انتقام ملك الجن
علي جزء واحد
في يوم رأس السنه وبداية السنه الجديدة بدايه كل الي حصل ودي تقريبا كانت أسوا فتره في حياتي •
انا محمود طالب في الصف الثالث الثانوي علمي علوم
عايش في شقه لوحدي بعيد عن اهلي عشان بشتغل في مكان بعيد عن اهلي وفي نفس الوقت عشان ادرس في مدرسه ومع مدرسين حلوين •
بدايه يوم رأس السنه صاحبي ابراهيم رن عليا وانا كنت قاعد بذاكر بيقولي :
اي يا عم حوده فينك
والله قاعد بذاكر دلوقتي ليه في حاجه يا ابراهيم ؟
اه في حاجه يبني يا حبيبي المذاكره مش هتطير انهارده ليله رأس السنه انزل اتهوا شويه معانا هعدي عليك دلوقتي بالعربيه اخدك معايا الواد احمد وعبده
تمام يا عم ابراهيم بس مش هطول
متقلقش يعم كدا كدا الساعه معديه ١٢ اقعد لحد الصيح السهره انهارده صباحي
لا صباحي اي يعم ابراهيم انا مش فاضي للحوارات دي
ياعم هو يوم في السنه تعالي احنا مأجرين شقه كدا وجايبين فيها بلايستيشن وتلاجه للبيبسي وعلبه نسكافيه ومشاريب واكل
الصراحه انا اتغريت من الي هو قالو دا
وقلت فبالي دا يوم يعم هيعدي بالطول او بالعرض وبعدين انا هاري نفسي مذاكره يلا بينا
ماشي ياعم ابراهيم تعالي انا مستنيك هلبس عقبال متيجي •
قفلت المكالمه ودخلت خدت دش وروقت علي حالي ولبست ونزلت كانو هما وصلو
لفينا بالعربيه وروحنا حتت كتير اوي روحنا المقطم وسيتي ستار والكربه كانت الساعه داخله علي ٣ الفجر قولتلهم يلا بينا بقي انا عايز العب بلايستيشن •
ومشينا فعلا دخلنا الشقه قولت لأحمد يعملنا قهوه كدا
قالي قهوه اي ياعم انا هموت من الجوع ابراهيم رد عليه وقالو خش هتلاقي في التلاجه جاتوه هاتو وتعالي •
عبده دخل المطبخ يشوف احمد ولسه داخل عتبه الباب لقيناه بيصوت وبيقولنا تعالو بسرعه
قومت انا وابراهيم جري لقينا احمد واقع ع الارض وبطنو متعوره جرح كبير اوي خدناه بسرعه ع المستشفي وفاق احمد ورجعنا احمد قال لا مش هخش جوا لا مش هخش جوا قولنالو اي الي حصل
بدأ يحكي ويقول :
انا فتحت التلاجه لقيت جواها قطه سودا كإنها ميته اتفزعت ودورت علي اي كيس اشيلها بيه يمكن تكون معديه ولا حاجه وفعلا جبت كيس وداخل افتح التلاجه عشان اشيلها ملقتهاش!
