الخوف بيتملكنا جميعا واحيانا بيسطر علي عقولنا وبنبقي عايشين فيه واحيانا بنوهم نفسنا بالخوف ده حتي لو مش موجود وفي النهايه بنموت من كتر الخوف وف عالم ما وراء الطبيعه في حاجات كتير بتخوفنا كبشر لاننا من النهايه عقلنا ما بيستوعبش الكلام ده نهائي لانه بيكون خارق عن صفاتنا كبشر وبكده بنتقل من الخوف الي حالات الرعب والهلع لان اجسادنا البشريه غير مستوعبه الشيء نهائي وعشان كده بنعيش طول عمرنا في خوف وهلع ورعب وبيبقي عندنا قناعه اننا نختلف عن العالم ده نهائي
انا زين درويش للي مش فاكرني أنا بشتغل في جريدة ف مصر قسم الماورائيات شغال كده علي قدي يعني بس اللي هيتحكي دلوقتي قلب موازين حياتي 180 درجة لأسوء حال بص انا عارف اني برغي كتير بس استحملني شويه يمكن حكايتي تعجبك بص بقا يا معلم هو كان يوم اسود اساسا هتعرف السبب بعدين المهم كان يوم عادي صحيت فيه علي اغنيه فيروز وهيا بتقول انا لحبيبي وحبيبي إلي وما ادراك بقا لما الست فيروز بتقول كده بتحس ان اليوم فيه احساس غريب وحلو بس وريحه الطعمية اللي فكرتني بذكريات الطفولة وكسر كل الاحداث دي رنة تلفوني الغير معتادة بصيت في التلفون لقيت مدير الجريده اللي بيرن الو…
زين انت فين الجريده مقولبه عليك فينك كل ده في بنت هنا بتسأل عليك وبتقول انك هتحل مشكلتها.
بنت ومشكله اي انا مش فاهم حاجه علي العموم شوفوا هتشرب اي وانا مسافه السكه وهكون عندكم قفلت المكالمة وانا محتار وقومت خدت شور ولبست هدومي وخدت عربيتي وروحت الجريده.
اي يا زين يبني انت فين كل ده قلقتنا عليك وفي بنت بتقول انها عوزاك في حاجه مهمه.
متعرفش اي هيا الحاجه الي هيا عوزاني فيها دي ياعم صبحي.
لا والله يبني بس علي العموم هتلاقيها في مكتبك مستنياك والاستاذ فريد معاها.
تمام شكرا ياعم صبحي اسف تعبتك معايا.
وفعلا دخلت مكتبي لقيت الاستاذ فريد مدير الجريده قاعد بيتكلم معاها بصتلو وقولتلو خلصت كلامك اتفضل بره بقا عشان اشوف شغلي ولا حضرتك حابب تعطلني بصلي وسكت وطلع برا قولتلها ها حضرتك ممكن اعرف انتي عوزاني في ايه.
بص يا استاذ زين انا عارفه ان اللي هقولهولك غريب وحضرتك مش هتصدقني بس مفيش غيرك هيحل المشكلة.
اتفضلي قولي كلي اذان صاغيه وايان كان اي اللي تقوليه انا مصدقك.
بجد يعني مش هتقول عليا مجنونه او بخرف.
متقلقيش انتي عشان اسمعك وقبل متيجي انتي عارفه اني اصدقك اتفضلي احكي هسمعك.
بص يا استاذ زين انا مش عارفه ابداء الحوار ازاي بس احب اعرفك بنفسي الاول انا فريده في كليه طب الحكاية كلها بدأت من15سنه فاتو من ساعت لما طردوا الدجالة من القرية و حرقوا البيت اللي يخصها وهيا من ساعتها اتوعدتلهم بالانتقام ومن ساعتها واحنا بقينا كل سنه يوم اكتمال القمر بنخسر بنت تكون عذراء بكل ارادتنا.
معلش انا اسف هقطع حوارك بس اشمعنا بنت عذراء وازاي بأرادتكم اومال انتي جيالي لي طالما بأرادتكم بصتلي بنظره حزن وقالتلي..
بص يا استاذ زين انا عارفه ان الموضوع غريب بس انا هجوبك الدجالة لما مشيت من القرية رمت علي القرية كلها لعنه انه في يوم اكتمال القمر لازم نقدم بنت عذراء والا هتحصل مصايب سبق وجربنا منقدمش حاجه بس كان بيهل الخراب والدمار علي القرية كنا بنصحي نلاقي بنات صغيره مختفيه وبيوت بتولع لوحدها وانا جيالك عشان تلحقنا انا قريت وسمعت انا واهل القرية عنك وناس كتيره دلونا عليك وقالو ان انت الي هتنقذنا بعد ازنك احنا محتاجين مسعدتك الدور الجي عليا وفاضل14يوم وهتقدم قربان.
طب انا المفروض اسعدك ازاي انا المفروض اسمع من كذا شخص عشان اعرف اجمع الخيوط واعرف ازاي اساعدكم.
