مش ﻏـﺮﻳﺒﻪ ﺍﻧﻚ ﺗـﺴﻤﻊ ﺻـﻮﺕ ﺟـﺪﻳﺪ ﻋـﻠﻴﻚ ف ﻭﺳﻂ ﺍﻟﻀـﻠﻤﻪ ، ﺍﻭ ﺑﺎﻻﺧﺺ ، ﺻﻮﺕ ﺷﺒﻪ ﻣـﺮﻋﺐ ، ﻣـﺘﺤﺎﻭﻟﺶ ﺗﺴﺎﻝ ﺍﻭ ﺗﺴﺘﻔﺴﺮ ﺍﻭ ﺣﺘﻲ ﻳﻮﺟﻬﻚ ﺍﻟـﻔﻀﻮﻝ ﻧـﺎﺣﻴﺔ ﺍﻟﺼـﻮﺕ ﺩﻩ ، ﻋـﺸﺎﻥ ﻫـﻤﺎ ﻓـﻌﻼ ﻣـﻮﺟﻮﺩﻳﻦ ، ﺍﻟـﻀﻠﻤﻪ ﺍﻧﺴﺐ ﻣـﻜﺎﻥ ﻳـﻈﻬﺮﻭﺍ ﻓﻴﻪ ، ﻣﻤﻜﻦ ﻳﻜﻮﻧﻮﺍ ﺣﻮﺍﻟﻴﻚ ﺩﻟﻮقتي ، ﺍﻭ ﻣﺶ ﻣﻤﻜﻦ ﺩﻩ ﺍﻛﻴﺪ ! ﺻـﻮﺕ ﻧﻔﺴﻬﻢ ﺷﺒﻪ ﻭﺍﺿﺢ ، ﻓـﻴﻪ ﻫـﺪﻭﺀ …… !
ﻭﻣﻤـﻜﻦ ﺩﺭﺟﺔ ﺍﻟـﺤﺮﺍﺭﻩ ﺗـﻌﻠﻲ ﻻﻥ ﺍﺟﺴﺎﻣﻬﻢ ﻣﻦ ﻧﺎﺭ !
ﻭﻓـ ﻭﺳﻂ ﺍﻟـﻀﻠﻤﻪ ﺩﻱ ﺍﻛـﻴﺪ ﺍﻟـﻬﺪﻭﺀ ﻣـﺮﻋﺐ ، ﺑﺘﺘﻠـﻔﺖ ﺣـﻮﺍﻟﻴﻚ ﻣـﺶ ﻋﺎﺭﻑ ﺍﻟـﻤﺨﺮﺝ ﻓﻴﻦ ؟ !
ﻭﻣﺶ ﻫﺘﻌﺮﻑ ﻋـﺸﺎﻥ ﻣﻔﻴﺶ ﻣﺨﺮﺝ
لقد انتهى زمن المُعجزات وقد اتي زمن المعجِّزات
جملة لقيتها امي علي مراية الحمام بعد ما ابويا نزل يروح الشغل
الشغل اللي ساعات بيبقي واخده مننا باستمرار
او يبقا قاعد اربعة وعشرين ساعة في البيت بيتفرج ع التلفزيون
اصل هو شغل الاثار كدة
ملهوش موسم
يا قايم
يا نايم
ايوة
انا ابويا بيتاجر في الاثار وفي الزيبق الاحمر
انا ابويا بينبش قبور فرعونية وعنده استعداد ينبش اي قبر عشان المصلحة
انشالله لو قبر الغابر
انا آدم احمد
17 سنة
يمكن كنت مبسوط بالفلوس والسكن الفخم والعربيات واغلي لبس واحسن اكل
لكن دلوقتي انا بتمني ان ابويا كان يفضل موظف في هيئة المساحة زي ما كان
علي الاقل كان هيفضل عايش معايا لغاية دلوقتي
اه انا نسيت اقولكوا انه مات
حكاية موته طويلة
بس انا هختصرهالكوا في جملة
ابويا مصيره كان زي مصير اي حد ينبش قبر الغابر .. الموت
ابويا نزل بعد ما جاتله مكالمة من عبد الجليل صديق العمل الملعون ونزل وبعد ما نزل امي لقت الجملة دي علي المرايا
ندهت عليا قرأتها ومفهمتش حاجة بس استغربت ابويا ليه يكتب جمله زي دي
المهم ابويا رجع بليل مخنوق ودخل اوضته نام
امي دخلت وراه وسمعتهم عمالين يزعقوا
وامي عمالة تزعق وتقوله الغابر تاني يا احمد الغاابر تاني انت مبتحرمش مانت عارف ايه اللي حصل لجابر ابن عمتك لما فتحه وبعدين مهو قبل ما يموت قال انه نزل لقى القبر فاضي هتجازف انت ليه
وابويا رد عليها خلااااص بكرة هنفتح
قضي الامر يا شعلان
طبعا انا مش فاهم حاجة بس عادي
انا متعود علي كدة
دخلت نمت وصحيت علي ابويا بيصحيني بيحضني
يااه ده انا كنت داخل في سنتين محضنييش
سابني ونزل
فجأة حسيت جوايا بإحساس ان الحضن ده وراه مصيبة
ابويا كأنه بيودعني
قومت بسرعة لبست ونزلت وهو كان واقف بيتكلم في التليفون بعيد وسايب العربية تسخن
جريت ع العربية ركبت ورا ونزلت تحت
بعد دقايق ركب العربية ومشي
فضل سايق حوالي ساعتين
ولمحت يافطة مكتوب عليها اهلا بكم في محافظة الغربية
وبعد شوية بدأ يدخل في البلد من جوا وينزل شوارع ضيقة ويخررم
لغاية ما وقف ونزل من العربية
طلعت من الدواسة قعدت علي الكرسي مخبي نفسي وبتفرج من ورا الازاز
ابويا واقف مع عبد الجليل بيتكلم معاه في ارض واسعة وفاضية
تحسها ارض متبوره
يعني كانت خصبة للزرع واتهجرت
لكن الملفت ان في وسط الارض دي مقام
فهمت ليه الارض متبوره
