الجزء الأول من قصتي ( ولاده جن )
القصه ممكن تكون غريبه ومرعبه
• انا شاب بعشق الجن والعفاريت والبحث عن الحجات دي
• عندي فضول كبير اوووي وممكن يكون هوا الي ديما بيوديني في داهيه
• كلمني واحد صاحبي قبل ما اتجوز بشهرين اني لروح معاه مكان كدا نصيف فيه ونغير جو
• انا مكنتش عاوز اروح بس قالي في مكان مهجور وفيه حجات كتير حلوه ها نروح نبص عليها وانا بعشق الحجات دي وبحب المغامره
• وافقت وجهزت نفسي وروحت معاه لحد هناك
• قعدنا في الشاليه الي كان حاجزه وبعد يوم قالي ايه رايك نروح المكان
• قولتله يالا بس نروح بليل عشان نعيش جو الرعب دا
• قالي ماشي انا معاك واستنينا الساعه تيجي 12 واخدنا الكشافات بتاعتنا واتجاهنا على المكان
• ها اوصفلكم المكان
• احنا كنا واخدين شاليه جمب البحر وكانت المنطقه كلها حيويه وفيها نور
• بس كان في آخر الطريق بتاع البحر فيلا مهجوره والضالمه موجوده فيها وفي الأماكن الي حواليها
• يعني لو حبيت تخش تخش بالكشافات
• ودا المكان الي احنا كنا رايحينه
• قربنا جامد على المكان انا حسيت ان في حد معانا
• وطبعا صوت البحر شديد والموج كمان كان الوضع مرعب
• ومره واحده لقيت حد خبطني على أيدي وجرى والكشف وقع بوطي اجيبه لقيت انسان مقتول على اخر نور الكشاف وبيبصلي
• اتفزعت وقولت لصاحبي على المكان وروحنا انا وهوا ملقناش حاجا
• وقولتله على الي خبطني قالي ممكن يكون الهوا عشان شديد اتخايلت ان في حد خبطك
• يالا يالا بلاش خوف من اولها احنا لسا في الأول
• قولتله انا مش خايف انا ولسا بتكلم لقيت الخيال بيجري قصادي
• قولتله اهو اهو يا هيثم اهو عدا من قصادي شوفته
• قالي يا على بطل حركات بقى مفيش حاجه ومشوفتش حد انتا بتتخيل يالا نكمل
• وكملنا ووصلنا لبوابه الفيلا وفتحنا البوابه ودخلنا
• الاحساس الي حسيته عمره ما يتوصف بس ها اقولكم عن حجات حسيتها اول ما البوابه اتفتحت
• انا حسيت اني فتحت مغاره كبيره او مكان فيه حشد كبير
• حاسس ان فيه ناس كتير قصادي بس مش شايفها
• وعمال ابص يمين وشمال وحاسس ان في عيون بتبصلي
• طلعنا على السلم ولقينا بواقي دم على الدرج
• فتحنا باب الفيلا ودخلنا جواها
• الفيلا كانت متكسره كلها ومهدوده بطريقه صعبه
• النجف كله متكسر وعلى الأرض
• والحيطان كلها متشققه ومتعاصه دم
• وكأن كان في واحد بيتسحل وبيحاول يمسك الحيطان وكل ايده دم ومسح فيها
• لانه كان في كفوف دم على الحيطان
• بصينا على المكان تحت مكنش فيه حاجا ترعب اووي زي ما كنا مفكرين
• بس كانت الاوض كل ما نقرب عليها والبيبان بتاعتها مفتوحه تروح قافله مره وحده قصاد عنينا
• وانا قربت من اوضه تحت كانت عباره عن مكتب وكرسي قصاد المكتب ورفرف كلها فاضيه
• واول ما قربت من الاوضه لقيت حد قاعد على الكرسي وقدامه كتاب
• واول ما قربت اختفى والمكتب اتقلب قصادي والاوضه اتبهدلت واتقفل الباب عليا وفضلت انادي على هيثم وفتحلي الباب