خلاص مفيش مانع تقدر ترجع معايا احنا عاملين حساب انك هتيجي ومجهزين مكان الإقامة.
طب اديني ساعه اروح احضر معدات السفر وهجيلك نتحرك سوا وفعلا ركبنا العربية بتعتي ووصفتلي الطريق ووصلنا مكدبش عليكم انا لما شوفت القرية حسيت بحزن شديد هيا قرية عديه بس بيوتها محروقه ومليانه وجع بتعبر عن حاله سكنها توهت الموضوع وروحت السكن بتاعي ونمت واليوم عدي علي خير بس صحيت علي خبط شديد علي الباب.
يا استاذ زين يا استاذ اصحي يا استاذ الفجر بيأذن مش هتصلي معانا يا استاذ زين ايه النوم ده كله يا ولاد ده الواحد وهو في السن ده كان بيصحي من الفجرية يا استاذ زين.
فتحت الباب وانا بقول لا انا صحيت خلاص استناني بس عقبال مدخل اتوضي ونروح نصلي سوا وفعلا دخلت اتوضيت بس لاحظت ان في كتابه علي المراية غريبه بتقول امشي قبل متندم انت مش قد اللي داخل عليه يأبن ادم.
تجاهلت الموضوع وقولت اكيد دي تخيلات علشان منمتش كويس مش مهم لما اخلص صلي ابقا انام والصباح رباح وجيت امسح المراية بس اكتشفت ان كل ده حقيقي مش تخيلات زي مكنت فاكر مفكرتش في الموضوع كتير وحاولت امسح المراية لحد لما اتمسحت وخرجت بره للراجل الي كان موجود ولقيته بيقول.
احنا اسفين اوي يا استاذ علي المطرح اللي مش قد المقام الا قولي يا استاذ هو انت هتكتب عننا زي مقالو في الجرنال والناس هتعرفنا وكده وبعدين ايه اللي اخرك في الحمام كل ده هيفوتنا الفجريه كده.
قطعت كلامه وقولتلو اه ياحج هكتب عنكو وهغير اساميكم لو مش حبين وبعدين مش هنروح نصلي ولا ايه الفجر هيفوتنا زي مقولت وفعلا متاخرناش وصلينا الفجر وطلعنا.
وبعدين يا حج اسمك اي قالي انا عمك رجب يبني ابو مريم الي جتلك الجرنال.
قولي بقا ياعم رجب ايه الي بيحصل معاكم في القرية دي بالتفصيل.
بص يا استاذ زين القرية دي كان فيها خيرات الله لحد ما في يوم مشؤم جتلنا ست اسمها جوهره قالت انها غلبانه ومش لاقيه مكان تعيش فيه فتصدقنا عليها وخلناها تقعد في بيت من بيوتنا بعديها بفتره عرفنا شرها وان هيا بتشتغل في الجن والعياذ بالله اللهم احفظنا يجعل كلمنا خفيف عليهم المهم نجستلنا القرية وبقت مليانه فقر من ساعت لما عاشت وسطنا فقررنا نمشيها من المكان ونحرق البيت ومن ساعتها ولعنة جوهره اترمت علينا وبقا لازم نقدم بنت من بنتنا كل سنه وقت مالقمر يكتمل والا هيعم الخراب في القرية ولما كدبنا الكلام ده مره بيوتنا اتحرقت وبنتنا اختفت ولقيناهم في بيت الدجاله وستتنا زي ماتقول اتجننوا بقو كل شويه يصرخو ويقولو انهم شايفين حاجه غريبة جايه علينا ومن ساعتها واحنا بقينا بنقدم بنتنا يا استاذ والدور الجي علي بنتي وناس كتيره دلونا عليك وقالو انك هتساعدنا واديك اهو قدمنا.
ومحستش بالوقت غير لما صوت مريم قطع الحديث وهيا بتقول.
اتفضلو الغدا جهز يلا يابا علشان استاذ زين يعرف ياكل.
قطعت كلمها وانا بقول لا انا هتغدي مع عم رجب ولو عاوزه تيجي تكلمي معانا معنديش مانع وفعلا كلت انا وعم رجب لحد لما شبعت وكاني بقالي سنين مكلتش وجات الليلة اللي كنت مستنيها عشان اعرف حل القرية دي ايه بالظبط.
في الليله دي دخلت الحمام علشان اخد شاور بس داخل وانا عارف اني ممكن مطلعش بصيت في المراية بعد ماخلصت لقيت واحده كبيره في السن مش انعكاسي اللي في المراية لا.
انتي مين وايه كل الألغاز دي وطريق ايه اللي بتتكلمي عنه.
انا جوهره وكلامي خلص يابن ادم.
