قصه مشرحة الجن (كامله)

الشيخ أتكلم وقال

لازم تعرف يبني أنك لا ممسوس ولا عليك جن ولا كل الكلام ده.. الموضوع أكبر من كده بكتير

بس قبل ما أحكيلك.. عاوز أسألك سؤال.. تعرف اسم صاحب الجثة اللي في المشرحة

_ أيوة يا شيخ أسمه عتمان.. بس حضرتك بتسأل ليه عن أسمه؟

اهي الحكاية بتبدأ من عند عتمان ده.. ومن يوم ولادته تحديدا في قرية من قري الصعيد

كان في دجال اسمه عارف.. عارف كان عبد للشيطان مفيش حاجة معملهاش حرام.. كان مؤذي وبيعمل أعمال وبيضر الناس

ورغم كده الناس كانت بتقول عليه البركة وبتروحله عشان يعالجها من السحر ويفكلهم الأعمال والجهل يعمل كتير متستغربش يعني

لكن المشكلة الوحيدة اللي كانت عند عارف أنه مكنش بيخلف.. عارف كان هيموت ويخلفله حتة عيل يملي عليه حياته.. ومراته رغم أن هو دجال وكافر لكن شخصيتها كانت قوية وقادرة وقلتله انها عاوزة تخلف والا هتسيبه

…

عارف فكر أزاي يحل المشكلة دي.. لحد ما وصل لحل كان عارف أن مراته مش هتوافق عليه.. لكنه قرر يعمله من وراها

عارف حضر جن عاشق علي مراته.. اه والله يبني زي ما سمعت كده.. والعمل ده اتعمل علي نجا’سة

حاجة يبني مش كويسة يعني

طبعاً مرات عارف لو كانت عرفت وقتها كانت اتطلقت منه وسابته ده غير الفضيحة اللي كانت هتحصل في البلد

وبدأت حاجات غريبة تحصل لمرات عارف واثار السحر بدأت تظهر عليها.. لحد ما بقت حامل

طبعاً كانت فرحانة بالحمل وعارف كان بيحاول يخليها ترتاح علي قد ما تقدر.. لحد اليوم الاسود اللي مرات عارف خلفت فيه.. كان يوم اسود علي البلد كلها

عارف رفض يولد مراته في مستشفى وجبلها ستات من البلد يولدوها.. دخلوا عليها ومفيش نص ساعة

وخرجوا من جوه يصرخوا ويقولوا.. مرات الشيخ عارف ماتت.. مرات الشيخ عارف ماتت

..

المشكلة مش في انها ماتت.. المشكلة في شكلها وهي ميتة كان منظرها صعب.. مناخيرها وودانها بيخرج منهم دود أبيض عينيها كان منزلة خطوط دم.. ومش اي دم ده دم أسود

بس ده حصل بعد ما خلفت الولد.. عارف كان مصدوم من موت مراته بالشكل ده.. اخد عارف أبنه وسماه عتمان

لكن مكنش يعرف ان اللي عمله ده هيخلف عليه مصايب كتير

عتمان مكنش طفل عادي.. كان طفل بيملك صفات الانس والجن مع بعض.. والجن كانوا بيقولوا عليه أبنهم وانه هيكون ملك متوج في عالمهم

لكن عارف كان رافض.. وحاول بطرق كتير انه يخلص أبنه من الجن ده لكن كانت النتيجة أنهم حرقوا البيت بيه

…

وأختفي عتمان من البلد والكل عارف.. الولد راح فين

عتمان أتعلم بسرعة كل حاجة عنهم.. وبقي حافظ هو بيتعامل أزاي.. واحدة واحدة بقي ملك متوج في عالمهم

وجات حفلة ترسيم الحكم

عشان يلاقي نفسه بقي شيخ الجن.. وقبل ما تسألني عليه

شيخ الجن هو الشيطان في صورة بني آدم

عتمان كان عايش علي الارض… ولكنه كان بيغوي اللي بيلاقيه واقع في مشكلة عشان يأمن بيه

كان خبيث بيسلم قرابين للشيطان في مقابل السلطة والمال.. وسموه شيخ الجن عشان هو بيقدر يحل موضوع صعب ولكن مش بأمر ربنا لا بأمر الجن والعياظ بالله

..