• شافني وشي مخطوف قالي مالك انتا اترعبت من اولها يالا يا عم نطلع لفوق وبعدين ما تبعدش عني
• قولتله انا شوفت حد قاعد على كرسي في الاوضه دي دخلت ملقتهوش
• لقيته بيقولي هوا كان شعره ابيض ولابس بدله وماسك سيجاره صح
• قولتله ايوه عرفت ازاي بقى
• قالي دا صاحب الفيلا لقوه مقتول على مكتبه بطريقه غامضه
• وكل الي كان في البيت لقوهم مدبوحين
• فضلو يبحثو عن سبب القتل لقوه كان بيقرأ كتاب اسمه طلاسم المبعوث
• الكتاب كان عباره عن طلاسم تحضير جن تحضير جن عاشق
• إيذاء جسد بطريقه غير مباشره
• أعمال سفليه البحث عن المال أعمال كتير
• كان كتاب من المعروف عليه أن الي كان سبب في كتابته الشيطان وان اجزاء كتير منه كان الجن سبب فيها
• انا قولت لهيثم القصه دي مشوقه جدا ودا باين اووي من الأجواء الي حصلت في الفيلا
• اكيد هوا حضر جن ومعرفش يصرفه فا قتله وقتل عيلته كلها
• هيثم قال صح كلامك يا علي ودا كان كفيل انه يموت موته بشعه هوا وعيلته
• انا كنت لسا ها اتكلم سمعنا صوت فوق
• طلعنا جري على الصوت لقينا قطه مقبلانا على السلم بتجري
• القطه ملامحها عاديه ولكن كانت سوده جدا ووقفتها في آخر السلم تدل ان هيا جن مش قطه عاديه
• لان انا لما ركزت اكتر في ملامح القطه كانت بتتحول لشكل جن قرون وعيون غريبه وفيها نار حاجا مرعبه مش قادر اوصفها
• وبعد كدا اختفت من المكان اساسا
• انا تمالكت اعصابي وقولت انا كدا كدا مش جاي مكان عادي انا عارف انه مليان جن
• فا لاما نكمل بحثنا عن الغموض دا
• لاما نمشي من المكان دا احسن
• لقيت هيثم بيبصلي وبيقولي هنفضل وقفين هنا كتير يالا نكمل بحث
• قولتله انا معنديش مانع يالا نكمل
• مشينا واتفرقنا عشان الاوض كانت كتير
• لقيت حد بينادي عليا يا علي تعالي هنا
• طلعت اجري على الاوضه واشوف مين بينادي لقيت مفيش حد اساسا في الاوضه بس أصوات كتير فيها
• انا استغربت جدا من الأصوات دي ومين الي ناداني وعرف اسمي منين
• انا دخلت الاوضه راح الباب اتقفل عليا ولقيت أصوات كتير بتاندي عليا
• يا علي علي علي علي فينك يا علي والاقي كل حاجا حواليا بتتكسر وبتقع انا صرخت الصراحه من الخوف
• لقيت هيثم فتح الباب ولقاني في النص الاوضه وبصرخ قالي في ايه مالك وايه الي جابك هنا مش قولت خليك معايا
• قولتله انا سمعت صوتك بتنادي عليا دخلت هنا ملقتش حد قربت شويه من الاوضه لقيت الباب اتقفل عليا وبدأت اسمع حجات مرعبه عشان كدا صرخت
الجزء الثاني من قصتي الجديده ( ولاده جن )
قالي متبعدش عني تاني لاني اساسا بخاف ومش ناقص ابقى لوحدي في المكان دا
• قولتله تمام بس انتا نور المكان عشان انا عندي اضائه الكشاف بقت ضعيفه
• قالي ماشي يالا نكمل
• واحنا معديين من جمب الحمام سمعنا صوت حد بيتكلم جوا الحمام
• فتحنا الباب طلع في وشنا قط ضخم وشكله مقرف اووي وراح ماشي من قدامنا
• انا هوا قولنا في نفس الوقت جن