وفجاه نور الحمام اتقفل والباب مش راضي يفتح وكأن في حد ماسكه من بره وكل ماأتقدم خطوه الاقي نفسي علي طريق كله دم وملوش اخر لحد لما وقعت في حفره مليانه جماجم وناس بتصرخ حفره ملهاش اخر وشريط حياتي بيمر قدام عيني كل ده وانا مستني لحظه وصولي للارض جثه هامده مفهاش اي روح ولا نبض وفجاه لقيت عيني بتفتح علي صوت مش غريب عليا صوت عم رجب وهو بيقول.
يا استاذ زين فوق يا استاذ وعمال يخبط علي وشي لحد مافتحت عيني وقال الحمدلله دحنا افتكرنا حصلك حاجه ياشيخ خضتنا عليك.
قولتلو هو اي اللي حصل بالظبط..
ايوه ياعم رجب متشغلش بالك عاوز انام بس شوية وفعلا سبني ونزل وانا نمت وحلمت بنفس الحفره بس اخرها كلها تعابين وكائنات كلها اسود في اسود وفي فوسطهم لون ابيض ماددلي ايده اول ممسكت فيه لقيته بيديني مفتاح وبيقولي السر في بيت جوهره وفجاه فوقت من الحلم ولقيت المفتاح في ايدي يعني ده مكنش حلم وكل الي حصل ده حقيقه وسعتها بس عرفت ان الموضوع اكبر مني ومنهم ف إطريت اتصل علي واحد صحبي بيفهم في الروحانيات هو اساسا عنده عياده بيعالج فيها واول مارنيت عليه لقيتو بيقولي.
انا عارف زين كل اللي بيحصل بس عاوزك تحكيلي كل حاجه حصلت.
وفعلا حكتله كل حاجه بالتفصيل الممل وقالي ان العصر هيأذن وهيلاقيني عنده وفعلا زي ماقال كان عندي وقررنا ندخل البيت ده بس قبلها كان في طقوس لازم تتعمل علشان نحصن نفسنا وجوهره متعرفش اي حاجه وطبعا كل ده بالاتفاق مع اهل القرية وان اصلا القربان بيتقدم في بيتها يعني ده خيط مميز بالنسبالنا ولقيت ياسر بيقولي خش دور علي معلوماتك انا هعمل شويه حاجات هتفدنا جدا ودخلت اوضتها وفضلت ادور لحد ماعرفت ان لازم جوهره هيا اللي تتقدم قربان علشان اللعنه تحل عن اهل القرية دي وطلعت لقيت ياسر بيرسم دواير وجواها نجوم ورموز وفضل يقول طلاسم ويعزم علي كل اللي عمله وطلب نقطه دم من مريم هما طبعا في الاول رفضو بس لما عرفو ان لازم نقطه الدم دي عشان نخدع بيها الجن وافقو وفعلا ياسر عمل كل المطلوب ومسح الطلاسم علشان جوهره تقع في الفخ فلما سالتو وقولتلو انت كده بوظت كل اللي عملتو قالي لا الطلاسم لسه موجوده بس عشان جوهره متشوفهاش وفعلا زي ماتوقعنا ليلة اكتمال القمر جوهره بتبقا موجوده واحنا استخبينا عشان متخدش بالها واول ماقربت من الطلاسم لقيناها وقفت وقالت.
واول ماخلصت لقتني بجري عليها وبزقها لحد لما لمست الطلاسم وفجاه لقيت ياسر طالع وبيقولها.
بس اي رايك في الحقير اهو ثبتك في مكانك ومخليكي تتلوي زي الافاعي عجبتك مش كده.
ولقينا الطلاسم من حوليها بتولع وهيا جواها ولقيناها بتصرخ وتقول.
اغبيه ايه اللي انتو عملتوه ده هنموت كلنا يا اغبيه طلعوني بسرعه عشان نوقف اللي هيحصل.
لقيت ياسر قطع كلمها وهو بيقول دي خبيسه اساسا الطلسم مكنش علشان يثبتها وهيا عارفه بكده بس كنا بنجهزها علشان تبقا قربان يلا اتبسطي ياعروسه اديكي هتتجوزي حبيبك.
وفجاه لقينا البيت كلو بيولع وياسر خدني من ايدي وطلع بينا يجري لحد بره واول ماطلعنا كان البيت كله وقع فوق جوهره ولعنتها زالت عن القرية ولما سألت ياسر قالي.
بص يازين جوهره كانت عارفه انك هتيجي لحد هنا ودي كانت خطتها من البداية اصلا وكل البنات اللي اتقدمت قربان دي علشان ملك الجن الي هتتجوزو يقبل بيها وهيا كانت خايفه إن مايتمش القربان بيها ومريم هيا الي تتجوزو بس الغبيه متعرفش ان الطلاسم اللي كتبتها ورميتها دي كانت جيوش من اللي بيساعدوني علشان يعرفو ملك الجن انها هتهجم عليه واديها ماتت الغبيه.
وفعلا كل حاجه بقت هاديه وانا بقيت بزور القرية كل شويه وحياتي بقت مستقره.
تمت.