مقام يعني بيتعمله مولد
دققت شوية كده في اللي مكتوب علي المقام
لقيت قرآن كتبر منقوش وفي الآخر مكتوب
قبر سيدنا الغابر
ابويا بيعمل ايه هنا
انا اعرف انه بيتعامل مع مقابر فرعونية مش مقامات
وبعدين ايه اللي هيكون شايلة راجل زي ده في قبره
المهم فضلوا يرغوا لغاية ما جت عربية نص نقل فيها شيخ وشوية عمال
ونزل الشيخ مسك شوية تراب من اللي حوالين المقام وشمهم وبعدين هز دماغه
ومع هزة دماغة عامل من العمال مسك مطرقك كبيرة
وجري ناحية المقام دب فوقيه دبه قوية شبه رجت المكان كله
وبعدين وراه عامل تاني وتالت ورابع عاملين زي طابور مكرر في دايرة لغاية ما المقام اتفشفش في الارض
الشيخ ده شاور لابويا وقاله حاجه انا مسمعتهاش قام ابويا جاي ناحية العربية
نزلت بسرعه تحت
دخل ابويا فتح شنطة جنبه علي الكرسي اللي قدام طلع منها ازازة كبيرة فيها سائل اخضر وازازة تانيه صغيرة فيها الزيبق الاحمر وقفل العربية وراح للشيخ
فضلت شوية
وبعدين رجعت تاني اشوفهم هيعملوا ايه
لقيت مفيش حد غير الشيخ
تقريبا علي بال ما قومت كانوا نزلوا كلهم التربه
وبدأ الشيخ ده يرش السائل الاخضر ده حوالين المقبرة
وبيحرك شفايفة بكلام مش سامعه
فجأة الشيخ ده اتفزع وطلع يجري
فضلت قاعد في العربية
ساعة.. اتنين.. تلاتة
حسيت ان في حاجة غلط
نزلت بحذر روحت ناحية المقام
وبصيت جواه
دوست ع السائل الاخضر اللي في الارض
و أول ما دوست نار ولعت في المقام
نار خضرا
صرخت وجريت علي العربية واختدتها وجريت علي البيت وصلت في ساعة ونص كانت الساعة واحدة بليل
قبل مانزل من العربية لقيت في جنبي ازازة فيها نفس السائل الاخضر
فتحتها وشميتها ملقيتلهاش ريحة
روحت شارب منها معرفش عملت كده ليه
فضلت اشرب لغاية ما خلصت نصها
اخدت الازازة وروحت ورا البيت دفنتها
ودخلت البيت
اول ما فتحت الباب النور قطع
امي صرخت وقالت مين
قولتلها انا آدم
قالت تاني ميييين
عليت صوتي بزعيق قولتلها آدم يا ماما آدم
قالتلي كنت فين يا آدم من الصبح وسايب تليفونك
قولتلها بابا فين
قالتلي في الشغل
قولتلها اخر مرة كلمتيه امتى
قالتلي الصبح
ولاقيتها ماسكة كشاف وجاية نحيتي بتقولي مالك اول مرة تسأل علي ابوك
جريت عليها اترميت في حضنها وقلتلها انا كنت معاه
قالتلي كنت معاه فين
عيطت وانا بقولها كنت معاه عند الغابر.. هو نزل وفضل تحت كتير هو والعمال وعبد الجليل ومن ساعتين القبر ولع وهما جوا
صرخت وزقتني وقالتلي انت بتقوول ايييه
فضلت ساكت وهي عمالة تصرخ وتزعق وتتنطط وتعيط عياط هستيري
لغاية ما النور جه
سبتها وطلعت اوضتي وبصيت علي نفسي في المراية
وش شاحب وباهت
جسم بيترعش
عقل متشتت
انا اللي قتلت ابويا
انا اللي دوست علي السائل خلاهم يولعوا
انا السبب
عمال افكر في ذنبي
وفي اللي عملته
واثناء شرودي في عملتي ظهر ابويا في المرايا ورايا
وجسمه متفحم
صرخت واول ما صرخت النور قطع تاني
وفقدت الوعي
فوقت والدنيا لسة كحل
والجو تلج