• انا اتخضيت وقولت لهيثم يمكن يكون تخيلات يا عم انتا ها تخاف دا انتا الي بتشجعني
• يالا نكمل ممكن نلاقي حاجا غامضه ونخدها ونخلص
• فضلنا مكملين وانا توهت منه تاني
• بس المره دي كنت في مكان غريب اوووي ويرعب بسبب الغموض الي كان فيه
• المكان عباره عن اوضه مليانه كتب وعليها دم
• وعبارات مش مفهومه علي كل حاجا في الاوضه
• مكتوب طلاسم كتير وعين الشيطان
• وكان مرسوم نجمه داوود
• وكان مكتوب على الحيطه العهد بيننا تم قطعه
• واليوم سوف يقتل كل من هوا صلبا لك أمام عينيك
• انا طبعا الكلام بقراه وانا مرعوب وحاسس بخيال حد ورايا
• وكل شويه يقرب مني احس بنفسه في ضهري الف عليه ملقهوش
• انا كنت حاسس برعب مستحيل احسه في حياتي
• وبعد كدا لفت نظري كتاب شكله جميل جدا
• من اول الكتاب عين داوود وشكل شيطان في نص الكتاب
• ومكتوب فيه طلاسم المبعوث
• مش هوا دا الكتاب الي كانو بيقولو عليه انه السبب في موته وموت عيلته
• انا لقيته بنفسي في الاوضه وامتلكت كنز في أيدي
• فتحت الكتاب كان كله طلاسم غريبه جدا
• بس الي لفت نظري صفحه شكلها كان غريب وسط الكتاب وحروفها مفهومه نوعا ما
• كان مكتوب فيها سان تم يوب جن العشق يدب زال دال عشق جسد الطفل يهب وكلام كتير انا مش ها اقدر اقولو انا قريته وجسمي اتهز مره واحده بعد ما خلصت
• ناديت على هيثم وقولتله تعالي شوف انا لقيت ايه
• جالي بسرعه بص لقاني معايا الكتاب
• قالي كتاب ايه دا
• قولتله طلاسم المبعوث الي انتا قولتلي عليه
• قالي اوعي تكون قريت فيه حاجا
• قولتله اه قريت صفحه كانت مفهومه في الكتاب لفتت نظري
• قالي اي هيا الله يخرب بيتك
• قولتله الصفحه دي
• قالي دي صفحه تحضير الجن العاشق نهارك اسود
• انتا قارتها كلها ولا جزء بس
• قولتله للنهايه هوا في حاجا ها تحصل
• قالي هات الكتاب دا ويالا نمشي من هنا ولازم تحصن نفسك
• هوا قال الكلمه دي وانا شوفت خيال شخص قصادي مرعب اوووي واختفي
• اول ما قولتله كدا لقيته اترعب وقالي حضرته كدا
• لازم نمشي من المكان دا بسرعه
• نزلنا وكان الخيال دا ورانا لحد باب الفيلا
• واول ما خرجنا من الفيلا الخيال مظهرش تاني
• قولتله على الي حصل قالي انتا لازم تحصن نفسك
• انتا قريت حاجا مكنش ينفع تقرأها خلي بالك
• ورجعنا الشاليه الي كنا وخدينه قعدنا الفتره بتاعتنا ومكنتش بشوف الخيال دا خالص طول الفتره دي
• وبعد كدا رجعنا بلدنا
• انا جهزت للفرح وخلصنا التجهيزات وخلاص ها اتجوز وفاضل ايام على الفرح
• الشقه الي ها اتجوز فيها روحتها عشان اظبط الي ناقص فيها شوفت قصادي الخيال
• كل جسمه اسود وعيونه بس الي حمره اوووي
• انا اترعبت من منظره ووقعت على الأرض وبدأت اصرخ لقيته جري على الحمام وبعد كدا اختفي
• قربت من الحمام شويه بشويه واول ما وصلت للباب راح مقفول في وشي قعدت افتح فيه بالعافيه لما فتح
• وحسيت بحاجا خرجت منه بسرعه
• دخلت الحمام لقيت مكتوب على الحيطه