ابراهيم قالو اي الي قطه ميته وملقتهاش انت النزيف مخليك مهلوس ولا اي
قالو متقاطعنيش واسمع للاخر
لقيت لمبه المطبخ بترعش جامد وزي ميكون في زلزال الارض من تحتيا بتتهز وفضلت انزه عليكو محدش رد
قولنالو انا وابراهيم انت مندهتش اصلا
احمد سكت شويه وبدأ يقول هو انا كنت بحلم ولا اي
قولتلو كمل مش هنقاطعك
المهم يعني لقيت القطه ظهرتلي ف نفس المطبخ وبصالط بصه انتقام غريبه وعنيها النني بتاعه بالطول زي متكون القطه غضبانه
لقتها بتنو نو عادي بعدها لقتها بتقول بصوت قطه عارف صوت القطط اكيد يعني بصوت القطط هننتقم منكو هننتقم منكو قامت مره واحده لقيت شخص مش باينلو ملامح ايدو ضوافرها كبيره وسودا قام فارد صباع من صوابعو وبضافرو وضاربني في صدري لحد بطني
بعدها فقدت الوعي وصحيت عليكو
كلنا قاعدين بنفكر هنعمل اي نسيب البيت ولا لا
بس انا انسان فضولي وكدا كدا احنا مأجرين البيت يوم يعني ف قولنا اي نقضي الليله دي وتبقي مغامره ليله رأس السنه وبنضحك لقيت كلهم بيبصو عليا وعليهم ملامح خوف بقولهم في اي عبده وهو بيتهته ب بب بص ور رراك بصيت ورايا لقيت كيان اسود واقف ورايا ببص ف وشه شوفت ابشع منظر في حياتي عيون كلها حمرا وشو كلو مليان ندوب والدم سايل من وشو وبيقولنا بصوت مخيف وغليظ هننتقم منكم شر انتقام علي الي انتو عملتوه ومره واحده اتضربت من حاجه انا مش شايفها اتضربت ضربه قويه اوي لدرجه اني اتحدفت علي احمد وابراهيم خدوني ووقعو من قوه الضربه
حسيت ساعتها ان بطني بتتقطع
والشخص دا بيقول انتقامي منكو عظيم انتو قتلتو ابويا ولازم تستحملو
قولنالو قتلنا ابوك ازاي مش فاهمين
قالنا بغضب شديد انتو عارفين كويس انتو التلاته وشاور عليهم فضلت اقول اعوذ بالله من الشيطان الرجيم وقولت سوره الاخلاص لقيت الجن الي قصادي بدأ يصرخ ويقولي متدخلش نفسك في وسطيهم وفضلت اقرأ قرأن لحد ما بدأ يصرخ صرخات رهيبه بقيت ماسك ودني وعمال اقرأ بدأ يطلع منو دخان قام داخل جري ع الحمام جرينا وراه لقيناه اختفي
لقيت التلاته. باصين لبعض وبيفتكرو اي الي حصل قومت قايلهم انتو عملتو اي
قالو منعرفش
راحد عبده قال مش يمكن وسكت … شويه
مش يمكن يكون ابوه دا كان متجسد في صوره حيوان بس احنا مفيش اي حيوان موت….. وسكت عبده وقال موتنااااه بصوت عالي وقال افتكرت مش يمكن قصدو علي القطه السودا الي احنا خبطناها بالعربيه واحنا جاين هنا
سكوت تام وسمعنا مره واحده صوت ضحكه عاليه باستهزاء مننا وصوت غليظ بيقول ايوا دا ابويا الي انتو قتلتوه انا هعذبكو اشد العذاب الي عمركو مشفتوه في حياتكو
سمعنا صوت كسر اطباق وكوبايات كتير بدأت الارض تتهز من تحتينا ووطلع من تحت الارض نار شديده ولعت في الشقه كلها صوت الضحكه بقت صوت اكتر من شخص بيضحكوا لقينا اربعه واقفين قدامنا واحد فيهم ضخم جدًا والباقي اطول من البشر شويه مش كتير بدأ الضخم يتكلم ويقول انتم المتسببين في قتل ابونا
ياولكم من عذاب الملك سمسمائيل لتقتلو خادمه في الارض