لحد ما جيه اليوم اللي اتوفي فيه شيخ الجن عتمان.. اتعمله مقام من الجن واتقال أن اي حد عاوز يكون معانا لازم هياجي قدام قبر شيخ الجن عشان يرضي عنه

لما مات عتمان ورجعت لجثته كل الصفات البشرية.. ولاد الحلال لقيوه ميت على الطريق ووده المشرحة.. لكن والدك غلط لما حاول يغسل الجثة ويكفنها

واللي منهم لا يغسل ولا يكفن.. يدفن زي ما هو.. وانت حاولت تغسله لكنك معملتش حاجة فهما هيفضلوا معاك لحد ما يجننوك

..

خلص الشيخ حكاية من حكايات ألف ليلة وليلة.. وقولتله

_ بغض النظر عن الرواية دي.. أي حل مشكلتي

_ في البدابة هرقيك.. وبعدين نشوف هنواجه ده أزاي هتواجه الجن ده

..

واتكلم الشيخ وقال

بسم الله نرقيك من كل شئ يؤذيك.. بسم الله ارقيك من كل شيء يؤذيك

اعوذ بالله السميع العليم من الشيطان الرجيم.. اسأل الله العظيم رب العرش العظيم أن يشفيك.. اعوذ بكلمات الله التامات من شر ما خلق.. اعوذ بالله من كل شيطان مارد

..

بسم الله الرحمن الرحيم

ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ

اعوذ بالله وقدرته من شر ما أجد واحاذر

وما هم بضارين به من أحد الا بإذن الله”

بسم الله الرحمن الرحيم

وقدمنا إلى ما عملوا من عمل فجعلناه هباء منثورا

صدق الله العظيم

…

كنت حاسس بالامان.. حاسس اني ارتحت واطمنت بعد ما سمعت كلام ربنا.. كلام الحق

الشيخ أتكلم وقال

_ الجثة اللي عندك في المشرحة دي لازم هتتحرق.. بس قبل اي حاجة.. لازم هتقول طلسم

أنا عارف ان ده غلط.. بس الطلسم ده هيقيد الجن اللي موجودين حوالين الجثة.. الحراس اللي انصرافهم هيكون بالطلسم ده او تقيدهم على الاقل

_ تمام أنا هعمل اي حاجة في سبيل أني اخلص من العذاب ده

..

أخدت الطلسم من الشيخ واتحركت علي المشرحة.. مفيش حل قدامي غير كده.. كنت بحاول أحفظ الطلسم علي قد ما أقدر عشان مغلطش

ودخلت المشرحة.. بمجرد ما دخلت الباب اترزع والنور اطفي.. حاولت احافظ على هدوئي على قد ما اقدر.. اه لأنا كنت مرعوب

لكن لازم أنفذ اللي اتقلي بالظبط.. قربت من الدرج رقم 6 وفتحته.. لقيت أيد قبضت على رقبتي والدرج اتقفل بعنف والايد سبتني

اتكلمت وقولت

بحق اسماء الجن العلوية بحق النور ونور النور بحق الملك الاعظم درياش بن دنجال ان يتسلسلون بسلاسل من نار خاضعين مجبرين مطيعين

..

صرخات كتير واصوات عذاب.. فتحت الدرج ودلقت على الجثة مادة قابلة للاشتعال ووراها الولاعة.. النار التهمت جسمه في ثانية.. وكنت حاسس بالانتصار واني اخدت حقي ابويا.. خرجت من المشرحة من غير ما حد يشوفني

ورجعت لحياتي سبت الشغلانه دي وقررت اني اشتغل اي حاجة مقابل راحة البال.. وان نفسيتي تكون مرتاحه واكون بعيد عن المشرحة.. مشرحة الجن

..

تمت

..

محمود الأمين