• تمالكت المكان وكل جسد سوف يكون فيه
• وكان الكلام دا مكتوب بالدم
• وبعد كدا لقيت مكتوب سوف تتعذب لاخراجي وايقاظي من نومي
• انا خوفت جدا من الي مكتوب وحاولت امسح الكلام دا ومسحته بالعافيه وبعد كدا خلصت الي كنت عاوز اعمله وكنت كل شويه اسمع حاجات بتقع وابص ملقيش حاجا وشويه الاقي حاجات بتتحرك وابص الاقيها في مكانها بقيت حاسس أني مش مظبوط وانا في بيتي
• طلعت من البيت وانا مرعوب منه بس مينفعش اغير كلامي في الفرح او البيت مستحيل
رضيت بالأمر الواقع وقولت مش مهم ممكن مع الوقت ها يختفي والأمور ها تبقى تمام
• اتجوزت ودخلت البيت اول مره ولقيت الخيال دا قصاد عيني وبيضحك كأنه فرحان اني موجود انا ومراتى
• انا كنت عاوز اقول لهيثم على كل دا بس كان ممكن يعمل مشكله ودوشه والفرح ها يبوظ وانا سمعتي ها تبقى وحشه فا قولت خليني اتصرف احسن لوحدي
• بصيت وانا خايف ودخلت وخلاص
• قولت لمراتي اني ها اخش اخد دش وهيا تغير هدومها وتطفي النور عشان كنت خايف من الجن الصراحه يعمل حاجا
• بس وانا في الحمام سمعت صوت ارعبني
الجزء الثالث والاخير من قصتي ( ولاده جن )
بس وانا في الحمام سمعت صوت ارعبني
- سمعت باب اوضه النوم الي فيها مراتي بيتفتح وحد بيخش جواه
- انا طلعت جري سمعت صوت مراتي بتقول بس يا علي كفايه هزار
- على مين انا برا اهو انا خوفت جدا من الي سمعته ومكنتش قادر اتمالك اعصابي
- هوا ممكن يكون الجن الي جوا وبيلاعب مراتي
- فتحت الباب وشغلت النور مره واحده لقيت السرير كله متبهدل ومراتى مغمضه عنيها
- • سئلتها على الي كانت بتكلمه قالتلي مش انتا جيت وقعدت تلاعبني وانا مغمضه عيني
- • قولتلها انا قالت ايوه امال ها يكون مين وقعدت تضحك
- • انا سكت ومقدرتش اتكلم وافتكرت كلام هيثم عن الجن العاشق واني ممكن اكون خرجته من مكانه
- • طب هوا ممكن يعشق مراتي ويجامعها دي تبقي مصيبه
- • عدا شهر وانا كل يوم اشوف الجن دا بس محدش يشوفو غيري لا مراتي ولا اي حد بييجي عندي ضيف
- • وفي يوم وانا بجامع مراتي حصل حاجا وخرجت وانا قافل النور وسايب الاوضه مفتوحه
- • بعد شويه سمعت الباب بيتقفل وفي حاجا بتحصل في الاوضه مع مراتي فضلت اخبط واحاول افتح في الباب مرضاش يفتح
- • وبعد كدا سمعت صراخ من مراتي في الاوضه
- • فضلت احاول افتح فيه لحد ما فتح
- • دخلت عليها لقيتها منهاره بسألها سبب صراخها
- • قالت انا لقيت الباب اتقفل افتكرت انه انتا بس بعد كدا لقيت حد بيجامعني بعنف ولما حد خبط على الباب لقيت الايد الي كانت مكتفاني عماله ندوس جامد على جسمي وقعدت اصرخ
ولقيت الحاجا دي اختفت وبعد كدا انتا فتحت الاوضه - • في ايه يا علي ايه الي بيحصل انا مش مرتاحه وخايفه اوووي ومين دا او الحاجا دي
- • انا مقدرتش اتكلم ولا عارف اقول لها ايه
- • قولتلها مفيش ممكن تهيئات نامي انتي بس وبكره نشوف الموضووع دا
- • كل يوم اشوف حجات غريبه اووي