تلج مش تعبير ايحائي
لا
انا فعلا متلج
مش حاسس بجسمي من شدة السقعة
لكن الغريب اني حاسس بتراب
انا في الارض
في شارع او في مكان مش عارفه
شايف من بعيد ضوء خفيف
لون انينة زيبق احمر
وقعت في الارض اتكسرت
وظهر ضوء تاني اخضر
مش باين غير الالوان
وواضح ان حد بيدلقه في الارض
وظهرت انا
بدوس ع اللون الاخضر
واول ما شوفتني دوست
لقيت صوت صراخ من ورايا
لفيت لقيت ابويا مولع بيجري ناحيتي بيهجم عليا
فوقت مفزوع في اوضتي وامي وخداني في حضنها بتطبطب عليا
قومت من علي السرير جري عشان اللبس وهي عمالة تقولي رايح فين وانا مبردش عليها
ببص في المرايا
لقيت جسمي محروق
ايوة
وشي وجسمي مشووهين
صرخت وحسيت اني بموت
انا خوفت من شكلي
دق قلبي بالخوف وبتمني ان يكون ده كمان حلم من ضمن الاحلام
لكن امي جت وقالتلي ليه عملت في نفسك كدة يابني
سيبتها ونزلت علي العربية طلعت تليفون ابويا ودورت علي رقم عماد الدين واحد من أخطر الناس في النبش
رد عليا
– الو
– ايوة يا استاذ عماد حضرتك صاحب والدي مش كدة
– انت آدم صح
– صح
– والدك حكالي عنك كتير.. اه يا حبيبي انا صاحبه
– شغال معاه مش كدة
– ؟؟ !! ؟؟ !! علي حسب
– مش فاهم
– قولي انت عايز ايه وانا هريحك
– انا عايز عنوان الشيخ اللي كان بيبقا معاكوا وانتوا بتنبشوا
– بننبش ايه ايه الكلام الغريب ده
– ما غريب إلا الشيطان يا استاذ عماد انت لو مقولتليش العنوان او الرقم دلوقتي انا هزعلك مني
– انت يا عيل يا ابو شخة هتزعلني
– ابو شخة! ألا ايه اخبار وصلات الامانه اللي هورثها عن ابويا الله يرحمه واطالبك بيها.. ولا ايه اخبار مقبرة هاشوم اللي في قنا.. تصدق ان الفيديو بتاعكو وانتوا بتفتحوا المقبرة حلو.. احلي من فيديوهات زاهي حواس
– الله يرحمه! ؟!! انا حذرته من قبر غابر ده وهو مسمعش كلامي
– معلش.. هتديني الرقم ولا اخلي ابو شخة يروح يشخ في النيابة ويجيبك يشخ فوق دماغ اهلك
– اسمه الشيخ ماهر عواد.. هتلاقي رقمه عند ابوك.. ملوش عنوان بيت بس ليه مكان كده بيحضر فيه والناس بتروح تتبارك فيه
– اوووصل لأمه ازاي
– روح المنصورة وإسأل عن معلا سيدنا ماهر هيدلوك
– لو طلعت بتكدب
– لا مبكدبش
– اما نشوف يا عمدة.. سلام
متستغربش من كل اللي عارفه
الفضول زائد الفرصة بيساوي الوصول
المهم لقيت رقم الشيخ
مهتمتش
لكن اتفاجئت بإن الإزازة اللي دفنتها موجودة جنبي علي الكرسي بطين دفنتها وجنبها ازازة زيبق احمر
يالا بجملت الخرافات
كنت بدأت انسى وشي المشوه لكني شوفته في المرايا
حسيت بدفعه جوايا اني اروح للشيخ
بس مش دفعة استعلام
دفعة انتقام
اتوجهت بالعربية للمنصورة وكل كمين احمد ربنا انه موقفنيش بوشي ده
وكمان مفيش لا رخصة ولا بطاقه حتي
وصلت المنصورة وكل ما اسأل حد يقولي خش ريف
دخلت ريف ودلوني علي بيته
جيت ادخل لقيت في ناس داخلة
دخلت وراهم
وقفت عند الباب وبدأت اسمعهم
