض كان راجل تقي ومحترم وبمجرد ما دخل البيت قال اعوذ بالله من الشيطان الرجيم اي الشر ده كله…. بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
بدأت الشبابيك تتخبط وتترزع ودخل الشيخ عوض الاوضه علي ساره وهو بيقول
بسم الله الرحمن الرحيم
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحر
صدق الله العظيم
بدأت ساره تتلوي ويطلع منها اصوات صرخات رهيبه واتكلمت وقالت مش هخرج مش هخرج… الشيخ قال مفيش حل غير انه يتحرق هو وعشيرته هنا بس ده معناه ان البيت ده لازم يتحرق واحنا وافقنا….. الشيخ بص لساره وقالها
بسم لله الذي لا يضر مع اسمه شيء في الأرض ولا في السماء وهو السميع العليم
أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان
قصه الجن العاشق
صرخت ساره ولقيتها بتقول هتدفع التمن ذي الي قبلك واخدنا ساره وولعنا في البيت وسمعنا صوت صراخ رهيب جاي من البيت وهو بيتحرق صرخات طالعه صرخات مش طبيعية….. ومشينا من البيت واحنا قلقانين هي اللعنة كده انتهت وطيلاوش خرج ولا لا……… بعد شهر واحد علي اتجوز ساره…. ومعرفش اي حصل تانى…… دخلت لساره الي كانت اتحسنت شويه من الانهيار…. وقالت يوم جوازنا الفرح عدي كويس وبمجرد ما دخلنا الشقه النور اتقطع… شغلنا كشاف وبدأنا ندخل للاوضه لكن انا شوفته تاني ايوه طيلاوش كان واقف في انعكاس المرايا وعلي وشه ابتسامه خبيثه محستش غير بضربه علي دماغي وفقدت الوعي لما فوقت كنت في حيره كبيره مش فاكره انا مين ولا بعمل اي هنا عندي فقدان ذاكره مؤقت يمكن سببه الالم الي في راسي ويمكن الصدمه هي السبب ايوه الصدمه الي انا فيها.. انا قدامي جثه شاب معرفهوش مقتول بطريقه بشعه مدبوح سنانه متكسره بوقه مقطوع علي جبينه نجمه خماسيه… رجعت لورا وخرجت بره الاوضه وانا مرعوبه لكن صوره متعلقه في الصاله خلتني افتكر كل حاجه وشوفت احداث بتجري قدام عينيا زي شريط السينيما….. الصوره دي كانت صوره من فرح الفرح ده فرحي انا والشاب الميت جوه هو العريس….. حسيت بصداع صداع رهيب مسك في دماغي مش قادره استحمل ومن جوه بدأت اسمع صوت زي صوت زمجره كلب…. كنت خايفه ادخل تاني… لكن لقيت قدام الاوضه جثه جوزي وكانت واقفه علي رجليها…. اعوذ بالله من الشيطان الرجيم… اعوذ بالله من الشيطان الرجيم قولت ده وانا ببكي… فضل واقف في ثبات وبعدها عمل اخر حاجه ممكن اتوقعها… بدأ يقطع الجلد الي علي وشه ايديه بتطلع فيها حوافر جسمه بيطول وبيعرض…. منظر بشع بشع…. كائن ليه قرون زي قرون الجدي عينيه مدوره سوده سنانه كبيره جدا ورجليه اشبه برجول الماعز…. انا مقدرتش استحمل المنظر وفقدت الوعي… لما فوقت كنت في المستشفي وحكيت حكايتي… اتحولت من مستشفى عام لمستشفي امراض نفسيه وعصبيه الي انا فيها دي واتهموني بالجنون… لكن انا مش مجنونه ده الي حصل ارجوك ساعدني….. دخلت لمدير المستشفى الي قلي انت مجنون يا جدع انت انت عارف انت بتطلب اي ازاي اجيب شيخ المستشفي اومال احنا مهمتنا اي….. اقنعته بالعافيه وخرجت وجبت معالج اسمه كارم ودخل لساره وبدأ يقري عليها كلام مش مفهوم بدأت ساره تصرخ وتتلوي………ورجعت ماده لزجه سوده….. وبصلي الشيخ كارم وقلي خلاص انا حرقته….. قولتله يعني خلاص قلي اه خلاص….. مش كارم وانا مش مطمن…. خرجت من المستشفى ورجعت البيت منهك وتعبان ونمت لكني فتحت عينيا علي الكائن من تاني وهو بيقول انتقامي منك كبير انا حذرتك وانت مسمعتش الكلام… حسيت ةني في حلم وغمضت عيني لثواني… لكني لما فتحت لقيت نفسي علي سرير في مستشفى ومتقيد ولما بدأت اسأل فيه اي….. رد عليا مدير المستشفى وقلي ليه عملت كده يبني… قولتله عملت ايه… قلي ليه ليه قتلت ساره ليه….. قتلت مين قتلت مين…. قلي ساره انت اتمسكت وانت بتتدبحها…… اتهموني بالجنون والي عرفته وانا في المستشفى ان البيت الي كان السبب في اللعنه كانت ساكنه فيه دجاله بتعمل سحر واعمال ولعنت اي حد يسكن البيت
لكن انا مش مجنون انا مقتلتش حد يارب انا مش مجنون
…….قصه الجن العاشق
تمت
قصه الجن العاشق
محمود الامين 