- • مره اشوف طفل بيحبي في البيت كله وسعات يمشي على الحيط
- • ومره اشوف طفل على السرير جمب مراتي
- • ومره الاقي الطفل دا واقف على رجله وقصاد الحمام وبيطفي النور وبيقعد جواه
- • ومره اشوف الجن قصادي وعمال يضحك
- • انا كنت بشوف كل يوم حجات غريبه اووي
- • لحد ما في يوم مراتي قالت إنها حامل
- • اخدتها للدكتور عشان نعمل اللازم ونشوف الطفل اخباره ايه
- • لقيت الدكتور بيقول الطفل كبر وبيتحرك في بطن أمه ولا كأنه جن مع ان الفتره دي او الشهور دي معروفه ان الطفل لا بيتحرك ولا اي حاجة سبحان الله
- • قولتله هوا في الشهر الكام
- • قالي في التالت وفاضلك 6 شهور وابنك ينور وممكن في اي وقت في السابع او التامن يحصل حاجه ابقى هاتهالي
- • قولتله تمام ومشينا وانا ماشي بفكر في حكايه كأنه جن دي يقصد بيها ايه
- • عدت الشهور وابني اتولد متأخر عن ميعاده بسبب تعب امه
- • كان قصاد الناس كلها طبيعي خالص
- • لكن قصادي كنت خايف منه جدا وحاسس بحاجا غريبه
- • بعد 6شهور من ولادته بقى بيحبي ودا كان مستحيل يحصل لأي طفل لازم على الاقل 8 شهور او سنه لكن 6 شهور مستحيل
- • اخدته للدكتور وقال مستحيل الطفل يحبي في فتره ال6 شهور بس سبحان الله مكتوبله كدا يكبر قبل أوانه
- • بس الي كان غريب ومرعب
- • انه كان بيحبي ويوصل لأماكن غريبه جدا
- • كان بيحب يحبي ويستخبي في أماكن ضالمه كتير
- • وكان كتير الاقيه جوا الحمام بليل واحنا نايمين
- • ايه الي يودي طفل لسا مكملش سنه الحمام في عز الليل
- • وايه الي يخلي طفل يستخبي في أماكن كلها ضالمه وهدوء
- • مش كدا وبس انا شوفت ابني بيمشي على الحيطه
- • ولقيته بيلف دماغه 180 درجه
- • انا ابني بقى مرعب جدا
- • والبيت كله بقى مرعب جدا
- • الساعه 1 بليل خرجت من اوضتي لقيت ابني واقف ووراه الجن الي ظهرلي في البيت اول ما جيت وبيبصلي وبيضحك
- • انا فضلت باصص على منظرهم وصرخت
- • مراتي صحيت على صوتي وجريت وعرفت ان في حاجا غلط
- • قالتلي اني لازم اشوف حل في الموضوع دا لاما ابننا ها يضيع مننا
- • من ساعه ما قرأت الكتاب والصفحه بتاعت الجن العاشق وانا حياتي اتبهدلت
- • كلمت هيثم مردش عليا
- • ركبت عربيتي وروحت الفيلا الي لقيت فيها الكتاب
- • وفتحت الباب ودخلت على طول على مكان الكتاب
- • وفتحت الصفحه الي قريت فيها تحضير الجن العاشق
- • ولقيت لاخفاءه وعدم ظهوره مره اخرى يجب اتباع تعاليم
- • المفروض اعمل حجات تجعلني كافر
- • سيبت الكتاب نهائيا ونزلت من الفيلا وروحت لمكان شيخ معروف جدا انه بتاع الحجات دي
- • دخلت عليه وعرفته القصه وأخذته البيت
- • دخل البيت وشاف ابني وزوجتي
- • قالي الجن جامع مراتك
- • اختلط الجن بيك واتولد ابنك بالجن
- • يعني ابنك نصفه انسان ونصفه جن
- • قولتله ازاي يعني الكلام دا انا مبامنش بالحاجات دي انا كنت واخدها لعب
• • قالي الهزار في الأمور دي خطر جدا
• • اولا للعلم الجن العاشق له انواع
