قصه الكنز المرصود

اتسحبت كده ومشيت بالراحه ورحت ناحيه الخيمه البعيده وكل ما أقرب من الخيمة صوت بكاء الاطفال يبقى اعلى ويبقى واضح اكثر كان معايا في جيبي كشاف صغير طلعته وشغلته وابتديت ابص جوه الخيمه وياريتني ما بصيت شفت اكثر منظر مرعب شفته في حياتي في ارض الخيمه كان في نجمه سداسيه مرسومه بالدم وكان كل طرف من اطراف النجمه دي محطوط عليها جمجمه طفل صغير وفي منتصف النجمه كان فيها راس طفل رضيع بيبكي وكان الطفل بيبكي والجماجم اللي حواليه بيبكوا كلهم مع بعض في وقت واحد بيقول صديقي انا في اللحظه دي ما بقتش عارف اعمل ايه اهرب منهم طب اهرب ازاي ده الاسفلت بعيد جدا والعربيات لحد دلوقت لسه ما وصلتش من هنا طب ارجع تاني لهم بس انا خايف انهم يكونوا عرفوا ان انا رحت الخيمه وشفت اللي فيها ويقتلوني وخصوصا ان الاثنين الحراس المصريين اللي معاهم شايلين معاهم سلاح رجعت تاني للمخيم بتاعي من غير ما اعمل اي دوشه وقلت الحمد لله ما حدش منهم شافني وفضلت اليوم ده سهران للفجر ومش جاي لي اي نوم من كتر الرعب اللي انا شفته وعلى الفجر العربيات رجعت من قنا ولما الشمس طلعت وكلهم صحيوا حاولت ان انا ابقى متماسك قدامهم وما يبانش علي اي قلق او توتر ليشكوا فيا كنت هادي جدا وطبيعي كان ما شفتش ولا سمعت اي حاجه لما العربيات رجعت من قنا كان فيها صناديق خشب وكانت الصناديق مقفوله باقفال كبيرة وطلبت المراه من العمال المصريين انهم ينزلوا الصناديق من العربيات ويحطوها جنب الحفره اللي هم حفروها وبعد كده طلبت منهم يفكوا الخيام ويحطوها على العربيات بس الخيمه البعيده يسبوها زى ما هى ماحدش يقرب منها في اليوم ده على بعد العصر كانت الخيام اتفكت واتحملت على العربيات والصناديق الخشب اترصت حوالين الحفره وبعد كده المراه طلبت من العمال الثلاثه انهم يركبوا العربيات وانا اركب معهم وبعد كده العربيات هتاخذنا وهتقف بينا في مكان بعيد عن الحفره ونستنى من المراه اشاره ضوئيه من الكشاف ولم نشوفها نرجع تاني عند الحفره وفعلا ركبنا العربيات انا والعمال وقفنا في مكان بعيد عنهم المرأة والراجل البلجيكي والأجانب عند الحفره والاثنين الحراس المصريين كان وقتها الشمس خلاص ابتدت تغرب والليل هل علينا كان في الليله ده القمر بدر فى التمام والكمال وكان السواقين والعمال قاعدين مولعين نار وقاعدين يحكوا قصص ويضحكوا مع بعض لكن انا ما كنتش قاعد معاهم كنت واقف بعيد عنهم وعمال ابص على الخواجات وفضلت مراقبهم من بعيد وهاتجنن ومش عارف هم بيعملوا ايه انا شايف انوار الكشافات بتاعتهم بتتحرك في ظلمه الصحراء لكن مش شايف ايه اللي بيحصل بالضبط عشان كنا واقفين بعيد عنهم فضلت مراقبهم من بعيد لحد ما شفت حاجه ثانيه رعبتني جدا على ضوء القمر شفت طائر اسود ضخم جدا كان جاي من وراء الجبال البعيده ونزل من السماء في المكان اللي كان واقف فيه الخواجات عند الحفره كنت عايز اشاور للعمال والسواقين علشان يشوفوا المنظر ده معايه بس قلت لا ما تكلمش ولا كاني شفت حاجه وخلي الليله دي تعدي على خير على نص الليل شوفنا الاشاره الضوئيه بتاعتهم فركبنا العربيات ورجعنا لهم تاني عند الحفره وانا عمال ابص في الحفره وابص حواليا مش عارف الطائر الاسود الضخم ده اختفى راح فين بعد كده الرجل البلجيكي طلب من العمال انهم يرفعوا الصناديق الخشب ويحملوها على العربيات تاني لكن المره دي كانت الصناديق ثقيله جدا والعمال بيرفعوها بالعافيه فاستئذنت الرجل البلجيكي ان اساعد معهم في الشيل فقالي ماشي ورفعت معهم الصناديق على العربيات وبعد كده شفت المراه وهي رايحه لوحدها عند الخيمه البعيده وبدات تشاور بايدها في الهواء وتعمل بايدها حركات غريبه وبعد كده راحت مولعه في الخيمه ورجعت تاني وبعد كده فضلت تتكلم شويه مع الراجل البلجيكي والخواجات اللي معاهم وبعد كده ركبنا كلنا العربيات ورجعنا في اتجاه الطريق السريع اللي هو طريق القصير قنا وقبل ما نطلع على الاسفلت العربيات وقفت ونزل الراجل البلجيكي