الموضوع بدأ معايا لما أجرت شقه في الدور السابع، الأمور كانت ماشيه تمام أول كام يوم، بس بعد كدا حصل حاجات كتير عيشتني في رعب، زي إن كل يوم الساعه ١ باليل كنت أسمع أصوات قطط في الصاله، ولما بقول ١ باليل يعني ١ باليل بالدقيقة، كنت سامع الأصوات دي وقاعد مرعوب، أنا أصلاً معنديش قطط في الشقه ومعرفش دخلت منين جمدت قلبي وخرجت أدور في إتجاهه الصوت بس الصوت أختفي وكأن شيئاً لم يحدث،
وخلص اليوم علي كدا ..
وتاني يوم في نفس المعاد كنت قاعد بسمع اغاني للست، صوت الكاسيت فصل لوحده وأصوات القطط ظهرت تاني الدم نشف في عروقي، مشيت بخطوات هاديه ناحية الصوت والمرا دي شوفت مجموعه قطط واقفه قدام باب الحمام عيونهم الذهبيه كانت بتلمع في الضلمه أتسمرت في مكاني وفي جزء من الثانيه كلهم هجموا عليا كنت ببعدهم عني وقدرت إني أهرب منهم وخرجت بره الشقه، مقدرتش أبات فيها اليوم دا، وتاني يوم قابلت الشخص اللي أجرت منه الشقه وقولتله علي كل اللي حصل رد عليا وقالي ..
-بص يابني أنا مش هكدب عليك الشقه دي مات فيها شاب من ست سنين ،الشقه كلها ولعت وهوا كان نايم جوه واتخنق ولما الحكومه جات وعاينت الشقه لقوا جـ،ثـة قطه سودا مدبو،ـحه في الحمام
ومن بعدها الشقه أتقفلت بس كل فتره الجيران كانو يسمعوا أصوات قطط كل يوم الساعه ١ بعد نص الليل مفيش يوم عدى غير لما أصوات القطط ظهرت بس في ناس مكنتش مصدقه وجالي شاب قالي إنه عاوز الشقه يومين حذرته بس مسمعش مني وبات فيها، أول ليله عدت تمام وتاني ليله الناس سمعت صوته بيصرخ، جروا وفضلوا يخبطوا علي باب الشقه بس مفتحش وصوت الصريخ وقف، كسروا الباب ولما دخلو لقوا الشاب مرمي علي الأرض وعلي وشه علامات رعب وفزع، عينيه كانت مبرقه ومنفوخه بوقه كان نازل منه رغاوي، جسمه كله عليا أثار عض وخربشه عنـ،يفه
وبس كدا دا كل اللي حصل في الشقه، أعذرني يابني إني مقولتش ليك بس أنا مجرد سمسار ولو مأجرتش الشقه دي مش هلاقي أكل ..
سمعت كل كلامه دا وانا واقف مذهول وزعقت فيه،
– أنت إزاي متقوليش كل دا قبل مأجر منك الشقه، أنا كنت هموت فيها أنت ..
“شخص معدي في الشارع”
-مالك يابني فيه أيه أنت بتكلم نفسك
-بكلم نفسي أيه ياعم أنت أمشي الله ليسيئك أنا مش ناقص
-يبني مفيش حد واقف معاك أنت لوحدك
فضلت أبُص حواليا بس ملقتش حد وبعدين قولتله
-كان في سمسار واقف هنا اللي بيأجر شقه الدور السابع عماره رقم ٢
-أسمه أيه السمسار دا
-شعبان مرزوق
-شعبان مرزوق !!، يبني الراجل دا ميت من ياجي ست سنين، بيقولو إن الشقه اللي أنت قاعد فيها دي ولعت بيه بعد لما دـ،بح قطه وإظاهر إنها كانت اللهم أحفظنا أبعد يبني عن الشقه دي ومتقربش منها تاني لأن الشقه دي لعـ،نه علي كل اللي بيسكن فيها ..
كلامه نزل عليا كالصاعقة مبقتش عارف أعمل أيه ولا أفكر إزاي
بس خدت قرار إني أرجع أخد كل حاجتي واسيب الشقه، واول لما رجعت كانت الساعه وصلت ١٢:٥٩ص
١ص
بدأت أصوات القطط تظهر في كل مكان في الشقه، أنا شايفهم قدامي،
أيه دا !!
دا أنا شخص شبهي بالظبط نفس لون شعري وكثافته نفس لون عيوني نفس شكلي نفس كل حاجه مستحيل، لقيت الكيان دا ماسك قطه وبيدـ،بحها وسـ،لخ جلدها، وقتها بس أيقنت إني هحصّل “شعبان مرزوق” وإن اللعنه حلت عليا، الشقه كلها ضلمت شوفت قطط كتير بتخرج من كل مكان في البيت عيونهم كانت بتلمع عددهم كان كبير صوت المواء كان مزعج كانوا بيقربوا منّي وأنا برجع لورا لحد ضهري مابقي في الحيطه
قربوا مني وهجموا عليا ووقتها كل حاجه أسودت ..
****
عثرت قوات الأمن علي جـ،ثه شاب في العشرينات من عمره مفـصـ،وله الرأس في أحد الشقق السكنيه وتم قفل الشقه إلي أجل غير مسمى ..
تمت ***
حمدي_حاتم
العراف
شقه_الدور_السابع