لقينا التلاته الي واقفين جمبو هجمو علينا ومسكونا بكل عنف وجابو سلاسل حديد وربطو ايدينا ورجلينا بدأ الجن العملاق ويبصلي ويقولي انا الابن الاكبر للملك شرهوريش
الي انتو السبب في قتلو انا الجحيم الي هتعيشوه في باقي حياتكو دا لو ممتوش من العذاب الي هتتعذبوه وضرب ع الارض ضربه جامده اترسم نجمه خماسيه الشكل في نصها شكل غريب كدا اه انا عرفتو دا رمز عبده الشياطين ولياعوذبالله كل ما احاول اقرأ ايه من القرأن الكريم الاقي السلاسل الي علي ايدي بتتوهج وتسخن وانا اصرخ ومقدرش اقرأ
لقيتو بيبصلي ويقولي مش هتعرف تعمل اي حاجه ظول مانت متسلسل
قام ضارب ضربه الارضه الي تحتينا اتكرست وظهر حفره كبيره فيها سلالم ونزلنا لتحت كل ما بننزل لتحت كل ما الجو بيبقي حر اكتر لحد ما وصلنا لتحت قام التلاته دخلونا اوضه وحبسونا فيها وقالو : متستعجلوش احنا لسه بنبتدي لقينا مره واحده السلاسل بدأت تمسك في ايدنا اكتر وفتحو الباب بعد حوالي نص ساعه وخدونا علي حته غريبه كدا كإننا في بركان في زي طريق لحته ارض مدوره طريق يعدي واحد واحد اول محطينا رجلينا ع الارض لقينا مره واحده امواج من الحمم البركانيه وقعت ع الطريق الي دخلنا منو لقينا الراجل الضخم طلع من وسط الحمم البركانيه وبدأ يتكلم اليوم الانتقام لمن قتلو ابي اليوم سوف نبدأ اشد العذاب بدأت الحمم البركانيه تختفي لا دي مش بتختفي دي الارض الي بتوسع لحد ما قال اظهر يا خادمي المخلص انتقم لي من الذين قتلو ابي لقينا صوت زئير
دا صوت زئير اسد
بصينا لبعض وابراهيم غبي رايح يقولو اشد العذاب عندكو انكو تجيبولنا اسد وضحك من وسط الحمم البركانيه طلع فعلا اسد بس مش اسد بالمعني الي احنا عارفينو اسد عباره عن هيكل عظمي وجسمو كلو عباره عن نار بس اسد ضخم اكبر من الاسود الي احنا نعرفها وبدأ يجري ناحيتنا وانا فضلت اتشاهد واحاول اقرأ قرأن مش عارف كل ما احاول السلسله تسخن وانا عمال اجري واجري لحد ما وصلت لحافه الارض وقدامي الحمم البركانيه وورايا الاسد كدا ميت وكدا ميت بدأت اقامو واقرأ ايه الكرسي ومش مهم السخونيه
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ ۗ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
وانا بقرأ حرفيا جسمي كلو كان بيتحرق وبيتولع فيه بس انا قاومت بدأو كلهم يصرخو وصوت صراخهم يعلي كل ما اقول كلمه من ايه الكرسي لحد ماخلصتها المكان كلو بدأ ينهار بدأ اقول ايات قرأنيه مختلفه وادعيه كتير لحد ما المكان بدأ ينهار فعلا وظهر السلم طلعنا جري من السلم وانا مستمر في قرأه القرأن لحد ما السلاسل ساخت علي ايدي وايدي بقت عباره عن لحم متشوح خلعت المتبقي من السلسله وخرجت من الحفره الملعونه دي وصوت صراخ عالي مالي المكان سمعت صوت انا عارفو كويس
الانتقام بيزيد اكتر واكتر متفتكروش اني هسيبكو بصوت غليظ جدا وغاضب دا صوت الجني العملاق
خلصنا من الكابوس دا اخيرا منظر مرعب وشعور مريح انك تخرج من وسط دول
كلنا كنا مرهقين دخلنا الشقه الي احنا مأجرينها ونمنا كانت الساعه حوالي ٨ الصبح صحينا الساعه ٨ الصبح تاني يوم انتو واصلكو كميه التعب الي احنا كنا فيها