بعد سلامات وترحيبات واحد فتح الموضوع وقاله عايزين ننبش قبر غابر واحنا عارفين ان مفيش غيرك مسئول عنه
ماهر قاله بس مفيش حد فلح
قاله هنجرب
ماهر رد وقاله خلاص عدي عليا بكرة ومعاك ستة جرام زيبق احمر وإزازتين ماية خضرا
قاله خضرا ازاي ايه الماية الخضرا
قاله دي ماية جن ماية مقري عليها طلاسم.. بص شكلك مش هتلاقيها هات انت ازازتين ماية عادية دلوقتي وانا هجيبهم معايا بكرة خضر
قاله ماشي وهنسيبلك نسبة تلاتين في المية من اللي هنلاقيه في القبر
ماهر قاله اتفقنا
ناوله ازازتين ماية وخرجوا
بدأ ماهر يقول طلاسم مفهمتش منها حاجة والماية قلبت اخضر
وبعدين جاب طبق
وحط نقطة زيبق في نص الطبق ورش حواليها ماية خضرا
وجاب جزء خشب وداس بيه علي الماية الخضرا
الطبق ولع
فجأة حسيت بنفس ورايا
لفيت لقيت ابويا
صرخت
خرج ماهر بسرعة واختفي ابويا
واول ما ماهر شافني برق وقالي إنس ام جن أم قريناً منتقم
قولتله ده عملك الأسود
وزقيته وجريت علي برا
فضلت قاعد في العربية لغاية ما خرج ماهر وركب عربيته النص نقل
فضلت وراه لغاية ما وصل الغربية ودخل عن المقام
ركن ونزل ومسك ورقة وبدأ يقرأ بصوت عالي
“يامعشر الجن أقسم عليكم بما اقسم داعر وغابر وبالقسم العلى في طلال بابل بأن تطيعوني بقربانا آتياً اليكم بعد مشرق الشمس في غداً قريب وسأحرق لكم اجساد تلز وتطيب راجيا منكم الطاعة الابدية إبنوا المقام الذي يحمل اسم من رعرعكم في خدمة الاله مسكور الشاجلي لكي اهدمه في سبيل قربانكم حم حم حم سعوف سعوف سعوف سعوف سعوف قرباني لكم إنس إبن آدم الذي لعنكم فا التهموه بنيرانكم وبماء الاحرفكم الخضراء الشريفة اشعلوا النيران الابدية بقربانهم الرخيص ذلك الزيبق الذي تحني نسائكم اقدامها به فا لا تتقبلوه واحرقوا من قدموه ومن حوله ومن يدعس مائكم الطاهر إلعنوه لعنة المحروق دنيا.. سلاماً عليكم يا معشر النجول”
فجأة لقيت المقام بيتبني بعد ما اتهد فهمت
انا ملعون
جريت عليه وقعته في الارض ومن الوقعة والخبطة فقد الوعي
جريت علي عربيته جيبت منها المطرقه وحبل ربطته بيه
فضلت اهدم في المقبرة واهدم لغاية ما ظهر السلم بتاع المقبرة
اللي ما بتحملش غير اجساد قرابين للجن عشان يخدم ملعون من ولاد آدم
شديته في المقبرة ورميته جواها
وحدفت عليه انينة الزيبق اتكسرت فوقيه
ودلقت ماية الجن حواليه
وحسيت بنفس ورايا
ابويا
اكيد ابويا
مبصيتش ودوست ع الماية
والنار مسكت في ماهر
لفيت ملقيتش حد
انا جيبت حقه
ركبت العربية لقيت وشي لسة زي ما هو
رووحت
ونمت مرتاح
وانا عارف ان حق ابويا خلاص جه
وانه خلاص مش هيقف ورايا ويفزعني تاني
لكن اثناء نومي شوفت في الضلمة شخصين بشعيين وقذرين
وشوشهم شبه الكلاب وريحتهم قذرة
ولقيتهم بيقولوا بصوت مقزز ومرعب
“حم وسعوف في طاعتك بعدما قدمت لنا القربان ولقد أحللنا عنك لعنة النار.. والان لك ان تأمر يا سيدي آدم.. الأمر لك والطاعة علينا”
لن تعطيك الدنيا ما تريده بمعجزة
بل ستعجزك لكي تنال ذلك.
تمت.
