قصه بنت ابليس

“لا تتخذون قرار تندمون عليه ف القرار لكم والانتقام لي”

اللعنات باب مفتوح من الشر مش كله بيعرف يواجهة لانه لو معرفتش تقاوم هتموت والي حصلي مش شوية رسائل من الاموات او باب من اللعنات اتفتح هنا هحكيلكم قصتي بس نصيحة مني بلاش تدخل ف تحدي انت مش قده لكم عالمكم ولي عالمي … انا ياسمين شخصية اجتماعية ومش معقدة زي زمايلي مبيقولو لكن الي حكولي عليه مني خلاني كنت هقتنع بكدا فعلاا انا و اهلي كنا عايشين ف محافظة الجيزة ف القاهرة ولكن لسؤ الظروف المادية الي بنمر بيها والدي اشتري لينا بيت في اسيوط للعلم والدي اصلاا من هناك ولكنه حياته كلها كانت ف القاهرة كان دايما بيحكيلي علي الي بيعمله ف البلد دي وقد اي شاف فيها ايام جميلة لكن دايما كنت بحس انه مخبي جزء من كلامه ليه هو مبيحكهوش دايما بيقف عنده المهم عدي اول اسبوع ف البيت الجديد والدنيا كانت كويسة الي حد ما لكن حته انك مالكش صحاب تتقعد معاهم دي الوحيدة الي كانت مشكلة عندي لحد م ف يوم كنت خارجة من البيت لقيت بنت جميلة ف البلكونة الي قصادنا بتنده عليا طبعا انا استغربت انها عارفة اسمي لاني معرفش حد هنا لسة طنشت وزي مبيقولو كدا خدت بعضي ومشيت ومبصتش ورايا تاني فضلت اتمشي اليوم دا لحد ملقيت مكتبة بتبيع كتب رعب وقصص وانا مدمنة الحاجات دي فرحت بجكوعة الكتب دي واشتريتها وروحت لقيت ماما قاعدة مع واحدة دخلت سلمت عليها ماما قالتلي.

=سلمي علي طنط ايمان ..

-ازيك ي طنط ..

=طنط ايمان ساكنة ف البيت الي قصادنا هي وبنتها

-بنتها !

دخلت علينا نفس البنت الي كانت بتنده عليا وقالتلي

= انا فضلت انده عليها الصبح بس الظاهر كانت مستعجلة

=اه فعلاا انا كنت مستعجلة ومخدتش بالي

-ولا يهمك انا سارة واحفظيه كويس بقي عشان نبقي صحاب

بصت علي الكتب الي ف ايدي وقالتلي

-اي دا انتي بتحبي الرعب طلع بينا حاجة مشتركة اهو

= اليوم دا قعدنا نتكلم ونهزر وبقيت سارة صحبتي الو

ف يوم كنا قاعدين ف قولت ادور ف الكتب بتاعتي علي رواية نقراها سوا

لحد م عيني وقفت عند كتاب “عظام الكاهن”استغربت من وجود الكتاب دا عندي لاني اول مرة اشوفه قولت ممكن اكون اشتريته ونسيت اقراه فتحنا الكتاب كان فيه شوية رسومات غريبة كدا ومكنتش فاهمة اي حاجة لحد ملقيت كلام مكتوب بلغة رومانية ترجمته كانت “من يمتلك هذا ويغتنمه ف هو كنز ومن يسئ استخدامه سيصبح لعنة ” قلبنا ف الكتاب كان في بعض السطور الغريبة زي “لا تكون الشمس خطر للمعبد ف كونها ضلت الطريق منك ف ان الشر ينتظرك بحق اله الشمس واله الموت و ايزايس ولمكن عليكم بالصلوات ولا تقتلون ولا تخلفون العهد “وانا مش مقتنعه بالي فيه وقولت لنفسي انا ازاي اشتريت التفاهة دي خلصت قعدتي وروحت بيتنا حطيته جمبي ونيمت حلمت يومها اني في صحرا وفيها قصر كبير وكان في زي احتفال وكل الي فيه لابسين لبس فرعوني وظهر من وسطهم شاب وسيم ومسك ايدي وشدني وطلع يجري دخل جوا القصر وبعدين سابني وجري وانا توهت جوا فجاة الدنيا ضلمت وظهر قدامي وهو حاضن واحدة علي الارض والدم مغرقها من كل مكان وفجاه بص عليا وقام مشي ناحيتي قرب عليا وانا معنديش اي تحكم ف جسمي بقيت متكتفه خنقني جامد وصحيت من النوم مفزوعة اتمنيت انه يكون حلم ولكن رقبتي كان عليا اثار صوابع من الخنق ودم !