بس انا منمتش عادي زيهم انا حلمت حلم غريب
حلم غريب اوي
حلمت اني واقف علي حافه السور فوق سطح البيت بتاعنا الي فيه اهلي مش عارف ازاي الحلم اقرب الي الواقع وحاسس بنفسي وبقرص نفسي انا فعلا صاحي مش نايم سمعت صوت كإنه صوت رصاصه اتضربت لقيت الصوت جاي من الشقه الي اهلي عايشين فيها نزلت جري وفضلت اخبط اخبط لقيت الباب اتفتح لوحدو ومفيش حد جوا فضلت انادي من برا يمكن حد يسمعني مفيش حد سامعني
دخلت جوا واول محطيت رجلي جوا عتبه الباب النور بدأ يرعش سمعت صوت كركبه في المطبخ دخلت لقيت. حد فاتح التلاجه وبياكل كائن قصير جسمو كثيف الشعر بشرتو سودا قولتلو انت مين اول مقولتلو كدا الكهربا بتاعه البيت قطعت دقيقتين كدا ورجعت كان هو اختفي بحاول اقرأ ايه الكرسي مش عارف في حاجه منعاني اني اقرأ كل ما ابدا اقول الله لا اله الا هو الاقي نفسي مش قادر اقرا الباقي كأني ناسيه مع اني فاكرها
الكهرباء رجعت تاني ومعدي ف الصاله عشان افهم في مراية عندنا ف الصاله وانا معدي كدا لمحت خيال ف المرايا ورايا بصيت ورايا لقيت الكائن الي كنت شايفو من شويه اول مبصيت ف وشو صرخ صرخه قويه ودني صفرت بسببها وتقريبا فقدت السمع ساعتها بتكلم مش سامع نفسي حسيت دماغي بتلف بيا واغمي عليا معرفش قد اي صحيت لقيت نفسي في الشارع قولت هو انا كدا مش بحلم وكل دا حقيقي بس اي دا انا قدام الشارع بتاع عمارتنا والباب بتاعها مفتوح
وسامع صوت بينادي من فوق عليا محمود يا محمود بصوت عالي اطلع بسرعه الحقني
دا صوت امي ايه دا في اي !
انا واقف مرعوب ومش فاهم اي حاجه من الي حصل طب اعمل اي طلعت جري علي فوق لقيت الباب مفتوح والعفش وكل حاجه في الشقه متكسره دخلت جري علي اوضه امي وابويا ملقتش حد لفيت البيت كله مفيش حد سمعت صوت جاي من الحمام صوت همس كدا ولقيت صوت حاجات بتقع في الحمام وحاجات بتتكسر فتحت الباب بسرعه لقيت الكائن الي شوفته مستنيني ومعاه
معاهه الاسد الي كان بيجري ورانا في الحفره
وبدأ يقول للاسد دا الي قتل سيدك هو وصحابو الاسد زئر بصوت مخيف وهجم عليا اول مهجم عليا
قولت اعوذ بالله من همزات الشياطين لقيتو وقف مكانو مبقاش قادر يتحرك
وانا مرعوب وخايف وفضلت اكتر اعوذ بالله من همزات الشياطين
لحد ما الاسد دا بدأ يزأر بصوت عالي كانو بيطلب المساعده وبدأت النار الي حواليه تولع اكتر واكتو لحد ما بقي رماد بضور علي الكائن مش لاقيه لقيت مره واحده ضربه علي راسي معرفش جت منين وقعت ع الارض ببص لقيت الكائن باصصلي وبيقولي ياويلك ياويلك وفضل يكررها المره دي انا بدأت اقرأ قرأن عادي ومكنش في اي حاجه منعاني لحد ما لقيتو بيصرخ نفس الصرخه قام رافع ايدو لفوق ايدو بقت عملاقه وراح ضاربني ضربه من قوتها سمعت صوت ضلوعي وهي بتتكسر مش قادر اتحرك كل الي قادر اعملو اني اقرأ قرأن لحد مصحيت فعلا وطلع كابوس بس اي الكابوس الغريب دا
اي دا ابويا وامي رانين عليا فوق ال ٥٦ مره