وسلم على الاثنين الحراس المصريين وودعهم وشكارهم والحراس والعمال الثلاثه ركبوا مع الخواجات العربيات وكان معاهم المراه المرعبه ومحملين معهم في العربيات الصناديق الخشب واتحركت العربيات وطلعت على الاسفلت في طريق مدينه قنا اما العربيه السادسه اللي انا كنت فيها مع الراجل البلجيكي فتحركت في اتجاه مدينه القصير فقلت له ايه ده هو احنا مش هنروح معهم قال لي لا ووصلنا للقصير وبعد كده كملنا الطريق للغردقه مكان ما قابلت الراجل البلجيكي اول مره طلب مني ان ادخل الفيلا بتاعته واكل معه لقمه لكن انا من خوفي منه رفضت ليكون حطيلي حاجه في الاكل قلى استنى هنا وطلع فوق ونزل بسرعه ولقيته بيديني 30,000 دولار مبلغ اكبر بكثير من اللي قال لي عليه وقالى ماجبش سيره لأى حد وانسى خالص الرحله ده وحتى صاحبك اللى جابك ماتحكلوش أى حاجة وكان فى نبرة صوته تهديد وهو بيتكلم ف ماردتش اساله على حاجه وخدت الفلوس ومشيت بكل ادب ف بيقول صاحب القصه بعد ماصديق المترجم ده حكى لك قصته كنت مصدوم من اللي انا سمعته وكنت ساكت ما باتكلمش فلقيته بيقول لي انت مش مصدق كلامي صح وفاكر اني باحكي لك قصه من اللي هي قصص الف ليله وليله او قصص قبل النوم فقال لي طيب انا هاوري لك دليل على كلامي ده انا لما كنت باساعدهم في تحميل الصناديق الخشب على العربيات وقع منها الخاتم ده على الأرض وانا رحت شقت على طول من غير ماحد ياخد باله منهم وراح حاطط ايده فى جيبه وطلع خاتم دهب بيقول صاحب القصه لم صديقى المترجم طلع الخاتم وشوفته فعلا الخاتم شكله غريب جدا وعليه نقوش غريبه بالاهيروغليفي وكان الجزء العلوي من الخاتم بيتحرك ويلف حوالين نفسه وكان مرسوم على الخاتم صوره للاله مين رمز الخصوبه والتناسل عند الفراعنه وكان مرسوم برده على الخاتم صوره للصقر حورس فطلبت منه اصور الخاتم ده علشان اترجم الكتابه اللي عليها فرفض بأدب ورجعه تانى لجيبه وانا قبل كده شوفت خاتم زى ده معروض فى المتحف المصري وقلى صديقي أنه بعد اسبوع رجع تانى وراح للراجل البلجيكي لكن طلعت الفيلا دي متاجره وهو سابها ومشي وما يعرفش راح فين وقال ان من شده فضوله اجر عربيه دفع رباعي واخذ اخوه معه علشان يشوف ايه اللي حصل في نفس المكان اللي فيه الحفره ولقى الحفره زي ما هي فاضيه وما فيهاش حاجه وعلى اطراف الحفره كان في جماجم بشريه لاطفال وكان في حتت قماش محروقه بتاعت الخيمه البعيده اللي المرأة ولعت فيها وغير كده ماكنش فيه حاجه تانيه بيقول صديقي ده انه بعد كم سنه قابل شيخ من الشيوخ اللي هم عندهم خبره كبيره عن اسرار الفراعنه والشيخ قال له ان اللي طلعوه الخواجات ده يبقى كنز مرصود ما بيخرجش الا عند اكتمال القمر في شهر معين وان المراه اللي كانت معهم دي تبقى ساحره عظيمه وطلب منه أنه يوديه عند مكان الحفره ده لكن هو اتهرب منه وقله أنه مايعرفش يرجع في نفس المكان ده تانى والشيخ قاله أنهم هيرجعوا تاني لنفس المكان ده وبيقول صاحب القصه كان في اسئله كثير حاولت اسالها لصديقي ده بس كان بيهرب منها في حاجات بيجاوب عليها وحاجات لا لكنه كان بيقول لي انه فضل سنتين بحالهم يجيء له كوابيس كثير وكان بيشوف في الكوابيس الطائر الاسود الضخم اللي شافه في الصحراء وانا برغم خبرتى الكبيره فى علم المصريات ودراستى العلميه لكن مالاقتش اى تفسير القصه ده نهائى لكن في ملحوظه حابب اضيفها لما سالت عن المنطقه دي في الصحراء اللي اسمها اللقيطه او زي ما بيقولوا كده عليها باللهجه الصعيدي اللجيطه اللي هي المنطقه اللى الخواجات خرجوا منها الكنز الناس كبار السن في مدينه القصير وقنا قالوا لي ان سبب تسميه المنطقه دي بالاسم ده ان المنطقه دي من زمان ولحد دلوقتي بيتم فيها قتل الفتيات اللي حملت سفاح او اللي فقدت عذريتها بدون زواج واهالى الفتيات دول من قرى وادي النيل ومن قرى مجاورة بيتخلصوا من عار بناتهم في المنطقة ده وهتلاقي جثث وهياكل عظميه كثير للفتيات وان اسم اللقيطه مرتبط باسم اللقيط اللي هو ابن الزنا او الحرام

تمت