• • نوع منه يتجسد في الانسه ولا يتركها الا بالموت
• • ونوع ثاني يجامع ويترك الطفل لولادته من الجن
• • ونوع اخر لا يترك الانثي في حالها حتي تموت
• • وانتا للأسف حضرت جن عاشق لا يطلب الا ايذائك وتدميرك
• • ومش ها يسيب البيت ولا ابنك الا لما يقضي عليك
• • انا قولتله انا جايبك تنقظني مش تقولي كدا
• • قالي مفيش غير اننا نعمل مراسم احراقه
• • قولتله نبدأ ازاي
• • قالي عاوز كل المتعلقات الي روحت بيها المكان اول مره
• • والمتعلقات كلها الي كانت في الاوضه في الجماع الي حصل بينك وبين زوجتك والجن
• • جيبت كل حاجا طلبها
• • قالي هات ابنك كمان لانه لازم يكون ما بين المراسم دي
• • بدور على ابني ملقتهوش
• • دورت عليه في البيت كله ملوش أثر
• • ابني ازاي اختفى دا لسا طفل رضيع
• • بصيت للشيخ راح قايلي لازم تشوف ابنك في مكان الكتاب
• • لو ملقتهوش يبقى الجن قتله وها يبقي الدور عليك وعلى مراتك
• • انا ركبت العربيه وروحت للمكان بسرعه لقيت ابني قاعد قصاد باب الفيلا واول ما قربت الباب اتقفل
• • فضلت احاول افتح الباب لحد ما فتح دخلت ادور عليه تحت ملقتهوش
• • سمعت صوت دوشه فوق وتكسير حجات
• • طلعت جري على الاوضه الي فيها الكتاب لقيت ابني
• • والكتاب مفتوح والجن قصاده
• • قعدت اقرا ايه الكرسي وقرات قرآن كتير لقيت المكان بدا ينهار والشبابيك تتكسر والبيبان تقفل وتفتح جامد اوووي وكأن المكان ها يتهد
• • شيلت ابني وطلعت برا الفيلا وركبت ورجعت للشيخ
• • لقيته مجهز كل حاجا وقالي اقعد وخلي ابنك ومراتك جمبك ومتخليهومش يبعدو
• • مسكت ابني ومراتى وهوا بدا يقرأ القرآن وبدأت المراسم والتحصين
• • لقيت البيت كله بيتقلب في بعضه وأصوات كتير بتطلع من كل ناحيه وحاله البيت اتقلبت
• • وبصيت على مراتي لقيت عنيها قلبت وعماله تقول أصوات غريبه
• • وابني جمبي عمال يتنفض
• • قالي الشيخ مراتك اتمست من الجن العاشق
• • وابنك كمان اتمس من الجن قبل ولادته حاول تتمالك فيهم لحد ما اخرج كل الطاقه السلبيه والشيطانيه منهم
• • ولقيته كل ما يزود كلام حركتهم تزيد
• • وبعد كدا لقيت حد بيتكلم
• • انا خرجت من الكتاب واتعذبت
• • ومش ها ارجع غير بالدم
• • وكان كل شويه يكررها
• • راح الشيخ رش على مراتي وابني حاجا فا سمعت صوت حد بيصرخ
• • وهوا قال كلام وبعد كدا لقيتهم بيتنفضو وبعد كدا هديو خالص قالي الجن رجع مكانه تاني في نفس الكتاب ونفس الصفحه
• بلاش تروح أماكن انتا متعرفش الي فيها ايه
• ابنك ها يفضل يتعالج بالقرآن على طول هوا اه طفل وميدركش حاجا بس القرآن شفاء ليه
• ومراتك كل يوم تسمع اجزاء من القرآن والأفضل لو يفضل شغال في اوضتها
• الأمور ها ترجع لطبيعتها تاني وها تعيش حياتك بأفضل حال
• وراح سايبني ومشي
• عملت كل حاجا قال عليها ودلوقتي احنا كويسين جدا وابني كبر ومفيش حاجه حصلت تاني
قصص رعب مستوحاة من الحقيقة
T_I_T_O