اتصلت عليهم وكلمتهم امي ردت عليا وهي منهاره بتقولي في اي يا محمود مالك
مالي ف اي يا ماما انا كويس اهو
اومال الناس الي انت ساكن معاهم بيقولو انك دخلت البيت بتاعك غرقان دم وبعدها محدش شافك روحنا البيت قعدنا طول اليوم ملقناكش جيت واحنا ممعناش مفتحا ف اضطرينا نروح
انا مش فاهم حاجه ولا الي حصل ف قولت لامي انا بايت عند صاحبي بقالي ٣ ايام يماما ومدخلتش الشقه الي انا ماجرها بقالي ٣ ايام قالتلي انا قلبي مش متطمن انا حلمت بيك حلم وحش
انك حواليك ظلمه كتير وكذا ايد سودا ماسكه فيك مش راضيه تسيبك
قولتلها خير يا امي متخافيش قالتلي يبقي في حاجه قولتلها هحكيلك علي كل حاجه بس اما الاقي الحل
فضلت بفكر في كل الي حصل والعيال ملاحظين اني سرحان وبردش عليهم اصلا لما بيتكلمو ف قالولي في اي قولتلهم بعدين بعدين
جت ف دماغي فكره كان فيه واحد غلبان فاتح محل تصليح كمبيوتر بتاع ربنا كدا اسمو الشيخ هاشم
وبيفهم في الجن ويعرف اعمل اي وراجل بتاع ربنا مش دجال
روحتلو فعلا اول مدخلت عليه قالي مالك يا محمود وشك اصفر ليه وعينك حمرا وتحتها اسود اوعي تكون بتشرب مخدرات ولا حاجه يلا
قولتلو مخدرات اي بس يا شيخ هاشم انا عمري محطيت سجاره عاديه ف بوقي هشرب مخدرات
انا بقول برضو انت محترم يمحمود بس مشكلتك انك بدأت تبعد عن ربنا ومبقتش اشوفك ف المسجد
والله يا شيخ هاشم انا في تالته ثانوي السنه دي وهكذا ف مبعرفش انزل من البيت اصلا ف بصلي في البيت
يبني ولو الصلاه اهم من كل دا لو اهتميت بصلاتك هتلاقي ربنا مفتحها معاك ودماغك بقت حلوه وهتلاقي تطور في نفسك هما ٥ صلوات في اليوم يبني الواحده مش هتاخد منك اكتر من ربع ساعه
يعني ممكن بسبب الربع ساعه دي ربنا يباركلك في الوقت وتيجي تذاكر الي هتذاكرو ف ساعه هتذاكرو ف ربع
حاضر ياشيخ هاشم بإذن الله هنتظم معاك تاني
ربنا يهديك يا محمود
ها بقي كنت عايز اي واحكيلي اي الي حصل معاك ومخلي وشك كدا
حكتلو كل حاجه من طقطق لسلامو عليكو
قالي الحلم الي انت حلمتو دا مشوفتش في اي رموز
فضلت افكر افكر
افتكرت ان في رمز عند باب شقتنا مش موجود اصلا
دايره وخارج منها سهم جانبي
لقيتو رد عليا وقالي المريخ
قولتلو يعني اي قالي متشغلش بالك دلوقتي
الحلم دا انت حلمتو امتي
امبارح
وامبارح دا كان يوم اي
التلات
سمسمائيل دا بقي ملك من ملوك الجن الي قالك عليه ان انتو قتلتو الخادم بتاعو علي الارض والكوكب بتاعه المريخ
بص يا محمود اهم حاجه تلتزم في صلاتك هقولك كام ايه تقرأهم انت وصحابك وباذن الله مفيش حاجه هتقدر تلمسكو واقرو سوره البقره كل يوم لمده اسبوع وباذن الله مفيش حاجه هتقرب منكو تاني
وفعلا الامور بدات تهدي ومفيش اي حاجه حصلت تاني والشيخ هاشم بقي مبسوط انو شايفني في الجامع الفتره دي وفعلا بقيت الي بعملو ف ١٠ ساعات اقدر اخلصو ف ساعتين تلاته بالكتير الحمدلله
والامور هديت علي كدا ورجعت وحكيت لامي وابويا علي كل الي حصل وطمنتهم وجم زاروني وبس كدا الحمدلله خلصت المشكله الي بدأت من غير قصد
